Sport
Superliga. «Paxtakor» «Navbahor»ni mag‘lub etdi, «Dinamo»-«Nasaf» o‘yini durang bilan yakunlandi
O‘zbekiston chempionatining 15-turidan o‘rin olgan ikki o‘yin yakunlandi. Samarqandda «Dinamo» klubi «Nasaf»ni qabul qilib, durang o‘ynadi. Toshkentdagi bahsda esa «Paxtakor» «Navbahor»ni mag‘lub etdi.
Samarqandda «Dinamo» klubi «Nasaf»ni qabul qilib, 2:2 hisobida durang o‘ynadi. 85-daqiqagacha samarqandliklar g‘alaba qozonayotgan edi. Biroq Akmal Mozgovoy hisobni tenglashtiruvchi gol muallifiga aylandi.
Natijada, «Nasaf» ochkolari sonini 33 taga yetkazdi. «Dinamo» esa 29 ochko bilan 2-o‘rinda qoldi.
Toshkentdagi bahsda «Paxtakor» klubi Flamarion va Sergeyev gollari orqali «Navbahor»ni mag‘lub etdi, — 2:0.
Natijada «sherlar» 26 ochko bilan 6-o‘ringa ko‘tarildi. Sergey Lushan shogirdlari esa shuncha ochko bilan 7-pog‘onaga tushdi.
Superliga. 15-tur
«Dinamo» – «Nasaf» 2:2
Gollar: Alibek Davronov, 16 (0:1), Anvarjon Hojimirzayev, 26 (1:1), Marko Stanoyevich, 45+4 pen (2:1), Akmal Mazgovoy, 85 (2:2)
«Dinamo» – Ravshan Yagudin, Ulug‘bek Abdullayev, Jahongir O‘rozov, Jaloliddin Jumaboyev, Oleksandr Kucherenko, Ratinho, Anvarjon Hojimirzayev, Oybek Ormonjonov, Marko Stanoyevich, Sanjar Qodirqulov, Firdavs Abdurahmonov (Mirjahon Mirahmadov, 64, Muhsin Bozorov, 69).
«Nasaf» – Abduvohid Ne’matov, Alibek Davronov, G‘olib G‘aybullayev, Sherzod Nasrullayev, Akmal Mozgovoy, Zafarmurod Abdurahmatov, Sharof Muhitdinov, Oybek Bozorov, Sardorbek Bahramov (Suhrob Nurulloyev, 46), Dragan Cheran, Husayn Norchayev.
«Paxtakor» – «Navbahor» 2:0
Gollar: Flamarion, 22 (1:0), Igor Sergeyev, 65 (2:0)
«Paxtakor» – Vladimir Nazarov, Muhammadrasul Abdumajidov, Dilshod Saitov, Muhammadqodir Hamroaliyev, Abdulla Abdullayev, Mahmudjon Mahamadjonov, Sardor Sabirxo‘jayev, Abdurauf Bo‘riyev (Ibrohim Ibragimov, 66), Flamarion (Doston Hamdamov, 76), Bashar Resan, Igor Sergeyev (Brayan Riaskos, 66).
«Navbahor» – Umidjon Ergashov, Saidzamat Mirsaidov (Mirzohid G‘ofurov, 46), Azimjon Ahmedov (Shohmalik Komilov, 46), Sergey Karpovich, Gilherme Gedesh, Ruslanbek Jiyanov (Komiljon Tojidinov, 82), Benjamin Tedi, Alisher Odilov (Navro‘zbek Iminjonov, 73), Abbos G‘ulomov, Zabihillo Orinboyev (Pedro Augusto, 82).
Shavkat Mirziyoyev shaxmatchilar bilan uchrashuvda Javohir Sindorov, Muhiddin Madaminov va Shamsiddin Vohidovning Olimpiadadagi o‘yinlarini alohida e’tirof etdi.
Prezident Javohir Sindorovga murojaat qilib, bir necha oy avval uning Nomzodlar turniridagi tarixiy g‘alabasi nishonlanganini esladi. Olimpiadada ham Javohir Sindorov sovuqqonlik va barqarorlik ko‘rsatib, kuchli raqiblar oldida ortga chekinmagani ta’kidlandi.
«Endi oldingda yana bir ulkan marra — jahon toji uchun bellashuv turibdi. Bugun ortingda nafaqat jamoadoshlaring va ustozlaring, balki qirq millionga yaqin O‘zbekiston xalqi turibdi. Biz senga ishonamiz!» — dedi davlat rahbari.
Yirik musobaqada ilk bor ishtirok etgan Muhiddin Madaminov hal qiluvchi kunda ukrainalik Roman Dextyarovni qora donalarda mag‘lub etdi.
Uning g‘alabasi jamoaga oltin medal uchun zarur ochkoni olib keldi. Prezident uning g‘ayrati va g‘alabalari muxlislar ko‘nglidan joy olganini ta’kidladi.
Shamsiddin Vohidov ham umumiy natijaga munosib hissa qo‘shdi. U amaldagi jahon chempioni Gukeshga qarshi qora donalarda tengma-teng kurashib, o‘z salohiyatini namoyon etdi.
Prezident oltin medal jamoaning har bir a’zosi mehnati va hissasi natijasi ekanini ta’kidladi.
«Bu oltin medalda jamoaning har bir a’zosining mashaqqatli mehnati va ulkan hissasi bor», — dedi Prezident.
Davlat rahbari shaxmatchilar haqida hali kitoblar yozilishi, filmlar yaratilishi va ularning o‘yin uslubi darsliklarga kirishiga ishonch bildirdi.
Yosh shaxmatchilarni tayyorlash imkoniyatlarini kengaytirish uchun Toshkent xalqaro shaxmat akademiyasining Samarqand, Xorazm va Farg‘onada uchta mintaqaviy filiali tashkil etiladi. Akademiyada oliy toifali murabbiylarni tayyorlash ham yo‘lga qo‘yiladi.
FIDE reytingida 1 ming 500 dan yuqori ball to‘plagan shaxmatchilarning xususiy klublarda o‘qish xarajatlarining yarmi davlat tomonidan qoplanadi. Bu yosh iste’dodlarning tayyorgarligini davom ettirishiga qo‘shimcha imkoniyat yaratadi.
Mamlakatimizda “O‘zbekiston Grand Chess” milliy brendi ostida xalqaro turnirlar muntazam o‘tkazib boriladi. Bu shaxmatchilarimizga kuchli raqiblar bilan o‘z yurtimizda bellashish imkonini beradi.
Prezidentimiz Yangi Toshkentda 500 kishilik o‘yin zali, yotoqxona va sport maydonchalariga ega zamonaviy shaxmat saroyini barpo etishni taklif qildi.
O‘zbekiston delegatsiyasi Yaponiyadagi Osiyo o‘yinlarining bugungi kunini oltin va kumush medallarni qo‘lga kiritish bilan boshladi.
Shahriyor Mahkamov baydarkachilar o‘rtasida 500 metr masofaga kechgan yakkalik poygalarida marrani birinchi bo‘lib zabt etib, Osiyo o‘yinlari chempioniga aylandi.
Terma jamoamizning yana bir a’zosi Arina Tanatmisheva esa kumush medalni qo‘lga kiritdi. U 500 metr masofaga kechgan yakkalik dasturida marraga ikkinchi bo‘lib yetib keldi.
Shuningdek, kanoeda eshkak eshish bo‘yicha O‘zbekiston jamoasi a’zolari Vladlen Denisov hamda Nilufar Zokirova juftligi kumush medalni qo‘lga kiritdi.
Hozirgacha o‘tkazilgan musobaqalardan so‘ng, O‘zbekiston delegatsiyasi turnir jadvalida 4-o‘ringa ko‘tarilib oldi. Jami 34 ta medal qo‘lga kiritildi: 8 ta — oltin, 17 ta — kumush, 9 ta — bronza.
Aichi-Nagoya-2026 musobaqalarida medallar jamg‘arish bo‘yicha Xitoy peshqadamlik qilmoqda, Yaponiya — ikkinchi, Janubiy Koreya — uchinchi o‘rinda.
O‘zbekiston U-23 terma jamoasining Osiyo o‘yinlari yarim finalidagi raqibi ma’lum bo‘ldi.
Chorak finalda Yaponiya terma jamoasi KXDRni 1:0 hisobida mag‘lub etib, yarim finalga yo‘l oldi.
Shu tariqa, O‘zbekiston U-23 terma jamoasi final yo‘llanmasi uchun musobaqa mezboni Yaponiyaga qarshi maydonga tushadi.
Uchrashuv 30-sentyabr kuni Toshkent vaqti bilan soat 15:30 da “Nagai” stadionida boshlanadi.
Samarqandda o‘tayotgan 46-Butunjahon shaxmat olimpiadasining 10-turi O‘zbekistonning birinchi jamoasi uchun muvaffaqiyatli yakunlandi.
Nodirbek Abdusattorov, Javohir Sindarov, Nodirbek Yoqubboyev va Muhiddin Madaminov ishtirok etgan O‘zbekiston-1 jamoasi Armanistonni mag‘lub etdi.
Abdusattorov, Sindarov va Madaminov o‘z raqiblaridan ustun keldi. Shu tariqa, O‘zbekiston-1 jamoasi 18 ochko bilan musobaqada yetakchilikni saqlab qoldi.
O‘zbekiston-2 jamoasi Hindistonga imkoniyatni boy berdi. O‘zbekiston-3 esa Isroilga qarshi keskin bahsda kichik hisobda mag‘lub bo‘ldi.
Xotin-qizlar o‘rtasidagi 10-turda O‘zbekiston-1 jamoasi Peru vakillarini yirik hisobda mag‘lub etdi.
27-sentyabr kuni Olimpiadaning so‘nggi — 11-tur bahslari o‘tkaziladi. Uning yakunlariga ko‘ra, g‘olib va sovrindor jamoalar aniqlanadi.
