Jamiyat
Yangi O‘zbekiston taraqqiyotining muhim bosqichi
Prezident Shavkat Mirziyoyevning Oliy Majlisga murojaati xalqparvarlik, adolat va inson manfaatlarini ustuvor qo‘ygan aniq tashabbuslar bilan aholining qalbidan chuqur joy oldi. Jumladan, mahalla infratuzilmasini yanada yaxshilash, ularga Yangi O‘zbekiston qiyofasini olib kirish, iqtisodiyotni texnologik va innovatsion o‘sish modeliga o‘tkazish, shuningdek, ichki bozorda talabni rag‘batlantirish kabi ustuvor vazifalar belgilab berilgani fuqarolar tomonidan katta quvonch va mamnuniyat bilan qarshi olindi.
Murojaatnomada har bir hudud, har bir oila manfaati inobatga olingani, muammolarga ochiq va amaliy yechimlar taklif etilgani aholining ertangi kunga bo‘lgan ishonchini yanada mustahkamladi. Yurtdoshlarimiz mazkur xalqparvar siyosat Yangi O‘zbekiston taraqqiyotining mustahkam poydevori bo‘lib xizmat qilishiga, islohotlar natijasi kundalik hayotda yanada yaqqol namoyon bo‘layotganidan mamnun bo‘lishmoqda.
Biz Yangi O‘zbekistonni barpo etish yo‘lida ko‘p ishlarni amalga oshirdik va endilikda yanada muhim bosqichga qadam qo‘ymoqdamiz. Mamlakatimiz taraqqiyotining bu davri barcha soha va tarmoqlarda chuqur transformatsiyani talab etmoqdaki, bundan ko‘zlanayotgan asosiy maqsad har birimiz uchun ravshan va aniq — yaqin yillarda O‘zbekistonni daromadi o‘rtadan yuqori bo‘lgan mamlakatlar qatoriga olib chiqishdir.
Farg‘ona vodiysidan Orolbo‘yigacha, Zarafshon vohasidan Qashqadaryo va Surxondaryogacha, Toshkentdan Jizzax va Sirdaryogacha — yurtimizning qaysi hududida yashamasin, har bir fuqaro islohotlar samarasini o‘z kundalik hayotida his qilishi kerak. Shu ma’noda, kirib kelayotgan 2026 yil davlat boshqaruvi, sud-huquq tizimi, iqtisodiyot, ta’lim, ilm-fan, tibbiyot, madaniyat, sport va ekologiya kabi sohalarida tub burilish yili bo‘lishi alohida ta’kidlanmoqda.
Prezidentimiz ta’kidlaganidek: «Biz – bugun 38 milliondan ziyod katta xalqmiz. Mashaqqatli va sharafli mehnatimiz bilan dunyoda hurmat topayotgan, ertangi kunga ishonch bilan dadil borayotgan, matonatli va g‘ururi baland millatmiz!»
Bu so‘zlar Yangi O‘zbekiston islohotlarining mazmun-mohiyatini, xalqimizning kuch-qudrati va kelajakka bo‘lgan ishonchini yaqqol ifodalaydi. 2026 yil esa ana shu ishonchni amalda tasdiqlaydigan, taraqqiyot tariximizda yangi sahifa ochadigan yil bo‘lishi kutilmoqda.
Shu asnoda, Davlat rahbarining Murojaatnomasida belgilab berilgan 6 ta ustuvor yo‘nalish ana shu ulkan maqsadlarga xizmat qiladi. Ularning birinchi va eng diqqatga sazovor yo‘nalishi — mahalla infratuzilmasini tubdan yaxshilashdir. Chunki yurt obodligi, avvalo, mahalladagi sharoitlar bilan o‘lchanadi. Yo‘l, suv, elektr, transport, bog‘cha, maktab va tibbiyot muassasalaridagi yangilanishlar — aholimizning turmush tarzini ijobiy tomonga o‘zgarib borayotganini ko‘rsatib beruvchi muhim jihatlardir.
Shu boisdan, kelgusi yildan mahallani rivojlantirishda kompleks yondashuv joriy etilishi hech kimni befarq qoldirmadi, desak aslo mubolag‘a bo‘lmaydi. Har bir viloyatda 2–3 tadan tuman tanlanib, ulardagi barcha mahallalarda muammolar bir vaqtning o‘zida hal etiladi. Bu yangi tajriba Urgut tumanidan boshlanib, u yerda 100 ming aholiga mo‘ljallangan zamonaviy eko-shahar barpo etiladi. Mazkur maqsadlar uchun 544 milliard so‘m ajratilib, yuzga yaqin bog‘cha, maktab va poliklinikalar quriladi, ichki yo‘llar, muhandislik tarmoqlari to‘liq yangilanadi.
Umuman, 33 ta tuman va 330 ta sharoiti og‘ir mahallada ishlarni yangi tizim asosida tashkil etish rejalashtirilgan. Bu ishlarga barcha manbalar hisobidan 8,5 trillion so‘m ajratilishi, deputatlarga o‘z okrugidagi muammolarni hal qilish uchun 500 milliard so‘m berilishi islohotlarning xalqqa yanada yaqinlashganidan dalolatdir. 2030 yilgacha sharoiti og‘ir barcha tumanlardagi mahallalarga Yangi O‘zbekiston qiyofasi kiritiladi.
Islohotlarni samarali amalga oshirish uchun mahalliy budjetlar mustaqilligi kuchaytirilmoqda. Qo‘shilgan qiymat solig‘idan tushumlarning ma’lum qismi hududlarda qoldirilib, tuman budjetlariga yo‘naltiriladi. Samarasiz shtatlar qisqartirilib, tejalgan mablag‘lar aholi ko‘targan muammolarni hal etishga sarflanadi. Bu orqali mahalliy darajada katta moliyaviy manbalar shakllantiriladi.
Kelgusi yilda ilk bor mahalla infratuzilmasini rivojlantirish uchun 20 trillion so‘m to‘g‘ridan-to‘g‘ri viloyatlarning o‘ziga beriladi. Eng muhimi, har bir so‘m ish o‘rinlari tashkil qilish, aholi daromadini oshirishga xizmat qiladigan aniq loyihalarga yo‘naltiriladi.
Shuningdek, urbanizatsiya va shaharlarni barqaror rivojlantirish bo‘yicha yangi islohotlar boshlanadi. Shaharlarning tartibsiz kengayishi cheklanib, ekin maydonlarini asrash bo‘yicha qat’iy mezonlar joriy etiladi. Ilk bor 45 ta aglomeratsiya hududlari belgilanib, «Barqaror shahar» platformasi orqali yashash uchun qulaylik indeksi» joriy etiladi.
Kambag‘allikni qisqartirish masalasi esa umummilliy harakatga aylanishi natijasida so‘nggi yillarda millionlab odamlar kambag‘allikdan chiqarildi. Bu yo‘lda tadbirkorlar hal qiluvchi kuch sifatida qo‘llab-quvvatlanmoqda. 2026 yilda ham soliq stavkalari o‘zgarishsiz qoldirilib, kichik va o‘rta biznesga ulkan moliyaviy resurslar yo‘naltiriladi. Ayniqsa, xotin-qizlar va yoshlar tadbirkorligini rivojlantirishga alohida e’tibor qaratiladi.
Alohida aytish joizki, O‘zbekiston Prezidentining Oliy Majlis va O‘zbekiston xalqiga murojaatida ilgari surilgan xalqparvar siyosat va ustuvor vazifalar aholi hayoti sifatini oshirishga qaratilgan aniq maqsad va amaliy rejalarga tayanadi.
Bolaga Howo yuk mashinasi boshqaruvini ammasining o‘g‘li ishonib topshirgan. “Mashina boshqarishni o‘rgatmoqchi edim”, degan u. Mashina jarima maydoniga joylashtirilgan, huquqbuzarlarga esa ma’muriy bayonnoma rasmiylashtirilgan.
Navoiyda Howo yuk mashinasi boshqaruvini 7 yoshli bolaga ishonib topshirgan shaxs aniqlandi. Bu haqda viloyat YHXB axborot xizmati xabar berdi.
Ijtimoiy tarmoqlarda yosh bola yuk mashinasini boshqarib borayotgani aks etgan videolavha tarqaldi. Qoidabuzarlik yuzasidan tezkorlik bilan surishtiruv harakatlari olib borilgan. Jarayonda voqea 2025 yil sentabr oyida bo‘lgani aniqlangan.
Ma’lum bo‘lishicha, bolaga boshqaruvchi uning ammasini o‘g‘li ishonib topshirgan. “Akam menga katta mashinasini berdi. Men uni boshqardim. Endi qaytib qilmayman”, degan bola.
Huquqbuzar qilgan ishidan afsusda ekanini aytib, jiyaniga mashina boshqarishni o‘rgatmoqchi bo‘lganini bildirgan.
Karmanalik ushbu shaxsning xatti-harakati va ota-onaning farzandini nazoratsiz qoldirgani yuzasidan MJtKning tegishli bandlari bilan ma’muriy bayonnomalar rasmiylashtirilgan. Yuk mashinasi esa jarima maydoniga joylashtirilgan.
Avvalroq Farg‘onada voyaga yetmagan shaxs Malibu’da uchta bolani urib ketgan edi. Ulardan biri vafot etgandi.
«Tashabbusli budjet jarayonlari doirasida mahallalardagi ijtimoiy-iqtisodiy masalalarni hal etishda xalq vakillari va jamoatchilik uchun qo‘shimcha imkoniyatlarni yaratish to‘g‘risida»gi prezident qarori qabul qilindi.
Sun’iy intellekt yaratgan surat
Qarorga ko‘ra, 2026 yil 1 avgustdan tashabbusli budjet jarayonida deputatlar tomonidan loyihalarni qo‘shimcha ravishda g‘olib deb e’lon qilish uchun imkoniyatlar yanada kengaytiriladi.
Bunda:
har bir deputat tomonidan «Ochiq budjet» axborot portalida (portal) bir mavsum uchun ajratilgan mablag‘lar doirasida bir yoki bir nechta loyihalar tanlanib, qo‘shimcha ravishda g‘olib deb e’lon qilinadi;
deputat vakolati muddatidan ilgari tugatilgan hollarda «Tashabbusli budjet» jarayonlarida parlament nazoratini amalga oshirish bo‘yicha komissiya qaroriga ko‘ra boshqa deputatlar tomonidan tashabbusli budjet jarayonlarining tegishli saylov okrugidagi qo‘shimcha g‘oliblari aniqlanadi.
2027 yil 1 yanvardan sheriklik loyihalarini qo‘shimcha ravishda Yagona interaktiv davlat xizmatlari portali, to‘lov tashkilotlari va tijorat banklarining mobil ilovalari orqali moliyalashtirish imkoniyatlari yaratiladi.
Mobil ilovalarda portal bilan integratsiya ta’minlangan holda barcha sheriklik loyihalarining ro‘yxati va tashabbusli budjet jarayonining onlayn statistikasi aks ettiriladi.
Qiymati BHM 2000 baravarigacha (taxminan 824 mln so‘m) bo‘lgan ichki yo‘llarni ta’mirlash bo‘yicha sheriklik loyihalarini tuman (shahar) obodonlashtirish boshqarmalari tomonidan amalga oshirish tartibi joriy etiladi.
Ijtimoiy tarmoqlarda tarqalgan videoda Kia rusumli avtomobil chorrahada katta tezlikda harakatlangani va qayrilib olayotgan Lacetti’ni urib o‘tganini ko‘rish mumkin. Jabrlanuvchilar haqida hozircha ma’lumot berilmadi.
Toshkent shahri Yunusobod tumanida Lacetti va Kia K5 rusumli avtomobillar ishtirokida ayanchli avariya ro‘y berdi.
Poytaxt YHXB matbuot xizmati ma’lum qilishicha, hodisa 30 iyun kuni soat 05:10 larda Amir Temur–Bog‘ishamol ko‘chalari chorrahasida sodir bo‘lgan. Lacetti Amir Temur ko‘chasi bo‘ylab harakatlanib ketayotgan vaqtida, o‘zidan o‘ng tomondan harakatlanib kelgan Kia K5 rusumli avtomobil bilan to‘qnashgan.
Ijtimoiy tarmoqlarda tarqalgan videoda Kia katta tezlikda harakatlanib, Lacetti’ning orqa qismini urib o‘tganini ko‘rish mumkin.
Xabarda avtomobilda bo‘lganlarning ahvoli haqida ma’lumot berilmagan.
Hozirda mazkur holat yuzasidan Toshkent shahar IIBB YHXB mas’ul xodimlari tomonidan surishtiruv harakatlari olib borilmoqda.
Voyaga yetmagan Doniyor Turg‘unov odam o‘limiga sabab bo‘lgan qasddan badanga og‘ir shikast yetkazish jinoyatida ayblanmoqda. Jinoyat ishi Mirobod tuman sudida yopiq tarzda ko‘rib chiqilmoqda. 26 iyun kuni dastlabki sud majlisi o‘tkazilgan.
Joriy yil 25 fevral kuni Toshkent shahrida BMW mashinasida YPX inspektorini urib ketgan voyaga yetmagan Doniyor Turg‘unovga nisbatan olib borilgan dastlabki tergov harakatlari yakunlanib, ish sudga oshirilgani ma’lum bo‘ldi. Bu haqda Kun.uz manbalari ma’lum qildi.
Manbaga ko‘ra, jinoyat ishi Mirobod tuman sudida yopiq tarzda ko‘rib chiqilmoqda (JPK talabiga ko‘ra, voyaga yetmaganlar ishtirokidagi ishlar yopiq ko‘riladi). 26 iyun kuni dastlabki sud majlisi o‘tkazilgan.
Jinoyat ishi yopiq tarzda o‘tkazilayotgani uchun sud majlislari jadvalida keltirilmagan.
Toshkent shahar sudlari matbuot xizmati Kun.uz so‘roviga javoban ish jinoyat ishlari bo‘yicha Mirobod tuman sudida ko‘rilayotgani, ish sudga Jinoyat kodeksining 104-moddasi uchinchi qismi «d» bandi (odam o‘limiga sabab bo‘lgan qasddan badanga og‘ir shikast yetkazish) bilan taqdim etilgani, sudlanuvchiga nisbatan qamoq ehtiyot chorasi saqlanib qolgani haqida ma’lum qildi.
Eslatib o‘tamiz, 2026 yil 25 fevral kuni Toshkent shahrining Mirobod tumanida voyaga yetmagan Doniyor Turg‘unov BMW mashinasida yo‘l-patrul xizmati inspektori Hosilbek Eshnazarovni urib yuborgandi.
Inspektor og‘ir jarohatlar oqibatida vafot etgan.
Shundan so‘ng Doniyor Turg‘unov qamoqqa olingan va unga Jinoyat kodeksining 267-moddasi (avtotransport vositasini olib qochish) va 104-moddasi uchinchi qismi «d» bandi (odam o‘limiga sabab bo‘lgan qasddan badanga og‘ir shikast yetkazish) bilan ayb e’lon qilingandi.
Marhum kichik serjant Hosilbek Eshnazarov prezident farmoniga ko‘ra, «Jasorat» medali bilan mukofotlandi va uning oilasiga Toshkent shahridan 3 xonali kvartira berildi.
Malayziyaga sayohatga borgan 3 nafar o‘zbekistonlik o‘lim jazosiga hukm qilingani haqida material e’lon qilingandi. O‘zbekiston tashqi ishlar vazirining matbuot kotibi Omonulla Fayziyev ushbu fuqarolarning keyingi taqdiri haqida Kun.uz’ga ma’lumot berdi.
Omonulla Fayziyevning aytishicha, 2010 yil sentabr oyida O‘zbekiston fuqarolari N.S., N.D. va J.J. Kuala-Lumpur xalqaro aeroportida 12 kilogrammdan ortiq giyohvandlik vositalarini olib o‘tishga urinishda gumonlanib, Malayziya huquqni muhofaza qiluvchi organlari tomonidan qo‘lga olingan.
Keyinchalik Malayziya sudi ularga nisbatan o‘lim jazosi tayinlagan.
Fuqarolarimizning huquq va qonuniy manfaatlarini himoya qilish maqsadida O‘zbekistonning Malayziyadagi elchixonasi tomonidan 2013, 2014, 2016 va 2020 yillarda Malayziya Tashqi ishlar vazirligi, Bosh prokuraturasi, Oliy sudi hamda mamlakat Qiroli nomiga ularni afv etish to‘g‘risida bir necha bor rasmiy murojaatlar kiritilgan.
2018 yilda Malayziyada o‘lim jazosini ijro etishga moratoriy joriy etildi. Keyinchalik, 2024 yil 18 mart kuni kuchga kirgan “O‘lim va umrbod ozodlikdan mahrum qilish jazolarini olgan shaxslarning ishlarini qayta ko‘rib chiqish to‘g‘risida”gi qonun asosida Malayziya Oliy sudi mazkur uch nafar O‘zbekiston fuqarosiga nisbatan chiqarilgan avvalgi o‘lim jazosini 30 yil muddatga ozodlikdan mahrum qilish jazosi bilan almashtirdi.
Malayziya qonunchiligiga muvofiq, jazoni ijro etish tartibi va yaxshi xulq-atvor uchun nazarda tutilgan imtiyozlar inobatga olinganda, ushbu fuqarolarning jazo muddati 2030 yilda yakunlanishi kutilmoqda.
Hozirgi vaqtda ular Malayziyaning Selangor shtatidagi Kajang qamoqxonasida jazo muddatini o‘tamoqda. O‘zbekistonning Malayziyadagi elchixonasi tomonidan ular bilan muntazam konsullik uchrashuvlari o‘tkazilib, zarur konsullik-huquqiy ko‘mak ko‘rsatib kelinmoqda.
Tashqi ishlar vazirligi xorijda bo‘lib turgan O‘zbekiston fuqarolarining huquq va qonuniy manfaatlarini himoya qilish bo‘yicha tegishli choralarni bundan buyon ham davom ettiradi, dedi Omonulla Fayziyev.
Eslatib o‘tamiz, uch o‘zbekistonlikning Malayziyaga sayohatga borishi va giyohvand moddalar aniqlanib o‘limga hukm qilinishi haqidagi hikoyani iste’fodagi DXX xodimi O‘ktam Suvonov Xavfsizlik YouTube kanaliga bergan intervyusida aytib bergandi.
Eldor Shomurodovning goli JCh–2026 guruh bosqichidagi eng chiroyli deb topildi
Al Kaponedan Gulnora Karimovagacha: “Kir pullar” qanday yuviladi?
Navoiyda 7 yoshli bolaga yuk mashinasi boshqaruvini bergan shaxsga chora ko‘rildi
-
Dunyodan4 days agoQirgʻiziston va Oʻzbekiston chegarani delimitatsiya qilish doirasida hudud almashadilar
-
Sport5 days agoYaponiya futbolining buyuk sabog‘i: mag‘lubiyatdan to‘g‘ri xulosa chiqarish
-
Siyosat5 days agoPrezident Shavkat Mirziyoyev AQSh Savdo vakili Jeymison Grini qabul qildi
-
Dunyodan2 days agoEron Hormuz boʻgʻozi orqali oʻtayotgan kemalarni ogohlantirdi
-
Sport4 days agoDo‘stlar sharafiga Lamin Yamal deb nomlangan bola – jahon futbol yulduzi haqida
-
Iqtisodiyot4 days ago
Ertaga dollar tushib, yevro biroz ko‘tariladi
-
Jamiyat4 days agoVatanparvar jurnalistlarni o‘zimga do‘st va maslakdosh deb bilaman
-
Iqtisodiyot2 days ago“Xohlagan ekinni ekish mumkin” – Yangi tartib fermerga nima beradi?