Sport
«Siti» Liga kubogi finaliga yaqinlashdi
Husanov «Nyukasl»ga qarshi o‘yinning eng yaxshi futbolchilaridan biri bo‘ldi.
Angliya Liga kubogi. Yarimfinal
«Nyukasl» – «Manchester Siti» 0:2
Gollar: Semenyo 53, Sherki 90+9
«Nyukasl»: Poup, Holl, Botman, Miley, Remsi (Tonali, 69), Tiau, Vissa (Voltemade, 69), Gordon (Elanga, 69), Merfi (Barns, 45+2), Gimaraes, Joelinton
«Manchester Siti»: Trafford, Nunes (Lyuis, 62), Abduqodir Husanov, Alleyn, Ake, O’Rayli (Rodri, 61), Semenyo, Doku (Sherki, 77), Foden (Reynders, 62), Silva, Holand.
Ogohlantirishlar: Joelinton 31, Gimaraes 76 – O’Rayli 31, Nunes 39, Silva 73, Lyuis, 83
Angliya ligasi kubogida to‘rt ishtirokchi qolgan. Bu bosqichda ikkitadan o‘yin o‘tkaziladi – jamoalar uyda va safarda o‘ynaydi. 13 yanvar oqshomida «Sent-Jyeyms Park» o‘yingohida «Nyukasl» va «Manchester Siti» o‘rtasida yarimfinalning birinchi uchrashuvi bo‘lib o‘tdi.
Mezbonlar o‘yinni faollik bilan boshladi va oltinchi daqiqadayoq qulay imkoniyatga ega bo‘lishdi. Yoan Vissa mehmonlar darvozaboni Jyeyms Trafford bilan yakkama-yakka vaziyatga chiqib bordi, ammo yaxshi pozitsiyadan zarba berganiga qaramay, to‘pni darvoza to‘sini yuqorisidan o‘tkazib yubordi.
Umuman olganda, birinchi bo‘limning katta qismini jamoalar ehtiyotkorlik bilan o‘tkazishdi. Bo‘lim oxirida «Nyukasl» jarohat tufayli Jyeykob Myorfidan ayrildi. Uning o‘rniga maydonga Harvi Barns tushirildi. Tanaffusdan keyin ham Eddi Hau shogirdlari ikkita juda yaxshi vaziyatga ega bo‘lishdi. Avvaliga Trafford ajoyib reaksiya ko‘rsatdi va Vissaning boshda yo‘llagan zarbasidan keyin to‘sin ostidan kirib ketayotgan to‘pni to‘xtatdi. Biroz o‘tib esa Bruno Gimaraynsning zarbasidan keyin to‘p darvoza ustuniga bordi.
Javob hujumida esa «Siti» hisobni ochdi. Jyeremi Doku chap qanotda reyd uyushtirib, to‘pni markazga oshirdi, Bernardu Silva esa bir teginishda uni olis ustun tomon yo‘naltirdi, u yerda paydo bo‘lgan Antuan Semenyo osonlik bilan darvozani ishg‘ol etdi – 1:0. «Manchester Siti»ning yangi futbolchisi qatorasiga ikki o‘yinda o‘z hisobiga gol yozib qo‘ymoqda. Yanvarning dastlabki haftasida «Bornmut»dan transfer qilingan ushbu futbolchi bir necha kun oldin Angliya Kubogi doirasida «Ekseter Siti»ga qarshi o‘yinda (10:1) debyut qilib, bir gol va bir golli uzatma muallifiga aylangandi.
Keyinroq Semenyo ikkinchi bor «Nyukasl» darvozasini ishg‘ol etdi. Bu safar ganalik hujumchining akrobatik zarbasidan urilgan gol bekor qilindi. Hakamlar epizodni uzoq tekshirishdi va yakunda to‘p yo‘lida turib qolgan Erling Holandda ofsayd holatini qayd etishdi.
Shundan keyin «Nyukasl»da navbatdagi yaxshi vaziyat yuzaga keldi. Ammo Sandro Tonalining zarbasiga aniqlik yetishmadi. O‘yin oxirida esa Rayan Sherkining zarbasidan keyin Nik Poup qahramonlik ko‘rsatdi. «Manchester Siti» futbolchisining o‘tkir burchakdan yo‘llagan zarbasi rikoshet orqali golga aylanishi mumkin edi. Ammo «Nyukasl» darvozaboni oyoqlari bilan to‘pga ulgurdi.
Arbitr o‘yinning asosiy vaqtiga to‘qqiz daqiqa qo‘shib berdi. «Nyukasl» hisobni tenglashtirishi mumkin edi, ammo Nik Voltemade qanotdan oshirilgan to‘pni darvoza to‘riga yo‘llay olmadi. Mezbonlar o‘z vaziyatlarini yo‘qqa chiqardi, «Siti» esa yana bir bor raqibni jazoladi. Bu safar Rayan Ayt-Nuri qanotdan Sherkini to‘p bilan ta’minladi, u esa to‘pga bir teginishda Poupni dog‘da qoldirdi.
«Siti» safarda g‘alabaga erishdi va Angliya liga kubogi finaliga yaqinlashdi. Javob o‘yini fevralda «Etihad»da bo‘lib o‘tadi. Yarimfinalning ikkinchi juftligini tashkil etgan «Arsenal» va «Chelsi» o‘rtasidagi birinchi o‘yin esa 14 yanvar oqshomiga belgilangan.
Tarkibdagi jarohatlar tufayli (Gvardiol va Ruben Diash) asosiy tarkibga qaytgan Abduqodir Husanov esa Pep Gvardiolaning ishonchini oqlamoqda. U «Nyukasl»ga qarshi o‘yinda eng yuqori baholangan futbolchi bo‘ldi.
Xalqaro shaxmat federatsiyasi (FIDE) Prezident kengashi rossiyalik shaxmatchilarni Butunjahon shaxmat Olimpiadasida ishtirok etishiga ruxsat bermadi. Bu haqda Rossiya shaxmat federatsiyasi ijrochi direktori Aleksandr Tkachyov TASS agentligiga ma’lum qildi.
«Jahon shaxmat Olimpiadasida terma jamoalarimiz qatnashmaydi. Kengash ushbu qarorni FIDE prezidenti vazifasini bajaruvchi janob Vishvanatan Anandning tashabbusi bilan qabul qildi», — dedi Tkachyov.
Butunjahon shaxmat Olimpiadasi 16–27 sentyabr kunlari Samarqand shahrida bo‘lib o‘tadi.
2025 yilning dekabrida Xalqaro shaxmat federatsiyasi Bosh assambleyasi rossiyalik sportchilarga nisbatan cheklovlarni to‘liq va qisman bekor qilish uchun ovoz bergan edi. Rossiyalik shaxmatchilarning qaytishiga 61 delegat ovoz bergan, 51 delegat qarshi chiqqan.
Biroq 2026 yil yanvarda Buyuk Britaniya, Germaniya, Norvegiya, Estoniya va Ukraina shaxmat federatsiyalari FIDEning rossiyalik shaxmatchilarga nisbatan sanksiyalarni to‘liq bekor qilish haqidagi qaroriga e’tiroz bildirish niyatida ekani xabar qilindi. Shundan so‘ng, 2026 yil iyun oyida sanksiyalar qayta joriy etildi.
Avvalroq mazkur Olimpiadani Magnus Karlsen va yana bir qator shaxmat yulduzlari ham o‘tkazib yuborishi ma’lum bo‘lgandi.
Krishtianu Ronaldu joriy mavsum nihoyasida professional futboldagi faoliyatiga yakun yasashi mumkin. Bu haqda u Vogue jurnaliga intervyusida ma’lum qildi.
«Ehtimol, bu futboldagi so‘nggi yilim bo‘lishi mumkin, o‘zimdan ulkan meros qoldirishni istayman», — dedi Ronaldu.
Besh karra «Oltin to‘p» egasi ta’kidlashicha, bo‘sh vaqtini hordiq va sayohatlarga ajratmoqchi.
Krishtianu Ronaldu professional futbolga kirib kelganiga 25 yil bo‘ldi. Birinchi katta o‘yinini 2002-yil 14-avgustda Lissabonning «Sporting» klubi safida Milanning «Inter»iga qarshi o‘tkazgan.
Londonning «Arsenal» klubi o‘z tarixida 18-marta Angliya superkubogini qo‘lga kiritdi. Jamoa Kardiffda «Manchester Siti»ni 3:0 hisobida mag‘lub etdi.
O‘yinning 23-soniyasida Rikkardo Kalafiori hisobni ochdi. One Football nashrining ma’lumotlariga ko‘ra, bu 1968 yildan beri superkubok o‘yinining birinchi daqiqasida urilgan birinchi va kubok tarixidagi eng tezkor gol bo‘ldi.
London jamoasi safida yana Kay Xaverts (28) va Martin Edegor (48) gol urishdi.
O‘tgan mavsumda «Arsenal» Premer ligada g‘olib bo‘lgan bo‘lsa, manchesterliklar Angliya kubogini qo‘lga kiritdi.
«Shaharliklar» safida Abduqodir Husanov to‘liq harakat qildi.
Portugaliyalik hujumchi Krishtianu Ronaldu otasi vafot etgan argentinalik futbolchi Lionel Messini qo‘llab-quvvatladi. U Messining Instagram sahifasidagi posti ostida izoh qoldirdi.
«Bu qiyin damlarda siz va yaqinlaringizni mahkam quchgan holda chuqur hamdardlik bildiraman, Leo. Bardoshli bo‘ling», deb yozgan Ronaldu.
Avval Messi «Inter Mayami»dagi o‘yinchilik faoliyatini to‘xtatgani e’lon qilingan edi. U oilasi va do‘stlarini qo‘llab-quvvatlash uchun Argentinada qoldi.
Xorxe Messi 8-avgust kuni 68 yoshida vafot etdi. U uzoq davom etgan og‘ir kasallikdan so‘ng olamdan o‘tdi. Ko‘p yillar davomida argentinalik futbolchining otasi o‘z o‘g‘lining faoliyatida muhim o‘rin tutardi.
Amazon asoschisi Jeff Bezos professional sportga sarmoya kiritish niyatida. The Guardian nashrining xabar berishicha, tadbirkor boshqa investorlar bilan birgalikda Angliyaning «Liverpul» futbol klubining kamida 30 foiz ulushini sotib olishni ko‘rib chiqmoqda. Kelishuv 1,35 milliard funt sterling yoki taxminan 1,8 milliard dollarga teng bo‘lishi mumkin.
«Liverpul» taxminan 6 milliard dollarga baholanadi va dunyodagi eng taniqli sport brendlaridan biri bo‘lib qolmoqda. Bezosning qiziqishi kengroq tendensiyaga mos keladi: badavlat amerikalik investorlar Angliya futbol klublarida faol ravishda ulushlarni sotib olmoqdalar. Amerikalik aksiyadorlar allaqachon «Chelsi», «Kristal Pelas», «Everton» va «Bornmut» kabi 20 ta Premer-liga jamoalaridan 13 tasiga egalik qilishadi.
Agar kelishuv amalga oshsa, Bezos ingliz futboliga faol ravishda sarmoya kiriyotgan amerikalik milliarderlar safiga qo‘shiladi.
Investorlar uchun ingliz futbolining jozibadorligi qisman sportning Qo‘shma Shtatlarda tobora ommalashib borayotgani bilan bog‘liq. Shu bilan birga, yetakchi Amerika sport franshizalari ko‘pincha yangi investorlar uchun juda qimmat yoki cheklangan, ingliz klubidagi ulush esa global auditoriyaga va eng tijorat jihatidan jozibador sport bozorlaridan biriga kirish imkonini beradi.
Oziq-ovqat ishlab chiqarishda qaysi hududlar yetakchi?
Prezident ishtirokida umumiy qiymati 50 trln so‘mlik loyihalar ishga tushirildi
«Milliy manfaatlarni himoya qilish dunyodan yopilish degani emas» — Sherzod Asadov
-
Siyosat4 days ago
O‘zbekiston va Ozarbayjon o‘rtasida Abadiy do‘stlik shartnomasi imzolandi
-
Siyosat4 days ago
Shavkat Mirziyoyev «Haydar Aliyev» ordeni bilan taqdirlandi
-
Siyosat4 days ago
To‘qayev prezidentlikka qayta nomzod qo‘yishi haqidagi savolga javob berdi
-
Siyosat4 days ago
Илҳом Алиев Тошкентда тантанали кутиб олинди
-
Siyosat3 days ago
Ўзбекистон ва Озарбайжон раҳбарлари Бухоронинг машҳур обидаларини зиёрат қилдилар (фото)
-
Iqtisodiyot5 days ago
O‘zbekistonda kiyim ishlab chiqarish bo‘yicha qaysi hududlar yetakchi?
-
Siyosat2 days ago
«Milliy manfaatlarni himoya qilish dunyodan yopilish degani emas» — Sherzod Asadov
-
Siyosat3 days ago
Shavkat Mirziyoyev AQSh kongressmenlari delegatsiyasini qabul qildi