Jamiyat
Quvada IIB xodimlari va choyxonachi “kelisholmay” qoldi
Farg‘ona viloyati Quva tumanida ichki ishlar xodimlari uch aka-uka yuritadigan oshxonada kabob yeb, pulini to‘lamay kelgan. Qarzdorlik ko‘payib ketgach, o‘z haqini talab qilgan tadbirkorga xodimlar tomonidan bosim boshlangan. Hatto to‘ng‘ich aka Abror Sodiqov “ichki ishlar xodimlarining qonuniy talabiga bo‘ysunmagani” aybi bilan ma’muriy qamoqqa tiqilgan. “Xodimlar formada kelib, aroq ichib, oyoqda tura olmasdan yiqilgudek bo‘lib chiqib ketishadi”, deydi tadbirkor.
{Yii::t(}
O’tkazib yuborish 6s
O’tkazib yuborish
Tadbirkor Ahmadali Yunusovning aytishicha, hammasi Quva tumani IIB boshlig‘i o‘rinbosari Baxtiyor Hamroboyevning o‘qituvchi va murabbiylar kuni bayramiga 3 ta “korobka” qilib berasan, degan topshirig‘i bajarilmaganidan keyin boshlangan.
“Quva tumani Iftixor mahallasida joylashgan “Ulfatlar” nomli oshxonani yuritaman. Shu paytgacha ichki ishlar xodimlari oshxonamizga kelib, yeb-ichib pulini bermay ketar edi. Akam Moskvadan kelib, qarz daftarni ko‘rdi va “Nasiya ko‘payib ketibdi, birovga nasiya qilma, qarzlarni tezroq yig‘”, deb qat’iy tayinladi. Avvalo Quva tuman IIB boshlig‘iga qo‘ng‘iroq qildim. “Beraman, beraman, olasan”, deb va’da berdi. Undan keyin boshqa ichki ishlar tizimidagi qarzi borlarga birma-bir qo‘ng‘iroq qilib chiqdim. Natija bo‘lmagach, ilojsizlikdan 1102 ishonch telefoniga aloqaga chiqib, bor gapni aytdim. Shundan keyin ayrim xodimlar qarzini berib ketishdi, ayrimlari esa yo‘q. Keyin esa bizga qarshi ishlashni boshlashdi. Akamga “statya” qo‘yib, 5 sutkaga qamashdi.
Ichki ishlar bilan nizo boshlanishiga sabab Quva tuman IIB xodimi Baxtiyor Hamroboyevning “Ustoz va murabbiylar kuniga “karobka” qilib bering”, degan topshirig‘ini bajarmaganim bo‘ldi. Narxini bilsam har bir “karobka” 1 mln so‘m ekan. 3 mln so‘mlik topshiriq og‘irlik qildi to‘g‘risi.
Topshiriq bajarilmaganidan keyin bizga qarshi har xil rejalar tuzishdi, amaliyotlar olib borishdi. Oshxonamni har xil bahonalar bilan berkitmoqchi bo‘lishdi. Quvada boshqa oshxonalar ishlab tursa, nega aynan mening oshxonam soat 22:00 da berkilishi kerak? Hayron qolasan kishi.
Xodimlar tahdidlar qilib, “ko‘chada yurishingni o‘yla, oshxona ochishingni o‘yla, tadbirkorlik qilishingni o‘yla”ga tushishdi. Prezident “tadbirkorlarni qo‘llab-quvvatla”, “tadbirkorga tegma”, deyaptiku.
Odatda IIB xodimlari 200 ming so‘m “schyot” bo‘lsa, 100 ming so‘m, 100 ming so‘m “schyot” bo‘lsa, 50 ming so‘m beradi. Bermay chiqib ketgani ham bo‘ladi. Shunda ham rozi bo‘laman. Nega? Rahmatli otam ana shu tizimda ishlagan, shu tizimning nonini yeb, bizni voyaga yetkazgan. Tizimning, otamning hurmatidan xodimlarning ko‘nglini olishga harakat qildim. Lekin ular haddidan oshib ketishdi. Tizim menga qarshi ishlashni boshladi. Xodimlarni formada kelib aroq ichib, oyoqda tura olmay yiqilgidek bo‘lib chiqib ketishlarining ko‘p guvohi bo‘lganman. Lekin biror marta sotmadim. Akamni qamatgandan keyin ko‘zim ochildi. Halol ishlab topgan haqqimni so‘raganimdan keyin baloga qoldim”, deydi tadbirkor Ahmadali Yunusov.
“Yeydi, ichadi, bolalar berib ketadi, deb ketaveradi”
“Baxtiyor aka bor Quva IIB boshlig‘ining o‘rinbosari, 1,8 mln so‘m qarzi bor. Bir marta pul bermagan. Keladi, yeydi, ichadi, bolalar berib ketadi, deb chiqib ketadi. Xo‘p, xo‘pdan boshqa gap ayta olmaymiz. Oxiri nasiya to‘lib ketganda hisoblab chiqsak, 10 mln so‘mdan o‘tib ketibdi. “Nachalnik GAI” Farruh akaning ham qarzi bo‘lgan. Uning xodimi O‘tkir aka ham qarz bo‘lgan. “Nachalnik militsiya”ning haydovchisi Ziyod aka ham qarz bo‘lgan. Sulton aka ham qarz bo‘lgan. Doston aka “uchastkavoy”ning ham 500 ming so‘m qarzi bor. Qarzlar to‘lib-toshgandan keyin ishonch telefoniga chiqishga qaror qildik.
Bunga javoban biz bilan olishishni boshlabsanlarmi, deb 15 oktyabr kuni akamni 5 sutkaga olib kirib qo‘yishdi. Avaz aka, JTSBning boshlig‘i. Skuterda ketayotgan bolani aynan jiyanimizligini bilib turib, atay to‘xtatgan. To‘xtatib, qo‘lini qayirib turgan akam borgunicha. Akam voqea joyiga yetib borib, tortishib ketgan. O‘zlari atay janjal chiqarishdi. Buning ortidan akamni 5 sutkaga qamab qo‘yishdi.
Akamning 1,5 mlrd so‘m krediti bor. Kredit olib, mana shu choyxonamizni yurityapmiz. IIBning sovg‘a olib ber, degan topshiriqlarini bizga ortiqchalik qiladi.
Ayrim IIB xodimlari formada oshxonamizga keladi-da, spirtli ichimliklar ichadi. Oyoqda tura olmaydigan darajada ichganidan keyin noiloj bir ikki marta uyiga tashlab qo‘yganman. Qilgan ishimni tana qilmayman, lekin shunga majbur qilishdi bular.
150 ming so‘mdan qo‘y go‘shti, 135 ming so‘mdan halol mol go‘shti olib ishlatamiz. Bular kelib yeb-ichib ketadigan bo‘lsa, pulini qayerdan olib qoplayman?! Kreditlarim, solig‘im, svetim, gazim bor, ishchilarim bor. Bu ketishda oshxonamni yopishim kerak. Ishlashdan foyda qolmadi. Faqat shularga ishlab berishim kerak.
Akamni 5 sutkaga qamab qo‘yishganidan keyin viloyatga yozdik, apellyatsiyaga berdik. 15 oktyabr kuni kirgan bo‘lsa, 17 oktyabr kuni chiqdi”, deydi Mashhurbek Yunusov.
“Qarzni to‘langlar desak do‘q-po‘pisaga o‘tishdi”
“Safardan Quvaga qaytib kelib, qarz daftarni ochsam, qarzdorlik to‘lib-toshib ketibdi. “Uchastkovoy”larning boshlig‘i 400 ming so‘m, 12-boshliqni 1,8 mln so‘m, IIB boshlig‘i haydovchisi 260 ming so‘m… Ukam qarzni qaytaringlar, deganida IIB boshlig‘ining haydovchisi kelib, do‘q-po‘pisa qilib, senlarga reyd boshlaymiz, deb ketibdi. JTSB boshlig‘i Avazbek aka bizga nihoyatda ko‘p bosim o‘tkazdi. Kelib oshxonani berkitasan, deb ovqatlanib o‘tirganlarni haydadi, boshqa qildi. Xo‘p dedik, ko‘zimizni yumdik. Bo‘pti dedik.
Jiyanim nomersiz skuter haydagini uchun IIB xodimi uni ushlab, qo‘lini qayiribdi. Voqea joyiga yetib borib jarimasini to‘layman desam ham tortishuv to‘xtamadi. Spirtli ichimlik ichgansan, deb 5 sutkaga olib kirib qo‘yishdi. Lekin aroq ichmagandim. Xudoga shukur, adolat bor ekan, sud oqlab, qamoqdan chiqarib berdi. Bizning aybimiz ichki ishlar xodimlaridan haqqimizni so‘rab qo‘yganimiz bo‘ldi.
Davlatga har oy 12,8 mln so‘m soliq to‘layman. Davlatga ziyon keltirmaganman. Prezidentimiz tadbirkorlarga keng yo‘l ochib beryapti. Lekin Quvada buning aksi bo‘lyapti: “uchastkavoy”lar o‘z vazifasini suiste’mol qilib, davlat bergan formasidan foydalangan holda bizga tazyiq, bosimlar o‘tkazyapti,” deydi tadbirkor Abror Sodiqov.
5 sutka qamoq
JIB Quva tuman sudining 2025 yil 15 oktyabrdagi qarori bilan Abror Sodiqov ichki ishlar organlari xodimlarining o‘z xizmat burchlarini bajarishlariga qarshilik ko‘rsatish hamda ichki ishlar organlari xodimining qonuniy talablarini bajarmaslik huquqbuzarliklarini sodir qilganlikda aybli deb topilgan. Unga 5 sutka ma’muriy qamoq jazosi tayinlangan.
Sud qarorida Abror Sodiqov hech qanday hujjatlarsiz skuter boshqarib ketayotgan voyaga yetmagan jiyanini to‘xtatgan IIB xodimlarining oldiga Malibu mashinasida kelib, yo‘l harakati qoidalarini buzgan holda mashinasini yo‘lning qarama-qarshi tomoniga to‘xtatgani, IIB xodimlarining mashinani yo‘lning qatnov qismidan olishi haqidagi qonuniy talablarini bajarmagani keltirilgan. Tadbirkor esa sudda IIB xodimlari suhbat davomida qattiq gapirgani uchun tortishganini ma’lum qilgan.
Farg‘ona viloyati sudi jinoyat ishlari bo‘yicha sudlov hay’ati apellyatsiya instansiyasining 2025 yil 17 oktyabrdagi qarori bilan dastlabki sud qarori bekor qilingan va ish qo‘shimcha o‘rganish uchun Quva tuman IIBga yuborilgan. Ammo bu orada Abror Sodiqov 3 kun umrini qamoqda o‘tkazib bo‘lgandi. Surishtiruvga qaytgan ishning taqdiri esa hozircha noma’lum.
Kun.uz voqealar rivojini kuzatib boradi.
Jamiyat
Namanganda 381 ming dollarga 50 sotix yerni rasmiylashtirib berishni va’da qilganlar ushlandi
Ikki fuqaro 5 000 AQSh dollarini, kadastrlar palatasi Pop tumani bo‘limi sobiq boshlig‘i 1 500 AQSh dollari va 6 mln so‘mni olgan vaqtida qo‘lga olingan.
Bosh prokuratura huzuridagi Departamentning Pop tumani bo‘limi va boshqa huquqni muhofaza qiluvchi organ xodimlari hamkorligida tezkor tadbir o‘tkazildi.
Tezkor tadbirda fuqarolar U.A. va M.B. kadastrlar palatasida ishlovchi tanishlari orqali 381 000 AQSh dollari evaziga fermer xo‘jaligi balansidagi 50 sotix yer maydonining hujjatlarini fuqaro A.S.ning nomiga noturar joy sifatida rasmiylashtirib berishlarini aytib, shundan 5 000 AQSh dollarini olgan vaqtida qo‘lga olindi.
Shundan so‘ng tadbir davom ettirilib, kadastrlar palatasi Pop tumani bo‘limi sobiq boshlig‘i S.A. 1 500 AQSh dollari va 6 mln so‘mni olgan vaqtda ashyoviy dalillar bilan ushlandi.
Mazkur holat yuzasidan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari o‘tkazilmoqda.
Viloyat FVB xabariga ko‘ra, yorilish natijasida yong‘in sodir bo‘lmagan, hech kim tan jarohati olmagan.
27 iyun kuni soat 19:00 larda Farg‘ona shahridagi AGTKSh hududida avtobus tom qismiga o‘rnatilgan gaz ballonlariga gaz to‘ldirish vaqtida gaz ballonlaridan birida yorilish paydo bo‘lgan.
Viloyat FVBning xabariga ko‘ra, yorilish natijasida yong‘in sodir bo‘lmagan, tan jarohati olganlar yo‘q.
Voqea joyiga viloyat FVB boshlig‘i va huquqni muhofaza qilish organlari hamda tegishli xizmat vakillari chiqqan.
Yorilish sababi vakolatli tashkilotlar bilan hamkorlikda aniqlanmoqda.
Jamiyat
“Hokimiyatdan kelgan topshiriqni deb, bolamga kuyib o‘tiribman” – o‘lim bilan tugagan “Andijon polkasi” tafsilotlari
23 iyun kuni “Andijon polkasi” Ginnesning rekordlar kitobiga kiritildi: viloyat markaziy stadionida 20 ming odam bir vaqtda raqsga tushdi.
Raqsga tushganlar orasida Asaka tumanidagi 14-maktabning 8-sinf o‘quvchisi, 15 yoshli Farrux Ne’matov ham bor edi.
U o‘sha kuni tadbirdan qaytishda o‘zi o‘qiydigan maktab direktori boshqaruvidagi Damas’da avtohalokatga uchrab, shifoxonada vafot etdi.
Tafsilotlar – Kun.uz muxbiri reportajida.
Surishtiruvdan ma’lum bo‘lishicha, “Andijon polkasi”ni Ginnes rekordlar kitobiga kirishi uchun stadionda katta tadbir uyushtirilgan va bunga maktab o‘quvchilari jalb qilingan. 23 iyun kuni boshqa maktablar qatori Asaka tumanidagi 14-maktabning o‘quvchilari ham tadbirda qatnashgan. O‘sha kuni YTH oqibatida vafot etgan 8-sinf o‘quvchisi Ne’matov Farrux ham maxsus avtobuslarda stadionga borgan. Tadbir tugagach u 5 nafar sinfdoshlari bilan maktab direktorining “Damas” avtomashinasiga o‘tirib uyga qaytayotgan bo‘lgan.
YTH sodir bo‘lgan chorraha
Maktab o‘quvchilari mingan mashina asosiy yo‘ldan kelib chapga qayrilmoqchi bo‘lgan paytda qarama qarshi tomondan kelayotgan “ZIL” yuk mashinasi “Damas”ning orqasiga kelib urilgan. Oqibatda “Damas” ag‘darilib ketgan.
“Sog‘lom o‘g‘limni o‘ldirib berishdi”…
“Bir kun avval o‘g‘limning sinf rahbari telefon qilib ertaga “Andijon polkasi” tadbiriga Farruxni jo‘nating iltimos deb qayta-qayta tayinladi. Xo‘p dedim. 15 yoshga kirib pul topadigan bo‘lib qolgandi o‘g‘lim. Chiroyli qilib kiyintirib maktabiga jo‘natdik. Chorsilarni beliga tugib xursand bo‘lib do‘sti bilan uydan chiqib ketdi.
marhum Farrux Ne’matov
Bir payt qo‘shnim yugurib kirdi. Durdonaxon, bolalarimiz “avariyaga” uchrabdi, qolgan bolalar yaxshi ekan, bitta sizning bolangizni boshi yorilibdi, tikishyapti ekan dedi. Viloyat shifoxonasiga qarab ketdik. Farruxbek besh-olti soatda chiqdi operatsiyadan. Amaliyot juda uzoq cho‘zildi.
O‘qituvchilarning o‘zi qon berdi o‘g‘limga. Ichki a’zolari majaqlanib ketgan ekan. O‘ziga kelmadi o‘sha kuni kechasi bilan ham. Ertasi kuni 24 iyunda joni uzildi-da bolamni. Farruxbek o‘g‘lim katta farzandim edi. Uydan soppa-sog‘ chiqib ketgan edi.
Aslida tadbirni tashkillagan tashkilotlar, hokimiyat o‘quvchilarni maxsus avtobusda olib borib, olib kelib qo‘yishlari kerak edi. O‘zboshimchalik bilan avtobusga chiqmay “Damas”ga chiqqan deb, endi aybni o‘g‘limga ag‘darib qo‘yishyapti. Aybdorlar qonun oldida javob bersin. Guldek o‘g‘limdan ayrildim”, deydi marhum Farrux Ne’matovning onasi Durdona Qosimova.
Durdona Qosimova, marhumning onasi
Avtobus ketib qolgach, direktorning “Damas”iga chiqishgan ekan…
“Jiyanim do‘stlari bilan tadbirga avtobusda borgan. Tadbirdan keyin bolalar ust-boshlarini almashtirib chiqqunicha, avtobus ketib qolgan ekan. Ko‘chada qolgan bolalar bizni olib ketinglar deb, domlasiga telefon qilgan. Shundan keyin maktab direktori o‘zining “Damas” mashinasida bolalarni olib ketayotgan bo‘lgan. Chorrahaga yetganlarida baxtsiz hodisa sodir bo‘lganda.
Jiyanim Muhammadrizo Qambarovning holati og‘ir edi, endi hozir “operatsiyadan” keyin ancha o‘ziga kelib qoldi. “Damas”da 2011 yilda tug‘ilgan 6 nafar sinfdosh do‘stlar bo‘lgan”, deydi YTH oqibatida shifoxonaga tushib qolgan Muhammadrizo Qambarovning tog‘asi Oybek Ibragimov.
Oybek Ibragimov
2 o‘quvchi shifoxonada, qolganiga ruxsat berdik…
“23 iyun kuni Andijon-Asaka avtomobil yo‘lida yo‘l-transport hodisasi sodir bo‘lgan. Respublika shoshilinch tibbiy yordam ilmiy markazi Andijon filialiga olti nafar jabrlangan o‘quvchi olib kelindi. Olti nafardan biri o‘ta og‘ir holatda kelgan. Ertasi kuni o‘sha og‘ir bemor vafot etgan. Qolgan besh nafar bemor turli jarohatlar bilan davolangan. Ulardan uch nafariga holati yaxshilanganidan keyin uyiga ruxsat berildi. Hozirda ikki nafari shifoxonada davolanyapti” – Respublika shoshilinch tibbiy yordam ilmiy markazi Andijon filiali direktori o‘rinbosari Abdumutalib Akbaraliyev.
Abdumutalib Akbaraliyev
Kun.uz muxbiri bo‘lib o‘tgan voqea bo‘yicha tegishli idoralardan izoh olmoqchi bo‘ldi. Ammo biror bir tashkilot xodimi holatga munosabat bildirishni istamadi.
Ayni paytda YTH yuzasidan Asaka tumani IIB tomonidan surishtiruv ishlari olib borilyapti.
Ma’lumot o‘rnida, 24 iyun kuni Andijon viloyati markazidagi stadionda «Andijon polkasi» raqsiga tushish orqali rekord o‘rnatildi.
Toshkent davlat o‘zbek tili va adabiyoti universiteti hamda Toshkent davlat iqtisodiyot universiteti eng yuqori – 101–200 o‘rinlar bandida qayd etildi.
Times Higher Education (THE) xalqaro reyting agentligi tomonidan “THE Sustainability Impact Ratings -2026” (avvalgi THE Impact Ratings) natijalari e’lon qilindi.
2026 yilgi reytingga O‘zbekistonning 50 ta oliy ta’lim tashkiloti kiritildi va ularning 24 tasi dunyoning top-1000 talik oliy ta’lim tashkilotlari qatoridan o‘rin oldi.
Ular orasidan Toshkent davlat o‘zbek tili va adabiyoti universiteti hamda Toshkent davlat iqtisodiyot universiteti eng yuqori — 101–200 o‘rinlar bandida qayd etildi.
O‘zbekiston Milliy universiteti va «TIQXMMI» Milliy tadqiqot universiteti – 201-300-o‘rinlar bandiga kiritilgan bo‘lsa, Buxoro davlat universiteti, Samarqand davlat tibbiyot universiteti hamda Termiz iqtisodiyot va servis universiteti 301-400-o‘rinlar bandidan joy oldi.
Foto: gov.uz
Shuningdek, top-1000 talikka Farg‘ona davlat texnika universiteti, O‘zbekiston Milliy pedagogika universiteti, Toshkent davlat texnika universiteti, Toshkent davlat yuridik universiteti, Toshkent axborot texnologiyalari universiteti, Termiz davlat universiteti, Toshkentdagi Vestminster xalqaro universiteti (401-600-o‘rinlar), International School of Finance Technology and Science, Navoiy davlat universiteti, Navoiy davlat konchilik va texnologiyalar universiteti, Samarqand davlat universiteti, Toshkent davlat tibbiyot universiteti, Toshkent davlat transport universiteti, Jahon iqtisodiyoti va diplomatiya universiteti (601-800-o‘rinlar), Farg‘ona davlat universiteti, Huquqni muhofaza qilish akademiyasi va Toshkent farmatsevtika instituti (801-1000-o‘rinlar) kiritildi.
2021 yilda THE Impact Ratings reytingida O‘zbekistonning 12 ta, 2022 yilda 30 ta, 2023 yilda 47 ta, 2024 yilda 53 ta, 2025 yilda 59 ta oliy ta’lim tashkiloti o‘rin egallagan edi.
Ota chaqalog‘i yig‘lagani uchun uni urgan va ovozi chiqmasin, deya og‘ziga paypoq tiqib qo‘ygan. Oqibatda bola nafas yetishmovchiligidan vafot etgan. Ushbu bolaga nisbatan qiynoq va zo‘ravonlik haqida jamoatchilikni Kun.uz o‘z manbalariga tayanib xabardor qilgandi.
Jinoyat ishlari bo‘yicha Xatirchi tuman sudida farzandini o‘ldirgan otaga hukm o‘qildi. Kun.uz mazkur hukm bilan tanishdi.
Hukmda yozilishicha, 2026 yil 9 yanvar kuni 1993 yilda tug‘ilgan F.N. dam olish maqsadida xonasiga kirganida 6 oylik o‘g‘li yig‘lab, xarxasha qilib unga xalal berganidan jahli chiqqan. Shunda u yaqinlarining ko‘z o‘ngida bolaning og‘ziga paypoq tiqib, bir necha marta ikki qo‘lidan ushlab siltab qo‘yib yuborishi oqibatida bolaning boshi divan yog‘ochiga tekkan va sog‘ligi yomonlashib klinik o‘lim qayd etiladi.
Sud tibbiy ekspertizasi xulosasida chaqaloqning o‘limi miya qattiq va yumshoq pardalari ostiga va miyachaga qizil qora qon quyilishi, miya va o‘pkalar shishi, o‘tkir nafas yetishmovchiligidan kelib chiqqanligi aytilgan.
F.N. Jinoyat kodeksining 97-moddasi 2-qismi “v” (aybdorga ayon bo‘lgan ojiz ahvoldagi shaxsni) va “j” (o‘ta shafqatsizlik bilan) bandlarida nazarda tutilgan jinoyatni sodir etganlikda aybdor deb topilib, 15 yil muddatga ozodlikdan mahrum qilish jazosi tayinlandi.
Eslatib o‘tamiz, 9 yanvar kungi ushbu qiynoq va zo‘ravonlik haqida jamoatchilikni Kun.uz o‘z manbalariga tayanib xabardor qilgandi. Jumladan, yig‘lagani uchun ota o‘zining 6 oylik o‘g‘il bola chaqalog‘iga tan jarohati yetkazgan va uning og‘ziga paypoq tiqqan. Shundan so‘ng chaqaloqning ahvoli og‘irlashib, ko‘kara boshlagan.
Chaqaloq onasi tomonidan zudlik bilan shifoxonaga olib borilgan. Ammo ko‘rsatilgan tibbiy yordamga qarama bola 14 yanvar kuni soat 11:30 lar atrofida shifoxonada vafot etgan.
Dastlab holat yuzasidan Jinoyat kodeksining 104-moddasi 1-qismi (qasddan og‘ir tan jarohati yetkazish) bilan jinoyat ishi qo‘zg‘atilgandi.
Namanganda 381 ming dollarga 50 sotix yerni rasmiylashtirib berishni va’da qilganlar ushlandi
Ukrainaning uchta prezidenti Polsha ordenidan voz kechdi, lekin nafaqat
Farg‘onada gaz to‘ldirish vaqtida avtobus tomidagi gaz balloni yorilib ketdi
-
Sport4 days ago🔴 LIVE: AQSh-Eron muzokaralari va Starmer iste’fosi
-
Siyosat5 days ago
O‘zbekiston uchun nimalar muhim? (video)
-
Sport2 days agoYaponiya futbolining buyuk sabog‘i: mag‘lubiyatdan to‘g‘ri xulosa chiqarish
-
Iqtisodiyot5 days ago
Octobank xalqaro hamkorlikni va global kapital bozorlariga kirishni kengaytirmoqda: TXIF-2026 natijalari
-
Jamiyat2 days ago«Andijon polkasi» tadbiriga ketayotgan o‘quvchilar YTHga uchradi
-
Jamiyat5 days agoBo‘stonliqda kanalga tushib ketgan ikkinchi bolaning jasadi ham topildi
-
Iqtisodiyot5 days ago
yangi xalqaro amaliyotlar joriy etiladi
-
Siyosat5 days ago
O‘zbekiston va BAA o‘rtasida yirik investitsiya loyihalari amalga oshiriladi