Iqtisodiyot
Yillik inflatsiya 8,8 foizga tushgani ma’lum qilindi
Avgust oyida oziq-ovqatlar 0,6 foizga, nooziq tovarlar va xizmatlar esa 0,3 foizga qimmatlashdi, deya ma’lum qildi Statistika agentligi. Yillik inflatsiya 8,8 foiz, xizmatlar sektorida esa 16,2 foizni tashkil etmoqda. Oxirgi bir yilda Farg‘ona viloyatida narxlar boshqa hududlarga nisbatan sezilarli tez ko‘tarilgan.
Avgust oyi yakunlari bo‘yicha O‘zbekistonda yillik inflatsiya 8,8 foizga baholandi. Statistika agentligiga ko‘ra, o‘tgan oyda iste’mol narxlari o‘rtacha 0,4 foizga oshgan.
Meva-sabzavot narxlaridagi o‘zgarishlarni inobatga olmaganda, yillik inflatsiya 9,4 foizni tashkil etmoqda.
Avgustda oziq-ovqat mahsulotlari 0,6% (yillik 6,7%)ga, nooziq-ovqat tovarlar 0,3% (6,6%)ga, xizmatlar ham 0,3% (16,2%)ga qimmatlashdi.
Oziq-ovqatlar
Avgust oyida tuxum 2,7 foizga qimmatlashdi (yillik nisbatda –6,6 foizga arzonlashgan). Go‘sht mahsulotlaridan tovuq boldiri va son qismlari 2,1% (yillik 5,8%), qo‘y go‘shti 1,4% (28,5%), suyaksiz mol go‘shti 0,7% (25,7%), suyakli mol go‘shti 0,2% (24,9%)ga qimmatlashdi.
“Respublika bozorlarida mol go‘shtining arzonlashtirilgan narxlarda (1 kg uchun 65 000-75 000 so‘m oralig‘ida) faol sotilishi o‘rtacha narxlar darajasiga ta’sir ko‘rsatdi va go‘sht narxining indeksi keskin oshib ketmasligiga sabab bo‘ldi”, – deyiladi Statistika agentligi izohida.
Avgust oyida narxi tushgan asosiy oziq-ovqatlar quyidagilar: guruch –0,1% (yillik –17,2%), suli yormasi 0,2% (3,6%), oliy navli bug‘doy unidan tayyorlangan non 0,2% (2,1%), karamel konfetlar 0,2% (3,4%) va ugra 0,4% (3,5%) arzonlashdi.
Meva-sabzavotlar
Meva-sabzavot orasidan eng sezilarli o‘zgarish 28,7 foizga (yillik 9,9%) qimmatlashgan tarvuzda kuzatildi. Qovun 11,7% (3,7%)ga, karam 11,4% (46,5%)ga, kartoshka 3,5% (32,0%)ga, banan narxlari 2,8% (-7,0%)ga oshdi.
Narxi eng ko‘p arzonlashgan mahsulot esa momidor bo‘ldi: 16,8% (-34,7%). Shuningdek, oy davomida uzum 5,4% (-39,5%)ga, baqlajon 4,3% (-12,4%)ga, bodring 3,1% (-15,3%)ga, sabzi 3,1% (69,1%)ga, bulg‘or qalampiri 2,8% (-16,0%)ga, piyoz 2,3% (40,1%)ga, olma narxlari 1,0% (-16,6%)ga tushishi kuzatildi.
Chiqindi, kommunal va ta’mirlash
2025 yil avgust oyidan boshlab, Buxoro viloyatida maishiy chiqindilarni olib ketish va Xorazm viloyatida ko‘p qavatli uylarga xizmat ko‘rsatish xizmatlari tariflari oshdi. Ko‘rsatilgan xizmatlarning oylik iste’mol indeksi respublika bo‘yicha mos ravishda 103,0% va 100,3% ni tashkil etdi.
Turar joylarga xizmat ko‘rsatish va ta’mirlash uchun materiallar oy davomida 0,4% ga oshdi.
Davolanish
Oy davomida dori vositalari narxi 0,2 foizga oshib, yillik qimmatlashish 8,1 foizga teng bo‘ldi.
Ambulator davolash xizmatlari avgustda 0,4 foizga, yillik 9,7 foizga ko‘tarildi.
Sog‘liqni saqlashning boshqa xizmatlari bir oyda 0,6 foizga, bir yilda 11,6 foizga oshgan.
Transport
Statistika agentligiga ko‘ra, oy davomida benzin 3,1 foizga, xususan AI-80 benzini 4,6 foizga qimmatlagan. Benzin narxi oxirgi bir yilda 11,1 foizga ko‘tarilgan.
Propan narxi esa o‘tgan oyda 0,6 foizga, yillik nisbatda 93,9 foizga oshdi.
Avgustda metan narxida sezilarli o‘zgarish kuzatilmadi, hozirgi narx o‘tgan yilning avgustiga nisbatan 31 foizga yuqori.
Avtoturargoh xizmatlari o‘rtacha 0,7% (13,6%)ga, haydovchilikka tayyorlash kurslari 1,6% (71,3%)ga, shaxsiy transport vositalariga texnik xizmat ko‘rsatish va ta’mirlash xizmatlari 0,6% (11,7%)ga qimmatlashdi.
Yo‘lovchi tashish xizmatlari avgust oyida 0,1 foizga arzonlashdi. Izohlanishicha, bu – kuzatuvga tanlab olingan uzoq masofaga qatnaydigan poyezdlar va samolyot chiptalarining narxlari pasayishi va milliy valutaning mustahkamlanishi bilan bog‘liq.
Inflatsiya hududlar kesimida
Avgust oyida narxlarning eng ko‘p oshishi (0,7%) Buxoro viloyatida kuzatildi.
Yillik inflatsiya esa Farg‘onada eng yuqori: 9,7 foiz. Oxirgi bir yilda boshqa hech bir hududda pulning qadrsizlanishi 9 foizga ham yetmagan.
Xususan, poytaxt Toshkentdagi yillik inflatsiya 8,7 foizni tashkil etmoqda.
Raqobat qo‘mitasi hududiy boshqarmalari davlat xaridlari sohasida o‘tkazilgan monitoring va murojaatlar tahlili natijasida umumiy qiymati 17 mlrd so‘mdan ortiq davlat xaridlarida qonunbuzilish holatlarini aniqladi.
Qonun talablari buzilgan xaridlar qatoridan Andijon, Buxoro, Qoraqalpog‘iston, Farg‘ona, Jizzax, Namangan, Navoiy, Samarqand, Sirdaryo, Xorazm, Toshkent viloyati hamda Toshkent shahridagi davlat tashkilotlari o‘rin olgan.
Eng yirik qonunbuzilishlar:
«Mikrokreditbank» ATB – qariyb 2,8 mlrd so‘m;
Respublika ftiziatriya va pulmonologiya tibbiy reabilitatsiya markazi – qariyb 2,5 mlrd so‘m;
Saksonota davlat o‘rmon ishlab chiqarish korxonasi – 1,3 mlrd so‘mdan ortiq;
Chapqirg‘oq Amudaryo irrigatsiya tizimlari havza boshqarmasi huzuridagi Nasos stansiyalari va energetika boshqarmasi – qariyb 1,3 mlrd so‘m;
«Samarqand xalqaro aeroporti» MChJ – 1 mlrd so‘mdan ortiq davlat xaridi.
Qo‘mita ma’lum qilishicha, eng yaxshi takliflarni tanlash savdolarida «Raqobat to‘g‘risida»gi Qonunning 29-moddasi talablari buzilib, raqobatni cheklashi mumkin bo‘lgan harakatlar aniqlangan.
Shu munosabat bilan buyurtmachi tashkilotlarga nisbatan ishlar qo‘zg‘atilib, belgilangan tartibda ta’sir choralari qo‘llanildi. Shuningdek, qonunbuzilishlarni bartaraf etish va kelgusida takrorlanmasligi bo‘yicha majburiy ko‘rsatmalar berildi.
Raqobat qo‘mitasi davlat xaridlarida qonun ustuvorligini ta’minlash, budjet mablag‘larining shaffof va samarali sarflanishi hamda tadbirkorlar uchun teng raqobat muhitini yaratish ustuvor vazifalardan biri ekanini ta’kidladi.
Dollar kursida yana keskin ko‘tarilish yuz berdi
Source link
O‘zbekistonda kreativ iqtisodiyotni rivojlantirishning yangi bosqichi doirasida kreativ park rezidentlari uchun qator soliq imtiyozlari joriy etildi. Bu tartib Prezidentning 2025-yil 26-martdagi PF–61-son Farmoni bilan belgilangan.
Hujjatga muvofiq, mazkur imtiyozlar 2025-yil 1-maydan 2031-yil 1-yanvarga qadar amal qiladi. Ular kreativ sohada faoliyat yurituvchi tadbirkorlik subyektlarining moliyaviy yukini kamaytirish, yangi ish o‘rinlari yaratish hamda sohaning raqobatbardoshligini oshirishga qaratilgan.
Farmonga ko‘ra, kreativ park rezidentlari ijtimoiy soliq hamda jismoniy shaxslardan olinadigan daromad solig‘ini amaldagi stavkaning 50 foizi miqdorida to‘laydi. Bu mehnatga oid xarajatlarni qisqartirish va xodimlarni rasmiy ish bilan ta’minlashni rag‘batlantirishga xizmat qiladi.
Yangi tartibga muvofiq, kreativ park rezidentlari tovarlar, ishlar va xizmatlarni realizatsiya qilishdan olinadigan daromad hajmidan qat’i nazar, aylanmadan olinadigan soliq to‘lovchisi sifatida faoliyat yuritish huquqiga ega bo‘ladi.
Shu bilan birga, rezidentlar o‘z xohishiga ko‘ra umumbelgilangan soliq solish tartibiga o‘tish imkoniyatini ham saqlab qoladi.
Kreativ park rezidenti maqomini olgan yuridik va jismoniy shaxslar adabiy ijod, amaliy san’at va hunarmandchilik, arxitektura, loyihalashtirish va urbanistika, audiovizual san’at, ijrochilik san’ati hamda kreativ ijod bilan bog‘liq boshqa yo‘nalishlarda faoliyat yuritishi mumkin.
Soliq imtiyozlari barcha kreativ soha vakillariga emas, balki belgilangan talablarga javob beradigan kreativ park rezidentlariga tatbiq etiladi.
Xususan, mazkur yengilliklardan faqat daromadining kamida 80 foizi kreativ iqtisodiyot yo‘nalishidagi faoliyat hisobiga shakllanadigan hamda rasman kreativ park rezidenti maqomini olgan yuridik va jismoniy shaxslar foydalanishi mumkin.
Quyidagi jadvallarda Vazirlar Mahkamasining 90-sonli qarori bilan tasdiqlangan kreativ industriya sohalaridagi iqtisodiy faoliyat turlari keltirilgan:
Prezident Shavkat Mirziyoyev neft-gaz tarmog‘ida navbatdagi kuz-qish mavsumiga tayyorgarlik ishlarining borishi yuzasidan axborot bilan tanishdi.
2026-2027-yillar kuz-qish mavsumida aholi, ijtimoiy soha obyektlari va iqtisodiyot tarmoqlarini energiya resurslari bilan barqaror ta’minlash maqsadida ishlab chiqilgan kompleks chora-tadbirlar ko‘rib chiqildi. Tabiiy va suyultirilgan gaz yetkazib berish, magistral va hududiy gaz tarmoqlarini ta’mirlash, yoqilg‘i zaxiralarini shakllantirish hamda avariya-tiklash brigadalarining shayligini ta’minlash bo‘yicha aniq vazifalar qo‘yildi.
Tabiiy gaz ta’minoti tizimini mavsumga tayyorlash ishlariga alohida e’tibor qaratildi. Jumladan, mavsumgacha magistral gaz quvurlarining 53,7 kilometr nuqsonli qismini almashtirish, kompressor stansiyalaridagi 77 ta gaz haydash agregatini mukammal ta’mirlash rejalashtirilgan.
Shuningdek, 881 ta mahalladagi 220 ming xonadonning gaz ta’minotini yaxshilash va texnologik yo‘qotishlarni qisqartirish maqsadida uch bosqichli taqsimlash tizimidan ikki bosqichli tizimga o‘tkazish ko‘zda tutilgan. 711,9 kilometr gaz tarmog‘i va 400 ta gaz taqsimlash punkti mukammal ta’mirlanadi hamda rekonstruksiya qilinadi.
Aholi va ijtimoiy soha obyektlarini suyultirilgan gaz bilan ta’minlash masalasi ham ko‘rib chiqildi. Kuz-qish mavsumida 325,7 ming tonna suyultirilgan gaz yetkazib berish, shu jumladan, borish qiyin bo‘lgan 229 ta qishloqdagi 104,7 ming iste’molchiga 8,2 ming tonna suyultirilgan gaz yetkazish belgilangan.
Qish davri uchun yoqilg‘i zaxiralarini shakllantirish bo‘yicha ham choralar ko‘rilmoqda. Jumladan, dekabr-yanvar oylari uchun 120 ming tonna avtobenzin zaxirasini yaratish rejalashtirilgan. Issiqlik elektr stansiyalariga mavsum davomida 4 million 161 ming tonna ko‘mir yetkazib berish prognoz qilinmoqda.
“O‘zbekneftgaz” tizimidagi korxonalarda texnologik barqarorlikni ta’minlash maqsadida 90 ta texnologik qurilmada ta’mirlash ishlari amalga oshiriladi. Bu ishlab chiqarish quvvatlarining uzluksiz ishlashi, aholi va iqtisodiyot tarmoqlariga energiya resurslarini barqaror yetkazib berishga xizmat qiladi.
Tayyorgarlik ishlari faqat neft-gaz tizimi bilan cheklanmay, umumiy energetika va kommunal sohalar bilan uzviy bog‘liq holda olib borish zarurligi ko‘rsatib o‘tildi. Shu maqsadda respublika va hududiy komissiyalar faoliyatini yo‘lga qo‘yib, mavsumga tayyorgarlik ishlarini muvofiqlashtirish va doimiy nazorat qilib borish topshirildi.
Mutasaddilarga belgilangan chora-tadbirlar ijrosini qat’iy nazorat qilish, mavsumga tayyorgarlik ishlarini muddatida va sifatli yakunlash, aholi hamda ijtimoiy soha obyektlariga tabiiy va suyultirilgan gaz, shuningdek, boshqa yoqilg‘i resurslarini barqaror yetkazib berish bo‘yicha tegishli topshiriqlar berildi.
«Bozorlar va savdo komplekslarida raqamlashtirish ishlarini samarali tashkil etish hamda maishiy korrupsiyaning oldini olishga doir chora-tadbirlar to‘g‘risida»gi Hukumat qarori qabul qilindi.
Qarorga ko‘ra, 2026 yil 1 oktyabrgacha «E-bozor» yagona raqamli bozor platformasi sinov tarzida, 2027 yil 1 martgacha to‘liq amaliyotga joriy etiladi.
Unda quyidagilar nazarda tutiladi:
bozorlar va savdo komplekslari pasporti, manzili, bo‘sh savdo shoxobchalari va savdo o‘rinlari ochiq e’lon qilib borilishi;
aholini bozorlar va savdo komplekslari faoliyatiga oid ma’lumotlar bilan tanishtirish, bozor ma’muriyatiga elektron murojaat yo‘llash va javob olish imkoniyatlari.
«E-bozor» platformasi «Soliq» axborot tizimlari kompleksi tarkibida joriy etiladi.
Har bir bozor va savdo kompleksiga soliq xodimlari biriktiriladi va ularning faoliyati samaradorligi kunlik tahlil qilib boriladi.
Bozorlar hududida va ularga tutash hududlarda joylashgan avtotransportlarni vaqtincha saqlash joylarida to‘lovlarni yagona QR kod orqali to‘lash imkoniyati yaratiladi.
2026 yil 1 avgustdan transportlarni saqlash joylaridan chiqarib yuborish bo‘yicha ruxsatnoma faqat ma’muriy ishni ko‘rib chiquvchi organ va ijro organi tomonidan «Jarima maydonchasi» axborot tizimida QR-kod bilan tasdiqlanadi va elektron tarzda yuboriladi.
JCh anonsi. Holand Keynga qarshi, Argentinada ilk jiddiy raqib
Dori narxini sun’iy oshirgan yuzlab dorixonalar aniqlandi
Qashqadaryoda firibgarlikda gumonlangan mutaxassis ushlandi
-
Turk dunyosi4 days agoPrezident Tramp Anqarada NATO sammiti boshlanishi munosabati bilan Turkiyaga F-35 samolyotlariga ega boʻlishiga ruxsat berishni koʻrib chiqmoqda
-
Iqtisodiyot4 days agoNeft mahsulotlari zaxiramiz 2−3 oy uchun yetarli – Energetika vazirligi
-
Jamiyat4 days ago«Tashabbusli budjet»ning 11-mavsumi 15 iyuldan start oladi
-
Turk dunyosi5 days agoPrezident Tramp, Anqaradagi NATO sammitiga Prezident Erdog’an tufayli qatnashayotganini aytdi
-
Sport4 days ago«Portugaliyaga uchta sovrin olib keldim»
-
Jamiyat5 days agoHaydovchi YPX xodimiga pasport yoki ID-kartaning asl nusxasini ko‘rsatishi shart
-
Dunyodan3 days ago
Ramzan Qodirov yana Checheniston rahbariyatiga nomzod sifatida ko‘rsatilgan
-
Turk dunyosi3 days agoPrezident Tramp NATO aʼzolarini Grenlandiya va mudofaa xarajatlari yuzasidan tanqid qilmoqda