Sport
«Siti» yana yutqazdi, «Real» 6 ta gol urdi. Kun o‘yinlari
«Inter»ni ham yenggan «Arsenal» 100 foizlik natija qayd etmoqda, «PSJ»da esa sensatsion mag‘lubiyat. Seshanba oqshomida YeChL guruh bosqichida o‘tkazilgan o‘yinlar va guruh jadvalidagi vaziyat.
«Siti» Norvegiyada «muzladi»
«Budyo-Glimt» – «Manchester Siti» 3:1
Gollar: Heg, 22 (1:0). Heg, 24 (2:0). Hauge, 58 (3:0). Sherki, 60 (3:1)
«Budyo-Glimt»: Xaykin, Bertuft, Gundersen, Berkan, Sevold, Berg, Fet (Myayattya, 82), Even (Euklenn, 76), Hauge, Blomberg (Saltnes, 76), Heg (Helmersen, 76)
«Manchester Siti»: Donnarumma, Husanov, Alleyn, Ayt Nuri, Lyuis, Rodri, O`Rayli, Reynders, Sherki, Foden (Marmush, 70), Holand
Ogohlantirishlar: Rodri, 61. Sherki, 90
Chetlatish: Rodri, 62 (ikkinchi sariq)
«Manchester Siti» kutilmaganda Norvegiyada «Budyo-Glimt»ga 1:3 hisobida yutqazdi va o‘yin davomida 0:3 hisobida ortda ham bordi. Gvardiola bu o‘yinga asosiy tarkibni tushirdi va hech narsa qila olmadi. Jamoa shunchalik yomon o‘ynadiki, tajribali va sovuqqon Rodrining ham asablari dosh bermadi – u ikkinchi bo‘lim boshidayoq maydonni tark etdi.
«Bude» 22-daqiqadayoq hisobda oldinga chiqib olgandi: to‘p maydon markazida egallandi – va vinger Ule Blomberg himoyachilar orasidan o‘tib ketdi. Husanov uni yelkasi bilan turtib yiqitgani ham hech narsani o‘zgartirmadi, u yana o‘rnidan turdi va olis ustun oldida ochilgan Kasper Hegni golli pas bilan ta’minladi.
Ikki daqiqa o‘tmasdan mehmonlar darvozasi yana bir bor ishg‘ol etildi. Bu vaziyatda 20 yoshli himoyachi Maks Alleyn golga sababchi bo‘ldi: u maydon markazida yo‘q joydan to‘pn oldirdi va qarshi hujumda Heg osonlik bilan darvozani ishg‘ol etdi.
«Siti» ikkinchi bo‘limda ham o‘ziga kela olmadi: avvaliga 52-daqiqada Xokon Even urgan gol ofsayd tufayli bekor qilindi. Ammo inglizlar baribir uchinchi goldan qocha olishmadi: olti daqiqa o‘tib «Milan»ning sobiq vingeri Yyens Heuge olis burchak tomon qaytarib bo‘lmas zarba yo‘lladi.
Biroz o‘tib Rayan Sherki javob golini urdi va o‘yinga intriga qaytgandek bo‘ldi. Ammo Rodri 53 soniya ichida ikki bor sariq kartochka olishi barchasini chippakka chiqardi. Ispaniyalik yarimhimoyachi ikki holatda ham «Bude»ning qarshi hujumini to‘xtatishga urinib, fol ishlatdi.
● «Siti» qatorasiga ikkinchi o‘yinda yutqazmoqda: jamoa «MYu»ga qarshi o‘yindagi mag‘lubiyatdan keyin hali o‘ziga kela olmagan. Umuman olganda, «shaharliklar»da inqiroz kuzatilmoqda: Pep shogirdlari barcha turnirlar doirasidagi so‘nggi yetti o‘yinda atigi ikki g‘alabaga erishga – Angliya kubogida «Ekseter»ga va Liga kubogida «Nyukasl»ga qarshi o‘yinlarda.
● «Siti» YeChLda so‘nggi sakkiz safar uchrashuvidan beshtasida yutqazdi. Umumiy guruh bosqichida hali barchasini tuzatish mumkin, ammo pley-offda safardagi mag‘lubiyatlar qimmatga tushishi tayin.
● Erling Holand qatorasiga to‘rtinchi o‘yindirki maydonni golsiz tark etmoqda. Ushbu forvard 2026 yil boshidan buyon atigi bir gol urdi – «Brayton»ga qarshi o‘yinda penaltidan urilgan gol faqat durang hisobni ta’minlagandi (1:1).
«Bude» bu g‘alaba evaziga pley-offga yo‘llanma beruvchi top-24 o‘rinlariga yaqinlashdi. Norvegiyaliklar pley-offga chiqish uchun so‘nggi turda «Atletiko» maydonida g‘alaba qozonishi va raqobatchilarning natijalariga qarashi kerak bo‘ladi.
«Siti» hozircha yettinchi o‘ringa tushdi, ammo chorshanba oqshomidagi o‘yinlardan keyin kuchli sakkizlikni tark etishi tayin.
«Real»da oson g‘alaba
«Real» – «Monako» 6:1
Gollar: Mbappe, 5 (1:0). Mbappe, 26 (2:0). Mastantuono, 51 (3:0). Kerer, 55 – avtogol (4:0). Vinisius Junior, 63 (5:0). Teze, 72 (5:1). Bellinghem, 80 (6:1)
«Real»: Kurtua, Raul Asensio (Sebalyos, 46), Hausen, Kamavinga (Karvahal, 76), Valverde (Meso, 83), Tshuameni, Bellinghem, Arda Guler (F. Garsiya, 76), Vinisius Junior, Mastantuono (G. Garsiya, 71), Mbappe
«Monako»: Ken, Dayyer, Kerer, Kayyu Enrike, Vanderson (Uttara, 61), Teze, Zakariyo (Bamba, 73), Fati (Kulibali, 61), Golovin (Mishal, 84), Akliush, Balogun (Ilenihenya, 73)
Ogohlantirishlar: Bellinghem, 44 – Zakariyo, 33
«Real» darhol oldinga tashlandi. Madridliklar o‘zlarini isbotlashi talab etilardi – muxlislar ularga shu o‘yin oldidan ham hushtakbozlik qilishdi.
5-daqiqadayoq Kilian Mbappe norozi muxlislarga javob qaytardi: Franko Mastantuono Federiko Valverdeni oldinga boshladi, urugvaylik yarimhimoyachi fransiyalik jamoadoshini zarbdor nuqtaga chiqardi. Kilian yoshlikdagi jamoasiga urgan golini xotirjamlik bilan nishonladi.
20 daqiqa o‘tib mehmonlar himoyadagi xato uchun ikkinchi bor jazolandi: yana Kilian darvoza burchagini aniq nishonga oldi, bu safar unga Vinisius assistentlik qildi. Umuman olganda, butun hujum chiroyli amalga oshirildi: Eduardo Kamavinganing tovondagi nozik harakati va Arda Gulerning pasi – top daraja.
«Monako» shundan keyingina oldinga o‘tib, javob hujumlarini uyushtira boshladi: lateral Jordan Tezening olis masofadan yo‘llagan zarbasi darvoza to‘sinini titartdi. Ammo bundan ortig‘iga jamoaning kuchi yetmadi. Ikkinchi bo‘limda «Real» to‘liq kuch bilan harakat qildi va hisobni yirik ko‘rinishga keltirdi: 51-daqiqada Vinisius Mastantuonoga ham golli uzatma berdi.
Yana besh daqiqa o‘tib braziliyalik vingerning sa’y-harakatlaridan keyin himoyachi Tilo Kerer o‘z jamoasi darvozasini ishg‘ol etib qo‘ydi.
63-daqiqada esa Vinisiusning o‘zi ham gol urdi: u raqib jarima maydoniga osonlik bilan yorib kirdi va to‘qqizlikka kuchli zarba yo‘lladi. Ammo Chempionlar ligasi joriy mavsumidagi birinchi golini nishonlamadi. U shunchaki Alvaro Arbeloaning oldiga kelib, uni quchoqlab qo‘ydi.
«Monako» o‘yin oxirida Tezening goli bilan javob qaytardi. Keyin esa Jud Bellinghem o‘yinga yakuniy nuqtani qo‘ydi.
6:1 – Arbeloaning YeChLda murabbiy sifatidagi debyuti a’lo darajada chiqdi.
● Vinisius – «Real»ning YeChL o‘yinlaridagi ikkinchi eng yaxshi assistentiga aylandi. Endi uning ushbu turnirdagi golli uzatmalari soni 29 taga yetdi – va Krishtianu Ronalduning natijasiga yana ikkita qoldi. Turnir tarixidagi eng yaxshi assistent maqomigacha esa yana 13 pas yetarli. 25 yoshli vinger shu ruhda davom etadigan bo‘lsa, bu dovonni ham zabt etishi tayin.
● Mbappe YeChLning yetti o‘yinida 11 gol urishga ulgurdi. Kilian – «Real»ning bir turnirda 10+ gol qayd etgan to‘rtinchi futbolchisi. Ronaldu yetti mavsumda shunday natija qayd etgan, Raul va Karim Benzema – bittadan.
● Mbappe Ronalduning YeChL guruh bosqichidagi gollar soni bo‘yicha rekordini (11 gol) takrorladi.
Bu g‘alabadan keyin «Real» ochkolari sonini 16 taga yetkazib, umumiy jadvalda ikkinchi o‘ringa ko‘tarildi. Jamoa bu bilan amalda 1/8 final yo‘llanmasini hal qildi.
Oxirgi turda madridliklar Joze Mourinio boshqaruvidagi «Benfika» mehmoni bo‘lishadi.
«Arsenal» yo‘qotishsiz davom etmoqda
«Inter» – «Arsenal» 1:3
Gollar: Gabriel Jyezus, 10 (0:1). Suchich, 18 (1:1). Gabriel Jyezus, 31 (1:2). Yokeresh, 84 (1:3)
«Inter»: Zommer, Acherbi, Bastoni, Akanji, Zelinski (Diuf, 82), Suchich, Barella (Frattezi, 63), Dimarko, Luis Enrike (Bonni, 82), Tyuram, Martines (Espozito, 63)
«Arsenal»: Rayya, Saliba, Moskera (Gabriel Magalyayns, 75), Lyuis-Skelli, Timber (Uayt, 64), Subimendi, Eze (Rays, 64), Merino, Trossar (Martinelli, 79), Saka, Gabriel Jyezus (Yokeresh, 75)
Ogohlantirishlar: Bastoni, 72. Acherbi, 82 – Merino, 72. Rays, 90
«Inter» va «Arsenal» so‘nggi vaqtlarda haddan tashqari yopiq va pragmatik futbol ko‘rsatishda ayblanadi, ammo ularning o‘zaro uchrashuvi turning markaziy to‘qnashuvi sifatida e’tiborga molik edi. Nima bo‘lganda ham bir tomonda Chempionlar ligasining o‘tgan mavsumi finalchisi hozirgi turnirda jadval peshqadamiga qarshi maydonga tushgandi. Qolaversa, ikki jamoa ham hozirda o‘z chempionatlarida birinchi o‘rinda bormoqda.
Arteta tig‘iz taqvimni hisobga olib, jiddiy rotatsiyaga qo‘l urdi. Milandagi o‘yinda londonliklarning asosiy tarkib futbolchilari – Gabriel, Rays, Yokeresh va Edegor zaxirada qoldirildi.
Lekin bu mehmonlarga ilk daqiqalardan hujumkor futbol namoyish etishga xalal bermadi. «Arsenal» futbolchilari dastlabki 40 soniya ichida mezbonlar darvozasiga ikki bor zarba berishga ulgurdi. Ketma-ket hujumlar 10-daqiqada mantiqiy gol bilan yakunlandi: anchadan buyon ilk bor boshlang‘ich tarkibda tushgan Jyezus Timberning uzatmasini golga aylantirdi.
Ammo mezbonlar ham darhol hisobni javob qaytarishdi: maydon markazida to‘p uchun kurashda Lautaro g‘olib chiqdi va tezkor qarshi hujum boshlab berdi. «Arsenal» himoyachilari Markus Tyuram va Nikolo Barellaning zarbalarini bloklashdi, ammo jarima maydoni tashqarisiga qaytib chiqqan to‘pga Petar Suchich yetib keldi va darvozani o‘qqa tutdi. Bu «Arsenal» YeChLning joriy mavsumida o‘tkazib yuborgan ikkinchi gol bo‘ldi.
13 daqiqa o‘tib Jyezus dublni rasmiylashtirdi. Burchak zarbasidan keyin 172-santimetrlik Leandro Trossar to‘pni boshi bilan darvozabon hududiga tashlab berdi, u yerda turgan 175-santimetrlik braziliyalik hujumchi boshda yo‘llagan zarbasi bilan darvoza to‘rini ishg‘ol etdi.
Birinchi bo‘limda ochiq futbol namoyish etgan jamoalar jami 19 zarba yo‘lladi va «Arsenal»ning zarbalari aniqroq chiqdi.
Tanaffusdan keyin Trossar ham o‘z nomini tabloga yozdirib qo‘yishi mumkin edi, ammo uning uzoq masofadan yo‘llagan zarbasi biroz xato ketdi. Keyin esa Lautaro Martines o‘rniga zaxiradan o‘yinga qo‘shilgan Franchesko Espozito ikki vaziyatdan foydalana olmadi.
84-daqiqada mehmonlar o‘yin masalasiga nuqta qo‘yishdi: Yokeresh qarshi hujumda o‘z imkoniyatidan foydalanib, darvoza to‘qqizligini aniq nishonga oldi.
● «Arsenal» yevrokuboklarda ilk bor qatorasiga yetti o‘yinda g‘alaba qozondi. 7 turda 7 g‘alabaga erishgan jamoa amalda guruh bosqichining 1-o‘rnini kafolatladi. «Qayrat»ga qarshi so‘nggi tur o‘yinida Arteta shogirdlariga mag‘lubiyat ham bu o‘rinni o‘zida saqlab qolishiga xalal bermasligi mumkin.
● Jamoalar o‘yin davomida jami 32 zarba yo‘llashdi, xG ko‘rsatkichi 1,33 ga qarshi 2,12 ko‘rinishini oldi.
● Jyezus «Arsenal»ning bu mavsumda burchak zarbalaridan keyingi 19-golini urdi – bu jami gollarning qariyb to‘rtdan birini tashkil etadi. «Kanonirlar» barcha turnirlar doirasida urgan jami gollar soni 80 tani tashkil etmoqda.
Portugaliya kompleksi
«Sporting» – «PSJ» 2:1
Gollar: Suares, 74 (1:0). Kvaratsxeliya, 79 (1:1). Suares, 90 (2:1)
«Sporting»: Ruy Silva, Mateus Reys, Gonsalu Inasiu, Mangash (Vayannidis, 63), Fresneda, Morita, Simoyes (Santos, 87), Trinkan (Kochorashvili, 90+6), Arauxo, Katamu (Bragansa, 87), Suares
«PSJ»: Shevale, Markinos, Pacho, Nunu Mendesh, Zair-Emeri, Ruis (Zabarniy, 80), Vitinya, Mayulu (Kvaratsxeliya, 66), Barkolya (Ramush, 71), Due, Dembele
Ogohlantirishlar: Mangash, 59. Suares, 90 – Kvaratsxeliya, 90
Kunning yana bir sensatsiyasi Portugaliyada kuzatildi. «Sporting» bu mavsumda o‘z stadionida yaxshi o‘ynamoqda. Lissabon klubi «PSJ» bilan o‘yinga qadar «Qayrat», «Marsel» va «Bryugge» kabi klublarga qarshi uchrashuvlarda uch g‘alabaga erishgandi.
Darajasi bu raqiblarga qaraganda ancha yuqori bo‘lgan parijliklar ikki gol urishdi, ammo hakamlar brigadasi Uorren Zair-Emeri va Usmon Dembelening gollarini qoidabuzarlik tufayli bekor qildi. O‘yinning hal qiluvchi voqealari esa ikkinchi bo‘limning ikkinchi qismida ro‘y berdi. Avvaliga Luis Suares mezbonlarni hisobda oldinga olib chiqdi, besh daqiqa o‘tib Xvicha Kvaratsxeliya muvozanatni tikladi. 90-daqiqada esa Lyuk Shevale Trinkauning zarbasini qaytardi, ammo to‘pga birinchi bo‘lib yetib kelgan Suares g‘alaba golini urdi. «PSJ» 2026 yilda ikkinchi bor yutqazdi. «Sporting» esa umumiy jadvalda ushbu raqibga ochkolar soni bo‘yicha yetib oldi.
Tomas Frank ishda qoldi
«Tottenhem» – «Borussiya» D 2:0
Gollar: Romero, 14 (1:0). Solanke, 37 (2:0)
«Tottenhem»: Vikario, Danso, Romero, Udodji, Porro, Grey, Bergvall (Bayfild, 62), Simons, Spens, Odober, Solanke (Kolo Muani, 70)
«Borussiya» D: Kobel, Shlotterbek, Bensebaini, Anton, Bellinghem, Nmecha (Chukvuemeka, 64), Svensson, Koutu (Bayyer, 76), Brandt (Ryuerson, 46), Adeyyemi (Silva, 64), Girassi (Emre Jan, 46)
Ogohlantirishlar: Grey, 86 – Ryuerson, 86
Chetlatish: Svensson, 24
«Tottenhem» – Dortmundning «Borussiya» klubi uchun ancha noqulay raqib. Nemislar klubi bungacha londonliklarga qarshi o‘yinlarda qatorasiga uch bor yutqazgandi. YeChL umumiy guruh bosqichi 7-turida esa to‘rtinchi mag‘lubiyat qayd etildi. Asosiy voqealar birinchi bo‘limda bo‘lib o‘tdi. Kristian Romero burchak zarbasidan keyin hisobni ochdi, 10 daqiqa o‘tib esa Daniel Svensson qizil kartochka olib, mehmonlarni qiyin ahvolda qoldirdi.
Bo‘lim oxirida Dominik Solanke turning eng g‘alati goliga mualliflik qilib, hisobdagi farqni oshirdi. «Tottenhem» hujumchisi bu vaziyata bir necha urinishdan keyingina to‘pga zarba bera olgandi. Yakunda «Tottenhem» g‘alabani saqlab qoldi va umumiy jadvalda «Manchester Siti» va «PSJ» kabi jamoalarni ortda qoldirib, 1/8 final bosqichiga to‘g‘ridan to‘g‘ri yo‘llanma uchun yaxshi imkoniyat saqlab qoldi. Tomas Frank esa hozircha ishdan bo‘shatilmaydi.
«Kopenhagen» – «Napoli» 1:1
Gollar: Maktominay, 39 (0:1). Larsson, 72 (1:1)
Aniq ijro etilmagan penalti: Larsson, 72’
«Kopenhagen»: Kotarski, Gabriel Pereyra, Sudzuki, Lopes, Meling (Garananga, 81), Madsen (Klasson, 81), Dileyni, Ashuri (Klem, 63), Al-Yunussi, Kornelius (Larsson, 63), Dadason (Xatzidiakos, 36)
«Napoli»: Milinkovich-Savich, Buondjorno, Juan Jyezus, Di Lorenso, Maktominay, Lobotka, Guterres (Ambrozino, 75), Spinatssola (Olivera, 63), Elmas (Lukka, 81), Vergara (Lang, 63), Hoylund
Ogohlantirishlar: Al-Yunussi, 42. Klem, 90 – Hoylund, 40. Di Lorenso, 82
Chetlatish: Dileyni, 35
«Qayrat» – «Bryugge» 1:4
Gollar: Stankovich, 32 (0:1). Vanaken, 38 (0:2). Verman, 74 (0:3). Mehele, 84 (0:4). Sadibekov, 90+2 (1:4)
«Qayrat»: Anarbekov, Martinovich, Sorokin, Luish Mata, Tapalov (Stanoyev, 79), Kasabulat (Abish, 79), Gleyzer (Sadibekov, 76), Jorjinio (Rikardinio, 75), Gromyko, Mrinskiy, Edmilson (Birkurmanov, 76)
«Bryugge»: Yakkers, Ordones, Mehele, Sabbe (Sike, 85), Vetlesen (Sandra, 64), Stankovich, Seys (Meyyer, 78), Borjyesh (Tresoldi, 78), Vanaken, Dyakon, Verman (Kempbell, 78)
Ogohlantirishlar: Sorokin, 80. Sadibekov, 90
«Olimpiakos» – «Bayyer» 2:0
Gollar: Koshtinya, 2 (1:0). Torimiy, 45+1 (2:0)
«Olimpiakos»: Tzolakis, Pirola (Byankon, 74), Retsos, Ortega, Koshtinya, Esse, Muzakitis (Dani Garsiya, 74), Shikinyu (Skipioni, 82), Martinsh (Onemayechi, 79), Rodiney, Taremi (El-Kaabi, 74)
«Bayyer»: Blasvix, Andrix, Bade, Kuansa, Fernandes, Garsiya, Grimaldo, Vaskes (Tillman, 58), Poku (Kalbret, 81), Maza (Artur, 70), Kofane (Shik, 70)
Ogohlantirishlar: Retsos, 5. Torimiy, 73 – Kofane, 29
«Vilyarreal» – «Ayaks» 1:2
Gollar: Oluvaseyi, 49 (1:0). Glux, 61 (1:1). Edvardsen, 90 (1:2)
«Vilyarreal»: Tenas, Marin, Veyga, Kardona, Mourinio, Komesanya, Partey (Parexo, 74), Moleyro (Byukenen, 46), Pepe (Moreno, 72), Oluvaseyi, Peres (Mikautadze, 72)
«Ayaks»: Yarosh, Bas, Bauman, Vayndal (Fits-Djim, 84), Goei, Reger (Itakura, 54), Mokio (Bunida, 71), Klassen, Gods, Glux (Edvardsen, 84), Dolberg (Ster, 71)
Ogohlantirishlar: Mourinio, 60. Parti, 71. Marin, 80 – Vayndal, 12. Bauman, 88
Umumiy guruh jadvalining birinchi qismidagi vaziyat:
Sport
O‘zbekiston terma jamoasi futbol bo‘yicha jahon chempionatida ishtirok etish uchun AQShga uchib ketdi (foto)
O‘zbekistonning futbol bo‘yicha milliy terma jamoasi FIFA jahon chempionatida ishtirok etish uchun AQShga uchib ketdi.
Eslatib o‘tamiz, 2026 yilgi jahon chempionati AQSh, Meksika va Kanada hududida o‘tkaziladi.
Kannavaro boshchiligidagi jamoa 1 iyun kuni Kanadaga qarshi o‘rtoqlik uchrashuvi o‘tkazadi, 8 iyunda esa Niderlandiya bilan bahs olib boradi.
«Oq bo‘rilar»ning jahon chempionatidagi ishtiroki esa Meksikadagi o‘yindan boshlanadi. Jamoa 18 iyun kuni Kolumbiyaga qarshi birinchi uchrashuvini Mexikodagi «Atsteka» stadionida o‘tkazadi.
23 iyun kuni jamoa Portugaliya terma jamoasiga qarshi maydonga tushadi. Bahs AQShning Xyuston shahridagi stadionida bo‘lib o‘tadi.
Guruh bosqichidagi so‘nggi o‘yin 28 iyun kuni Atlantadagi stadionda Kongo Demokratik Respublikasiga qarshi o‘tkaziladi.
Avvalroq, Kongo terma jamoasi Ebola virusi tarqalganligi sababli Belgiyada karantin muddatini o‘tab, keyin AQShga kelishi talab etilgan, aks holda jamoa jahon chempionatidan chetlatilishi mumkinligi ma’lum qilingandi.
APLda yakshanba kuni o‘tkazilgan so‘nggi tur o‘yinlaridan keyin qaysi jamoalar qaysi yevrokuboklarda ishtirok etishi va qaysi jamoalar chempionshipga tushib ketishi aniq bo‘ldi. Bundan tashqari, shu kuni «Siti» va «Liverpul» o‘z afsonalari bilan xayrlashdi.
«Arsenal» g‘alaba bilan yakunladi
«Kristal Pelas» – «Arsenal» 1:2
Gollar: Jyezus, 42 (0:1), Madueke, 48 (0:2), Mateta, 89 (1:2).
Muddatidan oldin chempion bo‘lib ulgurgan «Arsenal» natijasi o‘zi uchun hech qanday ahamiyatga ega bo‘lmagan o‘yinda ikkinchi tarkibni tushirib, g‘alaba qozondi. «Kristal Pelas» ham shu kuni aralash tarkibda o‘ynadi: jamoa uch kun o‘tib Konferensiyalar ligasi finalida «Rayo Valekano»ga qarshi o‘yin o‘tkazadi. O‘yinning 42-daqiqasida Gabriel Jyezus «Arsenal»ni hisobda oldinga olib chiqdi. Ikkinchi bo‘lim boshida Madueke burchak zarbasidan keyin ikkinchi golni urdi. Barcha o‘yin yakunini kutayotganida «Pelas» oldinga o‘tdi va 89-daqiqada Jan-Filipp Mateta hisobni qisqatirdi. O‘yinga qo‘shib berilgan daqiqalarda mezbonlar hisobni tenglashtirishgandi, ammo Pinoning goli Evann Gessandagi ofsayd tufayli bekor qilindi.
O‘yindan keyin esa chempionlar oltin medallarni va kubokni qabul qilib olishdi hamda 22 yil kutilgan chempionlikni yorqin nishonlashdi.
«Siti» «Bornmut»ni YeChLsiz qoldirdi
«Manchester Siti» – «Aston Villa» 1:2
Gollar: Semenyo, 23 (1:0). Uotkins, 47 (1:1). Uotkins, 61 (1:2)
«Manchester Siti»: Trafford, Ruben Diash, Stouns (Ayt Nuri, 77), Ake (Gvardiol, 77), Lyuis, Gonsales, Bernardu Silva (Kovachich, 59), Savio, Semenyo (Sherki, 58), Reynders (Doku, 77), Foden
«Aston Villa»: Bizot, Lindelyof (Pau Torres, 74), Mings, Matsen, Garsiya (Kesh, 46), Duglas Luis (Tilemans, 74), Bogard (Onana, 74), Barkli (Makginn, 86), Buendiya, Beyli, Uotkins
Ogohlantirish: Lyuis, 82
«Liverpul» – «Brentford» 1:1
Gollar: Jons, 58 (1:0). Shade, 64 (1:1)
«Liverpul»: Alisson, van Deyk, Konate (Gomes, 89), Roberson (Kerkez, 83), Jons, Makallister, Gravenberh (Nioni, 83), Soboslai, Ngumoha (Virs, 73), Saloh (Frimpong, 74), Gakpo
«Brentford»: Kelleher, van der Berg, Kollinz, Lyuis-Potter (Nelson, 89), Kayode, Henderson (Hiki, 60), Yanelt, Yyensen (Damsgor, 83), Shade, Uattara, Tiago
Ogohlantirishlar: Konate, 79. Makallister, 90 – Yanelt, 90. Kollinz, 90
Manchesterning ko‘k tomoni va Liverpulning qizil tomoni afsonalarini kuzatishdi. Xosep Gvardiola, Bernardu Silva, Jon Stounz, Endi Roberson va Muhammad Saloh endi «Siti» va «Liverpul» liboslarida boshqa o‘ynashmaydi. Lekin har ikki jamoa ham xayrlashuv uchrashuvlarini g‘alaba bilan yakunlay olishmadi.
«Manchester Siti» «Aston Villa»ga qarshi o‘yinda dastlab Semenyoning goli orqali hisobni ochganiga qaramay, ikkinchi bo‘limda Uotkinsning o‘zidan ikkita gol o‘tkazib yubordi. O‘yin oxirlarida Fodenning hisobni tenglashtiruvchi goli inobatga olinmadi va «shaharliklar» mavsumni mag‘lubiyat bilan yakunlaydigan bo‘lishdi. Shu bilan birga, jamoa bu orqali o‘zini chempionlik poygasidan chiqarib yuborgan «Bornmut»dan o‘ziga xos tarzda qasos olishdi. «Aston Villa»ning g‘alabasi Andoni Iraola shogirdlarini YeChL yo‘llanmasidan mahrum etdi.
«Liverpul» esa uyda «Brentford» bilan durang (1:1) o‘ynadi va keyingi mavsum YeChLda ishtirok etadigan bo‘ldi. O‘yinning birinchi bo‘limida hisob ochilmadi, ikkinchi bo‘lim boshida esa shu kuni klub safida so‘nggi o‘yinini o‘tkazayotgan Muhammad Saloh Jonsga assistentlik qilib, yana bir klub rekordini o‘rnatdi – u APL o‘yinlaridagi golli paslari sonini 93 taga yetkazib, bu borada Stiven Jyerrardning natijasini yaxshiladi. Mezbonlar g‘alabani saqlab qola olishmadi: Kevin Shade biroz o‘tib hisobni tenglashtirdi, qolgan daqiqalarda mersisaydliklar sobiq darvozaboni Kelleherga boshqa gol ura olishmadi.
O‘yin oxirlarida Saloh va Roberson «Enfild»da yig‘ilgan muxlislarning olqishlari ostida zaxiraga olindi.
Fernandeshda rekord
«Brayton» – «Manchester Yunayted» 0:3
Gollar: Dorgu, 33 (0:1). Mbemo, 44 (0:2). Brunu Fernandesh, 48 (0:3)
«Brayton»: Verbryuggen, Dank, van Hekke, Ferdi Kadio‘g‘li, Viffer, Milner (Baleba, 59), Gros, Hinshelvud (Ryutter, 74), De Keyper (Minte, 46), Gomes (March, 59), Uelbek (Kostulas, 59)
«Manchester Yunayted»: Lammens, Maguayr, Martines, Shou (Malasia, 82), Mazraviy (Yoro, 74), Maunt (Fletcher, 74), Maynu, Brunu Fernandesh, Dorgu (Leysi, 62), Diallo, Mbemo (Zirkze, 74)
Ogohlantirishlar: Maynu, 45
«MYu» allaqachon uchinchi o‘rinni kafolatlagandi va «Brayton»ga qarshi o‘yin oldidan jamoa uchun bitta intriga bor edi – jamoa sardori Brunu Fernandesh APL tarixidagi eng yaxshi assistentga aylanadimi? Va bu maqsadga erishildi: portugaliyalik yarimhimoyachi birinchi bo‘limdayoq Dorguning goliga uzatma berdi va bu mavsumdagi golli uzatmalari sonini 21 taga yetkazib, APL rekordchisiga aylandi. U ikkinchi bo‘limda o‘z nomiga ham gol yozdirib qo‘yib, Angliya chempionatidagi golli harakatlar soni (143) bo‘yicha Devid Bekhemni ortda qoldirdi. Shu ritmda davom etadigan bo‘lsa, Brunu keyingi mavsumda Pol Skoulzni (162) ortda qoldirib, uchinchi o‘ringa ko‘tarilishi ham mumkin. Ammo unga Ueyn Runi (276) va Rayan Giggzga (271) yaqinlashib olish uchun ham ko‘p yillar kerak bo‘ladi.
«Brayton» esa bu mag‘lubiyatdan keyin turnir jadvalida «Sanderlend»ni oldinga o‘tkazib yubordi va keyingi mavsumda Yevropa Ligasida emas, Konferensiyalar ligasida qatnashadigan bo‘ldi.
«Chelsi» 10-o‘rinda
«Sanderlend» – «Chelsi» 2:1
Gollar: Hyum, 25 (1:0). Gyusto, 50 – avtogol (2:0). Palmer, 56 (2:1)
«Sanderlend»: Rufs, O`Nayyen, Mukiyele, Mandava, Gertreyda, Sadiki, Jaka, Le Fe (Rigg, 90), Angulo (Diarra, 61), Hyum, Brobbi (Izidor, 61)
«Chelsi»: Sanches, Kolvill, Xato (Jyeyms, 53), Fofana, Fernandes, Kaysedo (Achimpong, 85), Kukurelya, Gyusto (Delap, 85), Palmer, Pedru Netu (Chaloba, 65), Joao Pedro
Ogohlantirishlar: Angulo, 42. Gertreyda, 52. Jaka, 73. Diarra, 81. Sadiki, 89 – Fofana, 54. Fernandes, 69. Joao Pedro, 90. Palmer, 90
Chetlatish: Fofana, 62 (ikkinchi sariq)
Shu kuni yevrokuboklar yo‘llanmasini qo‘lga kiritgan yana bir baxtiyor jamoa – chempionshipdan chiqqan «Sanderlend» bo‘ldi. «Qora mushuklar» o‘zaro bahsda «Chelsi»ni mag‘lub etgan holda, o‘z tarixidagi eng yaxshi natijani qayd etdi va yettinchi o‘rin bilan Yevropa ligasida qatnashadigan bo‘ldi.
O‘tgan mavsumda Konferensiyalar ligasida va klublar o‘rtasidagi jahon chempionatida g‘olib bo‘lgan londonliklar esa bu mavsumni APLda 10-o‘rin bilan yakunlab, keyingi mavsumda hech qaysi yevrokubokda qatnashmaydigan bo‘ldi. Bu bir tomondan yozda jamoani qabul qilib oladigan Habi Alonso uchun ayni muddao. U«Stemford Brij»da o‘z o‘yinini qurish uchun ideal sharoitga ega bo‘ladi.
«Tottenhem» APLda qoldi
«Tottenhem Hotspur» – «Everton» 1:0
Gol: Palinya, 43 (1:0)
«Tottenhem Hotspur»: Kinski, Danso, van de Ven, Udodji (Dregushin, 90), Porro, Palinya, Bentankur (Meddison, 82), Gallaher (Grey, 82), Tel (Sarr, 73), Spens, Risharlison (Kolo Muani, 73)
«Everton»: Pikford, Kin, Tarkovski, Mikolenko, O`Brayyen (Armstrong, 62), Garner, Iroegbunam (Koulman, 84), Ndiay, Dyusberi-Holl (Alkaras, 84), Rel (Jorj, 62), Barri (Betu, 84)
Ogohlantirishlar: Sarr, 80. Palinya, 87 – O`Brayyen, 13. Tarkovski, 89
«Vest Hem» – «Lids» 3:0
Gollar: Kastelyanos, 67 (1:0). Bouen, 79 (2:0). Uilson, 90 (3:0)
«Vest Hem»: Hermansen, Disasi, Mavropanos, Diuf, Uoker-Piters, Fernandesh, Souchek, Pablo (Uilson, 46), Sammervill, Bouen, Kastelyanos (Kante, 88)
«Lids»: Darlou, Biyol (Jyeyms, 70), Streyk, Rodon, Ampadu, Aaronson (Bornau, 90), Tanaka (Buonanotte, 78), Jastin, Bogl (Piru, 78), Kalvert-Lyuin (Nionto, 69), Nmecha
Ogohlantirishlar: Biyol, 10. Aaronson, 25. Ampadu, 88
Bir yil muqaddam ham chempionatni muvaffaqiyatsiz o‘tkazgan «Tottenhem» Yevropa Ligasida g‘olib chiqqan va YeChLga yo‘llanma olgandi. Bu safar so‘nggi turda Joau Palinyaning yagona goli «shporlar» joniga ora kirdi. Roberto De Dzerbi qatorasiga ikkinchi mavsumda turnir jadvalida 17-o‘rinni egalladi va ligada jon saqlab qoldi. «Vest Hem» esa so‘nggi turda «Lids» ustidan yirik hisobda g‘alaba qozonganiga qaramay, «Byornli» va «Vulverhempton» bilan birga chempionshipga tushib ketdi. «Bolg‘achilar» 39 ochko jamg‘arishdi, bu esa so‘nggi 15 yillikda 18-o‘rin egalari uchun maksimal ko‘rsatkichdir. Oxirgi bor bu qadar ko‘p ochko jamg‘arib ham ligani tark etgan jamoalar «Birminghem» va «Blekpul» bo‘lgandi.
Yakuniy turnir jadvali
Sport
O‘zbekiston milliy terma jamoasining jahon chempionatida ishtirok etuvchi tarkibi e’lon qilindi
Milliy terma jamoa 26 may kuni AQShga yo‘l oladi.
Futbol bo‘yicha O‘zbekiston milliy terma jamoasi bosh murabbiyi Fabio Kannavaro Jahon chempionatida ishtirok etuvchi 30 nafardan iborat futbolchilarning ro‘yxatini e’lon qildi.
Tarkib quyidagicha ko‘rinish oldi:
Darvozabonlar: O‘tkir Yusupov (“Navbahor”), Botirali Ergashev (“Neftchi”), Abduvohid Ne’matov (“Nasaf”).
Himoyachilar: Avazbek O‘lmasaliyev (OKMK), Jahongir O‘rozov (“Dinamo”), Rustam Ashurmatov (“Istiqlol”, Eron), Umar Eshmurodov (“Nasaf”), Abduqodir Husanov (“Manchester Siti”, Angliya), Abdulla Abdullayev (“Dibba”, BAA), Farruh Sayfiyev (“Neftchi”), Hojiakbar Alijonov (“Paxtakor”), Sherzod Nasrullayev (“Paxtakor”), Behruz Karimov (“Surxon”)
Yarim himoyachilar: Sherzod Esanov (“Buxoro”), Odil Hamrobekov (“Traktor”, Eron), Akmal Mozgovoy (“Paxtakor”), Otabek Shukurov (“Baniyas”, BAA), Jamshid Iskanderov (“Neftchi”), Jasur Jaloliddinov (“So‘g‘diyona”), Aziz G‘aniyev (“Al Batayeh”, BAA), Umarali Rahmonaliyev (Sabah, Ozarbayjon)
Hujumchilar: Abbos Fayzullayev (“Istanbul Boshoqshehir”, Turkiya), Jaloliddin Masharipov (“Istiqlol”, Eron), Doston Hamdamov (“Paxtakor”), Oston O‘runov (“Persepolis”, Eron), Ruslan Jiyanov (“Navbahor”), Aziz Amonov (“Dinamo”), Sherzod Temirov (“Erbil”, Iroq), Igor Sergeyev (“Persepolis”, Eron), Eldor Shomurodov (“Istanbul Boshoqshehir”, Turkiya)
Jamoamiz 26 may kuni tongda Toshkent – Nyu-York yo‘nalishi bo‘yicha Amerika Qo‘shma Shtatlariga yo‘l oladi.
O‘zbekiston milliy terma jamoasi 26 may kuni qaysi tarkib bilan AQShga yo‘l olishi ma’lum bo‘ldi. Bu haqda Championat.asia xabar berdi.
Tarkib quyidagicha ko‘rinish oldi:
Darvozabonlar: O‘tkir Yusupov (“Navbahor”), Botirali Ergashev (“Neftchi”), Abduvohid Ne’matov (“Nasaf”).
Himoyachilar: Avazbek O‘lmasaliyev (OKMK), Jahongir O‘rozov (“Dinamo”), Rustam Ashurmatov (“Istiqlol”, Eron), Umar Eshmurodov (“Nasaf”), Abduqodir Husanov (“Manchester Siti”, Angliya), Abdulla Abdullayev (“Dibba”, BAA), Farruh Sayfiyev (“Neftchi”), Hojiakbar Alijonov (“Paxtakor”), Sherzod Nasrullayev (“Paxtakor”), Behruz Karimov (“Surxon”)
Yarim himoyachilar: Sherzod Esanov (“Buxoro”), Odil Hamrobekov (“Traktor”, Eron), Akmal Mozgovoy (“Paxtakor”), Otabek Shukurov (“Baniyas”, BAA), Jamshid Iskanderov (“Neftchi”), Jasur Jaloliddinov (“So‘g‘diyona”), Aziz G‘aniyev (“Al Batayeh”, BAA), Umarali Rahmonaliyev (Sabah, Ozarbayjon)
Hujumchilar: Abbos Fayzullayev (“Istanbul Bashakshehir”, Turkiya), Jaloliddin Masharipov (“Istiqlol”, Eron), Doston Hamdamov (“Paxtakor”), Oston O‘runov (“Persepolis”, Eron), Ruslan Jiyanov (“Navbahor”), Aziz Amonov (“Dinamo”), Sherzod Temirov (“Erbil”, Iroq), Igor Sergeyev (“Persepolis”, Eron), Eldor Shomurodov (“Istanbul Bashakshehir”, Turkiya)
Yig‘inda qatnashgan quyidagi futbolchilar AQShga bormaydi: Vladimir Nazarov, Muhammadrasul Abdumajidov, Diyor Ortiqboyev, Quvondiq Ro‘ziyev, Nodir Abdurazzoqov, Alisher Odilov, Sardor Bahromov, Husayn Norchayev, Muhammadqodir Hamraliyev.
Oldinroq O‘FA Ibrohimhalil Yo‘ldoshevning jarohati sababli JChga bora olmasligini ma’lum qilgandi.
12 raund davom etgan jang yakuniga ko‘ra, britaniyalik Jyek Katterol hakamlarning yakdil qarori bilan g‘olib deb topildi.
O‘zbekistonlik bokschi Shahram G‘iyosov yarim o‘rta vaznda (66,7 kg) WBA Regular kamari uchun jang o‘tkazdi.
U Misrning Giza shahridagi Pyramids of Giza arenasida britaniyalik Jyek Katterolga qarshi ringga chiqdi. Jang 12 raund davom etdi va Jyek Katterol hakamlarning yakdil qarori bilan g‘olib deb topildi.
Bu Shahram G‘iyosovning professional boksdagi ilk mag‘lubiyati bo‘ldi. U bunga qadar 17ta jang o‘tkazib, ularning barchasida g‘alaba qozongan va 10ta jangda raqiblarini nokautga uchratgandi.
Uning raqibi esa bugunga qadar 34ta jang o‘tkazgan bo‘lib, 32 g‘alabaga erishgan, 2ta jangda mag‘lub bo‘lgan, 14ta jangni nokaut bilan yakunlagan.
Shahram G‘iyosovning so‘nggi jangi 2025 yil 12 aprel kuni bo‘lib o‘tgandi. O‘shanda o‘zbekistonlik bokschi argentinalik Franko Okamponi 4-raundda nokautga uchratgandi.
Endi ko‘p kvartirali uylarga xizmat ko‘rsatish uchun majburiy badal naqd pulda olinmaydi
O‘zbekiston terma jamoasi futbol bo‘yicha jahon chempionatida ishtirok etish uchun AQShga uchib ketdi (foto)
O‘zbekistonga Qozog‘iston nefti yetkazib berilishi mumkin
-
Siyosat5 days agoBirlashgan Millatlar Tashkiloti Bosh Assambleyasi Markaziy Osiyodagi chegaralarni tinch yoʻl bilan tartibga solish boʻyicha rezolyutsiyani qabul qildi
-
Siyosat4 days ago
Shavkat Mirziyoyev YeXHT bosh kotibini qabul qildi
-
Jamiyat4 days ago
Kontent markazida «Yurt qayg‘usida 365 kun» nomli kitob taqdimoti bo‘lib o‘tdi
-
Dunyodan2 days agoPrezident Trampning Gʻazo boʻyicha 15 banddan iborat rejasi eʼlon qilindi
-
Mahalliy3 days ago
Yoshlar umrini sotgan jinoyatchilar qo‘lga olindi
-
Iqtisodiyot4 days ago
O‘zbekistonda IPO investorlari huquqini himoya qilish bo‘yicha qonun ishlab chiqilmoqda
-
Iqtisodiyot3 days ago
O‘zbekistonda har 100 ta uyga nechta kompyuter to‘g‘ri kelishi ma’lum bo‘ldi
-
Iqtisodiyot4 days agoXitoy O‘zbekistondan 10 turdagi quritilgan sabzavotlarni olib kirishga ruxsat berdi