Jamiyat
“Qutqaruvchilar kelganida hali ular tirik edi”
10 iyun kuni Andijon viloyati Marhamat tuman tibbiyot birlashmasining to‘rt nafar texnik xodimi kanalizatsiya bunkerida vafot etdi. Kun.uz muxbiri shifoxona xodimlari va mansabdorlari hamda qurbonlarning yaqinlari bilan suhbatlashib, voqea tafsilotlarini surishtirdi.
Avvaliga Marhamat tumani tibbiyot birlashmasida bo‘lib, voqea joyini ko‘zdan kechirdik. Chiqindi suvlari to‘planadigan bunkerning og‘zi kesib tashlangan, atrofini maxsus to‘siqlar bilan o‘rashayotgan ekan.
Baxtsiz hodisada vafot etgan Lochin Qosimov, Bobur Matholiqov, Qobiljon Mamajonov va Ikrom Nishonovlar
Muassasa rahbari o‘rinbosarlari tasvirga olayotganimizni ko‘rib nima sababdan kelganimizni so‘rashdi-yu, holat yuzasidan izoh so‘raganimizda ketib qolishdi. Birozdan keyin tuman hokimining birinchi o‘rinbosari ham voqea joyiga yetib keldi. U ham izoh berishni xohlamadi.
Muassasa xodimlarining aytishicha, bunkerga eng avval santexnik Ikrom Nishonov tushgan, u zaharlangandan so‘ng yordam bermoqchi bo‘lib bog‘bon Lochin Qosimov, kanalizatsiya tozalovchi mashina haydovchisi Qobiljon Mamajonov va elektrik Bobur Matxoliqov tushishgan.
Guvohlar favqulodda vaziyatlar bo‘limi xodimlari hodisa joyiga dastlab asbob-uskunalarsiz kelishgani, shu sabab hali joni uzilmagan, ichkaridan yordam so‘rab baqirayotgan xodimlarga yordam bera olishmaganini aytmoqda.
Voqea guvohi bo‘lgan hamshira Zarnigor Rahimova
“FVB xodimlari kelishgan paytda bunker ichiga tushgan 4 xodimning kamida 2 nafari tirik edi. Yordam beringlar deb baqirganlarini aniq eshitdik. O‘sha paytda FVB xodimlarining qo‘lida biror bir moslama yo‘q edi.
Ular “qo‘limizda maxsus uskuna yo‘q, keyin bizga rahbarimiz ruxsat bersagina ishga kirishamiz”, deb turishdi. Atrofda shuncha odam to‘planib, to ularning joni uzilguncha qo‘llaridan hech narsa kelmay turaverishdi. Eng dahshati shu edi.
Xodimlar avvaldan bunkerga tushib kelishgan. Arzimagan oylikka ishlab kelayotgan bechora xodimlarni zaharli gaz to‘planib turgan bunkerga tushishga majbur qilishdi. Endi esa javobgarlikni hech kim bo‘yniga olmayapti”, deydi hamshiralardan biri.
“Turmush o‘rtog‘imni bunkerga ko‘p tushirishgan…”
Tibbiyot muassasasida bog‘bon bo‘lib ishlagan marhum Lochin Qosimovning turmush o‘rtog‘i Muqaddas Hasanovaning aytishicha, eri baxtsiz hodisa sodir bo‘lishidan avval ham ko‘p marta bunkerga tushib kelgan.
“Qaynotamning o‘lganiga 5 oy ham bo‘lgani yo‘q, ularning hali tuprog‘i sovumasdan turmush o‘rtog‘im vafot etdi. U yagona boquvchimiz edi. 3 nafar bolam yetim qoldi. Ularga nima deb javob beraman? 1 mln so‘m oylik oladigan oddiy bog‘bonni ham zaharli joyga tushirishadimi noinsoflar?!
Turmush o‘rtog‘imni avvallari ham ko‘p marta o‘sha bunkerga tushirib kelishgan. Bu haqda menga aytib berardi. Bu ishga majbur qilganlar javob berishsin. Aybdorlarga qat’iy jazo berilsin”, deydi u.
Muqaddas Hasanova, marhum Lochin Qosimovning turmush o‘rtog‘i
Baxtsiz hodisa oqibatida vafot etgan Qobiljon Mamajonov va Ikrom Nishonovlarning ham xonadonida bo‘lib, oila a’zolari bilan suhbatlashdik. Ular ham haqiqat yuzaga chiqishi kerakligi, tushish mumkin bo‘lmagan zaharli bunkerni tozalash majburiyatini yuklaganlarga javobgarlik qo‘llanishi zarurligini ta’kidlashdi.
Qobiljon Mamajonov haydagan kanalizatsiya tozalovchi mashina
Biz bilan suhbatlashgan Marhamat tumani tibbiyot birlashmasi bosh shifokori To‘xtaqul Alamatov, muassasa muhandisi O‘ktam Saidahmedov, bosh elektrik Odiljon Mamajonovlar kanalizatsiya bunkerini tozalash bo‘yicha topshiriq bermaganliklarini aytishdi.
To‘xtaqul Alamatov, Marhamat tumani tibbiyot birlashmasi bosh shifokori
Sud-tibbiy ekspertizasining dastlabki ma’lumotiga ko‘ra, tibbiyot muassasasi xodimlarining o‘limiga vodorod sulfiddan o‘tkir zaharlanish va yuqori nafas yo‘llarining suyuqlik bilan berkilishi natijasida yuzaga kelgan mexanik asfiksiya sabab bo‘lgan.
Holat bo‘yicha mehnat muhofazasi qoidalarini buzish moddasi bilan jinoyat ishi ochilgan. Marhamat tumani prokuraturasi tergov-surishtiruv ishlarini olib bormoqda.
Nomzodlar fransuz tilini muloqot darajasida bilishi hamda qishloq xo‘jaligi sohasida kamida uch yillik ish tajribasiga ega bo‘lishi lozim. Ish haqi oyiga 1650 yevroni (qo‘lga tegadigan summa) tashkil etadi.
O‘zbekistonliklar Fransiyaning Men va Luara hamda va Rona hududlarida meva-sabzavot yetishtirish sohasidagi mavsumiy ishlarga borishlari mumkin.
Xabar qilinishicha, ish meva-sabzavot hosilini yig‘ib-terishdan iborat.
Tanlovda 25−45 yoshli, sudlanmagan erkaklar va ayollar ishtirok etishi mumkin. Nomzodlar fransuz tilini muloqot darajasida bilishi hamda qishloq xo‘jaligi sohasida kamida uch yillik ish tajribasiga ega bo‘lishi lozim.
Meva dalalarida ish 17 avgustdan, sabzavot dalalarida 1 oktyabrdan boshlanadi.
Ish haqi oyiga 1650 yevroni (qo‘lga tegadigan summa) tashkil etadi.
Nomzodlar viza rasmiylashtirish, aviachipta, turar joy va transport hamda oziq-ovqat xarajatlarini o‘z hisobidan qoplaydi. Ishga joylashgandan so‘ng viza va aviachipta uchun sarflangan mablag‘larning bir qismi Migratsiya agentligi tomonidan qoplab berilishi belgilangan.
Ish beruvchi vakillari tomonidan tanlov onlayn shaklda o‘tkaziladi. Nomzodlar «Xorijda ish» platformasida CV to‘ldirganlar orasidan saralab olinadi.
Arizalarni 20 iyunga qadar «Xorijda ish» platformasida shakllantirish mumkin.
Jamiyat
Andijonda oltinlarni turli nayranglar orqali olib kirishga uringan shaxslar to‘xtatib qolindi
«Do‘stlik» chegara bojxona posti orqali harakatlangan fuqaro shaxsiy ko‘rikdan o‘tkazilganida zargarlik buyumlarini do‘ppisining ichiga joylab olib o‘tmoqchi bo‘lgani ma’lum bo‘ldi.
Foto: O‘zbekiston Respublikasi Davlat bojxona qo‘mitasi
«Do‘stlik» chegara bojxona posti orqali O‘zbekistonga kirib kelayotgan ikki nafar ayolning yuklari bojxona nazoratidan o‘tkazildi. Ulardan birining kiprik bo‘yog‘i (tush) idishi ichiga uch dona quyma oltin yashirincha joylangani aniqlandi.
Uning hamrohi esa oltin bo‘laklarini atir idishi hamda ruchka ichiga joylashtirgan holda olib o‘tishga uringan.
Shuningdek, ushbu post orqali harakatlangan yana bir fuqaro shaxsiy ko‘rikdan o‘tkazilganida zargarlik buyumlarini do‘ppisining ichiga joylab, olib o‘tmoqchi bo‘lgani ma’lum bo‘ldi.
Mazkur holatlar yuzasidan surishtiruv harakatlari olib borilmoqda.
Qonunchilikka ko‘ra, jismoniy shaxslar tomonidan shaxsiy ehtiyojlari uchun notijorat maqsadlarda respublikaga olib kiriladigan tovarlarning bojsiz olib kirish normasi avtomobil va piyoda o‘tkazish punktlari orqali 300 AQSh dollari miqdorida belgilangan. Mazkur talablar zargarlik buyumlariga ham tatbiq etiladi. Bunda buyumlarning tayyor zargarlik mahsuloti bo‘lishi hamda notijorat maqsadlarda olib kirilishi muhim ahamiyat kasb etadi.
Mazkur harakatlar natijasida yetkazilgan zarar miqdori 1,3 mlrd so‘m deb baholanmoqda.
Bosh prokuratura huzuridagi departamentning Qashqadaryo viloyati boshqarmasi tomonidan o‘tkazilgan tergovga qadar tekshiruvda fuqaro N.N. va boshqalar Qamashi tumanidagi “Qashqadaryo” daryosining “Qo‘shkapa” MFY hududidan oqib o‘tuvchi qismida 26 614,4 metr kub noruda hisoblangan qum xomashyosini o‘zboshimchalik bilan qazib olib, davlat va jamiyat manfaatlariga 665,5 mln so‘mlik zarar yetkazganliklari aniqlangan.
Departamentning Chiroqchi tumani bo‘limi tomonidan o‘tkazilgan tergovga qadar tekshiruvda “S.O.” xususiy korxonasi mas’ul shaxslari “Chiyalinskoe (1973)” konining belgilangan chegarasidan tashqarida 15 338,8 metr kub noruda hisoblangan qum-shag‘al aralashmasini qazib olgani aniqlangan. Yetkazilgan zarar miqdori 400,2 mln so‘m deb baholangan.
Departamentning Mirishkor tumani bo‘limi tomonidan o‘tkazilgan tezkor tadbirda fuqaro M.M. va boshqalar “H.F.” MChJning “Chandir” MFY hududidagi yer maydonida 9 755,7 metr kub qumni qazib olib, davlat va jamiyat manfaatlariga 253,5 mln so‘mlik zarar yetkazganliklari aniqlangan.
Mazkur holatlar yuzasidan Jinoyat kodeksining 229-moddasi bilan jinoyat ishlari qo‘zg‘atilib, tergov harakatlari o‘tkazilmoqda.
Yunusobod tumani gaz ta’minoti bo‘limida ishlovchi mas’ul shaxs gaz hisoblagich o‘rnatilmaganligi sababli dalolatnoma tuzmaslik, jarimaga tortmaslik va hujjatlarni to‘g‘rilab berish evaziga fuqarodan 12 mln so‘m talab qilgan.
Toshkent shahrida fuqarodan hisoblagich yo‘qligi sababli ishlarini bosti-bosti qilib berish evaziga 1 000 AQSh dollari talab qilgan Yunusobod tumani gaz ta’minoti bo‘limi xodimi qo‘lga olindi.
Ma’lum qilinishicha, fuqaro Toshkent shahar IIBBga murojaat qilib, Yunusobod tumani gaz ta’minoti bo‘limida ishlovchi mas’ul shaxs gaz hisoblagich o‘rnatilmaganligi sababli dalolatnoma tuzmaslik, jarimaga tortmaslik va hujjatlarni to‘g‘rilab berish evaziga 12 mln so‘m talab qilayotganligi va shu kunga qadar 1 million 200 ming so‘m berganligini ma’lum qilib, mazkur shaxsga nisbatan qonuniy chora ko‘rishni so‘ragan.
O‘tkazilgan tezkor tadbir davomida Yunusobod tumani gaz ta’minoti bo‘limida ishlovchi mas’ul shaxs fuqarodan talab qilingan pulning qolgan 10 mln 800 ming so‘mini olgan vaqtida ushlangan.
Holat yuzasidan Jinoyat kodeksi 168-moddasi uchinchi qismi “v” bandi bilan jinoyat ishi qo‘zg‘atilgan.
Jamiyat
“Ijtimoiy reyestr”dagi yosh oilalar uchun ijara xarajatlarini qoplash bo‘yicha onlayn xizmat ishga tushdi
Mablag‘ 12 oygacha muddatga, har oy ijara to‘lovining 50 foizigacha miqdorda ajratiladi.
Sun’iy intellekt yaratgan surat
“Ijtimoiy reyestr”ga kiritilgan yosh oilalar uchun turar joy ijarasi xarajatlarini qoplash bo‘yicha onlayn xizmat ishga tushirildi.
Ijtimoiy himoyaga muhtoj yosh oilalar my.gov.uz portali yoki uning mobil ilovasi orqali ijara xarajatlarini qoplash uchun onlayn ariza yuborishi mumkin.
Mablag‘ 12 oygacha muddatga, har oy ijara to‘lovining 50 foizigacha miqdorda ajratiladi.
Bunda Toshkent shahri, Nukus shahri va viloyat markazlarida bazaviy hisoblash miqdorining 3 baravarigacha, boshqa hududlarda esa BHMning 2 baravarigacha to‘lanadi.
Kompensatsiya puli har oy ariza beruvchining ijtimoiy kartasiga o‘tkazib beriladi.
Uy egasi va ijaraga oluvchi yosh oila o‘zaro yaqin qarindosh bo‘lsa, kompensatsiya tayinlash avtomatik ravishda rad etiladi.
Ijara kompensatsiyasi oluvchi yosh oilalar 12 oy davomida volontyorlik loyihalarida qatnashishi, “Mutolaa” loyihasi doirasida har oy kamida bitta kitob o‘qishi hamda “Besh tashabbus olimpiadasi” doirasidagi kamida bitta tanlov yoki musobaqada ishtirok etishi lozim.
O‘zbekistonliklar uchun Fransiyada mavsumiy ish taklif etilmoqda
Andijonda oltinlarni turli nayranglar orqali olib kirishga uringan shaxslar to‘xtatib qolindi
Qashqadaryoda qum-shag‘al aralashmasini noqonuniy qazib olish holatlari fosh etildi
-
Iqtisodiyot2 days agoSpaceX tarixdagi eng yirik IPOʻni amalga oshirdi
-
Dunyodan2 days agoYevropa Ittifoqi Oʻrta Yer dengizidagi “soya flotlari”ga qarshi reydlarni kuchaytirdi
-
Jamiyat4 days agoTerrorizmni moliyalashtirgan 8 nafar shaxsga sud hukmi o‘qildi
-
Dunyodan4 days ago
Ray-Ban aqlli ko’zoynaklari texnologik mo’jizami yoki shaxsiy hayotga tahdidmi?
-
Iqtisodiyot4 days ago6 nafar mashhur bloger 3,1 mlrd so‘m soliq to‘lamagani aniqlandi
-
Sport4 days agoNiderlandiya bilan o‘yin ishonch berdi: O‘zbekiston JChga tayyor ekan!
-
Sport5 days agoJahon chempionati hakami AQShga kiritilmadi
-
Sport4 days agoO‘zbekiston va Senegal vakillari AQShda qattiq tekshiruvdan o‘tkazildi