Jamiyat
Xorijdagi ish o‘rinlari bandlik agentliklari o‘rtasida ochiq tanlov asosida taqsimlanadi
Migratsiya agentligi xorijiy ish beruvchilardan jalb qilingan bo‘sh ish o‘rinlarini litsenziyaga ega xususiy bandlik agentliklari o‘rtasida Xorijdaish.uz platformasi orqali ochiq tanlov asosida taqsimlash bo‘yicha tartib loyihasini ishlab chiqdi. Loyihada elektron oferta e’lon qilish, ariza qabul qilish, ishchi komissiya xulosasi va kvotalarni avtomatik taqsimlash mexanizmlari belgilangan.
Vazirlar Mahkamasi huzuridagi Migratsiya agentligi xorijiy ish beruvchilar va (yoki) rekruting agentliklaridan jalb qilingan bo‘sh ish o‘rinlarini litsenziyaga ega xususiy bandlik agentliklari (XBA) o‘rtasida taqsimlash tartibini belgilaydigan hujjat loyihasini tayyorladi.
Loyihaga ko‘ra, Agentlik xorijdan jalb qilingan ish o‘rinlarini elektron oferta shaklida Xorijdaish.uz platformasida e’lon qiladi va XBAning shaxsiy kabinetlariga avtomatik xabarnoma yuboradi. Ofertada ish beruvchi haqidagi ma’lumotlar, kasb nomi va kvota soni, ish haqi va ish sharoiti, nomzodlarga qo‘yiladigan talablar, ariza topshirish muddati hamda hamkorlik shartnomasining asosiy shartlari aks ettirilishi nazarda tutilgan.
Qayd etilishicha, XBA kvota taqsimotida ishtirok etish uchun rozilik arizasini faqat elektron shaklda, shaxsiy kabinet orqali yuboradi va ariza ERI bilan tasdiqlanadi. Arizalarni ko‘rib chiqish Agentlik huzurida tashkil etiladigan doimiy faoliyat yurituvchi Ishchi komissiya tomonidan amalga oshiriladi. Komissiya ariza va hujjatlarni 3 ish kuni ichida tahlil qiladi hamda ishtirokiga ruxsat berish, qo‘shimcha ma’lumot so‘rash yoki rad etish to‘g‘risida xulosa beradi. Qarorlar elektron protokol shaklida rasmiylashtirilib, ERI bilan tasdiqlanishi ko‘zda tutilgan.
Loyihada kvotalarni taqsimlash mexanizmi ham belgilangan. Unga ko‘ra, ishtirokiga ruxsat berilgan barcha XBAga kvotalar avvalo teng asosda taqsimlanadi. Agar teng taqsimotdan keyin qoldiq kvotalar qolsa, ular shartnoma majburiyatlarini o‘z vaqtida va sifatli bajargan XBAga ustuvorlik bergan holda taqsimlanadi. Ayrim istisno holatlarda (tizim ishga tushishining dastlabki jarayonlarida) kvotalar talabgorlar sonidan kam bo‘lsa, arizalar platformaga kelib tushgan vaqtga qarab taqsimlanishi ham nazarda tutilgan.
Shuningdek, kvota ajratilgandan so‘ng Agentlik va XBA o‘rtasida 5 ish kuni ichida elektron shartnoma tuzilishi belgilangan. Agar XBA belgilangan muddatda shartnomani ERI bilan tasdiqlamasa, u kvotadan voz kechgan hisoblanadi va bu keyingi taqsimotlarda XBA reytingiga salbiy ta’sir ko‘rsatishi mumkin.
Loyihada kvotalar bajarilishi ustidan nazorat to‘liq elektron tarzda yo‘lga qo‘yilishi, bajarilish holati Xorijdaish.uz’da real vaqt rejimida aks etishi ko‘rsatilgan. Majburiyatlarni bajarmagan XBAga nisbatan ogohlantirish, keyinchalik esa 3 oydan 6 oygacha navbatdagi kvota taqsimotlarida ishtirokini cheklash kabi choralar qo‘llanishi mumkin.
Bugun kunduzi ba’zi joylarda yog‘ingarchilik (yomg‘ir, qor) bo‘ladi. Ba’zi joylarga tuman tushishi mumkin. Shamol 7–12 m/s tezlikda esadi, ba’zi joylarda 13–18 m/s gacha kuchayishi mumkin. Harorat 3–8° iliq bo‘ladi.
Poytaxtimizda vaqti-vaqti bilan yomg‘ir yog‘adi, kechqurun qorga aylanishi mumkin. Shamol 5–10 m/s tezlikda esadi. Harorat 6–8° iliq bo‘ladi.
Tog‘li hududlarda ba’zi joylarda yog‘ingarchilik (yomg‘ir, qor) bo‘ladi. Ba’zi joylarga tuman tushishi mumkin. Qor ko‘chishi xavfi bor. Shamol 7–12 m/s tezlikda esadi. Harorat 2–7° iliq bo‘ladi.
Yangihayot tumanida fuqaro R.T. tanishining ishonchiga kirib, 4 tonna pomidor yetkazib berish bahonasida 4 000 AQSh dollarini qo‘lga kiritgani, keyin esa mablag‘ni qaytarmaslik maqsadida qalbaki 4 000 dollar bergani aniqlandi. Holat yuzasidan Jinoyat kodeksining 168- va 176-moddalari bilan jinoyat ishi qo‘zg‘atilib, tergov harakatlari olib borilmoqda.
Foto: Prokuratura departamenti
Bosh prokuratura huzuridagi Departamentning Yangihayot tumani bo‘limi tomonidan o‘tkazilgan tergovga qadar tekshiruvda fuqaro R.T. (muqaddam sudlangan) tanishi M.X.ning ishonchiga kirib, unga 4 tonna pomidor yetkazib berishi evaziga 4 000 AQSh dollarini qo‘lga kiritib, ushbu mablag‘ni o‘z ehtiyojlari uchun sarflab yuborgani aniqlangan.
Qayd etilishicha, R.T. keyinchalik pullarni qaytarmaslik maqsadida 100 AQSh dollarlik kupyuradagi qalbaki 4 000 AQSh dollarini M.X.ga bergan.
Mazkur holat yuzasidan Jinoyat kodeksining 168-moddasi (firibgarlik) va 176-moddasi (qalbaki pul, aksiz markasi yoki qimmatli qog‘ozlar yasash, ularni o‘tkazish) bilan jinoyat ishi qo‘zg‘atilib, tergov harakatlari olib borilmoqda.
Navoiy shahridagi 22-umumta’lim maktabi o‘quvchisi Islombek Mansurov birinchi urinishdayoq ushbu natijani qayd etdi.
Navoiy shahridagi 22-umumta’lim maktabining 5-sinf o‘quvchisi Islombek Mansurov chet tilini bilish darajasi bo‘yicha B2 sertifikatni qo‘lga kiritdi. Bu yosh jihatdan Navoiy viloyatida eng yaxshi natijalardan biri bo‘ldi.
Ma’lum bo‘lishicha, Islombek Mansurov pedagoglar oilasining to‘ng‘ich farzandi. Uning otasi Dilshod Mansurov Navoiy davlat universiteti dotsenti bo‘lsa, onasi Shohista Turdiyeva maktabda matematika fani o‘qituvchisi.
“Ikki o‘g‘lim bor, Islombek to‘ng‘ich farzandimiz. Yoshligidan internetdagi turli o‘yinlar va bilim olishga ixtisoslashgan dasturlarni ingliz tilida ko‘rardi. Hozirda YouTube’da o‘zi kanal ochib, ingliz tilida yuritmoqda”, deydi Dilshod Mansurov.
Islombek ushbu natijani birinchi urinishdayoq qo‘lga kiritgan.
“Maktabimizda sertifikat olgan o‘quvchilar ko‘p. Ammo Islombek maktabimiz tarixida chet tilini bilish darajasi bo‘yicha B2 sertifikatini qo‘lga kiritgan eng yosh o‘quvchi bo‘ldi. Ingliz tili ustozi Alisher Xudoyorov ham yosh pedagog, ancha tirishqoq. Albatta, ushbu natija bilan to‘xtab qolmaymiz”, deydi Navoiy shahridagi 22-umumta’lim maktabi direktori Feruza Fayziyeva.
Navoiy viloyatida 11 yoshli o‘quvchi B2 sertifikatini qo‘lga kiritishi bundan 2 yil oldin ham kuzatilgandi. O‘shanda Xatirchi tumanidagi 22-umumta’lim maktabi o‘quvchisi Zarina Muxiddinova bu natijani qayd etgan.
Eslatib o‘tamiz, OTMga o‘qishga kirishda chet tilidan B2 sertifikati bor abituriyentga maksimal ball beriladi.
Qora va rangli metall parcha va chiqindilarini tayyorlash litsenziyalanadi.
Qonun (O‘RQ–1113-son, 15.01.2026 y.) bilan ayrim qonun hujjatlariga o‘zgartirish va qo‘shimchalar kiritildi.
Qonun bilan kiritilgan qo‘shimchalarga ko‘ra, quyidagi faoliyat turlarini amalga oshirish uchun litsenziyalash tartibi joriy etilishi belgilandi:
– qora metall parcha va chiqindilarini tayyorlash (xarid qilish), qayta ishlash hamda realizatsiya qilish;
– rangli metall parcha va chiqindilarini tayyorlash (xarid qilish), qayta ishlash hamda realizatsiya qilish;
– tabiiy gazning ulgurji va chakana savdosi.
Mazkur faoliyat turlari bo‘yicha litsenziya olishda quyidagi miqdorlarda davlat boji undirilishi belgilandi:
– qora va rangli metall parcha va chiqindilarini tayyorlash (xarid qilish), qayta ishlash, realizatsiya qilish faoliyati – BHMning 10 baravari miqdorida;
– tabiiy gazning ulgurji va chakana savdosi – BHMning 30 baravari miqdorida.
Aholi va mehmonlar uchun qo‘shimcha qulaylik yaratish maqsadida Seoul Mun atrofida transport harakatini tartibga solish, shu jumladan yo‘l bo‘yi turargohlarni tashkil etish bo‘yicha takliflar ishlab chiqilgani ta’kidlanmoqda.
Foto: Transport vazirligi
Toshkentda yo‘l harakatini samarali tashkil etish, tirbandliklarni kamaytirish hamda jamoat transporti ustuvorligini ta’minlash maqsadida bir qator manzillarda o‘rganish va tahlil ishlari amalga oshirildi, deb xabar berdi poytaxt hokimligi.
Qayd qilinishicha, dastlab, Zargar va Botir Zokirov ko‘chalari kesishmasida joylashgan «Paxtakor» transport o‘tish bog‘lamasida mavjud holat o‘rganilgan. Xususan, jamoat transporti — avtobuslarning bog‘lamaga kirishi bilan bog‘liq muammolar atroflicha tahlil qilinib, mazkur masalani hal etish bo‘yicha chora-tadbirlar belgilangan. Ushbu yechimlar amalga oshirilgandan so‘ng, jamoat transport yo‘nalishlari soni 11 taga yetkazilib, bog‘lama orqali kunlik yo‘lovchilar oqimi 37 ming nafargacha oshishi ko‘zda tutilmoqda.
Shu bilan birga, Abdulla Qodiriy – Abay ko‘chalari hamda Sharof Rashidov – Osiyo ko‘chalari kesishmalarida transport vositalarining o‘tkazuvchanligini oshirish, harakatni samarali boshqarish va jamoat transportiga ustuvorlik berish yuzasidan tahlil ishlari olib borilgan.
Bundan tashqari, Ziyolilar va Kichik halqa yo‘li kesishmasida yuzaga kelayotgan muammolarni bartaraf etish, Abdulla Qodiriy – Mahtumquli ko‘chalarida harakatni optimallashtirish hamda yo‘l belgilarini takomillashtirish bo‘yicha takliflar ishlab chiqilgan.
Shuningdek, Avliyo ota ko‘chasi hamda Fidokor ko‘chasida tirbandliklarni kamaytirish maqsadida transport vositalari uchun bir tomonlama harakat tizimini joriy etish masalasi muhokama qilingan.
Ta’kidlanishicha, aholi va mehmonlar uchun qo‘shimcha qulaylik yaratish maqsadida Seoul Mun atrofida transport harakatini tartibga solish, shu jumladan yo‘l bo‘yi turargohlarni tashkil etish bo‘yicha takliflar ishlab chiqilmoqda.
O‘zbekistonda xorijdagi diplomatik vakolatxonalar uchun natijalarga asoslangan KPI joriy etiladi
Bugun ba’zi joylarda yog‘ingarchilik bo‘ladi
O‘zbekiston Xitoyga qarshi favorit sifatida maydonga tushadi
-
Jamiyat4 days ago«Ўзгидромет» тезкор ахборот эълон қилди
-
Jamiyat5 days agoOlovda yonmagan ayol yuragi…
-
Dunyodan3 days agoPrezident Tramp Eron bilan biznes yurituvchi davlatlarga 25 foizlik bojlar joriy etishini eʼlon qildi
-
Jamiyat1 day agoMast holda mashina boshqargan ayol 15 sutkaga qamaldi
-
Jamiyat4 days agoFarg‘onada “prava”siz ayol uch odamni urib yubordi, bir kishi to‘shakka mixlandi: jabrlanuvchilar sud hukmidan norozi
-
Jamiyat3 days agoТошкент — ҳавоси тозалиги бўйича дунёнинг йирик шаҳарлари ичида энг яхшиси
-
Jamiyat3 days agoAksilkorrupsiya agentligi Ozodbek Nazarbekovga chora ko‘rishni so‘radi
-
Jamiyat2 days agoMirzo Ulug‘bek tumanida ko‘p qavatli uyda yong‘in sodir bo‘ldi