Jamiyat
Xorazmda xususiy bog‘cha vafot etgan bolalarni tarbiyalanuvchi sifatida ko‘rsatib, subsidiya o‘zlashtirdi
Er-xotin tadbirkorlar Shovot tumanida ikkita nodavlat bog‘cha tashkil qilib, maxsus onlayn platformaga soxta ma’lumotlarni yuklagan: ushbu bog‘chaga kelmaydigan bolalar tarbiyalanuvchi sifatida ko‘rsatilgan. Hatto vafot etgan bolalar ham ro‘yxatga kiritilgan. Ular bu orqali davlat budjetidan ajratilgan subsidiya mablag‘larini o‘zlashtirib kelishgan.
Sun’iy intellekt chizgan surat
Xorazmda subsidiya mablag‘larini o‘zlashtirgan nodavlat bog‘cha mansabdorlari jinoiy jazoga tortildi. Kun.uz sud hujjatlari bilan tanishdi.
Sud hukmida keltirilishicha, 1965 yilda tug‘ilgan Z.Yu. Shovot tumanidagi nodavlat maktabgacha ta’lim tashkiloti rahbari lavozimida ishlab kelgan. U 2019 yil 6 mayda Maktabgacha ta’lim vazirligi bilan maktabgacha ta’lim sohasida davlat-xususiy sherikchilik to‘g‘risida bitim tuzgan.
Z.Yu. 2023 yilda 12 nafar, 2024 yilda 19 nafar, 2025 yilda 12 nafar ushbu nodavlat bog‘chaga kelmagan bolalarni go‘yoki tarbiyalanuvchi sifatida ko‘rsatgan. U hatto 2 nafari vafot etgan bolani ham ro‘yxatga kiritgan hamda maxsus onlayn platformaga soxta ma’lumotlarni yuklagan. Bu orqali 70 mln so‘m subsidiya mablag‘lari ajratilishiga erishgan. Ushbu pul mablag‘larini esa o‘z shaxsiy ehtiyojlariga ishlatib yuborgan.
Shuningdek, Z.Yu. 2021 yil 14 fevralda Shovot tumanida turmush o‘rtog‘i R.A.ning nomiga oilaviy bog‘cha tashkil qilgan. 2022 yil 30 avgustda Maktabgacha ta’lim vazirligi bilan maktabgacha ta’lim sohasida davlat-xususiy sherikchilik to‘g‘risida bitim tuzishga erishgan. Er-xotin 2023 yilda 15 nafar, 2024 yilda 38 nafar haqiqatda ushbu oilaviy bog‘chaga qatnamagan hamda 2 nafar vafot etgan bolani tarbiyalanuvchi sifatida ko‘rsatgan. So‘ngra maxsus onlayn platformaga soxta ma’lumotlar yuklab, 91 mln so‘m subsidiya mablag‘larini talon-toroj qilishgan.
Sudlanuvchilar o‘zlariga qo‘yilgan aybga qisman iqror bo‘lishgan. Ularning aybi guvohlarning ko‘rsatmalari, mutaxassislarning tekshiruv ma’lumotlari hamda boshqa dalillar bilan o‘z tasdig‘ini topgan. Xususan, sudda guvoh sifatida so‘ralgan ota-onalar haqiqatan farzandlarini ushbu bog‘chalarga berishmagani, hatto bu xususiy bog‘chalar qayerda joylashganini ham bilishmasligi haqida ko‘rsatma berishgan.
JIB Gurlan tuman sudining hukmi bilan sudlanuvchilar o‘zlashtirish yoki rastrata yo‘li bilan talon-toroj qilish hamda hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish jinoyatlarini sodir qilishda aybli deb topilgan. Z.Yu. va R.A.ga 1 yil davlat ishtirokidagi tashkilotlarda mansabdorlik va moddiy javobgarlik yuklatilgan lavozimlarda ishlash huquqidan mahrum qilingan holda 2 yil 6 oydan ozodlikni cheklash jazosi tayinlangan. Shuningdek, er-xotindan yetkazilgan moddiy zararni qoplash maqsadida solidar tartibda davlat foydasiga jami 161 mln so‘m undirish belgilangan.
Xorazm viloyati sudi jinoyat ishlari bo‘yicha sudlov hay’ati taftish instansiyasining 2026 yil 20 yanvardagi ajrimi bilan dastlabki sud hukmi va apellyatsiya ajrimi o‘zgarishsiz qoldirildi.
2026-yil 15-apreldan boshlab akseptsiz (roziliksiz) yechib olishlardan foydalanilganda minimal kamaytirilmaydigan qoldiq joriy etiladi. Ya’ni kartada har doim kamida BHMning 3 baravari miqdoridagi qoldiq saqlanadi.
Aniqroq aytganda, avtomatik yechib olishlarda bank kartalarning balansi nolga tushib qolmaydi. Amaliyotlar faqat belgilangan chegaradan ortiq bo‘lgan mablag‘ doirasida amalga oshiriladi.
Ma’lumot uchun, akseptsiz yechib olishlar odatda karta egalarining banklar va boshqa moliyaviy institutlar oldidagi majburiyatlarini (masalan, kreditlar, bo‘lib-bo‘lib to‘lash va boshqa majburiyatlar) so‘ndirish hollarida qo‘llaniladi.
UZCARDning bildirishicha, ushbu shartlar Bank tomonidan mijozdan olingan va OTP tasdiqlangan karta rekvizitlariga nisbatan qo‘llanilmaydi.
Poytaxtda 16,2 km BRT yo‘laklari hamda 56 km ajratilgan avtobus yo‘laklarini tashkil etish, ajratilgan yo‘laklarda 600 dan ortiq kameralar o‘rnatish, 1116 ta bekatni rekonstruksiya qilish, 545 ta «aqlli» svetofor o‘rnatish ko‘zda tutilmoqda.
Foto: Toshshahartransxizmat
Toshkent shahrida qo‘shimcha ravishda 240 ta avtobus xarid qilish orqali 16 ta yangi yo‘nalish tashkil etiladi. Bu haqda Xalq deputatlari Toshkent shahar Kengashining Qurilish, kommunal, suv xo‘jaligi, ekologiya, sanoat va transport masalalari bo‘yicha doimiy komissiyasi qarorida aytilmoqda.
Qayd etilishicha, Toshkent shahri jamoat transporti tizimida jami 169 ta yo‘nalish faoliyat yuritib, mazkur yo‘nalishlarga 1927 ta avtobus biriktirilgan. Kun davomida ushbu transport vositalari orqali o‘rtacha 23 000 ta qatnov amalga oshirilmoqda.
O‘tkazilgan tahlillar natijasida Toshkent shahri jamoat transporti tizimi faoliyatida qator tizimli muammolar mavjudligi aniqlangan. Xususan, tirbandlik yuqori bo‘lgan vaqtlarda avtobuslarni kutish vaqti 35–40 daqiqagacha oshib ketmoqda. Bu esa aholi uchun ortiqcha vaqt sarfiga, ish va o‘qish joylariga o‘z vaqtida yetib borishda qiyinchiliklarga, shuningdek jamoat transportiga nisbatan ishonchning pasayishiga sabab bo‘lmoqda. Ayrim yo‘nalishlarda harakat intervallarining ortib ketishi esa yo‘lovchilar uchun noqulayliklarni yanada kuchaytirmoqda.
Mavjud muammolarni bartaraf etish maqsadida quyidagi chora-tadbirlar amalga oshirish rejalashtirilmoqda:
Qo‘shimcha ravishda 240 ta avtobus xarid qilish orqali harakat tarkibini kengaytirish;
16 ta yangi yo‘nalishni tashkil etish, kunlik qatnovlar sonini qo‘shimcha 2000 taga oshirish;
16,2 km BRT yo‘laklari hamda 56 km ajratilgan avtobus yo‘laklarini tashkil etish, ajratilgan yo‘laklarda nazoratni kuchaytirish maqsadida 600 dan ortiq kameralar o‘rnatish;
bekat infratuzilmasini modernizatsiya qilish doirasida 1116 ta bekatni rekonstruksiya qilish hamda 70 ta yangi bekat qurish;
545 ta «aqlli» svetoforlarni o‘rnatish orqali transport harakatini real vaqt rejimida boshqarishni yo‘lga qo‘yish.
Ushbu dori vositalarining umumiy bahosi 241,1 mln so‘mni tashkil etadi.
Foto: Bosh prokuratura huzuridagi Departament
Bosh prokuratura huzuridagi Departamentning Ohangaron shahri bo‘limi va boshqa huquqni muhofaza qiluvchi organ xodimlari hamkorligida tezkor tadbir o‘tkazildi.
Tadbir davomida fuqaro M.I. 19 turdagi 6 597 dona sifati kafolatlanmagan dori vositalarini boshqa fuqaroga sotish maqsadida olib kelgan vaqtida ushlanib, ushbu dori vositalari ashyoviy dalil sifatida olindi.
Qayd etilishicha, ushbu dori vositalarining umumiy bahosi 241,1 mln so‘mni tashkil etadi.
Mazkur holat yuzasidan Jinoyat kodeksining 186-3-moddasi bilan jinoyat ishi qo‘zg‘atilib, tergov harakatlari o‘tkazilmoqda.
Mamlakatimiz bo‘ylab «Mustaqillik to‘yi» festivali bo‘lib o‘tadi.
O‘zbekiston Respublikasi davlat mustaqilligining 35 yilligi munosabati bilan joriy yilning may-sentyabr oylarida mamlakatimiz bo‘ylab «Yagona Vatan, yagona xalq bo‘lib, yangi hayot va kelajak yaratamiz!» shiori ostida «Mustaqillik to‘yi» festivali o‘tkaziladi.
Mazkur madaniy-ma’rifiy tadbir Respublika Ma’naviyat va ma’rifat markazi, O‘zbekiston Mahallalari uyushmasi, Madaniyat vazirligi, Yoshlar ishlari agentligi, «Ma’rifat» targ‘ibotchilar jamiyati hamda qator davlat va jamoat tashkilotlari hamkorligida tashkil etiladi.
Festival doirasida o‘ndan ortiq ijtimoiy, madaniy va ma’rifiy loyihalar amalga oshiriladi.
Bu haqda Respublika tashkiliy qo‘mitasi yig‘ilishida ma’lum qilindi.
Eslatib o‘tamiz, mazkur tashabbus haqida ilk bor Prezidentning O‘zbekiston mustaqilligining 35 yilligini nishonlash bo‘yicha qarorida aytilgandi.
6 kishi fuqarolarga ruhiy va jismoniy bosim o‘tkazish orqali pul topish bilan shug‘ullangan.
Toshkent viloyatining Chirchiq shahrida bezorilik bilan shug‘ullanganlar ushlandi. Bu haqda Davlat xavfsizlik xizmati xabar berdi.
Ma’lum qilinishicha, DXX va IIV organlari tomonidan uyushgan jinoyatchilikka qarshi kurashish yo‘nalishida tezkor-qidiruv tadbiri o‘tkazilgan. Unda Chirchiq shahrida ko‘cha yechimi va bezorilik bilan shug‘ullangan bir guruh shaxslar qo‘lga olingan. Ularga nisbatan jinoyat ishi qo‘zg‘atilgan.
Qo‘lga olinganlar quyidagilar:
Saidov Ikrom Erkinovich, 1988 yilda Buxoro viloyatida tug‘ilgan, muqaddam Jinoyat kodeksining 277-moddasi bilan sudlangan;
Saidov Islom Erkinovich, 1990 yilda Buxoro viloyatida tug‘ilgan, muqaddam Jinoyat kodeksining 267-moddasi bilan sudlangan;
Baizbayev Umidjon Zafar o‘g‘li, 1998 yilda Toshkent viloyatida tug‘ilgan;
Rustamov A’zamjon Mansurovich, 2001 yilda Buxoro viloyatida tug‘ilgan;
Suponov Qurbonali Nosirovich, 2002 yilda Navoiy viloyatida tug‘ilgan;
Farmonov Mirzoxid Shuxratovich, 1988 yilda Qashqadaryo viloyatida tug‘ilgan.
Ushbu shaxslar oshkora ravishda jamoat tartibini buzib, bezoriliklar sodir etgani bildirilgan. Ular fuqarolarga ruhiy va jismoniy bosim o‘tkazish orqali pul topish bilan shug‘ullanishgan.
Mazkur shaxslarning noqonuniy harakatlaridan jabr ko‘rganlar DXXning 1520 yoki IIVning 102 qisqa raqamlariga xabar berishlari so‘ralgan.
U amerikaliklarni Livanni zudlik bilan tark etishga chaqirdi.
Prezident eksport qilishda tadbirkorlarga yordam bermayotgan hokimlarni ogohlantirdi
Endi bank kartalaridan avtomatik yechib olishda minimal qoldiqqa amal qilinadi
-
Jamiyat5 days ago
Самарқандда МЧЖ раҳбарларининг кирдикорлари ошкор бўлди: тафсилотлар
-
Dunyodan4 days agoEron Hurmuz boʻgʻozini bloklagani sababli muzokaralarni rad etmoqda
-
Siyosat3 days agoSaida Mirziyoyeva xalqaro forumda Prezident murojaatini o‘qib eshittirdi
-
Siyosat4 days ago“Oʻzbekneftgaz” va Xitoyning CNPC hamkori uglevodorodlarning oʻta chuqur zahiralarini oʻrganish boʻyicha
-
Siyosat4 days agoSamarqandda narkotiklarning transmilliy tahdidlariga qarshi kurash bo‘yicha xalqaro forum bo‘lib o‘tmoqda
-
Siyosat3 days agoHukumat mehnat muhojirlariga til oʻrgatish va malaka olish xarajatlari uchun kompensatsiya toʻlashi kerak
-
Siyosat3 days agoPrezident Shavkat Mirziyoyev JSST bosh direktorini qabul qildi
-
Dunyodan4 days ago
Prezident Tramp Eron rahbariyati bilan uchrashishga tayyorligini ma’lum qildi