Sport
Superliga. «Neftchi»ni to‘xtatib bo‘lmayapti va Mirjalol Qosimovdan hayotiy o‘git
O‘zbekiston Superligasida 3-tur o‘yinlari o‘tkazildi. «Neftchi» yirik hisobdagi g‘alabalar seriyasini davom ettirdi. «Navbahor» bu asrda birinchi marta Toshkentda «Paxtakor»ni yengdi. «Dinamo» Samarqandda «Nasaf»ga qarshi o‘yinlarda 18 yildan beri davom etayotgan noxush an’anani buzolmadi. Mirjalol Qosimov OKMK klubining muvaffaqiyatsiz startini internetda darhol mashhur bo‘lib ketgan falsafiy jumlalar bilan izohladi.
10-12 mart kunlari futbol bo‘yicha O‘zbekiston Superligasida 3-tur o‘yinlari o‘tkazildi.
NeFTChI 3:0 ANDIJON
Gollar: Alisher Odilov, 42 (1:0), Jamshid Iskandarov, 50 (2:0), Anvarjon G‘ofurov, 56 (3:0)
Amaldagi chempion «Neftchi» g‘alabali qadamini davom ettirdi va bu safar «Andijon»ni yirik hisobda yengdi. Bosh murabbiy Islombek Ismoilov shogirdlari chempionat startida har bir o‘yinni 3:0 hisobida yakunlamoqda.
Samvel Babayan qo‘l ostidagi «Andijon» dastlabki g‘alabadan so‘ng, qatorasiga ikki marta yutqazdi. Bundan tashqari, Babayan murabbiy sifatida ilk marotaba «Neftchi»ga yutqazdi. Andijonliklar ustozi o‘yindan keyin hafsalasi pir bo‘lganini yashirmadi. «Bu mag‘lubiyat men uchun yanada alamli, chunki «Neftchi» tarkibida tarix yozayotgan ko‘plab futbolchilarni o‘zim tarbiyalaganman», dedi u.
PAXTAKOR 0:2 NAVBAHOR
Gollar: Katulondi Kati, 47 (0:1), Ruslanbek Jiyanov, 65 pen (0:2)
Toshkentdagi qorli maydonda «Paxtakor» va «Navbahor» to‘qnash keldi. Keskin kurashlarga boy o‘yin taqdirini ikkinchi bo‘limdagi gollar hal qildi va namanganliklar g‘alabani ilib ketdi. «Paxtakor» chempionat startidagi ikkita g‘alabadan keyin mag‘lubiyat alamini tatib ko‘rdi.
«Navbahor» bu asrda ilk marotaba «Paxtakor»ni Toshkentda yengdi. Namanganliklar bosh murabbiyi Temur Kapadze «Paxtakor»ni mag‘lub etish yoqimli ekanini ta’kidladi. «O‘yin bo‘yicha raqibdan kuchli edik, «Paxtakor»ga qarshi bahs – har bir klub uchun motivatsiya» deb qo‘shimcha qildi u.
«Paxtakor» ustozi Kamoliddin Tojiyev mag‘lubiyatdan hayron ekanini aytdi. «Yigitlarni tanimay qoldim. To‘g‘risini aytsam, nima yuz berganini tushunmadim», dedi u.
MASh’AL 0:2 QIZILQUM
Gollar: Jambuli Jigauri, 39 (0:1), Shohruz Norxonov, 90+1 (0:2)
«Mash’al» chempionatning autsayderiga aylandi. «Qizilqum»ga yutqazgan muborakliklar 3 ta mag‘lubiyat bilan jadval tubiga o‘rnashdi. Bundan tashqari, hali biror marta raqib darvozasini ishg‘ol etolmadi. «Qizilqum» esa ilk o‘yindagi mag‘lubiyatdan keyin qatorasiga ikki marta g‘alaba qozondi.
«Mash’al» bosh murabbiyi Igor Surov betobligi tufayli bu o‘yinda ishtirok etmadi. Uning o‘rnini egallagan Otabek Narzullayev jamoaning muvaffaqiyatsiz startini tayyorgarlik yaxshi bo‘lmagani bilan izohladi. «Qishki yig‘inni o‘zimizda o‘tkazdik, Turkiyaga bormadik, nazorat o‘yinlarini esa asosan Pro-Liga klublariga qarshi o‘tkazdik. Menimcha, bu ham o‘z ta’sirini ko‘rsatdi», dedi u.
BUXORO 1:1 XORAZM
Gollar: Vladimir Rodich, 36 (1:0), Azizjon Ahrorov, 49 (1:1)
Chempionatni kutilmagan ikkita g‘alaba bilan dadil boshlagan «Buxoro» bu turda qoqildi. Bosh murabbiy Aleksandr Xomyakov shogirdlari hisobni ochgan bo‘lsa-da, ikkinchi taym boshida gol o‘tkazib yubordi. Qolgan daqiqalarda «Xorazm» ishonchli harakat qilib, durangni ushlab qolishga erishdi.
LOKOMOTIV 0:0 QO‘QON-1912
Pro-Ligadan qaytgan «Lokomotiv» qatorasiga ikkita mag‘lubiyatdan so‘ng, kutilmaganda «Qo‘qon-1912» qarshiligini sindirolmadi. Temiryo‘lchilar 9 yildan buyon o‘z maydonida bunga erisholmayapti. Qo‘qonliklar ilk ochkosini qo‘lga kiritdi, ammo hamon jadval tubida bormoqda.
SURXON 0:0 BUNYoDKOR
Termizda o‘tgan bahsda har ikki jamoada yaxshi vaziyatlar bo‘ldi, ammo hisob ochilmadi. «Surxon» ilk ochkosini qo‘lga kiritdi.
«Bunyodkor» bosh murabbiyi Ilyos Zeytullayev moliyaviy qiyinchiliklarga shama qildi. «So‘nggi yangiliklardan keyin futbolchilarni ruhlantirish qiyin, biroq shunga qaramay, ular maydonga tushib, bor kuchini o‘yinga bag‘ishlamoqda. Futbolchilar to‘rt oydan beri maosh olmayapti, biz oilamizni boqishimiz kerak, deb murojaat qilmoqda. O‘ylaymanki, «Bunyodkor»dagi vaziyatga e’tibor qaratishadi», dedi u.
DINAMO 1:1 NASAF
Gollar: Anvarjon Hojimirzayev, 44 (1:0), Sharof Muhiddinov, 90+2 (1:1)
Samarqandda turning markaziy o‘yini bo‘lib o‘tdi. «Dinamo» birinchi bo‘lim oxirida hisobni ochdi, ammo g‘alabani ushlab qololmadi. So‘nggi daqiqalardagi gol «Nasaf»ni mag‘lubiyatdan asrab qoldi. «Dinamo» 18 yildan buyon o‘z maydonida «Nasaf»ni mag‘lub etolmayapti.
O‘yindan keyin «Dinamo» bosh murabbiyi Vadim Abramov futbolchilar 4 oydan beri maosh olmayotganini aytdi. «Nasaf» bosh murabbiyi Ro‘ziqul Berdiyev ham moliyaviy qiyinchiliklar borligini tan oldi, ammo Qashqadaryoning imkoniyatlari juda kengligi, viloyat rahbari futbolga umuman befarq emasligi, shu bois bu borada ko‘ngli to‘qligini ta’kidladi.
OKMK 2:2 SO‘G‘DIYoNA
Gollar: Lyupcho Doriyev, 45 (0:1), Siavash Haqnazariy, 54 (1:1), Abror Karimov, 74 (2:1), Otabek Jo‘raqo‘ziyev, 90+1 (2:2)
Kutilmaganda chempionatni ikki mag‘lubiyat bilan boshlagan va jadval tubiga tushib qolgan jamoalarning o‘yini qiziqarli kechdi. OKMK g‘alabaga yaqinroq edi, ammo o‘yin oxirida gol o‘tkazib yubordi va 3 ochkoni qo‘ldan chiqardi.
OKMK bosh murabbiyi Mirjalol Qosimov chempionat startidagi qiyinchiliklarga falsafiy yondashishini ma’lum qildi. «Biz ham qayerdadir xato qilgandirmiz, beayb – Parvardigor. Hammasiga sabr qilish kerak. Mashinada ketayotib, oldindagi «Damas» oynasidagi yozuvga ko‘shim tushib qoldi, lotinchada yozilgan ekan: «Bir gap bo‘lar, qaysi biriga siqilay». Xullas, shunaqa gaplar», dedi u.
3-tur o‘yinlaridan keyin Superliga jadvali
Superliga to‘purarlari
Futbol, Superliga
Bosh murabbiy Fabio Kannavaro Toshkent yig‘ini uchun kengaytirilgan tarkibni e’lon qildi.
O‘zbekiston milliy jamoasi 6−26-may kunlari Toshkentda o‘quv-mashg‘ulot yig‘inini o‘tkazadi. Bu JCh-2026 uchun tayyorgarlik bosqichi hisoblanadi.
Bosh murabbiy Fabio Kannavaro Toshkent yig‘ini uchun kengaytirilgan tarkibni e’lon qildi.
Yig‘in Milliy futbol markazida bo‘lib o‘tadi va uning doirasida jamoa Superliga klublariga qarshi yopiq nazorat o‘yinlarini o‘tkazishi rejalashtirilgan.
JCh-2026 11 iyundan 19 iyulgacha AQSh, Kanada va Meksikada bo‘lib o‘tadi. O‘zbekiston milliy jamoasi tarixda birinchi marta unda ishtirok etadi.
«Atletiko» javob o‘yinida londonliklarni hayron qoldira olmadi.
«Arsenal» – «Atletiko» 1:0
Gol: Saka, 45 (1:0)
«Arsenal»: Rayya, Saliba, Gabriel Magalyayns, Kalafori (Inkapiye, 58), Uayt, Rays, Lyuis-Skelli (Subimendi, 74), Eze (Edegor, 58), Trossar (Martinelli, 83), Saka (Madueke, 58), Yokeresh
«Atletiko»: Oblak, Gansko, Le Norman (Molina, 57), Rudjyeri, Pubil, Koke, Liorente, Lukman (Kardozo, 57), Simeone (Syorlot, 57), Grizmann (Baena, 66), Alvares (Almada, 66)
Ogohlantirishlar: Arrisabalaga, 90 – Pubil, 81. Koke, 90
Mavsum arafasida «Arsenal» yoki «Atletiko» Chempionlar ligasi yarimfinalida o‘ynashini deyarli hech kim tasavvur qila olmasdi. Ammo vaziyat shuni taqozo qildiki, ikki jamoa yarimfinalgacha yetib keldi va ulardan biri finalda o‘ynaydigan bo‘ldi. Madridda bo‘lib o‘tgan birinchi o‘yindagi durangdan keyin «Arsenal» favorit deb hisoblanayotgandi va amalda ham shunday bo‘lib chiqdi va Arteta shogirdlari bosh sovrin uchun kurashni davom ettiradigan bo‘ldi.
APLning o‘tgan turida «Fulhem»ga qarshi o‘yinda chap qanot himoyachisi Lyuis-Skelli yarimhimoyada tushirilishini ko‘pchilik «Atletiko»ga qarshi muhim o‘yin oldidan asosiy tarkib futbolchisi Martin Subimendiga dam berilgani bilan bog‘lagandi. Ammo yosh ingliz futbolchisi o‘sha o‘yinda shu qadar yorqin o‘yin ko‘rsatdiki, Arteta bu tajribani davom ettirishga qaror qildi. Shuningdek, jarohatidan tuzalib safga qaytgan Saka va Kalafiori yana boshlang‘ich tarkibdan o‘rin oldi.
Shuningdek, ko‘pchilik madridliklar himoyadan o‘ynashini taxmin qilgandi. Amalda esa har ikki jamoa ham ilk daqiqalardan yuqori chiziqda pressing uyushtirdi. Natijada londonliklar yarimhimoyachisi Rays ko‘pincha mezbonlar son jihatdan ustunlikka erishishi uchun orqaga qaytishiga to‘g‘ri keldi.
O‘yindagi ilk xavfli vaziyatlar ham mehmonlarda yuzaga keldi, ammo 8-daqiqada qarshi hujumda yuzaga kelgan vaziyatdan Alvares foydalana olmadi. Keyingi vaziyatda esa Juliano Grizmanning uzatmasini golga aylantira olmadi.
Birinchi bo‘limning ikkinchi yarmidan tashabbus mezbonlar qo‘liga o‘ta boshladi. Madridliklar esa to‘pni topshirishdi va ko‘pchilik bo‘lib himoyalanishga o‘tdi. O‘z-o‘zidan «Arsenal»da ham golli vaziyat yuzaga keldi. Avvaliga Lyuis-Skelli va Bukayo Saka xavfli zarbalar yo‘lladi.
Bo‘lim golsiz yakunlanishiga qarab ketayotganida esa mehmonlar darvozaboni Oblak yo‘q joydan muammo yaratdi. 45-daqiqada Uayt o‘ng qanotdan himoyachilar oralatib uzun uzatma berdi, to‘pga esa Yokeresh darvozabondan oldinroq yetib bordi va jarima maydoni markaziga uzatma oshirdi, u yerda turgan himoyachi to‘pni uzoqlashtira olmadi va to‘p Trossarga yetib bordi. Belgiyalik vinger esa raqiblar qurshovida turganiga qaramay kuchli zarba berdi, bu vaqtda o‘z joyiga qaytishga ulgurgan slovakiyalik posbon to‘pni to‘sdi, ammo qaytgan to‘pga birinchi bo‘lib Saka yetib keldi va aniq harakat qildi – 1:0.
Voqealarning bunday rivojidan keyin Simeone B rejaga o‘tdi. Tanaffusdan keyin «Atletiko» bosimni oshirdi. Vaziyatlardan birida Saliba to‘pni bosh bilan o‘z darvozaboniga yetkazishga urinib, noaniq harakat qildi va Juliano Simeoneda hisobni tenglashtirish uchun ajoyib imkoniyat yuzaga keldi. Murabbiyning o‘g‘li darvozabonni aldab o‘tdi, ammo Gabriel unga faol qarshilik ko‘rsatdi va aniq zarba berishiga yo‘l qo‘ymadi. Biroz o‘tib Rayya Grizmanning xavfli zarbasini qaytardi.
57-daqiqada mehmonlarda uchtalik almashtirish amalga oshirildi. Arteta ham bunga uchtalik almashtirish bilan javob qaytardi. U hali sport formasini to‘liq tiklashga ulgurmagan futbolchilari – Rikkardo Kalafiori va Sakani, shuningdek, asosiy ijodkor Eberechi Ezeni maydondan oldi. Eze o‘rniga Edegor tushirilishi maydon markazini egallash va himoya chizig‘iga bo‘layotgan yuklamani kamaytirishga qaratilgandi.
Shu bilan birga, «Arsenal» hujumkorlikni kamaytirmadi. 66-daqiqada Viktor Yokereshda o‘yin taqdirini hal qilib qo‘yish uchun juda yaxshi imkoniyat yuzaga keldi. Kalafiori o‘rniga chap qanotda tushgan Inkapiye ideal uzatma berdi, ammo shvetsiyalik hujumchi to‘pga bir teginishda aniq zarba berolmadi.
Natijada «Emireyts»da yig‘ilgan muxbirlar o‘yinni oxirgi daqiqalargacha hayajon ichida kuzatib o‘tirishga majbur bo‘lishdi.
Ikkinchi bo‘limda «Atletiko» to‘pga ko‘proq vaqt davomida egalik qildi va ko‘proq zarba berdi. O‘yin oxirlarida Aleksandr Syorlot juda qulay imkoniyatga ega bo‘ldi, ammo u qaysi oyog‘ida zarba berishni aniqlab ololmadi va vaziyatni qo‘ldan boy berdi.
Qolgan vaqt mobaynida «Atletiko»da boshqa vaziyatlar bo‘lmadi. Aniqrog‘i, mezbonlar boshqa imkon qoldirishmadi. «Arsenal» qo‘shimcha daqiqalarda to‘pni uzoqlashtirish bilan band bo‘ldi va raqib aut ijro etishiga ham xalaqit berdi, ammo o‘z maqsadiga erishdi.
«Arsenal» 20 yil o‘tib Chempionlar ligasi finaliga qaytdi va 30 may kuni Budapeshtda Yevropaning asosiy sovrini uchun maydonga tushadi. Finalda Arteta shogirdlarini «Bavariya» va «PSJ» juftligi g‘olibiga qarshi bahs kutadi.
Ular fransuz hujumchisining ketishini zarur o‘zgarishlarga bog‘lamoqda.
«Real» muxlislari petitsiyani yaratib, unda fransiyalik hujumchi Kilian Mbappening Madrid klubini tark etishini talab qilmoqda. Ushbu xabar yozilgan paytda uni qariyb 1,5 mln kishi imzolagan.
«Real» muxlislari, fikr bildiring! Agar o‘zgarishlar zarur deb hisoblasangiz, jim turmang – ushbu petitsiyani imzolang va klub va uning kelajagi uchun eng yaxshi deb hisoblagan narsangizni himoya qiling», deyiladi matnda.
Avvalroq jurnalist Fransua Gallardo Mbappening onasi Fayza Lamari «Real» prezidenti Florentino Peresga ultimatum qo‘yib, jamoadoshi Vinisius Juniorning ketishini talab qilmoqchi ekani haqida xabar bergan edi. Qayd etilishicha, Mbappe «Vinisius va klubning boshqa futbolchilari tomonidan o‘ziga xiyonat qilinganini his qilmoqda».
Fransuz futbolchisi 2024 yildan buyon «Real» safida to‘p tepyapti. Joriy mavsumda 27 yoshli Mbappe klub safida 41 ta o‘yinda 41 ta gol urdi.
«Real» bu mavsumda chempionlikni boy berish arafasida turibdi. Asosiy raqib «Barselona» keyingi 4 o‘yinda 2 ochko jamg‘arsa Ispaniya chempioni bo‘ladi. Shuningdek, madridliklar Ispaniya Kubogi va Chempionlar Ligasida ham muvaffaqiyatsiz ishtirok etdi.
11:38
«Siti» poygada qoqildi
Source link
«Neftchi» katta tanaffusga peshqadam sifatida, «Mash’al» yaqqol autsayder sifatida yo‘l oldi.
2-4 may kunlari futbol bo‘yicha O‘zbekiston Superligasida 11-tur o‘yinlari o‘tkazildi. Unda kutilmagan bir necha natijalar qayd etildi.
Peshqadam «Neftchi» safarda OKMK bilan golsiz durang qayd etdi. Ammo uni ta’qib qilayotgan «Paxtakor» ham kutilmaganda Termizda ochkolarni yo‘qotdi. «Nasaf» va «Navbahor» o‘yinida ham g‘olib aniqlanmadi. «Bunyodkor» esa kutilmaganda Qo‘qonda mag‘lubiyatga uchradi.
11-tur yakunlari bo‘yicha «Neftchi» peshqadamlikni saqlab qoldi, «Paxtakor» undan 2 ochko ortda qolyapti. Muborakning «Mash’al» klubi barcha o‘yinlarni yutqazgan holda yaqqol autsayder bo‘lib turibdi.
Superligada 16 iyulga qadar katta tanaffus e’lon qilindi. Bu milliy jamoaning Jahon chempionatidagi ishtiroki bilan bog‘liq. Shunday bo‘lsa-da, klublar O‘zbekiston Kubogi o‘yinlaridagi ishtirokini boshlaydi.
Superliga, 11-tur
2-4 may
OKMK 0:0 NeFTChI
SURXON 1:1 PAXTAKOR
Gollar: Sunnatulla Abdullajonov, 41 (1:0), Shahzod Azmiddinov, 90+1 (1:1)
NASAF 0:0 NAVBAHOR
QO‘QON 1912 1:0 BUNYoDKOR
Gol: Muhammadanas Hasanov, 36 (1:0)
Chetlatish: Jasurbek Yoqubov, 21 (Qo‘qon-1912), Nosirjon Abdusalomov, 49 (Bunyodkor)
BUXORO 2:1 SO‘G‘DIYoNA
Gollar: Timur Mamasidiqov, 13 (1:0), Sherzod Esanov, 57 (2:0), Jasur Jaloliddinov, 61 (2:1)
DINAMO 3:1 MASh’AL
Gollar: Azizbek Amonov, 12 pen (1:0), Roman Xadjiyev, 17 (1:1), Nurillo To‘xtasinov, 31 (2:1), Nurillo To‘xtasinov, 45+2 (3:1)
XORAZM 0:3 ANDIJON
Gollar: Aleksandre Andronikashvili, 15 (0:1) Humoyunmirzo Iminov, 20 (0:2), Dragan Cheran, 90+5 (0:3)
LOKOMOTIV 1:0 QIZILQUM
Gol: Temurxo‘ja Abduxoliqov, 62 pen (1:0)
Superliga jadvali
Qashqadaryoda baliqchi tabiatga yetkazgan zarar million dollarga baholandi
O‘zbekiston Jazoirga birinchi elchisini tayinladi
Prezident Mirziyoyev biznesni qoʻllab-quvvatlash uchun katta soliq islohotini koʻrib chiqmoqda
-
Dunyodan3 days ago
Sudya Terranovaning o’ldirilishi
-
Sport5 days ago
FIDE reytingi yangilandi: ikki o‘zbekistonlik «top-5»talikda!
-
Jamiyat4 days ago
O‘zbekistonning ikki qo‘shnisi bilan tutashgan chegarasida «Tinchlik parki» tashkil etilishi mumkin
-
Jamiyat4 days agoJinoiy guruh yetakchisidan 2,7 ming dollar olgan profilaktika inspektori ushlandi
-
Jamiyat4 days agoDiyetolog qarishning asosiy «dushmani»ni ma’lum qildi
-
Dunyodan5 days ago
Smartfonlar nutqni o’ldiradiganmi?
-
Iqtisodiyot3 days ago
qaysi modellar ko‘p ishlab chiqarilmoqda?
-
Dunyodan5 days ago
AQShning Eronga iqtisodiy bosimi: inqiroz davom etadimi?