Sport
Son ham, sifat ham yetarli. Legionerlar muhim o‘yinlarga qanday holatda yetib keldi?
Bugun O‘zbekiston milliy jamoasi o‘z tarixidagi eng muhim o‘yinlardan birida maydonga tushadi. BAA vakillariga qarshi o‘yindagi ijobiy natija (g‘alaba yoki durang) O‘zbekistonni shu kuniyoq rasman JCh-2026 ishtirokchilari safiga qo‘shishi mumkin.
Temur Kapadze navbatdagi o‘yinlarga jalb qilgan futbolchilar ma’lum va ularning faoliyati muntazam kuzatuvimiz ostida. Albatta, legionerlarning holati va ayni paytdagi o‘yin amaliyoti ham muhim ahamiyat kasb etadi. Tabiiyki, Superligada maydonga tushayotgan futbolchilardan ko‘nglimiz to‘q, zero agar yetarli sport formada bo‘lmasa murabbiy tomonidan jalb qilinmasligini ham bilamiz. Shuning uchun quyida asosan xorijda to‘p surayotgan futbolchilarimizning klubdagi faoliyatiga to‘xtalib o‘tilgan.
O‘tkir Yusupov («Fulad», Eron)
Darvozabon Eron chempionati peshqadamlaridan biri, ayni damda 4-o‘rinda borayotgan «Fulad» safida asosiy tarkibda tushishda davom etmoqda. Milliy jamoadagi so‘nggi yig‘inlardan so‘ng u klubida 6 uchrashuvda darvozani qo‘riqladi va 5 gol o‘tkazib yubordi. Yusupov o‘z sport formasini o‘yin amaliyoti bilan saqlab kelmoqda va kuzgi o‘yinlar qahramoni hal qiluvchi pallalarda ham o‘z vazifasini a’lo darajada bajaradi, deb umid qilamiz.
Eldor Shomurodov («Roma», Italiya)
Aytish mumkinki, so‘nggi yig‘inlardan keyingi davrni eng yaxshi o‘tkazgan futbolchimiz Eldor bo‘ldi. Mavsumning ikkinchi davrasida u «Roma»ning asosiy tarkib futbolchisiga aylanib oldi va bir qator muhim uchrashuvlarda hal qiluvchi rollarni ijro etdi. Jumladan «Verona» darvozasiga g‘alaba goli, «Yuventus»ga qarshi mag‘lubiyatdan qutqaruvchi golni urganini eslash mumkin. «Inter» va «Fiorentina» bilan o‘yinlarda aynan Shomurodov uzatgan paslar golga aylanib, 1:0 hisobidagi g‘alabalar qayd etildi.
Eldor 2024/25 yillar mavsumini 7 gol va 5 assist bilan yakunlab, Yevropa maydonlaridagi eng yaxshi natijasini yangiladi. Bundan oldin u «Roma»dagi ilk mavsumida (2021/22) 5 gol va 6 assist qilishga muvaffaq bo‘lgandi. Sardorimizning yaxshi sport formasi va kayfiyati muhim bahslarda hal qiluvchi ahamiyat kasb etsa ajab emas.
Abbosbek Fayzullayev (TsSKA, Rossiya)
Fayzullayev TsSKA safida muntazam o‘ynab kelmoqda – so‘nggi ikki oyda u 5 o‘yinda ilk daqiqalardan harakat qilgan bo‘lsa, 3 o‘yinda zaxiradan maydonga tushdi. Fayzullayev «Nijniy Novgorod» qarshi kechgan o‘yinning oxirgi 14 daqiqasida o‘ynagan bo‘lishiga qaramay, bir assistni o‘z hisobiga yozib qo‘ydi. Umuman olganda, Fayzullayev bu mavsum TsSKA tarkibida 39 o‘yinda qatnashib, 3 gol va 5 assist amalga oshirgan va armiyachilarning bronza medali uchun o‘z hissasini qo‘shdi.
Darvoqe, uch kun oldin TsSKA Rossiya kubogi finalida «Rostov»ni penaltilar seriyasida mag‘lub etgach, Fayzullayev Rossiyadagi o‘zining ilk sovrinini yutib oldi. Ushbu uchrashuvda hamyurtimiz 73-daqiqadan maydonda harakat qilgan. Moskvaliklar jamoasida 4 o‘yinni gol yoki assissiz o‘tkazgan Abbosbek o‘z gollarini BAA va Qatarga qarshi o‘yinlarga olib qo‘ygan, deb umid qilamiz.
Abduqodir Husanov («Manchester Siti», Angliya)
Husanov Erondagi uchrashuvdan so‘ng Manchesterga borgach, faqat bir o‘yinda maydonga tushdi. Jamoaning tanaffusdan keyingi ilk uchrashuvi Angliya kubogi doirasida «Bornmut»ga qarshi kechdi va tanaffusda almashtirildi. Shundan so‘ng bir qator o‘yinlarda Abduqodir uchrashuv qaydnomasidan joy olgan bo‘lsa-da, maydonga tushirilmadi. Bu mavzu haqida juda ko‘p yozildi, ortiqcha to‘xtalish shart emas, ammo shuni ta’kidlash kerakki, Pep Gvardiola jamoasida qaydnomadan o‘rin olish uchun ham katta raqobat bor, demak Husanov so‘nggi ikki oy o‘yin amaliyotisiz qolib ketgan bo‘lsa-da, BAAga qarshi o‘yin uchun yetarli darajada tayyorgarlikka ega bo‘lishi kerak.
Otabek Shukurov («Al Fayha», Saudiya Arabistoni)
Otabek Saudiya Arabistonining «Al Fayha» jamoasi safida muntazam ravishda asosiy tarkibda tushib kelmoqda. U deyarli barcha o‘yinlarda mutaxassislar tomonidan yuqori bahoga loyiq ko‘rilmoqda va e’tiborli tomoni, «Al Ittihod», «Al Shabob» va «Al Ahli» kabi kuchli jamoalarga qarshi mag‘lubiyatga uchralgan o‘yinlarda Otabek Shukurov jamoasi tarkibida eng ko‘p ball olgan futbolchi bo‘ldi. Shuningdek, «Al Ahdud»ga qarshi g‘alaba qozonilgan uchrashuvda (2:0) eng yaxshi futbolchilardan biri bo‘ldi – o‘sha o‘yinda uning paslari aniqligi 99 foizni tashkil etgan. BAA bilan to‘p nazorati va xotirjamlik muhim sanalishini e’tiborga olsak, tajribali futbolchining yaxshi formada ekani xursand qiladi.
Rustam Ashurmatov («Rubin», Rossiya)
Yana bir markaziy himoyachimiz o‘z klubida ko‘p vaqtni zaxirada o‘tkazishiga to‘g‘ri keldi. Rustam o‘tgan yil oxirida «Rubin»da deyarli asosiy tarkib o‘yinchisiga aylanib qolgandi, ammo bahorda hammasi o‘zgardi. 30 mart kuni «Zenit»ga qarshi bahsda Rashid Rahimov uni 63-daqiqada, «Rubin» maydonda o‘n kishi qolgach, maydonga tushirdi. Sababi, boshqa bir markaziy himoyachi Aleksey Gritsanenko qizil kartochka olgandi va jamoada bu pozitsiyani to‘ldirishga ehtiyoj paydo bo‘lgandi. Shundan so‘ng «Lokomotiv» va «Krilya Sovetov» jamoalariga qarshi o‘yinlarda Rustam faqat so‘nggi daqiqada tushirilgan bo‘lsa, so‘nggi turda «Orenburg»ga qarshi 18 daqiqa o‘ynash imkoniga ega bo‘ldi.
Oston O‘runov («Persepolis», Eron)
Oston jarohatlar sabab milliy jamoaning oxirgi 5 o‘yinini o‘tkazib yuborgandi. Uning to‘liq tiklanib safga qaytgani va «Persepolis» tarkibida gollar ura boshlagani yaxshi xabar. U may oyida avval «Xeybar» darvozasiga so‘nggi daqiqalarda gol urib jamoasiga g‘alaba olib kelgan bo‘lsa, keyingi turda «Xavodar» bilan o‘yinda ham hisobni ochdi. Bu gol ham yakunda jamoasining g‘alabasiga sabab bo‘ldi.
Ostonning xalqaro maydondagi tajribasi va hujumda nostandart harakatlar bilan raqiblarni shoshirib qo‘yish qobiliyati – oxirgi ikki o‘yinda ham bizga kerak bo‘ladi.
Hojimat Erkinov («Al Vahda», BAA)
BAA klubi «Al Vahda»da to‘p suradigan vakilimiz Hojimat Erkinov asosan zaxiradan maydonga tushib turibdi. So‘nggi 4 uchrashuvda unda o‘zini ko‘rsatish uchun 15-20 daqiqa bo‘lgan. Mavsumning birinchi yarmida u jamoasining asosiy o‘yinchilaridan biri bo‘lgan va ancha sermahsul (4 assist) harakat qilgandi. Mart oyidagi yig‘inlarda avval Kapadze uni tarkibga qo‘shmagach, futbolchida jarohat bo‘lishi mumkinligi haqida ham mish-mishlar tarqalgandi.
Erkinov Eronga qarshi o‘yinda kutilmaganda asosiy tarkibda paydo bo‘lib hisobni ochgandi. Kapadze qo‘lida o‘ziga xos «joker»ga aylangan Hojimat milliy jamoada klubdagi holatidan qat’i nazar o‘zini ko‘rsatishiga umid qilamiz.
Husniddin Aliqulov («Rizaspor», Turkiya)
Aliqulov so‘nggi turda «Beshiktosh»ga qarshi hisob 1:1 ekanida himoyani kuchaytirish uchun tushirildi, ammo u maydonga tushganidan keyin aksincha, «Rizaspor» g‘alaba golini urdi. Umuman olganda, Aliqulov jamoa tarkibida deyarli hamma o‘yinda asosiy tarkibda maydonga tushib kelmoqda – 6 o‘yin to‘liq, ikki marta zaxiradan tarkibga qo‘shilgan.
Jaloliddin Masharipov (Istiqlol, Eron)
Jaloliddin Masharipov ham mavsumni ko‘tarinki ruhda yakunlab, may oyi oxirida Eron kubogi sohibi bo‘ldi.
Jaloliddin shunday futbolchiki, klubdagi holati, qayerda, nima qilib yurganidan qat’i nazar milliy jamoada yetakchimizga aylanadi. Masharipov Eron chempionatida 4 o‘yinda asosiy tarkibda harakat qildi, ikki marta zaxiradan tushirildi. Oxirgi ikki uchrashuvda esa maydonga tushmadi. Lekin u milliy jamoaga kelgach, boshqa futbolchiga aylanadi.
Infantino bayonoti Meksika xavfsizlik kuchlarining «Yangi avlod Xalisko» karteli rahbariga qarshi operatsiyasi tufayli yuzaga kelgan zo‘ravonliklar fonida yangradi.
Xalqaro futbol federatsiyasi (FIFA) prezidenti Janni Infantino so‘nggi paytlarda mamlakatdagi xavfsizlik bilan bog‘liq muammolarga qaramay, Meksikaning 2026 yilgi Jahon chempionati o‘yinlarini muvaffaqiyatli o‘tkazish salohiyatiga to‘liq ishonishini aytdi.
Infantinoning ta’kidlashicha, Meksika prezidenti Klaudiya Sheynbaum bilan telefon orqali muloqotdan so‘ng, mezbon mamlakatga «to‘liq ishonch» bildirgan va rejalashtirilgan barcha o‘yinlar jadvalga muvofiq o‘tishini ta’kidlagan. Meksika AQSh va Kanada bilan birgalikda final turnirining 13 ta o‘yiniga mezbonlik qiladi.
FIFA rahbarining bayonoti Meksika xavfsizlik kuchlarining «Yangi avlod Xalisko» karteli rahbariga qarshi operatsiyasi tufayli yuzaga kelgan zo‘ravonlik fonida yangradi, bu esa bir qator mintaqalarda, jumladan, bo‘lajak chempionat stadionlari joylashgan shtatlarda to‘qnashuvlarga olib keldi.
Infantino vaziyat nazorat ostida ekanini ta’kidlab, Meksikadagi o‘yinlarni tashkil etish «muammosiz» o‘tishiga va tarixdagi eng keng ko‘lamli va inklyuziv jahon chempionatining bir qismi bo‘lishiga ishonch bildirdi.
Meksika rasmiylari, shuningdek, muxlislar, jamoalar va turnir mehmonlari xavfsizligini ta’minlash uchun barcha zarur choralarni ko‘rayotganiga ishontirdi.
Eslatib o‘tamiz, O‘zbekiston milliy jamoasi tarixda birinchi marta jahon chempionatida ishtirok etishga tayyorlanmoqda va o‘yinlardan birini 17 iyun kuni Meksika poytaxti Mexiko shahridagi «Atsteka» stadionida Kolumbiyaga qarshi o‘tkazishi kerak.
JCh-2026 o‘yinlari AQSh, Kanada va Meksika stadionlarida 11 iyun – 16 iyul kunlari bo‘lib o‘tadi.
Alonsoni bo‘shatish va o‘rniga Arbeloani olib kelish xato tanlov bo‘lib chiqdi. Madridliklar «Osasuna» ortidan «Xetafe»ga ham mag‘lub bo‘ldi. «Barselona» bilan oradagi farq oshmoqda.
«Real» – «Xetafe» 0:1
Gol: Satriano, 39 (0:1)
«Real»: Kurtua, Alaba (Karvahal, 55), Ryudiger, Karreras, Aleksandr-Arnold (Hausen, 55), Tshuameni (Dias, 87), Pitarch (Rodrigu, 55), Arda Guler (Mastantuono, 69), Vinisius Junior, Valverde, Garsiya
«Xetafe»: Soriya, Boseli, Duarte, Romero, Riko, Iglesias, Milya, Arambarri, Satriano (Abkar, 90+1), Kiko Femeniya (Liso, 58), Vaskes (Martin, 69)
Ogohlantirishlar: Hausen, 68. Tshuameni, 71. Vinisius Junior, 90. Karreras, 90 – Kiko Femeniya, 8. Arambarri, 35. Riko, 64. Liso, 79. Satriano, 84
Chetlatish: Mastantuono, 90. Liso, 90 (ikkinchi sariq)
Ispaniya Superkubogi uchun bahsda yutqazgan va Ispaniya kubogini erta tark etgan «Real» Ispaniya chempionatidagi vaziyatini ham og‘irlashtirdi – jamoa la liganing bu mavsumida ilk bor qatorasiga ikki o‘yinda yutqazdi. O‘tgan turda «Osasuna» maydonidan mag‘lub bo‘lgan Alvaro Arbeloa shogirdlari uyda «Xetafe»dan ham ochko ololmadi.
Jamoa to‘purari Kilian Mbappening tizzasidagi jarohat jiddiy bo‘lib chiqdi va u yana kamida bir oy jamoaga yordam bera olmaydi. Arbeloa uning o‘rniga hujum markazida Gonsalo Garsiyani o‘ynatmoqda. Shuningdek, Bellinghem va Kamavinganing jarohati klubning boshqa bir tarbiyalanuvchisi – 18 yoshli Tiyago Pitarchga asosiy tarkib uchun yo‘l ochdi.
«Real» ilk daqiqalardan to‘pga egalik qildi va pozitsion hujumlar uyushtirdi, «Xetafe» chuqur himoyalandi: mehmonlar o‘z uslubidan chekinmasdan, yakkakurashlarga e’tibor qaratdi, ko‘p fol ishlatdi va to‘pni shunchaki uzoqlashtirish bilan shug‘ullandi. Maydonda har bir to‘p uchun kurash kechdi. 26-daqiqada esa Antonio Ryudiger va Diyego Riko o‘rtasidagi epizod mezbonlar son jihatdan ozchilik bilan yakunlanishi mumkin edi: «Real» himoyachisi yerda yotgan raqibi ustiga o‘zini tashladi va ochiqchasiga tizzasi bilan uning jag‘ qismiga zarba berdi. Hakam vaziyatni e’tiborsiz qoldirdi.
39-daqiqada esa mehmonlar kutilmaganda hisobni ochishdi. Shu qishda «Lion»dan ijaraga olingan forvard Martin Satriano jarima maydoni atrofida to‘pga ega chiqdi va uni to‘xtatmasdan yaqin to‘qqizlikka yo‘lladi. Kurtua joyidan qimirlashga ulgurmadi.
Ikkinchi bo‘lim boshida Arbeloa uchtalik almashtirish amalga oshirdi: Pitarch, Alaba va Trent o‘rniga Rodrigo, Hausen va Karvahal tushirildi. Madridliklar ko‘plab golli vaziyatlar yaratishdi, ammo mehmonlar himoyachilari va darvozabon ishonchli harakat qildi. «Xetafe» to‘liq himoyalandi va minimal ustunlikni o‘yin oxirigacha saqlab qoldi.
O‘yinning so‘nggi qismida Arbeloa maydon chetida turib, o‘z futbolchilari asabini jilovlay olmasdan, energiya va vaqtini behuda sarflashini shunchaki kuzatib turdi. Bu daqiqalarda «Xetafe» maydonning raqib darvozasi joylashgan qismidan umuman ketmadi, chunki «Real» futbolchilari jarima maydoni atrofida ketma-ket fol ishlatishdi, mehmonlar esa bundan foydalanib, vaqt cho‘zishdi.
Murabbiy futbolchilariga provokatsiyaga berilmaslik haqida kerakli ko‘rsatmalarni bermadi va bu yakunda Mastantuono qizil olishi bilan yakunlandi. O‘yindan keyingi matbuot anjumanida esa murabbiy yana bir bor barcha aybni o‘z zimmasiga olish bilan cheklandi va amalda yanvarda Habi Alonso iste’foga chiqarilib, uning o‘rniga o‘zi tayinlangani xato qaror bo‘lganini tan oldi.
Bu mag‘lubiyat «Real»ning chempionlik poygasidagi imkoniyatlariga jiddiy zarba bo‘ldi. Madridliklar ikki tur oldin «Barselona»ni quvib o‘tib, birinchi o‘ringa chiqib olgandi, endi esa peshqadamdan to‘rt ochkoga ortda qolmoqda. La Liga oxirigacha yana 12 tur bor.
Chempionlar ligasida ham vaziyat yaxshi emas: jamoa guruh bosqichidan to‘g‘ridan to‘g‘ri pley-offga o‘ta olmadi va qo‘shimcha ikki o‘yin o‘tkazishiga to‘g‘ri keldi. Natijada pley-offda qiyinroq raqibga qarshi o‘ynashga to‘g‘ri keladi: qur’a yana bir bor «Manchester Siti»ni raqib qilgan.
Statistika
● «Real» La Ligada qatorasiga ikkinchi bor yutqazdi. Jamoa o‘tgan turda «Osasuna»dan mag‘lub bo‘lgandi.
● «Real» yil boshidan buyon ilk bor maydonni golsiz tark etdi. Natijada madridliklarning 18 o‘yindan iborat golli o‘yinlar seriyasi yakunlandi. Jamoa so‘nggi bor o‘tgan yil 7 dekabrida «Selta»ga qarshi o‘yinda gol urolmagandi (0:2).
● «Bernabeu»da 7 o‘yindan iborat g‘alabali seriya yakunlandi. «Real» dekabrda «Selta» va «Manchester Siti»ga qarshi mag‘lubiyatlardan keyin o‘z maydonidagi shuncha o‘yinda qatorasiga g‘alaba qozongandi.
● «Real» «Xetafe»ga qarshi so‘nggi 9 o‘yinda ilk bor ochko yo‘qotdi. Ushbu jamoaga qarshi g‘alabali seriya 2022 yildan buyon davom etayotgandi.
● «Xetafe» bosh murabbiyi Pepe Bordalas o‘z faoliyatida ilk bor «Real»ni mag‘lub etdi. U bunga 17-o‘yinda erishdi, bungacha u jamoasi boshqaruvida 14 o‘yinda yutqazib, 2 bor durang qayd etgandi.
Ispaniya va Argentina futbol federatsiyalari Yaqin Sharqdagi keskin vaziyat tufayli Finalissimani Qatardan boshqa davlatga ko‘chirish masalasini ko‘rib chiqmoqda.
Har ikki tomon ayni damda muqobil imkoniyatlarni baholamoqda va yaqin kunlarda rasmiy bayonot berishi kutilmoqda.
Ma’lumot uchun: Finalissima (Janubiy Amerika va Yevropa chempioni o‘rtasidagi o‘yin) 2026-yil 27-mart kuni Qatarning «Lusayl» stadionida o‘tkazilishi kerak edi. Ammo mintaqadagi xavfsizlik muammolari sabab uning o‘tkazilishi so‘roq ostida turibdi.
Qatar futbol assotsiatsiyasi mintaqadagi qurolli to‘qnashuvlar fonida barcha turnirlarni noma’lum muddatga to‘xtatgan. UEFA va KONMEBOL vaziyatni kuzatmoqda, ammo hozircha o‘yin rasman bekor qilinmagan.
Ispaniya chempionatining 26-turidan o‘rin olgan so‘nggi o‘yinda Madridning ikki jamoasi «Real» va «Xetafe» o‘rtasida qimmatli ochkolar kurash kechdi.
Arbeloa boshqaruvidagi «Real» o‘z maydonida to‘p surishiga qaramay, qatorasiga ikkinchi marta mag‘lubiyatga uchradi. O‘yin gollarga emas, ogohlantirish va chetlatishlarga boy bo‘ldi.
Shu tariqa «Real» 60 ochko bilan 2-o‘rinda qoldi, peshqadam «Barselona» (64 ochko) yanada ilgarilab ketdi.
«Xetafe» esa 32 ochko bilan 11-pog‘onaga ko‘tarildi.
La Liga. 26-tur
Real — Xetafe 0:1
Gol: Satriano (39).
Real: Kurtua, Trent (Karvaxal, 55), Ryudiger, Alaba (Heysen, 55), Karreras, Valverde, Chuameni (Dias, 87), Guler (Mastantuono, 69), Pitarch (Rodrigo, 55), Gonsalo, Viniius.
Xetafe: Soria, Iglesias, Dominges, Boselli, Romero, Riko, Femenia (Liso, 58), Milya, Arambarri, Satriano (Abkar, 90+1), Vaskes (Martin, 69).
Ogohlantirishlar: Femenia (8), Arambarri (35), Riko (64), Heysen (68), Chuameni (71), Liso (79), Satriano (84), Karreras (90+4), Vinisius (90+4).
Chetlatishlar: Mastantuono (90+5), Liso (90+7).
Isroil milliy dzyudo jamoasi xavfsizlik bo‘yicha ko‘rsatma ortidan Toshkentda o‘tayotgan xalqaro «Grand Slam» turnirida ishtirokni to‘xtatib, O‘zbekistonni zudlik bilan tark etdi.
Ma’lum qilinishicha, qaror Isroilning ichki xavfsizlik xizmati – «Shin Bet» tomonidan berilgan ko‘rsatma asosida qabul qilingan. Bu holat Eronga qarshi boshlangan «Operation Roaring Lion» amaliyotidan keyin mintaqada keskinlik kuchaygan bir paytga to‘g‘ri keldi.
Delegatsiya tarkibida Olimpiada kumush medali sovrindori Rats Xershko va milliy jamoa a’zosi Gili Sharir ham bor edi. Jamoa 2026 yilgi mavsumning ilk yirik startlaridan biri sanalgan Toshkent «Grand Slam» musobaqasida qatnashish uchun kelgandi.
Toshkent turniri yil boshidagi muhim reyting ochkolarini taqdim etuvchi nufuzli musobaqa hisoblanadi va xalqaro tajriba to‘plash imkonini beradi.
Ko‘rsatmaga muvofiq, sportchilar va Isroil dzyudo assotsiatsiyasi rahbari Moshe Ponte musobaqada ishtirokni darhol to‘xtatib, mamlakatni tark etishga chaqirilgan. Jamoa buyruqqa amal qilib, Markaziy Yevropadagi manziliga uchib ketgan.
Hozircha Isroil dzyudo assotsiatsiyasi rasmiy bayonot bermagan.
Ayollar va bolalarni tazyiq va zo‘ravonlikdan himoyalash yanada kuchaytiriladi
Ozarbayjon: Genotsid qurbonlari xotirasi abadiylashtiriladi
O‘zbekiston mudofaa qobiliyatini mustahkamlash masalalari muhokama qilindi
-
Dunyodan4 days ago
Prezident Tramp oʻzining eski “hiylasini” takrorladi
-
Siyosat5 days agoSaida Mirziyoyeva Toshkent transport tizimini modernizatsiya qilish boshlanganini maʼlum qildi
-
Jamiyat4 days ago10:10 “Hovlimizda doim bahor” – angrenlik qulupnaychi
-
Jamiyat4 days ago
55 metrli shokoladli poyezd Ginnesning rekordlar kitobiga kiritildi
-
Jamiyat4 days ago1200 dollarga “prava” olib berishni va’da qilgan shaxs ushlandi
-
Siyosat5 days ago2025-yilda O‘zbekistonga Hindiston sarmoyasi 135 foizga oshadi – Elchi
-
Iqtisodiyot2 days agoYanvarda tashqi savdo aylanmasi 1,3 mlrd dollarga oshdi
-
Siyosat5 days agoToshkentdan Termizga yangi tezyurar poyezd qatnaydi