Iqtisodiyot
«Yangi O‘zbekiston — investorlar uchun ochiq, erkin va ishonchli mamlakat»
Toshkentda Xorijiy investorlar kengashining navbatdagi majlisi bo‘lib o‘tdi. Prezident Shavkat Mirziyoyevning majlisdagi nutqi mamlakatdagi investitsion muhit, islohotlar va kelajakka qaratilgan strategiya tamoyillarini yaqqol namoyon etadi.
Shaffof muloqot va amaliy natijalar
O‘zbekiston yangi taraqqiyot bosqichida. Bugun investorlar nafaqat sherik, balki yangi tarixning hammuallifi sifatida ko‘rilmoqda. Prezident Mirziyoyev Xorijiy investorlar kengashining yig‘ilishida ana shu g‘oyani ilgari surib, forumlar va muloqotlar amaliy natijaga qaratilgan bo‘lishi lozimligini ta’kidladi. Bu yo‘nalishdagi dastlabki qadamlar samara bermoqda. Misol uchun, Yevropa tiklanish va taraqqiyot banki tomonidan 2023 yili O‘zbekistonga 1 milliard dollar miqdorida investitsiya yo‘naltirilgan — bu bank uchun mintaqadagi rekord ko‘rsatkich hisoblanadi.
Buning o‘ziyoq so‘nggi yillardagi ochiqlik siyosati, investitsiyaviy muhitni yaxshilash va hukumatning tuzilmaviy islohotlarga sodiqligiga bo‘lgan ishonch ifodasidir.
«Yashil iqtisodiyot» — kelajak poydevori
Prezident nutqida alohida e’tibor qaratilgan yo‘nalishlardan biri — «yashil» energiya va ekologik barqaror rivojlanish masalasi bo‘ldi. Ushbu sohada dunyodagi yetakchi kompaniyalar — «Acwa Power», «Masdar», «Linde», «Total Energies» va boshqalar tomonidan 8 milliard dollardan ortiq investitsiya jalb qilingan.
Bugun O‘zbekiston tabiiy resurslarga asoslangan iqtisodiyotdan tashqari, innovatsion, ekologik va raqamli yechimlar sari yo‘l olmoqda. Xususan, «DataVolt» kompaniyasi mintaqadagi eng yirik «yashil data markaz»ni qurishni boshlagan bo‘lsa, «Veon» sun’iy intellektga asoslangan mobil super-ilova loyihasini amalga oshirmoqda.
2028 yilgacha biznes uchun asosiy soliq stavkalari o‘zgarmaydi
Investorlar uchun qonunchilik muhitining barqarorligi har qanday sarmoya qarorining asosiy omillaridan biri. Prezident 2028 yilgacha biznes uchun asosiy soliq stavkalarining o‘zgarmasligini e’lon qilishi ana shunday ishonchni mustahkamlovchi qadam bo‘ldi. Shu bilan birga, davlat-xususiy sheriklik asosida infratuzilma sohalarida 4,5 milliard dollarlik loyihalar boshlangan.
Bu faqat davlat tashabbusi emas. Investorlardan kelib tushgan 40 dan ortiq takliflar chuqur tahlil qilinmoqda va ular asosida qonun, farmon va qarorlar qabul qilinishi belgilandi. «Knauf», «TBC», «Ernst & Young» kabi kompaniyalar bergan takliflar jamoaviy islohotlar jarayonining amaliy jihatini namoyon etmoqda.
Xalqaro sheriklikda yangi bosqich
Prezident nutqida yana bir muhim taklif ilgari surildi: Xorijiy investorlar kengashi kotibiyatini mustaqil yuridik shaxs sifatida qayta tashkil etish. Bu Kengashni texnik organ emas, balki real investitsion siyosat shakllanishidagi markaziy muloqot platformasi sifatida ko‘rishga xizmat qiladi.
Shuningdek, elektr tarmoqlariga ulanish, kadrlar tayyorlash, korporativ boshqaruvni yaxshilash, soliq ma’murchiligi bo‘yicha alohida ishchi guruhlar tashkil etilishi rejalashtirilgani, investitsiya muhitini yanada takomillashtirishga qaratilgan keng qamrovli yondashuvdir.
Yangi O‘zbekistonning hammualliflari
Muloqot yakunida Shavkat Mirziyoyev Yangi O‘zbekistonning investorlar uchun «ochiq, erkin va ishonchli mamlakat» ekanini yana bir bor ta’kidladi. Bugungi islohotlar ortga qaytmaydi. Prezident o‘z nutqini muhim chaqiriq bilan yakunladi: «Sizlarni yurtimizga shunchaki sarmoya kiritishga emas, balki muvaffaqiyatimiz tarixining chinakam ishtirokchilariga, biz yaratayotgan buyuk kelajakning ajralmas qismiga aylanishga chorlaymiz».
Demak, investorlar endi faqat moliyaviy ishtirokchi emas, balki Yangi O‘zbekistonning hammualliflaridir.
2025 yilda O‘zbekistonda avtomobil to‘xtash joylari (“parkovka”) xizmatlari narxlari o‘rtacha 15,5 foizga qimmatlashdi. Shu bilan birga, avtoyuvish va texnik xizmat ko‘rsatish xizmatlarida ham barqaror o‘sish kuzatildi.
Milliy statistika qo‘mitasi ma’lumotlariga ko‘ra, 2025 yil davomida transportga xizmat ko‘rsatish sohasida narxlar o‘sishi qayd etilgan. Xususan, avtomobil to‘xtash joylari xizmatlari narxlari o‘rtacha 15,5 foizga oshgan. Bu ko‘rsatkich mazkur segmentda xarajatlar o‘sishi va xizmatlarga bo‘lgan talab yuqori saqlanayotganini ko‘rsatadi.
Shuningdek, shaxsiy transport vositalarini yuvish bo‘yicha xizmatlar narxlari o‘rtacha 8 foizga qimmatlashgan. Texnik xizmat ko‘rsatish xizmatlari narxlari esa 7 foizga oshgani kuzatilgan.
Mutaxassislar fikricha, transport vositalari sonining ortishi, ehtiyot qismlar va materiallar narxining qimmatlashishi hamda xizmat ko‘rsatish xarajatlarining o‘sishi ushbu tendensiyaga ta’sir ko‘rsatgan bo‘lishi mumkin.
Shunday qilib, 2025 yilda transport sohasidagi xizmatlar segmentida barqaror narx o‘sishi saqlanib qolgan.
O‘zbekiston Respublikasi Turizm qo‘mitasi raisi A.Aqqulov boshchiligidagi Respublika ishchi guruhi hamda turizm sohasi vakillari ishtirokida Andijon viloyatiga amaliy tashrif amalga oshirildi.
O‘zbekiston Respublikasi Prezidenti administratsiyasi rahbarining topshirig‘iga asosan amalga oshirilgan tashrif davomida hududning turizm salohiyatini yanada oshirish, yangi turizm yo‘nalishlari va zamonaviy lokatsiyalarni tashkil etish, shuningdek, mavjud infratuzilmani takomillashtirish bo‘yicha qator muhim tashabbuslar ilgari surildi.
Tashrif davomida Andijon viloyati hokimligi, tegishli vazirlik va idoralar hamda 80 dan ortiq tadbirkorlar, jumladan turoperatorlar, mehmonxona va restoran biznesi vakillari, transport xizmatlari ko‘rsatuvchi korxonalar, dam olish maskanlari rahbarlari hamda madaniy muassasalar vakillari ishtirokida ochiq muloqot o‘tkazildi.
Ochiq muloqot jarayonida Andijon viloyatida 2025 yilda amalga oshirilgan loyihalar va erishilgan natijalar taqdim etildi, shuningdek, 2026 yilga mo‘ljallangan ustuvor vazifalar, jumladan, hududda turizm infratuzilmasini rivojlantirish, yangi turizm yo‘nalishlari va mahsulotlarini yaratish, xorijiy va mahalliy sayyohlar oqimini oshirish, shuningdek, sohadagi tadbirkorlik faoliyatini qo‘llab-quvvatlash masalalari muhokama qilindi.
Uchrashuvda bildirilgan taklif va tashabbuslar asosida Andijon viloyati bo‘yicha turizmni rivojlantirishga qaratilgan yangi loyihalarning manzilli rejalari shakllantirildi.
Boysundagi gaz koni avariyasiga yechim topilgan. Bu haqda Prezident Shavkat Mirziyoyev raisligida Surxondaryo viloyatini kompleks rivojlantirish bo‘yicha o‘tkazilayotgan yig‘ilishda ma’lum qilindi.
Yig‘ilishda Termiz – Istanbul, Termiz – Dubay yo‘nalishlarida yangi reyslar qo‘yilishi belgilandi.
Sho‘rchi, Denov, Sariosiyo, Sherobod va Boysundan kuniga 100 ming odam viloyat markaziga yengil mashinada kelib-ketyapti. Surxondaryoga olib kelinayotgan 125 ta avtobusni birinchi navbatda ushbu yo‘nalishlarga qo‘yish topshirildi.
Yil oxirigacha Muzrabotdagi 56 ming aholiga ilk bor markazlashgan ichimlik suvi yetkazib berish loyihasi yakuniga yetkaziladi.
Muzrabot, Oltinsoy, Angor, Qiziriq va Boysun markazlariga kanalizatsiya olib borish loyihasi boshlanadi.
“Mustaqillikning 25 yilligi” yirik gazni qayta ishlash majmuasidagi texnologik murakkab masalaga hamkorlar bilan ilmiy yechim topilgani qayd etildi.
“Biz avariyani ham to‘xtatamiz, Surxondaryo iqtisodiyotiga katta turtki beradigan loyihani ham boshlaymiz”, – dedi Prezidentimiz.
Markaziy bank 2025-yil 2-martdan valyutalarning yangi kursini belgiladi.
AQSh dollari 35,61 so‘mga oshib, 12 172,18 so‘m etib belgilandi.
Yevro kursi 38,36 so‘mga oshdi va 14 357,09 so‘m bo‘ldi. Funt-sterling 16 414,18 so‘m (-4,17).
Rossiya rubli 157,45 so‘m etib belgilandi (-0,25).
Prezident Shavkat Mirziyoyev Termiz tumanida joylashgan «Surkhon Sandwich» korxonasining bazalt mahsulotlari ishlab chiqarish liniyasi bilan tanishdi.
Mamlakatimizning barcha hududlarida keng ko‘lamli bunyodkorlik ishlari amalga oshirilmoqda. So‘nggi yillarda har bir yirik loyiha va infratuzilma ob’yektlarida energiya tejamkorligiga ustuvor e’tibor qaratilmoqda. Shu bois, bazalt xomashyosi va undan tayyorlanadigan energiya samarador plita hamda qurilish materiallariga talab ortib bormoqda.
Shu ehtiyojdan kelib chiqib tashkil etilgan korxona qiymati 26 million dollarga teng. Loyiha doirasida yiliga 30 ming tonna bazalt xomashyosini qayta ishlash quvvati yaratilgan. Bu 345 milliard so‘mlik tayyor mahsulot ishlab chiqarish imkonini beradi.
Mahsulotlar ichki bozor bilan birga Tojikiston va Afg‘onistonga ham eksport qilinmoqda.
Ishlab chiqarish jarayoni uchun talab etiladigan xomashyoning 95 foizi viloyatning Oltinsoy tumanidagi konlardan ta’minlanadi. Korxonaga Xitoyning zamonaviy texnologik uskunalari o‘rnatilgan. Bu yerda 200 kishining doimiy bandliga ta’minlandi.
Prezident ishlab chiqarish jarayonlari bilan tanishar ekan, mahsulotlar sifatini yanada oshirish, mahalliylashtirish darajasini kengaytirish va eksportbop yo‘nalishlarni rivojlantirish muhimligini ta’kidladi.
Umuman, yurtimizda qurilish sohasining ilmiy asoslarini mustahkamlash, buning uchun qurilish materiallari bo‘yicha ilmiy-tadqiqot institutini tashkil etish zarurligi qayd etildi.
Davlatimiz rahbari shu yerda viloyatning qurilish materiallari sanoati mahsulotlari taqdimoti bilan tanishdi.
Shu bilan Surxondaryo viloyatiga tashrif yakunlandi, Prezidentimiz Toshkentga jo‘nab ketdi.
Eronga muvaqqat rahbar tayinlandi. Aliliso Alafi kim?
Dorilar jim o‘ldiradi yoxud «Elektron retsept» ortidagi haqiqat
O‘zbekistonlik bokschilar “Stranja-2026” musobaqasida 7 ta oltin medalni qo‘lga kiritishdi
-
Iqtisodiyot4 days agoO‘zbekiston Afg‘onistonda temir va mis konlarini qidirishni boshladi
-
Mahalliy4 days agoO‘zbekiston Jahon banki indeksida o‘z o‘rnini 43 pog‘onaga yaxshiladi
-
Siyosat3 days agoSaida Mirziyoyeva Toshkent transport tizimini modernizatsiya qilish boshlanganini maʼlum qildi
-
Sport5 days ago«Budyo-Glimt» «Inter»ni, Syorlot «Bryugge»ni musobaqadan chiqarib yubordi
-
Siyosat3 days agoShavkat Mirziyoyev Surkandaryo harbiy qismining havo hujumidan mudofaa tizimini ko‘zdan kechirdi
-
Iqtisodiyot4 days ago
Wolt servisi O‘zbekistonda faoliyatini to‘xtatmoqda
-
Siyosat5 days agoO‘zbekiston Afg‘onistondagi uchta neft va gaz konida geologik qidiruv ishlarini boshladi
-
Dunyodan4 days ago
Yun Seok-Yol umrbod qamoq jazosi ustidan shikoyat qiladi