Iqtisodiyot
Xitoy elektromobillarini eng ko‘p kim sotib olyapti?
Xitoy elektromobillar ishlab chiqarish bo‘yicha dunyoda yetakchi bo‘lib qolayotgan bo‘lsa-da, Xitoy brendlari Yevropa, Osiyo va Lotin Amerikasi avtosalonlarida tobora faolroq paydo bo‘lmoqda. Shu bilan birga, ularning AQSh bozoridagi ishtiroki hanuz juda kam.
Yangi infografika Benchmark Mineral Intelligence ma’lumotlariga asoslangan bo‘lib, 2018 yildan 2025 yilgacha ayrim mamlakatlarda sotilgan elektromobillar ichida Xitoyda ishlab chiqarilgan akkumulyatorli elektromobillarning ulushini ko‘rsatadi. Statistikaga faqat to‘liq elektr quvvatida yuradigan avtomobillar kiritilgan, gibridlar esa hisobga olinmagan.
Meksika qisqa vaqt ichida Xitoy elektromobillari uchun eng muhim xorijiy bozorlardan biriga aylandi. 2025 yilda mamlakatda sotilgan barcha elektromobillarning 89,9 foizi Xitoyda ishlab chiqarilgan bo‘lib, bu 2023 yildagi 28,3 foizga nisbatan keskin o‘sishdir. Absolyut raqamlarda bu o‘sish yanada yaqqol ko‘rinadi: Xitoy elektromobillari savdosi 2023 yildagi 3145 donadan 2025 yilda 53 742 taga yetgan.
Indoneziya ham shunga o‘xshash dinamikani namoyon etmoqda. Agar 2023 yilda Xitoy elektromobillarining ulushi atigi 3,2 foizni tashkil etgan bo‘lsa, 2025 yilga kelib bu ko‘rsatkich 61,6 foizga yetdi. Savdo hajmi esa 543 tadan 64 252 tagacha oshdi. Bu Xitoy brendlari rivojlanayotgan bozorlarda qanchalik tez mustahkam o‘rin egallayotganini ko‘rsatadi.
Buyuk Britaniyada 2025 yilda Xitoyda ishlab chiqarilgan elektromobillar bozorning 26 foizini egalladi — bu 129 069 ta sotilgan avtomobil demakdir.
Ushbu reytingda ayniqsa Avstraliya ajralib turadi: u yerda 2025 yilda elektromobillar savdosining 79,5 foizini Xitoy brendlari ta’minlagan. Yangi Zelandiyada ham ko‘rsatkich yuqori — 70,5 foiz, Isroilda esa 84,8 foizni tashkil etgan.
Xitoy elektromobillar ishlab chiqarishda jahon miqyosida ustunlik qilayotganiga qaramay, AQSh bozori Xitoy avtomobillari uchun deyarli yopiqligicha qolmoqda. 2025 yilda ular AQShdagi elektromobil savdosining faqat 0,5 foizini tashkil qildi — taxminan 6070 ta avtomobil. Savdo siyosatidagi cheklovlar, tarif to‘siqlari va geosiyosiy taranglik Xitoy avtoishlab chiqaruvchilarining Amerika bozoriga kirib borishini jiddiy ravishda cheklab turibdi.
Prezident Shavkat Mirziyoyev G‘uzor tumanida «Qashqadaryo Jingu» korxonasi tomonidan Shinjon usulida paxta yetishtirilayotgan dalada bo‘ldi.
Davlatimiz rahbariga chigit ekish, g‘o‘zani sug‘orish va parvarishlashda qo‘llanayotgan texnologiyalar haqida ma’lumot berildi. Bu yerda 2,2 ming gektar maydonga chigit plyonka ostiga qo‘sh qatorlab ekilgan, tomchilatib sug‘orish to‘liq joriy qilingan.
Plyonka tuproqdagi namlik va haroratni saqlab, chigitning erta hamda bir tekis unib chiqishiga yordam beradi. Suv va o‘g‘it esa tomchilatib sug‘orish tizimi orqali bevosita g‘o‘za ildiziga yetkaziladi. Natijada suv sarfi 30-40 foizga, o‘g‘it sarfi qariyb 30 foizga kamayadi. Hosil an’anaviy maydonlarga nisbatan 10-15 kun oldin pishib yetiladi.
Prezidentimiz paxtazorda yetishtirilgan hosil va agrotexnik tadbirlarni tashkil etish jarayoni bilan tanishdi. An’anaviy usulda gektaridan 30-35 sentner paxta olinsa, Shinjon texnologiyasida bu ko‘rsatkich 60-70 sentnergacha yetishi mumkin. Korxona dalalarida hosildorlik gektariga 55 sentnerni, yalpi hosil esa 12,3 ming tonnani tashkil etmoqda.
Dala ishlarida agrodronlardan ham foydalanilmoqda. Bu ayrim agrotexnik tadbirlarni tezroq bajarish, yonilg‘i sarfini kamaytirish imkonini bermoqda.
Xitoy sarmoyasi ishtirokida tashkil etilgan «Qashqadaryo Jingu» agroklasteri Koson, Nishon, G‘uzor, Ko‘kdala va Mirishkor tumanlarida jami 18,3 ming gektar maydonda faoliyat yuritadi. Ushbu yerlarning katta qismi ilgari foydalanilmagan cho‘l va qarovsiz maydonlar bo‘lgan. Loyihaga 128 million dollar investitsiya kiritilib, 50 ta ish o‘rni yaratilgan. Eksport hajmi esa 8,5 million dollarni tashkil etadi.
Shu yerda davlatimiz rahbariga viloyat qishloq xo‘jaligida amalga oshirilayotgan ishlar haqida ham axborot berildi.
O‘zbekiston Prezidenti Shavkat Mirziyoyev «Wabtec» kompaniyasi direktorlar kengashi raisi va bosh ijrochi direktori Rafael Santanani qabul qildi. Bu haqda Prezident matbuot xizmati xabar berdi.
Uchrashuvda mamlakatda temir yo‘l infratuzilmasi va tranzit salohiyati rivojlanayotganini hisobga olib, lokomotivlar parkini yangilash va kengaytirish masalalari ko‘rib chiqildi.
AQSh moliya institutlari ishtirokida lokomotivlarni uzoq muddatli servis xizmati bilan birga yetkazib berish imkoniyatlari muhokama qilindi.
Shuningdek, O‘zbekistonda texnik xizmat ko‘rsatishni yo‘lga qo‘yish, butlovchi qismlar ishlab chiqarish va mutaxassislar tayyorlash masalalari ko‘rib chiqildi.
Tog‘-kon korxonalari karer texnikasiga xizmat ko‘rsatuvchi servis markazini tashkil etish hamda dizel-generator qurilmalari bo‘yicha hamkorlik qilishga ham e’tibor qaratildi.
«Wabtec» lokomotivlar, temir yo‘l texnikasi, raqamli va servis yechimlarini ishlab chiqarish bo‘yicha jahondagi yetakchi kompaniyalardan biri hisoblanadi. Kompaniya Markaziy Osiyo mamlakatlarida ham loyihalarni amalga oshirmoqda.
Iqtisodiyot
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
Prezident Administratsiyasi rahbari Saida Mirziyoyeva XXRning Gonkong maxsus ma’muriy hududidagi eng yirik xoldinglardan biri — Henderson Land Group boshqaruvi raisi Piter Li bilan uchrashuv o‘tkazdi.
Tomonlar qayta tiklanuvchi energetika, Yangi Toshkent infratuzilmasini rivojlantirish va ta’lim sohalaridagi istiqbolli qo‘shma loyihalarni muhokama qildi.
«Mamlakatimiz investitsiyalar uchun ochiq va biz Gonkongning yetakchi biznes doiralari bilan hamkorlikdan manfaatdormiz. Sheriklikdagi tashabbuslarni, jumladan, yangi tashkil etilayotgan Toshkent xalqaro moliya markazi orqali ham qo‘llab-quvvatlashga tayyormiz», — deb yozdi Saida Mirziyoyeva.
Administratsiya rahbari O‘zbekiston va Gonkong o‘rtasida uzoq muddatli iqtisodiy hamkorlikni rivojlantirish uchun katta imkoniyatlar borligiga ishonch bildirdi.
Markaziy bank 2026-yil 9-oktyabrdan valyutalarning yangi kursini belgiladi.
AQSh dollari 37,38 so‘mga oshib, 11 846,57 so‘m etib belgilandi.
Yevro kursi 34,69 so‘mga oshdi va 13 240,91 so‘m bo‘ldi. Funt-sterling 15 631,55 so‘mni tashkil qildi (29,25).
Rossiya rubli 138,95 so‘m etib belgilandi (+0,8).
Markaziy bank 2026-yil 6-oktyabrdan valyutalarning yangi kursini belgiladi.
AQSh dollari 5,5 so‘mga oshib, 11 778,45 so‘m etib belgilandi.
Yevro kursi 25,62 so‘mga tushdi va 13 198,93 so‘m bo‘ldi. Funt-sterling 15 580,53 so‘mni tashkil qildi (+31,99).
Rossiya rubli 138,35 so‘m etib belgilandi (-2,79).
Shavkat Mirziyoyev Shinjon usulida yetishtirilgan paxta dalasini ko‘zdan kechirdi
O‘zbekiston do‘konlarida 73 turdagi mahsulot sifatsiz deb topildi
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Jamiyat5 days ago
Toshkentda xalqaro moda akademiyasi tashkil etiladi
-
Iqtisodiyot2 days ago
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Iqtisodiyot19 hours ago
Shavkat Mirziyoyev Shinjon usulida yetishtirilgan paxta dalasini ko‘zdan kechirdi
-
Jamiyat2 days ago
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Jamiyat2 days ago
O‘zbekiston do‘konlarida 73 turdagi mahsulot sifatsiz deb topildi