Mahalliy
Toshkentda “Rosatom” xalqaro olimpiadasining final bosqichi bo‘lib o‘tdi
“MMFI” Milliy tadqiqot yadro universitetining Toshkentdagi filialida fizika va matematika bo‘yicha “Rosatom” xalqaro olimpiadasining final bosqichlari bo‘lib o‘tdi. Finalga O‘zbekistonning turli hududlari va yaqin xorijdan 34 nafar o‘quvchi yo‘llanma oldi. Saralash bosqichlari an’anaviy va masofaviy shaklda o‘tkazildi.
Imtihon davomida ishtirok etgan onalardan biri Aygerim Qosimovaning ta’kidlashicha, olimpiadalarda ishtirok etish ular uchun odatiy holatga aylangan bo‘lsa-da, ushbu musobaqa yechimlar ko‘pligi va mantiqiy yondashuv talab qilishi bilan ajralib turdi.
8-sinf o‘quvchisi Arslon Qosimov esa fizika bo‘yicha mazkur olimpiadada ilk bor qatnashganini, topshiriqlar formati unga tanlov jarayoniga yangi nigoh bilan qarash imkonini berganini aytdi:
“Tashkilot jarayoni menga yoqdi. Boshqa davlatlarda ham olimpiadalarda qatnashganman, ammo bu yerda muhit ancha qulay ekan. Fizika menga kelajakda oliy o‘quv yurtiga kirishim uchun kerak. Aerokosmik sohada ishlashni istayman. Olimpiadada qatnashish borasida ikkilanib turganlarga esa maslahatim: qatnashing va tayyorlaning, chunki sizning tayyorlanishingiz uchun o‘tgan yillardagi topshiriqlarni bemalol ochiq manbalardan topish imkoniyati mavdud”.
Andijon shahridagi 1-sonli maxsus maktabning 8-sinf o‘quvchisi Timur Shokirjonov uchun ushbu olimpiadada ishtirok etish avval to‘plangan tajribaning mantiqiy davomi bo‘ldi. O‘tgan yili u finalgacha yetib borib, sovrinli o‘rinni egallagan edi. Bu safar esa u o‘z kuchini yana bir bor sinab ko‘rish va murakkab masalalarni yechish bo‘yicha amaliy ko‘nikmalarini oshirishga qaror qildi. Uning aytishicha, ba’zan qiyinchilik fizikaning o‘zida emas, balki masalalarning ifodalanish tilida bo‘ladi. Shu bois tayyorgarlik jarayonida o‘tgan yillar topshiriqlari va video sharhlar katta yordam beradi.
Suhbatlar davomida fizika va matematikaga qiziqishni shakllantirishda o‘qituvchilarning o‘rni alohida ekani bir necha bor ta’kidlandi. MMFI MTYaU Toshkent filiali dekani Nasiba Nurjanovaning ta’kidlashicha, maktab o‘quvchilari, ayniqsa o‘zlari qiziqqan fan o‘qituvchilarining fikrini juda yuqori baholaydi. Ayrim hollarda bu fikr hatto ota-onalar qarashidan ham ta’sirliroq bo‘lishi mumkin.
Toshkent shahridagi MMFI MTYaU filiali direktor vazifasini bajaruvchi Yuriy Maslovning so‘zlariga ko‘ra, bunday tadbirlar abituriyentlarni keng qamrab olish maqsadida muntazam ravishda tashkil etiladi: “Biz shunday tadbirlar doirasida maktab o‘quvchilari hamda ularning ota-onalari uchun ekskursiyalar o‘tkazamiz. Yaqin vaqt ichida maktab va litsey bitiruvchi sinf o‘quvchilari uchun yana bir xalqaro muhandislik-fizika olimpiadasini o‘tkazishni rejalashtiryapmiz. Ushbu olimpiadaning o‘ziga xos jihati shundaki, g‘olib va sovrindorlar joriy yilgi qabul jarayonida filialimizga o‘qishga kirishda to‘plagan ballari hisobga olinadi. O‘tgan yili bunday olimpiadada qariyb 1000 nafar o‘quvchi ishtirok etdi. Barcha maktab o‘quvchilarini olimpiadada qatnashishga taklif etamiz. ”, — dedi Yuriy Maslov.
Ma’lumot o‘rnida aytish mumkinki, “Rosatom” xalqaro olimpiadasi 2025-2026-o‘quv yili uchun maktab o‘quvchilari olimpiadalarining rasmiy ro‘yxatiga kiritilgan. Fizika bo‘yicha u I darajaga, matematika bo‘yicha esa II darajaga ega. Bu esa g‘olib va sovrindorlarga ixtisoslik bo‘yicha oliygohlarga o‘qishga kirishda katta imtiyozlar beradi. Ular o‘z yutuqlaridan bir necha yil davomida foydalanishi mumkin.
O‘tgan yili MMFI MTYaUga qabul qilingan abituriyentlarning qariyb uchdan bir qismi olimpiadalar natijalari asosida o‘qishga kirgan. Bu esa maktab o‘quvchilarining intellektual musobaqalarda ishtirok etishi nafaqat nufuzli, balki amaliy jihatdan ham muhim qadam ekanini ko‘rsatadi.
Bu yilgi fizika va matematika bo‘yicha olimpiada finali natijalari 2026-yil aprel oyida e’lon qilinadi.
Zarifa Tojiyeva, jurnalist
Alohida ta’lim ehtiyojlari bo‘lgan bolalar uchun davlat ixtisoslashtirilgan ta’lim muassasalarida tarifikatsiya ro‘yxatlarini shakllantirish tartibi belgilandi.
Adliya vazirligi Alohida ta’lim ehtiyojlari bo‘lgan bolalar uchun davlat ixtisoslashtirilgan ta’lim muassasalarida sinflarni komplektlash hamda tarifikatsiya ro‘yxatlarini shakllantirish tartibi to‘g‘risidagi idoraviy hujjatni davlat ro‘yxatidan o‘tkazdi (ro‘yxat raqami 3819, 16.04.2026-y.).
Nizomga ko‘ra, maxsus pedagoglar uchun aniq malaka talablari joriy etildi.
Xususan, ular korreksion pedagogika va defektologiya yo‘nalishida oliy ma’lumotga ega bo‘lishi hamda o‘quvchilarning ehtiyojiga mos maxsus metodikalarni (imo-ishora tili, Brayl alifbosi, nutq nuqsonlarini bartaraf etish usullari) bilishi shart.
Hujjatda dars soatlarini taqsimlashning ustuvor tartibi ham belgilandi.
Unga ko‘ra, dars yuklamalari avvalo malaka toifasi yuqori bo‘lgan, milliy yoki xalqaro sertifikatlarga ega pedagoglarga beriladi.
Shuningdek, 1 pedagog uchun yuklama odatda 0,5 stavkadan kam va 1 stavkadan ortiq bo‘lmasligi, ayrim holatlarda esa 1,5 stavkagacha ruxsat etilishi nazarda tutilgan.
Nizom bilan tarifikatsiya ro‘yxatini shakllantirish, ko‘rib chiqish va tasdiqlashning aniq muddatlari belgilandi.
Jumladan, dars soatlari 17-sentabrga qadar elektron tizimga kiritiladi, 25-sentabrga qadar esa vakolatli organ tomonidan tasdiqlanadi.
Vazirlar Mahkamasining joriy iyl 16-apreldagi «Yangi O‘zbekiston» universitetida «Rektorlar maktabi» dasturini yo‘lga qo‘yish chora-tadbirlari to‘g‘risida»gi 177-son qabul qilindi.
Qarorga ko‘ra, 2026-yil 1-iyuldan «Yangi O‘zbekiston» universitetida davlat oliy ta’lim tashkilotlari rektori (direktori) lavozimiga nomzodlarni tayyorlash bo‘yicha «Rektorlar maktabi» dasturi (Dastur) yo‘lga qo‘yiladi.
Dastur davlat oliy ta’lim tashkilotlari rektori (direktori) lavozimiga nomzodlar zaxirasini shakllantirish maqsadida tashkil etiladi.
Dastur doirasida quyidagi mezonlarga mos keluvchi shaxslar ochiq tanlov asosida o‘qishga qabul qilinadi:
30 yoshga to‘lgan;
kamida magistr akademik darajasiga ega;
oliy ta’lim sohasida kamida 5 yillik ish tajribasiga ega, shu jumladan, 2 yil rahbarlik lavozimlarida ishlagan .
Dastur tinglovchilarida quyidagi yo‘nalishlarda bilim va ko‘nikmalar rivojlantiriladi:
akademik, moliyaviy, ilmiy va innovatsion boshqaruv;
sun’iy intellekt va raqamlashtirish;
strategik boshqaruv va transformatsiya .
Dasturning o‘quv jarayonlari masofaviy (onlayn) va ishlab chiqarishdan ajralgan holda (offlayn) 6 oygacha bo‘lgan muddatda tashkil etiladi.
Dasturga har yili 80 nafar tinglovchi qabul qilinadi.
Dastur yakunlari bo‘yicha eng yaxshi natija ko‘rsatgan 40 nafargacha tinglovchi Garvard universiteti (AQSh) va (yoki) boshqa xorijiy nufuzli oliy ta’lim tashkilotlariga malaka oshirishga yuboriladi.
Maktablarda yakuniy davlat imtihonlari kunlari e’lon qilindi. Bu haqda Maktabgacha va maktab ta’limi vazirligi xabar berdi.
2025–2026-o‘quv yilida umumiy o‘rta ta’lim muassasalarida 9- va 11-sinf bitiruvchilari uchun yakuniy davlat attestatsiyasi imtihonlari kunlari e’lon qilindi. Imtihonlar jadvali quyidagicha:
9-sinf — majburiy fanlar:
Ona tili va adabiyot / Davlat tili — 1- iyun
Matematika — 4-iyun
O‘zbekiston tarixi — 8-iyun
Jismoniy tarbiya — 1–6-may
11-sinf — majburiy fanlar:
Ona tili va adabiyot / Davlat tili — 2-iyun
Matematika (asosiy / chuqurlashtirilgan) — 5-iyun
O‘zbekiston tarixi — 9-iyun
11-sinf — tanlov fanlar (barcha bitiruvchilar uchun majburiy):
Fizika, kimyo, biologiya, geografiya, davlat huquq asoslari, ona tili va adabiyoti (qardosh tillar), tet tili — 12-iyun va 15-iyun kunlari bo‘lib o‘tadi.
(O‘quvchi 2 ta tanlov fan tanlaydi: 1-fan 12-iyunda, 2-fan 15-iyunda o‘tkaziladi)
Prezidentning 2026-yil 11-apreldagi qaroriga muvofiq, Toshkent davlat agrar universiteti faoliyatini takomillashtirish bo‘yicha qator chora-tadbirlar belgilandi. Unga ko‘ra, 2026–2027-o‘quv yilidan boshlab agrar oliy ta’lim muassasalarida ayrim yo‘nalishlar bo‘yicha 3 yillik ta’lim dasturlari joriy etiladi.
Hujjatda 2030-yilga qadar universitetni xalqaro reytinglarning top-500 taligiga kiritish, ilmiy ishlanmalarni tijoratlashtirish hajmini 3 baravarga oshirish va akkreditatsiyadan o‘tgan dasturlar sonini 4 baravar ko‘paytirish vazifalari belgilangan.
Shuningdek, yangi ta’lim modeli nazariy bilimlar va amaliy ko‘nikmalar uyg‘unligini ta’minlashga qaratilgan bo‘lib, talabalarni bozor talablariga mos kadr sifatida tayyorlash maqsad qilingan.
Yangi tizimga ko‘ra, o‘quv jarayoni bosqichma-bosqich amaliyotga yo‘naltiriladi. Birinchi kursda darslarning 60 foizi nazariy, 40 foizi amaliy bo‘ladi.
Ikkinchi kursda nazariy va amaliy mashg‘ulotlar tenglashtirilib, har biri 50 foizni tashkil etadi. Uchinchi kursda esa asosiy e’tibor amaliyotga qaratilgan bo‘lib, 70 foiz amaliy, 30 foiz nazariy darslardan iborat bo‘ladi.
Bundan tashqari, yuqori kurs talabalari uchun o‘qish jarayonidan ajralgan holda 4 oylik uzluksiz dual ta’lim joriy etiladi.
Qarorda universitetning xalqaro nufuzini oshirishga alohida e’tibor qaratilgan. Xususan, xalqaro reyting tashkilotlari bilan hamkorlikni kuchaytirish va ta’lim sifatini global standartlarga moslashtirish rejalashtirilgan.
Ilmiy tadqiqotlarni tijoratlashtirish orqali universitetning moliyaviy barqarorligini oshirish ham ustuvor vazifalardan biri sifatida belgilangan.
Ilm-fan salohiyati yanada oshiriladi. «Oliy ta’lim, fan va innovatsiyalar tizimini takomillashtirishning qo‘shimcha chora-tadbirlari to‘g‘risida» gi Prezident Farmoni (PF–58-son, 10.04.2026-y.) qabul qilindi.
Farmonga ko‘ra, Oliy ta’lim, fan va innovatsiyalar vazirligi huzuridagi Oliy ta’limni rivojlantirish tadqiqotlari markazi negizida Oliy ta’limni rivojlantirish va global hamkorlik markazi tashkil etiladi.
Respublika davlat oliy ta’lim tashkilotlarining bakalavriat ta’lim yo‘nalishlariga muayyan o‘quv yili uchun ajratilgan grant kvotalarining to‘lmay qolgan qismi hisobidan har yili 500 nafargacha bo‘lgan iqtidorli chet el fuqarolariga oliy ta’lim tashkilotlarida ta’lim olish uchun grant berishni nazarda tutuvchi «Yangi O‘zbekiston stipendiyasi» dasturi amalga oshiriladi.
2026/2027 o‘quv yilidan oliy ta’lim tashkilotlariga xorijiy talabalarni qabul qilishning amaldagi tartibiga qo‘shimcha tariqasida «Study in Uzbekistan» platformasi orqali qabul qilish yo‘lga qo‘yiladi.
2026/2027 o‘quv yilidan ta’lim dasturini xorijiy tilda yakunlagan talabalar ta’limning keyingi bosqichi uchun hujjat topshirishda xorijiy tilni bilish to‘g‘risidagi sertifikatni taqdim etishdan ozod etiladi.
Quyidagilar tashkil etiladi:
– Raqamli ta’lim texnologiyalarini rivojlantirish markazi negizida Raqamli ta’lim va sun’iy intellektni rivojlantirish markazi;
– Innovatsiyalarni joriy qilish va texnologiyalar transferi milliy ofisi hamda Yoshlar akademiyasi negizida Yoshlarning innovatsion tashabbuslarini qo‘llab-quvvatlash ofisi.
“Ulardan fanga nima foyda?” – O‘zFA prezidenti darrov ilmiy daraja olayotgan mansabdorlar haqida
Eron nega Hurmuzni yana qamal qildi?
Qashqadaryoda yerfurushlar va firibgarlar qo‘lga olindi
-
Iqtisodiyot3 days ago
16-apreldan dollar sezilarli ravishda oshadi
-
Iqtisodiyot3 days ago
O‘zbekistonga kofe importi keskin kamaydi
-
Jamiyat4 days agoO‘zbekistonda erkin bond omborlari tashkil etiladi
-
Sport5 days agoToshkentda taekvondo bo‘yicha yoshlar o‘rtasidagi jahon chempionati start oldi
-
Sport3 days ago
Shavkat Mirziyoyev Sindorovni telefon orqali tabrikladi
-
Iqtisodiyot5 days ago
Dollar, yevro va funt-sterling pasaydi
-
Siyosat5 days agoHindiston kompaniyasi Namangan viloyatidagi loyihaga 50 million dollar sarmoya kiritdi
-
Siyosat4 days ago
Shahboz Saidxanov Turizm qo‘mitasi raisining axborot siyosati bo‘yicha maslahatchisi lavozimiga tayinlandi