Jamiyat
yashirin ustaxona va g‘oyib bo‘lgan 276 ta mashina
9 oy oldin Namanganda yuzlab avtomobillar davlat ro‘yxatidan noqonuniy o‘tkazilgani haqida yozgandik. Ushbu ish tafsilotlari ma’lum bo‘ldi. Eshitgan odam yoqa ushlaydi: jinoyatchilarda otning kallasiday yurak bo‘lganiga “qoyil qolmay” iloji yo‘q. Hatto IIB xodimlari bilan til biriktirib, 1 yilda 300 ga yaqin mashinani gumdon qilgan bu shovvozlarni Gollivud filmlarida ham ko‘rmagansiz. Qonunlar bilan boshqariladigan O‘zbekistonda bunday ishlar bo‘layotgani odamni o‘ylantirib qo‘yadi. Maqolani o‘qing va o‘zingiz xulosa chiqaring.
Odatda mashina savdosi bilan bog‘liq aksariyat firibgarlik ishlarida oluvchi chuv tushadi. Buni turli avtolizingchi firmalar, oson shartlarda mashina olib berishni va’da qilgan soxta avtosalonlar misolida ko‘p ko‘rganmiz. Biroq ushbu uyushgan guruh faqat mashinasini sotmoqchi bo‘lganlarni aldagan. Ularning jinoiy sxemasi to‘riga ko‘plab oddiy odamlar ham ilingan.
Uyushgan guruh
Ushbu uyushgan guruh ancha katta. Ular orasida Toshkent va Namangan viloyatlari yo‘l harakati xavfsizligi boshqarmalarining ro‘yxatdan o‘tkazish va imtihon olish bo‘limi inspektorlari ham bor. Shu sababli jinoiy ish ikkiga ajratilgan. Biz bugun ushbu ikki “delo”ning birinchisi haqida hikoya qilamiz.
Jinoyat ishining boshlanish nuqtasi vodiy viloyatlariga borib taqaladi. Guruhga 1991 yilda Namangan viloyatida tug‘ilgan Akmalxon Hoshimov rahbarlik qilgan. Uyushgan guruhda Habibullo Matisayev, Abror Zaynutdinov, Umid Mamadaliyev, Shuhrat Dalimov, Murodillo Bayatov, Zuxruddin Chalov, Sevara Ahmadjonova kabi shaxslar bo‘lgan.
Kun.uz tanishgan sud hujjatida keltirilishicha, guruhning har bir a’zosi o‘ziga ajratilgan vazifani bajargan. Guruhdagi asosiy vazifalardan birini Navoiy shahrida davlat ro‘yxatidan o‘tkazilgan “Ixtisoslashgan auksion avto-mulk markazi” MChJ rahbari Murodillo Bayatov amalga oshirgan.
Ishonchni oqlamagan xaridor
Uyushgan guruh mashinasini sotmoqchi bo‘lganlarni topib, chuv tushirgan holda avtomobilini boshqa shaxsga o‘tkazishni va noqonuniy daromad ko‘rishni maqsad qilishgan. Guruh bu ishni amalga oshirish uchun bir necha usuldan foydalangan.
Usullardan biri sifatida mashinasini sotmoqchi bo‘lgan fuqarolarni ham avtomobilga, ham kreditga chuv tushirishgan.
Jumladan, Akmalxon Hoshimov sheriklari bilan 2023 yil 8 aprel kuni Toshkent tumani hududida fuqaro Akbar Abduxabirov bilan uchrashib, uning Lasetti mashinasini bo‘lib to‘lash sharti bilan 11 ming AQSh dollariga sotib olishga kelishgan. Akmalxon Hoshimov mashina egasiga boshlang‘ich to‘lov sifatida 2 ming AQSh dollari bergan. Qolgan pulni 2 oy davomida to‘lab berishni va’da qilgan. So‘ngra o‘zaro ijara shartnomasi tuzgan holda og‘zaki kelishib, mashinani qabul qilib olgan. Akbar Abduxabirov xaridorga transport vositasini boshqarish huquqini taqdim etuvchi ishonchnoma rasmiylashtirib bergan.
Biroq Akmalxon Hoshimov bergan va’dasini bajarmagan. U qolgan pulni to‘lamasdan Lasetti’ni vodiy viloyatlarida mashina oldi-sotdisi bilan shug‘ullanuvchilar orqali boshqa shaxslarga sotib yuborgan.
O‘tkazilgan tezkor-qidiruv tadbirlari davomida ushbu mashina, uning davlat raqam belgilari va qayd etish guvohnomalari qayerda ekanligi aniqlanmagan.
“Go‘shti ham, moyi ham o‘zidan”
Uyushgan guruh “o‘ljasini” asosan Toshkent shahrining Sergeli tumanidagi mashina bozoridan izlagan. Ularning qarmog‘iga 2023 yil 24 may kuni Solijon Hasanboyev ilingan. U Captiva mashinasini sotish niyatida edi.
Zuxruddin Chalov Solijon Hasanboyevni o‘z nomiga ikkilamchi avtokredit rasmiylashtirishga ko‘ndirgan. U kredit to‘lovlarini uning nomidan 6 oy ichida o‘zlari to‘liq to‘lashini va’da qilgan. Shu tariqa Solijon Hasanboyev nomiga “Kapitalbank”ning Mirzo Ulug‘bek filialidan 317 mln so‘m miqdorida ikkilamchi avtokredit rasmiylashtirilgan.
So‘ngra Solijon Hasanboyevning 2018 yil ishlab chiqarilgan Captiva’sini Toshkent viloyati yo‘l harakati xavfsizligi boshqarmasining ro‘yxatdan o‘tkazish va imtihon olish bo‘limida davlat ro‘yxatidan o‘tkazgan hamda yangi davlat raqam belgisi va qayd etish guvohnomasi olgan. Mashina notarial tartibda bank tomonidan garovga qo‘yilgan.
Zuxruddin Chalov mashinani ijaraga berish bahonasida hujjatlarni egallab, uni keyinchalik noqonuniy sotish uchun Akmalxon Hoshimovga topshirgan. Shu tariqa Captiva haqiqiy egasidan uning o‘zining nomiga rasmiylashtirilgan kredit orqali sotib olingan. Biroq va’da qilinganidek kredit to‘lovlari to‘lanmagan.
Mashina esa davlat raqam belgisi, kuzov va motor raqamlari o‘zgartirilgan holda boshqa shaxslarga sotib yuborilgan. Ushbu Captiva ham tezkor-qidiruv tadbirlari davomida topilmagan.
300 dollarlik “xo‘rak”
Uyushgan guruh kam ta’minlangan va pulga muhtoj insonlarni ham ayab o‘tirmagan. Ularning yana bir usuli shunaqa insonlar bilan bog‘liq. Ya’ni guruh iqtisodiy jihatdan pulga muhtoj odamlarni topib, 200-300 dollar bergan holda ularning nomiga kredit rasmiylashtirib, mashina olishgan.
Masalan, ular 2023 yil 7 sentabr kuni mavsumiy ishchi bo‘lgan Gulsanam Qurbonovani ayni shu usulda chuv tushirishgan. Ayolning ishonchiga kirgan erkaklar uni 300 dollar evaziga nomiga ikkilamchi avtokredit rasmiylashtirishga ko‘ndirishgan. Va albatta, kredit to‘lovlarini ayolning nomidan o‘zlari to‘lashlarini aytishgan.
So‘ngra Gulsanam Qurbonovaning fuqarolik pasporti olinib, yagona interaktiv davlat xizmatlari portalidagi shaxsga oid ma’lumotlari modifikatsiya qilingan. Ya’ni portalga o‘zini-o‘zi band qiluvchi shaxs sifatida yolg‘on ma’lumotlar kiritilgan. Shundan keyin ayolning nomiga “Kapitalbank”ning Sergeli filialidan 195,5 mln so‘m miqdorida ikkilamchi avtokredit rasmiylashtirishgan. Bu pulga olingan Lacetti Sirdaryo viloyati yo‘l harakati xavfsizligi boshqarmasining ro‘yxatdan o‘tkazish va imtihon olish bo‘limida ro‘yxatdan o‘tkazilgan hamda yangi davlat raqam belgisi va qayd etish guvohnomasi olingan. Mashina olingan kredit uchun garov ta’minoti sifatida ta’qiqqa qo‘yilgan.
Rasmiylashtirilgan hujjatlar taksi xizmati olib borish bahonasida Gulsanam Qurbonovadan olingan. Shu tariqa kredit to‘lovlari ayolning zimmasida qolgan, mashina esa olib ketilgan.
Ushbu Lacetti tergovda aniqlashning imkoni bo‘lmagan avtomashina ta’mirlash ustaxonalarning biriga olib borilgan. U yerda mashinaning dvigatel va kuzov raqamlari joylashgan yuzalari qo‘lbola usulda charxlanib, boshqa raqam va belgilarga o‘zgartirilgan. So‘ngra soxta hujjatlar orqali Lacetti noqonuniy tarzda qayta davlat ro‘yxatidan o‘tkazilgan va o‘zga shaxslarga sotib yuborilgan.
Mashina, uning davlat raqam belgilari va qayd etish guvohnomalari o‘tkazilgan tezkor-qidiruv tadbirlari davomida topilmagan.
G‘oyib bo‘lgan mashinalar
Uyushgan guruh ushbu usullar orqali ko‘plab fuqarolarni chuv tushirgan. Ular 2024 yil 9 aprel kuni soat 15:00 da tezkor tadbir davomida ashyoviy dalillar bilan ushlangan.
Sud hujjatida guruh tomonidan 276 ta mashina jinoiy yo‘l bilan egallab olingani qayd etilgan. Ularning aksariyati Lasetti, Cobalt, Nexia, Malibu, Monza, Equinox rusumidagi mashinalar. Shuningdek, ular orasida Spark, KIA, Labo, Hyundai, Tracker va Captiva kabi avtomobillar bor.
Hukmga ko‘ra, o‘tkazilgan tezkor-qidiruv tadbirlari davomida mashinalarning faqatgina 25 tasi topilgan, 158 tasi topilmagan. Bundan tashqari, 49 ta mashina G‘ishtko‘prik hamda 44 ta avtomobil Yallama bojxona chegara posti orqali Qozog‘istonga olib chiqib ketilgani va qaytib O‘zbekiston hududiga kirmagani aniqlangan.
Sud majlisida qo‘shimcha guvoh sifatida so‘ralgan Ichki ishlar vazirligi huzuridagi Tergov departamenti katta tergovchisi jinoyat ishi doirasida 100 ta mashina bo‘yicha ayblov e’lon qilinganini, sud muhokamasiga qadar 24 ta mashina topilganini, jinoyat ishi doirasida 100 dan ortiq mashina chet davlat hududida ekani aniqlanganini ma’lum qilgan.
Hukmda dastlabki tergov organi tomonidan Akmalxon Hoshimov jinoiy yo‘l bilan egallangan mashinalar sotuvidan 2023-2024 yilar davomida 40 mlrd 792 mln so‘m topgani aniqlangani keltirilgan.
Soxta auksion
Ushbu jinoyat ishida Murodillo Bayatov asosiy vazifalardan birini bajarganini aytgandik. Gap shundaki, u jinoiy yo‘l bilan qo‘lga kiritilgan mashinalarni qayta davlat ro‘yxatidan o‘tkazishda soxta hujjatlar tayyorlab bergan. Bu qanday amalga oshirilganini bir holat misolida keltirib o‘tamiz.
Uyushgan guruh muqaddam jinoiy yo‘l bilan egallab olgan Lacetti mashinasini tergovda aniqlashning imkoni bo‘lmagan avtomashina ta’mirlash ustaxonasiga olib borilgan. Eshiklari berkitilgan ustaxonada mashinaning qat’iy hisobdagi dvigatel va kuzov raqamlari joylashgan yuzalari maxsus texnika vositalari bilan qo‘lbola usulda charxlangan. So‘ngra raqam uruvchi maxsus moslama yordamida kuzovga kelib chiqish manbasi aniq bo‘lmagan XWB5V31BDPA927295 raqami tushirilgan.
Bu orada fuqaro Bahodir Normatovning aldov yo‘li bilan olingan shaxsiga oid ma’luomotlari Murodillo Bayatovga taqdim qilingan. U ushbu ma’lumotlardan qonunga xilof ravishda foydalangan. Ya’ni dvigatel va kuzov raqamlari o‘zgartirilgan Lacetti mashinasini go‘yoki Bahodir Normatov auksion savdolarida sotib olgani haqida soxta g‘oliblik bayonnomasi va unga asos bo‘lgan oldi-sotdi shartnomasini tayyorlagan. Ushbu hujjatlarda sotuvchi va sotib oluvchining imzolari qalbakilashtirilgan. Murodillo Bayatov hujjatlarni o‘z imzosi, yumaloq muhri va QR-kod bilan tasdiqlagan.
Shundan so‘ng ushbu soxta hujjatlar Bahodir Normatov nomidan soxta imzo qo‘yilgan ariza asosida Toshkent viloyati yo‘l harakati xavfsizligi boshqarmasining ro‘yxatdan o‘tkazish va imtihon olish bo‘linmasiga taqdim qilingan. Shu tariqa mashina davlat ro‘yxatidan o‘tkazilgan va yangi qayd etish guvohnomasini hamda 10 Y 081 QA davlat raqam belgisi berilgan. So‘ngra mashina sotib yuborilgan.
“Jinoiy uyushma tashkil qilmadim”
Akmalxon Hoshimov sudda aybiga qisman iqror bo‘lgan hamda jinoiy uyushma tashkil qilmaganini bildirgan.
“Bir necha yillardan beri avtomashina savdosi bilan shug‘ullanib kelaman. Ta’mirlangan mashinalar savdosi bilan ham shug‘ullanganman. Faoliyatim davomida juda ko‘p mashina olib sotdim. Ularning hammasini eslay olmayman.
Men jinoyat sodir etish uchun uyushgan guruh tashkil etmadim va unga rahbarlik qilmadim. Ba’zi hollarda hujjatlari bo‘lmagan avtomashinalarga auksion bayonnomalarini rasmiylashtirib, ularni sotganman. Ushbu mashinalarni Abdulaxad ismli shaxsdan olganman.
Abdulla ismli shaxs bilan tanishib qolganimda u menga auksion orqali avtomashinalarga hujjat tayyorlab berishini aytgan. Tekshirganimda ushbu hujjatlar ishonarli bo‘lgan. Ushbu hujjatlar bilan keyinchalik notarial idoralarda ham hujjatlar rasmiylashtirilgan. Asosan Qoraqalpog‘istondan ta’mirtalab mashinalarni olib kelib, uyda ta’mirlab sotganman. Ushbu mashinalarning kuzov raqami va rangini Abdullaga xabar qilib jo‘natganman, u esa menga auksion orqali hujjatlar rasmiylashtirib bergan. Shu usulda taxminan 50 tacha mashina sotdim. Abdulahaddan ham 6 yoki 7 ta mashina olib sotganman.
Haqiqatan ham Abdulahad mashinalarning kuzovidagi raqamini o‘zgartiradigan uskuna olib kelgan. Uni ishlatib ko‘rganmiz, ammo ko‘zlangan maqsadga erisha olmaganmiz. Olib sotgan mashinalarimning kuzov raqamlarini o‘zgartirmaganman”, degan o‘z ko‘rsatmasida Akmalxon Hoshimov.
Shuningdek, u mashinalarga banklardan kredit ajratilishiga umuman aloqasi yo‘qligini, tergov davrida 5-6 ta mashinani tergovchiga topshirganini bildirgan hamda suddan odilona hukm chiqarishni so‘ragan.
Sud ishida Akmalxon Hoshimovga oid yana bir epizod bor. Bu Akmalxon Hoshimov o‘zining voyaga yetmagan o‘gay qizi bilan jinsiy aloqa qilib kelgani haqida. Tergov organi ushbu ayblovni 118-moddasi 4-qismi, ya’ni 14 yoshga to‘lmagan shaxsning nomusiga tegish bilan kvalifikatsiya qilgan. Biroq sud tergov organi noto‘g‘ri xulosaga kelgan, deb hisoblab, Akmalxon Hoshimovning bu qilmishini Jinoyat kodeksining 128-moddasi 3-qismi “a, b” bandlariga qayta kvalifikatsiya qilishni lozim topgan.
Qiz sudda o‘gay otasi nomusiga tegib, bir yil davomida jinsiy aloqa qilib kelganini, unga lirika va regapen kabi dorilarni berib kelgani bois ushbu dorilarga o‘rganib qolganini aytgan.
Jazo
Sud hukmi bilan Akmalxon Hoshimovga 9,5 yil, Habibullo Matisayev va Shuhrat Dalimovga 9 yildan, Abror Zaynutdinov, Murodillo Bayatov va Umid Mamadaliyevga 8 yil 3 oydan, Zuxruddin Chalovga 9 yil 1 oy, Sevara Ahmadjonovaga 6 yil 8 oy, Komil Yo‘ldoshevga 3 yil 3 oy, Sardor Ergashevga 8 yil 7 oy muddatga ozodlikdan mahrum qilish jazosi tayinlangan.
Hukmda jinoyat ishi bo‘yicha yetkazilgan zararni qoplash maqsadida:
Akmalxon Hoshimov, Zuxruddin Chalov va Sevara Ahmadjonovadan solidar tartibda 10 ta jabrlanuvchiga jami 2 mlrd 952 mln so‘m;
Akmalxon Hoshimov, Shuhrat Dalimov va Abror Zaynutdinovdan solidar tartibda bir nafar jabrlanuvchi foydasiga 256 mln so‘m;
Akmalxon Hoshimov, Shuhrat Dalimov, Abror Zaynutdinov, Habibullo Matisayev va Umid Mamadaliyevdan solidar tartibda 157 nafar jabrlanuvchidan jami 25 mlrd so‘mdan ortiqroq;
Akmalxon Hoshimov, Shuhrat Dalimov, Abror Zaynutdinov, Habibullo Matisayev va Murodillo Bayatovdan solidar tartibda 2 nafar jabrlanuvchiga 458,4 mln so‘m;
Akmalxon Hoshimov, Shuhrat Dalimov, Abror Zaynutdinov, Habibullo Matisayev, Murodillo Bayatov va Umid Mamadaliyevdan solidar tartibda 37 nafar jabrlanuvchiga jami 8,5 mlrd so‘mdan ortiq pul mablag‘lari undirilishi belgilangan.
Bundan tashqari, 17 ta mashina ularni qonunda nazarda tutilgan tartibda sotib olgan va jinoyat ishi bo‘yicha jabrlanuvchi deb topilgan shaxslarga qaytarilgan. Ashyoviy dalil sifatida olingan va qonuniy egasi ma’lum bo‘lmagan 4 ta mashina esa jabrlanuvchilarga yetkazilgan zararni qoplashga qaratilgan.
Ruslan Saburov,
Kun.uz
Sud materiali asosida tayyorlandi.
Bu yilgi Mustaqillik bayrami ijtimoiy tarmoqlarda chin ma’noda portladi. Prezident Shavkat Mirziyoyevning nutqi, bayram ssenariysi va sahnadagi chiqishlarga foydalanuvchilardan juda katta, samimiy va kuchli reaksiya bo‘ldi.
Izohlarni o‘qib, bir narsa yaqqol ko‘rinadi: odamlar bayramni shunchaki tomosha qilmagan — his qilgan.
“Juda zo‘r!”, “Boshqacha bo‘ldi!”, “Ta’sirli!”, “Gap yo‘q!”, “Sahnadagi energiya va jonli ijro odamni lol qoldirdi, haqiqiy bayram kayfiyati!”, “Harbiylarning safdagi kelishgan va qat’iy qadamlari qalbimizni g‘ururga to‘ldiradi”, “Juda go‘zal bayram, betakror bayram”… — ijtimoiy tarmoqlardagi minglab fikrlarda bir xil kayfiyat.
Ayniqsa, Prezident nutqidagi fikrlar alohida muhokama qilindi. Vatan tarixi, bugungi islohotlar va kelajakka ishonch uyg‘unlashgan nutq ko‘pchilikda kuchli taassurot qoldirdi.
Bu yilgi Mustaqillik bayrami sahnada o‘zgacha bo‘ldi — ijtimoiy tarmoqlardagi reaksiya esa bundan ham kuchli!
Bu shunchaki izohlar emas. Bu — xalqning bayramga bo‘lgan kayfiyati.
BYD Central Asia mahalliy ishlab chiqarilayotgan BYD CHAZOR UzPride modelining rasmiy sotuvi boshlanganini e’lon qiladi. Mahalliylashtirish darajasi yuqori bo‘lgani tufayli 55 KM Luxe jamlanmasi 255 900 000 so‘m narxda taklif etilmoqda.
Modelning nomi uning mazmun-mohiyatini aks ettiradi: brend mahalliy bozorda izchil rivojlanib, texnik mutaxassislarni tayyorlash va mamlakat avtomobilsozlik sanoatini zamonaviylashtirishga ko‘maklashmoqda. Shu bilan birga, zamonaviy texnologiyalarni aholining tobora keng qatlamlari uchun qulay va hamyonbop qilmoqda. Shu sababli yangi talqin O‘zbekiston va uning xalqiga chuqur hurmat ramzi sifatida UzPride nomini oldi.
O‘zbekiston Respublikasi mustaqilligining 35 yilligi munosabati bilan xaridorlar uchun maxsus moliyalashtirish dasturi tayyorlandi:
– boshlang‘ich to‘lov – 35%;
– bo‘lib to‘lash muddati – 35 oy;
– foiz stavkasi – 0%;
– moliyalashtirishni rasmiylashtirish – faqat OFB hamkor banki orqali.
Mustaqillikning 35 yilligiga bag‘ishlangan moliyalashtirish dasturi shartlari 2026 yil 29 avgustdan 1 sentyabrgacha amal qiladi.
Dastur shartlari qutlug‘ sana bilan ramziy tarzda uyg‘unlashtirilgan bo‘lib, yangi supergibrid sedanni O‘zbekiston bo‘ylab xaridorlar uchun yanada qulayroq shartlarda sotib olish imkonini beradi.
BYD CHAZOR UzPride haqida
BYD CHAZOR UzPride DM-i supergibrid tizimi bilan jihozlangan. Unda elektr yuritmaning afzalliklari 1,5 litr hajmli yuqori samarali benzin dvigatelining imkoniyatlari bilan uyg‘unlashtirilgan.
132 kVt quvvatga ega elektr dvigatelining eng yuqori burovchi kuchi 316 N·m ni tashkil etadi. Avtomobil 0 dan 100 km/soat tezlikka 7,9 soniyada chiqadi. NEDC o‘lchov tartibi bo‘yicha faqat elektr quvvatida yurish masofasi 55 kilometrgacha yetadi. Akkumulyator quvvati past bo‘lganda yoqilg‘i sarfining eng kam ko‘rsatkichi 100 kilometrga 3,8 litrni tashkil etadi.
55 KM Luxe jamlanmasiga aylantiriladigan 12,8 dyuymli multimedia ekrani, 8,8 dyuymli displeyga ega raqamli ko‘rsatkichlar paneli, o‘zbek tilidagi aqlli ovozli boshqaruv tizimi, 4G va Bluetooth ulanishi, shuningdek, OTA orqali masofadan yangilash imkoniyati kiradi.
Haydovchiga yanada ko‘proq qulaylik yaratish maqsadida avtomobil kalitsiz kirish tizimi, NFC-karta, masofadan ishga tushirish, o‘rindiqni elektr yordamida sozlash, elektr yuritmali tom tuynugi hamda orqa o‘rindiq yo‘lovchilari uchun havo yo‘naltirgichlarga ega iqlim tizimi bilan jihozlangan.
360° atrofni ko‘rsatuvchi panoramali HD-kamera hamda old va orqa to‘xtash datchiklari avtomobilni boshqarish va tor joylarda harakatlanishni osonlashtiradi.
Xavfsizlik tizimlari qatoriga tezlikni bir maromda saqlash tizimi, yo‘nalish barqarorligini nazorat qilish, g‘ildiraklarning sirpanishiga qarshi tizim, shinalardagi bosimni kuzatish, qiyalikda harakatni boshlashga ko‘maklashish, avtomobilni avtomatik ushlab turish, old va yon xavfsizlik yostiqchalari, shuningdek, parda turidagi xavfsizlik yostiqchalari kiradi.
BYD CHAZOR UzPride modelining mahalliy ishlab chiqarilishi yangi energiya manbalarida harakatlanuvchi zamonaviy avtomobillar tanlovini kengaytiradi hamda mamlakat avtomobilsozlik sanoatining rivojlanishiga hissa qo‘shadi.
BYD Central Asia kompaniyasining mustaqillikning 35 yilligiga bag‘ishlangan dasturi – O‘zbekiston Respublikasi mustaqilligining 35 yilligini mamlakatimizda ishlab chiqarilgan yangi avtomobil boshqaruvida kutib olish uchun ajoyib imkoniyatdir.
*Mustaqillikning 35 yilligiga bag‘ishlangan moliyalashtirish dasturi 2026 yil 29 avgustdan 1 sentyabrgacha, 1 sentyabr kuni ham, amal qiladi. Dastur doirasidagi moliyalashtirish faqat OFB hamkor banki orqali rasmiylashtiriladi. Dastur bo‘yicha taklif etiladigan avtomobillar soni cheklangan. Texnik ko‘rsatkichlar ma’lumot berish maqsadida keltirilgan bo‘lib, yo‘l va ob-havo sharoiti, avtomobilning yuklanish darajasi hamda haydash uslubiga qarab farq qilishi mumkin. Avtomobilni sotib olish shartlari va jamlanmasi haqidagi batafsil ma’lumotni BYD kompaniyasining rasmiy dilerlaridan olishingiz mumkin.
BYD kompaniyasining O‘zbekistondagi aloqa ma’lumotlari
Rasmiy ishonch telefoni: 1811
Rasmiy veb-sayt: bydauto.uz
Instagram: @bydauto.uz
Telegram: t.me/bydautouz
Jamiyat
Yangi o‘quv yilida 806 mingdan ziyod 6 yoshli bola maktabga tayyorlov guruhlariga qamrab olinadi
E-qaror tizimida Maktabgacha va maktab ta’limi vazirligining maktabgacha ta’lim tashkilotlarini 2026/2027 o‘quv yiliga tayyorlash va bolalarni qabul qilish jarayonini samarali tashkil etishga oid buyrug‘i e’lon qilindi. Hujjatning ilovalari Maktabgacha va maktab ta’limi vazirining 2026-yil 18-avgustdagi 299-son buyrug‘i bilan tasdiqlangan.
Hujjatga ko‘ra, 2026/2027 o‘quv yilida respublika bo‘yicha 811 ming 586 nafar 6 yoshli bola hisobga olingan. Ularning 806 ming 290 nafarini maktabga tayyorlov guruhlariga qamrab olish rejalashtirilgan. Natijada qamrov darajasi 99,3 foizga yetkazilishi ko‘zda tutilmoqda.
Maktabga tayyorlov guruhlari bilan qamrab olinmagan 6 yoshli bolalar uchun 485 ta bir yillik bepul majburiy tayyorlov guruhi tashkil etiladi. Ularda jami 13 ming 104 nafar bolani qamrab olish rejalashtirilgan.
Shundan:
— umumiy o‘rta ta’lim maktablarida 413 ta guruh tashkil etilib, 11 ming 163 nafar bola;
— davlat maktabgacha ta’lim tashkilotlarida 65 ta guruh ochilib, 1 ming 766 nafar bola;
— boshqa mos binolarda 7 ta guruh tashkil qilinib, 175 nafar bola qamrab olinadi.
Chora-tadbirlar rejasiga muvofiq, avval hududlardagi 6 yoshli bolalar xatlovdan o‘tkaziladi. Xatlov natijasida tayyorlov bilan qamrab olinmagan bolalar mavjud bo‘sh guruh va o‘rinlarga joylashtiriladi.
Shundan keyin ham qamrovdan tashqarida qolgan bolalar uchun umumta’lim maktablari, davlat maktabgacha ta’lim tashkilotlari, «Kelajak markazlari» va boshqa obyektlarning bo‘sh xonalarida yangi tayyorlov guruhlari tashkil etiladi. Ularni sentyabr–oktyabr oylarida ishga tushirish belgilangan.
Prezident farmonida tadbirkorlik subyektlarining huquqiy himoyasini kuchaytirishga qaratilgan «tadbirkorlik subyektining haqlilik prezumpsiyasi» belgilandi.
Unga ko‘ra, davlat organi tomonidan aksi isbotlanmaguncha tadbirkorlik subyekti va uning mansabdor shaxsi qonunchilikka muvofiq harakat qilgan hamda o‘z majburiyatlarini lozim darajada bajargan deb hisoblanadi.
Sudda tadbirkorga nisbatan huquqiy ta’sir chorasi qo‘llash uchun uning asosli, qonuniy va mutanosib ekanini, shuningdek, huquqbuzarlik faktini isbotlash majburiyati davlat organiga yuklanadi.
Qonunchilikdagi bartaraf etib bo‘lmaydigan ziddiyatlar, noaniqlik va tushunmovchiliklar, shuningdek, dalillar yetarli emasligi tufayli yuzaga keladigan shubhalar tadbirkorlik subyekti foydasiga talqin qilinadi.
Ko‘ksaroy qarorgohida O‘zbekiston Prezidenti Shavkat Mirziyoyev va Hindiston Bosh vaziri Narendra Modi o‘rtasida muzokaralar bo‘lib o‘tdi. Uchrashuv avvalida mehmon davlatimiz rahbarini Mustaqillik kuni bilan samimiy tabrikladi. Ushbu tarixiy tashrif ikki mamlakat o‘rtasidagi munosabatlarni keng qamrovli strategik sheriklik darajasiga olib chiqib, o‘zaro hamkorlikda yangi bosqichni boshlab berishi ta’kidlandi.
Tomonlar savdo-iqtisodiy aloqalar izchil rivojlanayotganini mamnuniyat bilan qayd etdilar. O‘tgan yili tovar ayirboshlash hajmi ilk bor 1 milliard dollardan oshdi, qo‘shma korxonalar soni esa 7 barobarga ko‘paydi, haftasiga 14 ta to‘g‘ridan-to‘g‘ri aviaparvoz amalga oshirilmoqda. Ikki davlat rahbarlari 2030-yilga qadar o‘zaro savdo hajmini 5 milliard dollarga yetkazish bo‘yicha zarur choralarni ko‘rishga kelishib oldilar. Shuningdek, energetika, farmatsevtika, metallurgiya, sog‘liqni saqlash va qishloq xo‘jaligi kabi ustuvor sohalarda yangi sanoat kooperatsiyasi loyihalarini amalga oshirishga alohida e’tibor qaratildi.
Hamkorlikni samarali muvofiqlashtirish maqsadida tashqi siyosat idoralari rahbarlari darajasida yangi muvofiqlashtiruvchi mexanizm ta’sis etiladigan bo‘ldi. Tomonlar parlamentlararo, Hukumatlararo komissiya va Ishbilarmonlar kengashi doirasidagi muloqotlarni faollashtirishga kelishib oldilar. Andijon va Gujarat, Farg‘ona va Haryana, Samarqand va Agra o‘rtasidagi hududlararo yaqin sheriklik aloqalari ham yuqori baholandi.
Gumanitar sohada ta’lim va madaniyat yo‘nalishidagi aloqalar kengaymoqda. Hozirda O‘zbekistonda Hindistonning 4 ta universiteti faoliyat yuritmoqda. Madaniy-gumanitar aloqalarni rivojlantirishga alohida e’tibor qaratilmoqda. Bunda Lal Bahodur Shastri nomidagi Hind madaniyati markazi va Mahatma Gandi nomidagi Hindshunoslik markazi muhim o‘rin tutmoqda.
Shuningdek, O‘zbekistonda yoga tobora ommalashib borayotgani va ushbu sohadagi hamkorlik faol rivojlanayotgani qayd etildi.
Tashrif doirasida Madaniy almashinuv bo‘yicha besh yillik dastur imzolanishi, madaniyat kunlari va kinofestivallar muntazam o‘tkazilishi belgilandi. Rahbarlar BMT, ShHT va BRIKS kabi xalqaro tashkilotlar doirasida bir-birini izchil qo‘llab-quvvatlashni davom ettirishlarini bildirdilar. Muzokaralar yakunida belgilangan barcha vazifalar bo‘yicha aniq «yo‘l xaritalari» ishlab chiqilishiga kelishib olindi.
«Enamdan qolgan dalalar» (Esse)
Шавкат Мирзиёев Бишкекда кутиб олинди
Bu yilgi Mustaqillik bayrami ijtimoiy tarmoqlarda chin ma’noda portladi!
-
Sport3 days ago
EChL 2026/2027. Umumiy guruh bosqichi taqvimi e’lon qilindi
-
Jamiyat3 days ago
Ko‘ksaroyda O‘zbekiston va Hindiston yetakchilariningg tarixiy muzokaralari bo‘lib o‘tdi
-
Sport3 days ago
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi
-
Jamiyat2 days ago
Qonunchilikdagi noaniqliklar tadbirkor foydasiga talqin qilinadi
-
Siyosat4 days ago
Prezidentning Mustaqillik bayrami tabrigidan o‘rin olgan asosiy fikrlari
-
Siyosat2 days ago
Pokiston bosh vaziri bilan uchrashuv o‘tkazildi
-
Mahalliy4 hours ago
«Enamdan qolgan dalalar» (Esse)
-
Siyosat2 days ago
Saida Mirziyoyeva Pekinda Va I bilan muloqot o‘tkazdi