Sport
Vinisius «Real»ni birinchi o‘rinda olib chiqdi, «Siti» «Yuventus»ga 5 ta gol urdi
Klublar o‘rtasidagi jahon chempionatida guruh o‘yinlari yakunlandi va nimchorak finalning barcha juftliklari ma’lum bo‘ldi.
«Real» o‘yinida Alonsoning imzosi sezilmoqda
KJCh. N guruhi. 3-tur. 26 iyun
«Zalsburg» – «Real» 0:3
Gollar: Vinisius (40), Valverde (45+3), Gonsalo Garsiya (84).
«Zalsburg» – Zavisshitski, Layner, Gadu, Rasmussen, Kratzig, Nene (S.Baydu, 89), Diabate (Vertessen, 73), Diambu (Kyorgor, 46), Gluh, E.Baydu (Onisivo, 89), Ratkov (Dagim, 46).
«Real» – Kurtua, Trent, Ryudiger (Ramon, 66), Hausen, Fran Garsiya, Chuameni, Bellinghem (Dias, 82), Guler (Modrich, 66), Valverde (Sebalos, 74), Vinisius (Rodrigo, 66), Gonsalo Garsiya.
«Al Hilol» – «Pachuka» 2:0
Gollar: Salim ad Dosari (22), Leonardo (90+5).
«Al Hilol» – Bunu, Kanselu (Al Yami, 86), Tombakti (Lajami, 76), Kulibali, Lodi (Al Harbi, 71), Nevesh, Milikovich-Savich, Nosir ad Dosari (Kanno, 76), Malkom (Al Juvayr, 87), Salim ad Dosari, Leonardo.
«Pachuka» – Xurado, Barreto (Gonsales, 57), Bauyermann, Pereyra, Xosabed (Ernandes, 77), Montiel, Palavechino (Pedrasa, 77), Acheves, Dominges (Urtado, 57), Kenedi (Bautista, 63), Rondon.
Ogohlantirishlar: Barreto (17), Dominges (45+2), Lodi (45+4), Kulibali (52).
Ogohlantirishlar: Lodi, 45. Kulibali, 52 – Barreto, 17. Dominges, 45
Habi Alonso hal qiluvchi o‘yin oldidan «Real» keyingi bosqichga chiqishiga ishonch bilan gapirdi, u guruh bosqichidagi birorta o‘yinda ham qaydnomaga kiritilmagan Mbappe haqidagi savolga javob berarkan, shunday dedi: «Uni mashg‘ulotlarda ko‘rishdan mamnun bo‘lgan bo‘lardik, ammo biz u 1/8 finalga tayyor bo‘lishini afzal ko‘ramiz».
«Zalsburg»ga qarshi o‘yin startidayoq madridliklar to‘liq kuch bilan oldinga tashlanib, yanvar oyida Chempionlar ligasi guruh bosqichida ushbu jamoaga qarshi o‘tgan uchrashuv natijasini takrorlashni xohlayotganini namoyish etishdi. Oxirgi yillarda Avstriya gegemoni maqomini yo‘qotib borayotgan jamoa o‘sha o‘yinda 5:1 hisobida tor-mor etilgandi. O‘sha o‘yinda futbolchilarni «Real»ga qarshi o‘yinga boshlab tushgan, jamoani inqirozdan chiqarish uchun chaqirilgan Tomas Lech yangi lavozimda ish boshlaganiga atigi bir oy bo‘lgandi. Keyin esa ushbu mutaxassis «Zalsburg»ni beshinchi o‘rindan ikkinchi o‘ringa ko‘tardi va YeChL saralash bosqichidagi ishtirokni kafolatladi.
Ammo ichki arenadagi natijalar «Real» bilan qarama-qarshilikda natija ko‘rsatish uchun yetarli bo‘lmaydi. Himoyani yaxshi tashkil etish va vaqti-vaqti bilan raqib mudofaasiga bosim uyushtirish mumkin, ammo bunday o‘yin yakunini oldindan taxmin qilish oson. Vinisius Junior yakkama-yakka vaziyatdan foydalana olmagan bo‘lsa-da, muqarrar natijani faqat biroz kechiktirdi. Braziliyalik futbolchi ikkinchi imkoniyatidan foydalandi va bu safar ham unga Bellinghem ajoyib pas berdi. Vini esa bir fint bilan himoyachini yo‘ldan oldi va jarima maydoni chizig‘ida turib yerlatib zarba yo‘lladi.
Qaymoqranglilarning ikkinchi goli — qarshi pressing ajoyib ish berishi natijasi bo‘ldi. Jamoa o‘yinida Alonsoning chizgilari allaqachon sezilmoqda. Vinisius esa bir vaqtlar Gutini mashhur qilgan harakatni takrorlab, to‘pni darvozaga yo‘llashi mumkin bo‘lgan holatda tovoni bilan ortdagi jamoadoshi, ideal pozitsiyaga ochilayotgan Valverdega qoldirdi.
Shu kuni ilojsiz ko‘ringan «Zalsburg» onlayn jadvalda ikkinchi pog‘onani «Al-Hilol»ga bo‘shatib berdi. Simone Indzagi boshqaruvidagi jamoa guruhdan chiqish imkoniyatini allaqachon yo‘qotgan «Pachuka» bilan o‘yinda yaqqol kuchlilik qildi, saudiyaliklar jamoasining birinchi bo‘lim yakunlariga ko‘ra ustunligini Al-Dovsarilar ta’minladi. Nosir assistentlik rolini bajardi, «Al-Hilol» sardori Salim esa to‘pni darvozabon ustidan oshirib tashladi.
Ikkinchi bo‘limda saudiyaliklar jamoasi o‘zining yangi bosh murabbiyiga xos pragmatizm namoyish etdi. «Real» esa bu vaqtda biroz sustlashdi va «Zalsburg» bir necha yaxshi hujumlar uyushtirib, kamida bitta golga haqli o‘yin ko‘rsatdi. Faqat guruhdan chiqish uchun ikki gol urish va gol o‘tkazmaslik talab etilardi, madridliklar esa, durang natijaga rozi emasdi. Maydondagi voqealar Alonsoni sergak torttirdi va u nafaqat pozitsiyalar bo‘yicha almashtirishlar qildi, balki Leverkuzenda bo‘lgani kabi sxemani uch markaziy himoyachi asosiga qurdi. Buning uchun u Tshuamenini himoyachiga aylantirgan Karlo Anchelottiga minnatdorchilik bildirsa arziydi.
Gonsalo Garsiyani ham aynan italiyalik mutaxassis asosiy jamoaga jalb qila boshlagandi. Lekin bu Alonso o‘zidan oldingi murabbiyning bagajidan foydalanayotganini anglatmaydi. 21 yoshli forvard Anchelotti davrida juda kam o‘yin amaliyotiga ega bo‘lardi, AQShdagi turnirda esa Mbappening betobligi tufayli jamoaning asosiy markaziy hujumchisiga aylandi. «Al-Hilol»ga gol, «Pachuka» bilan o‘yindagi golli uzatma va uchinchi tur o‘yinida yakuniy natijani o‘rnatish — Garsiya har turda o‘z nomini protokolga yozdirib qo‘ymoqda. Uning navbatdagi muvaffaqiyatidan keyin «Zalsburg»da faqat «Pachuka»dan umid qilish varianti qolgandi.
Va meksikaliklar yordam berib yuborishi ham mumkin edi, ikkinchi bo‘lim davomida Bunu qo‘riqlayotgan darvoza oldida bir necha marta parokandalik yuzaga keldi. «Pachuka» hisobni tenglashtirganida, jamoa darvozaboni kun qahramoniga aylangan bo‘lardi, u hisob 1:0 ekanida yakkama-yakka vaziyatga chiqib kelgan Markos Leonardoga gol urishiga yo‘l qo‘ymagandi. Ammo so‘nggi so‘zni baribir qo‘shimcha daqiqalarda gol urgan ushbu braziliyalik hujumchi aytdi. «Al-Hilol» — guruhdan ikkinchi o‘rin bilan chiqdi va 1/8 finalda «Manchester Siti»ga ro‘baru bo‘ladi. «Real»ni esa «Yuventus» bilan o‘yin kutmoqda.
«Shaharliklar» yorqin g‘alabaga erishib, guruh peshqadamiga aylandi
G guruhi
«Yuventus» — «Manchester Siti» 2:5
Gollar: Kopmeyners (11), Vlahovich (84) — Doku (9), Kalulu (26, avtogol), Holand (52), Foden (69), Savinio (75).
«Yuventus» — Di Gregorio, Kalulu, Savona (Gatti, 60), Kelli, Koshta (Kambiyazo, 57), Lokatelli (Tyuram, 57), Makkenni (Ajich, 83), Kostich, Gonsales, Kopmeyners (Yildiz, 57), Vlahovich.
«Manchester Siti» — Ederson, Nunesh, Diash, Akanji, Ayt-Nuri (O’Rayli, 75), Rodri (Gundo‘g‘an, 66), Silva (Sherki, 75), Reynders, Savinio, Marmush, Doku (Foden, 66).
Ogohlantirish: Kalulu (64).
Klublar o‘rtasidagi jahon chempionati so‘nggi turiga pley-off repetitsiyasi sifatida qarash ham mumkin. Aytish mumkinki, «Yuventus» va «Siti» uchun turnirning bu bosqichi amalda payshanba kuni boshlandi, chunki G kvartetidan ikkinchi o‘rin bilan chiqadigan jamoa 1/8 finalda «Real»ga qarshi o‘ynashi, g‘olibga esa — «Zalsburg» va «Al-Hilol»dan biri raqib bo‘lishi ehtimoli yuqori edi. Shunga qaramay, pley-offga chiqib bo‘lgan jamoalar raqib tanlash uchungina barchasini o‘rtaga tashlashi ham ahmoqlik bo‘lardi. Shuning uchun kichik jarohati bo‘lgan Holand o‘yinni zaxira o‘rindig‘ida boshladi, shu bilan birga, Rodri sentabr oyidan buyon ilk bor boshlang‘ich tarkibda maydonga tushdi. «Yuventus»da esa asosiy hujum uchligi almashtirildi. Bundan tashqari, mavsumni ijara asosida «Fenerbahche»da o‘tkazgan Kostich bu mavsumda byankonerilar uchun o‘ynadi.
O‘yinni ikki tomon ham dadil harakatlar bilan boshladi. Ilk daqiqalardayoq «Siti»ning yozdagi xaridlaridan biri Ayt-Nurining jarima maydoniga uzatmasi bilan hisob ochilishi mumkin edi, ammo biroz o‘tib u baribir assist muallifiga aylandi. Uning uzatmasidan Doku unumli foydalanib, to‘p bilan jarima maydonida erkin harakat qildi va olis burchakni aniq nishonga oldi.
Keyin esa futbolchilar navbati bilan qovun tushira boshladi. Avvaliga odatda oyoqda juda yaxshi o‘ynaydigan Ederson to‘pni o‘z darvozasiga kiritib yubordi. Keyin esa turinliklar safidagi Kalulu qanotdan oshirilgan to‘pni o‘z jamoasi darvozasiga yo‘llab qo‘ydi, holbuki himoyachining yonida raqiblardan hech kim yo‘q edi. U to‘pni shunchaki o‘tkazib yuborishi yoki to‘xtatib olishi ham, uni shunchaki maydon tashqarisiga chiqarib yuborishi ham mumkin edi.
Bu xatodan keyin «Siti» hisobda oldinga chiqib oldi va to‘pni raqib jarima maydoni yaqinida olib yurish bilan mashg‘ul bo‘ldi. «Yuventus» xuddi yutayotgandek bor e’tiborni himoyaga qaratdi. Birinchi bo‘lim oxirida esa kuchli yomg‘ir va shamol boshlandi. Translatsiyada maydondagi futbolchilar ko‘rinmay ham qoldi. Klublar o‘rtasidagi jahon chempionatida oltinchi o‘yin ham chaqmoq tufayli to‘xtatilishi xavfi paydo bo‘ldi.
Ko‘p o‘tmay vaziyat yaxshilandi, lekin kuchli jala o‘yinga ta’sir qilmay qolmagandi. Tanaffus arafasida Marmush burchakdan to‘pni ko‘ngildagidek oshira olmadi, Lokatelli esa to‘pni jarima maydonidan uzoqlashtirishda muammoga duch keldi.
Ikkinchi bo‘lim Marmush o‘rniga Holand tushishi bilan boshlandi, norvegiyalik hujumchi to‘pga ilk teginishidayoq gol urishi mumkin edi. Lekin u bir necha daqiqa o‘tib baribir o‘z nomini tabloga yozdirib qo‘ydi. Hisob 3:1 ko‘rinishiga o‘zgargach, «Yuventus»da amalda g‘alaba imkon qolmadi. Savonaning jarohati italyanlarning holatini yanada og‘irlashtirdi. Ushbu himoyachi Holand bilan to‘p uchun kurashda oyog‘ini qayirib olib, maydonni shifokorlar ko‘magida tark etishga majbur bo‘ldi.
«Siti» o‘yinni susaytirmadi va tom ma’noda raqibni taslmi etdi. Inglizlarning to‘rtinchi goli raqibni shunchaki masxara qilishga aylandi. Holand, Savinio va Foden raqib jarima maydonida osonlik bilan pas o‘ynab, hujumni bo‘sh darvozani ishg‘ol etish bilan yakunlashdi. Keyin esa Savinio o‘zi gol urdi — u to‘qqizlik tomon zarba yo‘lladi va to‘p to‘singa tegib, to‘rga yo‘l oldi. Orlandodagi stadionda braziliyalik futbolchi golini nishonlayotganida Samba de Janeiro qo‘shig‘i yangradi. Vlahovichning o‘yin oxiridagi javob goli esa «Siti»ning oqshomini buza olmadi — 5:2. Inglizlar uch o‘yinda uch g‘alabaga erishib, guruhda birinchi o‘rinni egalladi va nisbatan oson raqib, «Al-Hilol»ga ega bo‘ldi, ikkinchi o‘rin bilan chiqqan «Yuventus» «Real» bilan o‘ynaydi.
Pley-off setkasi
«Siti» va Husanov nisbatan oson yo‘lda, «Real» hamda «PSJ»dan esa faqat bittasi finalga chiqishi mumkin.
Shavkat Mirziyoyev shaxmatchilar bilan uchrashuvda Javohir Sindorov, Muhiddin Madaminov va Shamsiddin Vohidovning Olimpiadadagi o‘yinlarini alohida e’tirof etdi.
Prezident Javohir Sindorovga murojaat qilib, bir necha oy avval uning Nomzodlar turniridagi tarixiy g‘alabasi nishonlanganini esladi. Olimpiadada ham Javohir Sindorov sovuqqonlik va barqarorlik ko‘rsatib, kuchli raqiblar oldida ortga chekinmagani ta’kidlandi.
«Endi oldingda yana bir ulkan marra — jahon toji uchun bellashuv turibdi. Bugun ortingda nafaqat jamoadoshlaring va ustozlaring, balki qirq millionga yaqin O‘zbekiston xalqi turibdi. Biz senga ishonamiz!» — dedi davlat rahbari.
Yirik musobaqada ilk bor ishtirok etgan Muhiddin Madaminov hal qiluvchi kunda ukrainalik Roman Dextyarovni qora donalarda mag‘lub etdi.
Uning g‘alabasi jamoaga oltin medal uchun zarur ochkoni olib keldi. Prezident uning g‘ayrati va g‘alabalari muxlislar ko‘nglidan joy olganini ta’kidladi.
Shamsiddin Vohidov ham umumiy natijaga munosib hissa qo‘shdi. U amaldagi jahon chempioni Gukeshga qarshi qora donalarda tengma-teng kurashib, o‘z salohiyatini namoyon etdi.
Prezident oltin medal jamoaning har bir a’zosi mehnati va hissasi natijasi ekanini ta’kidladi.
«Bu oltin medalda jamoaning har bir a’zosining mashaqqatli mehnati va ulkan hissasi bor», — dedi Prezident.
Davlat rahbari shaxmatchilar haqida hali kitoblar yozilishi, filmlar yaratilishi va ularning o‘yin uslubi darsliklarga kirishiga ishonch bildirdi.
Yosh shaxmatchilarni tayyorlash imkoniyatlarini kengaytirish uchun Toshkent xalqaro shaxmat akademiyasining Samarqand, Xorazm va Farg‘onada uchta mintaqaviy filiali tashkil etiladi. Akademiyada oliy toifali murabbiylarni tayyorlash ham yo‘lga qo‘yiladi.
FIDE reytingida 1 ming 500 dan yuqori ball to‘plagan shaxmatchilarning xususiy klublarda o‘qish xarajatlarining yarmi davlat tomonidan qoplanadi. Bu yosh iste’dodlarning tayyorgarligini davom ettirishiga qo‘shimcha imkoniyat yaratadi.
Mamlakatimizda “O‘zbekiston Grand Chess” milliy brendi ostida xalqaro turnirlar muntazam o‘tkazib boriladi. Bu shaxmatchilarimizga kuchli raqiblar bilan o‘z yurtimizda bellashish imkonini beradi.
Prezidentimiz Yangi Toshkentda 500 kishilik o‘yin zali, yotoqxona va sport maydonchalariga ega zamonaviy shaxmat saroyini barpo etishni taklif qildi.
O‘zbekiston delegatsiyasi Yaponiyadagi Osiyo o‘yinlarining bugungi kunini oltin va kumush medallarni qo‘lga kiritish bilan boshladi.
Shahriyor Mahkamov baydarkachilar o‘rtasida 500 metr masofaga kechgan yakkalik poygalarida marrani birinchi bo‘lib zabt etib, Osiyo o‘yinlari chempioniga aylandi.
Terma jamoamizning yana bir a’zosi Arina Tanatmisheva esa kumush medalni qo‘lga kiritdi. U 500 metr masofaga kechgan yakkalik dasturida marraga ikkinchi bo‘lib yetib keldi.
Shuningdek, kanoeda eshkak eshish bo‘yicha O‘zbekiston jamoasi a’zolari Vladlen Denisov hamda Nilufar Zokirova juftligi kumush medalni qo‘lga kiritdi.
Hozirgacha o‘tkazilgan musobaqalardan so‘ng, O‘zbekiston delegatsiyasi turnir jadvalida 4-o‘ringa ko‘tarilib oldi. Jami 34 ta medal qo‘lga kiritildi: 8 ta — oltin, 17 ta — kumush, 9 ta — bronza.
Aichi-Nagoya-2026 musobaqalarida medallar jamg‘arish bo‘yicha Xitoy peshqadamlik qilmoqda, Yaponiya — ikkinchi, Janubiy Koreya — uchinchi o‘rinda.
O‘zbekiston U-23 terma jamoasining Osiyo o‘yinlari yarim finalidagi raqibi ma’lum bo‘ldi.
Chorak finalda Yaponiya terma jamoasi KXDRni 1:0 hisobida mag‘lub etib, yarim finalga yo‘l oldi.
Shu tariqa, O‘zbekiston U-23 terma jamoasi final yo‘llanmasi uchun musobaqa mezboni Yaponiyaga qarshi maydonga tushadi.
Uchrashuv 30-sentyabr kuni Toshkent vaqti bilan soat 15:30 da “Nagai” stadionida boshlanadi.
Samarqandda o‘tayotgan 46-Butunjahon shaxmat olimpiadasining 10-turi O‘zbekistonning birinchi jamoasi uchun muvaffaqiyatli yakunlandi.
Nodirbek Abdusattorov, Javohir Sindarov, Nodirbek Yoqubboyev va Muhiddin Madaminov ishtirok etgan O‘zbekiston-1 jamoasi Armanistonni mag‘lub etdi.
Abdusattorov, Sindarov va Madaminov o‘z raqiblaridan ustun keldi. Shu tariqa, O‘zbekiston-1 jamoasi 18 ochko bilan musobaqada yetakchilikni saqlab qoldi.
O‘zbekiston-2 jamoasi Hindistonga imkoniyatni boy berdi. O‘zbekiston-3 esa Isroilga qarshi keskin bahsda kichik hisobda mag‘lub bo‘ldi.
Xotin-qizlar o‘rtasidagi 10-turda O‘zbekiston-1 jamoasi Peru vakillarini yirik hisobda mag‘lub etdi.
27-sentyabr kuni Olimpiadaning so‘nggi — 11-tur bahslari o‘tkaziladi. Uning yakunlariga ko‘ra, g‘olib va sovrindor jamoalar aniqlanadi.
O‘zbekiston do‘konlarida 73 turdagi mahsulot sifatsiz deb topildi
Tadbirkorlar jarimaning 50 foizini to‘lab, qolgan qismidan ozod etilishi mumkin
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Iqtisodiyot4 days ago
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
-
Jamiyat4 days ago
Toshkentda xalqaro moda akademiyasi tashkil etiladi
-
Iqtisodiyot1 day ago
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Jamiyat1 day ago
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Jamiyat1 day ago
O‘zbekiston do‘konlarida 73 turdagi mahsulot sifatsiz deb topildi