Jamiyat
Yangilangan Kia K8 sedani O‘zbekiston bozoriga chiqishga tayyorlanmoqda
Kia avtomobil brendining O‘zbekistondagi rasmiy distribyutori bo‘lgan ADM Global kompaniyalar guruhi yangilangan Kia K8 yaqin kelajakda mamlakat bozoriga chiqishini e’lon qiladi. Zamonaviy flagman chiroyli dizayn, ilg‘or texnologiyalar va yuqori darajadagi qulaylikni o‘zida mujassam etgan.
Dizayn
Biznes-klass flagman sedani Kia’ning “Qarama-qarshiliklar birligi” falsafasiga asoslangan nafis, zamonaviy dizaynni taklif etadi.
Yangilangan tashqi ko‘rinishi Kia EV9 elektrokrossoveriga hamohang: vertikal chiroqlar, kuzovning butun kengligi bo‘ylab yorug‘lik chizig‘i va ifodali bamperlar ishonchli va futuristik qiyofani yaratadi. Ko‘rkam ko‘rinish va dinamik diskalar modelning nufuzini belgilaydi.
Gabarit o‘lchamlari: 5050 × 1875 × 1465 mm, g‘ildirak bazasi — 2895 mm.
Interer
Kia K8 saloni shinam launj-maydonni eslatadi. Bu yerda premium darajadagi sifat nozik uslub hissi va yuqori texnologiyali yechimlar bilan uyg‘unlashgan. Keng salonda flagman biznes-sedanning bejirim uslubi shakllarning chiroyli jozibasi va nafis, zamonaviy elementlar bilan ajralib turadi.
Intererning asosiy elementlaridan biri — raqamli qurilmalar paneli va axborot-ko‘ngilochar tizim ekrani birlashtirilgan katta yoysimon panoramali displey. Kia modellari orasida birinchi marta isitiladigan ikki tabaqali markaziy tirsak qo‘ygich (o‘rindiq isitishi bilan bir vaqtda ishlaydi) va ultrabinafsha sterilizatsiya funksiyasiga ega ichki bo‘lim joylashgan.
Pnevmatik yostiqchaga ega Ergo Motion haydovchi o‘rindig‘i mukammal o‘tirib joylashish va tayanishni ta’minlaydi; barcha o‘rindiklar isitish tizimiga ega. To‘plamga qarab, ventilyatsiya faqat oldingi o‘rindiklar yoki old va orqa o‘rindiklar uchun ham mavjud.
Multimedia tizimi multimedia va iqlimni intuitiv ravishda boshqarish imkonini beradi, 14 dona dinamikka ega Meridian audio tizimi esa keng hajmli tovush chiqarish imkoniyatini ta’minlaydi. Ikkinchi qatordagi yo‘lovchilar uchun alohida iqlim hududi va quyoshdan himoya qiluvchi pardachalar mavjud.
Qulaylik va texnologiyalar
O‘zbekistonda Kia K8 3,5 litrli Smarstream benzin dvigateli (300 ot kuchi, 359 N·m) va 8 pog‘onali avtomatik uzatmalar qutisi bilan taklif etiladi.
Muxim yangilik — K8 endilikda to‘liq uzatma tizimi bilan jihozlangan. Bu har qanday ob-havo sharoitida barqarorlik va boshqaruvchanlikni oshiradi.
ECS elektron boshqaruvli moslashuvchan podveska real vaqtda amortizatorlarning ravon va ishonchli ishlashini ta’minlaydi.
Xavfsizlik
Passiv xavfsizlikning yuqori darajasi konstruksiyada yuqori mustahkamlikdan keng foydalanish va Kia K8’ning o‘nta xavfsizlik yostiqchalari bilan jihozlangani hisobiga ta’minlanadi.
Jumladan, haydovchi va yo‘lovchi boshlarining to‘qnashuviga yo‘l qo‘ymaydigan markaziy frontal yostiq o‘rnatilgan.
Zamonaviy texnologiyalar harakatlanishning barcha bosqichlarida — dvigatelni ishga tushirishdan to safar yakunigacha kompleks himoyani ta’minlaydi.
Yangilangan flagman sedan xususiyatlari bilan kia.uz saytida tanishish mumkin.
Telefon: (+998) 55−500−83−33
Sayt | Facebook | Instagram | Telegram | YouTube
Kia avtomobillari ADM Jizzakh — O‘zbekistonda mahalliy ishlab chiqarilgan tovarlar sertifikatiga ega bo‘lgan birinchi avtomobil ishlab chiqaruvchi zavodda ishlab chiqariladi. Sertifikatlar Vazirlar Mahkamasining 2024 yil 28 oktyabrdagi 712-son qaroriga muvofiq berilgan bo‘lib, mahalliylashtirish darajasining yuqoriligi va milliy standartlarga muvofiqligini tasdiqlaydi.
Ushbu sertifikatlarni olish — oddiy jarayon emas, ko‘plab tekshiruv va audit bosqichlarini talab qiladi. Bu yutuq katta jamoaviy mehnat natijasi bo‘lib, ADM Jizzakh ishlab chiqarishi belgilangan talablarga javob berishini tasdiqlaydi. Endilikda rasmiy sertifikatning mavjudligi davlat kompaniyalari va tashkilotlariga mahalliy ishlab chiqarish to‘g‘risidagi qonunchilik talablariga muvofiq ADM Jizzakh avtomobillarini xarid qilish imkonini beradi.
Reklama huquqi asosida
Ijtimoiy tarmoqlarda Zangiota tumani Achchisoy kanalida baliqlar nobud bo‘layotgani aks etgan video tarqaldi. Holat Ekologiya va iqlim o‘zgarishi milliy qo‘mitasi Davlat ekologik nazorat inspeksiyasi (Ekopolitsiya) tomonidan o‘rganildi.
O‘rganishlar davomida Zangiota tumani «Ittifoqchi» mahallasida faoliyat yuritib kelayotgan “Damachi baliq” MChJga qarashli baliqchilik ko‘lida suv sathi pasaytirilgani sababli baliqlarda kislorod yetishmasligi yuzaga kelib, 200-300 grammli baliqlar nobud bo‘lganligi aniqlandi. Nobud bo‘lgan baliqlar jamiyat ishchisi tomonidan tozalanib, tuman hududidan oqib o‘tgan Achchisoy kanaliga oqizib yuborilgan.
Jamiyat faoliyati natijasida hosil bo‘layotgan oqova suvlardan belgilangan tartibda laboratoriya tahlillari uchun namunalar olinib, atrof-muhitga ta’sirini aniqlash maqsadida chuqur o‘rganildi. Tahlil natijalariga ko‘ra, bir qator muhim ko‘rsatkichlar bo‘yicha me’yoriy talablardan sezilarli darajada oshish holatlari qayd etildi.
Xususan, azot ammoniy miqdori belgilangan me’yordan 1,7 barobar, azot nitrit 1,95 barobar, quruq qoldiq 1,28 barobar hamda umumiy fosfor 1,8 barobar ortiq ekanligi aniqlandi. Mazkur holatlar oqova suvlar yetarli darajada tozalanmasdan tashlanayotgani hamda suv obyektlarining ifloslanishi, ekologik muvozanatning buzilishi va bioxilma-xillikka salbiy ta’sir ko‘rsatganini ko‘rsatdi.
Holat bo‘yicha korxonaga 92 mln so‘m miqdorida kompensatsiya hisoblandi, mas’ullarga nisbatan ma’muriy bayonnoma rasmiylashtirilib, holat qayta takrorlanmasligi bo‘yicha majburiy ko‘rsatmalar berildi. Shuningdek, kanal nobud bo‘lgan baliqlardan tozalandi.
Joriy yilning 2-may kuni soat 07:20larda Konimex tumani «Karak-ata» OFY hududidan o‘tuvchi A-379 «Navoiy-Uchquduq» xalqaro ahamiyatga molik avtomobil yo‘lining 142-143 km.lar oralig‘ida haydovchi N.J. boshqaruvida bo‘lgan «Nexia-3» rusumli avtomobil «Zarafshon-Navoiy» yo‘nalishi bo‘ylab harakatlanib kelib, tezlikni oshirishi natijasida yo‘lning xavfli burilish joyida rul boshqaruvini yo‘qotib, qarama-qarshi tomonga chiqib ketib, qarama-qarshi tomondan harakatlanib kelayotgan fuqaro M.A. boshqaruvida bo‘lgan «SKANIA 114L» rusumli avtomashina bilan to‘qnashib, yo‘l-transport hodisasi sodir qilgan.
Natijada «Nexia-3» rusumli avtomobil haydovchisi va yo‘lovchisi og‘ir tan jarohatlari sabab vafot etgan.
Hozirda holat yuzasidan jinoyat ishi qo‘zg‘atilib, voqea tafsilotlarini o‘rganish yuzasidan dastlabki tergov harakatlari olib borilmoqda.
3-4 may kunlari Prezident Shavkat Mirziyoyev Samarqandda bo‘lib o‘tadigan Osiyo taraqqiyot banki Boshqaruvchilar kengashining 59-yillik yig‘ilishi tadbirlarida ishtirok etadi.
Davlatimiz rahbari tadbirning ochilish marosimida nutq so‘zlaydi hamda xorijiy delegatsiyalar rahbarlari bilan uchrashuvlar o‘tkazadi.
Yig‘ilishning bosh mavzusi – «Taraqqiyot chorrahalari: mintaqaning o‘zaro bog‘liq kelajagini ilgari surish». Forum global va mintaqaviy iqtisodiyotni rivojlantirishning ustuvor yo‘nalishlarini muhokama qilish uchun muhim xalqaro platforma bo‘ladi.
Ishtirokchilar asosiy e’tiborini «yashil» transformatsiya, energetik o‘tish, raqamlashtirish, investitsiyalarni jalb qilish, oziq-ovqat xavfsizligi, sanoatda yetkazib berish zanjirlarining barqarorligi va boshqa masalalarga qaratadilar.
Besh kunlik sammitda 100 dan ortiq mamlakat delegatsiyalari, Osiyo taraqqiyot banki, Jahon banki, Xalqaro valyuta jamg‘armasi, Osiyo infratuzilmaviy investitsiyalar banki va boshqa institutlar rahbarlari va xodimlari hamda xorijiy hukumatlarning 2 ming nafarga yaqin vakillari, yetakchi kompaniyalar va banklar, transmilliy korporatsiyalar top-menejerlari hamda nufuzli ekspertlar ishtirok etadi. Jami 4 mingdan ziyod delegat qatnashishi kutilmoqda.
O‘zbekiston 1995-yildan buyon Osiyo taraqqiyot bankining a’zosi bo‘lib, uning eng yirik hamkorlaridan biri hisoblanadi: loyihalar portfelining umumiy hajmi qariyb 16 milliard dollarni tashkil etmoqda. Mamlakatimiz bankning yillik yig‘ilishiga ikkinchi bor mezbonlik qilmoqda.
O‘zbekistonda konsert-tomosha faoliyati bilan shug‘ullanuvchi 1 100 nafar xonanda 2025-yil uchun soliq deklaratsiyasini taqdim etdi. Rasmiy ma’lumotlarga ko‘ra, jami 599,7 mln so‘m daromad solig‘i hisoblangan.
Hisob-kitobga ko‘ra, bu bir nafar san’atkorga yiliga o‘rtacha 545 ming so‘m, oyiga esa taxminan 45 ming so‘m soliq to‘g‘ri kelayotganini ko‘rsatadi.
Deklaratsiyalar tahliliga ko‘ra, san’atkorlarning asosiy qismi past daromad segmentiga to‘g‘ri keladi. Jumladan, 375 nafar xonanda yiliga 1 mln so‘mgacha, 576 nafari esa 10 mln so‘mgacha daromad ko‘rsatgan. Faqat juda kichik qismi – 19 nafar san’atkor 60 mln so‘mdan yuqori daromad qayd etgan.
Reyting guruhlari kesimida ham shu holat kuzatiladi: yuqori daromadli I guruhda bor-yo‘g‘i 47 nafar bo‘lib, asosiy ulush – 953 nafardan iborat III guruh hissasiga to‘g‘ri keladi. Demak, bozorda ko‘pchilik san’atkorlar nisbatan kichik daromad bilan faoliyat yuritmoqda.
Guruhlar kesimida:
I guruh (47 nafar): yuqori daromad, 140,8 mln so‘m soliq
II guruh (100 nafar): 83,9 mln so‘m soliq
III guruh (953 nafar): asosiy ulush — 375,2 mln so‘m
Biroq bu raqamlar ikki xil talqin qilinishi mumkin. Bir tomondan, haqiqatan ham san’at bozorida daromadlar past bo‘lishi mumkin. Ikkinchi tomondan esa, ayrim hollarda daromadlarning to‘liq deklaratsiya qilinmasligi ehtimoli ham mavjud.
Baxtsiz hodisa 28 mart kuni Yangiqo‘rg‘on tumani tibbiyot birlashmasiga qarashli G‘ovazon oilaviy shifokorlik punktida bo‘lgan.
Namangan viloyati Yangiqo‘rg‘on tumanida 39 yoshli ayol oilaviy shifokor punktida osma ukol olayotgan payti vafot etganligi holati bo‘yicha jinoyat ishi qo‘zg‘atildi.
Bu haqda viloyat prokuraturasi ma’lum qildi.
“Mazkur holat yuzasidan Yangiqo‘rg‘on tuman prokuraturasi tomonidan Yangiqo‘rg‘on TTB.ga qarashli “G‘ovazon” OShP TBX oila hamshirasi G.E.ga nisbatan JKning 116-moddasi 3-qismi bilan jinoyat ishi qo‘zg‘atilgan”, deyiladi prokuratura xabarida.
Qayd etilishicha, hozirda Yangiqo‘rg‘on tuman prokuraturasi tomonidan tergov harakatlari olib borilmoqda.
Jinoyat ishi tergovi viloyat prokuraturasi tomonidan nazoratga olingan.
Avvalroq Kun.uz mazkur voqea tafsilotlarini o‘rgangandi.
Baxtsiz hodisa 28 mart kuni Yangiqo‘rg‘on tumani tibbiyot birlashmasiga qarashli G‘ovazon oilaviy shifokorlik punktida bo‘lgan.
O‘zbekistonda 100 ming so‘mlik banknotdan eng ko‘p foydalanilmoqda
Baliqlarni nobud qilgan korxonaga 90 mln so‘mdan ortiq kompensatsiya hisoblandi
Navoiydagi YTHda haydovchi va yo‘lovchi halok bo‘ldi
-
Siyosat5 days agoOʻzbekistonda yashirin forumda davlat xizmatchilariga oid maʼlumotlarning sizib chiqib ketishini tekshirmoqda
-
Siyosat5 days agoOʻzbekiston Davlat investitsiya jamgʻarmasi Toshkent va Londonda ikki tomonlama IPO oʻtkazdi
-
Siyosat3 days agoPrezident Mirziyoyev energiya tejash vositasi sifatida kommunal xizmatlarni oʻchirishni taqiqlovchi farmonni imzoladi
-
Jamiyat5 days agoMashina olib berish va’dasida yuzlab odamni chuv tushirgan “Umid avto”chilarga hukm o‘qildi
-
Dunyodan5 days ago
Ukraina va Yevropa Ittifoqi Isroilga qarshi sanksiyalar kiritmoqchi
-
Dunyodan5 days ago
Jarrohlar Apple Vision Pro foydasiga monitorlardan voz kechishmoqda
-
Iqtisodiyot4 days ago«Kursga sun’iy ta’sir o‘tkazish tarafdori emasmiz»
-
Turk dunyosi4 days agoKurd jangari rasmiysining aytishicha, Turkiya islohotlarning yoʻqligi tufayli tinchlik muzokaralarini toʻxtatib qoʻymoqda