Jamiyat
Qumga ko‘milgan murda – Termizdagi mudhish qotillik tafsiloti
2025 yil 2 mart. Tong. Termiz shahrida ko‘pchilikka tanish bo‘lgan “protsentchi” ayol yo‘qolib qolgani haqidagi gap el oralay boshlaydi. Uni taniganlar borki, bir ko‘ngilsizlikni sezganday bosh chayqab qo‘yishardi. Ha, aslida chindan ko‘ngilsizlik bo‘lgan, ayol yarim tunda uyidan o‘g‘irlab ketilib, Termiz tumani hududida o‘ldirilgan va qumga ko‘mib yuborilgandi. Qotilning kimligi aniq bo‘lganida esa odamlarning hayrati ikki karra oshdi.
{Yii::t(}
O’tkazib yuborish 6s
O’tkazib yuborish
Shunday qotilliklar bo‘ladiki, odamlarni jinoyat tafsiloti emas, uni sodir qilgan shaxs ko‘proq hayratga soladi. Chunki qotil hamma gumon qilgan emas, kutilmagan odam bo‘lib chiqadi. 2025 yil mart oyida Termiz tumanida sodir qilingan mudhish qotillik ham ko‘pchilikni shu ma’noda hayrat solgandi: qotilning kimligi oshkor bo‘lganida odamlar, hamkasblari nahotki, deya yoqa ushlab qolishgan.
O‘g‘irlab ketilgan ayol
2025 yil 2 mart. Termiz shahrining Guliston mahallasida yashovchi Sabina Valiyeva (maqoladagi barcha ismlar o‘zgartirilgan) yo‘qolib qolgani ma’lum bo‘ladi. U Termiz tumanidagi “Marvarid” sanatoriysida hamshira bo‘lib ishlar, ishidan tashqari fuqarolarga foizga pul berish, ya’ni sudxo‘rlik bilan shug‘ullanardi.
Yaqin qarindoshlari ayolni izlashga tushishadi. Avvaliga Sabinaning uyiga o‘g‘ri tushgan, degan gumonda bo‘lishadi. Ammo vaziyat bundan ko‘ra jiddiyroq edi. Sabina Valiyeva uyi yonidan o‘g‘irlab ketilgan va Termiz tumani hududidagi qumlikka olib borib, pichoqlab o‘ldirilgan va murdasi o‘sha yerga ko‘mib ketilgandi.
Ko‘p o‘tmay ayolning murdasi o‘sha qumlikdan – ko‘milgan joyidan topiladi. Voqeadan xabar topganlar qotilning kim ekani haqida o‘ylashar, turli taxminlarni ilgari surishardi.
Yo‘qolgan pichoq va qotil xodim
Akmal Murodov Surxondaryo viloyat IIB tezkor vazifalarni bajaruvchi safarbarlik otryadi 3-ishg‘ol qilish guruhi katta mutaxassisi – sapyor-portlatuvchisi lavozimida ishlardi. U va hamkasbi Elshod Qambarovga Surxondaryo viloyat IIB tezkor vazifalarni bajaruvchi safarbarlik otryadi ma’muriy binosida bitta yotoqxona biriktirilgandi.
Odatda bitta yotoqxona 4 nafar xodimga mo‘ljallanadi. Biroq otryadda vakant shtatlar mavjudligi sababli 2 kishining joyi bo‘sh edi.
Akmal 2025 yil 1 mart kuni soat 8:00 larda ishga kelib, “razvod”da qatnashadi. U o‘sha kuni navbatchi edi. Biroq tug‘ilgan kuni munosabati bilan unga javob berishadi. Xonaga kirib, kiyimlarini almashtirayotgan Akmal shkafdagi o‘ziga tegishli tashvish qopidan orqa qismi oyna sindirish uchun mo‘ljallangan bolg‘achali pichog‘i yo‘qolib qolganini ko‘radi.
Ammo pichoq ertasi kuni topiladi: 2 mart kuni ishga kelgan Akmal ertalabki saflanishdan so‘ng xonasiga kirib, Elshoddan pichog‘ini ko‘rgan-ko‘rmaganini so‘raydi. O‘zini biroz g‘alati tutgan Elshod konserva bankasini ochish uchun undan so‘roqsiz pichog‘ini olib, foydalanib turganini, qaytarib joyiga qo‘yganini aytadi. Biroz o‘tib esa xonadan chiqib ketadi.
Qotillikka yetaklagan qimor
Elshod Qambarov 1996 yilda Sherobod tumanida tug‘ilgan, 2018 yildan Surxondaryo viloyat IIB tezkor vazifalarni bajaruvchi safarbarlik otryadi 3-ishg‘ol qilish guruhi katta mutaxassisi-haydovchisi vazifasida ishlab kelardi.
U 2019 yillarda tavakkalchilikka asoslangan onlayn qimor o‘yinlariga qiziqib qoladi. Avvaliga 1xbet orqali turli sport o‘yinlariga pul tikib yuradi. Bir-yarim yutuq chiqqanini ko‘rgach, qimorga mukkasidan keta boshlaydi. Elshod qimorga tikiladigan pul miqdorini oshirib borardi. Kuni kelib aksariyat qimorbozda bo‘lgan holatga Elshod ham duch keldi: u katta miqdorda pul mablag‘ini yuqazib qo‘yadi.
Qayerdan pul topishni bilmay boshi qotgan Elshod tijorat banklaridan onlayn mikroqarzlar olib, qarzini yopadi. Ammo qimor o‘ynashda davom etadi. Uning topgan maoshi qarzlarini qaytarish va qimorga ketardi.
Elshod sekin-asta foizga pul beruvchi insonlarni izlay boshlaydi. Uni Sabina bilan uchrashtirgai sabab shu edi. O‘shanda 2021 yilning yoz oylari bo‘lgan. Sabina bilan tanishgan Elshod avvaliga undan oyiga 10 foiz ustama haq to‘lash sharti bilan 5 mln so‘m, keyin yana bir-ikki marta kamroq miqdorda pul oladi.
U olingan qarzga hisoblangan foizlarni to‘lab boradi. 2022 yildagi voqealar sabab Elshodni Qoraqalpog‘istonga yuborishadi. U 1 yil davomida o‘sha yerda xizmat qiladi va 2023 yil avgustda Surxondaryoga qaytadi. Bu paytda Elshodning Sabina oldidagi qarzdorligi 12 mln 600 ming so‘mga yetgandi. U ushbu qarzdorlikni so‘ndirish uchun bankdan 12 mln so‘m mikroqarz olib, ayol bilan hisoblashadi. Ularning orasida 600 ming so‘m “oldi-berdi” qolgandi. Ammo Elshodga yana pul kerak bo‘lib qoladi va u Sabinadan bir marta 8 mln so‘m, keyinroq 3 mln so‘m qarz oladi.
Elshod Qoraqalpog‘istondan qaytgach, ancha vaqt onlayn qimor o‘ynamay ketgandi. Lekin 2024 yil oxirlariga kelib yana qimorga pul tika boshlaydi.
Buzilgan reja
Bir tomonda qimor, boshqa tomonda Sabinadan olingan va har oyda 10 foiz “tug‘ayotgan” qarz hamda bankdan olingan mikroqarz Elshodni qarz botqog‘iga botirgandi. Shu sababli u 2025 yil yanvar va fevral oylarida Sabinaga foiz pulini berolmaydi. Ayol esa unga qo‘ng‘iroq qilib, pulni to‘liq qaytarishni talab qiladi.
Elshod vaziyatdan chiqish uchun yo‘l qidirardi. Bu orada Sabina pulni tezroq qaytarishni, yo‘qsa bu haqda ota-onasiga aytishini ma’lum qilib, qistay boshlaydi. Ayolning do‘q-po‘pisalaridang‘qattiq g‘azablangan erkak uni o‘ldirish qaroriga keladi.
Elshod o‘sha kuni Telegram orqali Sabina bilan yozishib, u bilan “Zolotaya bochka” nomli umumiy ovqatlanish shoxobchasi yonidagi go‘zallik salonida uchrashishga kelishadi. Shu bilan birgalikda, ayolga pulni yashash uyidan olib berishni aytadi. Maqsad Sabinani uning o‘ziga tegishli Tracker mashinasida cho‘l hududiga olib chiqish va o‘ldirish edi.
Elshod hamkasbining Lacetti mashinasini oladi. Biroq mashinani viloyat kardiologiya markazi avtoturargohi yonida qoldirgan holda kelishilgan manzilga taksida boradi. Ular ayolning mashinasida o‘tirib suhbatlashadi. Sabina undan pulni olib kelgan-kelmaganini so‘raydi. Elshod unga javoban “Yo‘q, pul uyda, borib olib kelishimiz kerak, Uchqizilga haydang”, deydi. Ammo ayol bormasligini aytadi va pulni ertaga olib kelishni tayinlagan holda go‘zallik saloniga kirib ketadi. Shu tariqa erkakning tuzgan rejasi buziladi.
Yarim tundagi qotillik
Elshod nima qilishni bilmasdan Lacetti mashinasi tomonga qaytadi. U yarim tungacha mashinada Termiz shahrini aylanib yuradi. So‘ngra bir joyda to‘xtab, Telegram’ga qaraydi. Bu paytda soat 3:00 lar bo‘lgan va Sabina onlayn turgandi. Erkak unga “Opa, pulni bugun bersam bo‘lmaydimi? Ertaga vaqtim bo‘lmasligi mumkin, agar ko‘chada bo‘lsangiz, hozir oling”, deb yozadi. Ayol mayli, deya uyi yoniga chaqiradi.
Elshod soat 3:20 larda Sabinaning uyiga yetib boradi va tashqarida kuta boshlaydi. Birozdan so‘ng ayol uyidan chiqib, Lacetti yoniga keladi. Erkak unga mashina orqa o‘rindig‘iga o‘tirishni, o‘sha yerda pul borligini aytadi. Sabina mashinani aylanib o‘tib, orqa eshikni ochadi. Shu payt Elshod ayolga tashlanadi va uning sochidan ushlab, mashinani harakatga keltiradi.
U Sabinani 50 metrcha sudrab boradi va ko‘cha boshiga chiqib to‘xtaydi. Shunda ayol o‘zi mashinaga o‘tirishini bildirib, sochini qo‘yib yuborishni so‘raydi. Sabina o‘tirgach Elshod mashinani Termiz tumani Sabzipoya mahallasidagi qumlik tomonga boshqarib ketadi.
Manzilga yetib borganida Sabina Elshoddan uni o‘ldirish niyati bor yoki yo‘qligini so‘raydi. Erkak tasdiq ma’nosida bosh irg‘agach, ayol yalinishga tushadi. Biror joyga shikoyat qilmayman, barcha qarzingdan voz kechaman va yana pul beraman, deydi ayol. So‘ngra telefonidagi ilova orqali Elshodning bank kartasiga 24 mln so‘m o‘tkazib beradi.
Elshod Sabinaning telefonini olib, undagi ilovadan yashash xonadonidagi kuzatuv kamerasi tasvirlarini, shuningdek, o‘zi bilan bo‘lgan barcha yozishmalarni o‘chirib tashlaydi. So‘ngra mashinadan o‘zi avvalroq joylashtirib qo‘ygan, aslida hamkasbi Akmalga tegishli bo‘lgan pichoqni olib, ayolning ko‘krak qismiga, bel va kurak sohalariga zarba beradi. Shundan so‘ng Elshod Sabinaning murdasini qumlikka sudrab boradi. Tirik qolmasin deya yana bir-ikki marta pichoq uradi hamda murdani qumga ko‘mib tashlaydi.
Shu tariqa ortga qaytgan Elshod tong otishi bilan Termiz shahriga kirib keladi. Sabina bank kartasiga o‘tkazib bergan pulni bankomatdan naqdlashtiradi. Keyin avtomobillarni yuvish shoxobchasiga borib, mashinani hamda pichoqni yaxshilab yuvadi.
Elshod ertalab ishxonasiga keladi, pichoqni joyiga qo‘yadi va o‘zi “razvod”da qatnashadi. So‘ngra yashash uyiga ketadi. Ko‘p o‘tmay esa qo‘lga olinadi.
Jazo
Elshod Qambarov Jinoyat kodeksining 97-moddasi (Qasddan odam o‘ldirish) 2-qismi “j, i” bandlari, 137-moddasi (Odam o‘g‘irlash) 3-qismi “b” bandi, 164-moddasi (Bosqinchilik) 2-qismi “a” bandida nazarda tutilgan jinoyatlarni sodir etganlikda aybdor deb topilgan. Unga 18 yil 6 oy muddatga ozodlikdan mahrum qilish jazosi tayinlangan. Jazoning dastlabki 1,5 yilini turmada, qolgan qismini umumiy tartibli koloniyalarda o‘tash belgilangan.
Ruslan Saburov,
Kun.uz
Sud materiallari asosida tayyorlandi.
Prezident Shavkat Mirziyoyevga yoqilg‘i-energetika sohasidagi murojaatlar tahlili taqdim etildi. Davlat rahbari kuz-qish mavsumiga tayyorgarlik doirasida elektr va gaz ta’minotidagi tizimli muammolarni bartaraf etish, tarmoqlarni ta’mirlash hamda aholini uzluksiz energiya bilan ta’minlash bo‘yicha mas’ullarga topshiriq berdi.
Foto: Prezident matbuot xizmati
Prezident Shavkat Mirziyoyevga 17 iyul kuni yoqilg‘i-energetika sohasida fuqarolar murojaatlarini ko‘rib chiqish hamda ularda ko‘tarilgan muammolarni kuz-qish mavsumiga tayyorgarlik doirasida bartaraf etish yuzasidan axborot berildi.
Qayd qilinishicha, 2026 yilning birinchi yarmida yoqilg‘i-energetika sohasiga oid 40 mingga yaqin murojaat kelib tushgan. Ularning 50 foizi tabiiy va suyultirilgan gaz, 38,3 foizi elektr ta’minoti bilan bog‘liq.
Murojaatlarda asosan suyultirilgan gaz ballonini to‘ldirish, elektr ta’minotidagi uzilishlar, elektr tarmoqlarini qurish va ta’mirlash hamda tabiiy gaz bosimi bilan bog‘liq masalalar ko‘tarilgan.
Kuz-qish mavsumidan oldin takror murojaatlar kelib tushayotgan mahalla va obektlarni xatlovdan o‘tkazish, elektr va gaz tarmoqlarining texnik holatini o‘rganish, aniqlangan kamchiliklarni bartaraf etish bo‘yicha hududlar kesimida manzilli rejalar ishlab chiqish vazifasi qo‘yildi.
Ayniqsa, elektr ta’minotida uzilishlar ko‘p kuzatilayotgan hududlarda tarmoq va transformatorlarni ta’mirlash, avariya brigadalarining shayligini oshirish, tabiiy gaz bosimi bilan bog‘liq muammolar mavjud joylarda ta’minot barqarorligini ta’minlash muhimligi qayd etildi.
Shuningdek, suyultirilgan gaz ballonlarini to‘ldirish va aholiga yetkazib berish grafiklariga qat’iy rioya qilish, ehtiyoj yuqori bo‘lgan hududlarda qo‘shimcha zaxira va imkoniyatlarni safarbar etish zarurligi ko‘rsatib o‘tildi.
Davlat rahbari mutasaddilarga murojaatlarda ko‘tarilgan tizimli muammolarni kuz-qish mavsumi boshlanguniga qadar hal etish bo‘yicha topshiriq berdi.
Yagona interaktiv davlat xizmatlari portali saytini (my.gov.uz) soxtalashtirib, fuqarolarning pulini o‘zlashtirgan jinoiy guruh a’zolari qo‘lga olindi.
Ichki ishlar vazirligi Kiberjinoyatlarga qarshi kurashish departamenti xabariga ko‘ra, ular soxta sayt yaratib, Instagram orqali «kompensatsiya rasmiylashtirish markazi» nomi ostida yolg‘on reklama tarqatgan.
Tergov ma’lumotlariga ko‘ra, jinoiy guruhni 1993 yilda Xorazm viloyatida tug‘ilgan shaxs tashkil etgan. U soxta sayt orqali fuqarolarning karta ma’lumotlarini qo‘lga kiritib, pullarni yechib olgan. Guruh 26 nafar fuqaro nomiga rasmiylashtirilgan 293 ta bank kartasidan foydalangan. O‘g‘irlangan mablag‘lar dastlab ushbu kartalarga o‘tkazilgan, keyin esa Telegram messenjeridagi maxsus kriptobotlar orqali kriptoaktivlarga aylantirilgan.
Tergov davomida mazkur jinoiy guruh respublika bo‘ylab 456 nafar fuqarodan 1 milliard so‘mdan ortiq mablag‘ni o‘zlashtirgani aniqlangan.
Holat yuzasidan Jinoyat kodeksining 168-moddasi (firibgarlik) hamda 278-6-moddasi bilan jinoyat ishi qo‘zg‘atilgan va tergov harakatlari davom etmoqda.
Energotizim barqarorligini ta’minlash va yirik avariyalarning oldini olish maqsadida Qashqadaryo, Jizzax, Xorazm va Toshkent viloyatining ayrim hududlarida 2 soatlik majburiy elektr cheklovlari joriy etildi.
16 iyul kuni O‘zbekiston yagona energetika tizimida sutkalik elektr energiyasi iste’moli 291 million kVt·soatni tashkil etib, o‘tgan yozgi mavsumdagi eng yuqori ko‘rsatkichdan 18,4 million kVt·soatga (6,7 foizga) oshdi. Shu kuni elektr energiyasi ishlab chiqarish hajmi ham 295,4 million kVt·soatga yetib, yangi rekord o‘rnatildi. Bu haqda Energetika vazirligi xabar berdi.
Qayd qilinishicha, anomal issiq ta’sirida elektr uzatish tarmoqlari va uskunalari me’yordan ortiq qizib, kunduzi elektr energiyasi iste’molining keskin oshishi tarmoqlardagi yuklamani yanada kuchaytirmoqda.
Shu sababli, energotizim barqarorligini ta’minlash va yirik avariyalarning oldini olish maqsadida Qashqadaryo, Jizzax, Xorazm va Toshkent viloyatining ayrim hududlarida 2 soatlik majburiy elektr cheklovlari joriy etildi.
Prezident Shavkat Mirziyoyev madaniyat va san’atni rivojlantirish hamda milliy merosni xalqaro miqyosda targ‘ib qilishga qaratilgan loyihalar taqdimoti bilan tanishdi. Unga ko‘ra, O‘zbekistonning noyob arxeologik va amaliy san’at namunalari jahonning yetakchi muzeylarida namoyish etiladi, «Tamerlano» operasi 2027 yilda Nyu-Yorkdagi Karnegi-xoll sahnasida qo‘yiladi, shuningdek, mamlakatda yirik xalqaro madaniy tadbirlarni tashkil etishning yangi tizimi joriy etiladi.
Prezident Shavkat Mirziyoyev 17 iyul kuni madaniyat va san’atni rivojlantirish, milliy merosimizni asrab-avaylash hamda xalqaro miqyosda keng targ‘ib qilishga qaratilgan loyiha va tadbirlar taqdimoti bilan tanishdi.
Dastlab nufuzli xorijiy muzey va ko‘rgazma maydonlarida O‘zbekistonning arxeologik va ilmiy merosi, shuningdek, amaliy san’at asarlarini namoyish etish bo‘yicha rejalar ko‘rib chiqildi.
Jumladan, 2026 yil sentabr oyida Dohadagi Islom san’ati muzeyida “Uzbekistan: Heritage in Motion” ko‘rgazmasini, noyabr oyida esa Milandagi Prada fondida O‘zbekistonning noyob eksponatlari ishtirokida “Global Antiquity” xalqaro arxeologiya ko‘rgazmasini tashkil etish rejalashtirilgan. 2027 yilda Venetsiyadagi Palatsso Grimani va Yaponiyaning Nara milliy muzeyida O‘zbekistonning bronza davridan ilk o‘rta asrlargacha bo‘lgan tarixini aks ettiruvchi 200 dan ziyod arxeologik topilmalar namoyish etiladi. Milandagi Palatsso Realeda oltin kashtachilik, so‘zana, ikat, zargarlik buyumlari va amaliy san’at asarlaridan iborat 150 dan ortiq eksponat taqdim etiladi.
Florensiyada Abu Ali ibn Sinoning hayoti va ilmiy merosiga bag‘ishlangan ko‘rgazma o‘tkazish, shuningdek, Yaponiya, Buyuk Britaniya, Xitoy, Saudiya Arabistoni va boshqa davlatlardagi yetakchi madaniy muassasalar bilan qo‘shma loyihalarni amalga oshirish rejalari bayon qilindi.
Madaniy meros obektlarini restavratsiya qilish masalalariga alohida e’tibor qaratildi. Knyaz Nikolay Romanov saroyida O‘zbekiston davlat san’at muzeyi filialini tashkil etish ko‘zda tutilgan. Bunda majmuaning tarixiy qiyofasi saqlab qolinib, 300 ga yaqin eksponatdan iborat doimiy ekspozitsiya shakllantiriladi.
Muxtor Ashrafiy uy-muzeyida binoning fasadi va tarixiy intererlari restavratsiya qilinib, ekspozitsiya yangilanmoqda. Muzey zamonaviy muhandislik tizimlari, xavfsizlik va iqlim nazorati vositalari, multimedia uskunalari, shuningdek, ovoz yozish studiyasi bilan jihozlanadi.
Taqdimotda “Tamerlano” operasini jahonning nufuzli sahnalarida namoyish etish natijalari va kelgusi rejalar ko‘rib chiqildi.
Joriy yilda ushbu asar Dubay operasi, Venadagi “Muzikferayn”, Sankt-Peterburgdagi Mariinskiy teatri hamda Versal saroyi Qirollik operasi sahnalarida namoyish etildi. Stefano Poda sahnalashtirgan operada Georg Fridrix Gendel musiqasi Kirill Rixter talqinida, o‘zbek milliy cholg‘u asboblaridan foydalanilgan holda ijro etildi. Loyihada O‘zbekiston Milliy simfonik orkestri, xor, xalq cholg‘ulari orkestri va taniqli solistlar ishtirok etdi.
2027 yil mart oyida “Tamerlano” operasini Nyu-Yorkdagi mashhur “Karnegi-xoll” konsert zali sahnasida namoyish etish rejalashtirilgan. Bu o‘zbek opera san’ati va milliy ijrochilik maktabining yuksak salohiyatini xorijiy auditoriyaga keng namoyish etish imkonini beradi.
Yirik konsertlar, festivallar, tanlov va ko‘rgazmalarni tashkil etishning yagona tizimini shakllantirish masalasi ham ko‘rib chiqildi. Madaniyat vazirligi huzuridagi “Xalqaro festivallar direksiyasi” davlat muassasasi negizida Madaniyat va san’atni rivojlantirish jamg‘armasi huzurida Madaniy loyihalar milliy operatorini tashkil etish taklif qilindi.
Milliy operator yirik xalqaro tadbirlarni tashkil etish va ularni xorijda targ‘ib qilish, taniqli ijrochilar ishtirokidagi konsertlarga buyurtmachi sifatida ish olib borish, shuningdek, “Sharq taronalari” xalqaro musiqa festivalini tayyorlash uchun mas’ul bo‘ladi.
Joriy yil 8 iyun kuni Samarqanddagi Registon maydonida mashhur xonanda Jon Lejyendning konserti o‘tkazildi. Avgust oyida Pekindagi Buyuk Xitoy devorida, sentabr oyida esa Registon maydonida taniqli pianinochi Lang Langning konsertini o‘tkazish rejalashtirilgan. Oktabr oyida Toshkentdagi “O‘zbekiston” xalqaro anjumanlar saroyida bastakor Maks Rixterning konserti bo‘lib o‘tadi.
Joriy yilda Venetsiya va Milan shaharlarida o‘tkazilayotgan yirik xalqaro madaniy tadbirlarda O‘zbekistonning ishtiroki natijalari ham taqdim etildi.
Venetsiyadagi 61-xalqaro san’at biyennalesida O‘zbekiston “The Aural Sea” loyihasi bilan milliy pavilonda ishtirok etmoqda. Loyiha Orol dengizi va Qoraqalpog‘iston mavzusini xotira, afsona va hikoyalar orqali ochib beradi. Pavilonga hozirga qadar 60 mingdan ziyod kishi tashrif buyurgan. Loyihaga bag‘ishlangan materiallarning umumiy media qamrovi 145 milliondan oshgan.
Biyennale doirasida Palatsso Kavalli-Frankettida o‘zbekistonlik rassom Vyacheslav Axunovning “Instrumens of the Mind” shaxsiy ko‘rgazmasi ham tashkil etildi. Unda rassomning 1970 yillardan bugungi kunga qadar yaratilgan 200 dan ortiq asari namoyish etilmoqda. Ko‘rgazmaga 30 dan ziyod mamlakatdan 12 mingdan ortiq kishi tashrif buyurgan.
“Milan Design Week 2026” doirasida tashkil etilgan “O‘rik gullaganda” milliy pavilonida 12 nafar xalqaro dizayner hamda O‘zbekiston va Qoraqalpog‘istondan 12 nafar hunarmandning hamkorlikdagi ishlari namoyish qilindi. O‘zbekiston paviloni “Fuorisalone Award 2026” mukofoti hakamlar hay’atining maxsus e’tirofiga sazovor bo‘ldi. Uni 18 mingdan ziyod kishi ko‘rdi, loyihaning xalqaro axborot qamrovi 171 millionga yetdi.
Shuningdek, Madaniyat va san’atni rivojlantirish jamg‘armasining 2026-2027 yillarga mo‘ljallangan tadbir va loyihalari muhokama qilindi.
11-13 sentabr kunlari Nukus shahrida Orol madaniyati sammiti o‘tkaziladi. Madaniyat, ilm-fan, me’morlik, dizayn va ekologiya sohalari vakillari Orolbo‘yini barqaror rivojlantirish masalalarini muhokama qiladi. 2027 yil yanvar oyida “Aral School” xalqaro dasturining Orol dengizi havzasi iqlimi va landshaftiga bag‘ishlangan yangi mavsumi boshlanadi.
Alisher Navoiy nomidagi O‘zbekiston davlat akademik katta teatri repertuarini yangilash doirasida Jakomo Puchchinining “Turandot” operasi va Pyotr Chaykovskiyning “Shelkunchik” baletini yangicha talqinda sahnalashtirish rejalari ko‘rib chiqildi. Loyihalarni amalga oshirishga yetakchi mahalliy va xorijiy rejissyorlar, dirijyorlar, xoreograflar va sahnalashtirish bo‘yicha mutaxassislarni jalb etish rejalashtirilgan.
2027 yilgi Buxoro biyennalesi doirasida madaniy meros obektlarini restavratsiya qilish, tarixiy hududlar va jamoat makonlarini obodonlashtirish, shuningdek, ko‘rgazma maydonlarini tayyorlash rejalashtirilgan. Biyennalega 50 dan ziyod xorijiy rassom va dizayner hamda mamlakatimiz kreativ industriyalarining 300 dan ortiq vakili jalb etiladi.
Bundan tashqari, “Milan Design Week” va “Art Basel” tadbirlarida ishtirok etish, “Art for Tomorrow” xalqaro anjumanini o‘tkazish, Qatar muzeylari bilan hunarmandchilik va dizayn sohasida hamkorlikni rivojlantirish, shuningdek, Buxoroda badiiy rezidensiya va xalqaro zargarlik maktabini tashkil etish bo‘yicha takliflar ko‘rib chiqildi.
Davlat rahbari loyihalarni puxta tayyorlash, restavratsiya ishlari sifatini qat’iy nazorat qilish, milliy mazmunni zamonaviy yondashuvlar bilan uyg‘unlashtirish hamda xalqaro madaniy hamkorlikning amaliy natijadorligini oshirish bo‘yicha ko‘rsatmalar berdi.
Samarqand viloyatining Urgut tumanida Isroilga ishga jo‘natishni va’da qilib, buning evaziga 16 ming AQSh dollari talab qilgan shaxs tezkor tadbir davomida qo‘lga olindi. U kelishilgan pulning bir qismini olgan vaqtida ashyoviy dalillar bilan ushlangan.
Foto: Prokuratura departamenti
Bosh prokuratura huzuridagi departamentning Urgut tumani bo‘limi hamda boshqa huquqni muhofaza qiluvchi organlar xodimlari hamkorligida o‘tkazilgan tezkor tadbirda xorijga ishga yuborish bilan bog‘liq firibgarlik holatiga chek qo‘yildi.
Ma’lum qilinishicha, fuqaro R.B. fuqaro R.M.ni Isroilga ishlash uchun yuborishini aytib, bu xizmat evaziga 16 ming AQSh dollari talab qilgan.
Tezkor tadbir davomida gumonlanuvchi kelishilgan mablag‘ning 2 ming AQSh dollarini olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 25 va 168-moddalari bilan jinoyat ishi qo‘zg‘atilgan. Hozirda ushbu ish bo‘yicha tergov harakatlari olib borilmoqda.
Oliy ta’lim muassasalari uchun kvotalar tasdiqlandi
Prezident kuz-qish oldidan energetika muammolarini hal etishni topshirdi
O‘zbekistonda chetdan xomashyo olib keladigan yangi kompaniya tuzilib, unga 200 mln dollar ajratiladi
-
Siyosat4 days ago
Prezident Shavkat Mirziyoyev Qatar amiriga ta’ziya bildirdi
-
Jamiyat5 days agoToshkent metrosiga yana 3 ta zamonaviy poyezd qo‘shildi
-
Iqtisodiyot4 days agotadbirkor va davlat organlari o‘rtasida huquqiy bahs yuzaga keldi
-
Mahalliy4 days ago
O‘zbekistondagi 10 mingdan ortiq maktab «Canva»dan bepul foydalanadi
-
Dunyodan3 days agoMahmud Ahmadinejod atrofidagi sirli o’yin: “Mossad bilan hamkorlik”
-
Dunyodan4 days ago
Anqarada NATO sammiti boshlandi
-
Iqtisodiyot2 days agoMarkaziy bank huzurida Islomiy moliya kengashi tashkil etildi
-
Siyosat4 days ago
Shavkat Mirziyoyev elektropoyezdda Bekobodga bordi