Sport
«Siti» derbida taslim etildi, muxlislar Vinini yig‘latishdi
Bu turda «Arsenal» va «Liverpul» ham ochko yo‘qotdi, Abduqodir Husanov navbatdagi kuchli o‘yinini o‘tkazdi, ammo jamoasi yutqazdi. Madridda esa «Real» futbolchilari va Peres hushtakbozlikka uchradi.
«Manchester Yunayted» – «Manchester Siti» 2:0
Gollar: Mbeumo, 65 (1:0). Dorgu, 76 (2:0)
«Manchester Yunayted»: Lammens, Maguayr, Martines, Shou (Heven, 90+1), Dalot, Kazemiro (Ugarte, 81), Maynu, Brunu Fernandesh (Maunt, 90+1), Dorgu, Diallo, Mbemo (Kunya, 71)
«Manchester Siti»: Donnarumma, Husanov, Alleyn (O`Rayli, 46), Ake, Lyuis, Rodri, Bernardu Silva (Ayt Nuri, 80), Foden (Sherki, 46), Doku (Reynders, 80), Semenio, Holand (Mukasa, 80)
Ogohlantirishlar: Dalot, 11. Shou, 17 – Rodri, 45. O`Rayli, 48. Lyuis, 75
«Old Trafford»dagi o‘yinda mezbonlar ilk daqiqalardanoq raqib jarima maydonini shturm qilishga kirishdi. Uchinchi daqiqadayoq Maguayrning zarbasidan keyin to‘p to‘singa tegdi. Bo‘limning qolgan qismida ham favoritlar emas, maydon egalari katta ustunlikka ega bo‘lishdi.
Birinchi bo‘limning o‘zida ikki vaziyatda «Siti» futbolchilarining o‘ta qo‘pol xatolari golga olib kelishi mumkin edi. Avvaliga himoyada majburan o‘ynatilayotgan yosh Alleynning darvozabon tomon uzatmasi o‘ta kuchsiz chiqdi va to‘pni raqib egallab olishiga bir baxya qoldi, ammo Donnarumma to‘pga yetib kelishga va uzoqlashtirishga ulgurdi. Keyin esa tajribali Rodri o‘z jarima maydonida turib ortga pas berishda xato qildi, bu safar Husanov qutqardi. «MYu» futbolchilari ikki bor darvozani ishg‘ol qilishdi ham, ammo bu gollar kichik ofsayd holatlari tufayli bekor qilindi. Dorguning zarbasidan keyin esa Donnarumma yaxshi harakat qildi.
Boshqa tomondan, Dalotning qo‘polligi mezbonlarga qimmatga tushishi ham mumkin edi. «MYu» himoyachisi butsasining ostki qismi bilan Dokuning oyog‘iga zarba berdi, ammo hakam kontakt kuchsiz bo‘lganini inobatga olib, qizil kartochka ko‘rsatmadi.
Gvardiola tanaffusdayoq almashtirishlar amalga oshirdi. Foden va Alleyn o‘rniga Sherki va O’Rayli maydonga tushdi. Ammo o‘yin kartinasi o‘zgarmadi. «Siti» birinchi bo‘limdagi kabi to‘pga egalik qilishda davom etdi, ammo golli vaziyatlar faqat «MYu»da bo‘ldi.
O‘yinning 56-daqiqasida aynan O’Rayli Dorguni o‘tkazib yubordi va jarima maydoni tashqarisidan kuchli zarba yo‘lladi. Donnarumma uning zarbasini qaytardi, ammo keyin Ake to‘pni uzoqlashtira olmadi va Kazemiroda hisobni ochish uchun o‘ta qulay imkoniyat yuzaga keldi. Ammo u ikki metrdan turib yo‘llagan zarbani hali yerda yotgan darvozabon oyoqlari bilan qaytarib qoldi.
Keyin esa shu kunlarda Afrika kubogidan qaytib kelgan Mbeumoning o‘zida ikkita golli vaziyat bo‘ldi. Donnarumma uning birinchi zarbasini qaytardi, ammo ikkinchi vaziyatda qarshi hujumda «uchga ikki» holatiga chiqib ketgan «MYu» hisobni ochdi.
«Siti» shundan keyin uyg‘onishi kutilgandi, ammo bu ro‘y bermadi. Mehmonlar shundan keyin ham xavfli qarshi hujumlarni o‘tkazib yuboraverishdi. Kunya o‘ng qanotdan diagonal uzatma berdi va to‘pga «Siti» himoyachilaridan biri yetib kelishiga shubha yo‘q edi, ammo ular yana passiv harakatlanishdi va Dorgu ikkinchi golni urdi.
Hisob 2:0 ko‘rinishini olganidan keyin ham «MYu» hujumkorlikni davom ettirdi. Dialloning zarbasi ustunga tegdi, Mauntning goli mikroskopik ofsayd holati tufayli bekor qilindi. Hisob yirik ko‘rinish olmagan bo‘lsa-da, mezbonlar o‘yin borasida mutlaq ustunlikka erishishdi. «Siti» qatorasiga to‘rtinchi turda ochko yo‘qotdi, «MYu» esa vaqtincha bo‘lsa ham kuchli to‘rtlikka kirib oldi.
«Chelsi» – «Brentford» 2:0
Gollar: Joao Pedro, 26 (1:0). Palmer, 76 – penalti (2:0)
«Chelsi»: Sanches, Adarabioyo (Fofana, 58), Chaloba, Kukurelya, Jyeyms (Xato, 85), Fernandes (Achimpong, 85), Kaysedo, Palmer, Garnacho (Santos, 57), Pedru Netu, Joao Pedro (Delap, 74)
«Brentford»: Kelleher, Ayyer, Kollinz, Henri (Hiki, 82), Kayode, Yarmolyuk (Donovan, 90+4), Yanelt, Yyensen, Shade (Lyuis-Potter, 82), Damsgor (Uattara, 77), Tiago
Ogohlantirishlar: Kukurelya, 67. Fofana, 83. Palmer, 90 – Shade, 36. Yanelt, 45
«Chelsi» va «Brentford» o‘zaro uchrashuvda kuchli to‘rtlikni kim ta’qib qilishi masalasiga oydinlik kiritib olishdi. O‘yin boshida maydon egalarining Joao Pedroga ishlatilgan fol uchun penalti so‘rashi behuda ketdi, keyin esa Tosin Adarabioyo avtogol muallifi bo‘lishiga bir baxya qoldi: Robert Sanches Kevin Shadening zarbasidan keyin o‘z jamoadoshi orqali rikoshet bo‘lib kelgan zarbani qaytarib qoldi.
26-daqiqada esa Pedro Enso Fernandesning uzatmasi orqali hisobni ochdi, avvaliga hakam golni inobatga olmadi, ammo VAR tekshiruvidan keyin ofsayd holati tasdiqlanmadi.
Keyingi epizodda Yyensen qulay pozitsiyada turib uzoq burchakni aniq nishonga ololmadi (to‘p ustunga tegib maydon tashqarisiga chiqib ketdi), bo‘lim oxirida Garnacho o‘yin masalasini hal qilib qo‘yishi mumkin edi, ammo u darvozabon hududida turib to‘pni to‘g‘ri tepolmadi.
Ikkinchi bo‘limda esa Sanches Shade bilan yakkama-yakka vaziyatda yana bir bor qahramonlik ko‘rsatdi. O‘yin taqdiri 75-daqiqada, «Brentford» himoyachisi Kollinz o‘z darvozabonini noqulay holatga tushirib qo‘yganida hal bo‘ldi, Kelleher uning pasini qabul qila olmadi va Delapni yiqitdi, 11 metrlik nuqtaga yaqinlashgan Palmer esa benuqson zarba berdi.
Chempionatda 13 dekabrdan buyon ilk g‘alabasini nishonlagan «Chelsi» oltinchi o‘ringa ko‘tarildi. Liam Rosenior APLdagi ilk g‘alabasiga erishdi, Chempionlar ligasiga yo‘llanma beruvchi kvartet bilan oradagi farq atigi ikki ochkoni tashkil etmoqda.
«Liverpul» – «Byornli» 1:1
Gollar: Virs, 42 (1:0). Edvards, 65 (1:1)
Aniq ijro etilmagan penalti: Soboslai, 32’
«Liverpul»: Alisson, van Deyk, Konate, Kerkez (Roberson, 78), Frimpong, Jons (Kiyeza, 87), Gravenberh (Makallister, 78), Virs, Gakpo (Ngumoxa, 78), Soboslai, Ekitike
«Byornli»: Dubravka, Estev (Ekdal, 74), Hamfris, Tuanzebe, Ugochukvu (Loran, 85), Florentinu (Mejbri, 90), Lukas Pires, Uoker, Edvards (Chauna, 90), Entoni, Broyya (Foster, 74)
Ogohlantirishlar: Kerkez, 40 – Barns, 90. Hamfris, 90
«Liverpul» birinchi bo‘limni to‘liq raqib jarima maydoni atrofida o‘tkazdi, ammo Dubravka qo‘riqlayotgan darvozani ishg‘ol etib bo‘lmadi. Hatto Gakpo «Byornli» jarima maydoniga yorib kirib, penalti ishlaganida ham. Soboslaining nuqtadan yo‘llagan zarbasi darvoza to‘sinini titratdi.
Ammo bo‘lim oxirida Ekitikening yurishi Virsning hisobni ochishi bilan yakunlandi. APLga moslashish jarayonini yakunlab, so‘nggi vaqtlarda yaxshi o‘ynay boshlagan germaniyalik yarimhimoyachi qatorasiga ikkinchi turda gol urdi, ammo bu g‘alaba uchun yetarli bo‘lmadi. «Byornli» ikkinchi bo‘limda qisqa muddatga faollashdi va Edvards hisobni tenglashtirdi. Qizillar javob hujumida darvozani ishg‘ol etishdi, ammo Ekitikening goli bekor qilindi. «Liverpul» o‘yin davomida jami 32 bor zarba yo‘lladi, ammo autsayderga ochko ulashdi. Yakunda Arne Slot jamoasi to‘rtinchi o‘rinni o‘zida saqlab qolgan bo‘lsa-da, beshinchi o‘rindagi «MYu» bilan farq bir ochkoni tashkil etmoqda.
«Nottinghem Forest» – «Arsenal» 0:0
«Nottinghem Forest»: Sels, Murilio, Milenkovich, Uilyams, Ayna, Sangare, Dominges (Hatchinson, 89), Anderson, Hadson-Odoi, Gibbs-Uayt, Igor Jyezus (Ndoy, 76)
«Arsenal»: Rayya, Saliba, Gabriel Magalyayns, Timber, Uayt, Subimendi (Eze, 79), Rays, Edegor (Merino, 57), Martinelli (Trossar, 46), Madueke (Saka, 57), Yokeresh (Gabriel Jyezus, 57)
Ogohlantirishlar: Ayna, 90 – Timber, 37
Shon Daych – qaysi jamoada ishlamasin, istalgan raqibga muammo tug‘dira oladi va «Arsenal» ham istisno emas. «Kanonirlar» birinchi bo‘limni to‘liq o‘z nazoratida o‘tkazdi, ammo yaxshi vaziyatlarga ega bo‘lganiga qaramay, darvozani ishg‘ol etolmadi. Bunga qisman tarkibdagi muammolar (o‘ng qanot himoyachisi Timber chap qanotda o‘ynashiga to‘g‘ri keldi), qisman ikki kun oldin Angliya kubogida «Chelsi»ga qarshi qiyin o‘tkazilgani va bir necha kundan keyin YeChLda «Inter» maydoniga safar kutayotgani tufayli qator futblchilarga dam berilgani ham sabab bo‘ldi. Arteta ikkinchi bo‘limda Saka, Trossar, Jyezus, Merino va Eze kabi hujumkor futbolchilarini maydonga tashladi.
O‘zgarishlardan keyin vaziyatlar yanada ko‘proq va xavfliroq chiqdi, ammo goh aniqlik yetishmadi, goh himoyachilar va darvozabon jonbozlik ko‘rsatishdi. «Nottinghem» o‘yin yakuniga qadar zich himoyalandi va darvozasi daxlsizligini saqlab qoldi. Londonliklar «Manchester Siti» bilan oradagi farqni 9 taga yetkazib olish imkoniyatidan foydalana olmadi, ammo yetti ochko ham chempionlik poygasida katta farq hisoblanadi. Shu bilan birga, «Aston Villa» yakshanba kuni «Everton»ga qarshi o‘yinda g‘alaba qozonsa, to‘rt ochkolik masofada yaqinlashib olishi ham mumkin.
Ispaniya: hushtakbozliklar ostidagi g‘alaba
«Real» – «Levante» 2:0
Gollar: Mbappe, 58 – penalti (1:0). Raul Asensio, 65 (2:0)
«Real»: Kurtua, Raul Asensio (Alaba, 90), Hausen (Sebalios, 61), Karreras, Valverde, Tshuameni, Kamavinga (Arda Guler, 46), Bellinghem, Vinisius Junior, Garsiya (Mastantuono, 46), Mbappe
«Levante»: Rayan, Matturro, de la Fuente, Sanches, Tolyan, Pablo Martines, Vensedor (Ragube, 66), Alvares (Olasagasti, 83), Romero (Espi, 83), Tunde (Kortes, 83), Etta Eyong (Losada, 66)
Ogohlantirishlar: Tshuameni, 31. Garsiya, 43 – Vensedor, 17
«Real» La Liganing 19-o‘rindagi jamoasiga qarshi ham qiynaldi. Muxlislar esa Ispaniya kubogida quyi liga jamoasi «Albasete»dan uchralgan mag‘lubiyatni hali ham xazm qila olishmagandi.
«Levante»ga qarshi o‘yin kuni Madridda Florentino Peres turli gunohlarda ayblangan bannerlar paydo bo‘ldi. Stadionga kelgan muxlislar esa chigalyozdi mashg‘ulotlari vaqtida oq sochiqlar ko‘tarishdi, Peresdan iste’fo talab qilingan bannerlar namoy etishdi va Mbappe hamda Gonsalo Garsiyadan boshqa barcha futbolchilarga hushtakbozlik qilishdi. Eng ko‘p hushtakbozlik Vinisiusga nisbatan qilindi.
Tarkiblar e’lon qilinganayotganda hushtakbozlik yanada kuchaydi va braziliyalik futbolchi zinaga o‘tirib, yig‘lab yubordi. Uni jismoniy tayyorgarlik bo‘yicha murabbiy Antonio Pintus ovutishiga to‘g‘ri keldi.
O‘yin boshlanganidan keyin ham to‘p Vinisiusga kelganida «Santyago Bernabeu»da yig‘ilgan muxlislar uvullashdi. Mbappe ularni bunday qilmaslikka chaqirdi, ammo foydasi bo‘lmadi.
«Real» o‘yinning 70-80 foiz vaqtida to‘pga egalik qildi, ammo oldinda deyarli vaziyatlar yarata olmadi. «Levante» 5-4-1 sxemasida joylashdi va xotirjamlik bilan himoyalandi. Shu bilan birga, bir necha xavfli standart vaziyatlarga ham ega bo‘lishdi. Qolaversa, Tchuameni keraksiz vaziyatda sariq kartochka oldi va keyingi turda «Vilyarreal» bilan o‘yinni o‘tkazib yuboradigan bo‘ldi.
Qaysidir pallalarda «Bernabeu»dagilar ochiqchasiga «Levante»ga muxlislik qilishdi! Arbeloa tanaffusda ikkitalik o‘zgarish qildi (Gonsalo Garsiya va Kamavinga o‘rniga Guler va Mastantuono tushdi). Madridliklar shundan keyin o‘ziga kelishdi, Mbappe esa o‘zi ishlagan penaltini aniq ijro etib, La Ligadagi gollari sonini 50 taga yetkazdi. Raul Asensio Arda Gulerning uzatmasidan keyin ikkinchi golni urgandagina muxlislar jamoani kechirdi. Ammo Vinisiusni emas – Alonsoning ketishida aybdor sifatida ko‘rilayotgan futbolchi maydonni ham hushtaklar ostida tark etdi.
Sport
O‘zbekiston terma jamoasi futbol bo‘yicha jahon chempionatida ishtirok etish uchun AQShga uchib ketdi (foto)
O‘zbekistonning futbol bo‘yicha milliy terma jamoasi FIFA jahon chempionatida ishtirok etish uchun AQShga uchib ketdi.
Eslatib o‘tamiz, 2026 yilgi jahon chempionati AQSh, Meksika va Kanada hududida o‘tkaziladi.
Kannavaro boshchiligidagi jamoa 1 iyun kuni Kanadaga qarshi o‘rtoqlik uchrashuvi o‘tkazadi, 8 iyunda esa Niderlandiya bilan bahs olib boradi.
«Oq bo‘rilar»ning jahon chempionatidagi ishtiroki esa Meksikadagi o‘yindan boshlanadi. Jamoa 18 iyun kuni Kolumbiyaga qarshi birinchi uchrashuvini Mexikodagi «Atsteka» stadionida o‘tkazadi.
23 iyun kuni jamoa Portugaliya terma jamoasiga qarshi maydonga tushadi. Bahs AQShning Xyuston shahridagi stadionida bo‘lib o‘tadi.
Guruh bosqichidagi so‘nggi o‘yin 28 iyun kuni Atlantadagi stadionda Kongo Demokratik Respublikasiga qarshi o‘tkaziladi.
Avvalroq, Kongo terma jamoasi Ebola virusi tarqalganligi sababli Belgiyada karantin muddatini o‘tab, keyin AQShga kelishi talab etilgan, aks holda jamoa jahon chempionatidan chetlatilishi mumkinligi ma’lum qilingandi.
APLda yakshanba kuni o‘tkazilgan so‘nggi tur o‘yinlaridan keyin qaysi jamoalar qaysi yevrokuboklarda ishtirok etishi va qaysi jamoalar chempionshipga tushib ketishi aniq bo‘ldi. Bundan tashqari, shu kuni «Siti» va «Liverpul» o‘z afsonalari bilan xayrlashdi.
«Arsenal» g‘alaba bilan yakunladi
«Kristal Pelas» – «Arsenal» 1:2
Gollar: Jyezus, 42 (0:1), Madueke, 48 (0:2), Mateta, 89 (1:2).
Muddatidan oldin chempion bo‘lib ulgurgan «Arsenal» natijasi o‘zi uchun hech qanday ahamiyatga ega bo‘lmagan o‘yinda ikkinchi tarkibni tushirib, g‘alaba qozondi. «Kristal Pelas» ham shu kuni aralash tarkibda o‘ynadi: jamoa uch kun o‘tib Konferensiyalar ligasi finalida «Rayo Valekano»ga qarshi o‘yin o‘tkazadi. O‘yinning 42-daqiqasida Gabriel Jyezus «Arsenal»ni hisobda oldinga olib chiqdi. Ikkinchi bo‘lim boshida Madueke burchak zarbasidan keyin ikkinchi golni urdi. Barcha o‘yin yakunini kutayotganida «Pelas» oldinga o‘tdi va 89-daqiqada Jan-Filipp Mateta hisobni qisqatirdi. O‘yinga qo‘shib berilgan daqiqalarda mezbonlar hisobni tenglashtirishgandi, ammo Pinoning goli Evann Gessandagi ofsayd tufayli bekor qilindi.
O‘yindan keyin esa chempionlar oltin medallarni va kubokni qabul qilib olishdi hamda 22 yil kutilgan chempionlikni yorqin nishonlashdi.
«Siti» «Bornmut»ni YeChLsiz qoldirdi
«Manchester Siti» – «Aston Villa» 1:2
Gollar: Semenyo, 23 (1:0). Uotkins, 47 (1:1). Uotkins, 61 (1:2)
«Manchester Siti»: Trafford, Ruben Diash, Stouns (Ayt Nuri, 77), Ake (Gvardiol, 77), Lyuis, Gonsales, Bernardu Silva (Kovachich, 59), Savio, Semenyo (Sherki, 58), Reynders (Doku, 77), Foden
«Aston Villa»: Bizot, Lindelyof (Pau Torres, 74), Mings, Matsen, Garsiya (Kesh, 46), Duglas Luis (Tilemans, 74), Bogard (Onana, 74), Barkli (Makginn, 86), Buendiya, Beyli, Uotkins
Ogohlantirish: Lyuis, 82
«Liverpul» – «Brentford» 1:1
Gollar: Jons, 58 (1:0). Shade, 64 (1:1)
«Liverpul»: Alisson, van Deyk, Konate (Gomes, 89), Roberson (Kerkez, 83), Jons, Makallister, Gravenberh (Nioni, 83), Soboslai, Ngumoha (Virs, 73), Saloh (Frimpong, 74), Gakpo
«Brentford»: Kelleher, van der Berg, Kollinz, Lyuis-Potter (Nelson, 89), Kayode, Henderson (Hiki, 60), Yanelt, Yyensen (Damsgor, 83), Shade, Uattara, Tiago
Ogohlantirishlar: Konate, 79. Makallister, 90 – Yanelt, 90. Kollinz, 90
Manchesterning ko‘k tomoni va Liverpulning qizil tomoni afsonalarini kuzatishdi. Xosep Gvardiola, Bernardu Silva, Jon Stounz, Endi Roberson va Muhammad Saloh endi «Siti» va «Liverpul» liboslarida boshqa o‘ynashmaydi. Lekin har ikki jamoa ham xayrlashuv uchrashuvlarini g‘alaba bilan yakunlay olishmadi.
«Manchester Siti» «Aston Villa»ga qarshi o‘yinda dastlab Semenyoning goli orqali hisobni ochganiga qaramay, ikkinchi bo‘limda Uotkinsning o‘zidan ikkita gol o‘tkazib yubordi. O‘yin oxirlarida Fodenning hisobni tenglashtiruvchi goli inobatga olinmadi va «shaharliklar» mavsumni mag‘lubiyat bilan yakunlaydigan bo‘lishdi. Shu bilan birga, jamoa bu orqali o‘zini chempionlik poygasidan chiqarib yuborgan «Bornmut»dan o‘ziga xos tarzda qasos olishdi. «Aston Villa»ning g‘alabasi Andoni Iraola shogirdlarini YeChL yo‘llanmasidan mahrum etdi.
«Liverpul» esa uyda «Brentford» bilan durang (1:1) o‘ynadi va keyingi mavsum YeChLda ishtirok etadigan bo‘ldi. O‘yinning birinchi bo‘limida hisob ochilmadi, ikkinchi bo‘lim boshida esa shu kuni klub safida so‘nggi o‘yinini o‘tkazayotgan Muhammad Saloh Jonsga assistentlik qilib, yana bir klub rekordini o‘rnatdi – u APL o‘yinlaridagi golli paslari sonini 93 taga yetkazib, bu borada Stiven Jyerrardning natijasini yaxshiladi. Mezbonlar g‘alabani saqlab qola olishmadi: Kevin Shade biroz o‘tib hisobni tenglashtirdi, qolgan daqiqalarda mersisaydliklar sobiq darvozaboni Kelleherga boshqa gol ura olishmadi.
O‘yin oxirlarida Saloh va Roberson «Enfild»da yig‘ilgan muxlislarning olqishlari ostida zaxiraga olindi.
Fernandeshda rekord
«Brayton» – «Manchester Yunayted» 0:3
Gollar: Dorgu, 33 (0:1). Mbemo, 44 (0:2). Brunu Fernandesh, 48 (0:3)
«Brayton»: Verbryuggen, Dank, van Hekke, Ferdi Kadio‘g‘li, Viffer, Milner (Baleba, 59), Gros, Hinshelvud (Ryutter, 74), De Keyper (Minte, 46), Gomes (March, 59), Uelbek (Kostulas, 59)
«Manchester Yunayted»: Lammens, Maguayr, Martines, Shou (Malasia, 82), Mazraviy (Yoro, 74), Maunt (Fletcher, 74), Maynu, Brunu Fernandesh, Dorgu (Leysi, 62), Diallo, Mbemo (Zirkze, 74)
Ogohlantirishlar: Maynu, 45
«MYu» allaqachon uchinchi o‘rinni kafolatlagandi va «Brayton»ga qarshi o‘yin oldidan jamoa uchun bitta intriga bor edi – jamoa sardori Brunu Fernandesh APL tarixidagi eng yaxshi assistentga aylanadimi? Va bu maqsadga erishildi: portugaliyalik yarimhimoyachi birinchi bo‘limdayoq Dorguning goliga uzatma berdi va bu mavsumdagi golli uzatmalari sonini 21 taga yetkazib, APL rekordchisiga aylandi. U ikkinchi bo‘limda o‘z nomiga ham gol yozdirib qo‘yib, Angliya chempionatidagi golli harakatlar soni (143) bo‘yicha Devid Bekhemni ortda qoldirdi. Shu ritmda davom etadigan bo‘lsa, Brunu keyingi mavsumda Pol Skoulzni (162) ortda qoldirib, uchinchi o‘ringa ko‘tarilishi ham mumkin. Ammo unga Ueyn Runi (276) va Rayan Giggzga (271) yaqinlashib olish uchun ham ko‘p yillar kerak bo‘ladi.
«Brayton» esa bu mag‘lubiyatdan keyin turnir jadvalida «Sanderlend»ni oldinga o‘tkazib yubordi va keyingi mavsumda Yevropa Ligasida emas, Konferensiyalar ligasida qatnashadigan bo‘ldi.
«Chelsi» 10-o‘rinda
«Sanderlend» – «Chelsi» 2:1
Gollar: Hyum, 25 (1:0). Gyusto, 50 – avtogol (2:0). Palmer, 56 (2:1)
«Sanderlend»: Rufs, O`Nayyen, Mukiyele, Mandava, Gertreyda, Sadiki, Jaka, Le Fe (Rigg, 90), Angulo (Diarra, 61), Hyum, Brobbi (Izidor, 61)
«Chelsi»: Sanches, Kolvill, Xato (Jyeyms, 53), Fofana, Fernandes, Kaysedo (Achimpong, 85), Kukurelya, Gyusto (Delap, 85), Palmer, Pedru Netu (Chaloba, 65), Joao Pedro
Ogohlantirishlar: Angulo, 42. Gertreyda, 52. Jaka, 73. Diarra, 81. Sadiki, 89 – Fofana, 54. Fernandes, 69. Joao Pedro, 90. Palmer, 90
Chetlatish: Fofana, 62 (ikkinchi sariq)
Shu kuni yevrokuboklar yo‘llanmasini qo‘lga kiritgan yana bir baxtiyor jamoa – chempionshipdan chiqqan «Sanderlend» bo‘ldi. «Qora mushuklar» o‘zaro bahsda «Chelsi»ni mag‘lub etgan holda, o‘z tarixidagi eng yaxshi natijani qayd etdi va yettinchi o‘rin bilan Yevropa ligasida qatnashadigan bo‘ldi.
O‘tgan mavsumda Konferensiyalar ligasida va klublar o‘rtasidagi jahon chempionatida g‘olib bo‘lgan londonliklar esa bu mavsumni APLda 10-o‘rin bilan yakunlab, keyingi mavsumda hech qaysi yevrokubokda qatnashmaydigan bo‘ldi. Bu bir tomondan yozda jamoani qabul qilib oladigan Habi Alonso uchun ayni muddao. U«Stemford Brij»da o‘z o‘yinini qurish uchun ideal sharoitga ega bo‘ladi.
«Tottenhem» APLda qoldi
«Tottenhem Hotspur» – «Everton» 1:0
Gol: Palinya, 43 (1:0)
«Tottenhem Hotspur»: Kinski, Danso, van de Ven, Udodji (Dregushin, 90), Porro, Palinya, Bentankur (Meddison, 82), Gallaher (Grey, 82), Tel (Sarr, 73), Spens, Risharlison (Kolo Muani, 73)
«Everton»: Pikford, Kin, Tarkovski, Mikolenko, O`Brayyen (Armstrong, 62), Garner, Iroegbunam (Koulman, 84), Ndiay, Dyusberi-Holl (Alkaras, 84), Rel (Jorj, 62), Barri (Betu, 84)
Ogohlantirishlar: Sarr, 80. Palinya, 87 – O`Brayyen, 13. Tarkovski, 89
«Vest Hem» – «Lids» 3:0
Gollar: Kastelyanos, 67 (1:0). Bouen, 79 (2:0). Uilson, 90 (3:0)
«Vest Hem»: Hermansen, Disasi, Mavropanos, Diuf, Uoker-Piters, Fernandesh, Souchek, Pablo (Uilson, 46), Sammervill, Bouen, Kastelyanos (Kante, 88)
«Lids»: Darlou, Biyol (Jyeyms, 70), Streyk, Rodon, Ampadu, Aaronson (Bornau, 90), Tanaka (Buonanotte, 78), Jastin, Bogl (Piru, 78), Kalvert-Lyuin (Nionto, 69), Nmecha
Ogohlantirishlar: Biyol, 10. Aaronson, 25. Ampadu, 88
Bir yil muqaddam ham chempionatni muvaffaqiyatsiz o‘tkazgan «Tottenhem» Yevropa Ligasida g‘olib chiqqan va YeChLga yo‘llanma olgandi. Bu safar so‘nggi turda Joau Palinyaning yagona goli «shporlar» joniga ora kirdi. Roberto De Dzerbi qatorasiga ikkinchi mavsumda turnir jadvalida 17-o‘rinni egalladi va ligada jon saqlab qoldi. «Vest Hem» esa so‘nggi turda «Lids» ustidan yirik hisobda g‘alaba qozonganiga qaramay, «Byornli» va «Vulverhempton» bilan birga chempionshipga tushib ketdi. «Bolg‘achilar» 39 ochko jamg‘arishdi, bu esa so‘nggi 15 yillikda 18-o‘rin egalari uchun maksimal ko‘rsatkichdir. Oxirgi bor bu qadar ko‘p ochko jamg‘arib ham ligani tark etgan jamoalar «Birminghem» va «Blekpul» bo‘lgandi.
Yakuniy turnir jadvali
Sport
O‘zbekiston milliy terma jamoasining jahon chempionatida ishtirok etuvchi tarkibi e’lon qilindi
Milliy terma jamoa 26 may kuni AQShga yo‘l oladi.
Futbol bo‘yicha O‘zbekiston milliy terma jamoasi bosh murabbiyi Fabio Kannavaro Jahon chempionatida ishtirok etuvchi 30 nafardan iborat futbolchilarning ro‘yxatini e’lon qildi.
Tarkib quyidagicha ko‘rinish oldi:
Darvozabonlar: O‘tkir Yusupov (“Navbahor”), Botirali Ergashev (“Neftchi”), Abduvohid Ne’matov (“Nasaf”).
Himoyachilar: Avazbek O‘lmasaliyev (OKMK), Jahongir O‘rozov (“Dinamo”), Rustam Ashurmatov (“Istiqlol”, Eron), Umar Eshmurodov (“Nasaf”), Abduqodir Husanov (“Manchester Siti”, Angliya), Abdulla Abdullayev (“Dibba”, BAA), Farruh Sayfiyev (“Neftchi”), Hojiakbar Alijonov (“Paxtakor”), Sherzod Nasrullayev (“Paxtakor”), Behruz Karimov (“Surxon”)
Yarim himoyachilar: Sherzod Esanov (“Buxoro”), Odil Hamrobekov (“Traktor”, Eron), Akmal Mozgovoy (“Paxtakor”), Otabek Shukurov (“Baniyas”, BAA), Jamshid Iskanderov (“Neftchi”), Jasur Jaloliddinov (“So‘g‘diyona”), Aziz G‘aniyev (“Al Batayeh”, BAA), Umarali Rahmonaliyev (Sabah, Ozarbayjon)
Hujumchilar: Abbos Fayzullayev (“Istanbul Boshoqshehir”, Turkiya), Jaloliddin Masharipov (“Istiqlol”, Eron), Doston Hamdamov (“Paxtakor”), Oston O‘runov (“Persepolis”, Eron), Ruslan Jiyanov (“Navbahor”), Aziz Amonov (“Dinamo”), Sherzod Temirov (“Erbil”, Iroq), Igor Sergeyev (“Persepolis”, Eron), Eldor Shomurodov (“Istanbul Boshoqshehir”, Turkiya)
Jamoamiz 26 may kuni tongda Toshkent – Nyu-York yo‘nalishi bo‘yicha Amerika Qo‘shma Shtatlariga yo‘l oladi.
O‘zbekiston milliy terma jamoasi 26 may kuni qaysi tarkib bilan AQShga yo‘l olishi ma’lum bo‘ldi. Bu haqda Championat.asia xabar berdi.
Tarkib quyidagicha ko‘rinish oldi:
Darvozabonlar: O‘tkir Yusupov (“Navbahor”), Botirali Ergashev (“Neftchi”), Abduvohid Ne’matov (“Nasaf”).
Himoyachilar: Avazbek O‘lmasaliyev (OKMK), Jahongir O‘rozov (“Dinamo”), Rustam Ashurmatov (“Istiqlol”, Eron), Umar Eshmurodov (“Nasaf”), Abduqodir Husanov (“Manchester Siti”, Angliya), Abdulla Abdullayev (“Dibba”, BAA), Farruh Sayfiyev (“Neftchi”), Hojiakbar Alijonov (“Paxtakor”), Sherzod Nasrullayev (“Paxtakor”), Behruz Karimov (“Surxon”)
Yarim himoyachilar: Sherzod Esanov (“Buxoro”), Odil Hamrobekov (“Traktor”, Eron), Akmal Mozgovoy (“Paxtakor”), Otabek Shukurov (“Baniyas”, BAA), Jamshid Iskanderov (“Neftchi”), Jasur Jaloliddinov (“So‘g‘diyona”), Aziz G‘aniyev (“Al Batayeh”, BAA), Umarali Rahmonaliyev (Sabah, Ozarbayjon)
Hujumchilar: Abbos Fayzullayev (“Istanbul Bashakshehir”, Turkiya), Jaloliddin Masharipov (“Istiqlol”, Eron), Doston Hamdamov (“Paxtakor”), Oston O‘runov (“Persepolis”, Eron), Ruslan Jiyanov (“Navbahor”), Aziz Amonov (“Dinamo”), Sherzod Temirov (“Erbil”, Iroq), Igor Sergeyev (“Persepolis”, Eron), Eldor Shomurodov (“Istanbul Bashakshehir”, Turkiya)
Yig‘inda qatnashgan quyidagi futbolchilar AQShga bormaydi: Vladimir Nazarov, Muhammadrasul Abdumajidov, Diyor Ortiqboyev, Quvondiq Ro‘ziyev, Nodir Abdurazzoqov, Alisher Odilov, Sardor Bahromov, Husayn Norchayev, Muhammadqodir Hamraliyev.
Oldinroq O‘FA Ibrohimhalil Yo‘ldoshevning jarohati sababli JChga bora olmasligini ma’lum qilgandi.
12 raund davom etgan jang yakuniga ko‘ra, britaniyalik Jyek Katterol hakamlarning yakdil qarori bilan g‘olib deb topildi.
O‘zbekistonlik bokschi Shahram G‘iyosov yarim o‘rta vaznda (66,7 kg) WBA Regular kamari uchun jang o‘tkazdi.
U Misrning Giza shahridagi Pyramids of Giza arenasida britaniyalik Jyek Katterolga qarshi ringga chiqdi. Jang 12 raund davom etdi va Jyek Katterol hakamlarning yakdil qarori bilan g‘olib deb topildi.
Bu Shahram G‘iyosovning professional boksdagi ilk mag‘lubiyati bo‘ldi. U bunga qadar 17ta jang o‘tkazib, ularning barchasida g‘alaba qozongan va 10ta jangda raqiblarini nokautga uchratgandi.
Uning raqibi esa bugunga qadar 34ta jang o‘tkazgan bo‘lib, 32 g‘alabaga erishgan, 2ta jangda mag‘lub bo‘lgan, 14ta jangni nokaut bilan yakunlagan.
Shahram G‘iyosovning so‘nggi jangi 2025 yil 12 aprel kuni bo‘lib o‘tgandi. O‘shanda o‘zbekistonlik bokschi argentinalik Franko Okamponi 4-raundda nokautga uchratgandi.
Toshkentda soliq xodimlari korrupsiya bilan qo‘lga tushdi
Endi ko‘p kvartirali uylarga xizmat ko‘rsatish uchun majburiy badal naqd pulda olinmaydi
O‘zbekiston terma jamoasi futbol bo‘yicha jahon chempionatida ishtirok etish uchun AQShga uchib ketdi (foto)
-
Siyosat5 days agoBirlashgan Millatlar Tashkiloti Bosh Assambleyasi Markaziy Osiyodagi chegaralarni tinch yoʻl bilan tartibga solish boʻyicha rezolyutsiyani qabul qildi
-
Siyosat4 days ago
Shavkat Mirziyoyev YeXHT bosh kotibini qabul qildi
-
Jamiyat4 days ago
Kontent markazida «Yurt qayg‘usida 365 kun» nomli kitob taqdimoti bo‘lib o‘tdi
-
Iqtisodiyot4 days ago
O‘zbekistonda IPO investorlari huquqini himoya qilish bo‘yicha qonun ishlab chiqilmoqda
-
Dunyodan2 days agoPrezident Trampning Gʻazo boʻyicha 15 banddan iborat rejasi eʼlon qilindi
-
Mahalliy3 days ago
Yoshlar umrini sotgan jinoyatchilar qo‘lga olindi
-
Iqtisodiyot4 days agoXitoy O‘zbekistondan 10 turdagi quritilgan sabzavotlarni olib kirishga ruxsat berdi
-
Iqtisodiyot5 days agoOLX onlayn reklama bozorida ustun mavqega ega deb topildi