Sport
Qozog‘iston Belgiyani, Belarus Daniyani to‘xtatdi. Kun o‘yinlari
Ispaniya va Shveytsariya amalda JCh yo‘llanmasini hal qildi, Turkiya esa g‘alabali seriyasiga qaramay, o‘tish o‘yinlariga yo‘l oladi.
J guruhi
Qozoqlar eshikni qattiq yopib ketishdi
Qozog‘iston – Belgiya 1:1
Gollar: Satpayev, 9 (1:0). Vanaken, 48 (1:1)
Qozog‘iston: Anarbekov, Alip, Qosim, Vorogovskiy, Kairov, Tapalov (Kasabulat, 90+1), Orazov (Jukov, 90+1), Samorodov (Karaman, 80), Kenjyebek (Ashirbek, 56), Chesnokov, Satpayev (Sviridov, 56)
Belgiya: Sels, Teat, de Vinter, Seys (De Keyper, 80), Kastan, Onana (Tilemans, 71), Raskin (Verman, 89), Vanaken, De Ketelare (Openda, 71), Doku, Trossar (Salemakers, 70)
Ogohlantirishlar: Tapalov, 30. Satpayev, 47. Kairov, 70. Anarbekov, 84 – Onana, 40
Chetlatish: Chesnokov, 77
Belgiya va Qozog‘iston o‘rtasidagi birinchi o‘yin mezbonlarning yirik hisobdagi g‘alabasi bilan yakunlangandi (6:0). Aynan shu natijadan keyin Ali Aliyev qozog‘istonliklar bosh murabbiyi lavozimidan bo‘shatildi, uning o‘rniga ish boshlagan Talgat Baysufinov boshchiligidagi jamoa esa Lixtenshteynni yirik hisobda mag‘lub etdi (4:0), guruh peshqadamlaridan biri Shimoliy Makedoniyaga yutqazmadi (1:1), endi esa guruhning asosiy favoritiga ham jang taklif etdi.
Belgiya Ostonaga Kurtua, De Bryuyne (jarohatlangan) va Menesiz (sariq kartochkalari ko‘payib ketgan) tashrif buyurishdi, bosh murabbiy Rudi Garsiya esa diskvalifikatsiya tufayli o‘yinni tribunadan kuzatishga majbur edi. «Qizil iblislar» nima bo‘lganda ham JCh yo‘llanmasini rasmiylashtirishni so‘nggi turga qoldirishni istamasdi, lekin ularga ikki futbolchi to‘sqinlik qildi. Birinchisi, «Chelsi»ning bo‘lajak futbolchisi, 17 yoshli Doston Satpayev. U o‘yin startidayoq maydon markazida to‘p egallab olingach, reyd amalga oshirdi va Sels qo‘riqlayotgan darvozaning yaqin burchagini aniq nishonga oldi. «Qayrat»ni YeChLga olib chiqqanidan keyin mashhur bo‘lib ketgan darvozabon Anarbekov esa birinchi bo‘limning o‘zida Vanaken, Trossar, De Ketelare va Kastanning xavfli zarbalarini qaytardi.
Ikkinchi bo‘limda Vanaken baribir uni dog‘da qoldira oldi va hisobni tenglashtirdi, ammo darvozabon shundan keyin ham
ham qahramonlik ko‘rsatishda davom etib, jami 8 bor seyv amalga oshirdi. Mezbonlar Chesnokov maydondan chetlatilib, bir kishi kam bo‘lib qolganidan keyin ham mardonavor o‘ynab, hisobni saqlab qolishdi. Natijada Belgiyaning JCh yo‘llanmasini rasmiylashtirishi seshanba kuni Bryusselda Lixtenshteynga qarshi kechadigan o‘yinga qoldi.
Lixtenshteyn – Uels 0:1
Gol: J. Jyeyms, 61 (0:1)
Lixtenshteyn: Byuxel, Malin, Geppel, Mayyer, Zele (Shlegel, 81), A. Xasler (Volfinger, 81), Lyuxinger, Tsyund (Vayssenhofer, 66), N. Xasler, Lyuk-Notaro (Pitssi, 74), Salanovich (Saglam, 46)
Uels: Darlou, Loulor, Rodon, Dasilva, Uilyams, Ampadu, J. Jyeyms (Kallen, 77), D. Jyeyms (Koluill, 65), Tomas (Jonson, 83), Xarris (Bruks, 65), Brodhed (Kumas, 65)
Ogohlantirishlar: N. Xasler, 45. Lyuk-Notaro, 68 – J. Jyeyms, 63. Kumas, 79. Ampadu, 86
Uels 18 bor zarba yo‘lladi, Lixtenshteynda — uchta. Shunga qaramay, guruh autsayderi ancha vaqtgacha bardosh berdi (darvozabon Benyamin Byuhel olti seyv ijro etdi) va durang hisobni 63-daqiqagacha ushlab turdi. Keyin esa uelsliklar safidagi Jyeymslar ketma-ket xavfli hujum amalga oshirishdi: Deniyel avvaliga yaqin masofadan turib yo‘llagan zarba ustunga tegdi, bir necha daqiqa o‘tib u qanotdan oshirgan uzxatmani Jordan bir metr masofadan turib darvoza to‘riga yo‘lladi. Endi Uels Kardiffda bo‘ladigan o‘zaro o‘yinda Shimoliy Makedoniyani mag‘lub etishi kerak bo‘ladi: ochkolar soni bo‘yicha ushbu jamoalarda tenglik, ammo to‘plar nisbati makedonlarda yaxshiroq. Guruhda uchinchi o‘rin egasi ham Millatlar ligasi reytingi evaziga o‘tish o‘yinlarida qatnashish imkoniga ega bo‘ladi, lekin qur’ada bunday jamoalar to‘rtinchi savatchadan o‘rin oladi.
18 noyabr. Belgiya – Lixtenshteyn, Uels – Shimoliy Makedoniya.
E guruhi
De la Fuente del Boskedan o‘tib ketdi
Gurjiston – Ispaniya 0:4
Gollar: Oyyarsabal, 11 – penalti (0:1). Subimendi, 22 (0:2). Torres, 35 (0:3). Oyyarsabal, 63 (0:4)
Gurjiston: Mamardashvili, Goglichidze (Kashiya, 46), Lochoshvili, Mamuchashvili, Gocholeishvili, Mekvabishvili (Tsitaishvili, 72), Kiteishvili, Tabatadze (Kvernadze, 57), Kvaratsxeliya, Davitashvili (Abuashvili, 85), Zivzivadze (Kvilitaya, 72)
Ispaniya: Simon, Lyaport, Kubarsi, Kukurelya, Porro (Liorente, 46), Subimendi, Ruis (Barrios, 62), Merino (Fermin Lopes, 62), Baena, Torres (Pino, 80), Oyyarsabal (Iglesias, 71)
Ogohlantirish: Merino, 57
Ispaniya Yamal va Niko Uilyams kabi yetakchi futbolchilarsiz ham natijaga erishmoqda, bu safar Gurjistonning ikkinchi o‘rin uchun nazariy imkoniyatlari yo‘q qilindi. Oyyarsabal esa milliy jamoa safidagi 50-o‘yinida penaltidan tezkor gol urdi. 35-daqiqaga borib ispanlar hisobni yirik ko‘rinishga keltirishdi, avvaliga Subimendi Ruisning chiziqlar orasidan o‘tkazgan pasiga ochilib, hisobdagi farqni oshirdi, keyin esa Ferran amalda o‘yin taqdirini hal qilgan golni urdi. Darvozabon ustuni va Mamardashvilining seyvlari bo‘lmaganida Luis de la Fuente birinchi bo‘limni yanada yirikroq hisobda yakunlagan bo‘lardi. Ikkinchi bo‘limda ham gurjistonliklarning omadi keldi va faqat bitta gol o‘tkazish bilan cheklandi, 63-daqiqada tinib-tinchimas Oyyarsabal dublni rasmiylashtirdi. Ushbu forvard «Qizil furiya»ning hozirgi murabbiylar shtabi davridagi eng sermahsul futbolchisi bo‘lmoqda (15 gol va 7 uzatma). Uning sa’y-harakatlari bilan Visente del Boske boshqaruvidagi jamoa rekordi yangilandi: hozirgi jamoa 30 (+25=5) o‘yindan buyon turnir o‘yinlarida yutqazmayati. Endi ispanlar Marokashga tegishli rekordni (38 o‘yin) yangilashiga bel bog‘lagan.
Ispaniya ham xuddi Angliya kabi bu safargi saralash turnirida bitta ham gol o‘tkazmagan (19:0), lekin inglizlardan farqli o‘laroq, hali ham JCh-2026 uchun yo‘llanmani rasmiylashtirmadi. Buning sababi esa Turkiya.
Turkiya – Bolgariya 2:0
Gollar: Hoqon Chalxono‘g‘li, 18 – penalti (1:0). Chernev, 83 – avtogol (2:0)
Turkiya: Ugurjan Chaqir, Merix Demiral (Oqoydin, 46), Abdulkarim Bardakchi, Ferdi Kadio‘g‘li (Mert Mo‘ldur, 61), Zeki Chelik (Kaan Oyxon, 61, Karazor, 81), Hoqon Chalxono‘g‘li, Ismail Yuksek, Arda Guler (Yusuf Sari, 88), Kenan Yildiz, O‘g‘uz Oydin, Karim Oqturko‘g‘li
Bolgariya: Mitov, Chernev, K. Dimitrov, Petrov, Georgiyev, Gruyev, Krayev (Chochev, 72), Krastev, Rusev (Nikolov, 86), Z. Dimitrov (Petkov, 72), Despodov (Minchev, 63)
Ogohlantirishlar: Abdulkarim Bardakchi, 20. Arda Guler, 40. Ismail Yuksek, 89 – Georgiyev, 64
Chunki bu turda o‘z uyida Bolgariyani mag‘lub etgan turklar uch ochkolik farq bilan ta’qib etmoqda va hali ham guruh jadvalida ispanlarga yetib olish nazariy imkoniyatni saqlab turibdi. O‘yinning birinchi bo‘limi o‘rtalarida Hoqon Chalxono‘g‘li ijro etgan standart vaziyatda jonli devorda turgan himoyachi to‘pni qo‘li bilan o‘ynadi va belgilangan penaltini «Inter» yarimhimoyachisi odatdagi kabi sovuqqonlik bilan aniq ijro etdi. Keyin esa Vinchenso Montella shogirdlari ketma-ket vaziyatlarni ko‘kka sovurdi va o‘yinda intriga so‘nggi daqiqalargacha saqlanib turdi. Bu vaqt oralig‘ida mezbonlar darvozaboni Ugurjan Chaqir ham seyv ijro etishiga to‘g‘ri keldi. Bursada yig‘ilgan muxlislar faqat 83-daqiqada Chalxono‘g‘lining navbatdagi jarima zarbasidan keyin yengil tin olishdi, bu safar Chernev o‘z jamoasi darvozasini ishg‘ol etib qo‘ydi. Turkiyani amalda o‘tish o‘yinlari kutmoqda. «Yanicharlar» so‘nggi turda safarda Ispaniyani mag‘lub etsa ham, to‘plar nisbatiga ko‘ra ikkinchi o‘rinda qoladi. Chunki «Qizil furiya»da bu ko‘rsatkich «+19», turklarda atigi «+5».
18 noyabr. Bolgariya – Gurjiston, Ispaniya – Turkiya.
C guruhi
Barchasi Glazgoda hal bo‘ladi
Daniya – Belarus 2:2
Gollar: Damsgor, 11 (1:0). Gromiko, 62 (1:1). Demchenko, 65 (1:2). Isaksen, 79 (2:2)
Daniya: Shmeyxel, Vestergor, A. Kristensen, Dorgu, R. Kristensen, Nergor (Froholdt, 70), Heyberg, Damsgor (Billing, 90+7), Isaksen (Dreyyer, 88), Eriksen (Yulmann, 70), Vinn (Biyeret, 70)
Belarus: Lapouxov, Begunov, Zabelin, Parxomenko (Xvalko, 42), Ebong, Yablonskiy, Pechenin, Malashevich, Demchenko (Korzun, 68), Gromiko (Konsevoy, 78), Lisakovich (Barkovskiy, 68)
Ogohlantirishlar: Pechenin, 36. Malashevich, 50. Xvalko, 54. Korzun, 75. Lapouxov, 90
Belaruslar so‘nggi besh o‘yinda yutqazganidan kelib chiqib (3:19), Kopenhagendagi o‘yin natijasi oldindan ma’lumdek ko‘rinayotgandi. Qolaversa, belaruslar 12 soat davomida Polsha bilan chegarada ushlanib qolgan va o‘yinga yaxshi tayyorlana olmagandi. O‘yin startida Damsgor uzoq masofadan darvozani ishg‘ol etgach, mezbonlar g‘alabani nishonlashga kirishdi. Ammo daniyaliklarning shundan keyingi urinishlari besamar ketdi, mehmonlar darvozaboni Fyodor Lapouxov sakkizta seyv ijro etdi, ikkinchi bo‘limda, 62 va 65-daqiqalarda esa barchasi o‘zgarib ketdi. Avvaliga «Qayrat» futbolchisi Gromiko brazillarga xos fint ishlatib, ikki raqibdan o‘tib ketdi va hisobni tenglashtirdi. Keyin uning qanotdan uzatmasini Demchenko golga aylantirdi. Mezbonlar butun kuch bilan oldinga tashlandi, o‘yin oxirigacha jami zarbalar soni 35 taga yetdi, ammo faqat hisobni tenglashtirishga ulgurishdi. Bu durangdan keyin skandinavlar ikkinchi o‘rindan uzoqlashib keta olmadi va barchasi so‘nggi turda Glazgoda hal bo‘ladigan bo‘ldi.
Gretsiya – Shotlandiya 3:2
Gollar: Bakasetas, 7 (1:0). Karetsas, 57 (2:0). Tzolis, 63 (3:0). Douk, 65 (3:1). Kristi, 70 (3:2)
Gretsiya: Vlaxodimos, Kuliyerakis, Retsos, Tsimikas, Vayannidis, Kurbelis, Muzakitis (Xatzidiakos, 89), Bakasetas, Tzolis (Kostulas, 90), Karetsas (Masuras, 75), Pavlidis (Tette, 43)
Shotlandiya: Gordon, Xenli (Makkenna, 75), Suttar, Roberson, Xiki (Ralston, 75), Makginn, Fergyuson, Maktominay, Douk (Xerst, 88), Kristi (Dayks, 82), Adams (Shenklend, 82)
Ogohlantirishlar: Bakasetas, 66 – Makginn, 10. Fergyuson, 31. Suttar, 85
Chetlatish: Bakasetas, 84 (ikkinchi sariq)
Gretsiyadagi o‘yinda esa hech qanday motivatsiyaga ega bo‘lmagan mezbonlar guruh peshqadamligi uchun kurashayotgan Shotlandiyaning oyog‘idan chalib qoldi. Mezbonlar butun birinchi bo‘lim davomida bosim uyushtirishdi va 42 yoshli darvozabon, bu mavsumda hali birorta o‘yinda maydonga tushmagan Kreyg Gordon bir necha o‘yinga yetgulik yuklamaga duch keldi. U Vangelis Pavlidisning kuchli zarbasini qaytardi, ammo to‘pga birinchi bo‘lib yetib kelgan Bakasetas baribir darvozani ishg‘ol etdi. Ushbu faxriy darvozabon birinchi bo‘lim o‘rtalarigacha olti bor seyv amalga oshirishiga to‘g‘ri keldi va ellinlar birinchi bo‘limda birgina gol bilan cheklanishdi.
Bo‘lim oxirida mezbonlarning asosiy hujumchisi Pavlidis jarohat olganidan keyin tashabbus mehmonlar tomonga o‘ta boshladi. Bo‘limning qolgan daqiqalarida javob golini urish uchun uchta imkoniyat bo‘ldi, Maktominayning zarbasi to‘singa bordi, Doak esa Vlaxodimos bilan yakkama-yakka vaziyatdan foydalana olmadi. Ikkinchi bo‘lim boshida esa Che Adamsning zarbasini himoyachi Karetsas blokladi. Ushbu 18 yoshli futbolchi bir necha daqiqa o‘tib jamoasining ikkinchi golini urdi va o‘yin qahramoni unvonini o‘ziniki qildi. Yana bir necha daqiqa o‘tib Tsolis hisobni yirik ko‘rinishga keltirdi va o‘yin taqdiri amalda hal bo‘lgandek edi.
Ammo Shotlandiya taslim bo‘lmadi va besh daqiqa ichida ikki gol urib, hisobni minimumgacha qisqartirdi. Shotlandlarda kambek qilish uchun yetarlicha imkoniyatlar bo‘ldi, 84-daqiqada esa Bakasetas ikkinchi bor ogohlantirilgach, greklar bir kishi kam bo‘lib qolishdi. Ammo hisob o‘zgarmadi. Endi birinchi o‘rinni egallash uchun shotlandlar uyda Daniyani mag‘lub etishi kerak bo‘ladi.
18 noyabr. Belarus – Gretsiya, Shotlandiya – Daniya.
H guruhi
Lucheskuga Millatlar ligasi yordam beradi
Kipr – Avstriya 0:2
Gollar: Arnautovich, 18 – penalti (0:1). Arnautovich, 55 (0:2)
Kipr: Fabianu, Panayotu, Siyelis, Korrea (Andreu, 65), Shikkis, Xaralambus (Kutsakos, 82), Kusulos, Tsionis (Foti, 88), Loizu (Kosti, 65), Sotiriu, Kastanos (Kakullis, 65)
Avstriya: A. Shlager, Danso, Linxart, K. Shlager (Vimmer, 60), Posh, Zayvald, Laymer, Baumgartner (Fridl, 85), Zabitser (Vurmbrand, 90), Shmid (Gryull, 90), Arnautovich (Gregorich, 60)
Ogohlantirishlar: Kastanos, 45. Shikkis, 70
Marko Arnautovichni to‘xtatib bo‘lmayapti. 36 yoshli faxriy futbolchi bir hafta oldin Yevropa Ligasida «Tsrvena Zvezda»ga «Lill» bilan o‘yinda g‘alaba keltirgandi (1:0). Birinchi bo‘limda u Kristof Baumgartner ishlagan penaltini aniq ijro etib, hisobni ochdi. Ikkinchi bo‘lim boshida esa kiprliklarning sun’iy ofsayd hosil qilishdagi xatosidan foydalanib, jamoasining hisobdagi ustunligini mustahkamladi. Endi u milliy jamoa safidagi gollari sonini 47 taga yetkazib, milliy rekord o‘rnatdi.
Uning gollari Avstriyani 1998 yildan buyon ilk jahon chempionatiga yaqinlashtirdi. Bu guruhda barchasi ikki kundan keyin Venada Bosniyaga qarshi o‘yinda hal qilinadi va bu o‘yinda Ralf Rangnik shogirdlarini durang hisob ham qoniqtiradi.
Bosniya va Gersegovina – Ruminiya 3:1
Gollar: Birlidja, 17 (0:1). Jyeko, 49 (1:1). Bayraktarevich, 79 (2:1). Tabakovich, 90+3 (3:1)
Bosniya va Gersegovina: Vasil, Burnich (Bashich, 70), Katich, Muxaremovich, Malich (Tabakovich, 46), Taxirovich (Xadjiaxmetovich, 83), Bayraktarevich, Bajdar (Alaybegovich, 46), Memich, Dedich, Jyeko (Gigovich, 90)
Ruminiya: Radu, Rakovitan, Gitse, Kipchu, Ratsyu, M. Marin, Dragomir (R. Marin, 75), Hoji (Mikulesku, 75), Mixeyle, Man (Tenase, 90+3), Birlidja (Dregush, 65)
Ogohlantirishlar: Katich, 7. Dedich, 36. Muxaremovich, 44. Burnich, 65. Jyeko, 75 – Rakovitan, 45. Man, 90
Chetlatish: Dregush, 68
Oxirgi tur oldidan intrigani saqlab qolish uchun bosniyaliklar o‘z uyida Ruminiya ustidan g‘alaba qozonishi talab etilardi. Lekin 17-daqiqada mehmonlar hujumchisi Daniel Birlidja Valentin Mixeylening uzatmasini golga aylantirib, hisobni ochdi. Keyin esa Edin Jyeko katta sahnaga chiqishi talab etildi. «Fiorentina»da o‘ynayotgan ushbu tajribali futbolchi ikkinchi bo‘lim boshida qanotdan oshirilgan to‘pni darvoza to‘riga yo‘lladi. Ikkinchi bo‘lim davomida mehmonlar bir kishi kam bo‘lib qolishdi: 65-daqiqada maydonga tushgan Denis Dregush 68-daqiqada Nikole Katichning boshiga butsasining ostki qismi bilan zarba berib, to‘g‘ridan to‘g‘ri qizil kartochka oldi.
«11 ga 10» formatida Bosniya va Gersegovina Ruminiyani ayab o‘tirmadi: Esmir Bayraktarevich o‘ng qanotdan hujum uyushtirdi va kuchli zarbasi bilan darvozaning chap to‘qqizligini aniq nishonga oldi. O‘yinga qo‘shib berilgan daqiqalarda esa Xaris Tabakovich yakuniy hisobni o‘rnatdi. Endi bosniyaliklar to‘g‘ridan to‘g‘ri yo‘llanma uchun so‘nggi turda Avstriyada g‘alaba qozonishi kerak bo‘ladi. Uchinchi o‘rindagi Mirchi Luchesku shogirdlari esa Millatlar ligasidagi reytingi evaziga o‘tish o‘yinlarida qatnashadi.
18 noyabr. Avstriya – Bosniya, Ruminiya – San-Marino.
V guruhi
Kosovo va Shvetsiya o‘tish o‘yinlarida qatnashadi
Shveytsariya – Shvetsiya 4:1
Gollar: Embolo, 13 (1:0). Nyugren, 33 (1:1). Jaka, 60 – penalti (2:1). Ndoy, 75 (3:1). Manzambi, 90+4 (4:1)
Shveytsariya: Kobel, Elvedi, Akanji, Rodriges (Muxaym, 70), Vidmer, Rider (Sou, 70), Jaka, Ebisher, Vargas (Manzambi, 85), Ndoy (Zekiri, 90), Embolo (Fassnaht, 85)
Shvetsiya: Yoxansson, Lagerbilke, Xin, Svensson, Holm (Gudmundsson, 50), Chelstrem, Ayyari (Zeneli, 63), Elanga (Forsberg, 78), Bernhardsson (Lidberg, 78), Nyugren, Svanberg (Isak, 63)
Ogohlantirishlar: Ndoy, 36 – Ayyari, 18. Chelstrem, 51. Yoxansson, 58. Forsberg, 90
Shvedlar dastlabki besh turda atigi bir ochko qo‘lga kiritdi, bu esa Yon Dal Tomassoning iste’fosiga olib keldi. Uning o‘rnini Grem Potter egalladi, ammo u o‘z debyutida asosiy forvardlar xizmatlaridan foydalana olmadi – Yokeresh jarohatda, Isak esa formasini tiklashda davom etayotgani tufayli zaxira o‘rindig‘ida qoldirilgan. Guruh peshqadami Shveytsariya yirik hisobda g‘alabaga erishdi. Holbuki 60-daqiqaga qadar hisob teng edi: Bril Emboloning goliga birinchi bo‘limning o‘zida Benyamin Nyugren javob qaytargandi. Ikkinchi bo‘limda Aleksander Isak zaxiradan o‘yinga qo‘shildi, ammo bu jamoani muqarrar mag‘lubiyatdan qutqara olmadi: avvaliga Granit Jaka penaltidan ikkinchi golni urdi, qolgan daqiqalarda Dan Ndoy va Yoxan Manzambi hisobni yiriklashtirishdi.
Shveytsariya besh o‘yinda 13 ochko to‘plagan, ammo hozircha xuddi ispanlar kabi yo‘llanmani rasmiylashtirmadi: asosiy ta’qibchi Kosovo uch ochkolik farq bilan ta’qib qilmoqda, ammo to‘plar nisbatidagi farq juda katta (+11). Shvetsiya esa Millatlar ligasi orqali JCh-2026 uchun yo‘llanma olishga harakat qiladi.
Sloveniya – Kosovo 0:2
Gollar: Aslani, 6 (0:1). Karnichnik, 64 – avtogol (0:2)
Sloveniya: Oblak, Biyol, Drkushich, Brekalo, Yanja (Stoyanovich, 46), Karnichnik, Xorvat (Verbich, 82), Elshnik, Gorens-Stankovich (Petrovich, 46), Shporar (Gradishar, 66), Vipotnik (Shturm, 76)
Kosovo: A. Rraxmani, Gallapeni, Xaydari, Saipi, Dellova, Redjbechay (Xo‘ja, 65), Avdullaxu, Musliya (Yashari, 89), Voyvoda (A. Rraxmani, 76), Asllani (Krasnichi, 76), Murichi (Rashitsa, 89)
Ogohlantirishlar: Stoyanovich, 47. Shturm, 81 – Dellova, 74
Chetlatish: Stoyanovich, 53 (ikkinchi sariq)
Parallel o‘yinda Sloveniya o‘z uyida Kosovoga yutqazdi va guruhda intriga saqlanib qolishiga sababchi bo‘ldi. Avvaliga «Hoffenhaym» hujumchisi Fisnik Aslani tezkor gol bilan hisobni ochdi, ikkinchi bo‘lim boshida hujumni kuchaytirish uchun zaxiradan o‘yinga qo‘shilgan Stoyanovich esa sakkiz daqiqa ichida ikki bor sariq kartochka olib, mezbonlarni qiyin ahvolga solib qo‘ydi. Shundan keyin Oblakning ketma-ket seyvlarini Karnichnikning avtogoli yo‘qqa chiqardi. Kosovo ikkinchi o‘rinda, ammo yuqorida aytilganidek, birinchi o‘ringa chiqib olish amalda imkonsiz ish. Kosovoliklar so‘nggi turda o‘z uyida Shveytsariyani mag‘lub etishi mumkin, ammo to‘plar nisbatiga ko‘ra yetib ololmaydi.
18 noyabr. Kosovo – Shveytsariya, Shvetsiya – Sloveniya.
Litvalik murabbiy Kotrina Kulbite qo‘l ostidagi jamoa hal qiuvchi bahsda Filippinga yutqazdi.
Futbol bo‘yicha O‘zbekiston ayollar milliy jamoasi Avstraliyada bo‘lib o‘tayotgan Osiyo kubogidagi ishtirokini yakunladi.
Litvalik murabbiy Kotrina Kulbite qo‘l ostidagi jamoa kuchli sakkiztalikka kirdi.
Futbolchilar Bangladeshni 4:0 hisobida mag‘lub etdi. Ammo KXDR (0:3), Xitoy (0:3) va Janubiy Koreyaga (0:6) yutqazdi.
Jahon chempionati yo‘llanmasi uchun hal qiluvchi kurashda Filippin milliy jamoasiga 0:2 hisobida yutqazdi.
Endi O‘zbekiston ayollar milliy jamoasi qit’alararo saralash musobaqasida ishtirok etadi. Birinchi bosqich noyabr-dekabr oylarida markazlashgan formatda bo‘lib o‘tadi. Ikkinchi bosqich 2027 yil fevral oyiga belgilangan.
O‘zbekiston ayollar milliy jamoasi tarixda biror marta jahon chempionatida ishtirok etmagan.
Sport
«Real» «Bavariya»ga qarshi, «Barsa» yana «Atletiko» bilan o‘ynaydi. YeChLda chorakfinal juftliklari
Turnirda 8 jamoa qoldi.
Chorshanba oqshomida Chempionlar ligasi 2025/26 yillar mavsumi 1/8 finali doirasida yana to‘rt uchrashuv o‘tkazildi: «Arsenal», «Real», «PSJ» va «Sporting» ortidan «Barselona», «Atletiko», «Bavariya» va «Liverpul» jamoalari ham keyingi bosqichga yo‘llanma olishdi.
Chempionlar ligasi 1/8 final natijalari
«Real» – «Manchester Siti» – 5:1 (birinchi o‘yin – 3:0, javob o‘yini – 2:1).
«PSJ» – «Chelsi» – 8:2 (5:2, 3:0).
«Sporting» – «Budyo-Glimt» – 5:3 (0:3, 5:0).
«Arsenal» – «Bayyer» – 3:1 (1:1, 2:0).
«Atletiko» – «Tottenhem» – 7:5 (5:2, 2:3).
«Barselona» – «Nyukasl» – 8:3 (1:1, 7:2).
«Liverpul» – «Galatasaroy» – 4:1 (0:1, 4:0).
«Bavariya» – «Atalanta» – 10:2 (6:1, 4:1).
Pley-offning to‘liq setkasi oldindan ma’lum edi, bundan keyin boshqa qur’a tashlanmaydi. Chorakfinalga chiqqan jamoalar o‘zlarining navbatdagi raqiblarini allaqachon bilishadi.
1/4 final juftliklari
«Real» – «Bavariya»
«PSJ» – «Liverpul»
«Sporting» – «Arsenal»
«Barselona» – «Atletiko»
Birinchi bo‘lib ko‘rsatilgan jamoalar birinchi o‘yinni o‘z uyida o‘tkazadi.
1/4 final o‘yinlari taqvimi
Keyingi bosqich deyarli uch haftadan keyin, mart oyidagi FIFA kunlari ortidan boshlanadi. Chorakfinaldagi uy va safar uchrashuvlari orasi bir haftani tashkil etadi.
Mart oyi oxirida Yevropa yozgi vaqtga o‘tadi, shuning uchun Chempionlar ligasi yana Toshkent vaqti bilan soat 23:59 dan boshlanadi.
7–8 aprel. Birinchi o‘yinlar
«Real» – «Bavariya»
«PSJ» – «Liverpul»
«Sporting» – «Arsenal»
«Barselona» – «Atletiko»
14–15 aprel. Javob o‘yinlari
«Bavariya» – «Real»
«Liverpul» – «PSJ»
«Arsenal» – «Sporting»
«Atletiko» – «Barselona»
Birinchi va ikkinchi juftliklar g‘oliblari hamda uchinchi va to‘rtinchi juftliklar g‘oliblari yarimfinalda o‘zaro to‘qnashadi.
Yarimfinal bahslari 28-29 aprel va 5-6 may kunlariga belgilangan.
Final 30 may kuni Budapeshtda bo‘lib o‘tadi.
«Arsenal» va «Bavariya» – asosiy favoritlar
Har bir bosqichdan keyin Opta superkompyuteri Chempionlar ligasida kim g‘olib bo‘lishi bo‘yicha prognozlarini yangilab bormoqda. Turnir startidan oldin «Liverpul»ning imkoniyatlari eng yuqori baholangandi, o‘tgan mavsum Angliya chempioni bo‘lgan va yozgi transferlarda eng faol bo‘lgan jamoaga 20,6 foiz berilgandi, ammo vaqt o‘tib bu jamoaning imkoniyatlari uch baravar pasaytirildi – 7 foizgacha.
Turnir avvalida ikkinchi asosiy da’vogar «Arsenal» bo‘lib turgandi (15,3 foiz), ammo londonliklarning imkoniyatlari vaqt sayin o‘sib bordi va endi ikki baravar yuqori baholanmoqda.
Setkaning ikkinchi tomonidagi asosiy favorit – «Bavariya». Opta Angliya va Germaniya grandlari Budapeshtdagi finalga yetib kelishini bashorat qilmoqda. «Barselona» va «PSJ»da ham yarimfinalga chiqish imkoniyati yuqori baholangan.
Opta versiyasiga ko‘ra, jamoalarning Chempionlar ligasi g‘olibligi uchun imkoniyatlari:
«Arsenal»da startdan oldin 15,3 foiz, chorakfinal arafasida 30 foiz;
«Bavariya»da startdan oldin 4,5 foiz, chorakfinal arafasida 18 foiz;
«Barselona»da startdan oldin 8,8 foiz, chorakfinal arafasida 14,7 foiz;
«PSJ»da startdan oldin 12 foiz, chorakfinal arafasida 12,1 foiz;
«Real»da startdan oldin 5,8 foiz, chorakfinal arafasida 7 foiz;
«Liverpul»da startdan oldin 20,6 foiz, chorakfinal arafasida 30 foiz;
«Atletiko»da startdan oldin 0,8 foiz, chorakfinal arafasida 4,7 foiz;
«Sporting»da startdan oldin 0,8 foiz, chorakfinal arafasida 3,3 foiz.
1993 yil, aprel. Milliy basketbol assotsiatsiyasi muntazam ligasidagi navbatdagi o‘yini bo‘lib o‘tmoqda. Tanaffus paytida qiziqarli tanlov o‘tkazadi. Unga ko‘ra, xohlovchilar maydon chetidan to‘p irg‘itib, narigi tomondagi savatchaga tushirishi kerak edi. Bir yigit shu ishni uddalaydi. Biroq yutuqni to‘lashi lozim bo‘lgan sug‘urta kompaniyasi g‘irromlik qiladi va pullarini berishdan bosh tortadi. Oxir oqibat yigitga yutuqni “Chicago bulls” jamoasi to‘lab beradi.
Bugun AQSh sportini basketbol o‘yinisiz tasavvur qilib bo‘lmaydi. Bu sport turi muxlislar tashrifi bo‘yicha Amerika futboli va beysboldan so‘ng uchinchi o‘rinda turadi.
Basketbol AQShda eng ko‘p o‘ynaladigan o‘yin hisoblanadi va bilan mamlakatda 26 milliondan ortiq odam shug‘ullanadi.
Shuningdek, AQSh va Kanada jamoalari ishtirok etadian Milliy basketbol assotsiatsiyasi ligasi dunyo miqyosida eng ko‘p tomosha qilinadigan turnir hisoblanadi.
Jamoaviy o‘ynaladigan boshqa sport turlarida bo‘lgani kabi AQShda bo‘lib o‘tadigan basketbol o‘yinlari juda qiziqarli va keskin kurashlar ostida kechadi.
Shu bilan birga tanaffus paytlarida zaldagi muxlislar uchun turli tanlovlar o‘tkaziladi va o‘yinlar qiziqarli shouga aylanadi.
1993 yilda ana shunday tanlovlarning biri mojaro bilan yakun topadi. “Chicago bulls” jamoasiga homiylik qiluvchi kompaniya mukofot uchun va’da qilingan 1 mln dollarni g‘olib yigit Don Kelhunga to‘lab berishdan bosh tortadi.
Foto: spors.qq.com
Million dollarlik aniq zarba
1993 yil 14 aprel. Chikago shahridagi arenada MBA muntazam ligasida ishtirok etuvchi “Chicago bulls” va “Miami Heat” jamoalari bellashmoqda.
O‘sha paytda AQShlik jahonga mashhur basketbolchi Maykl Jordan “Chicago bulls” jamoasi sharafini himoya qilar va u ham maydonda edi.
O‘yinga tanaffus berilgan paytda “Chicago bulls” jamoasi, “Koka-kola” kompaniyasi Lettuce Entertain You restoranlar tarmog‘idan iborat tashkilotchilar yutuqli tanlov o‘tkazadi.
Tanlovga ko‘ra, avval muxlislar orasidan tasodifiy yo‘l bilan bir necha kishi tanlab olinadi. So‘ng ular navbati bilan basketbol maydonining bir chetidan, ikkinchi chetidagi savatchaga to‘pni uloqtirishi kerak edi.
Qoida aniq: 23 metr uzoqlikdan savatchaga to‘pni aniq tushirgan qatnashchi g‘olib bo‘ladi va u 1 mln dollarga ega chiqadi. Agar bu ishni bir necha kishi bajarsa mukofot puli ular orasida teng taqsimlanadi.
Yutuqni “Chicago bulls” jamoasiga homiylik qilayotgan “American Hole ‘N One” sug‘urta kompanisi to‘lab berishi lozim edi.
Tanlov boshlangach bir necha kishi to‘pni uloqtiradi, biroq savatchaga tushira olmaydi. Aslida bu ish juda qiyin bo‘lib, shu sababli ham tashkilotchilar tanlovga yutuq sifatida katta mablag‘ qo‘ygandi.
Navbat kanselariya do‘koni sotuvchisi bo‘lib ishlovchi Don Kelhunga keladi. Yigit uloqtirgan to‘p to‘g‘ri borib savatchaga tushadi. Shunda arenada o‘tirgan muxlislar yigitni olqishlay boshlaydi.
Foto: Videodan kadr
O‘sha paytda tanaffus olgan basketbolchilar tanlovni kuzatishayotgandi. Ular ham navbati bilan yigitni quchoqlab, tabriklashadi. Jumladan, maydonda bo‘lgan Maykl Jordan ham.
Don Kelhunning qo‘liga 1 dollarlik yutuqqa ega chiqqani haqidagi banner-sertifikat topshiriladi. Yigit o‘sha kuni xursand holda sevimli jamoasining arenasidan chiqib ketadi. Ertasi kuni esa muammo boshlanadi…
G‘irromlik
Don Kelhun ancha-muncha basketbolchilar ham amalga oshirolmaydigan ishni uddalab, mukofot puliga ega chiqqandi. Biroq 23 metrdan to‘pni savatchaga hech kim tushira olmasligiga ishonib pul tikkan sug‘urta kompaniyasi yutuqni to‘lashga kelganda g‘irromlik qilardi.
Kompaniya Don Kelhunga mukofot puli berilmasligini e’lon qilib, buning ikkita sababini keltiradi. Birinchi sababga ko‘ra Don Kelhun to‘pni uloqtirayotganda chiziqni bosgan.
Ikkinchisi, u avvalroq bir muddat kollejdagi jamoa safida basketbol o‘ynagan. Kompaniya tanlov oddiy muxlislar o‘rtasida o‘tkazilganini va unda Donning ishtiroki xato bo‘lganini aytadi.
Ya’ni, sug‘urta kopaniyasi tanlov ishtirokchilari so‘ngi 5 yilda basketbol bilan muntazam shug‘ullanmagan bo‘lishi kerak edi, deb turib oladi.
Foto: Videodan kadr
Shundan so‘ng sug‘urta kopaniyasining vajlari bo‘yicha tekshiruv o‘tkaziladi. Eng avval Don Kelhun to‘pni uloqtirayotgan paytda chiziqni bosganmi yoki yo‘q, shu tekshiriladi.
Jarayon tasvirga tushirilgandi. Video sinchiklab ko‘rilganda Donning chiziqni bosmagani ma’lum bo‘ladi. Ikkinchi sabab bo‘yicha ham komissiya yigitni haq deb topadi.
Chunki shartga ko‘ra, tanlovda professional sportchi, hatto faoliyatini tugatgan bo‘lsa ham qatnashishi mumkin emasdi. Don Kelhun esa hech qachon basketbol bilan professional tarzda shug‘ullanmagan, shunchaki kollejdagi havaskor jamoada o‘ynagandi.
Sug‘urta kopaniyasining ikkita vaji ham o‘rinli emas, deb topiladi. Biroq ular baribir 1 mln dollarni to‘lashni xohlamaydi.
O‘sha paytda Don Kelhun bilan sodir bo‘lgan hodisa va sug‘urta kompaniyasining g‘irromliq qilayotgani AQSh OAV lari e’tiboriga tushadi va ular birin ketin hodisa haqida yoza boshlaydi. Ammo bu ham sug‘urta kopaniyasining fikrini o‘zgartira olmaydi.
Hodisaga “Chicago bulls” jamoasining aralashuvi
Don Kelhunga qilingan g‘irromlik ommaga oshkor bo‘lgach muxlislar “Chicago bulls” jamoasini ham ayblay boshlaydi. Chunki tanlov jamoaning uy arenasida, uning o‘yini paytida tashkillashtirilgandi.
Qolaversa gazetalar va turli telekanallar har kuni Don Kelhunga qilingan g‘irromlik haqida maqola hamda ko‘rsatuvlar berib, muxlislarni yanada junbushga keltiradi.
Foto: alamy.com
Bu orada bir yilcha vaqt o‘tib ketadi va Don Kelhun sug‘urta kompaniyasidan o‘z yutug‘ini ololmaydi. Kunlarning birida “Chicago bulls” jamoasi rahbariyati 1 mln dollarlik yutuq bo‘yicha matbuot anjuani o‘tkazishi haqida e’lon beradi.
Matbuot anjumanida jamoa rahbariyati sug‘urta kompaniyasidan farqli ravishda Don Kelhun 1 mln dollarni haqqoniy yutganini tan oladi. So‘ng sug‘urta kompaniyasi to‘lashdan bosh tortgan pullarni jamoa to‘lab berishini ma’lum qiladi.
Faqat jamoa rahbariyati Donga pullarni birdaniga emas, har yili 50 ming dollardan 20 yil davomida to‘lab borilishini aytadi. Yigitning bunga ko‘nishdan o‘zga chorasi qolmaydi.
O‘shandan keyin Don Kelhun 2013 yilgacha 20 yil davomida har yili “Chicago bulls” jamoasidan 38 ming dollardan olib turadi. Qolgan 12 ming dollar daromad solig‘i uchun ushlab qolinadi. Shu tariqa yigit o‘zi yutgan mukofot pullarini to‘liq oladi.
Garchi bir urinishda million dollarni yutgan bo‘lsa-da Don Kelhun millionerga aylana olmaydi – u kanselariya mahsulotlari sotiladigan magazindagi ishini davom ettiradi.
Mashmashaga Maykl Jordanning aralashuvi
Don Kelhun to‘pni savatchaga tushirgan kuni afsonaviy basketbolchi Maykl Jordan ham maydonda edi. Boshqalar kabi u ham g‘olibni tabriklaydi.
Foto: Videodan kadr
O‘yin so‘ngida “Chicago bulls” jamoasining barcha o‘yinchilari Don Kelhun savatchaga tushirgan to‘pga dastxat qo‘yib berishlari lozim edi. O‘shanda faqat bir kishi – Maykl Jordan bu ishni qilmaydi. Jamoadoshlari dastxat qo‘yayotganda u indamay kiyinish xonasiga kirib ketadi.
Mayklning dastxat qo‘ymagani sababi bor edi. 1992 yilda u Upper Deck kompaniyasi bilan shartnoma imzolagandi.
Ushbu kelishuvga ko‘ra, Upper Deck Jordanning dastxati tushirilgan turli mahsulotlarni ishlab chiqaruvchi yagona kompaniya hisoblanardi.
Sportchi va kompaniya o‘rtasida tuzilgan shartnomada Jordanning futbolka, to‘plar va boshqa narsalarga dastxat qo‘yishi cheklangandi. Jordan faqat xayriya tadbirida yoki kasal bolalar uchun dastxat qo‘yishi mumkin edi.
Don Kelhun nima qilib bo‘lsa ham Jordanning dastxatini olishni maqsad qiladi va “Chicago bulls” jamoasining o‘yinlariga muntazam tusha boshlaydi. Biroq mashhur o‘yinchining dastxatini ololmaydi.
Oradan bir yilcha vaqt o‘tadi. Sug‘urta kompaniyasi hamon mukofot pulini to‘lab berishni kechiktirib kelar, Don esa da’vogar sifatida yurgandi. Bir kuni yigit Maykl Jordan o‘g‘lining o‘yinlarini ko‘rish uchun u o‘qiydigan maktabga borib turishini eshitadi va o‘sha yoqqa otlanadi.
Foto: memedeportes.com
Biroq tan soqchilar uni Mayklning oldiga qo‘ymaydi. Ular sportchi baribir dastxat bermasligini ta’kidlaydi. Don u yerdan chiqib ketayotganida tan soqchilardan biri uni quvib yetadi va Maykl chaqirayotganini aytadi.
Yigit Jordan bilan uchrashganda sportchi Donni taniydi va “Pulingizni oldingizmi?” deb so‘raydi. Yigit olmaganini bildiradi.
Shundan so‘ng Jordan “Chicago bulls” rahbariyatiga bosim o‘tkazadi va yigitga yutuqni to‘lab berishni talab qiladi. Avvaliga jamoa rahbariyati ko‘nmaydi.
Biroq bir muddat o‘tgach klub rahbariyati o‘zining eng yaxshi o‘yinchisi qo‘ygan talabga ko‘nishga majbur bo‘ladi.
Angliyaning olti jamoasidan to‘rttasi turnirni tark etdi. Chorakfinalning barcha juftliklari aniq bo‘ldi.
«Kamp Nou»da rekordlar va antirekord
«Barselona» – «Nyukasl» 7:2
Gollar: Rafinya, 6 (1:0). Elanga, 15 (1:1). Bernal, 18 (2:1). Elanga, 28 (2:2). Yamal, 45+7 – penalti (3:2). Fermin Lopes, 51 (4:2). Levandovski, 56 (5:2). Levandovski, 61 (6:2). Rafinya, 72 (7:2)
«Barselona»: X. Garsiya (Shchensni, 82), Kubarsi, Martin, Joau Kanselu (Espart, 66), E. Garsiya (Arauxo, 21), Pedri, Bernal, Fermin Lopes (Olmo, 66), Rafinya, Yamal, Levandovski (Torres, 66)
«Nyukasl Yunayted»: Ramsdeyl, Tiau, Byorn, Holl, Trippiyer (Livramento, 46), Joelinton (Botman, 64), Tonali (Uillok, 55), Remsi, Barns, Elanga (Myorfi, 64), Gordon (Osula, 81)
Ogohlantirishlar: Kubarsi, 44 – Joelinton, 17. Trippiyer, 45. Uillok, 60
Birinchi o‘yin: 1:1
«Kamp Nou»dagi o‘yin turli-tuman rekordlar jamlanmasiga aylandi. Birinchidan, Angliyaning hech bir klubi bungacha Chempionlar ligasi pley-offidagi bir o‘yinda 7 gol o‘tkazib yubormagandi. «Nyukasl» esa shunday imkonsiz ko‘ringan ishni uddaladi. O‘z maydonida to‘liq ustunlik qilgan va so‘nggi daqiqalarda penalti tufayli g‘alabani qo‘ldan chiqargan APL vakili javob o‘yinining birinchi bo‘limida ham munosib qarshilik ko‘rsatdi. Mehmonlar uchta gol o‘tkazib yuborgan bo‘lsa-da, o‘zi ham raqib mudofaasidagi qo‘pol xatolardan foydalanib, ikkita gol urdi.
Ammo Kiran Trippiyer birinchi bo‘limga qo‘shib berilgan daqiqalarda penaltiga sababchi bo‘ldi va Lamin Yamal uchinchi bor jamoasini hisobda oldinga olib chiqdi. Tanaffusdan keyin esa «Nyukasl»ni tanib bo‘lmay qoldi. Eddi Hau jamoasi shunchaki sochilib ketdi va 10 daqiqa ichida uchta gol qo‘yib yubordi. Bunday himoya chizig‘i bilan ko‘p narsadan umid qilib bo‘lmasdi. Ayniqsa Jyeykob Remsining xatosi yilning eng kulgili holatlari kolleksiyasidan o‘rin olishi tayin. Uning qo‘pol xatosi yettinchi gol o‘tkazilishiga olib keldi.
Rafinya bu o‘yinda «gol+pas» tizimida 4 (2+2) ochko ishladi, Robert Levandovski dublni rasmiylashtirdi. Polyak hujumchisi birdaniga bir necha rekordni urdi. U Chempionlar ligasida urgan gollari sonini 41 taga yetkazib, bu borada Lionel Messining rekordini yangiladi. Bundan tashqari, Robert endi Chempionlar ligasida dubl qayd etgan eng katta yoshli futbolchi hisoblanadi – u hozir 37 yoshda. «Barsa» uchun yagona minus – darvozabon Joan Garsiya jarohat olishi bo‘ldi. Chorakfinalda jamoa usiz qiynalishi mumkin.
Salohning benefisi
«Liverpul» – «Galatasaroy»
Gollar: Soboslai, 25 (1:0). Ekitike, 51 (2:0). Gravenberh, 53 (3:0). Saloh, 62 (4:0)
Aniq ijro etilmagan penalti: Saloh, 45+4’
«Liverpul»: Alisson, van Deyk, Konate, Kerkez, Frimpong (Jons, 67), Gravenberh (Nioni, 89), Virs (Kiyeza, 89), Soboslai, Makallister, Saloh (Gakpo, 74), Ekitike (Ngumoha, 89)
«Galatasaroy»: Ugurjan Chaqir, Abdulkarim Bardakchi (Eren Elmali, 73), Singo, Yakobs, Boe (Sane, 46), Torreyra (Yunus Oqgun, 60), Lemina, Sara, Barish Yilmaz, Sholloi, Osimhen (Lang, 46, Ikardi, 80)
Birinchi o‘yin: 0:1
Chorshanba kungi o‘yinlarda chinakamiga intriga saqlanib qolgan yagona o‘yin «Enfild»da edi, bu yerda mezbonlar minimal farqni yo‘qqa chiqarishi talab etilardi. Mezbonlar birinchi bo‘lim o‘rtalaridayoq bu vazifani uddalashdi. Mak Allister burchak zarbasini ijro etishda raqiblarni dog‘da qoldirib, to‘pni yerlatib jarima maydoni chizig‘i hududiga yetkazib berdi, u yerda ortdan kelgan Soboslaini esa hech kim kutib olmadi.
«Liverpul»ning bu mavsumdagi eng yaxshi futbolchisi bo‘lib turgan vengriyalik yarimhimoyachi jamoasi tanaffusga ikki gol farqi bilan chiqib ketishi uchun barcha ishni qildi. Ammo u ishlagan penaltini Saloh aniq ijro eta olmadi.
Misrlik hujumchi o‘z vaziyatlaridan foydalana olmagan bo‘lsa-da, ikkinchi bo‘lim boshida ikki daqiqa ichida urilgan ikki golda ham ishtirok etdi. Avvaliga tezkor qarshi hujumda u Ekitikega ideal uzatma berdi, biroz o‘tib uning zarbasidan keyin darvozabondan qaytgan to‘pni Gravenberh darvozaga kiritib yubordi va «Galatasaroy» amalda chorakfinalga chiqishdan umid uzdi. Salohning o‘zi ham yakunda o‘z nomini tabloga yozdirib qo‘ydi – Virs tovonida uzatgan pasdan keyin o‘zining eng yaxshi yillarida bo‘lgani kabi aylanma zarba yo‘lladi.
Biroz o‘tib «Enfild»da yig‘ilganlar zaxiraga olinayotgan o‘z kumirini olqishlar ostida kuzatib qo‘ydi. Bu oqshomdagi gol uning uchun YeChLdagi 50-goli edi. U shundan 47 tasini «Liverpul» safida urgan («Bazel»da 2 va «Chelsi»da 1). Saloh – bunday ko‘rsatkichga erishgan ilk afrikalik futbolchi bo‘ldi. Oldinda esa Arne Slot jamoasini chorakfinalda «PSJ»ga qarshi o‘yinlar kutmoqda. Mersisaydliklar uchun bu o‘tgan mavsumdagi mag‘lubiyat uchun revansh olish imkoniyatidir.
Inglizlarning yana bir jamoasini ispanlar chiqarib yubordi
«Tottenhem» – «Atletiko» 3:2
Gollar: Kolo Muani, 30 (1:0). Alvares, 47 (1:1). Simons, 52 (2:1). Gansko, 75 (2:2). Simons, 90+1 – penalti (3:2)
«Tottenhem Hotspur»: Vikario, Romero (Danso, 81), van de Ven, Spens, Dregushin (Udoji, 66), Grey (Gallaher, 81), Sarr, Simons, Tel (Olusesi, 81), Porro (Bergvall, 74), Kolo Muani
«Atletiko»: Musso, Gansko, Le Norman, Rudjyeri, Molina (Koke, 64), Kardozo, Liorente, Lukman (Syorlot, 64), Simeone (Ximenes, 87), Grizmann (Baena, 84), Alvares (Gonsales, 84)
Ogohlantirishlar: Porro, 57. Vikario, 58. Romero, 70. Udoji, 72 – Rudjyeri, 28. Lukman, 56. Syorlot, 90
Birinchi o‘yin: 2:5
Yaqinda «Atletiko» Ispaniya kubogi yarimfinalida «Barselona»ga qarshi birinchi uchrashuvda yirik g‘alabaga (4:0) erishgach, «Kamp Nou»dagi javob o‘yinida bu ustunlikni saqlab qolish uchun to‘liq himoyaviy o‘yin uslubini tanlagandi. Londonda esa barchasi butunlay boshqacha kechdi va dastlabki 45 daqiqalikda mehmonlar sakkizta zarba berishdi, Lukman esa darvozani ishg‘ol etishga ham muvaffaq bo‘ldi. Ammo – ofsayddan. Yana bir necha xavfli hujumlar uyushtirildi, ammo yakunda Diyego Simeone jamoasi yo‘q joydan «Tottenhem»ga o‘yinga qaytish imkonini berdi. Autdan to‘p tashlanishi, Telning jarima maydoni markaziga uzatmasi, u yerda esa yolg‘iz qoldirilgan Kolo Muani.
Mezbonlar ikkinchi golni ham urishganida ispanlar og‘ir vaziyatga tushib qolgan bo‘lardi, faqat darvozabon Musso jamoa joniga ora kirdi. Argentinalik posbon Telning burchakka yo‘naltirilgan zarbasini oyoqlari bilan to‘sib qoldi. Birinchi bo‘limdan keyin baribir intriga saqlanib qoldi va buning uchun mezbonlar Vikarioga minnatdorchilik bildirishi kerak bo‘ladi. Juliano Simeone uzoq masofadan zarba yo‘llaganida to‘p Romeroga tekkan holda o‘z trayektoriyasini o‘zgartirdi, ammo allaqachon to‘p yo‘liga yotgan italiyalik darvozabon o‘rnidan turib, xavfni bartaraf etishga ulgurdi.
Ammo ikkinchi bo‘lim boshida «Atletiko» baribir intrigani o‘ldirdi. Avvaliga Xulian Alvares Simons gol urishiga to‘sqinlik qildi (mezbonlar uning harakatini fol deb e’tiroz bildirishdi) va qarshi hujumni o‘zi gol bilan yakunlandi. U jarima maydonida Lukmandan pas qabul qilib oldi va to‘pni yuqori burchakka aniq yo‘lladi.
Hakamdan va raqiblardan ranjigan Simons bir necha daqiqa o‘tib baribir o‘z maqsadiga erishdi va jamoasini yana oldinga olib chiqdi. Bir necha daqiqa o‘tib Musso yana madridliklarni qutqarib qoldi – u Porroning shvedka uslubida olis burchakka yo‘llagan zarbasiga qo‘llarining uchi bilan yetib bordi. «Matraschilar» muxlislari Alvaresning burchakdan oshirgan to‘pi Hansko tomonidan darvozaga kiritilganidan keyingina yengil tin olishdi. O‘yin oxirida Simons o‘zi ishlagan penaltini aniq ijro etishi esa umumiy natijani o‘zgartirmadi.
Madriddagi birinchi o‘yinda londonliklar bosh murabbiyi Igor Tyudor darvozabon bo‘yicha muvaffaqiyatsiz tajriba o‘tkazmaganida «Tottenhem» «Atletiko» bilan tengma-teng kurashishi mumkin edi, ammo murabbiyning o‘sha qarori birinchi o‘yinda «shporlar»ning imkoniyatlarini keskin pasaytirib yuborgandi. Natijada ikki o‘yinda xuddi «Chelsi» kabi sakkiz gol o‘tkazib yuborgan «Tottenhem» turnirni tark etdi, «Atletiko» esa «Barselona» bilan o‘yinlarga tayyorgarlikni boshlaydi.
«Atalanta» tarixga kirdi
«Bavariya» – «Atalanta» 4:1
Gollar: Keyn, 25 – penalti (1:0). Keyn, 54 (2:0). Karl, 56 (3:0). Dias, 70 (4:0). Samarjich, 85 (4:1)
«Bavariya»: Urbig, Kim Min Je, Ta, Bishof (Pavich, 72), Stanishich (Gnabri, 72), Goretska, Pavlovich (Ofli, 55), Rafael Gerreyru (Ito, 83), Dias, Karl, Keyn (Jyekson, 72)
«Atalanta»: Sportello, Hin, Skalvini (Axanor, 83), Kossunu, Pashalich, Ederson (Samarjich, 57), Bernaskoni, Bellanova, Sulemana (Raspadori, 71), De Ketelare (de Ron, 57), Skamakka (Krstovich, 71)
Birinchi o‘yin: 6:1
Bergamodagi tennischa hisobdan (6:1) keyin ham «Bavariya» muxlislarida darvozabon pozitsiyasi tufayli xavotir saqlanib qolgandi. Zayavkadagi to‘rt darvozabon – Noyyer, Ulrayh, Klanats va Urbig – barchasi jarohat tufayli safdan chiqqandi. Faqat ularning to‘rtinchisi so‘nggi kunlarda safga qaytdi va Vensan Kompani darvozaga o‘smirlardan birini qo‘yishiga to‘g‘ri kelmadi.
Umuman olganda, xavotirlar o‘rinsiz edi. Baribir darvozabonga amalda ish topilmadi. Bergamoliklar ham bu o‘yinda darvozabonni almashtirgandi va bu mavsumda deyarli o‘ynamagan 33 yoshli Sportello Keyn ijrosidagi penaltini qaytardi. Ammo u darvoza chizig‘idan ertaroq oldinga chiqib ketgani ma’lum bo‘ldi, Harri esa takroriy zarbada adashmadi.
Ikkinchi bo‘limda esa myunxenliklarni to‘xtatib bo‘lmadi. Avvaliga Keyn o‘yindan ham gol urdi, keyin esa Dias va Karl tandemi bittadan gol urdi (ular bir-biriga golli uzatma berishdi). Bergamoliklar esa bu o‘yinda ham bitta javob goli urishga erishdi, ammo Italiyaning yevrokuboklar pley-off bosqichida ikki o‘yinda 10 gol o‘tkazgan ilk jamoasi sifatida tarixga kirdi. «Bavariya»ni esa navbatdagi bosqichda «Real»ga qarshi janglar kutmoqda.
YeChLda 8 jamoa qoldi
Chempionlar ligasi 1/8 final natijalari
«Real» – «Manchester Siti» – 5:1 (birinchi o‘yin – 3:0, javob o‘yini – 2:1).
«PSJ» – «Chelsi» – 8:2 (5:2, 3:0).
«Sporting» – «Budyo-Glimt» – 5:3 (0:3, 5:0).
«Arsenal» – «Bayyer» – 3:1 (1:1, 2:0).
«Atletiko» – «Tottenhem» – 7:5 (5:2, 2:3).
«Barselona» – «Nyukasl» – 8:3 (1:1, 7:2).
«Liverpul» – «Galatasaroy» – 4:1 (0:1, 4:0).
«Bavariya» – «Atalanta» – 10:2 (6:1, 4:1).
Pley-offning to‘liq setkasi oldindan ma’lum edi, bundan keyin boshqa qur’a tashlanmaydi. Chorakfinalga chiqqan jamoalar o‘zlarining navbatdagi raqiblarini allaqachon bilishadi.
1/4 final juftliklari
«Real» – «Bavariya»
«PSJ» – «Liverpul»
«Sporting» – «Arsenal»
«Barselona» – «Atletiko»
Birinchi bo‘lib ko‘rsatilgan jamoalar birinchi o‘yinni o‘z uyida o‘tkazadi.
1/4 final o‘yinlari taqvimi
Keyingi bosqich deyarli uch haftadan keyin, mart oyidagi FIFA kunlari ortidan boshlanadi. Chorakfinaldagi uy va safar uchrashuvlari orasi bir haftani tashkil etadi.
Mart oyi oxirida Yevropa yozgi vaqtga o‘tadi, shuning uchun Chempionlar ligasi yana Toshkent vaqti bilan soat 23:59 dan boshlanadi.
7–8 aprel. Birinchi o‘yinlar
«Real» – «Bavariya»
«PSJ» – «Liverpul»
«Sporting» – «Arsenal»
«Barselona» – «Atletiko»
14–15 aprel. Javob o‘yinlari
«Bavariya» – «Real»
«Liverpul» – «PSJ»
«Arsenal» – «Sporting»
«Atletiko» – «Barselona»
Birinchi va ikkinchi juftliklar g‘oliblari hamda uchinchi va to‘rtinchi juftliklar g‘oliblari yarimfinalda o‘zaro to‘qnashadi.
Yarimfinal bahslari 28-29 aprel va 5-6 may kunlariga belgilangan.
Final 30 may kuni Budapeshtda bo‘lib o‘tadi.
Stadion suriluvchi tom va maydonga ega bo‘ladi. Uning bir tomoni ulkan suriluvchi LED devordan iborat bo‘lib, devorda jonli translatsiyalar, filmlar va lazer shou namoyish etiladi. 45000 tomoshabinga mo‘ljallangan arena “Al Hilol” va “Al Nassr” klublari uchun uy maydoni bo‘lishi kutilmoqda.
Saudiya Arabistonida qurilayotgan shahzoda Muhammad bin Salmon nomidagi ko‘p funksiyali stadionning yangi suratlari e’lon qilindi. U 2034 yilgi futbol bo‘yicha jahon chempionatini o‘tkazish uchun ehtimoliy arenalardan biri sifatida ko‘rilmoqda.
Qurilish ishlari Ar-Riyod shahri g‘arbidagi Qiddiya ko‘ngilochar hududida olib borilmoqda.
Foto: SaudiProject
Stadion suriluvchi tom va maydonga ega bo‘ladi, uning bir tomoni ulkan suriluvchi LED devordan iborat bo‘lib, devorda jonli translatsiyalar, filmlar va lazer shou namoyish etiladi. Devor ochilganida, maydon atrofidagi tribunalar va Tuvayk qoyasi manzarasi namoyon bo‘ladi. Bu dunyodagi birinchi to‘liq integratsiyalashgan majmua bo‘lib, stadionni bir necha soat ichida turli tadbirlar uchun moslashtirish imkonini beradi.
Geometrik shakldagi binolarning tashqi qismi raqamli ekranlar bilan qoplanadi va ular qoyadan o‘sib chiqqandek ko‘rinadi.
Foto: SaudiProject
Stadion atrofida sport va ko‘ngilochar hududlarga ega bo‘lgan baland binolar quriladi. Ular ichki ko‘chalar orqali bog‘lanadi va bu ko‘chalar ham LED ekranlar bilan qoplanadi. Ushbu yo‘laklar tashrif buyuruvchilarni qoya chetidagi kuzatuv maydonchalariga olib boradi.
Loyihasi Populous arxitektura byurosi tomonidan ishlab chiqilgan ushbu arena 45000 tomoshabinga mo‘ljallangan.
Foto: SaudiProject
Stadion Saudiya Arabistoni professional ligasining “Al Hilol” va “Al Nassr” klublari uchun uy maydoni bo‘ladi. Shu bilan birga, bu yerda boks, kibersport, konsertlar va teatr tomoshalari kabi turli sport va madaniy tadbirlar ham o‘tkaziladi.
O‘zbekistonda yanvar oyida qog‘oz sanoatida sezilarli o‘sish kuzatildi
O‘zbekistonda 2025 yilda 48 nafar erkak 70 yoshdan keyin ota bo‘ldi
Isroil Livan janubida quruqlikdan operatsiya boshladi
-
Turk dunyosi4 days agoTurkiyaning Baykal K2 bir tomonlama hujumga uchragan uchuvchisiz samolyotining toʻda harakatini sinovdan oʻtkazdi
-
Jamiyat1 day ago
Tadbirkor boshpanasiz bo‘lgan 5 ta oilani uy-joy bilan ta’minladi
-
Jamiyat3 days ago
Ichki ishlar xodimlarining qo‘pol muomalasi va tergov sifatidan norozilik ko‘paygan – Prezident
-
Iqtisodiyot4 days ago«Yomg‘ir va qorda ham foydalanishga tayyor bo‘ladi» – Toshkent-Andijon pulli yo‘li haqida nimalar ma’lum?
-
Dunyodan1 day ago
Eron Hormuz boʻgʻozi orqali cheklangan oʻtishga ruxsat beradi
-
Iqtisodiyot1 day agopayme Tez QR orqali to‘lovni 3% keshbek bilan ishga tushirmoqda
-
Iqtisodiyot3 days agoMetandan go‘shtgacha. Narxi keskin oshgan mahsulot va xizmatlar
-
Siyosat17 hours agoSoʻnggi savdo maʼlumotlariga koʻra, Oʻzbekiston temir yoʻllari importi eksportdan 2,5 barobar koʻp