Iqtisodiyot
TEPSCO O‘zbekiston bilan hamkorlikni yanada kengaytirmoqchi
Yaponiyaning Tokyo Electric Power Services Co. (TEPSCO) kompaniyasi O‘zbekistonda energetika tizimini rivojlantirish bo‘yicha hamkorlikni kengaytirish niyatida. Bu haqda Tokio shahrida bo‘lib o‘tgan uchrashuvda shirkat vakillari ma’lum qildi, deb xabar bermoqda Xabar.uz muxbiri.
«O‘zbekistonda so‘nggi 15 yilda ko‘plab loyihalarni amalga oshirdik. Jumladan, 2015-2022-yillarda To‘raqo‘rg‘on issiqlik elektr stansiyasi qurilishida munosib darajada konsalting xizmati ko‘rsatdik. Navoiy issiqlik elektr stansiyasini modernizatsiya qilish bo‘yicha yirik loyihada ham ishtirok etdik. Kompaniyamiz texnik-iqtisodiy asoslash, loyihalashdan tortib qurilish va xizmat ko‘rsatishga qadar bo‘lgan xizmatlarni qamraydi. O‘zbekiston bilan hamkorlik ijobiy natija bermoqda. Biz ushbu hamkorlikni izchish davom ettirish niyatidamiz», — dedi TEPSCO kompaniyasining xalqaro loyihalar bo‘limi bosh menejeri Shinsaku Yoshimizu.
Ma’lumot o‘rnida: Navoiy IESda bunyod etilayotgan navbatdagi 3-sonli bug‘-gaz qurilmasining o‘rnatilgan quvvati 650 MVtni tashkil etadi. Moliyalashtirish manbai JICA (Yaponiya xalqaro hamkorlik agentligi) mablag‘lari bo‘lib, loyihaning shartnoma qiymati 128,2 mlrd iyenani tashkil etadi.
Yapon shirkati, shuningdek, energetika sektori salohiyatini oshirish yo‘nalishida Toshkent, Navoiy va To‘raqo‘rg‘on IESlarida kadrlar tayyorlash va ekspluatatsiya ishlarini optimallashtirish loyihasida ham qatnashmoqda. Loyiha texnik xizmat va samarali boshqaruvni ta’minlash uchun inson resurslarini rivojlantirishni ko‘zda tutadi. 36,6 mlrd iyenalik kredit shartnomasi 2021-yil 14-apreldan 2027-yil 14-iyunga qadar amalga tatbiq etiladi.
«Ushbu loyiha bo‘yicha TEPSCO o‘zbekistonlik mutaxassislarni Yaponiyada o‘qitmoqda. Biz ish faoliyatimizda yagona oyna tamoyiliga asoslangan kompleks yondashuv orqali yuqori xizmat ko‘rsatishga intilamiz», — dedi kompaniyaning jamoatchilik bilan aloqalar ofisi bosh menejeri Hiro Hasegava.
TEPSCO dunyoning 20 ga yaqin davlatida, jumladan, Ozarbayjon, Vetnam, Misr, Malayziya, Bangladesh, Indoneziya, Uganda, Mozambik, Myanma va Tayvanda ofis hamda sho‘’balarga ega.
Elektr energetikasi sohasida yetakchilardan biri deb tan olingan kompaniya JICA, Jahon banki, Osiyo taraqqiyot banki kabi donorlar ko‘magida butun dunyoda, xususan, Osiyo, Yaqin Sharq va Sharqiy Yevropada energetika bo‘yicha loyihalarni amalga tatbiq etmoqda.
Ma’lumki, 2015-yilning sentyabr oyida BMT sammitida 2030-yilgacha Barqaror rivojlanish maqsadlari tasdiqlangan edi. TEPSCO o‘z faoliyati mobaynida mazkur maqsadlar ro‘yobiga hissa qo‘shishni ham ko‘zda tutadi.
Kompaniya faqat issiqlik elektr stansiyalari bilan cheklanib qolmay, gidroenergetika, elektr tarmoqlari, qayta tiklanuvchi energiya, raqamli yechimlar bo‘yicha ham faoliyat yuritadi.
Kompaniyaning ko‘plab loyihalari ODA (Official Development Assistance) — Yaponiya hukumatining rasmiy yordami hisobidan amalga oshiriladi.
Avval xabar berganimizdek, O‘zbekiston prezidenti Shavkat Mirziyoyev 2025-yil 20-dekabr kuni Tokio shahrida bo‘lib o‘tgan «Markaziy Osiyo + Yaponiya» muloqotining birinchi sammitida Yaponiyaning zararli gazlarni atmosferaga chiqarishni to‘liq bartaraf etishga erishish borasidagi tajribasini e’tirof etib, Yaponiya tomoni bilan «yashil» energetikani rivojlantirish bo‘yicha samarali issiqlik stansiyalari, quyosh va shamol energiya qurilmalarini barpo etish loyihalarini birgalikda ishlab chiqishni taklif etgandi.
Ikki davlat o‘rtasida shakllantirilgan qiymati 12 milliard dollardan ortiq bo‘lgan yangi kooperatsiya loyihalari portfelida ham ko‘plab sohalar qatori energetika bo‘yicha qo‘shma loyihalarga alohida e’tibor qaratilgandi.
O‘zbekiston Prezidenti Shavkat Mirziyoyev «Wabtec» kompaniyasi direktorlar kengashi raisi va bosh ijrochi direktori Rafael Santanani qabul qildi. Bu haqda Prezident matbuot xizmati xabar berdi.
Uchrashuvda mamlakatda temir yo‘l infratuzilmasi va tranzit salohiyati rivojlanayotganini hisobga olib, lokomotivlar parkini yangilash va kengaytirish masalalari ko‘rib chiqildi.
AQSh moliya institutlari ishtirokida lokomotivlarni uzoq muddatli servis xizmati bilan birga yetkazib berish imkoniyatlari muhokama qilindi.
Shuningdek, O‘zbekistonda texnik xizmat ko‘rsatishni yo‘lga qo‘yish, butlovchi qismlar ishlab chiqarish va mutaxassislar tayyorlash masalalari ko‘rib chiqildi.
Tog‘-kon korxonalari karer texnikasiga xizmat ko‘rsatuvchi servis markazini tashkil etish hamda dizel-generator qurilmalari bo‘yicha hamkorlik qilishga ham e’tibor qaratildi.
«Wabtec» lokomotivlar, temir yo‘l texnikasi, raqamli va servis yechimlarini ishlab chiqarish bo‘yicha jahondagi yetakchi kompaniyalardan biri hisoblanadi. Kompaniya Markaziy Osiyo mamlakatlarida ham loyihalarni amalga oshirmoqda.
Iqtisodiyot
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
Prezident Administratsiyasi rahbari Saida Mirziyoyeva XXRning Gonkong maxsus ma’muriy hududidagi eng yirik xoldinglardan biri — Henderson Land Group boshqaruvi raisi Piter Li bilan uchrashuv o‘tkazdi.
Tomonlar qayta tiklanuvchi energetika, Yangi Toshkent infratuzilmasini rivojlantirish va ta’lim sohalaridagi istiqbolli qo‘shma loyihalarni muhokama qildi.
«Mamlakatimiz investitsiyalar uchun ochiq va biz Gonkongning yetakchi biznes doiralari bilan hamkorlikdan manfaatdormiz. Sheriklikdagi tashabbuslarni, jumladan, yangi tashkil etilayotgan Toshkent xalqaro moliya markazi orqali ham qo‘llab-quvvatlashga tayyormiz», — deb yozdi Saida Mirziyoyeva.
Administratsiya rahbari O‘zbekiston va Gonkong o‘rtasida uzoq muddatli iqtisodiy hamkorlikni rivojlantirish uchun katta imkoniyatlar borligiga ishonch bildirdi.
Markaziy bank 2026-yil 9-oktyabrdan valyutalarning yangi kursini belgiladi.
AQSh dollari 37,38 so‘mga oshib, 11 846,57 so‘m etib belgilandi.
Yevro kursi 34,69 so‘mga oshdi va 13 240,91 so‘m bo‘ldi. Funt-sterling 15 631,55 so‘mni tashkil qildi (29,25).
Rossiya rubli 138,95 so‘m etib belgilandi (+0,8).
Markaziy bank 2026-yil 6-oktyabrdan valyutalarning yangi kursini belgiladi.
AQSh dollari 5,5 so‘mga oshib, 11 778,45 so‘m etib belgilandi.
Yevro kursi 25,62 so‘mga tushdi va 13 198,93 so‘m bo‘ldi. Funt-sterling 15 580,53 so‘mni tashkil qildi (+31,99).
Rossiya rubli 138,35 so‘m etib belgilandi (-2,79).
Milliy statistika qo‘mitasi ma’lumotlariga ko‘ra, 2026-yil yanvar–iyul oylarida O‘zbekistonga 46 davlatdan qariyb 28,5 ming tonna shokolad mahsulotlari olib kirilgan.
Import qilingan mahsulotlarning umumiy qiymati 123,7 mln AQSh dollarini tashkil etgan. Bu o‘tgan yilning mos davriga nisbatan 1,6 ming tonnaga yoki 6 foizga ko‘p.
Import hajmi bo‘yicha Rossiya keskin ustunlik qilgan. Yilning dastlabki yetti oyida Rossiyadan O‘zbekistonga 19,5 ming tonna shokolad mahsulotlari yetkazib berilgan.
Rossiyadan kelgan shokolad mahsulotlari umumiy importning qariyb 70 foizini tashkil etgan. Keyingi o‘rinda Ukraina bo‘lib, undan 2,2 ming tonna mahsulot import qilingan.
Qozog‘istondan 914 tonna, Belarusdan 805,2 tonna shokolad mahsulotlari olib kirilgan. Litvadan import 746,2 tonnani tashkil etgan.
Turkmaniston 715,2 tonna, Turkiya esa 569,5 tonna ko‘rsatkich bilan keyingi o‘rinlarda qayd etilgan. Qolgan davlatlar hisobiga 3 ming tonna mahsulot to‘g‘ri kelgan.
O‘zbekiston do‘konlarida 73 turdagi mahsulot sifatsiz deb topildi
Tadbirkorlar jarimaning 50 foizini to‘lab, qolgan qismidan ozod etilishi mumkin
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Iqtisodiyot4 days ago
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
-
Jamiyat4 days ago
Toshkentda xalqaro moda akademiyasi tashkil etiladi
-
Iqtisodiyot1 day ago
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Jamiyat1 day ago
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Jamiyat1 day ago
O‘zbekiston do‘konlarida 73 turdagi mahsulot sifatsiz deb topildi