Jamiyat
Xorijga viza olish va ishga jo‘natishni va’da qilgan firma odamlarni aldab ketgani aytilmoqda
Kun.uz’ga murojaat qilgan fuqaroga ko‘ra, ADWorld firmasi har bir odamdan salkam 6 mlndan 26 mln so‘mgacha pul olgan, ammo shartnomaviy xizmatlarni ko‘rsatmagan. To‘lovni qaytarishning esa imkoni bo‘lmayapti. Raqobat qo‘mitasiga ko‘ra, avvalroq bu firmaga huquqiy chora ko‘rilgan.
Yevropa davlatlariga ishga jo‘natish, viza olishda yordam qilishni va’da qiluvchi firma ko‘plab odamlarni chuv tushirgani aytilmoqda.
Tarmoqlarda tarqalgan videolarga ko‘ra, mashhur blogerlar yordamida o‘zini reklama qilib, mijozlarni to‘plagan ADWorld firmasi kishi boshiga salkam 6 mlndan 26 mln so‘mgacha to‘lov qildirgan, ammo bu to‘lovga yarasha shartnomaviy xizmatlarini ko‘rsatmagan. Fuqarolar pullarini qaytarib ololmayotganidan norozi.
“5 oydan beri sarson bo‘lib yuribmiz, pullarimizni ham qaytarishmayapti, Yevropaga viza ham qilib bera olishmadi. Bu firmadagilarning ofisidagi hamma narsasini yig‘ishtirib olib chiqib ketyapmiz”, – deydi videomurojaat yo‘llaganlardan biri.
Ayni vaqt mashhur blog yurituvchi tomonidan ADWorld reklama qilingan video firmaning instagram sahifasidan o‘chirib tashlangan. Kun.uz shu firmadan shikoyat qilgan fuqarolardan biri bilan bog‘landi. Uning aytishicha, aldanganlar yuz nafardan ortiq.
“Bu kompaniya bizga viza, aviachiptalar va ish joylarini va’da qilgan. Ishchilar “100% kafolat”, “vizasiz pul qaytadi” deb aytishgan. Ayrim bloggerlar bu kompaniyani ishonchli deb targ‘ib qilgan. Ammo oradan oylar o‘tdi, viza ham yo‘q, xizmat ham yo‘q, pullar ham qaytarilmadi.
Biz bu masalada 2025 yil 27 iyunda Toshkent shahridagi ADWorld ofisiga borib, 102 raqamiga murojaat qildik. Kompaniya vakili Fayzulloh degan yigit yozma majburiyat xatini yozib berdi: “Iyul oyida hammaning pulini qaytaramiz”, dedi.
Lekin iyulda yana aldash davom etdi. Endi 31 iyulga qoldirishdi. Hozir esa yana bahona “kutinglar” deyishmoqda. Ayrimimiz Jizzaxdagi huquqni muhofaza qiluvchi organlarga ariza berdik, ayrimlar 102ga qo‘ng‘iroq qildik, lekin hozirgacha hech qanday natija yo‘q.
Bizning umumiy zararlangan summa 60–70 million so‘mdan oshgan. Bu faqat biz bilgan odamlar. Yana qancha fuqaro aldanayotganini bilmaysiz”, – deydi tahririyatga murojaat qilgan jizzaxlik fuqaro.
ADWorld firmasi haqida Kun.uz’ning instagram sahifasida video e’lon qilingach, firma rahbari Dilmurod Yusupov Kun.uz bilan bog‘lanib, uni o‘chirib tashlashni so‘radi. Uning aytishicha, holat xato talqin qilingan. Hozirda jabrlanganlarga to‘lov summalarini qoplab berish jarayoni ketmoqda. Ammo Yusupov ularning soni va zarar summalari qancha ekanini ochiqlashni istamadi.
Raqobatni rivojlantirish va iste’molchi huquqlarini himoya qilish qo‘mitasi 18 iyun xorijda ishlash va o‘qish uchun “oson” borishni va’da qilayotgan talaygina konsalting firmalardan ehtiyot bo‘lishni ma’lum qilgan.
Xususan, Yevropaning Irlandiya, Angliya, Daniya, Norvegiya kabi davlatlariga ishga yuborish to‘g‘risida e’lonlar berib, fuqarolarga konsalting xizmatlari emas, aynan xorijga ishga joylashtirish bo‘yicha xizmatlarni ko‘rsatish bilan shug‘ullanib kelayotgan firmalar qatorida ADWorldʼga ham huquqiy choralar qo‘llangan.
Prezident Shavkat Mirziyoyev «Yashil makon» umummilliy loyihasi doirasida ko‘chat ekish tadbirida ishtirok etmoqda.
O‘tgan yilda Xo‘jayli, Yangibozor, G‘ijduvon, Baliqchi va Ohangaron tumanlarida yiliga 5,5 million tup manzarali daraxt ko‘chatlari yetishtirish imkonini beradigan zamonaviy ko‘chatxonalar ishga tushirildi.
Bundan tashqari, cho‘llanishni kamaytirish uchun Xitoy tajribasi asosida joriy yil ilk bor Arnasoy, Qorako‘l, Muborak, Karmana va Nukus tumanlarida 50 gektar maydonda suvsizlikka chidamli galofit bog‘lari yaratildi.
Bu yerda yetishtirilgan galofit urug‘lari kelgusida minglab gektar yerlarda sho‘rlanishni kamaytirib, tuproq unumdorligini oshirishga xizmat qilishi ta’kidlandi.
Umuman, o‘tgan qisqa davrda respublikada yashillik darajasi 8 foizdan 14,2 foizga oshdi.
«Ushbu xayrli ishlarimizga ko‘pni ko‘rgan nuroniylarimiz, shijoatli yoshlarimiz, tashabbuskor biznes vakillari, mehnat jamoalari, yuz minglab yurtdoshlarimiz munosib hissa qo‘shayotgani barchamizni quvontiradi», – dedi Prezident.
Bu yil «Men ham ko‘chat ekaman» tashabbusi doirasida 75 million tupdan ziyod daraxt va buta ko‘chati ekildi.
O‘tgan hafta Prezidentimiz imzolagan yangi farmonga ko‘ra, O‘zbekistonda 2030 yilga qadar umumiy yashillik darajasini 30 foizga, jon boshiga to‘g‘ri keladigan yashil hududlarni 10 kvadrat metrga yetkazish bo‘yicha katta marra olindi.
Buning uchun Surxondaryoda 10 ming gektarda «yashil makon», Sirdaryoda 84 kilometrli «yashil devor» barpo etiladi. Qoraqalpog‘istonda 1 million gektar, Navoiy va Buxoroda 300 ming gektardan, Xorazmda 85 ming gektar cho‘l hududida yangi o‘rmonzorlar yaratiladi.
Shuningdek, viloyat hokimlarining har biri kamida 100 gektar maydonda botanika va dendrologiya bog‘lari, 20 tadan soya-salqin sayr ko‘chalari tashkil qilishga mas’ul bo‘ladi.
Ekologiya va aholi salomatligi eng dolzarb masalaga aylanib borayotgan bir vaqtda hududga mos daraxtni tanlash va ekishda Xalqaro molekulyar allergologiya markazining tavsiyasi ham juda muhim ekani qayd etildi.
Ilgari «Mening bog‘im» dasturi doirasida har bir loyihaga budjetdan 250 million so‘mgacha mablag‘ berilgan bo‘lsa, endi bu miqdor 400 million so‘mdan oshiriladi.
Har bir yashil bog‘ va jamoat parki uchun aholi o‘zi tanlagan, yashash hududlariga yaqin, eng muhimi, suv ta’minoti mavjud joylardan 1 gektargacha yer ajratiladi.
Bu yilgi mavsumdan Qonunchilik palatasining har bir deputatiga ham o‘z okrugida yashil hudud, yashil bog‘ yaratishi uchun 412 million so‘mdan mablag‘ beriladi.
Toshkent shahri va Samarqand viloyatida yer maydonlarini noqonuniy rasmiylashtirib berishni va’da qilgan shaxslar fosh etildi. Huquqni muhofaza qiluvchi organlar tomonidan o‘tkazilgan tezkor tadbirlarda gumonlanuvchilar yirik miqdordagi pul mablag‘larini olgan vaqtida ushlandi.
Foto: Prokuratura departamenti
Bosh prokuratura huzuridagi Departamentning Toshkent shahar boshqarmasi va boshqa huquqni muhofaza qiluvchi organlar hamkorligida o‘tkazilgan tezkor tadbirda fuqaro A.Yu. ushlandi.
U go‘yoki Toshkent viloyati kadastr filialida ishlovchi tanishlari orqali Zangiota tumani Bo‘ston mahallasida joylashgan davlat zaxirasidagi 24 sotix yer maydonini fuqaro Sh.A. nomiga rasmiylashtirib berishni va’da qilgan. Ushbu xizmat evaziga 20 ming AQSh dollarini olgan vaqtida ashyoviy dalillar bilan ushlangan.
Shuningdek, Samarqand viloyati Kattaqo‘rg‘on tumanida o‘tkazilgan tezkor tadbirda fuqaro D.K. ham ushlandi. U o‘ziga tegishli 8 sotix tomorqa yer maydoni hamda temir yo‘l muhofaza hududiga kiruvchi yana 5 sotix yerni fuqaro A.S.ga 39 ming AQSh dollariga sotishga kelishgan. Yer hujjatlarini rasmiylashtirib berishni va’da qilib, oldindan 5 ming dollar bo‘nak olgan vaqtida ushlangan.
Har ikki holat yuzasidan Jinoyat kodeksining 168-moddasi (firibgarlik) hamda 28, 211-moddalari (pora berish) bilan jinoyat ishlari qo‘zg‘atilib, tergov harakatlari olib borilmoqda.
2020-yil noyabr oyidan 2025-yil 30-dekabrga qadar banklar tomonidan aholiga umumiy og‘irligi 1,2 tonna bo‘lgan jami 65 150 dona o‘lchovli oltin quymalar sotilgan.
Markaziy bankning 2025-yil yakunlari bo‘yicha o‘lchovli oltin quymalar bozori sharhida ma’lum qilinishicha, mazkur davr mobaynida 5 va 10 gramm og‘irlikdagi sotilgan oltin quymalar soni jami o‘lchovli quymalar sotuvining 60 foizdan ortig‘ini tashkil qilgan. Bu, o‘z navbatida, oltinning qimmatbaho aktiv hisoblanganligi sababli aholining nisbatan kichik hajmdagi quymalarga talabi yuqoriligini ko‘rsatadi.
Shuningdek, 2020-yildan bugungi kunga qadar oltin quymalarni sotish va qayta sotib olish amaliyotini amalga oshirayotgan banklar soni 12 tadan 19 taga hamda shoxobchalar soni esa 34 tadan 170 taga oshgan.
Shu bilan birga, 2020-2025 yillarda banklar tomonidan umumiy og‘irligi 201 kg bo‘lgan jami 11 828 dona o‘lchovli oltin quyma aholidan qaytarib sotib olingan. Bunda 5 va 10 gramm og‘irlikdagi quymalar jami qaytarib sotib olingan quymalarning qariyb 65 foizini tashkil qilgan.
Ta’kidlanishicha, so‘nggi ikki yilda o‘lchovli oltin quymalarga bo‘lgan talab sezilarli darajada oshgan. Xususan, 2024-yilda ushbu quymalarga talab avvalgi yillardagi o‘rtacha ko‘rsatkichga (81 kg) nisbatan qariyb 3 baravar oshib, 236 kg.ni tashkil etdi. 2025-yilda esa ushbu ko‘rsatkich 8 baravarga oshib, 661 kg.ga yetdi.
Eslatib o‘tamiz, o‘lchovli oltin quymalarni sotish va qaytarib sotib olish tartib Hukumatning 2020 yil 30 iyundagi 412-sonli qarori bilan belgilab qo‘yilgan.
30 mart kuni O‘zbekiston tumani O‘qchi mahallasida yashovchi 28 yoshli Sanjar Esonaliyev muddatli to‘lovga Onix mashinasi olish uchun Infinbank Qo‘qon filialiga boradi. Kredit bo‘limining unga begona xodimi hujjatlarni rasmiylashtirib, tushlik payti qo‘lida 5700 dollar puli bor yigitni o‘zi bilan allaqayerga olib ketadi.
Ular bankdan soat 12:10 atrofida, sug‘urta hujjatlarini tayyorlash uchun bank xodimi A.T.ning Tracker mashinasiga o‘tirib chiqib ketishgan. Shundan keyin xodim mijozining bo‘yniga pichoq sanchib o‘ldirgan va jasadni mashinada qoldirib, tushlik vaqti tugaganda hech narsa bo‘lmagandek ishiga qaytib kelgan. Ish vaqti tugagach, mashinasidagi qurbonini Katta Farg‘ona kanaliga tashlab yuborgan.
Kanaldagi qidiruv ishlari bir necha kun davom etgach, 4 aprel kuni jasad topildi.
Kun.uz muxbiri Sanjar Esonaliyevning yaqinlaridan tafsilotlarni surishtirdi.
“3 yashar o‘g‘li dadam yangi mashina olib keladi, deb kutib o‘tiribdi…”
Marhum Sanjar Esonaliyevning otasi Bahodir Shokirov:
— O‘g‘lim Sanjarbek 30 mart kuni yaxshi niyatda Infinbankdan muddatli to‘lovga Onix mashinasi olaman deb, uydan chiqib ketgan edi. Ertalab borgan bolam tushlikda yo‘qoldi, telefoni o‘chdi. Shu bilan daragi yo‘q. Topilavermagach, kuzatuv kameralarini ko‘rsatishlarini talab qildik. Unda bank xodimi uni qora Tracker mashinasiga o‘tirgizib ketganini ko‘rdik.
Marhum Sanjar Esonaliyev
Bahodir Shokirov, marhum Sanjar Esonaliyevning otasi
Kredit bo‘limi mutaxassisi avval sug‘urta qilib keling, degan ekan. O‘g‘lim bankdan tashqariga chiqqanida xodim orqasidan chiqib mashinaga o‘tirgizib, qayoqqadir olib ketgan. Bankka amakisining o‘g‘li bilan Damas’da borishgan edi. Amakivachchasi soat 17:00 gacha avtoturargohda kutib o‘tiravergan. O‘g‘lim qaytib kelmagan.
O‘g‘limning yonida 5 700 dollar puli bor edi. U to‘lov qilishga ulgurmagan ham. Endi bank xodimi “menga pichoq bilan tashlandi, o‘zimni himoya qilish uchun o‘ldirdim” deyayotgan emish. O‘g‘lim hecham birovga qo‘l ko‘taradigan yigit emasdi.
Sanjarbekning bir o‘g‘il, bir qizi bor edi. Ular yetim bo‘lib qoldi. 3 qizdan keyin tilab olgan bitta-yu bitta o‘g‘lim edi. Dadam yangi mashina olib keladi deb, 3 yashar nevaram kutib o‘tiribdi.
Jasadni Katta Farg‘ona kanalidan qidirish ishlari
Bankda ham, uning tashqarisida ham kelishuvchilik bo‘lmagan
Marhum Sanjar Esonaliyevning qarindoshi Ulug‘bek To‘lanboyev:
— Kuzatuv kameralarni ko‘rganimizda jiyanim Sanjarbek tushlik mahal, soat 12:10 da bankdan chiqib, bank xodimining mashinasi orqa o‘rindig‘iga o‘tirib ketgan. Bank binosi ichkarisida hech qanday tortishuv, janjal bo‘lmagan.
Sanjarbekning avval Cobalt mashinasi bo‘lgan, uni bir hafta oldin bir ayolga sotgan edi. U ayol mashinaning yarim pulini berib, qolganini keyinroq qilib berishini aytgan ekan. Voqea sodir bo‘lgan kuni soat 12:45 larda mashinasini sotib olgan ayol bilan telefonda gaplashgan, ayol undan notariusga kelib, mashinani nomiga o‘tkazib berishini so‘ragan. Sanjarbek borolmasligini, muddatli to‘lovga mashina olish bilan bandligini aytgan. Shundan keyin telefoni o‘chgan.
Bank xodimining ko‘rsatmasi bo‘yicha, o‘zining Tracker mashinasi orqa o‘rindig‘ida Sanjarni bo‘yniga pichoq sanchib o‘ldirgan. Keyin jasadni mashinada qoldirib, hech narsa bilmagandek yana ishxonasiga qaytib kelib, o‘z ishini davom ettirgan. Keyin soat 19:00 – 20:00 atrofida Katta Farg‘ona kanaliga tashlab yuborgan.
Ulug‘bek To‘lanboyev, marhumning qarindoshi
Bank xodimi o‘z ko‘rsatmasida Sanjar uning shaxsiyatiga tekkani, haqorat qilgani, buning ortidan bo‘yniga pichoq urganini, so‘ng kanalga tashlab yuborganini aytdi. Qon bo‘lib ketgan mashina poligi va pichoqni yashirib, Tracker’ni “moyka” qildirib, kiyimlarini almashtirib, ishga qaytgan ekan. Jiyanimning yonida bo‘lgan 5700 dollari ham yo‘q.
“O‘g‘lim dadasini haliyam kutyapti”
Marhumning turmush o‘rtog‘i Shohsanam Esonaliyeva:
— Turmush o‘rtog‘im 30 mart kuni soat 7:00 da uydan chiqib ketgan. Soat 8:20 larda telefon qilib, “bankka keling, siz ham qo‘l qo‘yishingiz kerak ekan” dedi. 6 oylik chaqalog‘im bilan bankka bordim. Kerakli xujjatlarga imzo qo‘yganimdan keyin, uyga qaytdim. Turmush o‘rtog‘im va bank xodimi o‘rtasida hech qanaqa tortishuv yo‘q edi. Salondan yangi mashinani olib, orqamizdan yetib borishini aytdi. Shu bilan uni qaytib ko‘rmadim.
3,5 yoshli o‘g‘lim har kuni dadasini so‘rayapti. Unga nima deb javob berishni bilmayapman.
Shohsanam Esonaliyeva, marhumning turmush o‘rtog‘i
Tergov ketmoqda
Kun.uz muxbiri Infinbank Qo‘qon filialida bo‘lib, holatga izoh so‘radi. Lekin hamkasblaridan hech biri bo‘lgan voqea haqida, qotillik gumondorining shaxsiyati va fe’l-atvori haqida gapirishni istamadi.
O‘sha kuni navbatchilikda bo‘lgan qo‘riqlash bo‘limi xodimlariga ko‘ra, bank ichkarisida kredit bo‘limi mutaxassisi va marhum o‘rtalarida hech qanday tortishuv ham, janjal ham bo‘lmagan.
A.T. qamoqqa olingan. Qo‘qon shahar prokuraturasi tergov harakatlarini olib bormoqda.
Marhumning jasadi ushbu lavha efirga chiqishi arafasida, 4 aprel kuni topildi.
O‘zbekistonda yo‘l harakati qoidalarini buzganlik uchun javobgarlikni transportni boshqargan shaxsga o‘tkazish tartibi joriy etildi. Bu Hukumatning 30-martdagi tegishli qarori bilan belgilandi.
Unga ko‘ra, 2026-yil 1-apreldan boshlab avtomobilni boshqa shaxsga fuqarolik-huquqiy asosda boshqarishga bergan hollarda, qoidabuzarlik uchun jarima o‘sha haydovchiga rasmiylashtiriladi.
Yangi tartibga ko‘ra, transport egasi va uni boshqaruvchi shaxs o‘rtasidagi munosabatlar rasmiy tarzda ro‘yxatga olinadi. Shu asosda javobgarlik ham aniq belgilanadi.
Javobgarlikni o‘tkazish uchun transport egasi Davlat xizmatlari portali yoki maxsus mobil ilova orqali murojaat qiladi. U yerda boshqarish huquqini berish muddati va shaxs ma’lumotlari ko‘rsatiladi.
Boshqaruvchi shaxs esa so‘rovnomani tasdiqlab, kelgusida qoidabuzarlik uchun javobgarlikni o‘z zimmasiga olishini elektron tarzda ma’qullaydi. Bu jarayon elektron raqamli imzo, Mobile-ID yoki Face-ID orqali amalga oshiriladi.
Mazkur xizmatdan foydalanish uchun belgilangan yig‘im undiriladi. Uning miqdori bazaviy hisoblash miqdorining 10 foiziga teng qilib belgilangan.
Shuningdek, qaror bilan avtomototransport vositasini ro‘yxatdan o‘tkazish guvohnomasi 5 yil muddatga beriladi.
«Mening bog‘im» loyihalari uchun mablag‘lar 400 mln so‘mgacha oshiriladi
Fuqaro muhofazasi instituti qayta tashkil etiladi
Tehron Hurmuz boʻyicha baʼzi mintaqa davlatlari bilan kelishuvlar tuzmoqchi
-
Jamiyat5 days agoMITʼdan 100 foiz grant yutgan sirdaryolik Asilbek Sunnatov
-
Iqtisodiyot3 days ago
O‘zbekistonda qaysi xorijiy davlat IT kompaniyalari ko‘p?
-
Siyosat2 days agoOʻzbekiston yangi qonunchilik tashabbusi bilan yashil hududlarni 30% qamrab olishni maqsad qilgan
-
Iqtisodiyot4 days ago
Surxondaryoda 940 gektar maydonda issiqxonalar tashkil etiladi
-
Sport5 days ago
O‘zbekiston Venesuelani yengib xalqaro turnirda g‘olib chiqdi
-
Jamiyat3 days agoJurnalist Karim Bahriyev vafot etdi
-
Siyosat3 days agoO‘zbekiston Namanganga 5 milliard dollarlik xorijiy sarmoya kiritishni maqsad qilgan, bunda asosiy e’tibor IT va sanoatga qaratilgan
-
Dunyodan4 days ago
AQShning Yaqin Sharqdagi ittifoqchilari urushni davom ettirishga chaqirmoqda