Sport
Semenyo – qishki transferlardagi asosiy aktiv. U qaysi klubga o‘tadi?
Yanvarning ilk kunlari Angliya matbuotida Antuan Semenyo yangiliklarning asosiy qahramoniga aylanishi kutilmoqda. APLning «Manchester Siti», «Liverpul», «Manchester Yunayted», «Tottenhem» kabi top-klublari «Bornmut» vingeri uchun raqobatga kirishgan.
Antuan Semenyo kim o‘zi?
Ha, futbol o‘zgardi. 65 million funt atrofida transfer narxi to‘lanishi mumkin bo‘lgan futbolchi haqidagi mulohazalarni mana shunday savol bilan boshlash kulgili tuyulmaydi. «Bornmut» o‘ziga yarasha qiziq, tomoshabop futbol ko‘rsatib kelayotgan bo‘lsa-da, ingliz futbolidan biroz uzoq bo‘lgan o‘rtacha muxlisga bu jamoa ham, Semenyo ham notanish tuyulishi mumkin.
Antuan Serlom Semenyo – 25 yoshli ganalik futbolchi, «Bristol Siti» tarbiyalanuvchisi. 2023 yil yozida «Bornmut» uning transferi uchun 10 million funt to‘lagan va o‘sha yili fevral oyida Semenyo APLda debyut qilgan. Uch mavsum davomida futbolchi ancha o‘sdi va ayni paytda top-klublarda o‘ynamaydigan eng asosiy yulduzga aylandi. O‘tgan mavsumda «Bornmut» tarkibida 11 gol va 5 assist qayd etgan futbolchi joriy mavsumda gol+pas bo‘yicha allaqachon 11 ochkoga (8+3) ega va bu borada faqat Erling Holanddan (19+4) va Bruno Fernandesh (5+7)dan ortda.
Foto: Robin Jones — AFC Bournemouth/Getty Images
Semenyo amplua bo‘yicha chap qanot vingeri, ammo har ikki oyoqda ham birdek o‘ynay oladi. «Bornmut» safida ham nafaqat chap, balki o‘ng qanotda, ba’zi o‘yinlarda markaziy hujumchi sifatida ham maydonga tushgan. Mana shu universalizm murabbiyga o‘yin paytida qo‘shimcha o‘zgartirishlar kiritishga imkon beradi. Misol uchun, yaqinda «MYu»ga qarshi o‘yinni Antuan chap qanot vingeri sifatida boshladi, lekin raqibning bu qanotida Amad va Mbeumo juftligi kuchli tandem hosil qilgandi. Andoni Iraola esa darhol tuzatish kiritib, himoyaviyroq bo‘lgan Aleks Ximenesni chapga oldi. Semenyo esa o‘ng qanotga o‘tib, ancha erkin o‘ynay boshladi va bo‘lim oxirida gol urdi.
Nega hamma Semenyoga xaridor?
Eng asosiy sabab, «Bormunt» va futbolchi tomonidan kelishilgan klasula, ya’ni tovon puli. Aslida Semenyo yaqinda, 2025 yil yozida jamoa bilan shartnomani yangilagan bo‘lsa-da, ushbu kelishuvga ko‘ra futbolchi uchun 65 million funt miqdorida tovon puli belgilangan. Bu degani, agar futbolchi ketishni istasa, har qanday klub mana shu summani to‘laydi va transfer amalga oshadi. Bunday kelishuvlarning sababi, klub shartnoma muddati tugab borayotgan futbolchini qo‘yib yuborgisi kelmaydi, shuning uchun har ikki tomon uchun qoniqarli kelishuvga qo‘l uradi. Yozda Uattara, Hausen, Zabarniy, Kerkez, Kepa kabi futbolchilardan ayrilgan «Bormunt» Semenyoni ham yo‘qotishni istamasligi tabiiy. Ammo vaqt o‘tishi bilan shartnoma muddati tugab, futbolchining transfer narxi arzonlab ketishi ham mumkin.
Semenyo sobiq jamoadoshi Din Hausen bilan
Foto: Ed Sykes/Getty Images
O‘z navbatida, Semenyo uchun ham qulay kelishuv – go‘yoki kattaroq maosh, yangi shartnoma, ammo erkinlik uning o‘zida qoladi. Shuning uchun tomonlar tovon puli belgilashga qaror qilishadi – uning transfer narxi 2026 yil 1 yanvaridan 65 million funt bo‘ladi, yozga borib esa 60 million funtga tushadi.
O‘tgan yozda klublar juda faol bo‘lishdi va ko‘plab yulduz futbolchilar klublarini o‘zgartirishdi – Madueke, Eze, Kunya, Mbeumo, Quddus kabi futbolchilar aynan Semenyo darajasidagi futbolchilar. Aytish mumkinki, ularning har biri hozircha ishonchni oqlamoqda, ya’ni APL doirasida kichik klubdan katta klubga o‘tish deyarli kafolat darajasiga chiqdi. Semenyoning tovon puli mana shu transferlar narxiga nisbatan katta emas, deyarli minimal summa. Tabiiyki, uzoq davom etadigan muzokaralar, futbolchini qo‘lga kiritish uchun raqobat har bir top-klubni tezroq harakat qilishga undamoqda. Qisqasini aytganda, ayni damda Semenyo vitrinada turgan javohir – muayyan summani to‘laysiz va u sizniki.
Shu bilan birga, 5 million funtlik chegirma faqat 10 yanvargacha amal qiladi. Agar shu muddat ichida kelishuv amalga oshmasa, «Bornmut» futbolchisini yozgacha o‘z safida saqlab qolishi mumkin. Bu ham qaysidir ma’noda xaridorlarni shoshilishga undamoqda. Bu transfer haqida xabarlar nisbatan ancha erta boshlagani va balki qishki oynaning ilk katta xaridlaridan biri bo‘lishi mumkinligining sababi shu.
Yana bir jihat, ayni payt Semenyoni klubni almashtirishga ko‘ndirish uchun osonroq palla ekani. «Bornmut» mavsumni juda yaxshi boshladi va bir muddat yetakchilar qatorida ketayotgandi. Lekin keyinchalik pasayish kuzatildi va hozirda Iraola shogirdlari jadvalning ikkinchi yarmiga tushib ketishdi. Ya’ni klub ham, futbolchi ham ikkinchi davrada kurashish uchun jiddiy motivatsiya qolmaganidan, transferga qarshi bo‘lmasligi mumkin. Narxni oshirish, variantlarni ko‘paytirish uchun yozni kutishdan ma’no yo‘q.
Manchester klublariga Semenyo nima uchun kerak?
Fabritsio Romanoning aytishicha, «Manchester Siti» va «Manchester Yunayted» futbolchi uchun jiddiy kurashga kirishgan. Avvaliga «Liverpul» va «Siti» o‘rtasida kurash ketayotgandi, ammo so‘nggi kunlarda «Yunayted» ham faollashdi va imkon qadar tezroq harakat qilishga urinmoqda. Pep Gvardiola jamoasi favorit sanalayotgan bo‘lsa-da, ba’zi manbalar yozishicha, klub kelasi yozdan keyin ham Gvardiola jamoada qolishi bo‘yicha hech qanday kafolat bermagan. Pepning o‘zi ham bu masalada ancha mavhum javoblar bermoqda. «MYu» esa bundan foydalanishi va futbolchiga aniqroq loyiha taklif qilib qolishi ehtimoli yuqori.
«Manchester Siti»da chap qanotda usluban Semenyoga juda yaqin bo‘lgan Doku to‘p suradi va ushbu mavsumda u ancha o‘sdi. Klub Semenyoni yoshi o‘tib borayotgan Bernardu Silva yoki jamoani tark etadigan Savinioga o‘rinbosar sifatida ko‘rishi mumkin, ammo har ikki holatda ham Antuanga asosiy tarkibdan joy kafolatlanmaydi. Rayan Sherki va Fil Foden ham so‘nggi oylarda ancha kuchli o‘ynayotgani e’tiborga olinsa, bir vaqtning o‘zida Holandning ortida Doku, Foden, Sherki va Semenyoni tushirish hatto Rodrining eng yaxshi davrlari uchun ham ko‘plik qiladi. Himoyada har ikki qanotda aslida yarimhimoyachilar o‘ynayotganini ham unutmaslik kerak – bu holatda muvozanat butunlay buzilib ketishi mumkin. O‘zi umuman Pep Gvardiolaning qishki transferlarga munosabati sir emas – o‘tgan qishki oynada olib kelingan Marmush va Husanov deyarli maydonga tushmayapti, Reys ijaraga berib yuborilgan, faqat Niko Gonsalesda tarkib uchun raqobatchilardagi jarohat (Rodri va Kovachich) tufayli o‘yin amaliyoti bo‘lmoqda.
Shunga yaqin holat «Manchester Yunayted»da ham bor. 3-4-2-1 sxemasi uchun oldingi uchlik shakllanib bo‘lgan va yangi futbolchi uchun na Kunya, na Mbeumo qurbon qilinadi. Insaydlarning aytishicha, Amorim Semenyodan xuddi o‘ng qanotdagi Amad kabi foydalanmoqchi. Ya’ni chap qanot laterali sifatida. Ayni paytda Patrik Dorgu ham, Diogu Dalot ham yetarlicha yaxshi formada emas. Semenyo «Bornmut»dagi ilk mavsumlarida qanot himoyasida, 3-4-3 sxemasida esa vingbek bo‘lib o‘ynagani e’tiborga olinsa, eplab ketishi mumkin. Qog‘ozda chapda Kunya-Semenyo, o‘ngda Amad-Mbeumo tandemlari o‘ta hujumkor va dahshatli ko‘rinishi mumkin.
«Manchester Siti»dan farqli ravishda «MYu»da Semenyo darhol asosiy tarkibda tusha boshlaydi, bu shubhasiz. Lekin jamoada asosiy muammo hujum chizig‘i emas, markaziy yarimhimoya ekani anchadan beri aytib kelinmoqda. Bu chiziq to‘ldirilmay turib, maydonga besh nafar hujumkor futbolchini tushirish, ortda esa Bruno Fernandesh va Kazemiro bilan o‘ynash «MYu»ni faqat betaraf muxlislar uchun jozibador qiladi va 4:4 hisoblari yanada ko‘payishi tayin.
Ammo agar futbol tomonidan o‘ylansa, har ikki klubda ham Semenyoga oshkora ehtiyoj yo‘q va shu tomondan, paydo bo‘lib qolgan imkoniyatdan foydalanib qolishdek tasavvur uyg‘otmoqda. Bu omil futbolchining kelajagi uchun muhim va Antuanning o‘zi bu haqda ko‘proq o‘ylashi kerak.
«Liverpul»: Semenyo yangi Saloh bo‘ladimi?
Mersisaydliklar Manchester klublariga nisbatan biroz passivroq, Romanoning aytishicha, klub kuz boshlarida qiziqish bildirganidan buyon jim. Shundoq ham «Liverpul»da yangilar yetarli va go‘yoki yana bir yirik xarid ortiqchadek. Ammo profil bo‘yicha aynan Semenyo Slot jamoasi uchun kerakli murvat bo‘lishi va qaysidir ma’noda Luis Diashning o‘rnini bosishi mumkin.
Kolumbiyalik chap qanot vingerining ketishi, Saloh bilan muammolar, Kiyeza to‘liq asosiyga tayyor emasligi va Ngumoa hali yosh ekanidan kelib chiqsak, «Liverpul»da sof vinger deyarli yo‘q. Kodi Gakpo ham, ba’zida qanotlarda o‘ynayotgan Virs va Saboslai ham to‘p bilan markazga o‘tishni, jarima maydoni atrofida to‘pni qabul qilishni yaxshi ko‘rishadi. Maydon enini kengaytiradigan haqiqiy tezkor vingerlarsiz bu vazifa asosan qanot himoyachilariga yuklanmoqda. Bu ham normal, lekin muammoli jamoada aksincha, hujumchilar himoyaga yordam berishi muhimroq sanaladi. Antuan Semenyo qarshi hujumlarda tezkor harakat qilishi, driblingi va himoyada ham faol bo‘la olishi hisobiga «Liverpul»ning chap qanoti uchun ayni muddao bo‘ladi.
Muhammad Saloh jamoani tark etishi ehtimoli yuqori, bu qishdayoq sodir bo‘lishi ham mumkin. U holda tezkor hujumlar markazi chap tomonga ko‘chish varianti paydo bo‘ladi. Umuman, aslida Semenyo bemalol Saloh bilan tandemda ham o‘ynay oladi, o‘z vaqtida Mane-Saloh juftligi bilan jamoa barcha sovrinlarni yutganini eslash mumkin. Ganalik futbolchi ko‘p tomoni bilan aynan Sadio Maneni ham yodga solib yuboradi.
Qolaversa, o‘tgan turda «Tottenhem»ga qarshi o‘yinda Aleksandr Isak jiddiy jarohat oldi va kamida ikki oy muddatga safdan chiqdi. Guardian ma’lumotiga ko‘ra, shundan keyin klub qishda bozorga kirishga qaror qilgan.
Semenyoga «Tottenhem» qiziqayotgani haqida ham xabarlar bor, uning o‘zi esa bolaligidan «Arsenal» muxlisi hisoblanadi. Lekin London variantlari haqiqatdan ancha uzoq bo‘lsa kerak. «Tottenhem» yomon mavsum o‘tkazmoqda va Tomas Frank iste’fo yoqasiga kelib qoldi. Klub rahbarlari hali davom etishi aniq bo‘lmagan murabbiy uchun katta transferlar qilmasa kerak. Semenyo uchun kurashda raqiblar ko‘paygach, klub yana Savinio variantiga qaytgani haqida ma’lumotlar chiqdi. «Arsenal» esa tarkibini yozda yetarlicha to‘ldirib bo‘lgan, buning ustiga Jyezus va Havers kabi hujum vakillari ham jarohatdan qaytishmoqda. Oldingi chiziqqa qo‘shimcha yana bir futbolchi ortiqcha bo‘lishi mumkin.
Bu ketishda Antuan Semenyo yanvarning ilk kunlaridayoq jamoasini almashtirishi ehtimoli yuqori. Yuqoridagi mulohazalardan kelib chiqsak, futbolchi uchun eng mos yo‘nalish – Liverpul bo‘lardi, ammo Manchester klublari faolroq harakat qilayotgani e’tiborga olinsa, Antuan shu ikki jamoadan birini tanlashiga to‘g‘ri keladi. Futbolchi kelasi yili 26 yoshga kiradi, bu top-klubga o‘tish uchun unda so‘nggi imkoniyat bo‘lishi ham mumkin.
Q.Aslanov
Litvalik murabbiy Kotrina Kulbite qo‘l ostidagi jamoa hal qiuvchi bahsda Filippinga yutqazdi.
Futbol bo‘yicha O‘zbekiston ayollar milliy jamoasi Avstraliyada bo‘lib o‘tayotgan Osiyo kubogidagi ishtirokini yakunladi.
Litvalik murabbiy Kotrina Kulbite qo‘l ostidagi jamoa kuchli sakkiztalikka kirdi.
Futbolchilar Bangladeshni 4:0 hisobida mag‘lub etdi. Ammo KXDR (0:3), Xitoy (0:3) va Janubiy Koreyaga (0:6) yutqazdi.
Jahon chempionati yo‘llanmasi uchun hal qiluvchi kurashda Filippin milliy jamoasiga 0:2 hisobida yutqazdi.
Endi O‘zbekiston ayollar milliy jamoasi qit’alararo saralash musobaqasida ishtirok etadi. Birinchi bosqich noyabr-dekabr oylarida markazlashgan formatda bo‘lib o‘tadi. Ikkinchi bosqich 2027 yil fevral oyiga belgilangan.
O‘zbekiston ayollar milliy jamoasi tarixda biror marta jahon chempionatida ishtirok etmagan.
Sport
«Real» «Bavariya»ga qarshi, «Barsa» yana «Atletiko» bilan o‘ynaydi. YeChLda chorakfinal juftliklari
Turnirda 8 jamoa qoldi.
Chorshanba oqshomida Chempionlar ligasi 2025/26 yillar mavsumi 1/8 finali doirasida yana to‘rt uchrashuv o‘tkazildi: «Arsenal», «Real», «PSJ» va «Sporting» ortidan «Barselona», «Atletiko», «Bavariya» va «Liverpul» jamoalari ham keyingi bosqichga yo‘llanma olishdi.
Chempionlar ligasi 1/8 final natijalari
«Real» – «Manchester Siti» – 5:1 (birinchi o‘yin – 3:0, javob o‘yini – 2:1).
«PSJ» – «Chelsi» – 8:2 (5:2, 3:0).
«Sporting» – «Budyo-Glimt» – 5:3 (0:3, 5:0).
«Arsenal» – «Bayyer» – 3:1 (1:1, 2:0).
«Atletiko» – «Tottenhem» – 7:5 (5:2, 2:3).
«Barselona» – «Nyukasl» – 8:3 (1:1, 7:2).
«Liverpul» – «Galatasaroy» – 4:1 (0:1, 4:0).
«Bavariya» – «Atalanta» – 10:2 (6:1, 4:1).
Pley-offning to‘liq setkasi oldindan ma’lum edi, bundan keyin boshqa qur’a tashlanmaydi. Chorakfinalga chiqqan jamoalar o‘zlarining navbatdagi raqiblarini allaqachon bilishadi.
1/4 final juftliklari
«Real» – «Bavariya»
«PSJ» – «Liverpul»
«Sporting» – «Arsenal»
«Barselona» – «Atletiko»
Birinchi bo‘lib ko‘rsatilgan jamoalar birinchi o‘yinni o‘z uyida o‘tkazadi.
1/4 final o‘yinlari taqvimi
Keyingi bosqich deyarli uch haftadan keyin, mart oyidagi FIFA kunlari ortidan boshlanadi. Chorakfinaldagi uy va safar uchrashuvlari orasi bir haftani tashkil etadi.
Mart oyi oxirida Yevropa yozgi vaqtga o‘tadi, shuning uchun Chempionlar ligasi yana Toshkent vaqti bilan soat 23:59 dan boshlanadi.
7–8 aprel. Birinchi o‘yinlar
«Real» – «Bavariya»
«PSJ» – «Liverpul»
«Sporting» – «Arsenal»
«Barselona» – «Atletiko»
14–15 aprel. Javob o‘yinlari
«Bavariya» – «Real»
«Liverpul» – «PSJ»
«Arsenal» – «Sporting»
«Atletiko» – «Barselona»
Birinchi va ikkinchi juftliklar g‘oliblari hamda uchinchi va to‘rtinchi juftliklar g‘oliblari yarimfinalda o‘zaro to‘qnashadi.
Yarimfinal bahslari 28-29 aprel va 5-6 may kunlariga belgilangan.
Final 30 may kuni Budapeshtda bo‘lib o‘tadi.
«Arsenal» va «Bavariya» – asosiy favoritlar
Har bir bosqichdan keyin Opta superkompyuteri Chempionlar ligasida kim g‘olib bo‘lishi bo‘yicha prognozlarini yangilab bormoqda. Turnir startidan oldin «Liverpul»ning imkoniyatlari eng yuqori baholangandi, o‘tgan mavsum Angliya chempioni bo‘lgan va yozgi transferlarda eng faol bo‘lgan jamoaga 20,6 foiz berilgandi, ammo vaqt o‘tib bu jamoaning imkoniyatlari uch baravar pasaytirildi – 7 foizgacha.
Turnir avvalida ikkinchi asosiy da’vogar «Arsenal» bo‘lib turgandi (15,3 foiz), ammo londonliklarning imkoniyatlari vaqt sayin o‘sib bordi va endi ikki baravar yuqori baholanmoqda.
Setkaning ikkinchi tomonidagi asosiy favorit – «Bavariya». Opta Angliya va Germaniya grandlari Budapeshtdagi finalga yetib kelishini bashorat qilmoqda. «Barselona» va «PSJ»da ham yarimfinalga chiqish imkoniyati yuqori baholangan.
Opta versiyasiga ko‘ra, jamoalarning Chempionlar ligasi g‘olibligi uchun imkoniyatlari:
«Arsenal»da startdan oldin 15,3 foiz, chorakfinal arafasida 30 foiz;
«Bavariya»da startdan oldin 4,5 foiz, chorakfinal arafasida 18 foiz;
«Barselona»da startdan oldin 8,8 foiz, chorakfinal arafasida 14,7 foiz;
«PSJ»da startdan oldin 12 foiz, chorakfinal arafasida 12,1 foiz;
«Real»da startdan oldin 5,8 foiz, chorakfinal arafasida 7 foiz;
«Liverpul»da startdan oldin 20,6 foiz, chorakfinal arafasida 30 foiz;
«Atletiko»da startdan oldin 0,8 foiz, chorakfinal arafasida 4,7 foiz;
«Sporting»da startdan oldin 0,8 foiz, chorakfinal arafasida 3,3 foiz.
1993 yil, aprel. Milliy basketbol assotsiatsiyasi muntazam ligasidagi navbatdagi o‘yini bo‘lib o‘tmoqda. Tanaffus paytida qiziqarli tanlov o‘tkazadi. Unga ko‘ra, xohlovchilar maydon chetidan to‘p irg‘itib, narigi tomondagi savatchaga tushirishi kerak edi. Bir yigit shu ishni uddalaydi. Biroq yutuqni to‘lashi lozim bo‘lgan sug‘urta kompaniyasi g‘irromlik qiladi va pullarini berishdan bosh tortadi. Oxir oqibat yigitga yutuqni “Chicago bulls” jamoasi to‘lab beradi.
Bugun AQSh sportini basketbol o‘yinisiz tasavvur qilib bo‘lmaydi. Bu sport turi muxlislar tashrifi bo‘yicha Amerika futboli va beysboldan so‘ng uchinchi o‘rinda turadi.
Basketbol AQShda eng ko‘p o‘ynaladigan o‘yin hisoblanadi va bilan mamlakatda 26 milliondan ortiq odam shug‘ullanadi.
Shuningdek, AQSh va Kanada jamoalari ishtirok etadian Milliy basketbol assotsiatsiyasi ligasi dunyo miqyosida eng ko‘p tomosha qilinadigan turnir hisoblanadi.
Jamoaviy o‘ynaladigan boshqa sport turlarida bo‘lgani kabi AQShda bo‘lib o‘tadigan basketbol o‘yinlari juda qiziqarli va keskin kurashlar ostida kechadi.
Shu bilan birga tanaffus paytlarida zaldagi muxlislar uchun turli tanlovlar o‘tkaziladi va o‘yinlar qiziqarli shouga aylanadi.
1993 yilda ana shunday tanlovlarning biri mojaro bilan yakun topadi. “Chicago bulls” jamoasiga homiylik qiluvchi kompaniya mukofot uchun va’da qilingan 1 mln dollarni g‘olib yigit Don Kelhunga to‘lab berishdan bosh tortadi.
Foto: spors.qq.com
Million dollarlik aniq zarba
1993 yil 14 aprel. Chikago shahridagi arenada MBA muntazam ligasida ishtirok etuvchi “Chicago bulls” va “Miami Heat” jamoalari bellashmoqda.
O‘sha paytda AQShlik jahonga mashhur basketbolchi Maykl Jordan “Chicago bulls” jamoasi sharafini himoya qilar va u ham maydonda edi.
O‘yinga tanaffus berilgan paytda “Chicago bulls” jamoasi, “Koka-kola” kompaniyasi Lettuce Entertain You restoranlar tarmog‘idan iborat tashkilotchilar yutuqli tanlov o‘tkazadi.
Tanlovga ko‘ra, avval muxlislar orasidan tasodifiy yo‘l bilan bir necha kishi tanlab olinadi. So‘ng ular navbati bilan basketbol maydonining bir chetidan, ikkinchi chetidagi savatchaga to‘pni uloqtirishi kerak edi.
Qoida aniq: 23 metr uzoqlikdan savatchaga to‘pni aniq tushirgan qatnashchi g‘olib bo‘ladi va u 1 mln dollarga ega chiqadi. Agar bu ishni bir necha kishi bajarsa mukofot puli ular orasida teng taqsimlanadi.
Yutuqni “Chicago bulls” jamoasiga homiylik qilayotgan “American Hole ‘N One” sug‘urta kompanisi to‘lab berishi lozim edi.
Tanlov boshlangach bir necha kishi to‘pni uloqtiradi, biroq savatchaga tushira olmaydi. Aslida bu ish juda qiyin bo‘lib, shu sababli ham tashkilotchilar tanlovga yutuq sifatida katta mablag‘ qo‘ygandi.
Navbat kanselariya do‘koni sotuvchisi bo‘lib ishlovchi Don Kelhunga keladi. Yigit uloqtirgan to‘p to‘g‘ri borib savatchaga tushadi. Shunda arenada o‘tirgan muxlislar yigitni olqishlay boshlaydi.
Foto: Videodan kadr
O‘sha paytda tanaffus olgan basketbolchilar tanlovni kuzatishayotgandi. Ular ham navbati bilan yigitni quchoqlab, tabriklashadi. Jumladan, maydonda bo‘lgan Maykl Jordan ham.
Don Kelhunning qo‘liga 1 dollarlik yutuqqa ega chiqqani haqidagi banner-sertifikat topshiriladi. Yigit o‘sha kuni xursand holda sevimli jamoasining arenasidan chiqib ketadi. Ertasi kuni esa muammo boshlanadi…
G‘irromlik
Don Kelhun ancha-muncha basketbolchilar ham amalga oshirolmaydigan ishni uddalab, mukofot puliga ega chiqqandi. Biroq 23 metrdan to‘pni savatchaga hech kim tushira olmasligiga ishonib pul tikkan sug‘urta kompaniyasi yutuqni to‘lashga kelganda g‘irromlik qilardi.
Kompaniya Don Kelhunga mukofot puli berilmasligini e’lon qilib, buning ikkita sababini keltiradi. Birinchi sababga ko‘ra Don Kelhun to‘pni uloqtirayotganda chiziqni bosgan.
Ikkinchisi, u avvalroq bir muddat kollejdagi jamoa safida basketbol o‘ynagan. Kompaniya tanlov oddiy muxlislar o‘rtasida o‘tkazilganini va unda Donning ishtiroki xato bo‘lganini aytadi.
Ya’ni, sug‘urta kopaniyasi tanlov ishtirokchilari so‘ngi 5 yilda basketbol bilan muntazam shug‘ullanmagan bo‘lishi kerak edi, deb turib oladi.
Foto: Videodan kadr
Shundan so‘ng sug‘urta kopaniyasining vajlari bo‘yicha tekshiruv o‘tkaziladi. Eng avval Don Kelhun to‘pni uloqtirayotgan paytda chiziqni bosganmi yoki yo‘q, shu tekshiriladi.
Jarayon tasvirga tushirilgandi. Video sinchiklab ko‘rilganda Donning chiziqni bosmagani ma’lum bo‘ladi. Ikkinchi sabab bo‘yicha ham komissiya yigitni haq deb topadi.
Chunki shartga ko‘ra, tanlovda professional sportchi, hatto faoliyatini tugatgan bo‘lsa ham qatnashishi mumkin emasdi. Don Kelhun esa hech qachon basketbol bilan professional tarzda shug‘ullanmagan, shunchaki kollejdagi havaskor jamoada o‘ynagandi.
Sug‘urta kopaniyasining ikkita vaji ham o‘rinli emas, deb topiladi. Biroq ular baribir 1 mln dollarni to‘lashni xohlamaydi.
O‘sha paytda Don Kelhun bilan sodir bo‘lgan hodisa va sug‘urta kompaniyasining g‘irromliq qilayotgani AQSh OAV lari e’tiboriga tushadi va ular birin ketin hodisa haqida yoza boshlaydi. Ammo bu ham sug‘urta kopaniyasining fikrini o‘zgartira olmaydi.
Hodisaga “Chicago bulls” jamoasining aralashuvi
Don Kelhunga qilingan g‘irromlik ommaga oshkor bo‘lgach muxlislar “Chicago bulls” jamoasini ham ayblay boshlaydi. Chunki tanlov jamoaning uy arenasida, uning o‘yini paytida tashkillashtirilgandi.
Qolaversa gazetalar va turli telekanallar har kuni Don Kelhunga qilingan g‘irromlik haqida maqola hamda ko‘rsatuvlar berib, muxlislarni yanada junbushga keltiradi.
Foto: alamy.com
Bu orada bir yilcha vaqt o‘tib ketadi va Don Kelhun sug‘urta kompaniyasidan o‘z yutug‘ini ololmaydi. Kunlarning birida “Chicago bulls” jamoasi rahbariyati 1 mln dollarlik yutuq bo‘yicha matbuot anjuani o‘tkazishi haqida e’lon beradi.
Matbuot anjumanida jamoa rahbariyati sug‘urta kompaniyasidan farqli ravishda Don Kelhun 1 mln dollarni haqqoniy yutganini tan oladi. So‘ng sug‘urta kompaniyasi to‘lashdan bosh tortgan pullarni jamoa to‘lab berishini ma’lum qiladi.
Faqat jamoa rahbariyati Donga pullarni birdaniga emas, har yili 50 ming dollardan 20 yil davomida to‘lab borilishini aytadi. Yigitning bunga ko‘nishdan o‘zga chorasi qolmaydi.
O‘shandan keyin Don Kelhun 2013 yilgacha 20 yil davomida har yili “Chicago bulls” jamoasidan 38 ming dollardan olib turadi. Qolgan 12 ming dollar daromad solig‘i uchun ushlab qolinadi. Shu tariqa yigit o‘zi yutgan mukofot pullarini to‘liq oladi.
Garchi bir urinishda million dollarni yutgan bo‘lsa-da Don Kelhun millionerga aylana olmaydi – u kanselariya mahsulotlari sotiladigan magazindagi ishini davom ettiradi.
Mashmashaga Maykl Jordanning aralashuvi
Don Kelhun to‘pni savatchaga tushirgan kuni afsonaviy basketbolchi Maykl Jordan ham maydonda edi. Boshqalar kabi u ham g‘olibni tabriklaydi.
Foto: Videodan kadr
O‘yin so‘ngida “Chicago bulls” jamoasining barcha o‘yinchilari Don Kelhun savatchaga tushirgan to‘pga dastxat qo‘yib berishlari lozim edi. O‘shanda faqat bir kishi – Maykl Jordan bu ishni qilmaydi. Jamoadoshlari dastxat qo‘yayotganda u indamay kiyinish xonasiga kirib ketadi.
Mayklning dastxat qo‘ymagani sababi bor edi. 1992 yilda u Upper Deck kompaniyasi bilan shartnoma imzolagandi.
Ushbu kelishuvga ko‘ra, Upper Deck Jordanning dastxati tushirilgan turli mahsulotlarni ishlab chiqaruvchi yagona kompaniya hisoblanardi.
Sportchi va kompaniya o‘rtasida tuzilgan shartnomada Jordanning futbolka, to‘plar va boshqa narsalarga dastxat qo‘yishi cheklangandi. Jordan faqat xayriya tadbirida yoki kasal bolalar uchun dastxat qo‘yishi mumkin edi.
Don Kelhun nima qilib bo‘lsa ham Jordanning dastxatini olishni maqsad qiladi va “Chicago bulls” jamoasining o‘yinlariga muntazam tusha boshlaydi. Biroq mashhur o‘yinchining dastxatini ololmaydi.
Oradan bir yilcha vaqt o‘tadi. Sug‘urta kompaniyasi hamon mukofot pulini to‘lab berishni kechiktirib kelar, Don esa da’vogar sifatida yurgandi. Bir kuni yigit Maykl Jordan o‘g‘lining o‘yinlarini ko‘rish uchun u o‘qiydigan maktabga borib turishini eshitadi va o‘sha yoqqa otlanadi.
Foto: memedeportes.com
Biroq tan soqchilar uni Mayklning oldiga qo‘ymaydi. Ular sportchi baribir dastxat bermasligini ta’kidlaydi. Don u yerdan chiqib ketayotganida tan soqchilardan biri uni quvib yetadi va Maykl chaqirayotganini aytadi.
Yigit Jordan bilan uchrashganda sportchi Donni taniydi va “Pulingizni oldingizmi?” deb so‘raydi. Yigit olmaganini bildiradi.
Shundan so‘ng Jordan “Chicago bulls” rahbariyatiga bosim o‘tkazadi va yigitga yutuqni to‘lab berishni talab qiladi. Avvaliga jamoa rahbariyati ko‘nmaydi.
Biroq bir muddat o‘tgach klub rahbariyati o‘zining eng yaxshi o‘yinchisi qo‘ygan talabga ko‘nishga majbur bo‘ladi.
Angliyaning olti jamoasidan to‘rttasi turnirni tark etdi. Chorakfinalning barcha juftliklari aniq bo‘ldi.
«Kamp Nou»da rekordlar va antirekord
«Barselona» – «Nyukasl» 7:2
Gollar: Rafinya, 6 (1:0). Elanga, 15 (1:1). Bernal, 18 (2:1). Elanga, 28 (2:2). Yamal, 45+7 – penalti (3:2). Fermin Lopes, 51 (4:2). Levandovski, 56 (5:2). Levandovski, 61 (6:2). Rafinya, 72 (7:2)
«Barselona»: X. Garsiya (Shchensni, 82), Kubarsi, Martin, Joau Kanselu (Espart, 66), E. Garsiya (Arauxo, 21), Pedri, Bernal, Fermin Lopes (Olmo, 66), Rafinya, Yamal, Levandovski (Torres, 66)
«Nyukasl Yunayted»: Ramsdeyl, Tiau, Byorn, Holl, Trippiyer (Livramento, 46), Joelinton (Botman, 64), Tonali (Uillok, 55), Remsi, Barns, Elanga (Myorfi, 64), Gordon (Osula, 81)
Ogohlantirishlar: Kubarsi, 44 – Joelinton, 17. Trippiyer, 45. Uillok, 60
Birinchi o‘yin: 1:1
«Kamp Nou»dagi o‘yin turli-tuman rekordlar jamlanmasiga aylandi. Birinchidan, Angliyaning hech bir klubi bungacha Chempionlar ligasi pley-offidagi bir o‘yinda 7 gol o‘tkazib yubormagandi. «Nyukasl» esa shunday imkonsiz ko‘ringan ishni uddaladi. O‘z maydonida to‘liq ustunlik qilgan va so‘nggi daqiqalarda penalti tufayli g‘alabani qo‘ldan chiqargan APL vakili javob o‘yinining birinchi bo‘limida ham munosib qarshilik ko‘rsatdi. Mehmonlar uchta gol o‘tkazib yuborgan bo‘lsa-da, o‘zi ham raqib mudofaasidagi qo‘pol xatolardan foydalanib, ikkita gol urdi.
Ammo Kiran Trippiyer birinchi bo‘limga qo‘shib berilgan daqiqalarda penaltiga sababchi bo‘ldi va Lamin Yamal uchinchi bor jamoasini hisobda oldinga olib chiqdi. Tanaffusdan keyin esa «Nyukasl»ni tanib bo‘lmay qoldi. Eddi Hau jamoasi shunchaki sochilib ketdi va 10 daqiqa ichida uchta gol qo‘yib yubordi. Bunday himoya chizig‘i bilan ko‘p narsadan umid qilib bo‘lmasdi. Ayniqsa Jyeykob Remsining xatosi yilning eng kulgili holatlari kolleksiyasidan o‘rin olishi tayin. Uning qo‘pol xatosi yettinchi gol o‘tkazilishiga olib keldi.
Rafinya bu o‘yinda «gol+pas» tizimida 4 (2+2) ochko ishladi, Robert Levandovski dublni rasmiylashtirdi. Polyak hujumchisi birdaniga bir necha rekordni urdi. U Chempionlar ligasida urgan gollari sonini 41 taga yetkazib, bu borada Lionel Messining rekordini yangiladi. Bundan tashqari, Robert endi Chempionlar ligasida dubl qayd etgan eng katta yoshli futbolchi hisoblanadi – u hozir 37 yoshda. «Barsa» uchun yagona minus – darvozabon Joan Garsiya jarohat olishi bo‘ldi. Chorakfinalda jamoa usiz qiynalishi mumkin.
Salohning benefisi
«Liverpul» – «Galatasaroy»
Gollar: Soboslai, 25 (1:0). Ekitike, 51 (2:0). Gravenberh, 53 (3:0). Saloh, 62 (4:0)
Aniq ijro etilmagan penalti: Saloh, 45+4’
«Liverpul»: Alisson, van Deyk, Konate, Kerkez, Frimpong (Jons, 67), Gravenberh (Nioni, 89), Virs (Kiyeza, 89), Soboslai, Makallister, Saloh (Gakpo, 74), Ekitike (Ngumoha, 89)
«Galatasaroy»: Ugurjan Chaqir, Abdulkarim Bardakchi (Eren Elmali, 73), Singo, Yakobs, Boe (Sane, 46), Torreyra (Yunus Oqgun, 60), Lemina, Sara, Barish Yilmaz, Sholloi, Osimhen (Lang, 46, Ikardi, 80)
Birinchi o‘yin: 0:1
Chorshanba kungi o‘yinlarda chinakamiga intriga saqlanib qolgan yagona o‘yin «Enfild»da edi, bu yerda mezbonlar minimal farqni yo‘qqa chiqarishi talab etilardi. Mezbonlar birinchi bo‘lim o‘rtalaridayoq bu vazifani uddalashdi. Mak Allister burchak zarbasini ijro etishda raqiblarni dog‘da qoldirib, to‘pni yerlatib jarima maydoni chizig‘i hududiga yetkazib berdi, u yerda ortdan kelgan Soboslaini esa hech kim kutib olmadi.
«Liverpul»ning bu mavsumdagi eng yaxshi futbolchisi bo‘lib turgan vengriyalik yarimhimoyachi jamoasi tanaffusga ikki gol farqi bilan chiqib ketishi uchun barcha ishni qildi. Ammo u ishlagan penaltini Saloh aniq ijro eta olmadi.
Misrlik hujumchi o‘z vaziyatlaridan foydalana olmagan bo‘lsa-da, ikkinchi bo‘lim boshida ikki daqiqa ichida urilgan ikki golda ham ishtirok etdi. Avvaliga tezkor qarshi hujumda u Ekitikega ideal uzatma berdi, biroz o‘tib uning zarbasidan keyin darvozabondan qaytgan to‘pni Gravenberh darvozaga kiritib yubordi va «Galatasaroy» amalda chorakfinalga chiqishdan umid uzdi. Salohning o‘zi ham yakunda o‘z nomini tabloga yozdirib qo‘ydi – Virs tovonida uzatgan pasdan keyin o‘zining eng yaxshi yillarida bo‘lgani kabi aylanma zarba yo‘lladi.
Biroz o‘tib «Enfild»da yig‘ilganlar zaxiraga olinayotgan o‘z kumirini olqishlar ostida kuzatib qo‘ydi. Bu oqshomdagi gol uning uchun YeChLdagi 50-goli edi. U shundan 47 tasini «Liverpul» safida urgan («Bazel»da 2 va «Chelsi»da 1). Saloh – bunday ko‘rsatkichga erishgan ilk afrikalik futbolchi bo‘ldi. Oldinda esa Arne Slot jamoasini chorakfinalda «PSJ»ga qarshi o‘yinlar kutmoqda. Mersisaydliklar uchun bu o‘tgan mavsumdagi mag‘lubiyat uchun revansh olish imkoniyatidir.
Inglizlarning yana bir jamoasini ispanlar chiqarib yubordi
«Tottenhem» – «Atletiko» 3:2
Gollar: Kolo Muani, 30 (1:0). Alvares, 47 (1:1). Simons, 52 (2:1). Gansko, 75 (2:2). Simons, 90+1 – penalti (3:2)
«Tottenhem Hotspur»: Vikario, Romero (Danso, 81), van de Ven, Spens, Dregushin (Udoji, 66), Grey (Gallaher, 81), Sarr, Simons, Tel (Olusesi, 81), Porro (Bergvall, 74), Kolo Muani
«Atletiko»: Musso, Gansko, Le Norman, Rudjyeri, Molina (Koke, 64), Kardozo, Liorente, Lukman (Syorlot, 64), Simeone (Ximenes, 87), Grizmann (Baena, 84), Alvares (Gonsales, 84)
Ogohlantirishlar: Porro, 57. Vikario, 58. Romero, 70. Udoji, 72 – Rudjyeri, 28. Lukman, 56. Syorlot, 90
Birinchi o‘yin: 2:5
Yaqinda «Atletiko» Ispaniya kubogi yarimfinalida «Barselona»ga qarshi birinchi uchrashuvda yirik g‘alabaga (4:0) erishgach, «Kamp Nou»dagi javob o‘yinida bu ustunlikni saqlab qolish uchun to‘liq himoyaviy o‘yin uslubini tanlagandi. Londonda esa barchasi butunlay boshqacha kechdi va dastlabki 45 daqiqalikda mehmonlar sakkizta zarba berishdi, Lukman esa darvozani ishg‘ol etishga ham muvaffaq bo‘ldi. Ammo – ofsayddan. Yana bir necha xavfli hujumlar uyushtirildi, ammo yakunda Diyego Simeone jamoasi yo‘q joydan «Tottenhem»ga o‘yinga qaytish imkonini berdi. Autdan to‘p tashlanishi, Telning jarima maydoni markaziga uzatmasi, u yerda esa yolg‘iz qoldirilgan Kolo Muani.
Mezbonlar ikkinchi golni ham urishganida ispanlar og‘ir vaziyatga tushib qolgan bo‘lardi, faqat darvozabon Musso jamoa joniga ora kirdi. Argentinalik posbon Telning burchakka yo‘naltirilgan zarbasini oyoqlari bilan to‘sib qoldi. Birinchi bo‘limdan keyin baribir intriga saqlanib qoldi va buning uchun mezbonlar Vikarioga minnatdorchilik bildirishi kerak bo‘ladi. Juliano Simeone uzoq masofadan zarba yo‘llaganida to‘p Romeroga tekkan holda o‘z trayektoriyasini o‘zgartirdi, ammo allaqachon to‘p yo‘liga yotgan italiyalik darvozabon o‘rnidan turib, xavfni bartaraf etishga ulgurdi.
Ammo ikkinchi bo‘lim boshida «Atletiko» baribir intrigani o‘ldirdi. Avvaliga Xulian Alvares Simons gol urishiga to‘sqinlik qildi (mezbonlar uning harakatini fol deb e’tiroz bildirishdi) va qarshi hujumni o‘zi gol bilan yakunlandi. U jarima maydonida Lukmandan pas qabul qilib oldi va to‘pni yuqori burchakka aniq yo‘lladi.
Hakamdan va raqiblardan ranjigan Simons bir necha daqiqa o‘tib baribir o‘z maqsadiga erishdi va jamoasini yana oldinga olib chiqdi. Bir necha daqiqa o‘tib Musso yana madridliklarni qutqarib qoldi – u Porroning shvedka uslubida olis burchakka yo‘llagan zarbasiga qo‘llarining uchi bilan yetib bordi. «Matraschilar» muxlislari Alvaresning burchakdan oshirgan to‘pi Hansko tomonidan darvozaga kiritilganidan keyingina yengil tin olishdi. O‘yin oxirida Simons o‘zi ishlagan penaltini aniq ijro etishi esa umumiy natijani o‘zgartirmadi.
Madriddagi birinchi o‘yinda londonliklar bosh murabbiyi Igor Tyudor darvozabon bo‘yicha muvaffaqiyatsiz tajriba o‘tkazmaganida «Tottenhem» «Atletiko» bilan tengma-teng kurashishi mumkin edi, ammo murabbiyning o‘sha qarori birinchi o‘yinda «shporlar»ning imkoniyatlarini keskin pasaytirib yuborgandi. Natijada ikki o‘yinda xuddi «Chelsi» kabi sakkiz gol o‘tkazib yuborgan «Tottenhem» turnirni tark etdi, «Atletiko» esa «Barselona» bilan o‘yinlarga tayyorgarlikni boshlaydi.
«Atalanta» tarixga kirdi
«Bavariya» – «Atalanta» 4:1
Gollar: Keyn, 25 – penalti (1:0). Keyn, 54 (2:0). Karl, 56 (3:0). Dias, 70 (4:0). Samarjich, 85 (4:1)
«Bavariya»: Urbig, Kim Min Je, Ta, Bishof (Pavich, 72), Stanishich (Gnabri, 72), Goretska, Pavlovich (Ofli, 55), Rafael Gerreyru (Ito, 83), Dias, Karl, Keyn (Jyekson, 72)
«Atalanta»: Sportello, Hin, Skalvini (Axanor, 83), Kossunu, Pashalich, Ederson (Samarjich, 57), Bernaskoni, Bellanova, Sulemana (Raspadori, 71), De Ketelare (de Ron, 57), Skamakka (Krstovich, 71)
Birinchi o‘yin: 6:1
Bergamodagi tennischa hisobdan (6:1) keyin ham «Bavariya» muxlislarida darvozabon pozitsiyasi tufayli xavotir saqlanib qolgandi. Zayavkadagi to‘rt darvozabon – Noyyer, Ulrayh, Klanats va Urbig – barchasi jarohat tufayli safdan chiqqandi. Faqat ularning to‘rtinchisi so‘nggi kunlarda safga qaytdi va Vensan Kompani darvozaga o‘smirlardan birini qo‘yishiga to‘g‘ri kelmadi.
Umuman olganda, xavotirlar o‘rinsiz edi. Baribir darvozabonga amalda ish topilmadi. Bergamoliklar ham bu o‘yinda darvozabonni almashtirgandi va bu mavsumda deyarli o‘ynamagan 33 yoshli Sportello Keyn ijrosidagi penaltini qaytardi. Ammo u darvoza chizig‘idan ertaroq oldinga chiqib ketgani ma’lum bo‘ldi, Harri esa takroriy zarbada adashmadi.
Ikkinchi bo‘limda esa myunxenliklarni to‘xtatib bo‘lmadi. Avvaliga Keyn o‘yindan ham gol urdi, keyin esa Dias va Karl tandemi bittadan gol urdi (ular bir-biriga golli uzatma berishdi). Bergamoliklar esa bu o‘yinda ham bitta javob goli urishga erishdi, ammo Italiyaning yevrokuboklar pley-off bosqichida ikki o‘yinda 10 gol o‘tkazgan ilk jamoasi sifatida tarixga kirdi. «Bavariya»ni esa navbatdagi bosqichda «Real»ga qarshi janglar kutmoqda.
YeChLda 8 jamoa qoldi
Chempionlar ligasi 1/8 final natijalari
«Real» – «Manchester Siti» – 5:1 (birinchi o‘yin – 3:0, javob o‘yini – 2:1).
«PSJ» – «Chelsi» – 8:2 (5:2, 3:0).
«Sporting» – «Budyo-Glimt» – 5:3 (0:3, 5:0).
«Arsenal» – «Bayyer» – 3:1 (1:1, 2:0).
«Atletiko» – «Tottenhem» – 7:5 (5:2, 2:3).
«Barselona» – «Nyukasl» – 8:3 (1:1, 7:2).
«Liverpul» – «Galatasaroy» – 4:1 (0:1, 4:0).
«Bavariya» – «Atalanta» – 10:2 (6:1, 4:1).
Pley-offning to‘liq setkasi oldindan ma’lum edi, bundan keyin boshqa qur’a tashlanmaydi. Chorakfinalga chiqqan jamoalar o‘zlarining navbatdagi raqiblarini allaqachon bilishadi.
1/4 final juftliklari
«Real» – «Bavariya»
«PSJ» – «Liverpul»
«Sporting» – «Arsenal»
«Barselona» – «Atletiko»
Birinchi bo‘lib ko‘rsatilgan jamoalar birinchi o‘yinni o‘z uyida o‘tkazadi.
1/4 final o‘yinlari taqvimi
Keyingi bosqich deyarli uch haftadan keyin, mart oyidagi FIFA kunlari ortidan boshlanadi. Chorakfinaldagi uy va safar uchrashuvlari orasi bir haftani tashkil etadi.
Mart oyi oxirida Yevropa yozgi vaqtga o‘tadi, shuning uchun Chempionlar ligasi yana Toshkent vaqti bilan soat 23:59 dan boshlanadi.
7–8 aprel. Birinchi o‘yinlar
«Real» – «Bavariya»
«PSJ» – «Liverpul»
«Sporting» – «Arsenal»
«Barselona» – «Atletiko»
14–15 aprel. Javob o‘yinlari
«Bavariya» – «Real»
«Liverpul» – «PSJ»
«Arsenal» – «Sporting»
«Atletiko» – «Barselona»
Birinchi va ikkinchi juftliklar g‘oliblari hamda uchinchi va to‘rtinchi juftliklar g‘oliblari yarimfinalda o‘zaro to‘qnashadi.
Yarimfinal bahslari 28-29 aprel va 5-6 may kunlariga belgilangan.
Final 30 may kuni Budapeshtda bo‘lib o‘tadi.
Stadion suriluvchi tom va maydonga ega bo‘ladi. Uning bir tomoni ulkan suriluvchi LED devordan iborat bo‘lib, devorda jonli translatsiyalar, filmlar va lazer shou namoyish etiladi. 45000 tomoshabinga mo‘ljallangan arena “Al Hilol” va “Al Nassr” klublari uchun uy maydoni bo‘lishi kutilmoqda.
Saudiya Arabistonida qurilayotgan shahzoda Muhammad bin Salmon nomidagi ko‘p funksiyali stadionning yangi suratlari e’lon qilindi. U 2034 yilgi futbol bo‘yicha jahon chempionatini o‘tkazish uchun ehtimoliy arenalardan biri sifatida ko‘rilmoqda.
Qurilish ishlari Ar-Riyod shahri g‘arbidagi Qiddiya ko‘ngilochar hududida olib borilmoqda.
Foto: SaudiProject
Stadion suriluvchi tom va maydonga ega bo‘ladi, uning bir tomoni ulkan suriluvchi LED devordan iborat bo‘lib, devorda jonli translatsiyalar, filmlar va lazer shou namoyish etiladi. Devor ochilganida, maydon atrofidagi tribunalar va Tuvayk qoyasi manzarasi namoyon bo‘ladi. Bu dunyodagi birinchi to‘liq integratsiyalashgan majmua bo‘lib, stadionni bir necha soat ichida turli tadbirlar uchun moslashtirish imkonini beradi.
Geometrik shakldagi binolarning tashqi qismi raqamli ekranlar bilan qoplanadi va ular qoyadan o‘sib chiqqandek ko‘rinadi.
Foto: SaudiProject
Stadion atrofida sport va ko‘ngilochar hududlarga ega bo‘lgan baland binolar quriladi. Ular ichki ko‘chalar orqali bog‘lanadi va bu ko‘chalar ham LED ekranlar bilan qoplanadi. Ushbu yo‘laklar tashrif buyuruvchilarni qoya chetidagi kuzatuv maydonchalariga olib boradi.
Loyihasi Populous arxitektura byurosi tomonidan ishlab chiqilgan ushbu arena 45000 tomoshabinga mo‘ljallangan.
Foto: SaudiProject
Stadion Saudiya Arabistoni professional ligasining “Al Hilol” va “Al Nassr” klublari uchun uy maydoni bo‘ladi. Shu bilan birga, bu yerda boks, kibersport, konsertlar va teatr tomoshalari kabi turli sport va madaniy tadbirlar ham o‘tkaziladi.
NBU auksion ob’yektlar bo‘yicha Telegram-guruhni ishga tushirdi
Eron islomiy mamlakatlarga chaqirmoqda
O‘zbekiston ayollar milliy jamoasi JCh yo‘llanmasini qo‘lga kiritolmadi
-
Turk dunyosi4 days agoTurkiyaning Baykal K2 bir tomonlama hujumga uchragan uchuvchisiz samolyotining toʻda harakatini sinovdan oʻtkazdi
-
Jamiyat23 hours ago
Tadbirkor boshpanasiz bo‘lgan 5 ta oilani uy-joy bilan ta’minladi
-
Dunyodan5 days ago
Iroq g‘arbida AQShning yonilg‘i quyuvchi samolyoti urib tushirildi
-
Iqtisodiyot1 day agopayme Tez QR orqali to‘lovni 3% keshbek bilan ishga tushirmoqda
-
Iqtisodiyot2 days agoMetandan go‘shtgacha. Narxi keskin oshgan mahsulot va xizmatlar
-
Iqtisodiyot3 days ago«Yomg‘ir va qorda ham foydalanishga tayyor bo‘ladi» – Toshkent-Andijon pulli yo‘li haqida nimalar ma’lum?
-
Dunyodan1 day ago
Eron Hormuz boʻgʻozi orqali cheklangan oʻtishga ruxsat beradi
-
Iqtisodiyot2 days ago“Markaziy Osiyo umumiy investitsiya makonini yaratishi zarur” – Alisher Umirdinov