Iqtisodiyot
2025 yilda eng barqaror iqtisodiyotga ega davlatlar ma’lum qilindi
Hinrich Foundation fondi o‘zining yangilangan Sustainable Trade Index (STI) indeksini e’lon qildi – IMD World Competitiveness Center bilan hamkorlikda tayyorlangan dunyoning 30 yetakchi iqtisodiyoti yillik reytingi. Indeks mamlakatlarning iqtisodiy rivojlanish, ijtimoiy barqarorlik va ekologik mas’uliyatni uyg‘unlashtirgan holda qanday barqaror savdo qilishini baholaydi.
Reytingning asosiy maqsadi hukumatlarga, tadqiqotchilarga va ekspertlarga global savdo va iqtisodiy tizimlar barqarorligi o‘rtasidagi bog‘liqlikni tushunishga yordam berish hamda jahon iqtisodiyotining uzoq muddatli barqarorligi haqida munozaralarni rag‘batlantirishdan iborat.
2025 yilda Buyuk Britaniya birinchi o‘rinni egallab, o‘tgan yilgi ikkinchi o‘rindan ko‘tarilib, Yangi Zelandiyani ikkinchi o‘ringa siqib chiqardi. Avstraliya va Singapur o‘z o‘rinlarini mos ravishda 3- va 4-o‘rinlarda saqlab qoldi.
Ba’zi mamlakatlar sezilarli o‘sishni ko‘rsatdi: Janubiy Koreya 7-o‘rindan 5-o‘ringa ko‘tarildi, Malayziya 15-o‘rindan 12-o‘ringa, Shri-Lanka esa 26-o‘rindan 20-o‘ringa eng katta sakrashlardan birini amalga oshirdi.
Boshqalar, aksincha, o‘z o‘rnini yo‘qotdi: Tailand 12-o‘rindan 15-o‘ringa tushib ketdi, Laos 22 dan 25 ga, ichki ziddiyatli vaziyatda bo‘lgan Myanma 27-o‘rindan 30-o‘ringa tushib, Rossiya o‘rniga oxirgi o‘rinni egalladi (Rossiya 2023 va 2024 yillarda bu o‘rinni egallab turgan).
STI indeksi uchta asosiy yo‘nalish bo‘yicha tuzilgan bo‘lib, ular doirasida 72 ko‘rsatkich baholanadi:
iqtisodiy barqarorlik — raqobatbardoshlik, savdo ochiqligi, innovatsiyalar;
ijtimoiy barqarorlik — ta’lim darajasi, xodimlarning huquqlarini himoya qilish;
ekologik barqarorlik — energiya samaradorligi, emissiya, atrof-muhit siyosati.
Qizig‘i shundaki, aholi jon boshiga YaIM iqtisodiy va ijtimoiy yo‘nalishlar bilan sezilarli darajada bog‘liq, ammo ekologik ko‘rsatkichlar bilan unchalik bog‘liq emas.
Misol uchun, yuqori daromadli mamlakatlar — Buyuk Britaniya, Yangi Zelandiya va Avstraliya — ekologik yo‘nalish bo‘yicha kuchli natijalarni ko‘rsatdi. Shu bilan birga, Kanada, Janubiy Koreya va AQSh yalpi ichki mahsuloti yuqori bo‘lishiga qaramay, ekologik ko‘rsatkichlar bo‘yicha ortda qolmoqda.
O‘zbekiston Prezidenti Shavkat Mirziyoyev «Wabtec» kompaniyasi direktorlar kengashi raisi va bosh ijrochi direktori Rafael Santanani qabul qildi. Bu haqda Prezident matbuot xizmati xabar berdi.
Uchrashuvda mamlakatda temir yo‘l infratuzilmasi va tranzit salohiyati rivojlanayotganini hisobga olib, lokomotivlar parkini yangilash va kengaytirish masalalari ko‘rib chiqildi.
AQSh moliya institutlari ishtirokida lokomotivlarni uzoq muddatli servis xizmati bilan birga yetkazib berish imkoniyatlari muhokama qilindi.
Shuningdek, O‘zbekistonda texnik xizmat ko‘rsatishni yo‘lga qo‘yish, butlovchi qismlar ishlab chiqarish va mutaxassislar tayyorlash masalalari ko‘rib chiqildi.
Tog‘-kon korxonalari karer texnikasiga xizmat ko‘rsatuvchi servis markazini tashkil etish hamda dizel-generator qurilmalari bo‘yicha hamkorlik qilishga ham e’tibor qaratildi.
«Wabtec» lokomotivlar, temir yo‘l texnikasi, raqamli va servis yechimlarini ishlab chiqarish bo‘yicha jahondagi yetakchi kompaniyalardan biri hisoblanadi. Kompaniya Markaziy Osiyo mamlakatlarida ham loyihalarni amalga oshirmoqda.
Iqtisodiyot
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
Prezident Administratsiyasi rahbari Saida Mirziyoyeva XXRning Gonkong maxsus ma’muriy hududidagi eng yirik xoldinglardan biri — Henderson Land Group boshqaruvi raisi Piter Li bilan uchrashuv o‘tkazdi.
Tomonlar qayta tiklanuvchi energetika, Yangi Toshkent infratuzilmasini rivojlantirish va ta’lim sohalaridagi istiqbolli qo‘shma loyihalarni muhokama qildi.
«Mamlakatimiz investitsiyalar uchun ochiq va biz Gonkongning yetakchi biznes doiralari bilan hamkorlikdan manfaatdormiz. Sheriklikdagi tashabbuslarni, jumladan, yangi tashkil etilayotgan Toshkent xalqaro moliya markazi orqali ham qo‘llab-quvvatlashga tayyormiz», — deb yozdi Saida Mirziyoyeva.
Administratsiya rahbari O‘zbekiston va Gonkong o‘rtasida uzoq muddatli iqtisodiy hamkorlikni rivojlantirish uchun katta imkoniyatlar borligiga ishonch bildirdi.
Markaziy bank 2026-yil 9-oktyabrdan valyutalarning yangi kursini belgiladi.
AQSh dollari 37,38 so‘mga oshib, 11 846,57 so‘m etib belgilandi.
Yevro kursi 34,69 so‘mga oshdi va 13 240,91 so‘m bo‘ldi. Funt-sterling 15 631,55 so‘mni tashkil qildi (29,25).
Rossiya rubli 138,95 so‘m etib belgilandi (+0,8).
Markaziy bank 2026-yil 6-oktyabrdan valyutalarning yangi kursini belgiladi.
AQSh dollari 5,5 so‘mga oshib, 11 778,45 so‘m etib belgilandi.
Yevro kursi 25,62 so‘mga tushdi va 13 198,93 so‘m bo‘ldi. Funt-sterling 15 580,53 so‘mni tashkil qildi (+31,99).
Rossiya rubli 138,35 so‘m etib belgilandi (-2,79).
Milliy statistika qo‘mitasi ma’lumotlariga ko‘ra, 2026-yil yanvar–iyul oylarida O‘zbekistonga 46 davlatdan qariyb 28,5 ming tonna shokolad mahsulotlari olib kirilgan.
Import qilingan mahsulotlarning umumiy qiymati 123,7 mln AQSh dollarini tashkil etgan. Bu o‘tgan yilning mos davriga nisbatan 1,6 ming tonnaga yoki 6 foizga ko‘p.
Import hajmi bo‘yicha Rossiya keskin ustunlik qilgan. Yilning dastlabki yetti oyida Rossiyadan O‘zbekistonga 19,5 ming tonna shokolad mahsulotlari yetkazib berilgan.
Rossiyadan kelgan shokolad mahsulotlari umumiy importning qariyb 70 foizini tashkil etgan. Keyingi o‘rinda Ukraina bo‘lib, undan 2,2 ming tonna mahsulot import qilingan.
Qozog‘istondan 914 tonna, Belarusdan 805,2 tonna shokolad mahsulotlari olib kirilgan. Litvadan import 746,2 tonnani tashkil etgan.
Turkmaniston 715,2 tonna, Turkiya esa 569,5 tonna ko‘rsatkich bilan keyingi o‘rinlarda qayd etilgan. Qolgan davlatlar hisobiga 3 ming tonna mahsulot to‘g‘ri kelgan.
O‘zbekiston do‘konlarida 73 turdagi mahsulot sifatsiz deb topildi
Tadbirkorlar jarimaning 50 foizini to‘lab, qolgan qismidan ozod etilishi mumkin
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Iqtisodiyot4 days ago
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
-
Jamiyat4 days ago
Toshkentda xalqaro moda akademiyasi tashkil etiladi
-
Iqtisodiyot1 day ago
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Jamiyat1 day ago
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Jamiyat1 day ago
O‘zbekiston do‘konlarida 73 turdagi mahsulot sifatsiz deb topildi