Jamiyat
Tanzila Norboyeva: Xalqaro reyting va indekslarda munosib o‘rin egallash
Oliy Majlis Senatining o‘n yettinchi yalpi majlisida mamlakatning ustuvor xalqaro reyting va indekslardagi o‘rnini yaxshilash to‘g‘risidagi Milliy ma’ruza ko‘rib chiqildi. Hujjatda O‘zbekistonning xalqaro maydondagi raqobatbardoshligi, investitsiyaviy jozibadorligi va davlat boshqaruvi samaradorligini baholovchi ko‘rsatkichlar tahlil qilindi.
10 iyul kuni o‘tkazilgan majlisda Senat raisi Tanzila Norboyeva xalqaro reytinglardagi o‘sishlar mamlakatda amalga oshirilayotgan islohotlarning xalqaro bahosi ekanini ta’kidladi.
«Xalqaro reyting va indekslarda munosib o‘rin egallash — bu shunchaki raqam yoki statistika emas. Bu mamlakatimizda amalga oshirilayotgan islohotlarning samaradorligi, davlat boshqaruvi sifati, investitsiyaviy jozibadorlik va eng muhimi, inson manfaatlarini ta’minlash borasidagi sa’y-harakatlarning xalqaro e’tirofidir», dedi Tanzila Norboyeva.
Milliy ma’ruzada keltirilishicha, eng katta o‘sishlardan biri Barqaror rivojlanish maqsadlari indeksida qayd etildi. O‘zbekiston bir yilda 19 pog‘onaga yuqorilab, 167 mamlakat orasida 62-o‘rinni egalladi. Shuningdek, mamlakat 2015 yildan buyon barqaror rivojlanish sohasida eng katta taraqqiyotga erishgan davlatlardan biri sifatida e’tirof etilib, Sharqiy Yevropa va Markaziy Osiyo mintaqasida eng yuqori o‘sish sur’atini namoyon etayotgan mamlakat sifatida qayd etildi.
Elektron hukumatni rivojlantirish reytingida ham O‘zbekiston olti pog‘onaga ko‘tarilib, 193 davlat orasida 63-o‘rinni egalladi. E’tiborlisi, respublika elektron davlat xizmatlari rivoji bo‘yicha «yuqori» toifadan «juda yuqori» toifaga o‘tgan dunyodagi atigi 17 mamlakatdan biriga aylandi.
Iqtisodiy erkinlik indeksida uch pog‘onalik o‘sish qayd etildi. Xalqaro moliya bozorlari uchun muhim ko‘rsatkich sanaladigan suveren kredit reytingida ham ijobiy o‘zgarishlar kuzatildi. Fitch Ratings va S&P agentliklari 2018 yildan beri ilk bor O‘zbekistonning reytingini bir pog‘onaga ko‘tarib, uni «BB» darajasida tasdiqladi. Joriy yilda esa mamlakatning kredit reytingi prognozi «barqaror»dan «ijobiy»ga o‘zgartirildi.
Senat yalpi majlisida qayd etilishicha, bu natijalar xorijiy investorlar uchun muhim ishonch signali bo‘lib, mamlakatga investitsiyalar oqimini oshirish, tashqi moliya bozorlaridan arzonroq resurslar jalb qilish hamda iqtisodiy barqarorlikni mustahkamlashga xizmat qiladi.
Shu bilan birga, Milliy ma’ruzada ayrim xalqaro reytinglardagi pasayishga korrupsiya holatlari, qonunlarga rioya etish amaliyotidagi kamchiliklar va matbuot erkinligi bilan bog‘liq muammolar ta’sir ko‘rsatayotgani qayd etildi.
Muhokamalar yakunida Senat ushbu muammolarni bartaraf etishga qaratilgan qaror qabul qildi. Hujjatda mas’ul davlat organlari faoliyati ustidan parlament va jamoatchilik nazoratini kuchaytirish, reytinglarga salbiy ta’sir ko‘rsatayotgan omillarni bartaraf etish hamda har bir yo‘nalish bo‘yicha aniq islohotlarni izchil davom ettirish vazifalari belgilandi.
Mutaxassislar fikricha, xalqaro reytinglardagi o‘sish mamlakat imijini shakllantirishdan tashqari, iqtisodiyotning raqobatbardoshligi, investorlar ishonchi va aholi farovonligiga xizmat qiladigan muhim ko‘rsatkich hisoblanadi. Shu bois bu sohadagi har bir ijobiy natija ortida davlat boshqaruvini takomillashtirish va inson manfaatlarini ta’minlashga qaratilgan amaliy islohotlar turibdi.
Gulbahor Ortiqova Farg‘ona viloyati Toshloq tumani Arabmozor qishlog‘idan. U yoshligidan g‘isht quyib keladi va hozirgacha shu kasb ortidan ro‘zg‘or tebratadi. “Oilada uch qizmiz, to‘ng‘ich farzandman, ota-onamga o‘g‘il farzand o‘rnidaman. Bahordan to kuzgacha g‘isht quyib topgan pulimga qishga zahira sifatida oziq-ovqat g‘amlayman. Bir kunda 1200 ta g‘isht quya olaman”, – deydi u.
Gulbahor Ortiqova 7-sinfda o‘qiyotgan paytidayoq g‘isht quya boshlagan.
“36 yoshdaman. Yoshligimdan beri g‘isht quyaman. 7-sinfda o‘qiyotganim kezlarimdayoq to‘rttalik qolipda otamga yordam berardim. O‘shanda bir kunda 200-300 tagacha g‘isht quyardim. Otam loy qilib berardi. Hozir loyimga qarab bir kunda 1000-1200 ta g‘isht quyaman. 1200 ta g‘isht bo‘lmagunicha dam olmayman.
Tushlikkacha 600-700 ta, tushdan keyin 400-500 ta g‘isht tashlab qo‘yaman. Uyda to‘planib qolsa, xaridorlarga telefon qilaman darrov kelishib yuklashib olib ketishadi. Ayni kunlarda bir dona g‘ishtni 400 so‘mdan sotyapman.
Aslida menga og‘ir yumush bilan shug‘ullanish mumkin emas. Tutqanog‘im bor. Ilojsizlikdan, ota-onam, ro‘zg‘or uchun ishlaymanda. Ota-onam kasalikkka chalingan. Onamning ko‘zi ko‘rmaydi. Ularga o‘zim qarayman-da. Mening boyliklarim ular.
Bahordan sovuq tushgunicha tinimsiz g‘isht quyaman. Oilamiz katta, singlimning turmush o‘rtog‘i vafot etib, bir etak farzandlari bilan ota uyiga qaytib kelgan. Qish uchun to‘plagan pulimga 10 ta yelim idishda yog‘, 10-15 qop un, ko‘mir, kartoshka, piyoz sotib olib g‘amlab qo‘yaman.
Bir kamaz tuproqni 400-500 ming so‘mga sotib olaman. Undan 5000 tagacha g‘isht chiqadi.
Ko‘pchilik qilayotgan ishimni ko‘rib erkak kishi qiladigan ish, og‘ir emasmi deyishadi. Yo‘q, ishimdan faxrlanaman. Chunki shu kasb orqasidan ota-onamni, farzandlarimni boqyapman”, – deydi g‘isht quyuvchi opa.
44 yoshli erkak Qarshi tumanidagi xonadonida eshak so‘yib, go‘shtini turli bozorlarda sotib kelgan. U shunday qilmishi uchun 3 oyda ikki bor sudlangan. Birinchi instansiya sudi ozodlikni cheklash bilan bog‘liq jazo tayinlab, uni ochiqda qoldirgandi. Prokuratura sud hukmi ustidan protest kiritdi. Kassatsiya sudi erkakka 4,5 yil ozodlikdan mahrum qilish jazosi tayinladi.
Qashqadaryoda xonadonida eshak so‘yib, go‘shtini turli bozorlarda sotib kelgan erkak qilmishi kassatsiya sudida ko‘rib chiqildi. Kun.uz sud hujjati bilan tanishdi.
44 yoshli I.X. eshak so‘yib sotgani uchun uch oyda ikki marta sudlangan. 2025 yil 22 oktyabr kuni tezkor tadbirda uning yashash xonadonidan iste’molga yaroqsiz bo‘lgan 61 kg go‘sht, 112 ta eshak terisi va 15 ta eshak qovurg‘alari topilgan. Ushbu holat bo‘yicha qo‘zg‘atilgan jinoyat ishi JIB Kasbi tuman sudida ko‘rib chiqilib, I.X.ga 2 yil ozodlikni cheklash jazosi tayinlangan.
2025 yil 28 dekabrda ichki ishlar xodimlari I.X.ning xonadonida yana tezkor tadbir o‘tkazgan. Bu safar iste’molga yaroqsiz 247 kg go‘sht, eshak suyaklari va 99 ta teri topilgan. Qo‘zg‘atilgan jinoyat ishi JIB Qarshi tuman sudida ko‘rib chiqilgan. Sudning 2026 yil 13 maydagi hukmi bilan I.X.ga bu safar ham ozodlikni cheklash jazosi tayinlangan.
Kun.uz’ning ushbu holatga oid surishtiruvidan so‘ng Qashqadaryo viloyati prokurorining birinchi o‘rinbosari sud hukmi ustidan protest kiritdi. Protestda I.X.ga nisbatan yengil jazo tayinlangani keltirilib, sud hukmini bekor qilgan holda unga ozodlikdan mahrum qilish jazosi tayinlash so‘ralgan.
Qashqadaryo viloyati sudi jinoyat ishlari bo‘yicha sudlov hay’ati kassatsiya instansiyasining 2026 yil 15 iyundagi hukmi bilan dastlabki sud hukmi bekor qilindi va yangi ayblov hukmi chiqarildi.
I.X. Jinoyat kodeksining 186-moddasi 2-qismi “v” bandi bilan aybli deb topildi. Unga 4 yil ozodlikdan mahrum qilish jazosi tayinlandi. JIB Kasbi tuman sudi hukmi bilan tayinlangan jazoni qisman qo‘shish yo‘li orqali ozodlikdan mahrum qilish jazosi muddati 4,5 yilga keltirilgan.
Jazoni qattiq tartibli koloniyalarda o‘tash belgilangan. I.X. darhol sud zalidan qamoqqa olingan.
Kun.uz avvalroq I.X.ga oid jinoyat ishini yoritib, unga tayinlangan jazo bahsli ekaniga e’tibor qaratgandi.
Jamiyat
Og‘ir vaziyatga tushgan ayollar davlat ularning qismatiga befarq emasligini his qilishi kerak
Prezident Administratsiyasi rahbari Saida Mirziyoyeva Dilnozaxon Kattaxanovani bosh vazirning xotin-qizlar masalalari bo‘yicha o‘rinbosari etib tayinlanganini olqishladi.
Foto: Telegram / Saida Mirziyoyeva
«19 milliondan ziyod ayollarimiz — bu ulkan kuch va ayni paytda katta mas’uliyat demakdir. Davlat xotin-qizlarning ehtiyoj va muammolarini qanchalik teran anglasa, har bir oilaning farovonligi shunchalik barqaror bo‘ladi. Aynan shu sababli bandlikni ta’minlash, xorijdagi hamyurtlarimizni qo‘llab-quvvatlash hamda zo‘ravonlikning oldini olish kabi masalalar vaqtinchalik choralar emas, balki puxta ishlab chiqilgan tizimli yondashuvni talab etadi.
Og‘ir hayotiy vaziyatga tushib qolgan ayollar: jazo muddatini o‘tayotgan, uyi va farzandlaridan uzoqda mehnat qilayotgan xotin-qizlarga alohida e’tibor qaratilishi lozim. Ular yolg‘izlanib qolmaganlarini, davlat ularning qismatiga befarq emasligini his qilishlari kerak», deb yozdi u ijtimoiy tarmoqdagi sahifasida.
«Dilnozaxon, Sizga bu yo‘lda oqilalik, qat’iyat, ishingizga omad va yurtimizdagi har bir ayolning hayotida aks etadigan ulkan natijalar tilayman!», deb qo‘shimcha qildi Saida Mirziyoyeva.
Ulardan ikkisi aka-uka bo‘lgan. O‘smirlarning jasadi 2 kunlik qidiruvdan so‘ng bugun topildi.
Navoiyda 3 nafar yigit Zarafshon daryosiga cho‘kib ketib, vafot etdi. Navoiy viloyati FVB matbuot xizmati holatni Kun.uz’ga tasdiqladi.
Ma’lum qilinishicha, Karmana tumani Katta machit mahallasida yashovchi 4 nafar yigit 8 iyul kuni tush payti Zarafshon daryosiga cho‘milishga borgan. Ulardan 3 nafari cho‘milish vaqtida suvga cho‘kib ketgan.
“Buxoro va Navoiy viloyati FVB qutqaruvchilari, maxsus texnikalar va motorli rezina qayiq jalb etilgan holda qidiruv-qutqaruv ishlari olib borildi. 10 iyul kuni 3 nafar voyaga yetmagan o‘smirning jasadi hodisa sodir bo‘lgan joydan turli masofalarda topildi”, deyiladi boshqarma ma’lumotida.
Kun.uz manbasiga ko‘ra, vafot etganlar 2008 yilda tug‘ilgan J.S., 2012 yilda tug‘ilgan J.S. hamda 2010 yilda tug‘ilgan O.T. bo‘lgan. Ularning ikkisi aka-uka ekani aytilmoqda.
Avvalroq Navoiy viloyatining Navbahor tumanida 15 yoshli ikki o‘smir kanalga cho‘milishga borib, tok urishi oqibatida vafot etgandi.
Toshkentning Yashnobod tumanida issiqlik tarmoqlarini modernizatsiya qilish ishlari munosabati bilan Aviasozlar ko‘chasining bir qismida avtotransport harakati qariyb uch haftaga vaqtincha cheklanadi. Haydovchilarga aylanma yo‘llardan foydalanish tavsiya etildi.
Veolia Energy Tashkent kompaniyasi ma’lum qilishicha, iste’molchilarni barqaror va sifatli issiqlik energiyasi bilan ta’minlash maqsadida magistral issiqlik tarmoqlarini yangilash ishlari davom ettirilmoqda.
Shu munosabat bilan 2026 yil 11 iyul soat 08:00 dan 31 iyul soat 06:00 gacha Yashnobod tumanidagi Aviasozlar ko‘chasida magistral issiq suv quvurlarini almashtirish ishlari amalga oshiriladi.
Qurilish-ta’mirlash ishlari davomida xavfsizlikni ta’minlash maqsadida mazkur hududning tegishli qismida avtotransport vositalari harakati vaqtincha cheklanadi.
Kompaniya haydovchilardan harakat yo‘nalishini oldindan rejalashtirish va aylanma yo‘llardan foydalanishni so‘radi.
Veolia Energy Tashkent yuzaga kelishi mumkin bo‘lgan vaqtinchalik noqulayliklar uchun aholi va haydovchilardan uzr so‘rab, ko‘rsatilgan cheklovlarga tushunish bilan yondashishni iltimos qildi.
Bir kunda 1200 ta g‘isht quyadigan toshloqlik “temir xotin” hikoyasi
Rossiya gazining O‘zbekistonga yetkazib berish hajmi oshishi kutilmoqda
Tanzila Norboyeva: Xalqaro reyting va indekslarda munosib o‘rin egallash
-
Iqtisodiyot3 days agoNeft mahsulotlari zaxiramiz 2−3 oy uchun yetarli – Energetika vazirligi
-
Turk dunyosi3 days agoPrezident Tramp Anqarada NATO sammiti boshlanishi munosabati bilan Turkiyaga F-35 samolyotlariga ega boʻlishiga ruxsat berishni koʻrib chiqmoqda
-
Turk dunyosi4 days agoPrezident Tramp Turkiyadagi NATO sammiti oldidan Ukraina urushining yakunlanishi haqida optimistik fikr bildirdi
-
Jamiyat3 days ago«Tashabbusli budjet»ning 11-mavsumi 15 iyuldan start oladi
-
Turk dunyosi4 days agoPrezident Tramp, Anqaradagi NATO sammitiga Prezident Erdog’an tufayli qatnashayotganini aytdi
-
Sport5 days agoRonaldu JCh-2026 faoliyatidagi so‘nggi jahon chempionati ekanligini aytdi
-
Dunyodan2 days ago
Ramzan Qodirov yana Checheniston rahbariyatiga nomzod sifatida ko‘rsatilgan
-
Iqtisodiyot3 days ago
O‘zbekiston eng ko‘p giloslarni Rossiyaga eksport qilmoqda