Jamiyat
Yulduzlardan yo‘l xaritasigacha: taraqqiyotning yangi strategiyasi
2025 yil 26 dekabr kuni O‘zbekiston Respublikasi Prezidenti tomonidan Oliy Majlisga va ko‘p millatli xalqimizga yo‘llangan Murojaatnoma davlat taraqqiyotining navbatdagi bosqichini belgilab bergan, strategik va mafkuraviy jihatdan o‘ta muhim siyosiy hujjat sifatida tarixga kirdi. Ushbu Murojaatnoma nafaqat yaqin yillar, balki mamlakatning keyingi o‘n yillikdagi institutsional qiyofasini shakllantirishga qaratilgan dasturiy yo‘l xaritasi hisoblanadi.
Tarixiy vorislik va zamonaviy taraqqiyot uyg‘unligi
Murojaatnomada qo‘llangan eng ta’sirli ramziy obraz — Mirzo Ulug‘bek bobomizning yulduzlar xaritasiga murojaat bo‘ldi. Prezident ushbu obraz orqali olti asr avvalgi ilmiy tafakkur va sivilizatsion yutuqlarni bugungi davlatchilik tajribasi bilan ma’naviy va g‘oyaviy jihatdan bog‘ladi.
“Bugun esa biz hozirgi va kelajak avlodlarimiz uchun baxtli hayotga olib boradigan yo‘l xaritasini yaratishimiz lozim”, degan fikr davlat siyosatida qisqa muddatli qarorlardan uzoq muddatli strategik fikrlashga o‘tish zarurligini anglatadi. Bu yondashuv Yangi O‘zbekiston siyosiy ongining sifat jihatdan yangi bosqichga ko‘tarilganini ko‘rsatadi.
Islohotlarning yangi formulasi
Agar so‘nggi to‘qqiz yil islohotlarni boshlash, iqtisodiyotni tiklash va mamlakatni tashqi dunyoga ochish davri bo‘lgan bo‘lsa, 2026 yildan e’tiboran davlat siyosatining markaziga natijadorlik va inson manfaati qo‘yilmoqda.
Iqtisodiy erkinlik — bozor munosabatlarini yanada chuqurlashtirish, xususiy mulk daxlsizligini ta’minlash va raqamli xizmatlarni har bir xonadongacha yetkazish orqali iqtisodiy faollikni kengaytirishda namoyon bo‘ladi.
Ijtimoiy himoya esa passiv yordamdan faol ijtimoiy integratsiyaga o‘tishni nazarda tutadi. Bu tizim insonni boqishga emas, balki uning mehnati, bilimi va tashabbusi orqali jamiyat hayotida to‘liq ishtirokini ta’minlashga qaratilgan.
“Mahalla – Inson – Natija” formulasi davlat boshqaruvini quyidan yuqoriga qarab tashkil etishga asoslangan, milliy xususiyatlarga mos samarali model sifatida shakllanmoqda.
Ozod va mas’uliyatli fuqaro konsepsiyasi
Murojaatnomada davlat va jamiyat o‘rtasidagi munosabatlarni qayta anglash hamda zamon talablariga mos ravishda yangilash zarurati ochiq-oydin belgilab berildi.
Bu yondashuv fuqaroni islohotlarning passiv ob’yekti emas, balki davlat siyosatining faol sub’yekti sifatida ko‘rish tamoyiliga asoslanadi. Shu ma’noda, Yangi O‘zbekiston taraqqiyotining mustahkam poydevori — mustaqil fikrlaydigan, o‘z huquq va erkinliklarini anglaydigan, jamiyat hayotida tashabbuskor va mas’uliyatli pozitsiya egallaydigan fuqarodir.
Bunday sharoitda davlat boshqaruvining ochiqlik, hisobdorlik va fuqarolar manfaatiga xizmat qilish tamoyillariga to‘liq o‘tishi huquqiy davlat va ochiq jamiyatni barpo etishda hal qiluvchi omilga aylanadi.
Global tahdidlar sharoitida milliy jipslik
Jahonda geosiyosiy ziddiyatlar, iqtisodiy beqarorlik va turli xavf-xatarlar kuchayib borayotgan bir paytda, Murojaatnomada ichki birlik va ijtimoiy barqarorlikka alohida urg‘u berildi.
“Bir bo‘lsak, yagona xalq, yagona millat bo‘lib olg‘a intilsak, ko‘zlagan ulkan maqsadlarimizga albatta yetamiz!” degan da’vat barcha siyosiy kuchlar, ijtimoiy qatlamlar va fuqarolik jamiyati institutlarini umumiy strategik maqsad atrofida birlashtirishga qaratilgan tarixiy chaqiriq sifatida yangradi.
Tahlillar shuni ko‘rsatadiki, ushbu Murojaatnomada uchta asosiy ustuvor yo‘nalish yaqqol namoyon bo‘ladi:
Institutsional barqarorlik — qonun ustuvorligi, mustaqil sud hokimiyati va samarali davlat institutlari.
Texnologik jadallik — raqamlashtirish, innovatsiyalar va logistika tizimini rivojlantirish orqali raqobatbardosh iqtisodiyotni shakllantirish.
Ma’naviy suverenitet — milliy qadriyatlar, fuqarolik erkinligi va ma’naviy barqarorlikni ta’minlash.
Ushbu Murojaatnoma 2026 yilni nafaqat barqaror iqtisodiy o‘sish, balki inson qadrini yuksaltirish, fuqaroni davlat siyosatining bosh mezoni va markaziy sub’yekti sifatida qaror toptirishga qaratilgan qat’iy, izchil va uzoq muddatli harakatlar dasturiga aylantirdi.
Ibrohimjon Saydullayev,
Demokratik jarayonlarni tahlil qilish markazi xodimi
Toshkent va Navoiy viloyatlarida o‘tkazilgan tezkor tadbirlar davomida yerdan foydalanish uchun ruxsatnoma rasmiylashtirish hamda ishga joylashtirish evaziga pora olgan mansabdor shaxslar qo‘lga olindi. Har ikki holat yuzasidan jinoyat ishlari qo‘zg‘atilib, tergov harakatlari olib borilmoqda.
Foto: Davlat xavfsizlik xizmati
Davlat xavfsizlik xizmati hamda huquqni muhofaza qiluvchi organlar tomonidan korrupsiyaga qarshi kurashish doirasida Toshkent va Navoiy viloyatlarida tezkor tadbirlar o‘tkazildi.
Ma’lum qilinishicha, Toshkent viloyatida O‘simliklar karantini va himoyasi agentligining tuman bo‘limlaridan biri inspektori fuqaroga davlat zaxirasidagi 20 gektar yer maydonidan tabiiy chimni ko‘chirib olish huquqini beruvchi sertifikat hamda uni tashish uchun deklaratsiya hujjatini rasmiylashtirib berish evaziga 2200 AQSh dollari olgan vaqtida ashyoviy dalillar bilan ushlangan.
Tergovga qadar tekshiruvda inspektor ushbu mablag‘ning 200 AQSh dollarini o‘zida qoldirib, qolgan 2 ming AQSh dollarini tuman bo‘limi boshlig‘iga berishni rejalashtirgani aniqlangan. Keyingi tezkor tadbirda bo‘lim boshlig‘i ham mazkur pul mablag‘ini olgan vaqtida qo‘lga olingan.
Navoiy viloyatida esa DXX, Iqtisodiy jinoyatlarga qarshi kurashish departamenti hamda ichki ishlar organlari hamkorligida o‘tkazilgan tadbirda «Navoiy suv ta’minoti» AJning tuman bo‘limlaridan biri mashinisti mahalliy fuqaroni tanishlari orqali operator lavozimiga ishga joylashtirib berish evaziga 500 AQSh dollari olgan vaqtida ushlangan.
Tezkor tadbir davomida ushbu pul mablag‘ini qabul qilgan, muqaddam sudlangan bosh muhandis ham qo‘lga olingan. Shuningdek, noqonuniy holatga tuman bo‘limi boshlig‘ining ham aloqadorligi aniqlanib, holat protsessual tartibda rasmiylashtirilgan.
Hozirda har ikki holat bo‘yicha jinoyat ishlari qo‘zg‘atilib, tergov harakatlari olib borilmoqda.
Andijon viloyatidagi «Do‘stlik» chegara bojxona postida qo‘shni davlatga yo‘l olgan fuqaro do‘ppisi ichiga yashirilgan 35,6 ming AQSh dollari bilan ushlandi. Bojxona deklaratsiyasida ko‘rsatilmagan valuta protsessual tartibda olib qo‘yildi.
Foto: Bojxona qo‘mitasi
Holat Andijon viloyati bojxona boshqarmasining «Do‘stlik» chegara bojxona postida aniqlangan.
Ma’lum qilinishicha, qo‘shni davlatga chiqib ketayotgan 51 yoshli fuqaro boshidagi do‘ppining ichiga 35,6 ming AQSh dollarini yashirgan holda mamlakat hududidan olib chiqishga uringan.
Bojxona nazorati davomida yo‘lovchining deklaratsiyasi tekshirilgan va og‘zaki so‘rov o‘tkazilgan. Natijada deklaratsiyada ko‘rsatilmagan hamda ma’lum qilinmagan naqd xorijiy valuta aniqlanib, belgilangan tartibda olib qo‘yilgan.
Bojxona qo‘mitasi eslatishicha, amaldagi qonunchilikka muvofiq, O‘zbekiston rezidentlari mamlakat hududidan 100 million so‘m ekvivalentigacha bo‘lgan miqdordagi naqd xorijiy valutani olib chiqish huquqiga ega.
Ayni paytda mazkur holat yuzasidan bojxona tekshiruvlari davom ettirilmoqda.
Qamchiq dovonida harakatlanayotgan yonilg‘i tashishga mo‘ljallangan maxsus yuk avtomobili haydovchisi boshqaruvni yo‘qotishi oqibatida yo‘lni ajratuvchi temir to‘siqqa urilib, harakatni davom ettira olmay qolgan. Hodisa oqibatida jabrlanganlar yo‘q.
Favqulodda vaziyatlar vazirligi ma’lum qilishicha, hodisa 30 iyun kuni soat 13:59 da A-373 avtomobil yo‘lining Qamchiq dovoni hududida sodir bo‘lgan.
Ma’lumotga ko‘ra, yonilg‘i tashishga mo‘ljallangan maxsus yuk avtomobili haydovchisi boshqaruvni yo‘qotgan va transport vositasi yo‘lni ajratuvchi temir to‘siqqa urilib, harakatdan to‘xtagan.
Xabar kelib tushgach, «Qamchiq» maxsus qutqaruv boshqarmasi qutqaruvchilari voqea joyiga tezkorlik bilan yetib borgan. Maxsus texnikalar yordamida avtomobil xavfsiz hududga olib chiqilgan.
Qayd etilishicha, yo‘l-transport hodisasi oqibatida tan jarohati olganlar yo‘q.
Samarqand va Qashqadaryo viloyatlarida gaz ta’minoti hamda kadastr tizimida sodir etilgan korrupsion jinoyatlar fosh etildi. Har ikki holat bo‘yicha jinoyat ishlari qo‘zg‘atilib, tergov harakatlari olib borilmoqda.
Davlat xavfsizlik xizmati hamda Iqtisodiy jinoyatlarga qarshi kurashish departamenti tomonidan o‘tkazilgan tezkor tadbirlar davomida Samarqand va Qashqadaryo viloyatlarida korrupsiya bilan bog‘liq ikki holatga chek qo‘yildi.
Ma’lum qilinishicha, Samarqand viloyatidagi «Urguttumangaz» gaz ta’minoti bo‘limining mansabdor xodimi hamda ushbu tashkilotning sobiq xodimi mahalliy MChJga qarashli ishlab chiqarish sexiga yangi tabiiy gaz taqsimlash uskunasini o‘rnatish uchun loyiha hujjatlarini rasmiylashtirish va texnik shart ruxsatnomasini olib berish evaziga 2 ming AQSh dollari talab qilgan. Ular so‘ralgan pul mablag‘ini olgan vaqtda ashyoviy dalillar bilan ushlangan.
Qashqadaryo viloyatida esa Kadastr agentligining tuman bo‘limi boshlig‘i mahalliy fuqaroga issiqxona qurish uchun ajratilgan 50 sotix sug‘oriladigan yer maydonini boshqa shaxs nomiga rasmiylashtirib berishni va’da qilib, buning uchun muqaddam 11 600 AQSh dollari olgani aniqlangan.
Tergovga qadar tekshiruvda mansabdor shaxs olgan mablag‘ining bir qismini — 49,7 mln so‘mni qaytarib bergan vaqtida uning noqonuniy harakatlari fosh etilgan. Keyinchalik qolgan 89,5 mln so‘m ham jabrlanuvchiga qaytarilgan.
Hozirda har ikki holat yuzasidan jinoyat ishlari qo‘zg‘atilib, tergov harakatlari davom etmoqda.
DXX fuqarolarga murojaat qilib, kundalik hayotda korrupsiya va boshqa qonunbuzilish holatlariga duch kelganda, idoraning 1520 qisqa raqamiga qo‘ng‘iroq qilib xabar berishni so‘radi. Qayd etilishicha, murojaat etuvchilarning shaxsi sir saqlanishi kafolatlanadi.
Bolaga Howo yuk mashinasi boshqaruvini ammasining o‘g‘li ishonib topshirgan. “Mashina boshqarishni o‘rgatmoqchi edim”, degan u. Mashina jarima maydoniga joylashtirilgan, huquqbuzarlarga esa ma’muriy bayonnoma rasmiylashtirilgan.
Navoiyda Howo yuk mashinasi boshqaruvini 7 yoshli bolaga ishonib topshirgan shaxs aniqlandi. Bu haqda viloyat YHXB axborot xizmati xabar berdi.
Ijtimoiy tarmoqlarda yosh bola yuk mashinasini boshqarib borayotgani aks etgan videolavha tarqaldi. Qoidabuzarlik yuzasidan tezkorlik bilan surishtiruv harakatlari olib borilgan. Jarayonda voqea 2025 yil sentabr oyida bo‘lgani aniqlangan.
Ma’lum bo‘lishicha, bolaga boshqaruvchi uning ammasini o‘g‘li ishonib topshirgan. “Akam menga katta mashinasini berdi. Men uni boshqardim. Endi qaytib qilmayman”, degan bola.
Huquqbuzar qilgan ishidan afsusda ekanini aytib, jiyaniga mashina boshqarishni o‘rgatmoqchi bo‘lganini bildirgan.
Karmanalik ushbu shaxsning xatti-harakati va ota-onaning farzandini nazoratsiz qoldirgani yuzasidan MJtKning tegishli bandlari bilan ma’muriy bayonnomalar rasmiylashtirilgan. Yuk mashinasi esa jarima maydoniga joylashtirilgan.
Avvalroq Farg‘onada voyaga yetmagan shaxs Malibu’da uchta bolani urib ketgan edi. Ulardan biri vafot etgandi.
Toshkent va Navoiyda mansabdorlar pora bilan ushlandi
JCh kundaligi. Mbappe Messini ta’qib qilmoqda
Andijonda do‘ppisi ichiga 35 ming dollar yashirgan yo‘lovchi ushlandi
-
Dunyodan2 days agoEron Hormuz boʻgʻozi orqali oʻtayotgan kemalarni ogohlantirdi
-
Dunyodan4 days agoQirgʻiziston va Oʻzbekiston chegarani delimitatsiya qilish doirasida hudud almashadilar
-
Sport5 days agoDo‘stlar sharafiga Lamin Yamal deb nomlangan bola – jahon futbol yulduzi haqida
-
Iqtisodiyot5 days ago
Ertaga dollar tushib, yevro biroz ko‘tariladi
-
Iqtisodiyot5 days ago
O‘zbekiston kivilarni asosan Erondan import qilmoqda
-
Jamiyat5 days agoVatanparvar jurnalistlarni o‘zimga do‘st va maslakdosh deb bilaman
-
Iqtisodiyot3 days ago“Xohlagan ekinni ekish mumkin” – Yangi tartib fermerga nima beradi?
-
Sport4 days agoJCh kundaligi. Kabo-Verdeda mo‘jiza, Urugvayda sharmandalik, Dembeleda het-trik, Eronda drama