«O‘zgidromet» 2–5 iyun kunlari respublika tog‘oldi va tog‘li hududlarida kuchli yomg‘irlar kuzatilishi sabab sel-suv toshqini xavfi yuzaga kelishi mumkinligidan ogohlantirdi.

Xavfli hududlar:
– Qashqadaryo
– Surxondaryo
– Samarqand
– Navoiy
– Jizzax
– Toshkent
– Namangan
– Farg‘ona
– Andijon viloyatlarining qator tumanlari.

Mutaxassislar ayrim hududlarda yomg‘ir suvlari to‘planib, suv toshqini kuzatilishi mumkinligini bildirdi.

Tog‘li hududlarda harakatlanayotgan haydovchilar, dam oluvchilar va mahalliy aholidan ehtiyotkor bo‘lish, xavfsizlik choralariga qat’iy amal qilish so‘ralmoqda.

Ayniqsa, soy va daryolarga yaqin hududlarda, tog‘ yo‘llarida va pastlik joylarda harakatlanishda ehtiyot choralarini kuchaytirish tavsiya etildi.

Source link

O‘zbekistonda respublika va mahalliy ijro etuvchi hokimiyat organlari faoliyatining ekologik samaradorligini baholash tizimini joriy etish taklif qilinmoqda. Unga ko‘ra, vazirlik va hokimliklar resurslardan oqilona foydalanish, energiya tejamkorligi va atrof-muhitni muhofaza qilish kabi mezonlar asosida maxsus “yashil reyting” orqali baholanadi.

Muhokamaga qo‘yilgan Vazirlar Mahkamasi qarori loyihasiga ko‘ra, reyting tizimi Ekologiya va iqlim o‘zgarishi milliy qo‘mitasi tomonidan yuritiladi. Baholash natijalari har yili qo‘mitaning rasmiy veb-sayti hamda maxsus greencities.uz elektron platformasida e’lon qilib boriladi.

Loyihada davlat idoralarida “yashil ofis” tamoyillarini joriy etish, qog‘oz sarfini qisqartirish, elektron hujjat aylanmasini kengaytirish, qayta tiklanuvchi energiya manbalaridan foydalanish, chiqindilarni saralash va energiya hamda suvni tejovchi texnologiyalarni qo‘llash kabi chora-tadbirlar nazarda tutilgan.

Shuningdek, ekologik tashabbuslarda faol ishtirok etgan xodimlarni rag‘batlantirish, ekologik mezonlarni samaradorlik ko‘rsatkichlariga kiritish va har yillik “yashil hisobot” tayyorlash taklif etilmoqda.

Hujjatga ko‘ra, davlat organlarining ekologik samaradorligi tabiiy resurslardan foydalanish, suv va energiya tejamkorligi, chiqindilarni boshqarish, “yashil iqtisodiyot” tamoyillarini joriy etish, ekologik targ‘ibot va raqamli texnologiyalardan foydalanish kabi yo‘nalishlar bo‘yicha baholanadi.

Reyting natijalariga ko‘ra tashkilotlar yuqori, o‘rtacha va past samaradorlik toifalariga ajratiladi.

Source link

Tinch okeani davlat tibbiyot universiteti stomatologiya institutining katta o‘qituvchisi Konstantin Loginov RIA «Novosti» agentligiga bergan intervyusida oddiy uglevodlarni o‘z ichiga olgan oziq-ovqatlar tishlar uchun eng zararli ekanligini aytdi.

«Sendvichlar, bulochkalar, shirinliklar va kekslar og‘iz bo‘shlig‘i faoliyatiga yomon ta’sir etadi. Yopishqoq, shirin ovqatlar esa asosan og‘iz bo‘shlig‘idagi patogenlar uchun oziq-ovqat vazifasini bajaradi», dedi u.

Shifokor bunday gazaklardan keyin og‘izni irrigator bilan tozalash yoki suv bilan chayishni tavsiya qildi. «Bu og‘iz bo‘shlig‘imizni himoya qilishning ideal usuli», deb xulosa qildi shifokor.

Avvalroq stomatolog Magomadi Magomed-Rasulovich Xalilbekov kundalik odatlar tish salomatligiga zararli bo‘lishi mumkinligini aytgan edi. Mutaxassis ovqatdan keyin og‘izdagi kislotalilik oshishini, bu esa tishlarning himoya qatlamini zaiflashtirishini ta’kidladi. Uning so‘zlariga ko‘ra, bu vaqtda hatto oddiy harakatlar ham zararli bo‘lib qoladi.

Source link

2026-yilning yanvar–aprel oylarida «Soliq» mobil ilovasidagi «Soliq hamkor» tizimi orqali soliqqa oid huquqbuzarliklar yuzasidan 43 799 ta murojaat kelib tushdi. Soliq qo‘mitasi ma’lumotlariga ko‘ra, murojaatlarning asosiy qismi xarid cheklari berilmasligi bilan bog‘liq bo‘lgan.

Qayd etilishicha, jami murojaatlarning 35 839 tasi yoki 81,8 foizi xarid cheki bermaslik holatlariga to‘g‘ri kelgan. Shuningdek, 1 494 ta murojaat to‘lovni plastik karta orqali qabul qilmaslik, 90 tasi esa karta orqali to‘lov qilinganda xarid summasini sun’iy oshirish holatlari bo‘yicha yuborilgan. Qolgan 6 376 ta murojaat boshqa turdagi huquqbuzarliklar bilan bog‘liq bo‘lgan.

Murojaatlar asosida 27 681 ta sayyor soliq tekshiruvi o‘tkazilgan. Tekshiruvlar natijasida huquqbuzarlik holatlarining 99,4 foizi o‘z tasdig‘ini topgani nazorat mexanizmlarining yuqori samaradorligini ko‘rsatmoqda.

Hisobot davrida fuqarolar tomonidan yuborilgan xabarlar asosida aniqlangan huquqbuzarliklar uchun 18 524 ta holat bo‘yicha mukofot to‘langan. Umumiy mukofot mablag‘i qariyb 12 milliard so‘mni tashkil etgan.

Amaldagi tartibga muvofiq, huquqbuzarlik haqida xabar bergan fuqarolarga undirilgan jarima mablag‘ining 20 foizi miqdorida rag‘batlantirish puli beriladi.

Mukofotlar soni bo‘yicha Toshkent shahri yetakchilik qilgan. Poytaxtda 3 776 ta holat bo‘yicha 2,5 milliard so‘mdan ortiq mukofot to‘langan. Keyingi o‘rinlarda Toshkent viloyati, Samarqand, Farg‘ona va Buxoro viloyatlari qayd etilgan.

Soliq qo‘mitasi ma’lumotlariga ko‘ra, kelib tushgan murojaatlarning barchasi ko‘rib chiqilmagan. Jumladan, 12 021 ta murojaat takroriy bo‘lgani yoki shikoyat qilingan tadbirkorlik subyektida tekshiruv davom etayotgani sababli qayta ishlanmagan.

Source link

«Mening yoshim 19 da. Bir yigitni yoqtiraman, uning ham sevgisi kuchli. Lekin bu muhabbat bizga azob beryapti. Sababi, o‘rtamizdagi munosabatlarga ota-onam qarshi, ular meni o‘zimizga o‘xshagan obro‘li xonadonga uzatish niyatida, sevgimizga quloq solishmayapti. Meni esa yoqtirgan yigitim baxtli qilishiga ko‘zim yetadi. Qolaversa, o‘zim ham oddiy xonadonga kelin bo‘lmoqchiman. Halovatimni yo‘qotdim, biroq muhabbatimni deb ota-onamni ranjitish niyatim yo‘q. Qanday ish tutsam, ularni rozi qilishim mumkin?
S.»
 
Muhabbatning ko‘zi ko‘r bo‘ladi, degan naql bejiz emas. Ishq-muhabbat domiga tushib qolganlar qaltis xatolarga yo‘l qo‘yishadi. Zero, hayotda sevgidan tashqari aql bilan ham ishlash kerak.

Savol bergan qiz bilan yigit hissiyotga o‘ta berilib ketgani bois bir-biriga ruhan o‘rganib qolishgan. Bu tuyg‘uni esa oddiygina bog‘lanish desak to‘g‘ri bo‘ladi. Haqiqiy sevgini his qilgan inson dard chekishi emas, balki quvonch, shodlik, baxtiyorlikni tuyib, jufti bilan bir-birini e’zozlab, bu tuyg‘ular unga hayotda yashashi uchun kuch bag‘ishlashi kerak. Shunchaki bog‘lanish oqibatida munosabat qurgan yoshlarda «biz sevgimizga erisha olmaymiz» degan dastur paydo bo‘ladi. Oqibatda g‘am-qayg‘u boshlanadi va bu yoshlar faqat o‘zlarini o‘ylashadi. Go‘yo faqat ularning aytgani, istagi bo‘lishi shart!
 
Savol bergan qiz yigitning o‘rtahol oilasini me’yoriy holat deb qabul qilyapti. Onasi uchun esa bu normal holat emas, u hayotda ma’naviy yetuklikka erishishni xohlaydi. Shu bois qarshilik ko‘rsatilyapti. Yoshlar ko‘pincha ota-onalari yoki yaqinlari monelik qilganida ularni to‘g‘ri tushunishmaydi. Vaholanki, kattalar sevib qolgan yoshlardan farqli ravishda aqlni ham ishga soladilar. Ota-onani rozi qilmasdan, sevgiga erishib bo‘lmaydi!

Bu qizga maslahatim: hislaringiz haqiqiy ekanligiga aniqlik kiritish uchun ikki yil sabr qiling. Agar shu muddat sinovidan o‘tsangiz, istaganingizga erishasiz. Biror sabab bo‘lib, yigit bilan munosabatingizga putur yetsa, demak, orangizda shunchaki havas bo‘lgan, xolos. Siz noto‘g‘ri xatti-harakatlaringiz bilan, avvalo, onangizning oldida ishonchingizni yo‘qotmang. Agar hozir volidangizga qarshilik ko‘rsatib, o‘sha yigit bilan ko‘rishadigan bo‘lsangiz, yon-atrofdagi insonlar oldida ham obro‘yingiz to‘kiladi. Qachonki onangiz bilan munosabatlaringizni tiklasangiz, ana shunda istagan muhabbatingizga erishasiz.

Ayni damda onangiz xavotirda, u sizning kelajagingizni o‘ylab bugungi xatolaringizdan tashvishlanyapti. Onani norozi qilib baxtga erishib bo‘lmaydi. 19 yosh turmush qurish uchun bir oz ertalik qiladi, sinov uchun berilgan ikki yillik vaqt esa hammasini joy-joyiga qo‘yadi. Sevish kerak, muhabbat bo‘lishi zarur, lekin inson o‘z hurmatini yo‘qotmasin.

Aksariyat yoshlar «odamlarning gapiga parvo qilmayman», deb o‘z gapidan qolmaydi, qaltis xatolarga yo‘l qo‘yadi. Eng yomoni, bu xato insonga umrining oxirigacha tinchlik bermaydi. Qiz bola nafisligi, beg‘uborligi, bokiraligiga dog‘ tushirmasligi shart. Baxtli bo‘lish uchun esa havasdan tashqari, ongli ravishda qadam tashlashni ham bilish kerak.

Baxtiniso Azimboyeva,
shifokor-ruhshunos.

Source link