Jamiyat
Toshkentda xavfli retsidivist erkak hindistonlik sayyohning pulini tortib oldi
U O‘zbekistonga uchib kelgan Hindiston fuqarosiga o‘zini kirakash sifatida tanishtirgan va manzilga eltib qo‘yishini aytgan. So‘ngra taksi chaqirgan va haydovchi o‘z ukasi ekanini ma’lum qilib, sayyohni mashinaga mindirgan. Ularning ingliz tilidagi suhbatini esa haydovchi tushunmagan. Manzilga yetib kelganda erkak sayyoh hamyonidagi 250 yevroni talonchilik yo‘li bilan tortib olgan.
Toshkentda hindistonlik sayyohning pulini tortib olgan erkak ozodlikdan mahrum qilindi. U muqaddam ham talonchilik va o‘n olti yoshga to‘lmagan shaxsga nisbatan uyatsiz-buzuq harakatlar qilish jinoyatlarini sodir etgan va xavfli retsidivist deb topilgan.
Kun.uz tanishgan sud hukmiga ko‘ra, 1987 yilda tug‘ilgan M.U. 2025 yil 16 oktyabr kuni soat 2:40 larda o‘zganing mulkini talon-toroj qilish maqsadida Toshkent xalqaro aeroportiga borgan. U aeroportda sayohat qilish uchun O‘zbekistonga uchib kelgan Hindiston fuqarosi Nagohalli Lingaraju Harshitni uchratgan.
M.U. sayyohga o‘zini kirakash sifatida tanishtirgan va manziliga arzon narxda olib borib qo‘yishini aytib, uni aldagan. So‘ngra taksi chaqirgan. Chaqiruvga binoan yetib kelgan taksist B.J.ning mashinasiga sayyohni mindirgan. Uning jinoiy rejasidan taksistning xabari bo‘lmagan. Chunki M.U. sayyoh bilan ingliz tilida muloqot qilgan va ularning suhbatini taksist tushunmagan.
Aytilgan mehmonxona oldiga yetib borganda taksist yukxonadan sayyohning sumkasini olish maqsadida mashinadan tushgan. Shu payt M.U. mashina eshiklarini ichkaridan qulflab, orqa o‘rindiqda o‘tirgan sayyohning hamyonidagi 250 yevro pulini tortib olgan. So‘ngra voqea joyidan yashirinib, talonchilik bilan qo‘lga kiritgan pullarini shaxsiy ehtiyojlariga sarflab yuborgan.
M.U. sudda aybiga iqrorlik bildirmagan. U aeroportga tarjimonlik qilib pul topish maqsadida borganini, hindistonlik sayyohning pulini tortib olmaganini aytgan.
Nagohalli Lingaraju Harshit esa M.U. mashina ichida pulini tortib olganini, uning harakatidan qo‘rqib ketib, “Help! Help” deb baqirganini va avtomobil eshigini urganini bildirgan.
“2023 yildan buyon Polshadagi “Internation paper” kompaniyasida dasturchi bo‘lib ishlayman. Ba’zida boshqa davlatlarga aylanishga borib turaman. 2025 yil oktyabr oyi boshida internetda O‘zbekiston haqida ma’lumot ko‘rdim va ushbu davlatga sayohat qilishni xohladim.
2025 yil 15 oktyabr kuni Polshadan O‘zbekistonga uchib keldim. Aeroportdan chiqib, telefonimdagi Yandeks ilovasidan mehmonxonaga taksi chaqirmoqchi bo‘lganimda, oldimga notanish erkak kelib, ingliz tilida muloqotga kirishdi. U taksi chaqirib o‘tirmasligimni, o‘zi taksichi ekanini, mehmonxonaga olib borib qo‘yishini aytdi. Men rozi bo‘ldim. Shunda u mashinasini minib kelishini aytib ketdi va ko‘p o‘tmay kulrang mashinada keldi.
Mashinada haydovchi bo‘lganini ko‘rib, nima sababdan boshqa shaxs boshqaruvidagi avtomobilda kelganini so‘radim. U haydovchisi ukasi ekanini aytdi. Men orqa o‘rindiqqa o‘tirdim.
Mehmonxona oldiga olib kelib, haydovchi yukxonadagi sumkalarimni olish uchun mashinadan tushdi. Men 30 ming so‘m olib, yo‘lovchi o‘rindiqdagi shaxsga uzatdim. U kam ekanini aytdi. Hamyonimdan 10 ming so‘m qo‘shib, 40 ming so‘m pulni uzatdim. U yana kamligini aytdi. Hamyonimdan yana pul olmoqchi bo‘lganimda erkak yo‘lovchi o‘rindiqni yotqizib, meni qisib qo‘ydi va eshikni qulfladi. So‘ngra hamyonimda bo‘lgan 250 yevroni pulni tortib oldi. Qo‘rqib ketib, “Help! Help” deb baqirdim va mashina eshigini urdim. Shunda haydovchi kelib, eshikni ochdi”, degan sayyoh o‘z ko‘rsatmasida.
So‘ngra sayyoh mehmonxonaga kirib, IIB xodimini chaqirib berishni so‘ragan. Mehmonxona xodimi IIBga xabar bergan.
Sudlanuvchi aybiga iqrorlik bildirmasa-da, uning qilmishi guvohlarning ko‘rsatmalari hamda boshqa dalillar bilan o‘z tasdig‘ini topgan.
JIB Yakkasaroy tuman sudining 2026 yil 18 fevraldagi hukmi bilan M.U. talonchilik jinoyatini sodir etishda aybli deb topilgan. Unga 5 yil muddatga ozodlikdan mahrum qilish jazosi tayinlangan. Jazoni qattiq tartibli koloniyalarda o‘tash belgilangan.
Jamiyat
Axborot texnologiyalari va sun’iy intellekt yo‘nalishlari uchun davlat grantlari ko‘paytirildi
Ma’lum qilinishicha, mazkur yo‘nalishlar bo‘yicha davlat granti asosidagi qabul ko‘rsatkichlari 35 foizga oshirilib, jami 2 930 ta davlat granti ajratilgan.
2026/2027-o‘quv yili uchun axborot texnologiyalari va sun’iy intellekt sohasiga oid ta’lim yo‘nalishlari hamda mutaxassisliklari bo‘yicha davlat granti asosidagi qabul ko‘rsatkichlari 35 foizga oshirildi.
Oliy ta’lim, fan va innovatsiyalar vazirligining ma’lum qilishicha, mazkur yo‘nalishlar uchun jami 2 930 ta davlat granti ajratildi.
Qayd etilishicha, bunda bakalavriat uchun 2 309 ta, magistratura uchun 621 ta davlat granti ajratilgan.
Ma’lum bo‘lishicha, cho‘milish vaqtida birdan uning sog‘lig‘i yomonlashib, mustaqil ravishda harakat qila olmay qolgan va sheriklari darhol FVBga xabar berishgan.
17 iyul kuni soat 17:53 da Samarqand viloyati Favqulodda vaziyatlar boshqarmasiga Samarqand tumanidagi Qoradaryo daryosida fuqaro cho‘kayotgani haqida xabar kelib tushgan.
Ma’lum bo‘lishicha, cho‘milish vaqtida birdan uning sog‘lig‘i yomonlashib, mustaqil ravishda harakat qila olmay qolgan va sheriklari darhol FVBga xabar berishgan.
Qutqaruvchilar voqea joyiga tezkorlik bilan yetib borib, fuqaroni maxsus narvon yordamida daryo qirg‘og‘idan xavfsiz hududga olib chiqishgan hamda u tibbiyot xodimlariga topshirilgan.
Xabarda aytilishicha, hozirda fuqaroning ahvoli yaxshi.
Raqobat qo‘mitasi tomonidan o‘tkazilgan nazorat xaridlarida bir qator un mahsulotlarining sifati amaldagi sanitariya-gigiyenik hamda xavfsizlik talablariga javob bermasligi aniqlandi.
Xususan, Samarqand viloyatida o‘tkazilgan laboratoriya tekshiruviga ko‘ra, Qozog‘istonda ishlab chiqarilgan “555 MUKA” un mahsuloti sanitariya talablariga javob bermasligi va iste’molga yaroqsiz ekani ma’lum bo‘ldi.
Buxoro viloyatida laboratoriyaga topshirilgan “Sulaymon Nafosat Fayz” MChJ tomonidan ishlab chiqarilgan “Sulaymon Fayz” birinchi navli bug‘doy uni sanitariya-gigiyenik me’yorlarga mos emasligi aniqlandi. Un mahsuloti sotuvidan tushgan 5,7 mln so‘m mablag‘ni iste’molchilarga qaytarish bo‘yicha ko‘rsatma berildi.
Jizzax viloyatida nazorat xaridi uchun “Javhar Flour Trade” MChJ tomonidan ishlab chiqarilgan “Ardus” un mahsuloti namunalari laboratoriyaga topshirilganda unda temir va rux miqdori belgilangan me’yorlarga javob bermasligi ma’lum bo‘ldi.
Farg‘ona viloyatida “Troyka” nomli bug‘doy uni namunasi laboratoriya tekshiruvlarida me’yoriy talablarga nomuvofiq deb topildi.
Sifatsiz mahsulotlarni muomalaga chiqarish orqali qonunbuzilishga yo‘l qo‘ygan shaxslarga, shuningdek saqlash tartiblariga rioya etmagan sotuvchilarga nisbatan tegishli ta’sir choralari belgilanib, mahsulotlarni savdodan olib tashlash bo‘yicha tadbirkorlarga majburiy ko‘rsatmalar berildi.
Xabar qilinishicha, mazkur ishlar tabiiy ofatning oldini olish maqsadida o‘tkazilgan.
18 iyul kuni A-373 “Toshkent-Ohangaron-Angren-Qo‘qon-Shahrixon-Andijon” avtomobil yo‘lining 142,8 km. qismida tegishli tashkilotlar tomonidan tog‘ning yuqori nuqtalaridagi nomustahkam toshlarni sun’iy tushirish ishlari olib borildi.
Xabar qilinishicha, mazkur ishlar tabiiy ofatning oldini olish maqsadida o‘tkazilgan.
Favqulodda vaziyatlar vazirligi ayrim elektron nashrlar va blogerlardan ma’lumotlarni noto‘g‘ri talqin qilmaslikni so‘radi.
Farg‘ona tumani Chimyon qishlog‘i Quyi archa mahallasidagi adirlikda bog‘ barpo qilgan ayrim tadbirkorlar suv muammosiga duch kelishyapti. Suv yo‘q emas, bor: maxsus texnikalar yordamida tepalikka suv chiqarilgan, lekin ming mashaqqat bilan daraxt ko‘kartirgan odamlarga shartnomasi bor bo‘lsa-da, suv berilmayapti.
“Mirob Sh.I. o‘ziga qarashli odamlargagina suv beradi xolos. Bizdan esa pul talab qiladi. Suv uchun davlatga pul to‘layapmiz-ku. Mirob o‘z cho‘ntagini qappaytirish uchun bizdan yana pul olishga harakat qilyapti. Daraxtlarimiz qurib boryapti, dodimizni eshitadigan kimsa yo‘q”, deydi murojaatchilar.
Abdujalil Mamadiyev adirlikda 1,5 gektar yerni o‘zlashtirib, 500 tup o‘rik daraxti ko‘kartirgan, endi esa suvsizlikdan daraxtlari quriyotgan ekan:
“Farg‘ona tumani, Chimyon qishlog‘i Quyi archa mahallasidagi adirlikni o‘zlashtirib, 1,5 gektar yerda ming mashaqqat bilan o‘rik bog‘i yaratdim. 500 tup o‘rik daraxtini amallab ko‘kartirganman.
Endi esa suv muammo bo‘lyapti. Daraxtlarimiz qurib ketyapti. Eng qizig‘i, suv yo‘q emas, bor, adirga mirob etib tayinlangan Sh.I. xohlagan odamiga suv beradi, xohlamagan odamiga bermaydi. Shartnomamiz bor. Suv solig‘iniyam o‘z vaqtida to‘layapmiz. Mirob o‘z cho‘ntagi uchun biz bog‘bonlardan pul so‘raydi. Pul berganlargagina suv beryapti. Axir biz suv uchun davlatga o‘z vaqtida to‘lovni amalga oshiryapmiz-ku.
Masala yuzasidan suv xo‘jaligiga, nasos stansiyalari markazlariga, ichki ishlarga murojaat bilan chiqdik, hokimiyatlarga bordik. Lekin muammo hal bo‘lmadi.
Masalan, men suv uchun 4 yilda 8 million 200 ming so‘m to‘lov qilganman. Davlatga pul to‘lasam bo‘ldi-ku, nima uchun yana mirobning cho‘ntagi uchun ham yana pul berishim kerak? Menga o‘xshab bog‘ yaratib daraxtlarini sug‘ora olmayotganlar talaygina. Mirobga chora ko‘rib bering, deb kirmagan tashkilot qolmadi. Bahordan to shu kungacha bog‘imni ikki marta sug‘ordim xolos. Daraxtlar qurib boryapti. Mehnatimga achinyapman.
Daraxtlar qurib qolmasligi uchun o‘zimiz 10 litr, 20 litr qilib chelaklab suv tashib quyib ham ko‘rdik. Shu holatni ko‘rib ham mirob pinagini buzgani yo‘q. Suv ber desak, u biz bilan janjal qiladi. Davlatga pul to‘laganingizdan keyin u navbati bilan suv berishi kerak-ku.
Mirob suv bersa, ko‘chat oralariga qora ekin qilish mumkin, lekin mana, hozir bekor yotibdi. Pomidor, loviya ekish mumkin, davlatga foydasi tegadigan tirikchilik qilib, ish qiladigan sharoit qilsa bo‘ladi. Faqat mirob suv bersa. Suv bermagani uchun oddiy daraxtimizni ham sug‘ora olmayapmiz.
Farg‘ona tumanida Chimyon qishlog‘i aholisining tirikchiligi o‘rikdan. Qiynalib bir yilda bir marta hosil olamiz-da. Suv beriladigan bo‘lsa, o‘rikdan ko‘proq hosil olish mumkin. Boshimizda shunday tashvish bo‘lganidan nima qilishni, yana kimlarga murojaat qilishimizni bilmayapmiz”, deydi Abdujalil Mamadiyev.
Abdujalil Mamadiyev
Tasvirga olish jarayonida adirda mirob Sh.I. ni uchratdik. U holat yuzasidan izoh berishni istamadi.
Sh.I , mirob
Mavjud muammo yuzasidan izoh olish uchun Sirdaryo-So‘x irrigatsiya tizimlari havza boshqarmasi suv yetkazib berish davlat muassasasi direktori Dilyor Yo‘ldoshev bilan telefon orqali suhbatlashdik.
U muammoni nazoratga olishini, daraxtlarni sug‘orish uchun davlat bilan shartnoma qilgan bog‘bonlarga suv, albatta, berilishini ta’kidladi.
Yamal Messiga qarshi. JCh finali intrigalari
JCh kundaligi. Bronza uchun triller va Tuxelni tanqid qilgan Tramp
Saka het-trik qildi, Mbappe Messini quvib o‘tdi
-
Iqtisodiyot4 days agoMarkaziy bank huzurida Islomiy moliya kengashi tashkil etildi
-
Dunyodan3 days ago
Prezident Tramp uning o‘ldirilishi masalasiga oydinlik kiritmoqda
-
Dunyodan5 days agoMahmud Ahmadinejod atrofidagi sirli o’yin: “Mossad bilan hamkorlik”
-
Dunyodan3 days agoMalayziya Isroil fuqarolarini deportatsiya qilmoqda
-
Jamiyat4 days agoChimyonda tog‘ sayri qutqaruv operatsiyasi bilan yakunlandi
-
Sport4 days agoAngliya va Argentina nega bir-birini yomon ko‘radi? Ashaddiy dushmanlik tarixi
-
Jamiyat4 days agoO‘zini o‘zi band qilganlarga ijtimoiy soliq to‘lash majburiy bo‘lishi mumkin
-
Jamiyat5 days ago
MICE turizm tadbirlarini tashkil qilgan tadbirkorlarga QQSdan imtiyoz beriladi