Siyosat
Qozog‘iston 16 yoshgacha bo‘lgan bolalar uchun ijtimoiy tarmoqlarni taqiqlashni ko‘rib chiqmoqda
Qozog‘istonda 16 yoshgacha bo‘lgan bolalarning ijtimoiy tarmoqlarga kirishiga cheklovlar joriy etilishi mumkin, dedi Madaniyat va axborot vaziri Aida Barayeva hukumat yig‘ilishida.
Baraevaning aytishicha, Madaniyat va axborot vazirligi tomonidan onlayn platformalar va ommaviy axborot vositalari faoliyatini tartibga solishga qaratilgan qonunga o‘zgartirishlar kiritish bo‘yicha qonun loyihasi ishlab chiqilgan. Taklif etilayotgan qonun 16 yoshdan kichik shaxslarga ijtimoiy tarmoq platformalarida akkaunt yaratishni taqiqlaydi.
“Qonun loyihasi ekspertlar tomonidan oʻrganilib, jamoatchilik muhokamasiga qoʻyildi”, – dedi Baraeva. “Samarali amalga oshirishni taʼminlash uchun biz Xalq taʼlimi vazirligi va Sunʼiy intellekt va raqamli rivojlanish vazirligi bilan hamkorlikda foydalanuvchilarning yoshini tekshirish mexanizmlarini ishlab chiqamiz va kerak boʻlganda javobgarlik choralarini belgilaymiz”.
Vazirning qoʻshimcha qilishicha, islohotlarda jamoatchilikning media savodxonligini oshirish va mustaqil ommaviy axborot vositalarini qoʻllab-quvvatlashga ham alohida eʼtibor qaratiladi.
Oʻsha yigʻilishda Bosh vazir oʻrinbosari hukumat onlayn platformalar va anʼanaviy ommaviy axborot vositalari oʻrtasida reklamadan tushadigan daromadlarni taqsimlashni qonunchilik darajasida tartibga solishni ham koʻrib chiqayotganini aytdi. Bundan tashqari, ayrim mahsulotlarni reklama qilishga qo‘yilgan taqiqni qisman olib tashlash ham ko‘rib chiqilmoqda.
Ijtimoiy tarmoqlardan foydalanishda yosh cheklovlarini joriy etish takliflari kengroq global tendentsiyalarni aks ettiradi. Bir nechta davlatlar allaqachon shunga o’xshash choralarni amalga oshirgan yoki e’lon qilgan. 2024-yildan boshlab Avstraliyada 16 yoshgacha bo‘lgan bolalarga TikTok va Instagram kabi platformalarga kirish taqiqlanadi, qoidaga rioya qilmaganlik uchun 50 million Avstraliya dollarigacha jarima solinadi.
2025 yilning noyabrida Daniya 15 yoshgacha bo‘lgan bolalarga ijtimoiy tarmoqlardan foydalanishni taqiqlovchi qonun loyihasini e’lon qildi. Malayziya 2026 yildan boshlab 16 yoshgacha bo‘lgan foydalanuvchilarga taqiq joriy etishni rejalashtirmoqda, Fransiya esa kelasi yildan boshlab 15 yoshgacha bo‘lgan bolalarga ham shunday cheklovlar qo‘yishni rejalashtirmoqda.
Umuman olganda, butun dunyo hukumatlari bolalarni zararli onlayn kontentdan himoya qilish yo‘llarini izlamoqda. Xitoy bolalarning ekran vaqtini va video o‘yinlardan foydalanishiga cheklovlar qo‘ydi va Fransiya hukumati TikTok’ni yoshlar orasida o‘z-o‘ziga zarar yetkazishi mumkinligi sababli tergov boshladi.
Bugun, 25-sentyabr kuni O‘zbekiston Prezidenti Shavkat Mirziyoyev Xitoy Xalqaro madaniy kommunikatsiya markazi raisi Long Yuysyan va Gonkongning «JDB Group» kompaniyasi asoschisi Chan Xuntoni qabul qildi. Bu haqda Prezident matbuot xizmati xabar berdi.
Qayd etilishicha, O‘zbekiston bilan Xitoy o‘rtasidagi barcha sharoitlarda har tomonlama strategik sheriklik munosabatlarini yanada chuqurlashtirish va madaniy-gumanitar aloqalarni mustahkamlash masalalari ko‘rib chiqildi.
Markaz O‘zbekistonning Xitoy bilan ko‘p qirrali hamkorligini mustahkamlashga katta hissa qo‘shib kelayotgani qayd etildi. Birgalikda infratuzilmani rivojlantirish, investitsiyalar va «yashil» sanoat sohalarida qator loyihalar amalga oshirildi.
«JDB Group» kompaniyasining O‘zbekistondagi faoliyatining ustuvor yo‘nalishlari sifatida zamonaviy shahar, transport va sanoat infratuzilmasini rivojlantirish hamda geologiya sohasi belgilandi.
Uchrashuv yakunida mazkur kompaniya ishtirokida amalga oshirilayotgan va yangi loyihalarni jadallashtirish yuzasidan kelishuvga erishildi.
Siyosat
Saida Mirziyoyeva Diyene Keyta bilan demografik barqarorlik va inson kapitali bo‘yicha hamkorlikni muhokama qildi
O‘zbekiston Respublikasi Prezidenti Administratsiyasi rahbari Saida Mirziyoyeva BMT Bosh kotibi o‘rinbosari, BMT Aholishunoslik jamg‘armasi (UNFPA) ijrochi direktori Diyene Keyta bilan uchrashdi.
Muloqotda demografik barqarorlik, inson kapitali va aholi farovonligini ta’minlash bo‘yicha hamkorlikni yanada rivojlantirish masalalari muhokama qilindi.
Saida Mirziyoyeva O‘zbekistonning asosiy kapitali yosh avlod ekanini ta’kidladi. U demografik salohiyatni kelgusida dividend manbaiga aylantirish uchun inson, ayniqsa, ayollar va bolalarning salomatligi, ta’limi hamda xavfsizligiga investitsiya kiritish zarurligini bildirdi.
Saida Mirziyoyeva o‘zining Telegram kanalida demografik prognozlash tizimini yo‘lga qo‘yilayotganini ma’lum qildi. Shuningdek, «Demografik dividend — 2050» strategiyasini ishlab chiqish rejalashtirilayotganini aytdi.
Tomonlar demografik barqarorlikni faqat aholi soni bilan bog‘liq masala sifatida emas, balki ta’lim, sog‘liqni saqlash, bandlik, ijtimoiy himoya va oilalarni qo‘llab-quvvatlashni qamrab oladigan uzoq muddatli taraqqiyot masalasi sifatida ko‘rish zarurligini ta’kidladi.
Shuningdek, demografik ma’lumotlar va tahliliy prognozlar asosida qarorlar qabul qilish hamda inson kapitali va ijtimoiy xizmatlarga investitsiyalarni kuchaytirish bo‘yicha xalqaro hamkorlikni rivojlantirish masalalari muhokama qilindi.
Muloqotda aholining farovonligini oshirish va demografik jarayonlarni samarali boshqarishda ma’lumotlar hamda prognozlarning ahamiyatiga e’tibor qaratildi.
Prezident administratsiyasi rahbari Saida Mirziyoyeva Nyu-Yorkda «BlackRock» rahbariyati bilan uchrashdi.
Unda kompaniya prezidenti Robert Kapito, vitse-rais Tomas Donilon, «Global Infrastructure Partners» raisi va bosh ijrochi direktori Adebayo Ogunlesi, Moliyaviy va strategik investorlar guruhi global rahbari hamda kompaniyaning Yaqin Sharq mintaqasi bo‘yicha rahbari Charlz Hatami qatnashdi.
Muloqot davomida 2027-yilda Toshkent xalqaro moliya markazi faoliyatini yo‘lga qo‘yish masalasini muhokama qilindi. «BlackRock» ushbu Markaz konsepsiyasi va tuzilmasini ishlab chiqishda ko‘maklashmoqda.
AQSh ishbilarmon doiralari vakillari ishtirokidagi qo‘shma davra suhbatida O‘zbekiston hamda mintaqamizning yaqin o‘n yilliklarga mo‘ljallangan rivojlanish istiqbollari yuzasidan fikr almashildi.
O‘zbekiston yirik, samarali, sifatli sarmoyalar uchun yangi imkoniyatlar maydoniga aylanmoqda, dedi Saida Mirziyoyeva.
Mudofaa vaziriga ikki o‘rinbosar tayinlandi. Bu haqda vazirlik matbuot xizmati xabar berdi.
Jumladan, Prezidentning tegishli qaroriga muvofiq, polkovnik Zoidov Qahramonjon Obidjonovich O‘zbekiston mudofaa vazirining qurollanish va qurollantirish bo‘yicha o‘rinbosari lavozimiga tayinlandi.
Adliya polkovnigi Muratov Jahongir Dilshatovich vazirning komplayens va korrupsiyaga qarshi ichki nazorat bo‘yicha o‘rinbosari lavozimiga tayinlandi.
Prezident Shavkat Mirziyoyev Andijon viloyatiga tashrif buyuradi.
Ikki kunlik safar dasturidan hududning sanoat va investitsiya salohiyati, energetika, qishloq xo‘jaligi, transport, turizm va boshqa sohalardagi loyihalar bilan tanishish o‘rin olgan. Davlatimiz rahbari mahallalardagi bunyodkorlik ishlarini ham ko‘zdan kechiradi. Qator yangi quvvatlarni ishga tushirish va istiqbolli loyihalar qurilishini boshlash ko‘zda tutilgan.
Shuningdek, Andijon viloyatini yanada rivojlantirishning ustuvor yo‘nalishlari muhokamasiga bag‘ishlangan yig‘ilish bo‘lib o‘tadi.
