Siyosat
TIV rahbari qator davlat elchilaridan ishonch yorliqlarini qabul qilib oldi
O‘zbekiston TIV rahbari Baxtiyor Saidov qator elchilardan ishonch yorliqlarini qabul qildi.
Dastlab vazir Ozarbayjon Respublikasining mamlakatimizdagi yangi tayinlangan Favqulodda va Muxtor Elchisi Rashad Mamedov janoblaridan ishonch yorliqlari nusxalarini qabul qildi.
Uchrashuvda siyosiy muloqotning yuqori sur’atini yuksak darajada davom ettirish, savdo-iqtisodiy va investitsiyaviy hamkorlikni kengaytirish, transport va logistika sohasidagi qo‘shma loyihalarni ilgari surish masalalariga alohida e’tibor qaratildi.
Shundan so‘ng, vazir Argentinaning O‘zbekistondagi Favqulodda va Muxtor Elchisi etib tayinlangan Enrike Ignasio Ferrer Viyeyradan ishonch yorliqlarini qabul qildi.
Kun davomida shuningdek, Gambiyaning O‘zbekistondagi elchisi Alkali Fanka Kontex, Portugaliyaning O‘zbekistondagi elchisi Sara Martinsh, Finlyandiyaning O‘zbekistondagi yangi tayinlangan Favqulodda va Muxtor Elchisi Yoxanna Mariya Ogren va Qozog‘istonning O‘zbekistondagi yangi tayinlangan elchisi Yerali Tugjanovdan ishonch yorliqlari nusxalarini qabul qilib olindi.