Siyosat
Yaponiya Putinning xatti-harakatini qoraladi
Yaponiya hukumati Rossiya prezidenti Vladimir Putinning Kuril orollariga tashrifini keskin qoraladi.
«Shimoliy hududlar, jumladan, Iturup (oroli) ham tarixiy jihatdan, ham xalqaro huquqqa muvofiq Yaponiyaning ajralmas tarkibiy qismi sanaladi. Shu bois Yaponiya hukumati ushbu tashrifga qat’iy ravishda e’tiroz bildiradi», – deya bayonot berdi mamlakat tashqi ishlar vaziri Tosimitsu Motegi 13 avgust kuni.
Kreml matbuot xizmati Putinning Iturup oroliga tashrifi aks etgan videolavhalarni e’lon qildi.
Ma’lum bo‘lishicha, Rossiya rahbari Kuril markaziy shifoxonasi, maktab va baliqni qayta ishlash kombinatiga borgan, shuningdek, Saxalin gubernatori bilan uchrashgan.
Bu Vladimir Putinning Yaponiya Rossiya noqonuniy ravishda bosib olgan deb hisoblaydigan Kuril orollariga ilk tashrifidir. 2010-yilda kezlar Rossiya prezidenti vazifasida faoliyat yuritgan Dmitriy Medvedev ham bahsli hududga tashrif buyurgan edi.
Sovet Ittifoqi Ikkinchi jahon urushi yakunida Kunashir, Shikotan, Iturup, Xabomai va bir necha kichik orolni o‘z hududiga qo‘shib olgan. Yaponiya esa «Shimoliy hududlar» deb atalgan orollar azaldan va xalqaro huquqqa ko‘ra o‘ziga qarashli ekanini ta’kidlaydi.
Euronews xabar berishicha, nisbatan noqulay iqlimga qaramay, Kuril orollarida 20 mingga yaqin Rossiya fuqarosi yashaydi. 1945-yilda orollarni egallagach, Moskva bu yerda yashab kelgan 17 mingga yaqin yapon aholisini deportatsiya qilgan.
Ushbu hudud tabiiy boyliklar, jumladan, yirik oltin va kumush zaxiralariga ega.
Sovet Ittifoqi va AQSh o‘rtasida qurollanish poygasi,«sovuq urush» kechgan yillarda mazkur orollar strategik ahamiyat kasb etgan.
1956-yilda Sovet Ittifoqi Shikotan va Xabomai orollarini qaytarish va’dasini bergan holda Yaponiya bilan tinchlik deklaratsiyasini imzolagan. Keyinroq Yaponiya hukumati barcha orollarni qaytarishni talab qilgan va tinchlik bitimi imzolanmay qolib ketgan.
Sovet Ittifoqi parchalangach, Moskva va Tokio o‘rtasidagi muzokaralar qaytadan boshlangan, ammo natijasiz yakunlangan. Orollar hozirga qadar Rossiya nazoratida.
Rossiya 2022-yilda Ukrainaga qarshi keng ko‘lamli bosqinchilik urushi boshlagach, Yaponiya G‘arb davlatlari Moskvaga nisbatan joriy etgan moliyaviy cheklovlarga qo‘shildi.
Avval xabar berganimizdek, Tokioning o‘zi ham Rossiyaga qarshi bir qator sanksiyalar joriy etgan. Jumladan, Rossiyaning bir qator davlat amaldorlari, jumladan, prezident Vladimir Putin va tashqi ishlar vaziri Sergey Lavrovga tegishli mablag‘larni muzlatgan.
Ekspertlar hozircha ikki davlat o‘rtasida tinchlik bitimi yuzasidan muzokara o‘tkazish istiqbolini savol ostiga oladi.
Bugun, 25-sentyabr kuni O‘zbekiston Prezidenti Shavkat Mirziyoyev Xitoy Xalqaro madaniy kommunikatsiya markazi raisi Long Yuysyan va Gonkongning «JDB Group» kompaniyasi asoschisi Chan Xuntoni qabul qildi. Bu haqda Prezident matbuot xizmati xabar berdi.
Qayd etilishicha, O‘zbekiston bilan Xitoy o‘rtasidagi barcha sharoitlarda har tomonlama strategik sheriklik munosabatlarini yanada chuqurlashtirish va madaniy-gumanitar aloqalarni mustahkamlash masalalari ko‘rib chiqildi.
Markaz O‘zbekistonning Xitoy bilan ko‘p qirrali hamkorligini mustahkamlashga katta hissa qo‘shib kelayotgani qayd etildi. Birgalikda infratuzilmani rivojlantirish, investitsiyalar va «yashil» sanoat sohalarida qator loyihalar amalga oshirildi.
«JDB Group» kompaniyasining O‘zbekistondagi faoliyatining ustuvor yo‘nalishlari sifatida zamonaviy shahar, transport va sanoat infratuzilmasini rivojlantirish hamda geologiya sohasi belgilandi.
Uchrashuv yakunida mazkur kompaniya ishtirokida amalga oshirilayotgan va yangi loyihalarni jadallashtirish yuzasidan kelishuvga erishildi.
Siyosat
Saida Mirziyoyeva Diyene Keyta bilan demografik barqarorlik va inson kapitali bo‘yicha hamkorlikni muhokama qildi
O‘zbekiston Respublikasi Prezidenti Administratsiyasi rahbari Saida Mirziyoyeva BMT Bosh kotibi o‘rinbosari, BMT Aholishunoslik jamg‘armasi (UNFPA) ijrochi direktori Diyene Keyta bilan uchrashdi.
Muloqotda demografik barqarorlik, inson kapitali va aholi farovonligini ta’minlash bo‘yicha hamkorlikni yanada rivojlantirish masalalari muhokama qilindi.
Saida Mirziyoyeva O‘zbekistonning asosiy kapitali yosh avlod ekanini ta’kidladi. U demografik salohiyatni kelgusida dividend manbaiga aylantirish uchun inson, ayniqsa, ayollar va bolalarning salomatligi, ta’limi hamda xavfsizligiga investitsiya kiritish zarurligini bildirdi.
Saida Mirziyoyeva o‘zining Telegram kanalida demografik prognozlash tizimini yo‘lga qo‘yilayotganini ma’lum qildi. Shuningdek, «Demografik dividend — 2050» strategiyasini ishlab chiqish rejalashtirilayotganini aytdi.
Tomonlar demografik barqarorlikni faqat aholi soni bilan bog‘liq masala sifatida emas, balki ta’lim, sog‘liqni saqlash, bandlik, ijtimoiy himoya va oilalarni qo‘llab-quvvatlashni qamrab oladigan uzoq muddatli taraqqiyot masalasi sifatida ko‘rish zarurligini ta’kidladi.
Shuningdek, demografik ma’lumotlar va tahliliy prognozlar asosida qarorlar qabul qilish hamda inson kapitali va ijtimoiy xizmatlarga investitsiyalarni kuchaytirish bo‘yicha xalqaro hamkorlikni rivojlantirish masalalari muhokama qilindi.
Muloqotda aholining farovonligini oshirish va demografik jarayonlarni samarali boshqarishda ma’lumotlar hamda prognozlarning ahamiyatiga e’tibor qaratildi.
Prezident administratsiyasi rahbari Saida Mirziyoyeva Nyu-Yorkda «BlackRock» rahbariyati bilan uchrashdi.
Unda kompaniya prezidenti Robert Kapito, vitse-rais Tomas Donilon, «Global Infrastructure Partners» raisi va bosh ijrochi direktori Adebayo Ogunlesi, Moliyaviy va strategik investorlar guruhi global rahbari hamda kompaniyaning Yaqin Sharq mintaqasi bo‘yicha rahbari Charlz Hatami qatnashdi.
Muloqot davomida 2027-yilda Toshkent xalqaro moliya markazi faoliyatini yo‘lga qo‘yish masalasini muhokama qilindi. «BlackRock» ushbu Markaz konsepsiyasi va tuzilmasini ishlab chiqishda ko‘maklashmoqda.
AQSh ishbilarmon doiralari vakillari ishtirokidagi qo‘shma davra suhbatida O‘zbekiston hamda mintaqamizning yaqin o‘n yilliklarga mo‘ljallangan rivojlanish istiqbollari yuzasidan fikr almashildi.
O‘zbekiston yirik, samarali, sifatli sarmoyalar uchun yangi imkoniyatlar maydoniga aylanmoqda, dedi Saida Mirziyoyeva.
Mudofaa vaziriga ikki o‘rinbosar tayinlandi. Bu haqda vazirlik matbuot xizmati xabar berdi.
Jumladan, Prezidentning tegishli qaroriga muvofiq, polkovnik Zoidov Qahramonjon Obidjonovich O‘zbekiston mudofaa vazirining qurollanish va qurollantirish bo‘yicha o‘rinbosari lavozimiga tayinlandi.
Adliya polkovnigi Muratov Jahongir Dilshatovich vazirning komplayens va korrupsiyaga qarshi ichki nazorat bo‘yicha o‘rinbosari lavozimiga tayinlandi.
Prezident Shavkat Mirziyoyev Andijon viloyatiga tashrif buyuradi.
Ikki kunlik safar dasturidan hududning sanoat va investitsiya salohiyati, energetika, qishloq xo‘jaligi, transport, turizm va boshqa sohalardagi loyihalar bilan tanishish o‘rin olgan. Davlatimiz rahbari mahallalardagi bunyodkorlik ishlarini ham ko‘zdan kechiradi. Qator yangi quvvatlarni ishga tushirish va istiqbolli loyihalar qurilishini boshlash ko‘zda tutilgan.
Shuningdek, Andijon viloyatini yanada rivojlantirishning ustuvor yo‘nalishlari muhokamasiga bag‘ishlangan yig‘ilish bo‘lib o‘tadi.
