2024 yilda IELTS imtihonida yuqori ball olgan talabalar soni oshdi: 13,4 ming ishtirokchi 7–8 ball, 300 dan ortiq kishi esa 8,5 balldan yuqori natijaga erishdi. Borgan sari ko‘proq yoshlar ingliz tilini C1 va C2 darajasida bilishini tasdiqlayapti, ammo hamma ham bunday natija imtihon uchun to‘langan mablag‘ni qaytarib olish huquqini berishini bilmaydi.

Men, Asal Ravshanova, shu yil iyunda IELTS topshirdim va 7.0 ball oldim. my.gov.uz portali orqali kompensatsiya uchun ariza berdim va uch hafta ichida to‘lovni oldim. Aslida bu jarayon unchalik murakkab emas, lekin ba’zi nozik jihatlarni oldindan bilib olgan yaxshi.

Kimlar kompensatsiya olishi mumkin?

Kompensatsiya umumiy balli 7 va undan yuqori bo‘lganlarga beriladi. Bu ingliz tilini bilish darajasi yuqori – CEFR bo‘yicha C1–C2 ekanligini tasdiqlagan ishtirokchilar imtihon uchun sarflangan mablag‘ni qaytarib olish huquqiga ega degani. Masalan, agar siz IELTS topshirib, 7.0, 7.5, 8.0 va undan yuqori ball olgan bo‘lsangiz, imtihon xarajatlari qisman yoki to‘liq qoplab beriladi.

Qisman qaytarish faqat davlat kompensatsiyasi doirasida emas, balki nomzodning o‘zi imtihonni bekor qilgan taqdirda amal qiladi.

Agar imtihon test sanasidan (qog‘ozli shaklda) 5 hafta oldin yoki (kompyuterli shaklda) 2 hafta oldin bekor qilingan bo‘lsa – mablag‘ 25 % ma’muriy to‘lovni chiqarib tashlagan holda qaytariladi. Agar imtihon keyinroq bekor qilinsa — pul qaytarilmaydi.

Xarajatlarni qoplash dasturi (Vazirlar Mahkamasining 2021 yil 13 apreldagi 209-son qaroriga asosan) bo‘yicha mablag‘ni to‘liq qaytarish imtihondan faqat 7.0 va undan yuqori ball olganlarga qo‘llaniladi.

Vazirlar Mahkamasining 2021 yil 13 apreldagi 209-son qarori to‘liq matni

Kompensatsiya uchun arizani qanday topshirish mumkin?

So‘rov my.gov.uz portali orqali rasmiylashtiriladi. Shaxsiy kabinetga kirib, “Ta’lim va xalqaro imtihonlar uchun xarajatlarni qoplash» bo‘limini tanlang va elektron shaklni to‘ldiring.

my.gov.uz portalining bosh sahifasi. OneID yoki MyID orqali avtorizatsiya qilish uchun “Tizimga kirish” ko‘rsatilgan.

1. my.gov.uz portaliga kirish

my.gov.uz portalida ro‘yxatdan o‘tish taxminan 10 daqiqa vaqtni oladi. Tizimga OneID yoki MyID orqali kirish mumkin.

OneID — bu aksariyat onlayn davlat xizmatlari uchun standart avtorizatsiya usuli;

MyID — ID-karta orqali kirish, bu arizachining ma’lumotlari avtomatik ravishda yuklanadigan zamonaviy variant.

MyID orqali kirilganda tizim avtomatik ravishda foydalanuvchining asosiy ma’lumotlarini — familiyasi, ismi, JShShIR, manzili va tug‘ilgan sanasini to‘ldiradi. Bu anketa to‘ldirish jarayonini yengillashtiradi. Agar ma’lumotlar qo‘lda kiritilayotganda xatolikka yo‘l qo‘yilsa (masalan, familiyada yoki JShShIRda), ariza yuborilmaydi, tizim xato haqida xabar beradi.

Arizani yuborishdan oldin barcha ma’lumotlarni ikki marta tekshirish tavsiya etiladi. Ariza muvaffaqiyatli yuborilgandan keyin, uning holatini portaldagi shaxsiy kabinet orqali kuzatish mumkin.

my.gov.uz portalining OneID yoki MyID orqali kirish tugmalari. Ekranda avtorizatsiya usulini qanday tanlash ko‘rsatilgan.

2. Anketa to‘ldirish

my.gov.uz portalidagi «Ta’lim va xalqaro imtihonlar uchun xarajatlarni qoplash» xizmatini tanlagandan so‘ng, foydalanuvchi anketa to‘ldirishi kerak bo‘ladi.

my.gov.uz portalidagi qidiruv satri. Qidiruv satriga “ta’lim va xalqaro imtihonlar uchun xarajatlarni qoplash” kiritilgan, kerakli xizmat natijasi ko‘rsatilgan.

Bu bosqichda juda e’tiborli bo‘lish lozim: ko‘pincha aynan shu yerda xatoga yo‘l qo‘yilishi oqibatida ariza qabul qilinishi kechikadi yoki qaytariladi.

Tanlov ekranida imtihonni kim topshirganiga qarab «Arizachi» yoki «Ota-ona/ qonuniy vakil»ni tanlash ko‘rsatilgan.

Birinchi ekranda foydalanuvchi ariza kim tomonidan berilayotganini tanlashi kerak:

Ariza beruvchi — agar imtihonni o‘zi topshirgan bo‘lsa (31 yoshgacha bo‘lgan shaxs);
Ota-ona yoki qonuniy vakil — agar imtihonni 16 yoshga to‘lmagan bola topshirgan bo‘lsa.

Aynan mana shu orqali hujjatlar kimning nomiga rasmiylashtirilishi va kompensatsiya kimga to‘lanishi aniqlanadi.

Noto‘g‘ri tanlov arizaning rad etilishiga sabab bo‘ladi, shu sababli birinchi martadayoq to‘g‘ri variantni belgilash zarur.

Ariza beruvchi haqida ma’lumot

Ikkinchi bosqichda agar foydalanuvchi One ID orqali tizimga kirgan bo‘lsa, ayrim ma’lumotlar avtomatik ravishda to‘ldiriladi.

Qolgan maydonlarni esa tekshirib chiqish va zarurat bo‘lsa, qo‘lda to‘ldirish kerak bo‘ladi.

Shaxsiy ma’lumotlar to‘ldirilgan shakl. Qaysi ma’lumotlar (JShShIR, ism-familiya, manzil) avtomatik to‘ldirilishi va qayerda qo‘shimcha ma’lumotlar kiritish kerakligi

Quyidagi ma’lumotlar ko‘rsatiladi:

JShShIR (shaxsiy identifikatsion raqam, baza orqali avtomatik kiritiladi);
Doimiy yashash hududi va tumani;
Manzil (pasportdagi singari erkin shaklda yoziladi);
Telefon raqami — my.gov.uz portaliga bog‘langan faol mobil raqam;
Elektron pochta manzili (bildirishnomalar yuborish uchun kerak).

Barcha ma’lumotlar pasportdagi ma’lumotlar bilan to‘liq mos bo‘lishi muhim, aks holda keyin kompensatsiyani olishda muammolar kelib chiqishi mumkin.

3. Hujjatlarni yuklash

Anketaning so‘nggi bosqichida imtihon haqidagi ma’lumotlar va kompensatsiyani olish usuli belgilanadi.

Bu yerda quyidagi ma’lumotlarni ko‘rsatish kerak:

Kompensatsiya olinadigan hudud (viloyat);
To‘lov amalga oshiriladigan «Xalq banki» tuman filiali;
Imtihon turi — ro‘yxatdag IELTS Academic yoki IELTS General Training tanlanadi;
Sertifikatning ro‘yxatdan o‘tkazilgan raqami (IELTS sertifikatining chap yuqori burchagida ko‘rsatilgan);
Sertifikat olingan sana (kun, oy, yil shaklida);
Imtihon o‘tkazgan tashkilot — British Council yoki IDP Education.

fayllarni yuklash bo‘limi. IELTS sertifikati va PDF shaklidagi to‘lov kvitansiyasini qanday yuklash, «Xalq Banki» filiali va imtihon turini tanlash ko‘rsatilgan

So‘ngra quyidagi hujjatlar nusxasini PDF shaklida tizimga yuklash kerak:

IELTS sertifikati nusxasi;
Imtihon uchun to‘lov qilinganligi haqidagi kvitansiya.

Sertifikat IELTS va to‘lov kvitansiyasi

Barcha ma’lumotlar va fayllar ariza yuborilishidan oldin tekshiriladi. Tasdiqdan keyin ariza ko‘rib chiqish uchun yuboriladi.

4. Kutish va natija

Ariza yuborilganidan so‘ng, tizimda uning holati ko‘rsatiladi: «Ko‘rib chiqish uchun qabul qilindi». Buyog‘iga arizangiz tekshirilishini kutasiz va bu yerdagi muhim jihat: portalda ko‘rsatilgan 7 kunlik muhlat amalda har doim to‘g‘ri kelavermaydi. Tekshirish jarayoni, odatda, o‘rtacha 15 ish kunigacha davom etadi.

my.gov.uz portalidagi ariza. Arizaning qayta ishlanish bosqichlari ko‘rsatilgan – «Ko‘rib chiqish uchun qabul qilindi»dan «Ma’qullandi»gacha. Ariza holatini qanday kuzatish mumkinligi ko‘rsatilgan.

Ariza tasdiqlangandan so‘ng foydalanuvchi SMS-xabarnoma oladi, my.gov.uz shaxsiy kabinetida esa kompensatsiya olish huquqini tasdiqlovchi hujjat paydo bo‘ladi.

ma’qullangandan keyin berilgan hujjat namunasi. Ariza bo‘yicha qaror to‘g‘risidagi elektron xabarnoma ko‘rinishi

Amalda tekshiruv jarayoni 2 haftadan 4 haftagacha vaqt oladi — bu hudud va komissiyaning ish yukiga bog‘liq. Amalda ariza tasdiqlanishiga 23 kun ketgan.

Kompensatsiya olish uchun ariza ma’qullanganidan keyin mablag‘ my.gov.uz anketaңgizda ko‘rsatilgan bank hisob raqamingizga o‘tkaziladi.

Kompensatsiya tasdiqlanganidan so‘ng birdaniga emas, taxminan 5 kundan keyin kartaga tushgan.

Mablag‘ tushganligi haqida Xazna mobil ilovasidan SMS yoki push-xabarnoma

Natijada ariza topshirilganidan to pulni olishgacha bo‘lgan vaqt qariyb bir oy ketadi va bu normal muddat.

Bu bosqichda nima bo‘ladi?

Ariza avval hududiy xalq ta’limi boshqarmasi tomonidan tekshiriladi. So‘ng ma’lumotlar vazirlikka yuboriladi, u yerda IELTS sertifikati va to‘lov ma’lumotlari solishtirib chiqiladi. Agar barcha ma’lumotlar mos kelsa, tizim to‘lovni avtomatik ravishda ma’qullaydi.

Ba’zan ariza holati uzoq vaqt davomida o‘zgarmaydi, lekin bu ariza unutilganini anglatmaydi. Bu shunchaki uning tekshiruvga navbatda ekanligini bildiradi. Bir hafta ichida javob kelmasa ham bu tekshiruvning me’yoriy muddatidir. «Ko‘rib chiqish uchun qabul qilindi» degan yozuv turgan bo‘lsa, demak, hujjatlar ko‘rib chiqilayotganini bildiradi. Takroran ariza yuborish ko‘rib chiqish jarayonini sekinlashtiradi.

Mablag‘ni tanlangan «Xalq banki» filialida naqd yoki Xazna mobil ilovasi orqali (naqdsiz) olish mumkin.

Mablag‘ni mobil ilova orqali qanday olish mumkin?

Yaqindan buyon IELTS kompensatsiya dasturi bo‘yicha to‘lovlar ko‘pincha to‘g‘ridan-to‘g‘ri bank kartasiga emas, balki Iqtisodiyot va moliya vazirligining rasmiy platformasi – Xazna mobil ilovasi orqali amalga oshirilmoqda.

Ilova mablag‘larni xavfsiz o‘tkazishni ta’minlaydigan, davlat to‘lovlari va foydalanuvchi o‘rtasidagi vositachi sifatida xizmat qiladi.

“Ijtimoiy xizmatlar” bo‘limi va Xazna ilovasidagi shaxsni tasdiqlash uchun shakl

«Ijtimoiy xizmatlar» bo‘limida zarur ma’lumotlarni kiriting va shaxsingizni tasdiqlang.

Mablag‘ kelib tushgach, ilovani oching, balansingizni tekshiring va pulni Humo yoki Uzcard kartangizga o‘tkazing. Agar Xazna ilovasida ro‘yxatdan o‘tmagan bo‘lsangiz ham mablag‘ avtomatik ravishda ilovaga tushadi, biroq ilovaga kirib shaxsingizni tasdiqlamaguningizcha pulni olish imkoni bo‘lmaydi.

“Men IELTS imtihonini may oyida topshirdim va 7 ball oldim. my.gov.uz orqali ariza berdim, hujjatlarimni yukladim va «Xalq banki»ni tanladim. Tekshiruv taxminan uch hafta davom etdi. Keyin SMS orqali pul Xazna ilovasiga o‘tkazilgani haqida xabar keldi. Ilovani o‘rnatganimdan so‘ng mablag‘ni kartaga muammosiz o‘tkazdim”.

Nimani yodda tutish kerak?

IELTS kompensatsiyasi faqat 7.0 ball va undan yuqori natija olganlarga beriladi va arizani my.gov.uz portali orqali, barcha hujjatlarni to‘g‘ri rasmiylashtirgan holda topshirish lozim.
Hozirgi kunda to‘lovlar asosan Xazna ilovasi orqali amalga oshiriladi, shuning uchun oldindan ro‘yxatdan o‘ting — bu mablag‘ni tezroq olishga yordam beradi.
Arizani ko‘rib chiqishga uch haftaga yaqin vaqt ketadi, holatni shaxsiy kabinet yoki SMS-xabarnoma orqali kuzatish mumkin.
Ariza rad etilmasligi uchun anketani diqqat bilan to‘ldiring va va sertifikatni olgach darhol kompensatsiya uchun ariza bering, shunda mablag‘ni tezroq olasiz.

Source link