Jamiyat
Toshkentda 10-sinf o‘quvchisi urib yuborgan YPX inspektori vafot etdi
Toshkentda 10-sinf o‘quvchisi urib yuborgan YPX inspektori vafot etdi. Bu haqda IIV matbuot xizmati xabar berdi.
Joriy yilning 25-fevral kuni soat 21:48larda Toshkent shahrida xizmat olib borayotgan YPX inspektori kichik serjant Hosilbek Eshnazarov 10 sinf o‘quvchisi — voyaga yetmagan haydovchi boshqaruvidagi «BMW» rusumli avtomashina tomonidan urib yuborilgan. Hayoti uchun og‘ir tan jarohatlarini olib uch kun davomida shifokorlar nazoratida bo‘lgan ichki ishlar organlari xodimi ko‘rsatilgan tibbiy muolajalarga qaramasdan vafot etdi.
«Kichik serjant Hosilbek Eshnazarov 2022-yildan ichki ishlar organlarida xizmat qilgan. Uning ortidan ota-onasi, ayoli, 2 nafar o‘g‘il va 1 nafar qiz farzandlari qoldi», deyiladi vazirlik xabarida.
Xabar.uz marhumning yaqinlariga ta’ziya bildiradi.