Sport
«Real» o‘yini 10 daqiqaga to‘xtab qoldi, «Galatasaroy» 5 ta gol urdi. Kun o‘yinlari
Vinisius yana mojaro markazida, «Yuventus» Istanbulda yakson etildi, «Borussiya» va «PSJ» keyingi bosqich masalasini deyarli hal qildi.
Arbeloaning revanshi va Mourinioning chetlatilishi
«Benfika» – «Real» 0:1
Gol: Vinisius Junior, 50 (0:1)
«Benfika»: Trubin, Otamendi, Arauju, Dal, Dedich, Eursnes (Lopesh Kabral, 80), Barreyru, Rafa Silva (Sudakov, 74), Shelderup (Rios, 74), Prestianni (Lukebakio, 81), Pavlidis
«Real»: Kurtua, Ryudiger, Hausen, Karreras (Karvahal, 90+9), Aleksandr-Arnold, Tshuameni, Arda Guler (Dias, 86), Kamavinga (Pitarch, 90+4), Valverde, Vinisius Junior, Mbappe
Ogohlantirishlar: Prestianni, 78. Sudakov, 90 – Vinisius Junior, 51. Mbappe, 87
Madridning «Real» klubi YeChL o‘tish o‘yinlari doirasida «Benfika»ga qarshi safarda kechgan birinchi o‘yinda g‘alaba qozondi (1:0) va umumiy guruh bosqichining so‘nggi turida uchralgan alamli mag‘lubiyat uchun revansh oldi. O‘yindagi yagona golni Vinisius Junior urdi va aynan u o‘yinda ro‘y bergan mojaroli epizod qahramoniga aylandi. U o‘ziga nisbatan irqchilik ishlatilganidan shikoyat qilgach, hakam o‘n daqiqaga o‘yinni to‘xtatib qo‘ydi.
50-daqiqada Vinisius chap qanotdan jarima maydoniga yaqinlashib, ajoyib gol muallifiga aylandi: uning aylanma zarbasidan keyin to‘p olis to‘qqizlikka borib tushdi.
Shundan keyin u burchakdagi bayroq oldiga borib, golini raqs tushgan holda nishonladi, tribunalardan unga tomon turli buyumlar uloqtirildi.
Uchrashuv bosh hakami Fransua Letekse esa provokatsiya uchun futbolchiga sariq kartochka ko‘rsatdi.
Keyin esa 25 yoshli vinger va raqib futbolchilari o‘rtasida bahs yuzaga keldi, avvaliga Nikolas Otamendi u bilan baland ohangda gaplashdi, ammo vaziyat shu bilan tinchimadi.
Janluka Prestianni unga qarata og‘zini futbolkasi bilan to‘sgan holda (lab harakatidan nima deyayotganini yashirish uchun) nimadir dedi. Vinisius esa unga kulib qo‘ydi va darhol bosh hakam oldiga chopdi.
As nashri xabariga ko‘ra, u argentinalik futbolchi o‘zini maymun deb ataganiga amin.
Letekse o‘yinni to‘xtatdi, Vinisius esa namoyishkorona tarzda maydonni tark etib, zaxira o‘rindig‘iga borib o‘tirib oldi.
Maydonda «Real» va «Benfika» vakillari o‘zaro munosabatlarga oydinlik kiritib olishga kirishib ketishdi.
Mezbonlar ustozi Joze Mourinio ham Vinisiusning oldiga kelib, u bilan gaplashib, maydonga qaytishga undadi.
Braziliyalik futbolchini anchagacha tinchlantira olishmadi, u zaxira o‘rindig‘ida o‘tirib, hakamning qarorini kutdi.
Faqat 10 daqiqa o‘tib barcha, jumladan, Vinisius ham maydonga qaytdi va o‘yin davom ettirildi. Lekin portugaliyalik muxlislar endi to‘p har safar unga borganida kuchli hushtakbozlik qilishdi, Prestianni zaxiraga olinayotganida esa uni olqishlashdi.
O‘yin oxirlarida Vini jarima maydoni yaqinida ishlatgan qo‘polligi uchun ikkinchi sariq kartochkani olishi mumkin edi, ammo hakam uni kechirdi, bunga qattiq e’tiroz bildirib maydonga chiqib ketgan Joze Mourinioga esa qizil kartochka ko‘rsatildi.
O‘yinning so‘nggi daqiqalarida Vinisius burchak zarbasini ijro etishga tayyorlanayotganida unga suv butilkasi ham uloqtirildi.
Uning Otamendi bilan navbatdagi bahsi esa 38 yoshli argentinalik futbolkasini ko‘tarib, jahon chempionati, Finalissima va Amerika kubogidagi ikki g‘alabaga bag‘ishlangan tatusini ko‘rsatishi bilan yakunlandi.
Faqat ushbu faxriy futbolchida bu oqshom maqtanadigan boshqa narsa yo‘q edi – «Real» g‘alabali hisobni saqlab qoldi va javob o‘yini oldidan keyingi bosqichga o‘tish uchun yaxshi imkoniyat hosil qildi.
U o‘ynamasligi kerak
O‘yindan keyin Kilian Mbappe jamoadoshining yonini olib, jiddiy bayonot berdi.
«Janluka Prestianni endi hech qachon Chempionlar Ligasida o‘ynamasligi kerak. Uning yuzini ko‘rdingizmi? Biz ahmoq emasmiz. Men mukammalman demayman, lekin bunday narsalarga ko‘z yuma olmayman. Biz maydonda o‘rnak bo‘lishimiz kerak. Bu bola o‘zini juda yomon tutdi.
Yevropaning asosiy turnirida qanday qilib bu ish sodir bo‘lishi mumkin?
Prestianni Vinisiusni besh marta maymun deb atadi! Besh marta! O‘zim ham ko‘rdim, eshitdim. U hech kim ko‘rmasligi va eshitmasligi uchun yuzini mayka bilan to‘sgandi, ammo o‘yindan keyingi reaksiyasidan, yuzidan, o‘zini tutishidan hammasi yaqqol ko‘rinib turardi. Uning yuzi yolg‘on gapirmaydi.
«Benfika»ga, uning muxlislariga, murabbiyiga hech qanday e’tirozim yo‘q. Bu Portugaliyaning eng yaxshi klublaridan biri. Lekin bu bola EChLda o‘ynamasligi kerak».
Turinliklarning dahshatli tushi
«Galatasaroy» – «Yuventus» 5:2
Gollar: Sara, 15 (1:0). Kopmeyners, 16 (1:1). Kopmeyners, 32 (1:2). Lang, 49 (2:2). Sanches, 60 (3:2). Lang, 75 (4:2). Boe, 86 (5:2)
«Galatasaroy»: Ugurjan Chaqir, Sanches, Abdulkarim Bardakchi (Singo, 77), Yakobs (Eren Elmali, 83), Sholloi, Sara, Torreyra, Yunus Oqkun (Sane, 70), Lang (Boe, 83), Barish Yilmaz (Ikardi, 77), Osimhen
«Yuventus»: Di Gregorio, Bremer (Gatti, 34), Kelli, Kambiyaso (Kabal, 46), Kalulu, Lokatelli, Kopmeyners, Tyuram (Miretti, 81), Konseysau (Kostich, 70), Kenan Yildiz (Openda, 81), Makkenni
Ogohlantirishlar: Abdyulkerim Bardakchi, 43 – Kambiyaso, 18. Kabal, 59
Chetlatish: Kabal, 67 (ikkinchi sariq)
Kunning ilk o‘yinida «Yuventus» Kenan Yildizning to‘p yo‘qotishi tufayli hisobda ortda quvishga majbur bo‘ldi. Germaniyada tug‘ilganiga qaramay, Turkiya milliy jamoasida o‘ynashni tanlagan ushbu futbolchi 15-daqiqada o‘z jamoasi jarima maydoni atrofida pressing tufayli to‘pni oldirdi va Gabriel Sara olisdan turib to‘pni burchakka aniq yo‘lladi. Bu «Galatasaroy» uchun alohida voqea edi – Turkiya chempioni 12 yildan buyon asosiy yevrokubok pley-offida urgan ilk gol bo‘ldi.
Lekin «sherlar»ning hisobdagi ustunligi uzoq davom etmadi. Kambiyazo chapdan uzatgan to‘pni Kalulu boshda darvoza tomon yo‘lladi, darvozabondan qaytgan to‘pga birinchi bo‘lib Kopmayners yetib keldi. Luchano Spalletti ushbu niderlandiyalikni hujum chizig‘iga chiqarish orqali kadrlar muammosiga ajoyib yechim topgani ma’lum bo‘ldi. Jamoa hujumchilari Devid, Vlahovich va Milik jarohatdaligida markaziy hujumchi sifatida tushgan ushbu yarimhimoyachi bo‘lim davomida ikkinchi golni ham urdi.
Mezbonlar esa ikkinchi bo‘limda vaziyatni tubdan o‘zgartirishdi va Lang tezda hisobni tenglashtirdi. Spaletti erta sariq kartochka olgan Kambiyasoni qizildan asrash uchun zaxiraga olib, uning o‘rniga Kabalni tushirdi va aynan ushbu futbolchi o‘yin antiqahramoniga aylandi. Avvaliga u jarima maydoni yaqinida fol ishlatgach belgilangan jarima zarbasidan gol o‘tkazib yuborildi – 3:2. Biroz o‘tib ushbu futbolchi maydon markazida yana qo‘pollik ishlatib, ikkinchi sariq kartochkani oldi va maydonni tark etdi.
Mezbonlar ko‘pchilik bo‘lib qolganidan keyin Lang dublni rasmiylashtirdi, o‘yin oxirida esa Boe hisobni yiriklashtirdi – 3:2. «Yuve» bu safar ham pley-offda muvaffaqiyatsizlikka uchramoqda. Jamoa bir haftadan keyin Turinda bo‘lib o‘tadigan javob o‘yinida uchta gol farqini yo‘qqa chiqarishi qiyin bo‘ladi.
«Borussiya»da oson g‘alaba
«Borussiya» D – «Atalanta» 2:0
Gollar: Girassi, 3 (1:0). Bayyer, 42 (2:0)
«Borussiya» D: Kobel, Anton, Bensebayni, Redjani, Bellinghem, Nmecha (Zabitser, 83), Svensson, Ryuerson, Brandt (Chukvuemeka, 70), Bayyer (Adeyyemi, 70), Girassi (Silva, 83)
«Atalanta»: Karnesekki, Jimsiti (Xin, 46), Kolashinats, Kossunu, Ederson, de Ron (Sulemana, 63), Bernaskoni, Dzappakosta (Bellanova, 72), Pashalich, Zalevski (Samardjich, 82), Skamakka (Krstovich, 46)
Ogohlantirishlar: Redjani, 18. Anton, 48 – Jimsiti, 40. Kossunu, 40. Skamakka, 45
Dortmunddagi o‘yin 15 daqiqalik kechikish bilan boshlandi, bunga «Borussiya» avtobusi stadionga kechikib kelishi sabab bo‘ldi. Ammo bu mezbonlarning o‘yiniga salbiy ta’sir ko‘rsatmadi, yil boshidan buyon sakkiz o‘yindan oltitasida o‘z darvozasini daxlsiz saqlab qolgan bergamoliklar esa o‘yin startidayoq gol o‘tkazib yuborishdi – himoyachi Ryuersonning navbatdagi uzatmasidan keyin Girassi bosh bilan Karnesekki qo‘riqlayotgan darvozani ishg‘ol etdi.
Mehmonlar ham xavfli hujumlar bilan javob qaytarishdi va vaqti-vaqti bilan Kobel darvozasi atrofida tahlikali vaziyatlar yuzaga keldi, ammo golni yana «Borussiya» urdi. Bu safar Girassi tezkor qarshi hujumda assistentlik rolini bajardi va Bayyerni bo‘sh darvoza qarshisiga chiqardi. Gvineyalik hujumchi YeChLning so‘nggi ikki mavsumidagi eng sermahsul hujumchi bo‘lib turibdi (17+7). Ushbu to‘purar bu mavsumda ham «asalarilar»ni pley-offga yetaklamoqda. Nemislar javob o‘yinidan oldin ikki gol ustunligiga ega bo‘lishdi.
«PSJ» bir oyog‘i bilan pley-offda
«Monako» – «PSJ» 2:3
Gollar: Balogun, 1 (1:0). Balogun, 18 (2:0). Due, 29 (2:1). Hakimi, 41 (2:2). Due, 67 (2:3)
Aniq ijro etilmagan penalti: Vitinya, 22’
«Monako»: Ken, Teze, Fas, Kayyu Enrike, Vanderson (Bamba, 70), Zakariyo, Kamara, Golovin, Adingra (Kulibali, 70), Akliush (Diatta, 58), Balogun (Biyeret, 83)
«PSJ»: Safonov, Markinos, Pacho, Nunu Mendesh, Hakimi, Vitinya, Joau Nevesh, Zair-Emeri, Barkolya (Ramush, 81), Kvaratsxeliya (Li Kan In, 69), Dembele (Due, 27)
Ogohlantirishlar: Fas, 21. Zakariyo, 29
Chetlatish: Golovin, 48
Fransiya jamoalari to‘qnashuvi parijliklarning ilk daqiqadayoq gol o‘tkazishi bilan boshlandi – Aleksandr Golovin qanotdan uzatma oshirdi, Balogun hech qanday qarshilikka uchramasdan, bo‘sh darvozani ishg‘ol etdi. Parijliklar to‘pga egalik qilishdi va bir necha yaxshi hujumlar uyushtirishdi, ammo Balogun yana gol urdi.
Bir necha daqiqa o‘tib yana «Monako»ning omadi keldi – Vitinya penaltidan foydalana olmadi. Yana biroz o‘tib mehmonlarda navbatdagi muammo yuzaga keldi – jamoa yetakchilaridan biri Usmon Dembele jarohat olib, maydonni tark etdi.
Ammo amalda aynan shu voqea o‘yindagi burilish nuqtasiga aylandi – uning o‘rniga tushgan Dezriye Due darhol hisobni qisqartirdi va o‘yinga intrigani qaytardi. Bo‘lim oxirida esa uning uzatmasidan keyin Hakimi hisobdagi muvozanatni tikladi.
Ikkinchi bo‘lim boshidagi epizod esa o‘yin taqdirini hal qildi – Golovin maydon markazida Vitinyaga ishlatgan qo‘polligi uchun maydondan chetlatildi, bo‘lim o‘rtalariga borib Due dublni rasmiylashtirdi va amalda nafaqat ushbu o‘yin, balki 1/8 final yo‘llanmasi taqdirini ham hal qildi.
«Manchester Siti» va O‘zbekiston milliy terma jamoasi himoyachisi Abduqodir Xusanov birinchi marta ota bo‘ldi. Uning oilasida o‘g‘il tug‘ildi, deb xabar beradi mahalliy OAVlar.
Bu 20 yoshli himoyachining ilk farzandi sanaladi.
Abduqodir Xusanov «Manchester Siti» va O‘zbekiston milliy terma jamoasida o‘ynaydi. U o‘z avlodining eng istiqbolli himoyachilaridan biri hisoblanadi va Yevropa futbolida raqobatlashishda davom etmoqda.
Eslatib o‘tamiz, futbolchi 2025-yil 27-mayda — Angliya Premer-ligasi mavsumi tugaganidan so‘ng darhol turmush qurgandi.
«Arsenal» so‘nggi daqiqalarda muhim g‘alabaga erishdi, qatorasiga ikkinchi o‘yinda durang o‘ynagan «Siti» endi 9 ochkoga ortda qolmoqda. «Chelsi» yana yutqazdi, «Real»da yirik g‘alaba.
«Arsenal» – «Everton» 2:0
Gollar: Yokeresh, 89 (1:0). Douman, 90+7 (2:0)
«Arsenal»: Rayya, Saliba, Gabriel Magalyayns, Kalafiori (Inkapiye, 74), Timber (Moskera, 38), Subimendi (Douman, 74), Rays, Eze, Madueke (Martinelli, 61), Saka, Havers (Yokeresh, 61)
«Everton»: Pikford, Kin, O`Brayyen, Mikolenko, Garner, Gana Guyye (Jorj, 90+5), Iroegbunam (Rel, 86), Dyusberi-Holl, Ndiay, Makneyl (Armstrong, 86), Betu (Barri, 69)
«Arsenal» o‘z maydonida kechgan o‘yinda to‘pga egalik qildi, ammo dastlabki 20 daqiqa ichida qarshi hujumlardan ikki bor gol o‘tkazib yuborishi mumkin edi. Birinchi holatda Rayyaning xatosidan keyin Maknilning zarbasidan keyin darvozaga kirib ketayotgan to‘pni yotgan holatda oyog‘ini ko‘tarib qolish orqali to‘xtatib qoldi.
Maknilning uzoq masofadan yo‘llagan zarbasi ustundan qaytdi, qaytgan to‘pga birinchi bo‘lib yetib kelgan Ndiay esa vaziyatdan foydalana olmadi. Keyinroq Maknilning bir necha metr masofadan yo‘llagan zarbasini darvozabon qaytardi.
«Kanonirlar» esa tinimsiz hujum uyushtirganiga qaramay (birinchi bo‘limning o‘zida 13 zarba berildi), hisobni ocha olmadi. Birinchi bo‘limdagi eng yodda qolgan vaziyat Havers jarima maydoni ichida yiqilishi bo‘ldi. Bu epizodda Kin avvaliga raqib hujumchisining oyog‘ini bosib oldi, keyin esa qo‘llari bilan turtib yiqitdi, ammo bosh hakam va VAR xonasidagilar kontakt penalti uchun yetarli emas deb topdi.
Ikkinchi bo‘limda esa mezbonlar uzoq masofadan zarba berishga e’tibor qarata boshladi, xususan, Ezening aylantirib yo‘llagan zarbasiga Pikford yetib bora olmadi, ammo to‘p darvoza ustuni yonidan o‘tib ketdi. Keyin esa Arteta katta tavakkalchilikka qo‘l urdi va tayanch yarimhimoyachisi Martin Subimendi o‘rniga o‘ng qanot vingeri Doumanni maydonga tashladi. Aynan shu o‘zgarish o‘yinni hal qildi. Avvaliga ushbu yosh yarimhimoyachining o‘ng qanotdan uzatmasidan keyin Pikford to‘pga chiqishda xatoga yo‘l qo‘ydi, Inkapiye esa to‘pni bo‘sh darvoza qarshisiga yetib kelgan Yokereshning oyoqlari ostiga tashlab berdi.
So‘nggi daqiqalarda mehmonlar hisobni tenglashtirish umidida to‘liq tarkib bilan oldinga tashlandi, Douman esa burchak zarbasidan keyin uyushtirilgan qarshi hujumda bo‘sh darvozani ishg‘ol etib, APL tarixiga kirdi. Maks 16 yosh-u 73 kunligida liga tarixida gol urgan eng yosh futbolchiga aylandi. Bu orqali u Jyeyms Von tomonidan 2005 yilda o‘rnatilgan rekordni (16 yosh-u 270 kun) yangiladi.
Shu tariqada, bu mavsumda zaxiradan tushgan futbolchilari 11 bor gol urgan Mikel Arteta jamoasi qiyinchilik bilan bo‘lsa-da muhim g‘alabaga erishdi.
«Chelsi» – «Nyukasl Yunayted» 0:1
Gol: Gordon, 18 (0:1)
«Chelsi»: Sanches, Chaloba, Fofana (Xato, 82), Kukurelya, Gyusto (Delap, 46), Jyeyms, Kaysedo (Lavia, 61), Fernandes, Garnacho, Palmer, Joao Pedro
«Nyukasl Yunayted»: Ramsdeyl, Botman, Tiau, Holl, Livramento, Uillok (Byorn, 77), Remsi, Voltemade (Joelinton, 67), Barns, Myorfi (Elanga, 78), Gordon
Ogohlantirishlar: Fofana, 23. Kaysedo, 25 – Ramsdeyl, 84. Holl, 89
«Chelsi» «qarg‘alar»ga qarshi Londonda o‘tgan oldingi 12 o‘yindan 11 tasida g‘alaba qozongandi va shanba oqshomidagi o‘yinni ushbu seriyani davom ettirish maqsadida hujumkorlik bilan boshladi. Ammo mezbonlar o‘z imkoniyatlaridan foydalana olishmadi. 18-daqiqada Palmer qulay vaziyatni yo‘qqa chiqarganidan keyin «Nyukasl» muvaffaqiyatli qarshi hujum uyushtirdi va Uillok Gordonni bo‘sh darvoza qarshisiga chiqarib yubordi.
Tanaffusdan keyin Entoni dublga erishishi mumkin edi, ammo darvozaga qaytgan Sanches jamoasini qutqardi. U Liam Rosenior jamoasini o‘yinda qoldirdi, ammo jamoa mag‘lubiyatdan qutulib qolishni uddalay olmadi. «Chelsi» yana ochko yo‘qotib, raqobatchilarga imkon berdi: bugun «MYu» va «Aston Villa» o‘yinida g‘olib bo‘lgan jamoa ilgarilab ketadi, «Liverpul» esa «Chelsi»ni quvib o‘tib, beshinchi o‘ringa ko‘tarilishi mumkin.
«Vest Hem» – «Manchester Siti» 1:1
Gollar: Bernardu Silva, 31 (0:1). Mavropanos, 35 (1:1)
«Vest Hem»: Hermansen, Mavropanos, Disasi, Todibo, Fernandesh, Souchek, Diuf, Van-Bissaka, Pablo (Magassa, 64), Bouen (Kante, 90+6), Kastelyanos (Traore, 75)
«Manchester Siti»: Donnarumma, Geyi, Husanov, Ayt Nuri (Sherki, 60), Mateus Nunes, Rodri, Bernardu Silva (Reynders, 75), O`Rayli, Semenyo (Foden, 75), Marmush (Doku, 60), Holand
Ogohlantirishlar: Magassa, 76. Fernandesh, 89 – Marmush, 11. Bernardu Silva, 37
Birinchi bo‘lim o‘rtalaridan o‘tganida Bernardu Silvaning Holandga uzatmasi to‘g‘ridan to‘g‘ri zarbaga aylanib, hisob ochilganida ko‘pchilik bu o‘yin taqdiri hal bo‘lgani haqida o‘ylay boshlagandi. Ammo «Siti» bu mavsumda ishonchli o‘ynay olmayapti. Biroz o‘tib «Vest Hem» muvozanatni tikladi. Burchak zarbasidan keyin Donnarumma to‘pga chiqishda xatoga yo‘l qo‘ydi va «Arsenal»ning sobiq futbolchisi Mavropanos muvozanatni tikladi.
Bu mezbonlar uchun o‘yindagi ilk zarba edi va bu zarba chempionlik poygasida ishtirok etayotgan jamoaning oyog‘idan chalib qolish uchun yetarli bo‘ldi. Qolgan vaqt davomida «shaharliklar»ning hech qaysisi mezbonlar himoya devorida o‘tmadi, to‘p darvoza sohasiga yetib borganida esa darvozabon Hermansen ishonchli harakat qildi. Endilikda shu kuni o‘yinni diskvalifikatsiya tufayli tribunada o‘tirib kuzatishga majbur bo‘lgan Gvardiola jamoasi «Arsenal»dan 9 ochkoga ortda qolmoqda. «Siti»da bitta zaxira o‘yini borligiga qaramay, deyarli hech kim endi jamoa bu farqni yo‘qqa chiqara olishiga ishonmayapti.
Ispaniya: Molinaning zambarak zarbasi va tinim bilmas Valverde
«Atletiko» – «Xetafe» 1:0
Gol: Molina, 8 (1:0)
«Atletiko»: Musso, Ximenes, Langle, Pubil (Alvares, 66), Koke, Almada (Simeone, 66), Vargas (Liorente, 73), Gonsales, Molina, Baena (Grizmann, 73), Syorlot (Lukman, 66)
«Xetafe»: Soriya, Abkar, Duarte (Riko, 83), Romero, Iglesias, Kiko Femeniya (Birmanchevich, 46), Dakonam, Arambarri (Martin, 74), Milya (Munos, 90+2), Satriano, Vaskes (Liso, 74)
Ogohlantirishlar: Syorlot, 55. Vargas, 68. Molina, 90 –Romero, 60. Liso, 77. Satriano, 90
Chetlatish: Abkar, 55
Yaqinda «Real»ni mag‘lub eta olgan «Xetafe» «Atletiko»ga ham jiddiy muammolar tug‘dirdi. Shu kuni Oblak o‘rniga darvozaga turgan Musso olti seyv ijro etishiga to‘g‘ri keldi. Ammo mezbonlarning qariyb ikki yildan buyon gol urmayotgan himoyachisi Molina o‘yin startidayoq o‘yin taqdirini hal qildi. Argentinalik futbolchining jarima maydoni tashqarisidan yo‘llagan kuchli zarbasidan keyin to‘p olis «to‘qqizlik»ka borib tushdi.
Mehmonlar esa ancha osonroq vaziyatlardan gol ura olmadi. «Matraschilar»ni goh Musso qutqardi, goh «Xetafe» futbolchilari to‘g‘ri zarba bera olmadi. Ikkinchi bo‘lim boshlarida Abkar qizil kartochka olib maydonni tark etganidan keyin esa amalda o‘yin taqdiri hal bo‘ldi. Diyego Simeone jamoasi uchinchi o‘rinni yanada mustahkamladi.
«Real» – «Elche» 4:1
Gollar: Ryudiger, 39 (1:0). Valverde, 44 (2:0). Hausen, 66 (3:0). Manuel Anxel, 85 – avtogol (3:1). Arda Guler, 89 (4:1)
«Real»: Kurtua, Ryudiger (D. Aguado, 61), Hausen, F. Garsiya, Karvahal, Tshuameni (Arda Guler, 58), Pitarch (Palasios, 64), Kamavinga, Valverde (G. Garsiya, 58), Vinisius Junior (Yanez, 58), Dias (Manuel Anxel, 63)
«Elche»: Dituro, Petro (M. Aguado, 64), Affengryuber (Bigas, 74), Chust, Valera, Sangare (Pedrosa, 23), Redondo (Mir, 64), Febas, Sepeda (Xosan, 64), Andre Silva, Neto (Diangana, 74)
Ogohlantirishlar: Kamavinga, 55 – Valera, 62. Affengryuber, 66. Mir, 88
Hafta o‘rtasida YeChL o‘yinida katta kuch sarflagan «Real» futbolchilari ancha vaqtgacha autsayder darvozasi tomon yo‘l topa olmadi. Ammo yarimhimoyaga qaytganidan keyin yayrab o‘ynayotgan Valverdeda bu o‘yinga ham yetarli kuch qolgandi. «Selta» darvozasiga g‘alaba goli, «Siti»ga qarshi o‘yinda het-trik, shanba kuni esa uning seriyasi darvom etdi. Avvaliga Fedening zarbasidan keyin darvozabon to‘pni amallab qaytardi, qaytgan to‘pga esa Ryudiger birinchi bo‘lib yetib keldi va hisob ochildi. Bir necha daqiqa o‘tib esa barchasini Valverdening o‘zi bajardi. U jarima maydoniga yaqinlashib kelib, bir harakat bilan himoyachini yo‘lidan oldi va to‘pni to‘sin ortidan darvoza to‘riga kiritdi.
Alvaro Arbeloa 58-daqiqadayoq Vinisius Junior, Valverde va Tshuameni kabi yetakchi futolchilarini, biroz o‘tib Ryudigerni ham zaxiraga oldi, ular keyingi hafta o‘rtasida «Siti»ga qarshi javob o‘yinida kerak bo‘ladi. Ularning o‘rniga o‘yinni davom ettirgan futbolchilar ham ikkita gol urishdi. Avvaliga 18 yoshli Yanesning uzatmasidan keyin Hausen hisobdagi farqni oshirdi. O‘yin oxirlarida esa Guler maydonning ikkinchi qismidan turib fantastik gol muallifiga aylandi. U zarba bergan nuqtadan darvoza chizig‘igacha bo‘lgan masofa 68 metr chiqadi.
Yirik g‘alabadan keyin madridliklar turnir jadvalida yana «Barselona»ga bir ochkolik masofada yaqinlashib oldi, lekin kataloniyaliklar yakshanba kuni «Sevilya»ga qarshi o‘yin natijasiga ko‘ra yana to‘rt ochkolik farqni tiklashi mumkin.
Bugun, Turkiya Superligasining 26-turi doirasida peshqadam «Galatasaroy» o‘z maydonida «Bashakshehir»ni qabul qiladi.
Uchrashuv Toshkent vaqti bilan soat 22:00 da Istanbuldagi «RAMS Park» stadionida boshlanadi.
«Galatasaroy» 25 o‘yindan so‘ng 61 ochko bilan jadvalda 1-o‘rinda bormoqda. «Bashakshehir» esa 42 ochko bilan 5-pog‘onani egallab turibdi va yevrokuboklar uchun kurashmoqda.
«Istanbul Bashakshehir» bugungi o‘yin uchun asosiy tarkibni e’lon qildi. Eldor Shomurodov — asosiyda, Abbosbek Fayzullayev qaydnomaga ham kiritilmagan.
2026-yilgi Osiyo Kubogi chorak finalida O‘zbekiston ayollar terma jamoasi Janubiy Koreya ayollar terma jamoasidan mag‘lubiyatga uchradi. 6:0 hisobida g‘alaba qozongan koreyslar yarim final yo‘llanmasini qo‘lga kiritdi.
Shunga qaramasdan, milliy jamoamiz Jahon chempionati yo‘llanmasi uchun kurashni davom ettiradi. Bo‘lg‘usi raqib Yaponiya – Filippin uchrashuvida aniqlanadi — ushbu uchrashuvda yengilgan jamoa ustidan g‘alaba qozonsa, O‘zbekiston terma jamoasi 2027-yilda Braziliyada o‘tkaziladigan ayollar o‘rtasidagi JChga yo‘llanma oladi.
Agar jamoa ushbu o‘tish bahsida ham yengilsa, KXDR/Xitoy Taypeyi o‘rtasidagi o‘yinda mag‘lub bo‘lgan jamoa bilan to‘qnash keladi. Bu uchrashuv g‘olibi xalqaro pley-off o‘yinlari orqali mundial yo‘llanmasi uchun kurashni davom ettiradi, mag‘lub musobaqani tark etadi.
2026-yilgi ayollar o‘rtasidagi Osiyo Kubogida 12 ta terma jamoa ishtirok etmoqda. Ular uchta guruhga bo‘lingan holda bahs olib bordi. Guruhlarda dastlabki ikki o‘rinni egallagan jamoalar hamda eng yaxshi ko‘rsatkich qayd etgan ikki nafar uchinchi o‘rin sohibi chorak final bosqichiga yo‘l oldi.
Chorak final g‘oliblari to‘g‘ridan-to‘g‘ri Jahon chempionati yo‘llanmasiga ega bo‘ladi. Mag‘lub jamoalar esa oldindan aniqlangan setka asosida pley-off bosqichida ishtirok etadi. Pley-offda g‘alaba qozongan jamoalar Osiyoning 5 va 6-vakili sifatida mundial yo‘llanmasini qo‘lga kiritadi.
JCh-2027 yo‘llanmasi uchun pley-off o‘yinlari:
O‘zbekiston — Yaponiya/Filippin
KXDR — Xitoy Taypeyi
Yarim finalga yo‘l olgan Avstraliya, Xitoy va Janubiy Koreya terma jamoalari allaqachon Jahon chempionati ishtirokchisiga aylanishga ulgurdi. So‘nggi yarim finalchi nomi Yaponiya – Filippin uchrashuvidan keyin ma’lum bo‘ladi.
Ma’lumot uchun: 2029-yilgi ayollar o‘rtasidagi Osiyo Kubogi O‘zbekistonda o‘tkaziladi.
Sport
Futbol bo‘yicha O‘zbekiston ayollar terma jamoasi Osiyo kubogi chorak finalida yirik hisobda mag‘lub bo‘ldi
Endi ular jahon chempionati yo‘llanmasi uchun Yaponiya – Filippin bahsida imkoniyatni boy bergan jamoa bilan kuch sinashishadi.
Avstraliyada bo‘lib o‘tayotgan ayollar o‘rtasida Osiyo kubogi chorak finalida O‘zbekiston terma jamoasi futbolchilari Janubiy koreyalik raqibalariga qarshi maydonga tushdi.
Bahs 6:0 hisobida Janubiy Koreya ayollar terma jamoasi g‘alabasi bilan yakunlandi.
O‘zbekistonlik ayol futbolchilar bangladeshlik raqibalarini 4:0 hisobida yengib chorak finalga chiqishgandi.
Endi ular 19 mart kuni jahon chempionati yo‘llanmasi uchun Yaponiya – Filippin bahsida imkoniyatni boy bergan jamoa bilan kuch sinashishadi.
Osiyo kubogida eng yaxshi natijaga erishgan olti jamoa 2027 yilgi ayollar o‘rtasidagi Jahon chempionatiga to‘g‘ridan-to‘g‘ri yo‘llanmani qo‘lga kiritadi.
Sobiq turmush o‘rtoqdan rozi bo‘ling — baxt eshigi ochiladi
Abduqodir Husanov oilasida o‘g‘il farzand dunyoga keldi
Prezidentning yangi qarori e’lon qilindi
-
Jamiyat4 days agoNogironlar uchun onlayn platforma tenderida shubhali holatlar aniqlandi
-
Siyosat2 days agoPrezident Mirziyoyev fuqarolardan murojaatlar ko‘payib borayotgan bir paytda militsiya xodimlarining qo‘pol xatti-harakatlarini tanqid qildi
-
Jamiyat4 days agoRulda kamar taqmagan Sardor Mamadaliyev jarimaga tortildi
-
Dunyodan5 days ago
Ali Xomanaiyning o‘g‘li Eronning yangi oliy rahbari etib saylandi
-
Siyosat3 days agoIkki nafar O‘zbekiston fuqarosi firibgarlik va o‘g‘irlik hodisasidan so‘ng Bahrayn va AQShdan qaytib keldi
-
Turk dunyosi4 days agoEron urushi kuchayib borayotgan bir paytda Turkiya o’rtada qoldi
-
Sport4 days agoAvstraliyadan boshpana so‘ragan eronlik futbolchilardan biri fikrini o‘zgartirdi
-
Iqtisodiyot3 days ago
13-mart kuni ham dollar kursi pastlaydi