Iqtisodiyot
Yaqin Sharqdagi mojarolar fonida oltin narxi rekord ko‘rsatkichga yaqinlashmoqda
15-iyun kuni qimmatbaho metall narxi troya unsiyasi uchun 3 450 dollarga chiqib, apreldagi rekordga yaqinlashdi va 1 gramm uchun narx 110 dollar atrofida bo‘lgan. Xususan, 12 iyun holatiga oltin narxi o‘tgan yilga nisbatan qariyb 30 foizga oshgan.
Qayd etilishicha, Eron va Isroil o‘rtasidagi mojoralar fonida investorlar tomonidan oltinga xavfsiz aktiv sifatida talab ortmoqda.
«Boshqa hech bir yirik aktivda bunday yuqori o‘sish kuzatilmagan (pastdagi grafikka qarang). Hatto ba’zilar tomonidan «yangi oltin» sifatida e’tirof etiladigan bitkoin ham oltinga nisbatan pastroq narx o‘sishiga erishgan. Dollar esa bu davrda 10 foiz atrofida qadrsizlangan», – deb yozadi iqtisodchi Mirkomil Xolboyev.
Ma’lum qilinishicha, so‘nggi yillarda Markaziy banklar ham ko‘proq oltin sotib olmoqda. Xususan, so‘nggi uch yilda Markaziy banklarning sof oltin xaridi 1000 tonnadan oshgan.
«Bu holat ayniqsa, Rossiya-Ukraina urushi natijasida Rossiya Markaziy banki zaxiralariga qo‘yilgan cheklovlardan keyin jiddiylashgan. Xususan, ko‘plab rivojlanayotgan davlatlar (ayniqsa Xitoy) Markaziy banklarda ayni Rossiya-Ukraina o‘rtasidagi urushdan keyin oltinga bo‘lgan ishonch oshdi. Markaziy bank oltin xaridlarining asosiy qismi ham aynan rivojlanayotgan davlatlarga to‘g‘ri keladi», – deb yozadi Xolboyev.
Iqtisodchi, shuningdek, Yaqin sharqdagi keskinlik oltinga bo‘lgan talabni yana oshirib yaqin kelajakda uning narxi nisbatan yuqori saqlanib qolishiga olib kelishini taxmin qiladi.
«Mamlakatimiz zaxiralarida esa tarixan oltinning ulushi judayam yuqori bo‘lgan va hozirgi kunda zaxiralarning 76 foizi oltin hissasiga to‘g‘ri keladi. Yil boshidan buyon oltin narxining o‘rtacha 26 foizga o‘sishi zaxiralarimizning 8,5 mlrd dollarga o‘sishiga zamin yaratdi. Shuningdek, oltin eng yirik eksport tovarimiz ham hisoblanadi, noaniqliklar natijasida oltin narxi o‘sishi eksportimizning nisbatan yuqori o‘sishiga ham zamin yaratadi. Xususan, joriy yilning 4 oyida oltin eksporti 5,6 mlrd dollarni tashkil etib, 62 foizga o‘sgan, bunday yuqori o‘sish ham aynan yuqori oltin narxi bilan izohlanadi», – deydi Mirkomil Xolboyev.
21 mlrd so‘mdan ortiq davlat xaridlaridagi qonunbuzilishlar yuzasidan tegishli choralar ko‘rildi. Bu haqda Raqobat qo‘mitasi xabar bergan.
Raqobat qo‘mitasining Toshkent shahar boshqarmasi tomonidan «QUYUV-MEXANIKA ZAVODI» AJ tomonidan o‘tkazilgan eng yaxshi takliflarni tanlash (tender) savdolari «Raqobat to‘g‘risida» gi qonun talablariga muvofiqligi yuzasidan o‘rganish ishlari olib borildi.
Olib borilgan o‘rganishlar natijasida,«O‘ZBEKISTON TEMIR YO‘LLARI» AJ tizim tashkiloti «QUYUV-MEXANIKA ZAVODI» AJ tomonidan o‘tkazilgan jami 21 mlrd so‘mdan ortiq bo‘lgan 8 ta tanlov savdolarida «Raqobat to‘g‘risida»gi Qonunining 29-moddasi talablariga rioya qilinmaganligi ma’lum bo‘ldi. Ya’ni savdolarda raqobatni cheklaydigan yoki cheklashga olib kelishi mumkin bo‘lgan harakatlar aniqlangan.
Yuqoridagilarga muvofiq, Qo‘mitaning hududiy boshqarmasi Maxsus komissiyasi tomonidan «Raqobat to‘g‘risida»gi Qonun talablari buzilish alomatlari bilan buyurtmachi tashkilotga nisbatan ish qo‘zg‘atilib, natijasi yuzasidan belgilangan tartibda tegishli ta’sir chorasi qo‘llanildi.
Shuningdek, qonunbuzilish holatlarini bartaraf etish va kelgusida yo‘l qo‘ymaslik bo‘yicha bajarilishi majburiy bo‘lgan ko‘rsatma berildi.
O‘zbekiston Markaziy banki 2026-yil mart oyidagi xizmatlar narxi yillik o‘zgarishiga oid ma’lumotlarni e’lon qildi. Unga ko‘ra, eng katta narx o‘sishi 281,8 foiz bilan shaxsiy transport vositalarini sug‘urtalashda qayd etildi.
Trolleybusda yo‘l haqi bir yilda 100 foizga, tarmoq gaz 39,2 foizga, sovuq suv 35,1 foizga qimmatladi. Haydovchilik kurslari narxi ham 35,8 foizga oshdi.
Shuningdek, chiqindi tashlash xizmati 28,7 foiz, suyultirilgan gaz 25 foiz, tramvayda yo‘l haqi 23,3 foiz, muzey xizmatlari esa 21,1 foizga qimmatladi.
Arzonlashgan xizmatlar ro‘yxatida ichki yo‘lovchi havo transporti birinchi o‘rinda — yillik 10,9 foizga tushdi. Pul o‘tkazmalari uchun haq to‘lash 6,7 foizga, xalqaro yo‘lovchi havo transporti 5,5 foizga arzonladi.
Shu jumladan, nodavlat oliy ta’lim muassasalarida o‘qish narxi 0,5 foizga, mikromoliyaviy xizmatlar esa 0,02 foizga pasaydi. Metroda yo‘l haqi, mobil internet, davlat maktabgacha ta’lim va davlat OTMlarida o‘qish narxlari o‘zgarmadi.
Markaziy bank ma’lumotiga ko‘ra, iste’mol narxlari indeksi savatidagi jami 98 turdagi xizmatdan 68 tasining, ya’ni 69 foizining yillik narx o‘sishi 10 foizdan past bo‘ldi.
Markaziy bank 2026-yil 16-apreldan valyutalarning yangi kursini belgiladi.
AQSh dollari 49,05 so‘mga oshib, 12 190,43 so‘m etib belgilandi.
Yevro kursi 49,29 so‘mga oshdi va 14 362,76 so‘m bo‘ldi. Funt-sterling 16 526,57 so‘m bo‘ldi (+83,5).
Rossiya rubli 162,09 so‘m etib belgilandi (+1,83).
2026-yil yanvar–fevral oylarida O‘zbekistonga 20 ta xorijiy davlatdan 136,2 tonna kofe import qilindi. Uning umumiy qiymati 1,6 mln AQSh dollarini tashkil etgan, deya xabar berdi Milliy statistika qo‘mitasi.
Qayd etilishicha, bu ko‘rsatkich 2025-yilning mos davriga nisbatan 65,4 tonnaga yoki 32,4 foizga kamaygan. Shu tariqa, mamlakatga kofe yetkazib berish hajmida sezilarli pasayish qayd etilgan.
2026-yilning dastlabki ikki oyida O‘zbekistonga eng ko‘p kofe yetkazib bergan davlat 46,3 tonna bilan Italiya bo‘ldi.
Shuningdek, Efiopiya 26,7 tonna, Vetnam 15 tonna, Germaniya 14,8 tonna va Rossiya 14,2 tonna hajmda kofe eksport qilgan.
Qolgan 19,2 tonna kofe esa boshqa davlatlar hissasiga to‘g‘ri kelgan. Bu esa import bozorida bir nechta asosiy yetkazib beruvchilar ustunligini ko‘rsatadi.
18:01
O‘zbekistonga smartfon va noutbuklar importining yangicha kanali ochiladi
Source link
Prezident Trampning Xolms so’zlaridan keyin neft narxi ko’tarildi
Prezident Butunjahon taekvondo federatsiyasining ordeni bilan mukofotlandi
21 mlrd so‘mlik xaridlarda qonun buzilgan —Raqobat qo‘mitasi
-
Dunyodan4 days ago
Eron rahbarlari AQSh va Isroildan tovon puli talab qilmoqda
-
Sport5 days ago
«Real Madrid» chempionlik uchun kurashlardan chiqdimi?
-
Iqtisodiyot3 days ago
Centrum Air mavsumning asosiy yo‘nalishlaridan birini ishga tushiradi – Antalyaga kunlik reyslar
-
Jamiyat5 days ago«Qamchiq» dovonida yuk mashinasi yonib ketdi
-
Dunyodan5 days ago
Rossiya mudofaa vazirining sobiq o‘rinbosari 19 yillik qamoq jazosiga hukm qilindi
-
Siyosat3 days ago
Buxoroda O‘zbekiston va Qozog‘iston yetakchilarining uchrashuvi bo‘lib o‘tdi
-
Mahalliy3 days ago
Xorijlik abituriyentlar uchun «Yangi O‘zbekiston stipendiyasi» grant dasturi joriy etiladi
-
Dunyodan3 days ago
Eronning sobiq tashqi ishlar vaziri havo hujumida halok bo‘ldi