Jamiyat
tabiat va tarix tilsimlari izidan (foto)
Har gal «Taxti Qoracha» dovonidan o‘tarkanman, g‘ayrioddiy bu go‘sha meni o‘ziga tortadi. Omonqo‘ton — musaffo havosi, totli suvi, so‘lim tabiati betakror makon. Bundan tashqari, u yerdagi har bir toshda o‘tmishning jonli sadosi bor.
Bunda bir paytlar Aleksandr Makedonskiyning askarlari nafas rostlagan, Amir Temurning zafarli qadamlari toshlar yuzida muhrlanib qolgan. Vaqt hazmidan xoli bu voqeiyliklar — go‘yo dovon sahnida mangu saqlanib qolgandek. Xullas, sirli g‘or, daxlsiz bokira tabiat manzaralari va boshqa ajoyibotlarni tomosha qilish bahona qog‘ozga tushirish uchun yana shu maskanga oshiqdim.
Sayohatni boshlashdan oldin «Omonqo‘ton» milliy tabiat bog‘i mutasaddilariga murojaat qildim. Samimiy qarshi olishdi, yo‘lboshchilik qilishga rozi bo‘lishdi. Idora yonida — yelkamda maxsus sumka, sport kiyimida, xuddiki butun tog‘ni piyoda zabt etish niyatida turardim. Milliy bog‘ direktori Azamat Amrullayev bu shijoatimga kulimsirab nazar tashladi-da: «Bu yerlarni piyoda aylanish oson emas, hududimiz qariyb 1,5 ming gektar. Siz ko‘rmoqchi bo‘lgan manzillar qalin o‘rmonlar va toshli soylar ortida yashiringan» deb, meni maxsus mashinasiga taklif etdi.
Bokira tabiat bag‘rida
Qudratli mashina notekis, ikki tomoni jarlikdan iborat tosh yo‘llardan shiddat bilan olg‘a harakatlanadi. Xarsanglar ustidan o‘tayotganimizda mashina chayqalib-chayqalib, muvozanatini yo‘qotayotgandek bo‘ladi. Yonimdagi tutqichni changallab, yurak yutib atrofni kuzataman. «Piyoda ketsakmikan, biror jarlikka ag‘darilib ketmaylik-da ishqilib», degan o‘y xayolimdan o‘tadi…
Nihoyat keng va tekisroq yo‘lga chiqib oldik. Yo‘ldoshim shu zahotiyoq qiziqarli suhbatni boshlab yubordi: «Bu manzil avvaldan ham jozibali bo‘lib kelgan, bu yerda Aleksandr Makedonskiy askarlari bilan to‘xtagan. Bu tabiatga Amir Temur mahliyo bo‘lgan. Shu qatorda Chor Rossiyasi qo‘shinining yuqori mansabli vakili — general-gubernator Nikolay Ivanovich Korolkov 1878-yilda kelib, tog‘lar bag‘ridagi so‘lim manzaraga maftun bo‘lib qoladi. «Bu joy kelajakdagi zo‘r dam olish joyi va obod maskan bo‘ladi» deb, askarlarni va mahalliy aholi vakillarini jalb qilib, 1 mln 300 ming tup daraxt nihollarini ektiradi. Shu zaylda bu yerda betakror tabiiy muhit yaratilib, katta o‘rmon barpo etilgan. Mana o‘sha paytda ekilgan ba’zi daraxtlarni o‘zingiz ham ko‘rib turibsiz».
Ha, biz ko‘rib turgan tarovatli «Qrim sosnasi» Markaziy Osiyo bo‘yicha ilk bor shu yerda ekilib, tajribadan o‘tgandan keyin boshqa hududlarga tarqatilgan ekan. Yo‘l-yo‘lakay musaffo havosi bilan hushni oladigan, qaraganda do‘ppingiz tushib ketadigan darajada baland, yam-yashil qarag‘ayzor bag‘riga yetib keldik. Bu yerda ko‘kka bo‘y cho‘zgan yashil qarag‘aylar chayqalib, xushbo‘y ifori bilan atrofga jon baxsh etib turibdi.
«Men sizga aytgan, bir paytlar ekilgan Qrim qarag‘aylari aynan mana shular, — deydi Azamat aka g‘urur bilan. — Bularning har biri 147 yildan beri bu zaminga musaffo nafasini taratib turibdi. Qrim qarag‘aylari — nafaqat chiroyli, balki kislorodga boy hayotbaxsh daraxtlar hamdir».
Shundan so‘ng ilon izi yo‘ldan yurib borib, birdan toshli eski yo‘lga chiqib qoldik. Bu «Taxti Qoracha» dovonining eski yo‘li ekan. O‘tmishda hayot qaynagan, hozir sukutga cho‘mgan bu yo‘l 1970-yilgacha serqatnov bo‘lgan. Yo‘l qadimgi bo‘lsa-da, toshlar tekis terilgan, ayniqsa, chetidagi xavfsizlikni ta’minlovchi to‘siqlari sementsiz bo‘lsa-da, juda mustahkam o‘rnashib turibdi. Vaqtida ot-arava, keyinchalik ilk avtoulovlarning uzog‘ini yaqin qilgan bu yo‘l endi shunchaki olis o‘tmishdan sado berib turibdi.
Sal nariroqda rosa pishgan yovvoyi olchalarning gilamdek to‘kilganiga ko‘zim tushdi. — Nega bo‘larni terib olmaysizlar, rosa to‘kilibdi-ku? — savol beraman hamrohimga.
Ma’lum bo‘lishicha Milliy bog‘ hududidagi barcha meva va rezavorlar shu yerda yashovchi hayvon va qushlarning rizqi ekan. Bu yerdan hech narsa olinmas ekan.
— Aksincha, — deyishdi bog‘ xodimlari, — biz qish kunlari qushlarga don, hayvonlarga yem, ozuqa qo‘yib ketamiz.
Chindan ham, milliy bog‘ hududidagi ko‘plab daraxtlarda qushlarga mo‘’jaz inlar qurilganini ko‘rdim. Ularning bu saxovatiga javobanmi, qushlar ham borini berib sayrar, bu ohanglar, qarag‘ay va boshqa o‘simliklardan taralayotgan yoqimli ifor bilan qo‘shilib, o‘zgacha shukuh bag‘ishlardi. Ertaklaridagidek bu manzildan hech ketgim kelmasdi.
Qadim sirlar maskani
«Endi milliy bog‘imizdagi asosiy manzilga boramiz, «Omonqo‘ton g‘origa», dedi aka xayolotimga chek qo‘yib.
G‘orlar… Yoshligimizda eshitgan va o‘qigan ertaklarimizda g‘orlar bizga allaqanday maxluqlar makon qurgan, hisobsiz xazina-dafinalar yashirilgan, sirli, tilsimli, ajoyib bir dunyodek tuyulgan. Chindan ham g‘orlar — sukunat va zulmat hukm surgan, hali qanchadan-qancha sirlarni bag‘rida pinhon saqlayotgan ajoyib bir dunyo. Xayolga tolaman yo‘l-yo‘lakay.
«Omonqo‘ton g‘ori» milliy tabiat bog‘i hududida joylashgan. Uni 1947-yilda Samarqand davlat universiteti arxeologiya kafedrasi professori David Lev aniqlagan va qazishma ishlarini olib borgan. Arxeologik qazishma va tadqiqotlar natijasida g‘orda o‘rta paleolit davriga oid odamlar, turli jonzot va hayvonlarning 16 ming dona suyaklari, gulxan, o‘choqlar, ov va ish qurollari topilgan. Ungacha bu joyda g‘or bor-yo‘qligini mahalliy aholi bilmagan.
G‘orga yaqinlashib, ichkariga shoshib ildamlayotgan edim, shoshmang, deya sherigim ogohlantirdi. Birdan to‘xtab, savol nazari bilan hamrohimga qaradim.
—Ichkarida biror jonzot yo zaharli ilonlar bo‘lishi mumkin. Shoshmay, ehtiyotkorlik bilan kiramiz, — dedi u.
Ilk daqiqalarda ko‘zimiz zulmatga o‘rganmasdan turib, harakatimiz ancha ehtiyotkor bo‘ldi. Bir muddatdan so‘ng, telefon chirog‘i yordamida devordagi tosh shakllar namoyon bo‘la boshladi. Shipdan osilib turgan sumalaksimon toshlar — stalaktitlar, pastdan o‘sayotgan tosh konuslar — stalagmitlar g‘or ichida hayratlanarli simmetriyada paydo bo‘lgan. Ular orasida ba’zilari birlashib, qator-qator ustunlar hosil qilgan. G‘orda tabiatning o‘zi go‘yo qasr yasagandek: shohona, mukammal, lol qolarlik.
Hayotbaxsh suv
Keyingi manzilimiz «Omonqo‘ton bulog‘i» bo‘ldi. Bu yerga yetib kelganimizda, yo‘l charchog‘i sezilgan, sal tashnalik bor edi. Ammo buloq yonidagi osoyishtalik, suvning jilvalanib oqishi, bizga go‘yo ochiq tabiatning mehmondo‘stligiday tuyuldi. Bu suvdan avval ham ko‘p ichgan edim, ammo har safar uning ta’mi ko‘ngilda yangi bir ishtiyoq uyg‘otadi. Bu buloqning suvi — shunchaki totli emas, balki u tog‘ bag‘ridan oqayotgan shifo, inson vujudiga singib boruvchi musaffolik manbai. Bu suvning ta’mini bir marta tatigan odam uni unuta olmaydi. Uning har qatrasida tabiatning cheksiz sofligi, tog‘larning kuchi va shu zaminning asrlar davomida to‘plagan quvvati mujassam. Yerli aholining aytishicha, bu suv inson tanini yoshartirish xususiyatiga ega ekan. Bu bejiz emas — chunki buloqning boshi tog‘ yuragida ekan.
Tirik tabiat xazinasi
Albatta, shu o‘rinda milliy bog‘ hududidagi hayratlanarli o‘simlik va hayvonot dunyosiga alohida to‘xtalmasak bo‘lmaydi. Bu yer — nafaqat go‘zal manzaralar, balki bebaho biologik boyliklar maskani ekan. «Omonqo‘ton milliy tabiat bog‘i» hududida 1 ming 300 turdan ziyod noyob o‘simlik va daraxtlar va 120 turdan ortiq hayvon va jonzotlar yashar ekan.
Hali sayohat boshlanishi bilanoq, tepamizda mag‘rur parvoz qilgan lochin va burgutlar diqqatimizni tortgandi. Ularning havodagi parvozini har qancha suratga tushirmoqchi bo‘lmay, chaqmoqdek tez harakatlanib, shiddat bilan qanot qoqib, ko‘z ochib yumguncha g‘oyib bo‘lardi.
Endi sayohatimizga yakun yasaymiz deb turgan edik, ko‘kdagi burgut mening quruq qo‘l bilan ketishimni istamay, saxovat qilgisi keldi shekilli, tepamizda aylana boshladi. Darhol fotoapparatimni qo‘lga olib, uning shijoatli parvozini abadiylashtirishga ulgurdim.
Omonqo‘tondan qaytar ekanman, qalban go‘yo bir necha asrlarni bosib o‘tgandek, tabiat, tarix va inson o‘rtasidagi uzviy bog‘liqlikni his etdim. Bu maskanning har bir burchagida so‘zsiz hikoyalar, har bir nafasida — hayot, har bir tovushida — hikmat, har bir manzarasida — o‘tmish, bugun va kelajakni bog‘lab turuvchi jonli rishtalarni ko‘rgandek edim. Orqamga qarab-qarab ketayotganimda qalbimda bir his uyg‘ondi: Qachondir bu maskanga yana qaytaman!
Prezident o‘z nutqida 7 milliy dastur haqida e’lon qildi.
Birinchi milliy dastur bilim va malakani kelgusi taraqqiyotning asosiy kapitaliga aylantirishdan iborat bo‘ladi.
Bolalarning 6 yoshli tayyorlov guruhlariga qamrov qisqa muddatda 100 foizga olib chiqiladi. Xususiy bog‘cha tashkil qilish bo‘yicha mavjud imtiyozlar saqlab qolinadi.
Barcha maktablar xalqaro baholash dasturlari bilan to‘liq qamrab olinadi.
Yurtimizdagi texnikumlarda xalqaro ta’lim standartlarini joriy etiladi. Ularda yoshlarimizni yuqori daromadli kasblarga o‘qitishni yo‘lga qo‘yib, qamrovni 1 millionga yetkaziladi. Bir so‘z bilan aytganda, Yangi O‘zbekistonda kasb egallamagan birorta yigit-qiz qolmaydi.
Ikkinchi milliy dastur xalqimizning sog‘lom bo‘lishi va uzoq umr ko‘rishini ta’minlashga xizmat qiladi.
Shu maqsadda aholi salomatligi bilan bog‘liq davlat xarajatlarini kelgusi besh yilda yalpi ichki mahsulotga nisbatan 5 foizga yetkaziladi.
Tibbiyotda profilaktikani kuchaytirish orqali salomatlikni asrash modeliga o‘tiladi. Davlat tibbiy sug‘urtasi mamlakatning barcha xonadonlariga kirib boradi
Ixtisoslashgan tibbiyotda raqobat muhitini kuchaytirish maqsadida dunyoning eng nufuzli kamida 5 ta klinikasi olib kelinadi.
Uchinchi milliy dastur – iqtisodiyotimizni yuqori texnologiya va mehnat unumdorligi modeliga o‘tkazish.
Buning uchun kelgusi o‘n yilda 450 milliard dollar xorijiy investitsiya jalb qilinadi. Iqtisodiyotda yuqori o‘sish sur’atini saqlagan holda, 2030 yilgacha yalpi ichki mahsulot hajmi 300 milliard dollarga yetkaziladi, sanoatda 2 millionta yuqori daromadli ish o‘rni yaratiladi.
Yoshlarimizning salohiyatini to‘liq ro‘yobga chiqarishda startap, venchur va sun’iy intellektni rivojlantirish ustuvor yo‘nalishga aylanadi.
Shuningdek, kichik biznes – o‘rta biznesga, o‘rta korxonalar esa yirik kompaniya va korporatsiyalarga aylanishi uchun yaxlit ekotizimni yo‘lga qo‘yamiz. Bularning hisobiga kelgusi o‘n yilda jon boshiga yalpi ichki mahsulot hajmi 10 ming dollarlik marradan oshadi.
Global iqlim o‘zgarishi sharoitida suv va ekologiya masalalari yanada dolzarb bo‘lib bormoqda.
Shu bois, to‘rtinchi milliy dastur suv va tabiatga munosabatni tubdan o‘zgartirishga qaratiladi.
Kelgusi besh yilda ekin maydonlarida suv tejaydigan texnologiyalar qamrovini 100 foizga olib chiqiladi. Bu – umummilliy marraga aylanadi.
Adolat qaror topgan joyda iqtisodiy o‘sish ham, ijtimoiy ishonch ham yuksaladi.
Bu borada beshinchi milliy dastur – sud mustaqilligini kuchaytirish va qonun ustuvorligini ta’minlashni umumiy qadriyatga aylantirishdan iborat.
“Buning uchun huquqiy tarbiyani maktabdan boshlab aniq tizim asosida yo‘lga qo‘yamiz. Fuqarolar va tadbirkorlarning qonuniy kafolatlarini kuchaytirish bo‘yicha islohotlarimizni qat’iy davom ettiramiz. Kiberjinoyatchilik, giyohvandlik va odam savdosining oldini olish bo‘yicha choralarni yanada kuchaytiramiz.
“Yashirin iqtisodiyot”, uyushgan jinoyatchilik, ayollar va bolalar huquqini kamsitishga qarshi kurashni yangi bosqichga ko‘taramiz.
Odamlarimizning kayfiyati, oilalarning farovonligi, yoshlarning orzu-istagi, tadbirkorlarning tashabbuskorligi, eng avvalo, mahallada namoyon bo‘ladi.
Shuning uchun oltinchi milliy dastur mahallani jamiyat taraqqiyotining asosiy buyurtmachisiga aylantirishga yo‘naltiriladi.
Endi davlat dasturlarini ishlab chiqish bo‘yicha yondashuv butkul o‘zgaradi. Tuman budjeti, investitsiya dasturi hamda infratuzilma loyihalari mahalla buyurtmasi asosida ishlab chiqiladi. Bunda fuqarolarning talab va ehtiyoji, mahallaning farovonligi – eng asosiy mezon sifatida belgilanadi”, dedi Prezident.
Yettinchi milliy dastur – O‘zbekistonning tinchlik va do‘stlik diyori, bag‘rikeng o‘lka sifatidagi nufuzini har tomonlama yuksaltirishdan iborat.
Bizning ochiq, pragmatik va tinchlikparvar siyosatimiz uzoq muddatli taraqqiyotimizni ta’minlashga qaratilgan.
Bu yilgi Mustaqillik bayrami ijtimoiy tarmoqlarda chin ma’noda portladi. Prezident Shavkat Mirziyoyevning nutqi, bayram ssenariysi va sahnadagi chiqishlarga foydalanuvchilardan juda katta, samimiy va kuchli reaksiya bo‘ldi.
Izohlarni o‘qib, bir narsa yaqqol ko‘rinadi: odamlar bayramni shunchaki tomosha qilmagan — his qilgan.
“Juda zo‘r!”, “Boshqacha bo‘ldi!”, “Ta’sirli!”, “Gap yo‘q!”, “Sahnadagi energiya va jonli ijro odamni lol qoldirdi, haqiqiy bayram kayfiyati!”, “Harbiylarning safdagi kelishgan va qat’iy qadamlari qalbimizni g‘ururga to‘ldiradi”, “Juda go‘zal bayram, betakror bayram”… — ijtimoiy tarmoqlardagi minglab fikrlarda bir xil kayfiyat.
Ayniqsa, Prezident nutqidagi fikrlar alohida muhokama qilindi. Vatan tarixi, bugungi islohotlar va kelajakka ishonch uyg‘unlashgan nutq ko‘pchilikda kuchli taassurot qoldirdi.
Bu yilgi Mustaqillik bayrami sahnada o‘zgacha bo‘ldi — ijtimoiy tarmoqlardagi reaksiya esa bundan ham kuchli!
Bu shunchaki izohlar emas. Bu — xalqning bayramga bo‘lgan kayfiyati.
BYD Central Asia mahalliy ishlab chiqarilayotgan BYD CHAZOR UzPride modelining rasmiy sotuvi boshlanganini e’lon qiladi. Mahalliylashtirish darajasi yuqori bo‘lgani tufayli 55 KM Luxe jamlanmasi 255 900 000 so‘m narxda taklif etilmoqda.
Modelning nomi uning mazmun-mohiyatini aks ettiradi: brend mahalliy bozorda izchil rivojlanib, texnik mutaxassislarni tayyorlash va mamlakat avtomobilsozlik sanoatini zamonaviylashtirishga ko‘maklashmoqda. Shu bilan birga, zamonaviy texnologiyalarni aholining tobora keng qatlamlari uchun qulay va hamyonbop qilmoqda. Shu sababli yangi talqin O‘zbekiston va uning xalqiga chuqur hurmat ramzi sifatida UzPride nomini oldi.
O‘zbekiston Respublikasi mustaqilligining 35 yilligi munosabati bilan xaridorlar uchun maxsus moliyalashtirish dasturi tayyorlandi:
– boshlang‘ich to‘lov – 35%;
– bo‘lib to‘lash muddati – 35 oy;
– foiz stavkasi – 0%;
– moliyalashtirishni rasmiylashtirish – faqat OFB hamkor banki orqali.
Mustaqillikning 35 yilligiga bag‘ishlangan moliyalashtirish dasturi shartlari 2026 yil 29 avgustdan 1 sentyabrgacha amal qiladi.
Dastur shartlari qutlug‘ sana bilan ramziy tarzda uyg‘unlashtirilgan bo‘lib, yangi supergibrid sedanni O‘zbekiston bo‘ylab xaridorlar uchun yanada qulayroq shartlarda sotib olish imkonini beradi.
BYD CHAZOR UzPride haqida
BYD CHAZOR UzPride DM-i supergibrid tizimi bilan jihozlangan. Unda elektr yuritmaning afzalliklari 1,5 litr hajmli yuqori samarali benzin dvigatelining imkoniyatlari bilan uyg‘unlashtirilgan.
132 kVt quvvatga ega elektr dvigatelining eng yuqori burovchi kuchi 316 N·m ni tashkil etadi. Avtomobil 0 dan 100 km/soat tezlikka 7,9 soniyada chiqadi. NEDC o‘lchov tartibi bo‘yicha faqat elektr quvvatida yurish masofasi 55 kilometrgacha yetadi. Akkumulyator quvvati past bo‘lganda yoqilg‘i sarfining eng kam ko‘rsatkichi 100 kilometrga 3,8 litrni tashkil etadi.
55 KM Luxe jamlanmasiga aylantiriladigan 12,8 dyuymli multimedia ekrani, 8,8 dyuymli displeyga ega raqamli ko‘rsatkichlar paneli, o‘zbek tilidagi aqlli ovozli boshqaruv tizimi, 4G va Bluetooth ulanishi, shuningdek, OTA orqali masofadan yangilash imkoniyati kiradi.
Haydovchiga yanada ko‘proq qulaylik yaratish maqsadida avtomobil kalitsiz kirish tizimi, NFC-karta, masofadan ishga tushirish, o‘rindiqni elektr yordamida sozlash, elektr yuritmali tom tuynugi hamda orqa o‘rindiq yo‘lovchilari uchun havo yo‘naltirgichlarga ega iqlim tizimi bilan jihozlangan.
360° atrofni ko‘rsatuvchi panoramali HD-kamera hamda old va orqa to‘xtash datchiklari avtomobilni boshqarish va tor joylarda harakatlanishni osonlashtiradi.
Xavfsizlik tizimlari qatoriga tezlikni bir maromda saqlash tizimi, yo‘nalish barqarorligini nazorat qilish, g‘ildiraklarning sirpanishiga qarshi tizim, shinalardagi bosimni kuzatish, qiyalikda harakatni boshlashga ko‘maklashish, avtomobilni avtomatik ushlab turish, old va yon xavfsizlik yostiqchalari, shuningdek, parda turidagi xavfsizlik yostiqchalari kiradi.
BYD CHAZOR UzPride modelining mahalliy ishlab chiqarilishi yangi energiya manbalarida harakatlanuvchi zamonaviy avtomobillar tanlovini kengaytiradi hamda mamlakat avtomobilsozlik sanoatining rivojlanishiga hissa qo‘shadi.
BYD Central Asia kompaniyasining mustaqillikning 35 yilligiga bag‘ishlangan dasturi – O‘zbekiston Respublikasi mustaqilligining 35 yilligini mamlakatimizda ishlab chiqarilgan yangi avtomobil boshqaruvida kutib olish uchun ajoyib imkoniyatdir.
*Mustaqillikning 35 yilligiga bag‘ishlangan moliyalashtirish dasturi 2026 yil 29 avgustdan 1 sentyabrgacha, 1 sentyabr kuni ham, amal qiladi. Dastur doirasidagi moliyalashtirish faqat OFB hamkor banki orqali rasmiylashtiriladi. Dastur bo‘yicha taklif etiladigan avtomobillar soni cheklangan. Texnik ko‘rsatkichlar ma’lumot berish maqsadida keltirilgan bo‘lib, yo‘l va ob-havo sharoiti, avtomobilning yuklanish darajasi hamda haydash uslubiga qarab farq qilishi mumkin. Avtomobilni sotib olish shartlari va jamlanmasi haqidagi batafsil ma’lumotni BYD kompaniyasining rasmiy dilerlaridan olishingiz mumkin.
BYD kompaniyasining O‘zbekistondagi aloqa ma’lumotlari
Rasmiy ishonch telefoni: 1811
Rasmiy veb-sayt: bydauto.uz
Instagram: @bydauto.uz
Telegram: t.me/bydautouz
Jamiyat
Yangi o‘quv yilida 806 mingdan ziyod 6 yoshli bola maktabga tayyorlov guruhlariga qamrab olinadi
E-qaror tizimida Maktabgacha va maktab ta’limi vazirligining maktabgacha ta’lim tashkilotlarini 2026/2027 o‘quv yiliga tayyorlash va bolalarni qabul qilish jarayonini samarali tashkil etishga oid buyrug‘i e’lon qilindi. Hujjatning ilovalari Maktabgacha va maktab ta’limi vazirining 2026-yil 18-avgustdagi 299-son buyrug‘i bilan tasdiqlangan.
Hujjatga ko‘ra, 2026/2027 o‘quv yilida respublika bo‘yicha 811 ming 586 nafar 6 yoshli bola hisobga olingan. Ularning 806 ming 290 nafarini maktabga tayyorlov guruhlariga qamrab olish rejalashtirilgan. Natijada qamrov darajasi 99,3 foizga yetkazilishi ko‘zda tutilmoqda.
Maktabga tayyorlov guruhlari bilan qamrab olinmagan 6 yoshli bolalar uchun 485 ta bir yillik bepul majburiy tayyorlov guruhi tashkil etiladi. Ularda jami 13 ming 104 nafar bolani qamrab olish rejalashtirilgan.
Shundan:
— umumiy o‘rta ta’lim maktablarida 413 ta guruh tashkil etilib, 11 ming 163 nafar bola;
— davlat maktabgacha ta’lim tashkilotlarida 65 ta guruh ochilib, 1 ming 766 nafar bola;
— boshqa mos binolarda 7 ta guruh tashkil qilinib, 175 nafar bola qamrab olinadi.
Chora-tadbirlar rejasiga muvofiq, avval hududlardagi 6 yoshli bolalar xatlovdan o‘tkaziladi. Xatlov natijasida tayyorlov bilan qamrab olinmagan bolalar mavjud bo‘sh guruh va o‘rinlarga joylashtiriladi.
Shundan keyin ham qamrovdan tashqarida qolgan bolalar uchun umumta’lim maktablari, davlat maktabgacha ta’lim tashkilotlari, «Kelajak markazlari» va boshqa obyektlarning bo‘sh xonalarida yangi tayyorlov guruhlari tashkil etiladi. Ularni sentyabr–oktyabr oylarida ishga tushirish belgilangan.
Prezident farmonida tadbirkorlik subyektlarining huquqiy himoyasini kuchaytirishga qaratilgan «tadbirkorlik subyektining haqlilik prezumpsiyasi» belgilandi.
Unga ko‘ra, davlat organi tomonidan aksi isbotlanmaguncha tadbirkorlik subyekti va uning mansabdor shaxsi qonunchilikka muvofiq harakat qilgan hamda o‘z majburiyatlarini lozim darajada bajargan deb hisoblanadi.
Sudda tadbirkorga nisbatan huquqiy ta’sir chorasi qo‘llash uchun uning asosli, qonuniy va mutanosib ekanini, shuningdek, huquqbuzarlik faktini isbotlash majburiyati davlat organiga yuklanadi.
Qonunchilikdagi bartaraf etib bo‘lmaydigan ziddiyatlar, noaniqlik va tushunmovchiliklar, shuningdek, dalillar yetarli emasligi tufayli yuzaga keladigan shubhalar tadbirkorlik subyekti foydasiga talqin qilinadi.
O‘zbekiston mahsulotlari AQShning eng yirik savdo tarmog‘i orqali Amerika bozoriga chiqishi mumkin
Prezident 7 milliy dastur haqida e’lon qildi
Prezidentning bojxona xizmatiga oid farmoni qabul qilindi
-
Siyosat3 days ago
Шавкат Мирзиёев Бишкекда кутиб олинди
-
Jamiyat5 days ago
Ko‘ksaroyda O‘zbekiston va Hindiston yetakchilariningg tarixiy muzokaralari bo‘lib o‘tdi
-
Sport5 days ago
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi
-
Jamiyat4 days ago
Qonunchilikdagi noaniqliklar tadbirkor foydasiga talqin qilinadi
-
Mahalliy2 days ago
«Enamdan qolgan dalalar» (Esse)
-
Jamiyat3 days ago
BYD CHAZOR UzPride – O‘zbekiston mustaqilligining 35 yilligiga bag‘ishlangan maxsus taklif
-
Jamiyat3 days ago
Bu yilgi Mustaqillik bayrami ijtimoiy tarmoqlarda chin ma’noda portladi!
-
Siyosat4 days ago
Pokiston bosh vaziri bilan uchrashuv o‘tkazildi