Iqtisodiyot
Xalqaro moliya institutlarining milliy valutadagi obligatsiyalari chiqariladi
ILMA direktorining buyrug‘i bilan Xalqaro moliya institutlarining milliy valutada ifodalangan obligatsiyalarini chiqarish va davlat ro‘yxatidan o‘tkazish to‘g‘risidagi nizom tasdiqlandi.
Hujjatda XMI obligatsiyalarini ro‘yxatdan o‘tkazish, joylashtirish va ularning muomalasi hamda ularni keyinchalik so‘ndirish jarayonlarini tartibga soluvchi normalar belgilangan. Ro‘yxatdan o‘tkazish kelishuv tartib-taomillaridan o‘tmasdan Yagona davlat reyestrida (YaDR) hisobga olish orqali amalga oshiriladi.
Eng muhim shartlardan biri emitentning ILMA tasdiqlagan XMI ro‘yxatiga kiritilishi hisoblanadi. Obligatsiyalar chiqarilishi yoki obligatsiyalar dasturini ro‘yxatdan o‘tkazish ariza va muayyan hujjatlar to‘plami asosida amalga oshiriladi. Hujjatlarni ko‘rib chiqish muddati 15 ish kunidan oshmasligi kerak.
Obligatsiyalarni joylashtirish va ularning muomalasi «Toshkent» fond birjasida amalga oshiriladi, bunda Markaziy bank bilan tijorat banklari o‘rtasida RePO vositalaridan foydalanishga yo‘l qo‘yiladi. Emitent obligatsiyalarni joylashtirish va ularning muomalasi tugaganligi haqida vakolatli davlat organini xabardor qilishi shart.
Shuningdek, ularning ro‘yxatdan o‘tkazish raqami YaDRdan chiqarib tashlangan holda so‘ndirilgan obligatsiyalarni bekor qilish tartib-taomili nazarda tutilgan.
XMI obligatsiyalari birja qimmatli qog‘ozlari shaklida chiqarilishi mumkin, ular bo‘yicha daromadlarni to‘lash va ularni so‘ndirish korporativ obligatsiyalar uchun belgilangan qoidalar singari tartibga solinadi. Banklar tomonidan bunday obligatsiyalar sotib olinganda Markaziy bankning prudensial me’yorlari va risklarni boshqarish talablari qo‘llaniladi.
Axborotni oshkor qilishga alohida e’tibor berilgan: emitent obligatsiyalar haqidagi ma’lumotlarni Korporativ axborotning yagona portalida yoki o‘zining rasmiy veb-saytida joylashtirishi shart. Talablarni buzganlik uchun qonunchilikka muvofiq javobgarlik belgilangan.
Qabul qilingan choralar O‘zbekistonda XMI faoliyati uchun qulay sharoitlar yaratish, investitsiyalarni jalb qilishni faollashtirish va ichki moliya bozorini rivojlantirishga qaratilgan.
Milliy statistika qo‘mitasi ma’lumotlariga ko‘ra, 2026-yilning yanvar–iyul oylarida O‘zbekistonning eksport hajmi 19,9 mlrd AQSh dollarini tashkil etdi.
Mazkur davrda O‘zbekiston eksportida yuqori ulushga ega bo‘lgan mamlakatlar (top-10):
Rossiya — 2,8 mlrd AQSh dollari;
Xitoy — 1,7 mlrd;
Afg‘oniston — 1,1 mlrd;
Qozog‘iston — 868 mln;
Fransiya — 854,9 mln;
Gonkong (Xitoy maxsus ma’muriy hududi) — 716 mln;
Turkiya — 596,2 mln;
Qirg‘iziston — 575,8 mln;
Tojikiston — 437,5 mln;
BAA — 420,8 mln.
Dollar qimmatladi, yevroda ham ko‘tarilish kuzatildi
Source link
Davlat bojxona xizmati organlari faoliyatini takomillashtirish va bojxona ma’murchiligida zamonaviy yondashuvlarni joriy etishga qaratilgan Prezident farmoni qabul qilindi.
Unga ko‘ra, bojxona sohasida bir qator yangi tartiblar belgilandi.
Jumladan, 2026 yil 1 oktyabrdan xavf darajasi past hamda QQS guvohnomasi faol bo‘lgan tashqi iqtisodiy faoliyat ishtirokchilariga tovarlarni import qilishda to‘lanadigan QQS summalarini o‘zaro hisobga olish imkoniyati yaratiladi.
Shuningdek, tovarlar eksportida nazorat jarayonlarining raqamlashtirilishi va takomillashtirilishi natijasida bojxona rasmiylashtiruvi, fitosanitariya sertifikati, fumigatsiya hamda tovarning kelib chiqish sertifikati uchun yig‘im va to‘lovlar miqdori 30 foizga kamaytiriladi.
2027 yil 1 yanvardan tovarlarning bojxona qiymatini nazorat qilish tartibi ham soddalashtiriladi. Xususan, xavf darajasi past bo‘lgan tashqi iqtisodiy faoliyat ishtirokchilari olib kirayotgan tovarlarning bojxona qiymati tovarlar erkin muomalaga chiqarilgandan keyin nazorat qilinadi.
Bundan tashqari, bojxona qiymatini nazorat qilish maqsadida tovarlar uchun qat’iy bojxona qiymatini belgilash taqiqlanadi. Bojxona qiymati bo‘yicha dastlabki qaror qabul qilish amaliyoti joriy etiladi hamda nazorat jarayonida rasmiy diller va distribyutorlarning narx ma’lumotlaridan foydalanish yo‘lga qo‘yiladi.
2027 yil 1 iyundan esa jismoniy shaxslar tomonidan notijorat maqsadlarda olib o‘tiladigan tovarlar bo‘yicha yagona bojxona to‘lovi miqdori to‘lanishi lozim bo‘lgan bojxona yig‘imlaridan kam bo‘lsa, ushbu yig‘imlar undirilmaydi.
Markaziy bank 2026-yil 7-sentyabrdan valyutalarning yangi kursini belgiladi.
AQSh dollari 9,7 so‘mga tushib, 11 785,30 so‘m etib belgilandi.
Yevro kursi 3,01 so‘mga tushdi va 13 695,70 so‘m bo‘ldi. Funt-sterling 15 949,95 so‘mni tashkil qildi (+31,7).
Rossiya rubli 136,13 so‘m etib belgilandi (+0,33).
Iqtisodiyot
O‘zbekiston mahsulotlari AQShning eng yirik savdo tarmog‘i orqali Amerika bozoriga chiqishi mumkin
O‘zbekiston bosh konsuli Axror Burxanov «Costco Wholesale» kompaniyasi rahbariyati bilan uchrashuv o‘tkazdi, deb xabar bermoqda «Dunyo» AA muxbiri.
Muloqot avvalida O‘zbekistonning qishloq xo‘jaligi, to‘qimachilik va hunarmandchilik sohalaridagi eksport salohiyati haqida ma’lumot berildi. Kompaniya vakillariga AQSh bozoriga olib kirishga ruxsat etilgan oliy navli o‘zbek mayizi va quritilgan o‘rik namunalari ham taqdim etildi.
O‘z navbatida, «Costco» vakillari o‘zbek mayizining sifati va tashqi ko‘rinishini yuqori baholab, uni savdo tarmog‘ida sotuvga chiqarish bo‘yicha zarur choralarni ko‘rishga tayyorligini bildirdi.
Suhbat davomida pista, grek yong‘og‘i, bodom, golubika, gilos, uzum, anor va boshqa yangi hamda quritilgan mevalarni yetkazib berish istiqbollari yuzasidan fikr almashildi.
Shuningdek, uchrashuvda o‘zbekistonlik eksportchilarni AQShdagi qadoqlash va markirovkalash korxonalari bilan bog‘lash, shuningdek, kelgusi yil fevral oyida o‘tkaziladigan mahsulotlar taqdimotida ishtirok etishga ko‘maklashish masalalari ham muhokama qilindi.
Bundan tashqari, o‘zbek tekstili, milliy kulolchilik buyumlari, idish-tovoq va qo‘l mehnati asosida tayyorlangan dekorativ mahsulotlarni «Costco» orqali sotish imkoniyatlari ko‘rib chiqildi.
Kompaniya vakillari raqobatbardosh mahsulotlar aniqlangan taqdirda, ularni global xarid jamoalariga taqdim etishdan manfaatdor ekanini qayd etdi.
77 ta chiqindi poligonida saralash xizmati bo‘yicha tanlov e’lon qilindi
Prezident Shavkat Mirziyoyev davlat tashrifi bilan Koreya Respublikasida bo‘ladi
Buxoroda 2 yashar qizaloq onasiga qaytarildi: tafsilotlar
-
Jamiyat4 days ago
Prezidentning xususiylashtirishga oid farmoni e’lon qilindi
-
Sport4 days ago
Husan Botirov Biatlon federatsiyasi raisi etib saylandi
-
Jamiyat4 days ago
Sudyalikka nomzodlar uchun yosh senzi 30 yoshga tushirilishi mumkin
-
Jamiyat3 days ago
Hokim yordamchilarining 9 ta asosiy vazifasi belgilab berildi
-
Siyosat4 days ago
Shavkat Mirziyoyev Serbiyaga yetib bordi
-
Iqtisodiyot4 days agoDollar qimmatladi, yevroda ham ko‘tarilish kuzatildi
-
Siyosat4 days ago
O‘zbekiston hukumati Suriyaga yangi elchisini jo‘natdi
-
Sport4 days ago
«Paxtakor» futbolchisi Muhammadrasul Abdumajidov Fransiya jamoasiga o‘tadi