Jamiyat
Xalqaro ISO standartlari de factum klinikasining ajralmas qismiga aylandi
de factum klinikasi ISO 7101:2023 va ISO 9001:2015 xalqaro standartlari asosidagi sifat boshqaruv tizimiga to‘liq o‘tishni yakunladi. Tashqi audit tasdiqladi: klinikaning tibbiy faoliyati xalqaro talablarga mos tashkil etilgan, eng asosiy natija esa ko‘rsatilayotgan tibbiy yordamning yuqori darajasini tasdiqlash bo‘ldi. Bu daraja shifokorlarning kasbiy ishlashidan tortib laboratoriya tadqiqotlarining aniqligigacha bo‘lgan barcha jarayonlarda namoyon bo‘ladi.
Standartlarning joriy etilishi klinikaga jarayonlarni faqat tartibga solish bilan cheklanmay, balki barqaror ishlaydigan sifat tizimini yaratishga yordam berdi. Ushbu tizimda tibbiy natijalarning barqarorligi va oldindan aytilish imkoniyati klinika tomonidan boshqariladigan jarayonlarga aylantirildi. de factum uchun bu – ishonchni mustahkamlash va sifati yuqori tibbiy yordam madaniyatini rivojlantirishga xizmat qiladigan strategiyaning asosiy yo‘nalishlaridan biridir.
ISO 7101:2023 standartining ahamiyati
Keyingi muhim qadam — ISO 7101:2023 standartini joriy etish bo‘ldi. Ushbu standart klinik yordamning sifati va xavfsizligi uchun asos yaratadi. U shifokorlarning qaror qabul qilish tartibini, diagnostika o‘tkazish qoidalarini, mutaxassislar o‘rtasidagi hamkorlikni va xavflarni boshqarish usullarini belgilab beradi. Natijada tibbiy yordam ko‘rsatishning yaxlit va tartibli tizimi shakllanadi.
Aynan shu tizim doirasida klinika tashqi auditdan muvaffaqiyatli o‘tdi. Audit tasdiqladiki, birlamchi qabuldan tortib davolash yakunlarigacha bo‘lgan barcha bosqichlar aniq va nazorat ostidagi sharoitda amalga oshiriladi. Bu shifokorlarning ma’lumotlarga tayangan holda, yagona metodikalar asosida va klinik sifatni muntazam kuzatib borgan holda uyg‘un ishlashini ta’minlaydi.
Vaqt o‘tishi bilan ushbu tizim klinikaning butun faoliyatini boshqarishda keng qamrovli yondashuv poydevoriga aylandi. Endi e’tibor faqat klinik talablarga emas, balki barcha jarayonlarni kompleks boshqarishga qaratilgan.
SO 9001:2015ʼning klinika faoliyatidagi o‘rni
ISO 9001:2015 — tibbiy, diagnostik va ma’muriy jarayonlarni yagona nazorat tizimiga birlashtiradigan standartdir. U ish jarayonlarini tashkil etish, ichki tekshiruvlar o‘tkazish, xujjat yuritish va jarayonlarni doimiy takomillashtirishga oid talablarni belgilaydi.
Klinika uchun bu shifokorlarning kasbiy faoliyati, mutaxassislar o‘rtasidagi hamkorlik, laboratoriya tadqiqotlari va servis jarayonlari yagona, o‘zaro bog‘langan tizimga birlashtirilib, har bir amal sifat nazorati mexanizmlari bilan qo‘llab-quvvatlanishini anglatadi.
Alohida e’tibor — laboratoriyaga
Laboratoriya ma’lumotlari klinik qarorlarning katta qismini tashkil qiladi. Shu sababli audit laboratoriya ishining barcha bosqichlarini batafsil baholadi. Tekshiruv biomaterialni qabul qilish va qayta ishlash, o‘lchash aniqligi, uskunalarni kalibrlash, natijalar ishonchliligini nazorat qilish usullari va hisobot tayyorlash tartiblarini o‘z ichiga oldi.
Audit yakunlariga ko‘ra, klinika laboratoriyasi zamonaviy laboratoriya tahlili bo‘yicha xalqaro protokollarga to‘liq mos deb topildi. Ushbu talablarga rioya etish analitik aniqlikni, ma’lumotlarning qayta tiklanish imkoniyatini va shifokorlar klinik qarorlari asoslanadigan natijalarning ishonchliligini ta’minlaydi.
Xalqaro standartlar doirasidagi klinik jarayonlar
Laboratoriya va shifokorlarning standartlashtirilgan ish uslubiga o‘tishi klinikaning umumiy transformatsiyasidagi mantiqiy bosqich bo‘ldi. Xalqaro standartlarning joriy etilishi tibbiy yordam ko‘rsatishning butun tamoyillarini o‘zgartirdi. Endi har bir bosqich — klinik ma’lumotlarni yig‘ishdan tortib davolash natijalarini nazorat qilishgacha — sifatni uzluksiz kuzatib boradigan va ehtimoliy og‘ishlarni oldindan aniqlaydigan tizimga bog‘langan.
Shu tufayli mutaxassislar o‘rtasidagi hamkorlik yanada uyg‘unlashdi. Laboratoriya aniq ma’lumot beradi, shifokorlar asoslangan klinik qarorlar qabul qiladi, sifat boshqaruvi tizimi esa har bir qadamni o‘z vaqtida baholab boradi. Buning natijasida xavflarni hodisa yuz bergandan keyin emas, balki oldindan oldini olishga qaratilgan profilaktika madaniyati shakllanadi.
Bemor uchun sezilarli o‘zgarishlar
Bu jarayonlar bemor uchun aniq afzalliklarga aylanadi: to‘g‘ri diagnostika, davolash natijalarining oldindan aytilish imkoniyati, laboratoriya tadqiqotlarining ishonchliligi va har bir bosqichning shaffofligi. Holatning murakkabligidan qat’iy nazar, bemor xalqaro yetakchi tibbiy markazlarda qo‘llanadigan tamoyillar asosida ishlaydigan va tashqi auditlar bilan muntazam tasdiqlanadigan tizim doirasida tibbiy yordam oladi.
Xalqaro standartlarni tanlash sabablari
de factum uchun ISO standartlarini joriy etish dunyo talablariga moslashish uchun qo‘yilgan rasmiy qadam emas, balki ongli strategiyadir. Xalqaro standartlar tibbiy yondashuvlar, laboratoriya ishlari, servis jarayonlari va ichki boshqaruvni obektiv ma’lumotlarga tayangan holda rivojlanib boradigan yagona tizimga birlashtirish imkonini beradi.
de factumʼning strategik rivojlanishi
ISO 7101 va ISO 9001 standartlarini joriy etish klinika uchun keyingi rivojlanishning muhim bosqichi sifatida ko‘riladi. Ushbu standartlar boshqaruv tizimini mustahkamlaydi, xizmatlarni kengaytirish uchun poydevor yaratadi va jarayonlarning aniqligini kasbiy hamjamiyat hamda hamkorlar uchun oshiradi.
Shu bilan birga, bemor asosiy yo‘nalish bo‘lib qoladi. Xalqaro standartlar tibbiy yordamni barqaror, aniq va oldindan aytiladigan darajada tashkil etishga yordam beradi. Aynan mana shu yondashuv de factum rivojlanishining asosiy yo‘nalishini belgilaydi. Bu yerda tibbiy xizmat sifati uzoqdagi maqsad emas, balki har kuni amalda mavjud bo‘lgan mezondir.
Batafsil ma’lumot uchun:
Manzil: Toshkent shahri, Yunusobod tumani, Minor mavzesi, 86A
Klinikaning Veb Sayti | Chek ap bo‘limi
Telefon: +998 55-508-00-00
Reklama huquqi asosida
Buxoro viloyati hokimiga birinchi o‘rinbosar tayinlandi.
Jamshid Sharopov Buxoro viloyati hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari – viloyat iqtisodiyot va moliya boshqarmasi boshlig‘i lavozimiga tayinlandi.
Jamshid Sharopov 1984-yil 27-yanvarda G‘ijduvon tumanida tug‘ilgan. 2005-yilda Buxoro davlat universiteti, 2009 yilda Toshkent davlat iqtisodiyot universitetini tamomlagan. Ma’lumoti bo‘yicha mutaxassisligi-iqtisodchi.
Mehnat faoliyatini 2002-yilda AT “Paxta Bank”ning Buxoro viloyati boshqarmasi bank jarayonlari bo‘limi iqtisodiy bo‘linmasi mutaxassisi sifatida boshlab, ATB “Agrobank” Buxoro viloyati boshqarmasi boshlig‘i (2014-2020), O‘zbekiston Respublikasi Markaziy banki Buxoro viloyati bosh boshqarmasi boshlig‘i (2020-2021), Shofirkon tumani hokimi (2021-2023), ATB “Agrobank” agrosanoat majmuasi korxonalarini moliyalashtirish departamenti direktori o‘rinbosari (2023-2026) lavozimlarida faoliyat yuritgan.
Ayni paytga qadar u ATB “Agrobank” muammoli kreditlar bilan ishlash departamenti direktori vazifasida ishlab kelayotgan edi.
«O‘zbekiston Respublikasi mustaqilligining o‘ttiz besh yilligi munosabati bilan chet el fuqarolari va xorijda istiqomat qilayotgan vatandoshlarimizni mukofotlash to‘g‘risida»gi Prezident farmoni e’lon qilindi.
Mukofotlanganlar ro‘yxati:
“Do‘stlik” ordeni bilan
Ivan Sao – “BYD Auto” kompaniyasining Yevropa sotuv bo‘limi bosh direktori o‘rinbosari
Klod Imoven – Fransiyaning “MEDEF International” harakatining O‘zbekiston-Fransiya ishbilarmonlar kengashi raisi
Masayoshi Fujimoto – “Sojitz” kompaniyasi direktori
Sabine Maxl – BMTning O‘zbekistondagi doimiy koordinatori
Turaman Sinan – Shayxontohur tumanidagi “Outdoor Factory Toshkent” mas’uliyati cheklangan jamiyati kuzatuv kengashi raisi, Toshkent shahri
II darajali “Salomatlik” ordeni bilan
Qahorova Nilufar Hamroyevna – AQShning Garvard universiteti huzuridagi Boston bolalar shifoxonasi loyiha menejeri
Yuldasheva Nodira Muxamedovna – Kanadaning Toronto shahridagi Kanadadagi o‘zbekistonliklar uyushmasi asoschisi, “Sog‘lom yo‘l” tibbiy va diagnostik markazi rahbari
“Shuhrat” medali bilan
Abdullayeva Shahlo Abdirashidovna – Koreya Respublikasining Kvangju shahridagi Migrant ayollar huquqlarini himoya qilish va ta’lim berish markazi rahbari.
Podpolkovnik Baxtiyor Inoqov Surxondaryo viloyati ichki ishlar boshqarmasi boshlig‘i etib tayinlandi. U bunga qadar Ichki ishlar vazirligi Akademiyasi magistratura bosqichida tahsil olgan.
Tayinlov Xalq deputatlari Surxondaryo viloyati Kengashining jamoat xavfsizligi va kriminogen vaziyatga bag‘ishlangan navbatdan tashqari sessiyasida ma’lum qilindi.
Sessiyada viloyatdagi jinoyatchilik holati ham tahlil qilindi. Joriy yilning hisobot davrida hududdagi 723 ta mahallaning 528 tasida (73 foiz) bironta ham jinoyat sodir etilmagan. Ichki ishlar xodimlarining tashabbusi bilan aniqlanadigan jinoyatlar soni 40 foizga yaxshilangan.
Shu bilan birga, 28 ta mahalla «qizil» toifada qolayotgani qayd etildi.
Yangi IIB boshlig‘iga jinoyatchilikka qarshi kurashish samaradorligini oshirish, har bir mahallada xavfsizlikni ta’minlash, aholi bilan yaqin muloqotni yo‘lga qo‘yish va fuqarolarning ichki ishlar organlariga ishonchini mustahkamlash vazifalari yuklatildi.
Yangi o‘quv yili arafasida O‘zbekiston hududidagi umumta’lim maktablari, dehqon bozorlari va savdo majmualarida mavsumiy «Maktab bozorlari» tashkil etilmoqda.
Raqobat qo‘mitasi mavsumiy savdo jarayonlarida iste’molchilarning huquq va manfaatlarini himoya qilish, raqobat muhitini ta’minlash hamda aholini sifatli va hamyonbop mahsulotlar bilan ta’minlash muhimligini ta’kidladi.
Qo‘mita ota-onalar va o‘quvchilarga xarid vaqtida mahsulotning sifati, ishlab chiqaruvchisi, narxi va boshqa muhim ma’lumotlarga e’tibor qaratishni tavsiya qildi.
Tadbirkorlarga esa «Maktab bozorlari»da sotilayotgan mahsulotlar sifati va narxlarining asosliligini ta’minlash, iste’molchilarga zarur axborotlarni taqdim etish hamda ularning huquqlariga rioya qilish majburiyati eslatildi.
Raqobat qo‘mitasi maktab bozorlarida faoliyat yuritayotgan tadbirkorlarni darsliklar, maktab formalari, o‘quv-yozuv qurollari va boshqa anjomlar narxlarini asossiz oshirmaslikka hamda qonunchilik talablariga qat’iy amal qilishga chaqirdi.
Fuqarolar «Maktab bozorlari»da narxlarni asossiz oshirish holatlariga duch kelsa, Raqobat qo‘mitasining 1159 ishonch telefoni orqali murojaat qilishi mumkin.
Qo‘mita tomonidan maktab bozorlarida narxlar barqarorligini ta’minlash maqsadida monitoring ishlari olib borilishi ma’lum qilindi.
Prezidentning 2026-yil 14-avgustdagi PQ–294-son qarori bilan 2027-yil 1-yanvardan muddatli to‘lov xizmati operatorlari faoliyati tartibga solinadi.
Ma’lum qilinishicha, muddatli to‘lov xizmatini ko‘rsatuvchi yuridik shaxslar operator hisoblanadi. Ular iste’molchiga tovar yoki xizmatni muddatli to‘lov asosida olish imkoniyatini vositachi sifatida taqdim etadi.
Qarorning 3-bandi «d» kichik bandiga ko‘ra, ko‘chmas mulk operator ko‘rsatadigan muddatli to‘lov xizmatining obyekti bo‘la olmaydi. Shu sababli vositachi operator orqali uy-joyni «rassrochka»ga olish imkoniyati nazarda tutilmagan.
Biroq bu qoida uy-joyni bo‘lib-bo‘lib to‘lash asosida sotishni umumiy tarzda taqiqlamaydi.
Qarorning 3-bandi «a» kichik bandida sotuvchi tomonidan iste’molchiga tovarni to‘g‘ridan-to‘g‘ri sotish holatlari muddatli to‘lov xizmati tushunchasidan mustasno qilingan.
Shunga ko‘ra, quruvchi o‘zining qurgan uy-joyini xaridorga bevosita bo‘lib-bo‘lib to‘lash sharti bilan sotishi mumkin. Ya’ni yangi tartib quruvchi va xaridor o‘rtasidagi to‘g‘ridan-to‘g‘ri savdoni taqiqlamayapti.
Demak, ijtimoiy tarmoqlarda tarqalayotgan «endi uyni rassrochkaga olib bo‘lmaydi» degan talqin to‘liq to‘g‘ri emas. Cheklov aynan muddatli to‘lov operatorlari orqali ko‘chmas mulkni moliyalashtirishga taalluqli.
Yangi tartibga ko‘ra, muddatli to‘lov operatorlari maxsus reyestrga kiritiladi va ularning faoliyati Markaziy bank nazorati ostida bo‘ladi. Shuningdek, operatorlar bilan tuziladigan shartnomalar, ustama va komissiyalarga nisbatan aniq talablar belgilanadi.
Shunday qilib, 2027-yildan operator orqali uy-joyni «rassrochka»ga olish cheklanadi, ammo quruvchining xaridorga uyni bevosita bo‘lib-bo‘lib to‘lash sharti bilan sotishi saqlanib qoladi.
Prezident ishtirokida umumiy qiymati 50 trln so‘mlik loyihalar ishga tushirildi
«Milliy manfaatlarni himoya qilish dunyodan yopilish degani emas» — Sherzod Asadov
O‘zbekiston kartoshkani asosan qaysi davlatlardan sotib oldi?
-
Siyosat2 days ago
Илҳом Алиев Тошкентда тантанали кутиб олинди
-
Iqtisodiyot3 days ago
O‘zbekistonda kiyim ishlab chiqarish bo‘yicha qaysi hududlar yetakchi?
-
Siyosat3 days ago
To‘qayev prezidentlikka qayta nomzod qo‘yishi haqidagi savolga javob berdi
-
Mahalliy4 days ago
O‘zbekistonda 10-sinf o‘quvchilari o‘qishini texnikumga ko‘chirishi mumkin bo‘ladi
-
Jamiyat4 days ago
O‘zbekistonda endi uylarni «rassrochka»ga olib bo‘lmaydimi?
-
Siyosat5 days ago
Ilhom Aliyev davlat tashrifi bilan O‘zbekistonga keladi
-
Siyosat1 day ago
Ўзбекистон ва Озарбайжон раҳбарлари Бухоронинг машҳур обидаларини зиёрат қилдилар (фото)
-
Mahalliy5 days ago
O‘zbekistonda xorijiy oliygohlar soni 10 yilda 4,3 barobar oshdi