Jamiyat
Toshkentda yo‘lbo‘yi pulli avtoturargohlar ishga tushdi. Aholi qanday fikrda?
Dunyo tajribasida odatiy holga aylanib ulgurgan, odamlarni jamoat transportidan foydalanishga undaydigan yo‘lbo‘yi pulli avtoturargohlar Toshkentda ham paydo bo‘ldi. Tariflar – soatiga 5 ming so‘mdan 12 ming so‘mgacha. Kun.uz muxbiri aholi vakillaridan bu yangilikka va belgilangan narxlarga munosabatini so‘radi. Narxlarni Olmaota bilan taqqoslaganda, Toshkentda ancha qimmatligi ma’lum bo‘ladi.
{Yii::t(}
O’tkazib yuborish 6s
O’tkazib yuborish
8 maydan boshlab Toshkentda ilk yo‘lbo‘yi pulli avtoturargohlar ish boshladi. Hozircha bunday turargohlar shahar markazida: Amir Temur xiyoboni aylanmasi, Mirobod, Istiqlol, Istiqbol, Sodiq Azimov, Shahrisabz va Glinka ko‘chalarining ayrim qismlarida ishlab turibdi.
Jahon tajribasida avtomobil to‘xtab turish joylarining pulli bo‘lishi – aholini jamoat transportidan foydalanishga rag‘batlantirish chorasi sifatida ko‘riladi.
Rejaga ko‘ra, sentabrga qadar Toshkentdagi pulli to‘xtash joylari jami 86 ta ko‘chaga yoyiladi. Tariflarni poytaxt hokimi tasdiqlagan: soatiga 5 mingdan 12 ming so‘mgacha – shahar markaziga yaqinlashgan sari narxlar oshib boradi. Qizil zona uchun – 12 000, olovrang zona – 10 000, yashil zona – 8000, ko‘k zona – 6 000, binafsharang zonada – 5 000 ming so‘m tarif belgilangan.
Yo‘lbo‘yi avtoturargohlar tashkil etish huquqini auksionda Streetpark Systems yutib olgan.
Xo‘sh, bu yangilikka haydovchilarning munosabati qanday, belgilangan narx qanchalik ma’qul? Kun.uz muxbiri Amir Temur xiyoboni aylanmasida bu pulli xizmatdan foydalanayotgan haydovchilarga mikrofon tutdi.
Ayrimlar avtomobilini qo‘ygan joy pulli ekanidan bexabarligini aytdi. Aksariyat respondentlar esa pulli to‘xtash joyining 1 soati 12 ming etib belgilanganiga e’tiroz bildirdi.
“Soatiga 12 ming so‘m – bu Yevropa darajasidagi narx. Aholimizning oyliklariga bilan mos emas. Taxminan 5-7 ming so‘m bo‘lsa, yomon bo‘lmasdi. Fransiyada yashaganman, u yerdagi shaharlarda allaqachon qonga singib ketgan odat. Agar siz shaharning qoq markazida bo‘lsangiz, soatiga kamida 2,7–3 yevro atrofida, so‘mga hisoblaydigan bo‘lsak, 45-50 ming bo‘ladi. Mahalliy kichik shahar yoki qishloqlarda pulli parkovkalar bo‘lsa, unda 1 yevro atrofida bo‘ladi”, – deydi suhbatdoshlardan biri.
Avtoturargoh nazoratchisining so‘zlariga ko‘ra, belgilangan joylarda haydovchilar 5 daqiqagacha bepul to‘xtab turishi mumkin. Amir Temur xiyoboni aylanmasida 1 kunda yuzdan ortiq haydovchilar avtoturargohdan foydalansa-da, xizmat pulini to‘lamay ketyapti, deydi u.
Streetpark Systems’ning Kun.uz’ga ma’lum qilishicha, shahar hokimining 2024 yil 16 oktyabrdagi qarori bilan tasdiqlangan tariflarni ishlab chiqishda xalqaro amaliyot, avtomobillar harakati zichligi va shaharning markaziy hududlarida avtoturargohlarning mavjudlik darajasi hisobga olingan.
Mavjud avtoturargohlarni onlayn topish va tariflar haqida ma’lumot olish uchun “Poytaxt parking” mobil ilovasi ishga tushirilgan. Hozirgacha ilovada 5 mingdan ortiq foydalanuvchi ro‘yxatdan o‘tgan. Kun.uz muxbiri bilan suhbatlashgan fuqarolar ilovani takomillashtirish, to‘lov uchun infokiosklar qo‘shish kerakligini aytdi.
Ayni damda inspektorlar to‘lov mavjudligini oldindan planshet yordamida tekshirmoqda. Agar to‘lov amalga oshirilmasa, haq to‘lash zarurligi to‘g‘risida avtomobilning old oynasiga xabarnoma joylashtiryapti.
Kun.uz’ga berilgan ma’lumotlarga ko‘ra, operator kompaniya transport vositalarini avtomatik qayd etish va to‘lov mavjudligini tekshirish imkonini beruvchi mobil va statsionar foto-video qayd etish komplekslarini joriy etish ustida ishlayapti. Ular nafaqat to‘lovlarni amalga oshirmaslik, balki to‘xtash qoidalarini buzish holatlarini ham qayd etadi.
Boshqalarda qanaqa: Olmaota va Moskva misolida
Olmaotada yo‘lbo‘yi avtoturargohlar soatiga 100 tengeni tashkil qiladi. Bu o‘zimizning pulga 2500 so‘m degani. Pulli avtoturargohni topish va band qilish oson: maxsus sayt yoki mobil dastur orqali zarur avtoturargohlarni belgilash va avtomobilning davlat raqamini kiritib, ma’lum muddatni tanlash mumkin. Avtoturargohlardan 15 daqiqagacha bepul foydalansa bo‘ladi. Agar bu xizmat uchun to‘lov amalga oshirilmasa yoki ko‘rsatilgan summadan kam to‘lansa hamda yo‘l harakati bilan bog‘liq qoidalar buzilsa, Qozog‘iston qonunchiligiga ko‘ra, 3 932 tenge jarima solinadi. Bu – 98-99 ming so‘mni tashkil etadi.
Olmaotada pulli avtoturargohlardan tushgan mablag‘lar “Jamoat ishtirokidagi budjet” dasturi bo‘yicha obodonlashtirish uchun tuman hokimliklariga taqsimlanadi.
Moskvada pulli avturargohlar oddiy va differensial tariflarga bo‘lingan. Oddiy tarifning doimiy qiymati kecha-yu kunduz bir xil. Differensial tariflar esa kunning vaqtiga bog‘liq: avtoturargoh qanchalik band bo‘lsa, narx ham shuncha qimmatroq bo‘ladi. Narxlar soatiga 40 rubl (6600 so‘m)dan boshlanib, 800 rubl (132 ming so‘m)gacha borishi mumkin. Shu bilan birga, to‘xtash joyining narxi minimal bandlik bilan 0 rubldan boshlanadigan ko‘chalar ham bor. Dinamik tarif haydovchilarga to‘xtash joyining taxminiy narxini hisobga olgan holda o‘z yo‘nalishini oldindan o‘ylab ko‘rish imkoniyatini beradi.
2026 yil 28 aprel kuni taniqli jurnalist va olim Beruniy Alimovning «Jurnalistikada sun’iy intellekt davri» nomli kitobi taqdimoti bo‘lib o‘tdi. Tadbir O‘zbekiston jurnalistlar uyushmasi, Yoshlar ishlari agentligi va «Yoshlar ovozi» gazetasi hamkorligida tashkil etildi.
Taqdimot davomida mazkur qo‘llanmaning dolzarbligi, unda ilgari surilgan ilmiy yondashuvlar hamda sun’iy intellekt texnologiyalarining bugungi media makoniga ta’siri keng muhokama qilindi. Qayd etilganidek, raqamli transformatsiya sharoitida jurnalistika tubdan o‘zgarib, axborot uzatish tezligi, auditoriya talablari va kontent yaratish uslublari yangicha bosqichga ko‘tarilmoqda. Kitobda aynan shu jarayonlar chuqur tahlil qilinib, zamonaviy jurnalistika oldida turgan yangi vazifalar yoritilgan. Muallif sun’iy intellekt imkoniyatlarini keng ochib berar ekan, uning jurnalist faoliyatidagi o‘rni, kontent yaratishdagi roli va media sohadagi transformatsiyalarni ilmiy asosda izohlaydi.
Tadbirda O‘zbekiston jurnalistlar uyushmasi raisi vazifasini bajaruvchi Shuhrat Oripov, O‘zbekiston jurnalistika va ommaviy kommunikatsiyalar universiteti rektori Sherzodxon Qudratxo‘ja, taniqli olim va jurnalistlar — Xurshid Do‘stmuhammad, Fayzulla Mo‘minov, Salim Doniyorov, Amrullo Karimov, «Yoshlar ovozi» gazetasi bosh muharriri Hamza Abdullayev kitobning ilmiy va amaliy ahamiyatiga yuqori baho berib, uni nafaqat nazariy manba, balki kundalik faoliyatda foydalanish mumkin bo‘lgan muhim qo‘llanma sifatida e’tirof etishdi. Ta’kidlanganidek, kitob jurnalistlar, blogerlar, PR mutaxassislari hamda jurnalistika yo‘nalishida tahsil olayotgan yoshlar uchun dolzarb bilim manbai bo‘lib xizmat qiladi.
Shundan so‘ng «Jurnalistikada sun’iy intellekt davri» kitobi muallifi, filologiya fanlari doktori, jurnalist Beruniy Alimov so‘zga chiqib, kitobning yuzaga kelishi va nashrga tayyorlash jarayonlari haqida so‘zlab berdi.
Muhim jihatlardan biri shundaki, asarda sun’iy intellektning ijobiy jihatlari bilan bir qatorda, uning ehtimoliy xavf-xatarlari ham e’tibordan chetda qolmagan. Xususan, muallif mualliflik huquqi, faktcheking, axborot xavfsizligi, etik me’yorlar hamda jurnalist kasbining kelajagi bilan bog‘liq muhim masalalarni ko‘taradi. Bu esa kitobni nafaqat nazariy, balki tahliliy va amaliy ahamiyatga ega manbaga aylantiradi.
Tadbirda, shuningdek, sun’iy intellektning matbuot, televideniye, radio va internet jurnalistikadagi o‘rni, uning global tendensiyalar fonidagi rivoji hamda milliy jurnalistika uchun yaratayotgan yangi imkoniyatlari muhokama qilindi. Ishtirokchilar sun’iy intellekt texnologiyalari jurnalistika mazmunini o‘zgartirayotgan bo‘lsa-da, ijodkorlik va inson omili har doim ustuvor bo‘lib qolishini ta’kidladi. Uchrashuv yakunida ishtirokchilarning savollariga javob berilib, kitob yuzasidan fikr va takliflar bildirildi. Bu esa mavzu atrofida ochiq va mazmunli muloqot shakllanganini ko‘rsatdi.
Mazkur nashrni ommaviy axborot vositalari tahririyatlari hamda jurnalist kadrlarini tayyorlaydigan oliy ta’lim muassasalariga yetkazish rejalashtirilgan. Bu esa kitobning keng jamoatchilik orasida ommalashishi va uning amaliy ahamiyatini yanada oshirishga xizmat qiladi.
Sud tizimida ochiqlik va ishonch: media-kommunikatsiya yangi bosqichga chiqmoqda.
Odil sudlov akademiyasida Ommaviy axborot vositalari uchun kontent tayyorlash markazi bilan hamkorlikda sud organlari axborot xizmatlari xodimlari va sudyalar uchun «Media-kommunikatsiya va inqirozli vaziyatlarda ishlash» mavzusida maxsus ikki kunlik o‘quv kursi o‘z ishini boshladi.
Mazkur o‘quv-amaliy dastur sud tizimida ochiqlikni ta’minlash, OAV va blogerlar bilan samarali hamkorlikni yo‘lga qo‘yish, sud jarayonlarini ommaviy axborot vositalari va ijtimoiy tarmoqlarda to‘g‘ri yoritish mexanizmlarini takomillashtirishga qaratilgan.
Dastur doirasida sud faoliyatini yoritishda muvozanat — ochiqlik, aybsizlik prezumpsiyasi va media mas’uliyati, tanqidiy materiallar tahlili, rasmiy axborot kanallarini samarali yuritish, shuningdek, inqirozli vaziyatlarda tezkor va asosli kommunikatsiya olib borish bo‘yicha amaliy mashg‘ulotlar tashkil etilmoqda.
Shu bilan birga, zamonaviy media matn yaratish, sud qarorlarini sodda va tushunarli tilda yetkazish, jonli efir va intervyularda samarali nutq yuritish, reputatsion risklarni boshqarish hamda sun’iy intellekt texnologiyalaridan foydalanish kabi dolzarb yo‘nalishlar ham qamrab olingan.
Mazkur o‘quv kursi sud tizimi va jamoatchilik o‘rtasida ochiq, ishonchli va samarali muloqotni yo‘lga qo‘yishda muhim amaliy platforma bo‘lib xizmat qilishi kutilmoqda.
Ma’lumot uchun: o‘quv kursi ertaga ham o‘z ishini davom ettiradi.
Xivada Eco-schools Uzbekistan loyihasining asosiy ramzi bo‘lgan Yashil bayroq tantanali ravishda ko‘tarildi.
Loyihaning milliy operatori — «Zamin» fondi tomonidan o‘tkazilgan audit natijalariga ko‘ra, 30 ta maktab dasturning eng yaxshi ishtirokchisi deb topildi va ekologik ta’lim sohasida xalqaro e’tirofga sazovor bo‘ldi.
Ziroat Mirziyoyeva bolalarni munosib mukofot bilan samimiy tabriklab, erishilgan yutuqlar bilan cheklanib qolmaslikni tiladi va shunday dedi:
«Barcha sinov va qiyinchiliklarga qaramay oldinga intilish faqatgina matonatli hamda o‘z ona yurtiga chin muhabbati bor insonlarning qo‘lidan keladi. Men faxr bilan aytamanki, bu xislatlar har biringizda mujassam! Sizlar tabiatning chinakam himoyachilarisiz va sa’y-harakatlaringiz bizni BMTning Barqaror rivojlanish maqsadlariga erishish sari yaqinlashtirmoqda».
Bayramda xalqaro toifadagi oshpaz va diyetolog-nutritsiolog ekomaktab o‘quvchilari uchun muvozanatli ovqatlanish asoslari va sog‘lom taomlanish odatlarini shakllantirish bo‘yicha mahorat darslari o‘tkazdi. Mavzu davomida BMT Oziq-ovqat va qishloq xo‘jaligi tashkilotining (FAO) O‘zbekistondagi vakolatxonasi tomonidan maktab o‘quvchilari, boshlang‘ich sinf o‘qituvchilari hamda oshxona va bufet xodimlari uchun to‘g‘ri ovqatlanish bo‘yicha uslubiy qo‘llanmalar taqdim etildi.
Ushbu qo‘llanmalar barcha umumta’lim muassasalarida o‘tkaziladigan respublika treninglariga asos bo‘ladi.
Qoraqalpog‘istonda ta’lim sohasida yangi tayinlovlar amalga oshirildi. Bu haqda Jo‘qorg‘i Kenges matbuot xizmati xabar berdi.
Ayapov Amanjol Tlepovich – Qoraqalpog‘iston Respublikasi Maktabgacha va maktab ta’limi vaziri lavozimiga tayinlandi.
Amanjol Ayapov tayinlovga qadar Qoraqalpog‘iston Kasbiy ta’lim agentligi direktori lavozimida ishlab kelgan.
Ayimbetov Bayrambay Sharapatdinovich – Qoraqalpog‘iston Respublikasi Kasbiy ta’lim agentligi direktori lavozimiga tayinlandi.
Bayrambay Ayimbetov tayinlovga qadar O‘zbekiston Prezidenti huzuridagi Ijtimoiy himoya milliy agentligi Qoraqalpog‘iston Respublikasi boshqarmasida mas’ul lavozimda ishlab kelgan.
Tarmoqda PPX xodimi 14 yoshli qizni dugonasi bilan birga tog‘li hududga olib borib, ularga shilqimlik qilgani bo‘yicha xabar tarqaldi. IIV Jamoat xavfsizligi departamenti esa mazkur holat yuzasidan tekshiruv boshlanganini bildirdi.
Hodisa Ohangaron shahrida sodir bo‘lgan. Qizning aytishicha, Spark mashinasi ko‘chada to‘xtab, uning egasi qizlarni mashinga o‘tirishga majburlagan. So‘ngra jabrlanuvchining akasi geolokatsiya orqali borib vaziyatga aralashgan.
Ichki ishlar vazirligining Ichki xavfsizlik bo‘limi prokuratura bilan hamkorlikda ushbu hodisa bo‘yicha darhol tergov boshladi. Hodisaning barcha ishtirokchilari va holatlari aniqlandi.
Nashrlarda tilga olingan xodim lavozimidan chetlashtirildi. Agar da’vo qilingan harakatlar tasdiqlansa, ularning harakatlari qat’iy qonuniy choralar, jumladan, jinoiy javobgarlikka tortiladi.
«Huquqni muhofaza qilish organlari xodimlarining, ayniqsa voyaga yetmaganlarga nisbatan har qanday noqonuniy xatti-harakatlari qabul qilinishi mumkin emasligini va qattiq jazolarga olib kelishini ta’kidlaymiz», deyiladi IIV xabarida.
Tergov natijalari keyinroq e’lon qilinadi.
Jurnalistika uchun dolzarb bo‘lgan kitob taqdimoti bo‘lib o‘tdi
Sud jarayonlarini OAVda yoritishni takomillashtirish bo‘yicha dastur boshlandi
Ziroat Mirziyoyeva: «Sizlar tabiatning haqiqiy himoyachilarisiz»
-
Siyosat3 days agoFransiya va Oʻzbekiston taʼlim va madaniyat yoʻli bilan aloqalarni chuqurlashtirmoqda – Elchi Valid Xouk
-
Dunyodan4 days agoPrezident Tramp delegatsiya parvozini bekor qildi
-
Siyosat4 days agoToshkentda yirik hududlarda issiq suv taʼminoti 5 kunga toʻxtatilganini maʼlum qildi
-
Jamiyat5 days agoJomboyda mast haydovchi YTH sodir etdi
-
Siyosat2 days agoOʻzbekistonda yashirin forumda davlat xizmatchilariga oid maʼlumotlarning sizib chiqib ketishini tekshirmoqda
-
Jamiyat5 days ago
Toshkentda uy-joy ijarasi narxlari qariyb 11 foizga qimmatlagan
-
Mahalliy3 days ago
Gulga shaydo onaxon, kitob “ovchisi” va chemodansiz sayyoh…
-
Dunyodan4 days ago
Ruminiyalik erkak ayolni o‘ldirgani uchun umrbod qamoq jazosiga hukm qilindi