Jamiyat
Treyding orzusi yoki kredit botqog‘i? Infotreyderlar qo‘yayotgan qopqonlar
Ijtimoiy tarmoqlarda “kuniga 50 dollar barqaror daromad” yoki “oyiga 10 ming dollar topish” va’dalarini eshitmagan odam kam. Ammo bu orzular ortida kredit, qarz va tushkunlik yotayotganini hamma ham bilmaydi. Ma’lumotlarga ko‘ra, moliya bozorida kurs sotuvchi blogerlarning daromadi treyding foydasidan yuqoriroq.
Ijtimoiy tarmoqlarda treydingni o‘rganib tezda boyib ketishingizni va’da qilgan reklamalarni bir marta bo‘lsayam ko‘rgansiz. Bugun shularga ishonganlar bu haqida barcha haqiqatni gapirishadi.
Ular psixologning 300 dollarlik kursida o‘qib hayotini o‘zgartirmoqchi edi. Chindanam shunday bo‘ladi. Psixolog o‘z mijozlariga treyding o‘rganish orqali hayotni o‘zgartirish mumkinligini va shunday “ishonchli” treyder borligini aytadi. Ammo narxi 3 ming dollar bo‘lgan bu kurs uchun pullari yo‘qligini aytishganda kredit olib o‘qishsa, tezda to‘lashlari mumkinligi aytiladi. Ma’lum bo‘lishicha, bu kursda o‘qigan 10 ga yaqin odam kredit olib faoliyat boshlashgan.
Nozima, murojaatchi: “Kuniga 50 dollardan barqaror daromad qilishingizga va’da beramiz dedi. Men bu treyder ishonchli bo‘lgani uchun sizlarga tavsiya qilyapman deb zo‘r reklama qildi. Ko‘pchilik treyderlar aldaydi deb boshqalarni yomonlab tashladi. Hammagayam ishonavermang, men sizlarga yordam beraman. Oxirigacha turib beraman, ikki oylik kurs o‘taman, toki undan keyin ham natija qilmaguningizgacha yoningizda bo‘laman, dedi.
Keyin adminiga yozdim, pulim yetmayotganini, oyma-oy oyligimdan to‘lishim mumkinligini aytdim. U boshqalar kredit olib o‘qishganini, men ham shunday qilishim mumkinligini miyamga quydi. Kreditni ikki haftada yopib yuborishim mumkinligini aytdi. Bu umuman xayolimga kelmagan edi. O‘shalar aytgandan keyin harakat qilib 33 million kredit oldim. 31 millionni ularga o‘tkazib berdim.
Ikki oylik dars boshlandi. Birinchi oyda nazariyda faqatgina binans va boshqa dasturlarda ro‘yxatdan o‘tishni o‘rgatdi. Bir sidra tushuntirib chiqqan bo‘ldi. Bularni biz internetdayam ko‘rib bemalol o‘rganib olsak bo‘ladigan narsalar ekan. Buning bizga foydasi ham tekkan yo‘q. Ikkinchi oy amaliy bo‘ladi dedi. Unda bizga ikkitagina analizni o‘rgatdi. Ikki kunda o‘rgatsa bo‘ladigan narsani bir oyda cho‘zib o‘rgatdi”.
Salima, murojaatchi: “Darslar o‘tib tushuntirdi, lekin buni sohaga kirib kelganimizdan keyin tagini internetdan qidirib o‘rgansam, bizga dengizdan bir tomchini o‘rgatgan ekan. Bu soha juda chuqur soha ekan. “Kuniga ishlamasdan turib, shundoq bozorga kirib 50 dollardan pul topasizlar” degan va’dani berdi. Hisobimizga 1000 dollar qo‘ydik, fyuchersda ishladik. Lekin unaqa natija yo‘q. “Doim aloqada bo‘laman, qachon yozsangiz o‘rgataman, bozordan uzoq muddatli valutalarni olib qo‘yishni o‘rgataman”, degandi. Ammo undan keyin bizga umuman javob bergisi kelmadi. Sun’iy intellektning pulli dasturi orqali o‘rganib olishimizni aytdi. Unga savol berib, bozorni analiz qilib ishlasak bo‘larkan”.
ESMA (Yevropa moliyaviy nazorat organi) ma’lumotiga ko‘ra, Forex va CFD savdosida ishtirok etuvchi chakana treyderlarning 74–89% qismi zarar ko‘radi.
Ammo reklamalarda faqat yutuqlar ko‘rsatiladi. Bu kurs sotuvchi infotreyderlar qo‘yadigan qopqon. Moliya bozorida kurs sotuvchi blogerlarning daromadi treyding foydasidan yuqoriroq ekanligini ko‘rsatadi.
Unutmang, bu kurslar infotreyder daromad modeli hisoblanadi. Ko‘p holatda ularga daromad savdodan emas, auditoriyadan, ya’ni reklamalar qurbonlaridan keladi. O‘zingiz o‘ylab ko‘ring, agar o‘sha odam treydingdan yaxshi daromad topib turgan bo‘lsa, nega u kurs sotishga muhtoj?
Nozima, murojaatchi: “Kuzatib borsam ko‘p yolg‘on gapiryapti. Qo‘rqmasdan barqaror daromad, katta-katta va’dalar beryapti. Unda o‘qiganlarning hammasi natija ko‘rib, foyda olayotganini aytib maqtandi. Biz buni ko‘rib hayron bo‘ldik, kursni o‘qib tugatdik, foyda ko‘rmadik, zarar ko‘rganmiz, tushkunlikka tushganmiz. Shuncha pulni uydagilarga aytmasdan to‘laganmiz. Kamiga binansdayam minusga kirib ketganmiz.
Kursni o‘qib bilyapmizki, internetdan yig‘ib olingan narsalar. Natija beradigan tajriba yo‘q, oddiy ma’lumotlar va “hammasi o‘zlaringga bog‘liq” deb qo‘yadi. Pul olguncha zo‘r, katta-katta va’dalar beradi, “natijaga aniq chiqarib beraman” deydi, lekin bu bo‘lmaydigan narsa.
Kursda o‘qiganimiz haqida maqtab yozib berishimizni aytdi, sahifasiga qo‘yish uchun. Bir qizimiz endi natija bo‘lar degan umidda yozib berganini aytdi. Ayrimlar natija ko‘rmagani uchun yozmasligini aytdi. Men kreditim uchun (kursga olingan) pul kelganini yozib, bergan bilimlari uchun rahmat aytib yozdim. Lekin kreditni yopish uchun bu pulni akalarimdan olgan edim. Oyma-oy foiz to‘lamay, treydingdan ishlab ularga qaytaraman degan maqsadda akalarimdan olib yopgandim. Lekin uning chatida eshitsam, yolg‘on gapirib manipulyatsiya qilyapti – meni kreditimni yopib yuborganimni aytyapti. Men unga buni treyding qilib, treyding foydasidan yopdim demaganman. Hali ishlamay turib kredit yopganman, bularni yolg‘on gapirdi”.
Bu botqoq ichidagi yana bir qopqon – foyda ko‘rganlarning izohlari, maqtovlaridan foydalanish. Bu maqtovlar ishonchingizni oshiradi va qarmoqqa qanday ilinganingizni bilmay qolasiz.
“Treydingchilar” faqatgina kurs sotishmaydi. Ular orasida pulingizni ko‘paytirib berishni va’da qilayotganlariyam bor. Muhojirda yashayotgan yolg‘iz ona bu haqida gapirib berdi:
Iroda, murojaatchi: “Rossiyada ishlayman, yolg‘iz onaman. Uy olish uchun ishlayapman, lekin kreditimni vaqtida to‘lay olmay qiyin vaziyatga tushib qoldim, shu uchun instagramda ….. degan profilda treydingda pul ko‘paytirib beraman degan bolaga yozdim. Telegram kanaliga ulandim. Ishonishim uchun pasportlarigacha tashladi, litsenziyasini ko‘rsatdi, ishondim. 5 ming rublni 70 ming rublga ko‘paytirib berishga va’da berdi. Shundan 15 foizini unga berishimni aytdi. Jon deb rozi bo‘ldim. 5 ming rubl tashladim. Keyin pulim 123 ming rubl bo‘lganini, lekin uni yechish uchun yana 18 ming rubl komissiya o‘tkazishimni aytdi. Menda unaqa pul yo‘q edi, kredit oling dedi. O‘zi kreditimni to‘lash uchun bu ishga qiziqqandim. Bu pulni topolmaganim uchun kuyganimni aytdi. Bilaman, inson qiyin vaziyatda hamma narsaga rozi bo‘ladi, lekin menga o‘xshagan nechtasini uyini kuydiryapti bu. Chunki obunachilari juda ko‘p”.
Qimmatbaho avtolar, pachkalab dollarlar illyuziyasi qurbonlarni shunday og‘ir vaziyatlarga tushirib qo‘yadi. Aytish kerakki, normal brokerda o‘z pulingizni yechish uchun qo‘shimcha pul qo‘yish talab qilinmaydi. Shu yerning o‘zida bir nechta yolg‘on ma’lumot bor: tezda foyda olish, pul yechish uchun komissiya to‘lovi va hokazolar. Tahlillarga ko‘ra, yangi treyderlarning 70–90% birinchi yilda asosan zarar ko‘radi. Ammo infotreyderlar va psevdobrokerlar bu haqida umuman gapirishmaydi.
“Sohaning ichida bo‘lganimiz uchun bu kabi holatlarni tez-tez eshitib turamiz. Ko‘pchilikda moliyaviy savodxonlik yetishmasligi sababli turli va’dalarga, balandparvoz so‘zlarga ishonib qolishi, natijada asli bepul o‘rganishi mumkin bo‘lgan ma’lumotlarni katta pulga sotib olishi yoki pul berib aldanib qolish holatlarini tez-tez ko‘rib turibmiz. Afsuski eng katta muammolardan biri – uning ortida qancha risk (zarar ko‘rish ehtimoli) borligini aytishmaydi. Risk qancha yuqori bo‘lsa daromad ham shuncha yuqori bo‘ladi, lekin bu yuqori daromad ko‘rish uchun doim katta risk bilan ishlash kerak degani emas. Bu yerda shaffoflik yo‘q, bu qanaqa jarayon, qanaqa bilimlar kerakligi, risklar, pul boshqaruvi ochiq, shaffof ko‘rsatilmaydi.
Tan olish kerak, birinchidan ko‘pchilikda moliyaviy savodxonlik past. Filtr qilmasdan, tekshirmasdan ishonib ketish. Ikkinchidan, o‘rgatadiganlar tomonidan zo‘r natijalar, hashamatli hayot, qimmat mashinalarni ko‘rsatib, “agar kursimni olsang, sen ham xuddi shunday hashamatli hayotda yashaysan, shunaqa zo‘r mashinalar minasan” degan g‘oyani singdirishga harakat qiladi”.
Mutaxassisga ko‘ra, bu kabi holatlar O‘zbekistonda yangi bo‘lgan sohaning rivojlanishiga katta to‘siq bo‘lyapti: haqiqiy mutaxassislarga nisbatan ham odamlarda shubha bilan qarash paydo bo‘lgan.
Prezident o‘z nutqida 7 milliy dastur haqida e’lon qildi.
Birinchi milliy dastur bilim va malakani kelgusi taraqqiyotning asosiy kapitaliga aylantirishdan iborat bo‘ladi.
Bolalarning 6 yoshli tayyorlov guruhlariga qamrov qisqa muddatda 100 foizga olib chiqiladi. Xususiy bog‘cha tashkil qilish bo‘yicha mavjud imtiyozlar saqlab qolinadi.
Barcha maktablar xalqaro baholash dasturlari bilan to‘liq qamrab olinadi.
Yurtimizdagi texnikumlarda xalqaro ta’lim standartlarini joriy etiladi. Ularda yoshlarimizni yuqori daromadli kasblarga o‘qitishni yo‘lga qo‘yib, qamrovni 1 millionga yetkaziladi. Bir so‘z bilan aytganda, Yangi O‘zbekistonda kasb egallamagan birorta yigit-qiz qolmaydi.
Ikkinchi milliy dastur xalqimizning sog‘lom bo‘lishi va uzoq umr ko‘rishini ta’minlashga xizmat qiladi.
Shu maqsadda aholi salomatligi bilan bog‘liq davlat xarajatlarini kelgusi besh yilda yalpi ichki mahsulotga nisbatan 5 foizga yetkaziladi.
Tibbiyotda profilaktikani kuchaytirish orqali salomatlikni asrash modeliga o‘tiladi. Davlat tibbiy sug‘urtasi mamlakatning barcha xonadonlariga kirib boradi
Ixtisoslashgan tibbiyotda raqobat muhitini kuchaytirish maqsadida dunyoning eng nufuzli kamida 5 ta klinikasi olib kelinadi.
Uchinchi milliy dastur – iqtisodiyotimizni yuqori texnologiya va mehnat unumdorligi modeliga o‘tkazish.
Buning uchun kelgusi o‘n yilda 450 milliard dollar xorijiy investitsiya jalb qilinadi. Iqtisodiyotda yuqori o‘sish sur’atini saqlagan holda, 2030 yilgacha yalpi ichki mahsulot hajmi 300 milliard dollarga yetkaziladi, sanoatda 2 millionta yuqori daromadli ish o‘rni yaratiladi.
Yoshlarimizning salohiyatini to‘liq ro‘yobga chiqarishda startap, venchur va sun’iy intellektni rivojlantirish ustuvor yo‘nalishga aylanadi.
Shuningdek, kichik biznes – o‘rta biznesga, o‘rta korxonalar esa yirik kompaniya va korporatsiyalarga aylanishi uchun yaxlit ekotizimni yo‘lga qo‘yamiz. Bularning hisobiga kelgusi o‘n yilda jon boshiga yalpi ichki mahsulot hajmi 10 ming dollarlik marradan oshadi.
Global iqlim o‘zgarishi sharoitida suv va ekologiya masalalari yanada dolzarb bo‘lib bormoqda.
Shu bois, to‘rtinchi milliy dastur suv va tabiatga munosabatni tubdan o‘zgartirishga qaratiladi.
Kelgusi besh yilda ekin maydonlarida suv tejaydigan texnologiyalar qamrovini 100 foizga olib chiqiladi. Bu – umummilliy marraga aylanadi.
Adolat qaror topgan joyda iqtisodiy o‘sish ham, ijtimoiy ishonch ham yuksaladi.
Bu borada beshinchi milliy dastur – sud mustaqilligini kuchaytirish va qonun ustuvorligini ta’minlashni umumiy qadriyatga aylantirishdan iborat.
“Buning uchun huquqiy tarbiyani maktabdan boshlab aniq tizim asosida yo‘lga qo‘yamiz. Fuqarolar va tadbirkorlarning qonuniy kafolatlarini kuchaytirish bo‘yicha islohotlarimizni qat’iy davom ettiramiz. Kiberjinoyatchilik, giyohvandlik va odam savdosining oldini olish bo‘yicha choralarni yanada kuchaytiramiz.
“Yashirin iqtisodiyot”, uyushgan jinoyatchilik, ayollar va bolalar huquqini kamsitishga qarshi kurashni yangi bosqichga ko‘taramiz.
Odamlarimizning kayfiyati, oilalarning farovonligi, yoshlarning orzu-istagi, tadbirkorlarning tashabbuskorligi, eng avvalo, mahallada namoyon bo‘ladi.
Shuning uchun oltinchi milliy dastur mahallani jamiyat taraqqiyotining asosiy buyurtmachisiga aylantirishga yo‘naltiriladi.
Endi davlat dasturlarini ishlab chiqish bo‘yicha yondashuv butkul o‘zgaradi. Tuman budjeti, investitsiya dasturi hamda infratuzilma loyihalari mahalla buyurtmasi asosida ishlab chiqiladi. Bunda fuqarolarning talab va ehtiyoji, mahallaning farovonligi – eng asosiy mezon sifatida belgilanadi”, dedi Prezident.
Yettinchi milliy dastur – O‘zbekistonning tinchlik va do‘stlik diyori, bag‘rikeng o‘lka sifatidagi nufuzini har tomonlama yuksaltirishdan iborat.
Bizning ochiq, pragmatik va tinchlikparvar siyosatimiz uzoq muddatli taraqqiyotimizni ta’minlashga qaratilgan.
Bu yilgi Mustaqillik bayrami ijtimoiy tarmoqlarda chin ma’noda portladi. Prezident Shavkat Mirziyoyevning nutqi, bayram ssenariysi va sahnadagi chiqishlarga foydalanuvchilardan juda katta, samimiy va kuchli reaksiya bo‘ldi.
Izohlarni o‘qib, bir narsa yaqqol ko‘rinadi: odamlar bayramni shunchaki tomosha qilmagan — his qilgan.
“Juda zo‘r!”, “Boshqacha bo‘ldi!”, “Ta’sirli!”, “Gap yo‘q!”, “Sahnadagi energiya va jonli ijro odamni lol qoldirdi, haqiqiy bayram kayfiyati!”, “Harbiylarning safdagi kelishgan va qat’iy qadamlari qalbimizni g‘ururga to‘ldiradi”, “Juda go‘zal bayram, betakror bayram”… — ijtimoiy tarmoqlardagi minglab fikrlarda bir xil kayfiyat.
Ayniqsa, Prezident nutqidagi fikrlar alohida muhokama qilindi. Vatan tarixi, bugungi islohotlar va kelajakka ishonch uyg‘unlashgan nutq ko‘pchilikda kuchli taassurot qoldirdi.
Bu yilgi Mustaqillik bayrami sahnada o‘zgacha bo‘ldi — ijtimoiy tarmoqlardagi reaksiya esa bundan ham kuchli!
Bu shunchaki izohlar emas. Bu — xalqning bayramga bo‘lgan kayfiyati.
BYD Central Asia mahalliy ishlab chiqarilayotgan BYD CHAZOR UzPride modelining rasmiy sotuvi boshlanganini e’lon qiladi. Mahalliylashtirish darajasi yuqori bo‘lgani tufayli 55 KM Luxe jamlanmasi 255 900 000 so‘m narxda taklif etilmoqda.
Modelning nomi uning mazmun-mohiyatini aks ettiradi: brend mahalliy bozorda izchil rivojlanib, texnik mutaxassislarni tayyorlash va mamlakat avtomobilsozlik sanoatini zamonaviylashtirishga ko‘maklashmoqda. Shu bilan birga, zamonaviy texnologiyalarni aholining tobora keng qatlamlari uchun qulay va hamyonbop qilmoqda. Shu sababli yangi talqin O‘zbekiston va uning xalqiga chuqur hurmat ramzi sifatida UzPride nomini oldi.
O‘zbekiston Respublikasi mustaqilligining 35 yilligi munosabati bilan xaridorlar uchun maxsus moliyalashtirish dasturi tayyorlandi:
– boshlang‘ich to‘lov – 35%;
– bo‘lib to‘lash muddati – 35 oy;
– foiz stavkasi – 0%;
– moliyalashtirishni rasmiylashtirish – faqat OFB hamkor banki orqali.
Mustaqillikning 35 yilligiga bag‘ishlangan moliyalashtirish dasturi shartlari 2026 yil 29 avgustdan 1 sentyabrgacha amal qiladi.
Dastur shartlari qutlug‘ sana bilan ramziy tarzda uyg‘unlashtirilgan bo‘lib, yangi supergibrid sedanni O‘zbekiston bo‘ylab xaridorlar uchun yanada qulayroq shartlarda sotib olish imkonini beradi.
BYD CHAZOR UzPride haqida
BYD CHAZOR UzPride DM-i supergibrid tizimi bilan jihozlangan. Unda elektr yuritmaning afzalliklari 1,5 litr hajmli yuqori samarali benzin dvigatelining imkoniyatlari bilan uyg‘unlashtirilgan.
132 kVt quvvatga ega elektr dvigatelining eng yuqori burovchi kuchi 316 N·m ni tashkil etadi. Avtomobil 0 dan 100 km/soat tezlikka 7,9 soniyada chiqadi. NEDC o‘lchov tartibi bo‘yicha faqat elektr quvvatida yurish masofasi 55 kilometrgacha yetadi. Akkumulyator quvvati past bo‘lganda yoqilg‘i sarfining eng kam ko‘rsatkichi 100 kilometrga 3,8 litrni tashkil etadi.
55 KM Luxe jamlanmasiga aylantiriladigan 12,8 dyuymli multimedia ekrani, 8,8 dyuymli displeyga ega raqamli ko‘rsatkichlar paneli, o‘zbek tilidagi aqlli ovozli boshqaruv tizimi, 4G va Bluetooth ulanishi, shuningdek, OTA orqali masofadan yangilash imkoniyati kiradi.
Haydovchiga yanada ko‘proq qulaylik yaratish maqsadida avtomobil kalitsiz kirish tizimi, NFC-karta, masofadan ishga tushirish, o‘rindiqni elektr yordamida sozlash, elektr yuritmali tom tuynugi hamda orqa o‘rindiq yo‘lovchilari uchun havo yo‘naltirgichlarga ega iqlim tizimi bilan jihozlangan.
360° atrofni ko‘rsatuvchi panoramali HD-kamera hamda old va orqa to‘xtash datchiklari avtomobilni boshqarish va tor joylarda harakatlanishni osonlashtiradi.
Xavfsizlik tizimlari qatoriga tezlikni bir maromda saqlash tizimi, yo‘nalish barqarorligini nazorat qilish, g‘ildiraklarning sirpanishiga qarshi tizim, shinalardagi bosimni kuzatish, qiyalikda harakatni boshlashga ko‘maklashish, avtomobilni avtomatik ushlab turish, old va yon xavfsizlik yostiqchalari, shuningdek, parda turidagi xavfsizlik yostiqchalari kiradi.
BYD CHAZOR UzPride modelining mahalliy ishlab chiqarilishi yangi energiya manbalarida harakatlanuvchi zamonaviy avtomobillar tanlovini kengaytiradi hamda mamlakat avtomobilsozlik sanoatining rivojlanishiga hissa qo‘shadi.
BYD Central Asia kompaniyasining mustaqillikning 35 yilligiga bag‘ishlangan dasturi – O‘zbekiston Respublikasi mustaqilligining 35 yilligini mamlakatimizda ishlab chiqarilgan yangi avtomobil boshqaruvida kutib olish uchun ajoyib imkoniyatdir.
*Mustaqillikning 35 yilligiga bag‘ishlangan moliyalashtirish dasturi 2026 yil 29 avgustdan 1 sentyabrgacha, 1 sentyabr kuni ham, amal qiladi. Dastur doirasidagi moliyalashtirish faqat OFB hamkor banki orqali rasmiylashtiriladi. Dastur bo‘yicha taklif etiladigan avtomobillar soni cheklangan. Texnik ko‘rsatkichlar ma’lumot berish maqsadida keltirilgan bo‘lib, yo‘l va ob-havo sharoiti, avtomobilning yuklanish darajasi hamda haydash uslubiga qarab farq qilishi mumkin. Avtomobilni sotib olish shartlari va jamlanmasi haqidagi batafsil ma’lumotni BYD kompaniyasining rasmiy dilerlaridan olishingiz mumkin.
BYD kompaniyasining O‘zbekistondagi aloqa ma’lumotlari
Rasmiy ishonch telefoni: 1811
Rasmiy veb-sayt: bydauto.uz
Instagram: @bydauto.uz
Telegram: t.me/bydautouz
Jamiyat
Yangi o‘quv yilida 806 mingdan ziyod 6 yoshli bola maktabga tayyorlov guruhlariga qamrab olinadi
E-qaror tizimida Maktabgacha va maktab ta’limi vazirligining maktabgacha ta’lim tashkilotlarini 2026/2027 o‘quv yiliga tayyorlash va bolalarni qabul qilish jarayonini samarali tashkil etishga oid buyrug‘i e’lon qilindi. Hujjatning ilovalari Maktabgacha va maktab ta’limi vazirining 2026-yil 18-avgustdagi 299-son buyrug‘i bilan tasdiqlangan.
Hujjatga ko‘ra, 2026/2027 o‘quv yilida respublika bo‘yicha 811 ming 586 nafar 6 yoshli bola hisobga olingan. Ularning 806 ming 290 nafarini maktabga tayyorlov guruhlariga qamrab olish rejalashtirilgan. Natijada qamrov darajasi 99,3 foizga yetkazilishi ko‘zda tutilmoqda.
Maktabga tayyorlov guruhlari bilan qamrab olinmagan 6 yoshli bolalar uchun 485 ta bir yillik bepul majburiy tayyorlov guruhi tashkil etiladi. Ularda jami 13 ming 104 nafar bolani qamrab olish rejalashtirilgan.
Shundan:
— umumiy o‘rta ta’lim maktablarida 413 ta guruh tashkil etilib, 11 ming 163 nafar bola;
— davlat maktabgacha ta’lim tashkilotlarida 65 ta guruh ochilib, 1 ming 766 nafar bola;
— boshqa mos binolarda 7 ta guruh tashkil qilinib, 175 nafar bola qamrab olinadi.
Chora-tadbirlar rejasiga muvofiq, avval hududlardagi 6 yoshli bolalar xatlovdan o‘tkaziladi. Xatlov natijasida tayyorlov bilan qamrab olinmagan bolalar mavjud bo‘sh guruh va o‘rinlarga joylashtiriladi.
Shundan keyin ham qamrovdan tashqarida qolgan bolalar uchun umumta’lim maktablari, davlat maktabgacha ta’lim tashkilotlari, «Kelajak markazlari» va boshqa obyektlarning bo‘sh xonalarida yangi tayyorlov guruhlari tashkil etiladi. Ularni sentyabr–oktyabr oylarida ishga tushirish belgilangan.
Prezident farmonida tadbirkorlik subyektlarining huquqiy himoyasini kuchaytirishga qaratilgan «tadbirkorlik subyektining haqlilik prezumpsiyasi» belgilandi.
Unga ko‘ra, davlat organi tomonidan aksi isbotlanmaguncha tadbirkorlik subyekti va uning mansabdor shaxsi qonunchilikka muvofiq harakat qilgan hamda o‘z majburiyatlarini lozim darajada bajargan deb hisoblanadi.
Sudda tadbirkorga nisbatan huquqiy ta’sir chorasi qo‘llash uchun uning asosli, qonuniy va mutanosib ekanini, shuningdek, huquqbuzarlik faktini isbotlash majburiyati davlat organiga yuklanadi.
Qonunchilikdagi bartaraf etib bo‘lmaydigan ziddiyatlar, noaniqlik va tushunmovchiliklar, shuningdek, dalillar yetarli emasligi tufayli yuzaga keladigan shubhalar tadbirkorlik subyekti foydasiga talqin qilinadi.
O‘zbekiston mahsulotlari AQShning eng yirik savdo tarmog‘i orqali Amerika bozoriga chiqishi mumkin
Prezident 7 milliy dastur haqida e’lon qildi
Prezidentning bojxona xizmatiga oid farmoni qabul qilindi
-
Siyosat3 days ago
Шавкат Мирзиёев Бишкекда кутиб олинди
-
Jamiyat4 days ago
Qonunchilikdagi noaniqliklar tadbirkor foydasiga talqin qilinadi
-
Mahalliy2 days ago
«Enamdan qolgan dalalar» (Esse)
-
Jamiyat3 days ago
BYD CHAZOR UzPride – O‘zbekiston mustaqilligining 35 yilligiga bag‘ishlangan maxsus taklif
-
Jamiyat3 days ago
Bu yilgi Mustaqillik bayrami ijtimoiy tarmoqlarda chin ma’noda portladi!
-
Siyosat4 days ago
Pokiston bosh vaziri bilan uchrashuv o‘tkazildi
-
Sport4 days ago
«Beradigan boshqa narsam qolmadi» — Messi Argentina terma jamoasidagi faoliyatini yakunladi
-
Jamiyat3 days ago
Yangi o‘quv yilida 806 mingdan ziyod 6 yoshli bola maktabga tayyorlov guruhlariga qamrab olinadi