Sport
Superliga. “Neftchi” yana yirik g‘alabaga erishdi, “Buxoro” mavsumdagi ilk mag‘lubiyatini qabul qildi
“Neftchi” bu gal raqib darvozasiga javobsiz to‘rtta gol kiritib, navbatdagi g‘alabasini qo‘lga kiritdi. “Surxon” “Buxoro”ga mavsumdagi ilk mag‘lubiyatini taqdim etdi.
2-4 aprel kunlari O‘zbekiston Superligasida 5-tur o‘yinlari bo‘lib o‘tdi.
SO‘G‘DIYoNA 2:2 QO‘QON-1912
Turning dastlabki o‘yinida “So‘g‘diyona” jamoasi “Qo‘qon-1912” klubini qabul qildi. “Do‘stlik” stadionida kechgan bellashuv 2:2 hisobidagi jangovar durang bilan yakunlandi. Feysal Mulich hamda Lyupcho Doriyevning gollariga mehmonlar tarkibida Shohruh Gadoyev va Shota Gvazava javob qaytardi.
BUNYoDKOR 2:0 LOKOMOTIV
Birinchi kunning ikkinchi o‘yinida “Bunyodkor” o‘z maydonida “Lokomotiv”ni qabul qildi.
Bellashuv maydon egalarining 2:0 hisobidagi g‘alabasi bilan nihoyasiga yetdi. Gollarga Boburbek Yo‘ldoshev hamda Marko Bugarin mualliflik qildi.
XORAZM 2:1 DINAMO
“Xorazm” jamoasi bu turda Samarqandning “Dinamo” klubini 2:1 hisobida mag‘lubiyatga uchratdi. Mezbonlar safida Azizbek Pirmuhammadov hisobni ochgan bo‘lsa, Ravshanbek Yagudinning avtogoli “Dinamo”ning mag‘lubiyatiga sabab bo‘ldi. Mehmonlarning javob golini Til Mavretich kiritdi.
NAVBAHOR 2:1 MASh’AL
Toshkentdagi “Olimpiya” stadionida kechgan “Navbahor” va “Mash’al” jamoalari o‘rtasidagi uchrashuv lochinlarning 2:1 hisobidagi g‘alabasi bilan nihoyasiga yetdi. Diyor Xolmatov hamda Muhammadali Usmonovning gollariga mehmonlar tarkibida Vlatko Stoyanovskiy bir bor javob qaytardi.
NASAF 1:0 ANDIJON
“Nasaf” jamoasi Samarqanddagi “Dinamo” stadionida “Andijon”ni qabul qilib, kichik hisobda g‘alaba qozondi. Uchrashuvdagi yagona golga Murodbek Rahmatov mualliflik qildi.
PAXTAKOR 3:1 OKMK
“Paxtakor” o‘z maydonida Olmaliqning OKMK klubi ustidan ishonchli g‘alabaga erishdi. Flamarion Jovino, Dostonbek Hamdamov hamda Muhammadqodir Hamraliyevning gollariga Aziz Xolurodov bir bor javob qaytardi.
QIZILQUM 0:4 NeFTChI
Turning eng yirik hisobi Navoiyda qayd etildi. Har bir turda uchtadan gol kiritib kelayotgan Farg‘onaning “Neftchi” jamoasi bu safar “Qizilqum” darvozasiga javobsiz to‘rtta to‘p kiritdi. Gollarga Zoran Marushich (2 ta), Alisher Odilov va Ikromjon Aliboyev mualliflik qildi.
SURXON 3:1 “BUXORO
“Buxoro”ning ushbu mavsumdagi mag‘lubiyatsiz seriyasiga “Surxon” chek qo‘ydi. Mezbonlar safida Sunnatulla Abdullajonov va Stefan Chinedu (2ta) gol mualliflariga aylangan bo‘lsa, Shahboz Jo‘rabekov mehmonlarning yagona javob golini kiritdi.
O‘zbekistonlik shaxmatchi Nomzodlar turniridagi peshqadamligini yanada mustahkamladi.
O‘zbekistonlik grossmeyster Javohir Sindorov 4 aprel kuni Nomzodlar turnirining 6-turida xitoylik Vey Ini mag‘lub etdi.
Jahon reytingida 7- o‘rinda turuvchi Vey I Javohirning oldingi raqiblari singari taslim bo‘lishga majbur bo‘ldi.
Shu tariqa o‘zbekistonlik shaxmatchi turnirdagi beshinchi g‘alabasiga erishdi. U 6 imkoniyatdan 5,5 ochko jamg‘argan holda peshqadamlikni yanada mustahkamladi.
🇨🇳 Wei Yi 0-1 Javokhir Sindarov 🇺🇿
♟️ Round 6, FIDE Candidates 2026#FIDECandidates #FIDE #Chess #Cyprus pic.twitter.com/r3BvQl8rbn
— International Chess Federation (@FIDE_chess) April 4, 2026
Sindorov 5-turda jahon reytingida ikkinchi o‘rinda borayotgan amerikalik Hikaru Nakamurani, 4-turda esa amerikalik yana bir shaxmatchi, jahon reytingida uchinchi o‘rinda turgan Fabian Karuanani taslim etgandi.
Endi Javohir Sindorov 5 aprel kuni 7-tur doirasida niderlandiyalik Anish Giriga qarshi dona suradi.
Kiprning Pafos shahrida 29 mart kuni boshlangan 2026 yilgi Nomzodlar turniri 15 aprelgacha davom etadi. Unda jahonning sakkiz nafar nomdor shaxmatchilari ishtirok etmoqda. Javohir Sindorov ushbu turnirga yo‘llanma olgan ilk o‘zbekistonlik hisoblanadi.
Turnirda shaxmatchilar ikki davrada jami 14 partiya o‘ynashadi, ya’ni oldinda yana 9 tur bor. G‘olib pul mukofotlaridan tashqari (g‘oliblik uchun 48 ming yevro beriladi, shuningdek, har bir ishtirokchi jamg‘argan har yarim ochkosi uchun 3500 yevrodan oladi) amaldagi jahon chempioni, hindistonlik Dommaradju Gukeshga qarshi shaxmat toji bahs olib borish huquqini qo‘lga kiritadi.
O‘zbekiston Superligasi 5-turidan o‘rin olgan “Bunyodkor” – “Lokomotiv” uchrashuvi yakunlangach, mikst-zona yaqinida ikki klub futbolchilari ishtirokida janjal kelib chiqdi. Unda klublardan ikki nafar vakil yengil tan jarohati olgan.
Milliy gvardiya vaziyatga yaqin ekanligidan kelib chiqib, mojaro tezda bartaraf etilgan. Ichki ishlar organlari tayanch punktida o‘tkazilgan surishtiruvda tomonlar bir-biriga nisbatan da’vosi yo‘qligini ma’lum qilgan.
“Mazkur holat Komissar tomonidan bayonlashtirilgan. Shundan kelib chiqib, Liga vaziyatni to‘liq o‘rganish maqsadida Assotsiatsiya qoshidagi Futbol faoliyatini nazorat qilish bo‘yicha maxsus inspeksiyaga rasmiy murojaat qildi. Ayni vaqtda inspeksiya mojaro ishtirokchilari bilan suhbat o‘tkazib, Bunyodkor stadionida ro‘y bergan holatni stadion kameralari tasvirlari, Komissar bildirgisi va albatta uchrashuv davomida ro‘y bergan kichik to‘qnashuv va epizodlar yordamida o‘rganmoqda. O‘rganish ishlari yakunlangach, inspeksiya holatning kelib chiqish sabablari va uning oqibatlari to‘liq bayonlashtirilgan materialni Ligaga taqdim etadi”, deyiladi O‘zbekiston PFL xabarida.
Qayd etilishicha, Liga tayyor materialni Tartib-intizom qo‘mitasiga oshiradi va mojaroning har qanday ishtirokchisi sportchilarga xos bo‘lmagan harakatlari uchun tegishli tartibda jazolanishini ta’minlaydi.
2 aprel kuni bo‘lib o‘tgan uchrashuvda “Bunyodkor” “Lokomotiv” ustidan 2:0 hisobida g‘alaba qozongandi.
“Manchester Siti” Angliya kubogi chorak finalida “Liverpul”ni yirik hisobda mag‘lubiyatga uchratdi. Uchrashuvda Erling Holand het-trikka erishdi.
Angliya kubogi chorak final doirasidagi “Manchester Siti” — “Liverpul” bahsi nihoyasiga yetdi.
Unda “Manchester Siti” yirik – 4:0 hisobida g‘alaba qozondi.
Foto: X / ManCity
Gollarga Erling Holand (39,45+2, 57) va Antuan Semenio (50) mualliflik qildi. O‘yinning 64-daqiqasida “Liverpul” hujumchisi Muhammad Saloh penaltini golga aylantira olmadi.
“Manchester Siti”ning o‘zbekistonlik himoyachisi Abduqodir Husanov bahsda to‘liq harakat qildi.
Avvalroq Husanov “Manchester Siti” bilan Angliya Liga kubogi sohibiga aylangandi.
U shuningdek, muxlislar orasida o‘tkazilgan so‘rovnomada «Manchester Siti»ning mart oyi yakunlari bo‘yicha eng yaxshi futbolchisi deb topildi.
O‘zbekistonlik shaxmatchi 4,5 ochko bilan turnir jadvalini boshqarishda davom etmoqda.
O‘zbekistonlik grossmeyster Javohir Sindarov 3 aprel kuni Nomzodlar turnirining 5-turida amerikalik Hikaru Nakamura ustidan ham g‘alabaga erishdi.
Jahon reytingida Magnus Karlsendan keyin ikkinchi o‘rinda turgan kuchli raqibga qarshi qora donalarda o‘ynaganiga qaramay, Sindorov bu safar ham debyutda muvaffaqiyatli yurishlar amalga oshirdi va raqibni qiyin ahvolga tushirib qo‘ydi. Nakamura 13-yurishini o‘ylash uchun 67 daqiqadan ko‘proq vaqt sarfladi va natijada Javohir vaqt bo‘yicha katta ustunlikka ega bo‘ldi.
Yakunda esa taslim amerikalik shaxmatchi taslim bo‘lishga majbur bo‘ldi.
🇺🇿 Javokhir Sindarov beats world #2 🇺🇸 Hikaru Nakamura in Round 5 of the FIDE Candidates 2026 to maintain at least a full point lead!#FIDECandidates #FIDE #Chess #Cyprus pic.twitter.com/qtOUZmMrPq
— International Chess Federation (@FIDE_chess) April 3, 2026
Bu o‘zbekistonlik shaxmatchi uchun turnirdagi to‘rtinchi g‘alaba (qatorasiga uchinchi) bo‘ldi. U endi 5 imkoniyatdan 4,5 ochko jamg‘argan holda peshqadamlikni davom ettirmoqda.
U Nomzodlar turniri tarixida startda bu qadar yuqori natija ko‘rsatgan ilk shaxmatchiga aylandi.
Qayd etish kerakki, Sindorov turnirning ikki asosiy favoritini mag‘lub etdi: oldingi turda amerikalik boshqa bir shaxmatchi, jahon reytingida uchinchi o‘rinda turgan Fabian Karuanani ham taslim qilgandi.
Bundan tashqari, Sindorov navbatdagi g‘alaba evaziga jahon reytingida ham qo‘shimcha ballarni qo‘lga kiritdi va beshinchi o‘ringa ko‘tarilib oldi. Ayni vaqtda jahonning eng kuchli besh shaxmatchisidan ikki nafari o‘zbekistonlik sportchilar bo‘lib turibdi.
Endi Sindorov 4 aprel kuni 6-tur doirasida xitoylik Vey Iga qarshi dona suradi.
Kiprning Pafos shahrida 29 mart kuni boshlangan 2026 yilgi Nomzodlar turniri 15 aprelgacha davom etadi. Unda jahonning sakkiz nafar nomdor shaxmatchilari ishtirok etmoqda. Javohir Sindorov ushbu turnirga yo‘llanma olgan ilk o‘zbekistonlik hisoblanadi.
Turnirda shaxmatchilar ikki davrada jami 14 partiya o‘ynashadi, ya’ni oldinda yana 9 tur bor. G‘olib pul mukofotlaridan tashqari (g‘oliblik uchun 48 ming yevro beriladi, shuningdek, har bir ishtirokchi jamg‘argan har yarim ochkosi uchun 3500 yevrodan oladi) amaldagi jahon chempioni, hindistonlik Dommaradju Gukeshga qarshi shaxmat toji bahs olib borish huquqini qo‘lga kiritadi.
Kia Uzbekistan mijozlari uchun yanvar oyida boshlangan va ikki oy davom etgan keng ko‘lamli tashabbus yakunlandi. Aksiya brend avtomobillarining yangi xaridorlari va servis xizmatlaridan foydalanuvchilarni birlashtirdi. G‘oliblar FIFA 2026™ Jahon chempionatida milliy terma jamoaning tarixiy o‘yinlariga guvoh bo‘ladi va uni stadiondan turib qo‘llab-quvvatlaydi.
Yangi mijozlar uchun 2026 yil 28 fevralgacha butun mamlakat bo‘ylab rasmiy dilerlik markazlarida yangi Kia avtomobilini xarid qilish kifoya edi va ular avtomat tarzda da’vogarga aylanishdi.
Amaldagi avtomobil egalari ikki variantdan birini tanlashi mumkin edi: Kia’ning rasmiy servis xizmat ko‘rsatish markazida rejali texnik xizmat ko‘rsatishdan o‘tish yoki osma tizimi, filtrlar, akkumulyator, isitish va konditsionerlash tizimi, elektron boshqaruv bloki, shinalar va boshqa uzellarni tekshirishni o‘z ichiga olgan maxsus servis xizmat ko‘rsatish paketini rasmiylashtirish. Har bir paket yoki TXK yutuqli o‘yinda ishtirok etish huquqini berardi.
15 mart kuni barcha yo‘llanma egalari aniqlandi: 6 nafar avtomobil xaridori va servis markazining 3 nafar mijozi. Omadli ishtirokchilar Instagram’dagi @kia__uzbekistan sahifasining jonli efirida futbol bo‘yicha milliy terma jamoa fan-klubi raisi Abdurahmon Fozilov tomonidan ishga tushirilgan randomayzer orqali aniqlandi.
Ularni bu yilgi asosiy sport tadbiri muhitiga to‘liq sho‘ng‘ish kutmoqda. Safar doirasida turnir o‘yinlari chiptalari, xalqaro aviaqatnovlar, ichki transferlar hamda AQSh va Meksikadagi mehmonxonalarda joylashish nazarda tutilgan.
Kompaniya avvalroq xabar berganidek, parallel ravishda bolalar tanlovi ham o‘tkazildi. Unda ishtirokchilar katta futbol haqidagi orzularini aks ettirgan videolarini taqdim etishdi. Eng ko‘p ball to‘plagan va hakamlar hay’atining eng yuqori bahosini olgan nukuslik 11 yoshli Jahongir Sodiqov (@djaha_ili_djoha) g‘olib deb topildi.
Tashabbus brendning mijozlar bilan aloqani mustahkamlash va avtomobil egaligidan tashqari yorqin taassurotlar yaratish strategiyasining bir qismiga aylandi.
Telefon: (+998) 55-500-83-33
Sayt | Facebook | Instagram | Telegram | YouTube
Reklama huquqi asosida
Hayvonlarga nisbatan shafqatsiz munosabat bo‘lganlarni 1 yilgacha qamash taklif qilinyapti
Busher atom elektr stansiyasi yana zarbaga uchradi. Bu mojaro boshlanganidan beri to‘rtinchi bor.
Sindorov bu safar xitoylik raqibini taslim etdi
-
Iqtisodiyot4 days ago
O‘zbekistonda qaysi xorijiy davlat IT kompaniyalari ko‘p?
-
Siyosat2 days agoOʻzbekiston yangi qonunchilik tashabbusi bilan yashil hududlarni 30% qamrab olishni maqsad qilgan
-
Dunyodan3 days ago
Isroil Fransiya bilan harbiy hamkorlikni tugatdi
-
Siyosat3 days agoO‘zbekiston Namanganga 5 milliard dollarlik xorijiy sarmoya kiritishni maqsad qilgan, bunda asosiy e’tibor IT va sanoatga qaratilgan
-
Iqtisodiyot5 days ago
Surxondaryoda 940 gektar maydonda issiqxonalar tashkil etiladi
-
Dunyodan5 days ago
AQShning Yaqin Sharqdagi ittifoqchilari urushni davom ettirishga chaqirmoqda
-
Jamiyat3 days agoJurnalist Karim Bahriyev vafot etdi
-
Jamiyat3 days agoChust tumanida korrupsion zanjir fosh etildi