Jamiyat
Toshkent Kimyo universiteti yangi bosqichda
Yaponiyaning O‘zbekistondagi favqulodda va muxtor elchisi Hatori Takashi Toshkent Kimyo xalqaro universitetiga tashrif buyurdi. Elchi universitetning o‘quv jarayonlari, tibbiyot klasteri va zamonaviy laboratoriyalar bilan tanishdi.
«Yaponiyada tug‘ilish ko‘rsakichining pasayib borishi sabab yuqori malakali chet ellik yosh mutaxassislarga talab ortmoqda. Shu bois biz ko‘plab yoshlarni Yaponiyada ishlash imkoniyati bilan ta’minlashga harakat qilyapmiz. Biroq Yaponiyada ishlash uchun birinchi navbatda yapon tilini bilish talab etiladi.
Bugun Toshkent Kimyo xalqaro universitetiga tashrif davomida universitetda yapon tili darslari yo‘lga qo‘yilgani va yaqin yillarda yapon tili fakulteti ochilishi rejalashtirilayotgani ma’lum qilindi. Bu esa yoshlarning Yaponiyada ishga joylashish imkoniyatlarini oshiradi.
Shuningdek, universitet rahbariyati xalqaro va yaponiyalik malakali professorlarni jalb etayotgani tufayli yaqin yillarda Toshkent Kimyo xalqaro universitetidan ko‘plab yuqori malakali mutaxassislar yetishib chiqishini kutish mumkin deb o‘ylayman», deydi elchi Hatori Takashi.
Tashrif davomida yoshlarni zamonaviy kasblar bo‘yicha tayyorlash, ularni Yaponiyada ishga joylashtirish imkoniyatlarini kengaytirish masalalari muhokama qilindi. Elchi o‘zbekistonlik yoshlar uchun yapon tilini mukammal o‘rganish nafaqat ish topish, balki xalqaro kompaniyalarda muvaffaqiyatli faoliyat yuritish uchun muhim ekanini ta’kidladi.
Shuningdek, Yaponiya elchisi universitet huzurida tashkil etilgan yapon tili to‘garagiga tashrif buyurdi va u yerda tahsil olayotgan o‘zbek talabalari bilan yapon tilida muloqot olib bordi.
Tashrif davomida elchi Toshkent Kimyo xalqaro universiteti qoshida faoliyat olib borayotgan Kimyo University Hospital klinikasi bilan ham yaqindan tanishdi. U yerda tashkil etilgan zamonaviy o‘quv-amaliy laboratoriyalar, klinik amaliyot zallari hamda talabalarga mo‘ljallangan yangi yotoqxona binolarini ko‘zdan kechirdi. Ular orqali talabalarga yaratilgan keng amaliy imkoniyatlarni yuqori baholadi.
Universitetning yapon tili o‘qituvchisi Ujiye Yuta o‘zbek yoshlarining til o‘rganish salohiyatini yuqori baholadi:
«o‘zbekistonlik yoshlar ko‘p tilli muhitda ulg‘aygani bois chet tillarini, jumladan, yapon tilini o‘rganishda yuqori qobiliyatga ega. Shu sababli ular yapon tilini tez va aniq talaffuz bilan o‘zlashtira oladi. Biroq hozirgi kunda yoshlar ko‘pincha telefon va ijtimoiy tarmoqlarga haddan tashqari ko‘p vaqt ajratayotgani ularning til o‘rganish jarayoniga salbiy ta’sir ko‘rsatmoqda.
Agar yoshlar telefon va internetdan to‘g‘ri maqsadda foydalanib, til o‘rganishga ko‘proq vaqt ajratsalar, qisqa muddat ichida yapon tilini yuqori darajada egallashlari mumkin. Shu bilan birga, til doimiy amaliyot talab qiladi: so‘zlarni yodlash mumkin, ammo ularni muntazam ishlatmasangiz, unutib yuborasiz. Tilni mukammallashtirish esa uzluksiz mehnat talab qiladi.
Shu bois yoshlarni o‘z tillarini doimiy rivojlantirishga o‘rgatishimiz zarur. Shunday qilsak, o‘zbekistonlik yoshlar qisqa vaqt ichida yapon tilini mukammal biladigan yuqori malakali mutaxassis bo‘lib yetishib chiqadi, deb hisoblayman».
Toshkent Kimyo xalqaro universiteti bugungi kunda nafaqat Yaponiya, balki AQSh, Janubiy Koreya, Italiya, Polsha, Turkiya va boshqa qator davlatlardagi nufuzli universitetlar bilan hamkorlik aloqalarini yo‘lga qo‘ygan.
«Yapon tiliga qiziqishim 2-kurs oxiridan, ya’ni 2024 yildan boshlandi. Universitet bizga boshqa o‘quv markazidan o‘qituvchi chaqirib, shu yerda til o‘rganish imkoniyatini yaratdi. Bizdan yapon tilini o‘rta darajadan balandroq bilish talab qilinadi. Diplom olganimizdan keyin esa yapon kompaniyalariga bemalol ishga joylashishimiz mumkin», deya ta’kidladi talabalardan biri Munira Isomiddinova.
Shu bois, bu yerda tahsil olayotgan talabalar dunyoning turli mamlakatlarida nafaqat amaliyot o‘tash, balki o‘qishni davom ettirish va ishga joylashish imkoniyatiga ham ega bo‘lmoqda.
Hozirda universitetning 38 ta ta’lim yo‘nalishi bo‘yicha kunduzgi va kechki ta’lim shakllari uchun qabul jarayoni davom etmoqda.
Web-page | Telegram | Facebook | Instagram
Reklama huquqi asosida
«Malika» bozori yaqinidagi vaziyat muammo faqat bitta bekat joylashuvi bilan cheklanmasligini ko‘rsatmoqda. Ushbu hududda yuqori intensivlikdagi transport oqimi, jamoat transporti harakati, piyodalar qatnovi, to‘xtash joylari va bozorga kirish yo‘llari bir nuqtada kesishmoqda.
Foto: Yo‘l harakatini tashkil etish markazi
Shu munosabat bilan, harakatlanish sxemasini to‘liq qayta ko‘rib chiqmasdan amalga oshiriladigan har qanday qisman yechim, jumladan faqat bekatni ko‘chirish, kutilgan samarani bermasligi, aksincha vaziyatni yanada murakkablashtirishi mumkinligi ta’kidlanmoqda.
Ma’lum qilinishicha, Yo‘l harakatini tashkil etish markazi mutaxassislari mazkur hududda harakatni tashkil etishning bir nechta variantlari ustida ish olib bormoqda. Xususan, chorraha geometriyasi va yo‘laklarning o‘tkazuvchanlik qobiliyati tahlil qilinmoqda, svetofor boshqaruvi tizimi samaradorligi baholanmoqda, yo‘l qismidan amaldagi foydalanish holati, jumladan, to‘xtash joylari hisobga olinmoqda. Shuningdek, turli yechimlarning transport va piyodalar oqimiga ta’siri ham modellashtirilmoqda.
Kompleks yondashuv doirasida bekatlar joylashuvini o‘zgartirish ehtimoli, harakatlanish sxemasini tuzatish, svetoforlar ishini optimallashtirish hamda to‘xtash joylarini tartibga solish kabi choralar ko‘rib chiqilyapti.
Qayd etilishicha, asosiy maqsad haydovchilar, yo‘lovchilar va piyodalar uchun yangi ziddiyatlar keltirib chiqarmasdan harakatni yaxshilashdan iborat.
Ayni paytda mazkur hudud uchun chuqur tahlillarga asoslangan yechim variantlaridan biri tayyorlangan bo‘lib, u transport tugunidagi yuklamani kamaytirishga qaratilgan yondashuvni namoyon etadi. Shu bilan birga, qaror qabul qilishda aholi fikri muhim omil sifatida qaralayotgani, fuqarolardan konstruktiv taklif va mulohazalar kutilayotgani bildirildi.
Hukumatning joriy yil 18-martdagi 19-son qarori bilan respublika va mahalliy ijro etuvchi hokimiyat organlari faoliyatida ish jarayonlarini raqamlashtirish doirasida qog‘ozdan foydalanishni tartibga solish chora-tadbirlari to‘g‘risidagi qarori qabul qilindi.
Qarorga ko‘ra, 2026-yil 1-iyunga qadar:
ishlatilgan qog‘ozlarni yig‘ish uchun maxsus chiqindi quti (konteyner)lari tashkil etiladi va ularni qayta ishlash korxonalariga yetkazish tizimi yo‘lga qo‘yiladi;
har bir tarkibiy bo‘linmadagi xodimlar soni, ish hajmi va haqiqiy ehtiyojdan kelib chiqqan holda, qog‘oz sarfi uchun cheklov joriy qilinadi.
2026-yil 1-maydan respublika va mahalliy ijro etuvchi hokimiyat organlarida:
kelgusi 5 yilda xarajatlar smetasini tuzish jarayonida qog‘oz, siyoh, printer va nusxa ko‘chirish uskunalarini xarid qilish xarajatlari miqdori har yili 15 foizga kamaytirilgan holda rejalashtiriladi;
printerlardan markazlashgan holda umumiy foydalanish tizimi joriy qilinadi. Bunda umumiy foydalanishdagi ochiq ofisda faoliyat yurituvchi har 20 nafar xodim uchun 1 dona printer ajratiladi;
har oyda 1 marotaba «Qog‘ozsiz bir kun» ekoaksiyasi o‘tkaziladi.
O‘zbekiston Respublikasi Prezidenti Shavkat Mirziyoyev 19-mart kuni Ozarbayjon Respublikasi Prezidenti Ilhom Aliyev bilan telefon orqali muloqot qildi.
Davlat rahbarlari yaqinlashib kelayotgan Ramazon hayiti va Navro‘z bayrami munosabati bilan bir-birlarini samimiy qutlab, birodar xalqlarimizga tinchlik-osoyishtalik, farovonlik va ravnaq tiladilar.
Suhbatda Oliy davlatlararo kengashning ikkinchi yig‘ilishida erishilgan kelishuvlarni amalga oshirish doirasida O‘zbekiston – Ozarbayjon strategik sheriklik va ittifoqchilik munosabatlarini yanada kengaytirish masalalariga alohida e’tibor qaratildi.
Tovar ayirboshlash barqaror ortib borayotgani, savdo-iqtisodiy, investitsiyaviy, transport, madaniy-gumanitar va boshqa ustuvor sohalarda qo‘shma kooperatsiya loyihalari ilgari surilayotgani mamnuniyat bilan qayd etildi.
Tomonlar, shuningdek, Yaqin Sharqdagi vaziyatni muhokama qildilar. Uning yanada keskinlashishi keng mintaqa uchun oldindan aytib bo‘lmaydigan oqibatlarga, jahon iqtisodiyoti retsessiyasiga olib kelishi mumkinligi, vaziyatni faqat siyosiy-diplomatik vositalar bilangina tez fursatda yumshatish zarurligi qayd etildi.
Bo‘lajak ikki va ko‘p tomonlama tadbirlar rejasi ham ko‘rib chiqildi.
Toshkent shahar hokimligi ayni kunlardagi ob-havo sharoitini inobatga olgan holda poytaxtda isitish mavsumini bosqichma-bosqich yakunlash to‘g‘risidagi qarorni qabul qildi.
Shu bilan birga, aholi qulayligi uchun kelayotgan bayram kunlari issiqlik ta’minoti saqlab qolinishi, isitish davri rejali yakunlanishi ma’lum qilingan.
Shunga ko‘ra, isitish mavsumini yakunlash 24 martdan boshlanishi rejalashtirilgan. U bosqichma-bosqich amalga oshiriladi.
Ta’kidlanishicha, mavsumni yakunlashga o‘tish, shuningdek, kommunal infratuzilmaga tushadigan yuklamani kamaytirishga va resurslardan oqilona foydalanishga xizmat qiladi.
Ramazon hayiti hamda Navro‘z umumxalq bayrami davrida yo‘lovchilarni o‘z manzillariga xavfsiz yetib borishlarini ta’minlash maqsadida qo‘shimcha poyezd qatnovlari tashkil etilmoqda.
Jumladan, 19 – 25 mart kunlari aholi talabini qondirish uchun jami 25 000 ta qo‘shimcha yo‘lovchi o‘rni yaratiladi.
Qo‘shimcha «Afrosiyob» reyslari:
19 – 21 mart kunlari (6 ta reys)
Toshkent — Samarqand — Toshkent yo‘nalishida;
19, 20, 21, 22, 23 va 25 mart kunlari
Toshkent — Buxoro — Toshkent yo‘nalishida qo‘shimcha qatnovlar yo‘lga qo‘yildi.
Shuningdek, 19 – 25 – mart kunlari quyidagi yo‘lovchi poyezdlarga 4 tadan qo‘shimcha vagonlar ulanadi:
Toshkent – Xiva – Toshkent
Toshkent – Shovot – Toshkent
Toshkent – Qo‘ng‘irot – Toshkent
Toshkent – Termiz – Toshkent
Toshkent – Buxoro – Toshkent (Sharq)
Chiptalarni «O‘zbekiston temir yo‘llari» AJ rasmiy sayti, mobil ilovasi hamda temir yo‘l kassalaridan xarid qilish mumkin.
Shu bilan birga, «Toshkent» avtovokzalidan amaldagi reyslardan tashqari har kuni shaharlararo yo‘nalishlarda 70 dan ortiq qo‘shimcha avtobus qatnovlari ham tashkil etilmoqda.
Qatnovlar «Toshkent» avtovokzalidan Zomin, Samarqand, Jarqo‘rg‘on, Buxoro, Qorako‘l, Mirbozor, Navoiy, Jo‘sh, Nurota, Zarmitan, Zarafshon, Xatirchi, Qiziltepa, Konimex, Uchquduq, Kadan, Payariq, Shahrisabz, Qarshi, G‘uzor, Sherobod, Termiz, Denov, Uzun, Urganch, Xiva, Gurlan, To‘rtko‘l va Nukus shaharlariga amalga oshirilyapti.
Qatnov jadvali va chipta narxlari bilan avtovokzalning ijtimoiy tarmoqlardagi rasmiy sahifalarida tanishish mumkin. Chiptalarni esa «Toshkent» avtovokzali chiptaxonalaridan hamda «UzBus» mobil ilovasi orqali onlayn tarzda sotib olish mumkin.
«Malika» bozori yaqinida harakatni qayta tashkil etish rejalashtirilmoqda
Toshkent va Ashxobod o‘rtasida iqtisodiy hamkorlik kuchaytiriladi
Hormuzdan tashqaridagi yirik neft yo‘llari ham xavf ostida.
-
Dunyodan4 days ago
Eron Hormuz boʻgʻozi orqali cheklangan oʻtishga ruxsat beradi
-
Iqtisodiyot4 days agopayme Tez QR orqali to‘lovni 3% keshbek bilan ishga tushirmoqda
-
Jamiyat4 days ago
Tadbirkor boshpanasiz bo‘lgan 5 ta oilani uy-joy bilan ta’minladi
-
Siyosat4 days agoSoʻnggi savdo maʼlumotlariga koʻra, Oʻzbekiston temir yoʻllari importi eksportdan 2,5 barobar koʻp
-
Dunyodan4 days ago
Istanbulda yetti yil avval sodir etilgan qotillik ishi fosh etildi. O’zbek ayoli vafot etdi
-
Dunyodan4 days ago
Isroil mintaqaviy tuzilmani qayta tiklamoqchi
-
Iqtisodiyot5 days agoQashqadaryo viloyati ijtimoiy-iqtisodiy rivojlantiriladi
-
Siyosat5 days agoOnlayn suiiste’mollik va zararli kontentga qaratilgan qonun loyihasi Senatga kiritiladi