Iqtisodiyot
«Tashabbusli budjet»da g‘olib bo‘lgan loyihalarning yarmi ichki yo‘llarga oid
2025 yilning ikkinchi mavsumi doirasida respublika bo‘ylab qiymati 3 trln 186 mlrd so‘mlik 2332 ta loyiha g‘olib deb topildi. Iqtisodiyot va moliya vazirligi (IMV) ma’lumotlariga ko‘ra, g‘olib tashabbuslarning yarmi ichki yo‘llarni ta’mirlashga oid. Toshkent shahri va Navoiy viloyatidan tashqari barcha hududlarda ichki yo‘llar loyihalari eng ko‘p ovoz to‘plab, g‘oliblikni qo‘lga kiritgan.
Iqtisodiyot va moliya vazirligi “Tashabbusli budjet”ning 2025 yil ikkinchi mavsumi natijalari yuzasidan hisobot e’lon qildi. Rasmiy ma’lumotlarga ko‘ra, joriy mavsumda 18 734 ta loyiha ishtirok etdi, ular uchun jami 11 mln 137 mingta ovoz berilgan. Natijada qiymati 3,1 trln so‘mdan ortiq bo‘lgan 2332 ta loyiha g‘olib deb topilgan.
Hududlar kesimida eng ko‘p g‘olib chiqqan loyihalar quyidagicha taqsimlangan:
• Farg‘ona viloyati – 274 ta;
• Toshkent viloyati – 230 ta;
• Samarqand viloyati – 220 ta.
IMV hisobotida qayd etilishicha, g‘olib bo‘lgan loyihalarning 51,1 foizi ichki yo‘llarga oid. Umumta’lim maktablari bilan bog‘liq loyihalar esa umumiy natijaning 20 foizini tashkil etgan.
Ovozlar soni bo‘yicha eng yuqori beshlikka Urgut, Uchko‘prik, Denov, Kattaqo‘rg‘on va Pastdarg‘om tumanlari kirgan.
Poytaxtda g‘olib bo‘lgan tashabbuslarning asosiy qismi — 44 foizi umumta’lim maktablariga oid. Sog‘liqni saqlash sohasidagi loyihalar esa 25 foiz ulush bilan ikkinchi o‘rinni egallagan.
Hisobotda ta’kidlanishicha, deyarli barcha hududlarda ichki yo‘llar loyihalari eng katta ulushga ega bo‘lgan. Faqat Toshkent shahri va Navoiy viloyatida bunday tendensiya kuzatilmagan. Masalan, Qashqadaryo viloyatida g‘olib bo‘lgan loyihalarning 88 foizi, Namanganda — 73 foizi, Samarqand va Xorazmda esa 64 foizi yo‘llar bilan bog‘liq.
Eslatib o‘tamiz, “Ochiq budjet” portalining “Tashabbusli budjet” jarayonida 2025 yilgi ikkinchi mavsum g‘olib loyihalari 1 sentabr kuni e’lon qilingan.
Bu mavsumning birinchi bosqichi 15 iyuldan 3 avgustgacha davom etgan bo‘lib, unda loyihalar ro‘yxatga olingan. 4–18 avgust kunlari saralash bosqichi, 19–21 avgust kunlari targ‘ibot bosqichi o‘tkazilgan. 22–31 avgust kunlari esa ovoz berish jarayoni bo‘lib o‘tgan.
Avvalroq, “Tashabbusli budjet jarayonlarini takomillashtirish doirasida xalq vakillari va saylovchilar o‘rtasida hamkorlikni kuchaytirish chora-tadbirlari to‘g‘risida” prezident qarori qabul qilingani xabar qilingandi. Unga muvofiq, 2026 yil 1 yanvardan deputatlar har yili «Tashabbusli budjet» jarayonlarida o‘z okruglarida g‘olib chiqmagan, ammo aholining kundalik turmushiga ta’sir qiladigan ikkita (har mavsumda bittadan) loyihani tanlab, “Ochiq budjet” portaliga kiritishi mumkin bo‘ladi.
Milliy statistika qo‘mitasi ma’lumotlariga ko‘ra, 2026-yilning yanvar–iyul oylarida O‘zbekistonning eksport hajmi 19,9 mlrd AQSh dollarini tashkil etdi.
Mazkur davrda O‘zbekiston eksportida yuqori ulushga ega bo‘lgan mamlakatlar (top-10):
Rossiya — 2,8 mlrd AQSh dollari;
Xitoy — 1,7 mlrd;
Afg‘oniston — 1,1 mlrd;
Qozog‘iston — 868 mln;
Fransiya — 854,9 mln;
Gonkong (Xitoy maxsus ma’muriy hududi) — 716 mln;
Turkiya — 596,2 mln;
Qirg‘iziston — 575,8 mln;
Tojikiston — 437,5 mln;
BAA — 420,8 mln.
Dollar qimmatladi, yevroda ham ko‘tarilish kuzatildi
Source link
Davlat bojxona xizmati organlari faoliyatini takomillashtirish va bojxona ma’murchiligida zamonaviy yondashuvlarni joriy etishga qaratilgan Prezident farmoni qabul qilindi.
Unga ko‘ra, bojxona sohasida bir qator yangi tartiblar belgilandi.
Jumladan, 2026 yil 1 oktyabrdan xavf darajasi past hamda QQS guvohnomasi faol bo‘lgan tashqi iqtisodiy faoliyat ishtirokchilariga tovarlarni import qilishda to‘lanadigan QQS summalarini o‘zaro hisobga olish imkoniyati yaratiladi.
Shuningdek, tovarlar eksportida nazorat jarayonlarining raqamlashtirilishi va takomillashtirilishi natijasida bojxona rasmiylashtiruvi, fitosanitariya sertifikati, fumigatsiya hamda tovarning kelib chiqish sertifikati uchun yig‘im va to‘lovlar miqdori 30 foizga kamaytiriladi.
2027 yil 1 yanvardan tovarlarning bojxona qiymatini nazorat qilish tartibi ham soddalashtiriladi. Xususan, xavf darajasi past bo‘lgan tashqi iqtisodiy faoliyat ishtirokchilari olib kirayotgan tovarlarning bojxona qiymati tovarlar erkin muomalaga chiqarilgandan keyin nazorat qilinadi.
Bundan tashqari, bojxona qiymatini nazorat qilish maqsadida tovarlar uchun qat’iy bojxona qiymatini belgilash taqiqlanadi. Bojxona qiymati bo‘yicha dastlabki qaror qabul qilish amaliyoti joriy etiladi hamda nazorat jarayonida rasmiy diller va distribyutorlarning narx ma’lumotlaridan foydalanish yo‘lga qo‘yiladi.
2027 yil 1 iyundan esa jismoniy shaxslar tomonidan notijorat maqsadlarda olib o‘tiladigan tovarlar bo‘yicha yagona bojxona to‘lovi miqdori to‘lanishi lozim bo‘lgan bojxona yig‘imlaridan kam bo‘lsa, ushbu yig‘imlar undirilmaydi.
Markaziy bank 2026-yil 7-sentyabrdan valyutalarning yangi kursini belgiladi.
AQSh dollari 9,7 so‘mga tushib, 11 785,30 so‘m etib belgilandi.
Yevro kursi 3,01 so‘mga tushdi va 13 695,70 so‘m bo‘ldi. Funt-sterling 15 949,95 so‘mni tashkil qildi (+31,7).
Rossiya rubli 136,13 so‘m etib belgilandi (+0,33).
Iqtisodiyot
O‘zbekiston mahsulotlari AQShning eng yirik savdo tarmog‘i orqali Amerika bozoriga chiqishi mumkin
O‘zbekiston bosh konsuli Axror Burxanov «Costco Wholesale» kompaniyasi rahbariyati bilan uchrashuv o‘tkazdi, deb xabar bermoqda «Dunyo» AA muxbiri.
Muloqot avvalida O‘zbekistonning qishloq xo‘jaligi, to‘qimachilik va hunarmandchilik sohalaridagi eksport salohiyati haqida ma’lumot berildi. Kompaniya vakillariga AQSh bozoriga olib kirishga ruxsat etilgan oliy navli o‘zbek mayizi va quritilgan o‘rik namunalari ham taqdim etildi.
O‘z navbatida, «Costco» vakillari o‘zbek mayizining sifati va tashqi ko‘rinishini yuqori baholab, uni savdo tarmog‘ida sotuvga chiqarish bo‘yicha zarur choralarni ko‘rishga tayyorligini bildirdi.
Suhbat davomida pista, grek yong‘og‘i, bodom, golubika, gilos, uzum, anor va boshqa yangi hamda quritilgan mevalarni yetkazib berish istiqbollari yuzasidan fikr almashildi.
Shuningdek, uchrashuvda o‘zbekistonlik eksportchilarni AQShdagi qadoqlash va markirovkalash korxonalari bilan bog‘lash, shuningdek, kelgusi yil fevral oyida o‘tkaziladigan mahsulotlar taqdimotida ishtirok etishga ko‘maklashish masalalari ham muhokama qilindi.
Bundan tashqari, o‘zbek tekstili, milliy kulolchilik buyumlari, idish-tovoq va qo‘l mehnati asosida tayyorlangan dekorativ mahsulotlarni «Costco» orqali sotish imkoniyatlari ko‘rib chiqildi.
Kompaniya vakillari raqobatbardosh mahsulotlar aniqlangan taqdirda, ularni global xarid jamoalariga taqdim etishdan manfaatdor ekanini qayd etdi.
O‘zbekiston mahsulotlarini eng ko‘p sotib oluvchi mamlakatlar ma’lum bo‘ldi
Samarqandda 46-Butunjahon shaxmat olimpiadasi boshlanadi
Yamanda nimalar bo‘lmoqda? Xusiylar jiddiy bayonot berdi
-
Jamiyat4 days ago
Prezidentning xususiylashtirishga oid farmoni e’lon qilindi
-
Jamiyat4 days ago
Sudyalikka nomzodlar uchun yosh senzi 30 yoshga tushirilishi mumkin
-
Jamiyat5 days ago
Toshkentda yana bir BRT yo‘lagi foydalanishga topshirildi
-
Jamiyat2 days ago
Hokim yordamchilarining 9 ta asosiy vazifasi belgilab berildi
-
Siyosat4 days ago
Shavkat Mirziyoyev Serbiyaga yetib bordi
-
Sport4 days ago
Husan Botirov Biatlon federatsiyasi raisi etib saylandi
-
Iqtisodiyot4 days agoDollar qimmatladi, yevroda ham ko‘tarilish kuzatildi
-
Siyosat3 days ago
O‘zbekiston hukumati Suriyaga yangi elchisini jo‘natdi