Siyosat
Shavkat Mirziyoyev Budapeshtda Viktor Orban bilan muzokaralar o‘tkazdi
“Karmelita” saroyida O‘zbekiston Respublikasi Prezidenti Shavkat Mirziyoyev va Vengriya Bosh vaziri Viktor Orbanning tor doiradagi va rasmiy delegatsiyalar ishtirokidagi muzokaralari bo‘lib o‘tdi.
O‘zbekiston-Vengriya strategik sheriklik va ko‘p qirrali hamkorlik munosabatlarini yanada mustahkamlash masalalari ko‘rib chiqildi.
Davlatimiz rahbari Vengriya yetakchisiga Budapesht shahrida O‘zbekiston delegatsiyasiga ko‘rsatilayotgan samimiy qabul uchun minnatdorlik bildirdi.
Amaliy hamkorlik barcha yo‘nalishlarda izchil rivojlanib borayotgani mamnuniyat bilan qayd etildi. Parlamentlar, hukumatlar, idora va hududlar darajasida samarali aloqalar yo‘lga qo‘yilgan. BMT, Turkiy davlatlar tashkiloti va boshqa xalqaro tuzilmalar doirasida yaqin hamkorlik qilinmoqda.
O‘zaro savdo hajmi ortmoqda, iqtisodiyotning turli tarmoqlarida yetakchi korxonalarning kooperatsiyasi kuchaymoqda.
Tovar ayirboshlash hajmini, shu jumladan import o‘rnini bosish va “GSP+” maqomi hisobiga birinchi bosqichda 500 million yevroga yetkazish muhimligi qayd etildi.
Shu maqsadda laboratoriyalar Yevropa Ittifoqi talablariga muvofiq akkreditatsiyadan o‘tkaziladi, tovarlarni oldindan sertifikatlash dasturi va eksport qiluvchi kompaniyalarga ko‘maklashish bo‘yicha qo‘shma platforma ishga tushiriladi.
Ta’kidlash joizki, bugungi kunda qo‘shma investitsiya loyihalari portfeli 500 million dollarni tashkil etadi. Bu galgi tashrif uchun yana 1,5 milliard yevrolik yangi loyihalar tayyorlangan.
Vengriyaning “OTP” banki O‘zbekiston moliya bozoriga chiqqani Vengriya va Yevropa biznesi uchun kuchli rag‘bat bo‘lgani ta’kidlandi. Bank bilan moliyalashtirish vositalarini kengaytirish bo‘yicha kelishuvga erishildi. Avtokreditlashni rivojlantirish uchun qo‘shma kompaniya tashkil etish va biznesni qo‘llab-quvvatlash dasturini ishga tushirish shular jumlasidan. Sirdaryo viloyatida parrandachilik klasterini tashkil etish ham faol bosqichda.
Ertalab ishbilarmon doiralar vakillari bilan bo‘lib o‘tgan uchrashuvda transport infratuzilmasini modernizatsiya qilish, avtomobil yo‘llari va logistika markazlarini qurish, kommunal tarmoqlarni rivojlantirish, tayyor to‘qimachilik mahsulotlari, qurilish materiallari, kimyoviy tovarlar, farmatsevtika mahsulotlari ishlab chiqarish, raqamli texnologiyalar, baliqchilik kabi sohalarda yangi loyihalarni amalga oshirish bo‘yicha kelishuvlarga erishildi.
Bunday ishlab chiqarishlarni O‘zbekistonda joylashtirish uchun Vengriyaning “Inpark” operatori boshqaruvida Yevropa kompaniyalari uchun maxsus sanoat zonasi tashkil etilayotgani ta’kidlandi.
Umuman, joriy yil iyul oyida Budapesht shahrida bo‘lib o‘tadigan Hukumatlararo komissiyaning navbatdagi yig‘ilishida Investitsiyaviy sheriklik dasturini tayyorlash va qabul qilishga kelishib olindi.
Shuningdek, O‘zbekiston-Vengriya Ishbilarmonlar kengashi faoliyatini qayta tiklash va yaqin fursatda uning navbatdagi yig‘ilishini biznes vakillarining keng ishtirokida o‘tkazish taklif qilindi.
O‘tgan yil oktyabr oyida Qo‘qon shahrida o‘tgan birinchi Hududlar forumining samarali natijalari mamnuniyat bilan qayd etildi. Hududlararo aloqalarni rag‘batlantirish maqsadida Vengriyada ikkinchi forumga puxta tayyorgarlik ko‘rish yuzasidan kelishuvga erishildi.
Ishbilarmonlik, turizm va madaniy almashinuvlarni faollashtirish maqsadida ikki mamlakat o‘rtasida to‘g‘ridan-to‘g‘ri aviaqatnovlarni rivojlantirish masalalari ham ko‘rib chiqildi.
Madaniy-gumanitar sohadagi amaliy hamkorlikni kengaytirishga alohida e’tibor qaratildi.
O‘tgan yilning oktyabr oyida Lakitelek shahrida buyuk shoir Alisher Navoiy byusti ochildi. Joriy yilning yanvar oyida Budapeshtda O‘zbek kinosi kunlari o‘tkazildi.
Kelgusi yilni O‘zbekiston va Vengriya madaniyati yili deb e’lon qilish taklifi bildirildi. Vengriya davlat opera teatri sahnasida “Lazgi” baletini sahnalashtirish va Budapeshtdagi Etnografiya muzeyida o‘zbek madaniyati ko‘rgazmasini o‘tkazishga tayyorgarlik ko‘rilmoqda.
Ta’lim almashinuvi bo‘yicha “Stipendium Hungaricum” dasturi doirasidagi hamkorlik davom ettiriladi. Shuningdek, ikki mamlakatda tan olinadigan diplomlar berish tizimini joriy etish va mamlakatimizda Vengriya oliy ta’lim muassasalarining filiallarini tashkil etish imkoniyatlari ko‘rib chiqildi.
Shu ma’noda, joriy yilda Toshkent shahrida O‘zbekiston va Vengriya rektorlarining uchinchin forumini o‘tkazish taklif qilindi.
Yetakchilar xalqaro va mintaqaviy ahamiyatga molik dolzarb masalalar yuzasidan fikr almashdilar. Terrorizm, ekstremizm, narkotik moddalarning noqonuniy aylanmasi, odam savdosi va xavfsizlikka tahdid solayotgan boshqa zamonaviy xatarlarga qarshi kurashish borasidagi hamkorlikni davom ettirish muhim ekani ta’kidlandi.
Erishilgan kelishuvlar ijrosi ustidan nazorat o‘rnatish maqsadida mutasaddi vazirliklarga qo‘shma “yo‘l xaritasi”ni tayyorlash topshirildi.
Uchrashuv yakunida Prezident Shavkat Mirziyoyev Bosh vazir Viktor Orbanni javob tashrifi bilan O‘zbekistonga kelishni taklif etdi.
Sirdaryo viloyati hokimligida O‘zbekiston Respublikasi Prezidenti Administratsiyasi va Ichki ishlar vazirligi vakillari ishtirokida yig‘ilish o‘tkazildi. Unda jinoyatchilikning oldini olish, huquqbuzarliklar profilaktikasi va iqtisodiy jinoyatlarga qarshi kurashish borasidagi ustuvor vazifalar muhokama qilindi.
Yig‘ilishda Prezident Administratsiyasi Jamoat xavfsizligi va qonun ustuvorligi bo‘yicha departamenti rahbari ushbu yo‘nalishlarda amalga oshirilishi lozim bo‘lgan vazifalarga to‘xtaldi.
Viloyat hokimi va viloyat prokurori hududda jamoat xavfsizligini ta’minlash, jinoyatchilik va huquqbuzarliklarning oldini olish bo‘yicha amalga oshirilayotgan ishlar hamda kelgusidagi vazifalar yuzasidan fikr-mulohazalarini bildirdi.
Yig‘ilishda polkovnik Sardor Mirzaraimov Sirdaryo viloyati Ichki ishlar boshqarmasi boshlig‘i lavozimiga tayinlangani ma’lum qilindi. Yangi rahbar jamoatchilikka tanishtirildi.
Sardor Mirzaraimov tayinlovga qadar IIV Tezkor-qidiruv departamenti boshlig‘i o‘rinbosari — jinoyat qidiruv xizmati boshlig‘i lavozimida faoliyat yuritgan.
O‘zbekiston va Qirg‘iziston chegarasida «Mamay» o‘tkazish punkti ochilishi kutilmoqda. Bu haqda 24.kg xabar berdi.
Qirg‘iziston prezidentining maxsus topshiriqlar bo‘yicha maxsus vakili Bakit Torobayev Qirg‘izistonning Jalolobod viloyatidagi «Mamay» xalqaro o‘tkazish punkti loyihasini amalga oshirish jarayoni bilan tanishdi.
Uning ta’kidlashicha, mazkur postni ochish va Kerben — Mamay avtomobil yo‘lini qurish bo‘yicha muzokaralar olib borilmoqda.
«O‘tkazish punkti foydalanishga topshirilsa, mahalliy aholida ishlab chiqarilayotgan mahsulotlarni qo‘shni mamlakatga eksport qilish imkoniyati paydo bo‘ladi. Bu turizm rivojiga ham turtki beradi. Xususan, Padisho-Ota, Sari-Chelek va Qora-Qamish kabi go‘zal maskanlarga sayyohlar oqimi ko‘payishi kutilmoqda. Mahalliy aholining iqtisodiy faolligi oshadi», — dedi Torobayev.
Eslatib o‘tamiz, Qirg‘iziston–O‘zbekiston chegarasidagi «Mamay» o‘tkazish punkti 2020 yilda yopilgan edi. Qirg‘iziston Jo‘g‘org‘i Kenesh deputatlari so‘nggi bir necha yil davomida mazkur chegara posti faoliyatini qayta tiklashga chaqirib kelgan.
Ma’lum qilinishicha, 2026 yil iyul oyida Qirg‘iziston va O‘zbekiston o‘tkazish punktlari sonini 15 tadan 30 taga yetkazishga kelishib olgan.
Bugun Prezident Shavkat Mirziyoyev Xorazm viloyatiga tashrif buyuradi. Bu haqda prezident matbuot xizmati xabar berdi.
Davlatimiz rahbari hududda sanoat, ta’lim, transport, turizm va boshqa sohalarda amalga oshirilayotgan yangi loyihalar hamda yaratilgan infratuzilma bilan tanishadi.
Shuningdek, bir qator yangi loyihalarni ishga tushirish va qurilishiga start berish rejalashtirilgan.
Tashrif doirasida ertaga, 18-avgust kuni tadbirkorlar bilan navbatdagi ochiq muloqot bo‘lib o‘tadi.
Siyosat
«Ishonchni himoya qilish» tamoyili va davlat bojini qaytarish: Tadbirkorlar va fuqarolar kafolati
O‘zbekiston Prezidenti imzolagan qonunga ko‘ra, sud-huquq islohotlari doirasida fuqaro va tadbirkorlarning mulkiy va huquqiy himoyasini mustahkamlashga qaratilgan muhim tamoyillar amaliyotga tatbiq etilmoqda.
Quyida ularning bir nechtasi keltiriladi:
Agar shaxs davlat organining hujjatiga ishonib, o‘z majburiyatlarini to‘liq bajargan bo‘lsa (masalan, ajratilgan yer va binoda investitsiya majburiyatini bajargan bo‘lsa), mazkur hujjat keyinchalik arzimagan bahonalar bilan bekor qilinishi yoki o‘zgartirilishi mumkin emas.
Bunda istisno holatlar ya’ni hujjat faqat shaxs o‘z majburiyatini lozim darajada bajarmaganda yoki jamoat manfaatiga real tahdid solingandagina bekor qilinishi mumkin.
Qarzdorga nisbatan to‘lovga qobiliyatsizlik (bankrotlik) ishi qo‘zg‘atilgani sababli kreditorning da’vosi ko‘rib chiqilmay qolsa, u oldindan to‘lagan davlat boji to‘liq qaytarib beriladi.
Endilikda halol investorlar va tadbirkorlar o‘z majburiyatlarini bajargandan so‘ng arzimagan kamchiliklar sababli mol-mulki yoki yer maydonidan ayrilib qolish xavfidan himoyalanadi. Shuningdek, sudda ishi ko‘rib chiqilmagan tadbirkorlarning behuda pul yo‘qotishining oldi olinib, ularning moliyaviy resurslari muhofaza qilinadi.
O‘zbekiston Respublikasi Prezidenti Administratsiyasi faoliyatini tartibga soluvchi Konstitutsiyaviy Qonun qabul qilindi. Ushbu hujjat Qonunchilik palatasi tomonidan 6-avgustda qabul qilinib, 7-avgust kuni Senat tomonidan ma’qullangan edi.
Qonunga ko‘ra, Prezident Administratsiyasi davlat boshlig‘ining vakolatlarini tashkiliy, huquqiy va tahliliy jihatdan ta’minlaydigan davlat organi hisoblanadi. Administratsiya Prezidentga bevosita bo‘ysunadi va unga hisobdordir.
Shuningdek, Administratsiya Prezident farmonlari, qarorlari va topshiriqlari ijrosi doirasida davlat organlari va tashkilotlari faoliyatini muvofiqlashtiradi, ularning ijrosini monitoring qiladi va nazoratni tashkil etadi.
Administratsiyaning asosiy vazifalari qatoriga mamlakatning ijtimoiy-iqtisodiy va ijtimoiy-siyosiy rivojlanishini tahlil qilish, islohotlarni tashkiliy, huquqiy va tahliliy jihatdan ta’minlash kiritildi.
Shuningdek, qonuniylik va huquq-tartibotni ta’minlash, inson huquq va erkinliklariga rioya etilishiga ko‘maklashish hamda sud-huquq tizimini isloh qilishda ishtirok etish vazifalari belgilandi.
Administratsiya aholi va tadbirkorlik subyektlari bilan ochiq va to‘g‘ridan-to‘g‘ri muloqotni tashkil etish, fuqarolarning Prezidentga murojaat qilish huquqini amalga oshirishi uchun sharoit yaratish bilan ham shug‘ullanadi.
Bundan tashqari, davlat kadrlar siyosati, qonunchilik siyosati, tashqi munosabatlar va Prezident huzuridagi maslahat-kengash organlari faoliyatini tashkiliy ta’minlash ham Administratsiya vazifalari qatoriga kiritildi.
Qonun Administratsiyaga davlat organlari va tashkilotlaridan zarur ma’lumotlarni so‘rash va olish, ular faoliyatini muvofiqlashtirish hamda nazorat qilish vakolatini beradi.
Administratsiya rahbari esa Prezidentga bevosita bo‘ysunuvchi davlat organlari rahbarlari faoliyatini nazorat qilishi, ularga topshiriqlar berishi va natijadorligini baholashni tashkil etishi mumkin.
Hujjatda Administratsiya faoliyatining asosiy prinsiplari ham belgilangan. Ular qatorida Konstitutsiya va qonunlar ustunligi, inson huquq va erkinliklarining ustuvorligi, xolislik, mustaqillik, ochiqlik va shaffoflik ko‘rsatilgan.
Qonunning to‘liq matni bilan ushbu havola orqali tanishishingiz mumkin.
Bo‘ka tumaniga yangi hokim tasdiqlandi
Sirdaryo viloyati IIBga yangi rahbar tayinlandi
Yangi boshlayotgan tadbirkorlar 5 mlrd so‘mgacha kreditni onlayn rasmiylashtirishi mumkin
-
Iqtisodiyot4 days agoХоразмда бугуннинг ўзида 176 млн долларлик лойиҳалар ишга туширилди
-
Jamiyat5 days ago
Bugun O‘zbekistonda harorat 43 darajagacha ko‘tariladi
-
Jamiyat4 days ago
Surxondaryo viloyatining elektr ta’minoti to‘liq tiklandi
-
Iqtisodiyot4 days ago
O‘zbekiston avtomobil bozorida pasayish kuzatilmoqda
-
Siyosat4 days ago
Prezident bugun Xorazm viloyatiga boradi
-
Iqtisodiyot3 days agoIjtimoiy tadbirkorlik uchun davlat ko‘magi beriladi
-
Iqtisodiyot3 days ago
Muddatli to‘lov operatorlari faoliyati yo‘lga qo‘yiladi
-
Mahalliy2 days ago
Toshkentda maktabgacha ta’lim markazi tashkil etiladi