Jamiyat
“Tal’at Shodmonov yana taftish shikoyati berishi mumkin”
Prokuror o‘rinbosariga aloqador odamlarni “bezovta” qilib qo‘ygani ortidan bosimga uchraganini aytgan sobiq IIB xodimi Tal’at Shodmonovda Oliy sudga yana taftish shikoyati berish huquqi bor. Oliy sudga ko‘ra, mahkama tomonidan sobiq xodimga berilgan javob xatlari uning taftish tartibida takroran shikoyat keltirishiga cheklov qo‘ya olmaydi.
Hozirda ta’lim sohasida ishlaydigan, prokuror o‘rinbosarining bosimi ortidan nohaq sudlanib, ishdan bo‘shatilganini aytgan sobiq IIB xodimi Tal’at Shodmonov Oliy sudga yana taftish shikoyati berishi mumkin. Oliy sud matbuot xizmati rahbari Aziz Obidov sobiq xodimga aloqador holat yuzasidan bayonot berdi.
Ma’lum qilinishicha, 1988 yilda tug‘ilgan, Jomboy tumani IIB XOOB MTP profilaktika inspektori lavozimida ishlagan Tal’at Shodmonov JIB Samarqand shahar sudining 2017 yil 3 martdagi hukmiga muvofiq Jinoyat kodeksining 205-moddasi (hokimiyat yoki mansab vakolatini suiiste’mol qilish) 1-qismi va 209-moddasi (mansab soxtakorligi) 1-qismi bilan aybli deb topilgan. Unga 2 yil muddatga mansabdorlik va moddiy javobgarlik lavozimlarida ishlash huquqidan mahrum qilgan holda ish haqining 20 foizi davlat daromadi hisobiga ushlab qolish sharti bilan 2 yil 6 oy axloq tuzatish ishlari jazosi tayinlangan.
Tal’at Shodmonov Oliy majlis Senatining 2016 yil 12 oktyabrdagi “O‘zbekiston Respublikasi Konstitutsiyasi qabul qilinganligining yigirma to‘rt yilligi munosabati bilan amnistiya to‘g‘risida”gi qarori 2-bandiga asosan tayinlangan asosiy jazodan ozod qilingan.
Samarqand viloyat sudi jinoyat ishlari bo‘yicha sudlov hay’ati apellyatsiya instansiyasining 2017 yil 11 apreldagi ajrimi bilan birinchi instansiya sudi hukmi, Samarqand viloyat sudi jinoyat ishlari bo‘yicha sudlov hay’ati taftish instansiyasining 2025 yil 8 maydagi ajrimi bilan esa sud qarorlari o‘zgarishsiz qoldirilgan.
“2025 yil 5 avgust kuni Oliy sud jinoyat ishlari bo‘yicha sudlov hay’ati sudyasi tomonidan sud qarorlari yuzasidan Tal’at Shodmonovning himoyachisi keltirgan shikoyat jinoyat ishlari bo‘yicha sudlov hay’ati taftish instansiyasida ko‘rib chiqish uchun asoslar yetarli emasligi sababli rad qilingan.
Ta’kidlash joizki, Tal’at Shodmonovga oid jinoyat ishi yuzasidan chiqarilgan sud qarorlaridan norozi bo‘lib, uning advokati Oliy sud raisi qabulida topshirgan shikoyat ish hujjatlari asosida o‘rganib chiqilgan. Natijada advokatning Tal’at Shodmonovga oid jinoyat ishini Oliy sudning jinoyat ishlari bo‘yicha sudlov hay’atida ko‘rish haqidagi murojaati qanoatlantirilmasdan qoldirilgan. Bu haqda Oliy sud tomonidan 2025 yil 25 dekabrdagi 13-1158-25-sonli, keyinchalik esa 2026 yil 26 yanvardagi 03-11/26-62-sonli va 19 fevraldagi 03-11/26-14436-sonli xatlar bilan murojaatchiga ma’lum qilingan”, deyiladi bayonotda.
Qo‘shimcha qilinishicha, Tal’at Shodmonovga Oliy sud tomonidan berilgan javob xatlari uning taftish tartibida takroran shikoyat keltirishiga cheklov qo‘ya olmaydi. Sobiq IIB xodimi Oliy sudga yana taftish shikoyatini berishi mumkin.
Tal’at Shodmonov avvalroq Kun.uz’ga prokuror o‘rinbosariga aloqador odamlarni “bezovta” qilib qo‘ygani ortidan bosimga uchraganini aytib bergandi. Ma’lum qilishicha, qonuniy ishlaganiga qaramay unga nisbatan jinoiy ish ochilib, ish sudgacha borgan. Sudda esa ishni unga bosim qilgan prokuror o‘rinbosarining do‘sti bo‘lgan sudya ko‘rgan.
Toshkent shahrida huquqni muhofaza qiluvchi organlar tomonidan o‘tkazilgan tezkor tadbirda qalbaki AQSh dollari va milliy valutani sotish bilan shug‘ullangan shaxslar qo‘lga olindi. Ular ashyoviy dalillar bilan ushlangan bo‘lib, holat yuzasidan jinoyat ishi qo‘zg‘atildi.
Foto: Prokuratura departamenti
Bosh prokuratura huzuridagi departamentning Shayxontohur tumani bo‘limi hamda boshqa huquqni muhofaza qiluvchi organlar xodimlari hamkorligida o‘tkazilgan tezkor tadbirda qalbaki valuta muomalasiga chek qo‘yildi.
Tergovga qadar tekshiruv materiallariga ko‘ra, fuqarolar M.A., M.A. va B.B. fuqaro B.L.ga qalbaki 10 ming AQSh dollari va 20 million so‘mni 14 million so‘m evaziga sotgan vaqtida qo‘lga olindi.
Shuningdek, ular qalbaki yana 10 ming AQSh dollarini fuqaro O‘.A.ga 8,4 million so‘mga sotgan vaqtida ham huquqni muhofaza qiluvchi organlar tomonidan ashyoviy dalillar bilan ushlangan.
Mazkur holatlar yuzasidan Jinoyat kodeksining 176-moddasi (qalbaki pul, aksiz markasi yoki qimmatli qog‘ozlar yasash, ularni o‘tkazish) bilan jinoyat ishi qo‘zg‘atilgan.
Hozirda ushbu jinoyat ishi doirasida tergov harakatlari olib borilmoqda.
Toshkent viloyatida Koreya Respublikasiga ishga jo‘natishni va’da qilib, ikki nafar fuqarodan 15 ming AQSh dollarini firibgarlik yo‘li bilan olgan shaxsning noqonuniy harakatlari fosh etildi. Holat yuzasidan jinoyat ishi qo‘zg‘atilib, tergov harakatlari olib borilmoqda.
Bosh prokuratura huzuridagi departamentning Nurafshon shahri bo‘limi tomonidan o‘tkazilgan tergovga qadar tekshiruvda Koreya Respublikasiga ishga yuborish bilan bog‘liq firibgarlik holati aniqlandi.
Ma’lum bo‘lishicha, muqaddam sudlangan fuqaro M.A. ikki nafar fuqaroni Koreyaga ishga jo‘natishni va’da qilib, ularning ishonchini suiiste’mol qilgan holda jami 15 ming AQSh dollarini firibgarlik yo‘li bilan qo‘lga kiritgan.
Tergovga qadar tekshiruv jarayonida ushbu mablag‘lar hisobidan 100 AQSh dollari va 22,8 million so‘mning jabrlanuvchilarga qaytarilishi protsessual tartibda rasmiylashtirildi.
Mazkur holat yuzasidan Jinoyat kodeksining tegishli moddalari bilan jinoyat ishi qo‘zg‘atilgan bo‘lib, ayni paytda tergov harakatlari davom ettirilmoqda.
Toshkent shahrida yo‘l harakati ishtirokchilari xavfsizligiga tahdid solgan holda avtomashina boshqargan Tesla haydovchisiga nisbatan sud hukmi chiqarildi. Sud qaroriga ko‘ra, u bir yil muddatga transport vositasini boshqarish huquqidan mahrum qilinib, 25 BHM miqdorida jarimaga tortildi.
Toshkent shahrida yo‘l harakati qoidalarini qo‘pol ravishda buzib, boshqa harakat ishtirokchilari hayoti va salomatligiga xavf tug‘dirgan Tesla rusumli avtomashina haydovchisiga nisbatan sud qarori e’lon qilindi.
Ma’lum qilinishicha, sud haydovchining harakatlarini ko‘rib chiqib, uni yo‘l harakati xavfsizligiga tahdid solganlikda aybdor deb topgan.
Sud hukmiga muvofiq, haydovchi bir yil muddatga transport vositasini boshqarish huquqidan mahrum etildi. Shuningdek, unga bazaviy hisoblash miqdorining 25 baravari miqdorida jarima jazosi ham tayinlandi.
Mutasaddilar yo‘l harakati ishtirokchilari hayoti va salomatligiga xavf tug‘diradigan qoidabuzarliklarga nisbatan qonunchilikda belgilangan tartibda qat’iy choralar qo‘llanishini eslatib, haydovchilarni harakat qoidalariga qat’iy rioya qilishga chaqirdi.
«Xavfsiz va sog‘lom yurt» tezkor-profilaktik tadbirlari doirasida DXX, IIV va Bojxona qo‘mitasi xodimlari tomonidan o‘tkazilgan tezkor tadbirlarda Rossiyadan yuborilgan pochta jo‘natmasida yashirilgan hamda mamlakatga kontrabanda yo‘li bilan olib kirilgan jami 1,2 kilodan ortiq gashish moddasi musodara qilinib, ikki nafar shaxs ushlandi.
«Xavfsiz va sog‘lom yurt» tezkor-profilaktik tadbirlari doirasida Davlat xavfsizlik xizmati, Ichki ishlar vazirligi va Bojxona qo‘mitasi xodimlari hamkorligida giyohvandlik vositalarining noqonuniy aylanmasiga qarshi qator tezkor tadbirlar amalga oshirildi.
Xorazm viloyatida o‘tkazilgan tezkor tadbirda Urganch shahrida yashovchi, 1997 yilda tug‘ilgan va muqaddam giyohvandlik vositalari bilan bog‘liq jinoyat uchun sudlangan shaxs Urganch xalqaro aeroportida Rossiyadan yuborilgan pochta jo‘natmasini qabul qilib olgan vaqtida qo‘lga olindi.
Tekshiruv davomida jo‘natma ichidagi turli xil shirinliklar orasiga shokolad qadog‘i ko‘rinishida yashirilgan 538 gramm «gashish» giyohvandlik moddasi borligi aniqlandi.
Yana bir tezkor tadbir Toshkent viloyatining Yuqori Chirchiq tumanida o‘tkazildi. Unda Toshkent shahrida yashovchi 45 yoshli fuqaro narkokurerlar tomonidan mamlakatga kontrabanda yo‘li bilan olib kirilib, xufiyona joyga yashirib qoldirilgan 700 gramm «gashish» moddasini qabul qilib olayotgan vaqtida ushlandi.
Huquqni muhofaza qiluvchi organlar tomonidan har ikki holat yuzasidan jinoyat ishlari qo‘zg‘atilgan. Ayni paytda tergov harakatlari doirasida ushbu jinoyatlarga aloqador boshqa shaxslarni aniqlash bo‘yicha tezkor chora-tadbirlar davom ettirilmoqda.
Mutasaddi idoralar fuqarolarni narkojinoyatlarga aralashmaslikka chaqirib, bu turdagi huquqbuzarliklar uchun javobgarlik choralari qonunchilikka kiritilgan so‘nggi o‘zgartishlar bilan yanada kuchaytirilganini eslatdi.
Interpolning qizil bildirishnomasi asosida xalqaro qidiruvda bo‘lgan O‘zbekiston fuqarosi Polsha bilan hamkorlikda mamlakatga qaytarildi. Qaytarish jarayoni O‘zbekistonning Polshadagi elchixonasi, ikki davlatning tegishli idoralari hamda Interpol milliy markaziy byurosi hamkorligida amalga oshirildi.
Interpol tomonidan xalqaro qidiruvga berilgan O‘zbekiston fuqarosi F.V. Polsha poytaxti Varshava shahridan Toshkentga olib kelindi.
Fuqaroning O‘zbekistonga qaytarilishi mamlakatning Polshadagi elchixonasi tomonidan ko‘rilgan tashkiliy-diplomatik chora-tadbirlar, shuningdek Polsha Adliya vazirligi bilan yo‘lga qo‘yilgan hamkorlik natijasida amalga oshirildi. Qaytarish operatsiyasi O‘zbekiston Ichki ishlar vazirligi huzuridagi Interpol milliy markaziy byurosi tomonidan tashkil etildi.
Ma’lum qilinishicha, 1988 yilda Samarqand viloyatida tug‘ilgan F.V. O‘zbekiston Jinoyat kodeksining 168-moddasi (firibgarlik) bo‘yicha ayblanib, Interpolning qizil bildirishnomasi asosida xalqaro qidiruvga berilgan.
Fuqaro Interpol xodimlari hamrohligida Varshavadan Toshkentga olib kelindi.
O‘zbekistonning Polshadagi elchixonasi ma’lumotiga ko‘ra, mazkur amaliyot xorijdagi O‘zbekiston fuqarolarining huquq va manfaatlarini himoya qilish, huquqni muhofaza qiluvchi organlar o‘rtasidagi xalqaro hamkorlikni mustahkamlash hamda qidiruvdagi shaxslarni vatanga qaytarish bo‘yicha olib borilayotgan tizimli ishlar natijasi hisoblanadi.
Poytaxtda qalbaki valuta savdosi fosh etildi
Koreyada ish va’dasi ortidagi firibgarlik fosh etildi
Toshkentda Tesla haydovchisi bir yilga rulga o‘tirish huquqidan mahrum etildi
-
Siyosat5 days ago
Prezident Shavkat Mirziyoyev Qatar amiriga ta’ziya bildirdi
-
Iqtisodiyot4 days agotadbirkor va davlat organlari o‘rtasida huquqiy bahs yuzaga keldi
-
Iqtisodiyot4 days ago
Andijonda Belarus texnologiyasi asosida qishloq xo‘jaligi texnikalari ishlab chiqariladi
-
Mahalliy5 days ago
O‘zbekistondagi 10 mingdan ortiq maktab «Canva»dan bepul foydalanadi
-
Jamiyat4 days ago
Farg‘onada menejer 1,7 mlrd so‘mlik ko‘mirni o‘zlashtirgani aniqlandi
-
Dunyodan4 days agoMahmud Ahmadinejod atrofidagi sirli o’yin: “Mossad bilan hamkorlik”
-
Dunyodan5 days ago
Anqarada NATO sammiti boshlandi
-
Jamiyat4 days ago
O‘zbekistonga juda kuchli issiq havo oqimlari kirib keladi