Jamiyat
Yarmi kukun, limit kam, ombor uzoq
Kunlar sovib, uy isitish yana dolzarb masalaga aylandi. Tabiiy gaz yetib bormagan hududlarda ko‘mir va o‘tinga talab kundan kun ortib bormoqda. Kun.uz muxbiri Namangan viloyati Pop tumanidagi Guliston qishlog‘ida bo‘lib, odamlardan uylarini isitish uchun bahorgacha qancha mablag‘ sarflashlari, tarqatilayotgan ko‘mir sifati haqida so‘radi.
{Yii::t(}
O’tkazib yuborish 6s
O’tkazib yuborish
So‘rovdan ma’lum bo‘ldiki, odamlarda tarqatilayotgan ko‘mir sifatiga e’tirozlar bor. Noilojlikdan kukun ko‘mirga go‘ng aralashtirib, qo‘lbola briket yasashga majbur bo‘lyapmiz, deydi Guliston qishlog‘i aholisi.
Sifatlisi sotuvga, kukuni xalqqa…
“Qishlog‘imizda tabiiy gaz yo‘q. 30 kunda berilishi kerak bo‘lgan gazballon ba’zan 45-55 kunda keladi. Qish mavsumi uchun ikki tonna ko‘mir olaman. Bir tonna ko‘mirning davlat narxi 310 ming so‘m. Qishloqqa yetib kelishi bilan 600-700 ming so‘mgacha tushadi-da. Yetib kelish xarajati juda qimmat.
Ko‘mirning o‘zi yetmaydi. Ro‘zg‘or katta. Bir mavsumda bo‘lmaganda 5-6 million so‘mlik o‘tin va ko‘mir sotib olaman. Har bir oila uchun bir tonnadan ko‘mir tarqatilyapti. Bu endi urpog‘am bo‘lmaydi-da. Bitta Labo’dagi arzimagan o‘tin hech qancha chiqmaydi, 1 million so‘mgacha sotib olamiz. 15 kunga yetmaydi.
Tabiiy gaz bo‘lmagandan keyin, hech bo‘lmasa ko‘mir bilan ta’minlab qo‘yishsa, xursand bo‘lamiz. Ko‘mir kelsa to‘polon, militsiyabozlik bo‘lib ketadi. Ko‘mir kelganini oldindan bilib qolib, kechalari omborxonaga poylab borib, vagonni ko‘z oldimizda ochasan, deb qat’iy tursak, shundagina sifatliroq ko‘mir olishimiz mumkin. Bexabar qolsak, sifatli ko‘mir chekkaga chiqib ketadi, bizga chiqindisi keladi. Ko‘mir saqlanadigan omborxona ishchilariga insof bersin”, deydi Guliston qishlog‘ida yashovchi Omonxon Saidov.
Ko‘mirdan ko‘ra yo‘l haqi qimmat
“Ko‘mir masalasi juda qiyin. Gazballon ham vaqtida kelmaydi. Qiyin bo‘lyapti. Qishloqchilik. Chekka joydamiz. Xalqqa qiyin bo‘lyapti. Avvallari 20-23 kunda kelardi.
O‘zi ko‘mir arzon, yo‘lkirasi qimmatga tushyapti juda ham. Bir mavsumda 2 tonnadan ko‘p ko‘mir yoqaman. 2-3 Labo o‘tin ham ketadi. Berayotgan ko‘mirining tuprog‘i ko‘p. To‘g‘risini aytgan yaxshi-da. Ustiga ozroq pul bersangiz, saralanganini beryapti. Arzon narxda tarqatilgan ko‘mir shubhasiz yetmaydi. Keyin qo‘ldan qimmatga sotib olib amallab qishni chiqaramiz. Iloji yo‘q. Qishlog‘imiz “tupik” joyda-da…”, deydi fuqarolardan yana biri.
Ko‘mirdan tappi qilamiz…
“Qishloqqa ko‘mir tarqatilyapti. Endi bitta muammoki, limit juda kam. Bitta xonadonda kamida ikkita-uchta pechka yonadi-da. Endi buni hisoblab chiqsangiz, 6 oyga bir tonna ko‘mir hech narsa emas-da. Mana, hozir davlat narxi bo‘lgani bilan, 309 ming so‘mlik ko‘mir yetib kelishi bilan 600 ming so‘mdan tushyapti-da. Yo‘lkirasi biland. Ustiga ustak, bergan ko‘miri tuproqdan iborat. Ko‘mir tuprog‘ini yig‘ib olib, qo‘lbola briket qilib ham yoqamiz boriga shukur deb”, deydi Valixon To‘rayev.
Guliston qishlog‘i aholisi qishloqqa qo‘shimcha transformator o‘rnatilishi lozimligi, ayniqsa qish faslida yuklamalar ortib, kunni svetsiz o‘tkazishga majbur bo‘layotganliklarini ham ma’lum qilishdi.
Sarvar Ziyoyev,
Sardor Mamirov,
Kun.uz
Toshkent shahri markazida ayrim ko‘chalarda transport harakati vaqtincha cheklandi. Shahar hokimligi ma’lum qilishicha, cheklovlar 2-maydan 11-maygacha amal qiladi.
Buning sababi Milliy kutubxona oldidagi maydonda o‘tkaziladigan «Tashkent Flowers Fest 2026» gullar festivali bilan bog‘liq. Ayniqsa, 7–9-may kunlari tadbirning asosiy qismi o‘tkazilishi rejalashtirilgan.
Shu munosabat bilan Milliy kutubxona atrofidagi yo‘llarda transport vositalari harakati to‘liq yoki qisman to‘xtatildi.
Cheklovlar bir nechta markaziy ko‘chalarni qamrab olgan. Jumladan, Zarafshon ko‘chasining «Hyatt Regency Tashkent» mehmonxonasi oldidan Mustaqillik shoh ko‘chasigacha bo‘lgan qismi yopildi.
Shuningdek, Istiqlol ko‘chasining Amir Temur shoh va Buyuk Turon ko‘chalari oralig‘idagi qismida harakat cheklangan.
Buyuk Turon ko‘chasining Istiqlol ko‘chasidan Yoshlar ijod saroyigacha bo‘lgan qismida ham transport qatnovi vaqtincha to‘xtatildi.
Holat “G‘afur G‘ulom” bekatida sodir bo‘lgan. Yo‘lovchi ayol poyezd kirib kelayotganida uning yo‘liga tushib ketgan. Mashinist harakat tarkibini tezkor to‘xtatib qolgan. Ayol jiddiy jarohatlanmagan.
Foto: Toshkent metropoliteni
Toshkent metrosida yo‘lovchi ayol poyezd yo‘liga tushib ketdi. Bu haqda metropoliten matbuot xizmati xabar berdi.
Ma’lum qilinishicha, holat 2 may kuni soat 21:35 atrofida “G‘afur G‘ulom” bekatida sodir bo‘lgan. Bekatga 40-sonli harakat tarkibi kirib kelayotgan paytida yo‘lovchi ayol ehtiyotsizlik oqibatida yo‘lga tushib ketgan.
Mashinist tezkor va aniq harakat qilib, harakat tarkibini zudlik bilan to‘xtatgan hamda xavfsizlik choralariga to‘liq rioya etgan.
Dastlabki ma’lumotlarga ko‘ra, fuqaro jiddiy tan jarohati olmagan. U tez tibbiy yordam xodimlari tomonidan ko‘rik uchun olib ketilgan.
Qo‘shimcha qilinishicha, hodisa metro harakati jadvaliga ta’sir ko‘rsatmagan, barcha poyezdlar belgilangan jadval asosida harakatlangan.
DXX va bojxona xodimlari hamkorlikda yirik miqdordagi giyohvandlik moddalarini fosh qilishdi.
Voqea Kogon tumanida Surxondaryo–Buxoro yo‘nalishida harakatlanayotgan «Lacetti» avtomashinasi to‘xtatib tekshirilishidan boshlandi. Mashinani boshqarib kelayotgan buxorolik shaxs (1993-y.t) muqaddam narkojinoyat sodir etgani uchun sudlangani ma’lum bo‘ldi. Avtomashina ko‘zdan kechirilganda, uning motor qismidagi havo filtri ostiga yashirilgan 993 gramm «opiy» moddasi topildi.
Surishtiruv davomida ushbu modda Termiz tumanida yashovchi, xalqaro yuk tashish bilan shug‘ullanuvchi 46 yoshli shaxsdan olingani aniqlandi. Tezkor tadbir davom ettirilib, termizlik ham qo‘lga olindi. Uning yonidan Afg‘onistondan kontrabanda yo‘li bilan keltirilgan 5 kg, yashash xonadonidan esa 7 kg «opiy» ashyoviy dalil sifatida rasmiylashtirildi.
Mazkur shaxslarga nisbatan jinoyat ishi qo‘zg‘atilib, tergov harakatlari olib borilmoqda.
O‘zbekistonda energiya resurslaridan samarali foydalanishni kuchaytirishga qaratilgan yangi chora-tadbirlar belgilandi. Bu Prezidentning 2026-yil 29-aprelda qabul qilingan «2026-yilda energiya samaradorligini yanada oshirish, energiya resurslarini tejash va ulardan oqilona foydalanishning qo‘shimcha chora-tadbirlari to‘g‘risida»gi PF–70-sonli Farmonida o‘z aksini topgan.
Farmonga muvofiq, 2026-yil 1-iyuldan boshlab davlat tashkilotlari, ijtimoiy soha muassasalari hamda davlat ishtirokidagi korxonalarning yangi quriladigan, rekonstruksiya qilinadigan yoki mukammal ta’mirlanadigan bino va inshootlari energiya samaradorligining kamida «S» toifasiga javob berishi shart bo‘ladi. Bu talab binolarni loyihalash va qurish jarayonida energiya tejamkor yechimlarni joriy etishni rag‘batlantirishga qaratilgan.
Shu bilan birga, energiyani tejash iste’molchilarni elektr energiyasi yoki tabiiy gaz tarmoqlaridan uzib qo‘yish orqali emas, balki samaradorlikni oshirish orqali ta’minlanishi belgilandi. Bu yondashuv energiya ta’minotida barqarorlikni saqlash bilan birga, resurslardan oqilona foydalanishni ta’minlashga xizmat qiladi.
Hujjatga ko‘ra, Energiya samaradorligi milliy agentligiga Energiya samaradorligini rag‘batlantirish va qo‘llab-quvvatlash jamg‘armasi orqali energiya servis kompaniyalari (ESKO) tomonidan ko‘rsatiladigan xizmatlar uchun kafolatlangan to‘lovlarni amalga oshirish huquqi berildi. Bu mexanizm sohada xususiy sektor ishtirokini kengaytirish va yangi loyihalarni jalb qilish imkonini oshiradi.
2026 yildan boshlab energiya sarfi belgilangan me’yorlardan keskin oshib ketgan davlat obyektlarida har yili xalqaro standartlar asosida energiya samaradorligini yaxshilashga qaratilgan dasturlar amalga oshiriladi. Bu orqali ortiqcha energiya sarfini kamaytirish va tizimli nazoratni kuchaytirish ko‘zda tutilgan.
Shuningdek, 2026-yil 1-oktyabrga qadar energiya iste’molini tahlil qilishda zamonaviy raqamli yechimlar joriy etiladi. Xususan, Big Data, Business Intelligence va sun’iy intellekt texnologiyalari orqali energiya sarfi va samaradorlik ko‘rsatkichlarini doimiy monitoring qilish tizimi yo‘lga qo‘yiladi.
Jamiyat
Navoiyda ma’danli toshlarni qazish va oltin ajratib olish bilan shug‘ullangan shaxslar ushlandi
Tomdi tumanida bir necha fuqaroi umumiy bahosi 569,8 mln so‘mlik 5200 kg ma’danli toshlarni noqonuniy ravishda qazib olgan vaqtida ushlangan.
Foto: Illyustrativ surat / SI
Bosh prokuratura huzuridagi Departamentning Tomdi tumani bo‘limi va boshqa huquqni muhofaza qiluvchi organ xodimlari hamkorligida o‘tkazilgan tezkor tadbirda fuqaro O.I. va boshqalar “Bessopan” sanoat maydoni hududidan tarkibida umumiy bahosi 569,8 mln so‘mlik 315,1 gramm oltin moddasi bo‘lgan 5 200 kg ma’danli toshlarni noqonuniy ravishda qazib olgan vaqtida ushlanib, ushbu mahsulotlar ashyoviy dalil sifatida olingan.
Departamentning Konimex tumani bo‘limi va IIB xodimlari hamkorligida o‘tkazilgan tezkor tadbirda fuqarolar T.T. va T.G‘. o‘zaro til biriktirib, “Karakata” OFY hududida tarkibida oltin moddasi bo‘lgan qum va toshlarni oltin izlovchilar usulida maxsus uskunalar orqali qazib olish faoliyati bilan shug‘ullanib kelayotganliklari aniqlangan.
Departamentning Xatirchi tumani bo‘limi va boshqa huquqni muhofaza qiluvchi organ xodimlari hamkorligida o‘tkazilgan tezkor tadbirlarda fuqaro U.R. “Zarafshon” MFY hududidagi xonadonida qum va toshdan oltin ajratib olish bilan shug‘ullanib kelganligi aniqlanib, undan tarkibida oltin zarralari bo‘lgan 160 kg qum-toshlari ashyoviy dalil sifatida olingan.
Shu kabi, fuqaro S.X. ham “Zarafshon” MFY hududidagi xonadonida qum va toshdan oltin ajratib olish bilan shug‘ullanib kelganligi aniqlanib, undan tarkibida oltin zarralari bo‘lgan 300 kg qum-toshlari ashyoviy dalil sifatida olingan.
Mazkur holatlar yuzasidan Jinoyat kodeksining 196-2-moddasi (foydali qazilmalarni oltin izlovchilar usulida ruxsatnomasiz qazib olish) bilan jinoyat ishlari qo‘zg‘atilib, tergov harakatlari o‘tkazilmoqda.
Toshkentdagi ayrim ko‘chalar 11-maygacha yopildi
Toshkent metrosida yo‘lovchi poyezd yo‘liga tushib ketdi
«Arsenal»da yirik g‘alaba, «Barsa» bugun chempion bo‘lishi mumkin
-
Siyosat4 days agoOʻzbekistonda yashirin forumda davlat xizmatchilariga oid maʼlumotlarning sizib chiqib ketishini tekshirmoqda
-
Siyosat4 days agoOʻzbekiston Davlat investitsiya jamgʻarmasi Toshkent va Londonda ikki tomonlama IPO oʻtkazdi
-
Jamiyat4 days agoMashina olib berish va’dasida yuzlab odamni chuv tushirgan “Umid avto”chilarga hukm o‘qildi
-
Siyosat3 days agoPrezident Mirziyoyev energiya tejash vositasi sifatida kommunal xizmatlarni oʻchirishni taqiqlovchi farmonni imzoladi
-
Dunyodan4 days ago
Jarrohlar Apple Vision Pro foydasiga monitorlardan voz kechishmoqda
-
Iqtisodiyot4 days ago«Kursga sun’iy ta’sir o‘tkazish tarafdori emasmiz»
-
Iqtisodiyot5 days agoAQSh logistikasini O‘zbekistonda turib «zabt etgan» Sarvarjon Narimonov hikoyasi
-
Dunyodan4 days ago
Ukraina va Yevropa Ittifoqi Isroilga qarshi sanksiyalar kiritmoqchi