Sport
qo‘shimcha daqiqalarda uchta gol urildi
Mbappe qaychi uslubida urgan golini Jotaga bag‘ishladi, Kurtua so‘nggi soniyada qahramonlik ko‘rsatdi.
KJCh. Chorakfinal
«Real» — «Borussiya» D 3:2
5 iyul. Nyu York. «Metlayf stedium»
Gollar: Gonsalo Garsiya (10), Fran Garsiya (20), Mbappe (90+4) — Bayyer (90+3), Girassi (90+8, penalti).
«Real» — Kurtua, Trent (Sebalos, 67), Ryudiger, Chuameni (Asensio, 84), Hausen, Fran Garsiya, Valverde, Guler, Bellinghem (Mbappe, 67), Vinisius (Modrich, 67), Gonsalo Garsiya (Rodrigo, 86).
«Borussiya» D — Kobel, Zyule (Koutu, 46), Anton, Bensebayni, Ryuerson, Gross (Nmecha, 46), Zabitser, Brandt (Duranvil 63, Chukvuemeka 82), Svensson, Adeyyemi (Bayyer, 46), Girassi.
Ogohlantirishlar: Gross (37), Koutu (63), Mbappe (90+7).
Chetlatish: Hausen (90+6).
«Real» chorakfinalning yakuniy o‘yinida Dortmundning «Borussiya» klubini mag‘lub etdi va yarimfinalda «PSJ»ga qarshi o‘ynaydigan bo‘ldi. 9 iyul kuni Mbappe o‘zi mojaroli tarzda tark etgan sobiq klubidagi sobiq jamoadoshlariga qarshi maydonga chiqadi.
O‘yindagi ilk golli vaziyatni «Borussiya» yuzaga keltirdi. Chap qanotdan kross uzatmaga Brandt yetib bordi, uning o‘rnida shu kuni Job Bellinghem o‘ynashi mumkin edi, ammo u 1/8 final o‘yinida ikkinchi sariq kartochkasini olib, diskvalifikatsiyaga uchragan va «Real»dagi akasiga qarshi o‘yinga chiqa olmaydigan bo‘lgandi. Dortmundliklar sardori esa o‘z imkoniyatidan foydalana olmadi – uning zarbasidan keyin to‘p darvoza sohasiga to‘g‘ri bormadi. Keyin esa «Real» darajadagi ustunlikdan foydalandi.
Avvaliga Xabi Alonso 3-5-2 sxemasida o‘ynayotgandek tasavvur uyg‘otgandi. Ammo keyin barchasi oydinlashdi – «Borussiya»ning 3-5-2 (hatto 5-3-2 deyish mumkin) sxemasiga qarshi son jihatdan ustunlikka erishish uchun Tchuameni oldinroqqa chiqib harakatlandi. Shu bilan birga, hisob 0:0 ekanida hujumlarni boshlash uchun goh Jud orqaroqqa tushib harakatlandi, goh Guler himoyachilar va fransuz tayanch yarimhimoyachisidan ham orqaroqda joylashdi. Madridliklar asosan Fran Garsiyaning chap qanotidan hujum uyushtirishdi. U yaratib bergan ilk vaziyatdan Gonsalo foydalana olmadi. 10-daqiqada esa «Real» chap qanotdan yana bir hujum uyushtirdi va qo‘riqchisiz qoldirilgan Gulerning uzatmasidan keyin ushbu markaziy forvard klublar mundialidagi to‘rtinchi golni urdi. Ushbu turnirgacha ikkinchi jamoada o‘ynagan va Mbappening salomatligidagi muammo tufayli asosiy jamoaga jalb etilgan 21 yoshli futbolchi turnir kashfiyoti maqomini allaqachon o‘ziniki qildi.
Gonsaloning aniq zarbasi – «Real»da darvoza sohasiga borgan ilk zarba edi. Yosh to‘purar «qaymoqranglilar»ning 10 daqiqa o‘tib urgan ikkinchi golida ham ishtirok etdi. U o‘ng qanotda jarima maydoni chizig‘i oldida ochilgan Trentni to‘p bilan ta’minladi, angliyalik himoyachi esa markazga yetib kelgan Fran Garsiyaga golli pas berdi.
Birinchi bo‘lim oxirigacha «Real» o‘yinni nazorat qildi – to‘pga egalik qilganida ham, to‘psiz o‘ynaganida ham. Dortmund bo‘lim davomida Kurtua darvozasi tomon atigi uch bor zarba yo‘lladi. Madridliklar esa tanaffusga yirik hisobdagi g‘alaba bilan yo‘l olishi ham mumkin edi. Masalan, Bellinghem raqib mudofaasidagi xatodan keyin sobiq jamoasini kechirdi, uning yerlatib yaqin burchak tomon yo‘llagan zarbasi ustun yonidan o‘tib ketdi.
Kovach tanaffusda uch futbolchini almashtirdi. Jamoalar ochiq futbol namoyish etishga o‘tdi, shunga qaramay, «Real» o‘z qarshi hujumlarini muvaffaqiyatli yakunlay olmadi, dortmundliklar esa jarima maydoni ichidagi to‘purari Girassiga to‘p uzatib berishning uddasidan chiqa olmadi. Qolaversa, o‘yinning bir soati ortda qolganida nemislar jamoasi bir kishi kam bo‘lib qolishi mumkin edi. Kouto Fran Garsiyaga nisbatan xavfli o‘ynadi. Oyog‘i bilan raqibning boshiga zarba bergan futbolchi chetlatilganida hech kim e’tiroz qilmagan bo‘lardi, ammo hakam sariq kartochka bilan cheklandi.
«Real» safida esa ikkinchi bo‘lim o‘rtalarida Mbappe maydonga tushdi. Jamoa safidagi so‘nggi turnirini o‘tkazayotgan Modrichga ham o‘zini ko‘rsatish imkoni berildi. Shu bilan birga, Gonsalo maydonda qolib, Bellinghem va Vinisius Junior zaxiraga olindi. Braziliyalik futbolchining maydondaligi sezilmayotgandi, odatda bu futbolchi dribling evaziga vaziyatlar yaratardi, bu oqshom esa birorta muvaffaqiyatli aldab o‘tishni amalga oshirolmadi. Mbappe darhol faollashib, Guler uchun vaziyat yaratib berdi. O‘yin yakuniga 10 daqiqa qolganida Habi Alonso yana bir markaziy himoyachini maydonga tashladi – turnir guruh bosqichida qo‘pol xatolarga yo‘l qo‘ygan Asensioga yana imkon berildi. U o‘ng qanotdan joy oldi.
«Real» qolgan daqiqalarni «quritish» bilan shug‘ullandi. «Borussiya» hujumda hech narsa o‘ylab topolmadi. Ammo qo‘shimcha daqiqalarda aql bovar qilmas voqealar bo‘lib ketdi. Kovach jamoasi tasodifiy gol evaziga intrigani qaytardi. Ryudiger to‘pni uzoqlashtirishda xatoga yo‘l qo‘ydi – va Bayyer undan kelgan to‘pni yerlatib, darvoza to‘riga yo‘lladi.
Ammo «Real» darhol golga gol bilan javob qaytardi: Mbappe Gulerning navbatdagi golli pasidan keyin «qaychi» uslubidagi zarbasi bilan to‘pni darvoza to‘riga joyladi va golini Diyego Jotaga bag‘ishladi.
Keyingi epizodda esa «Borussiya» penalti ishladi. Hausen jarima maydoni ichida Girassini ushlab qoldi – va qizil kartochka olib, yarimfinalda qatnasha olmaydigan bo‘ldi.
Seru 11 metrdan aniq zarba berdi va so‘nggi daqiqalar hayajonli o‘tishini ta’minladi. Qo‘shib berilgan daqiqalarga qo‘shib berilgan daqiqalarda «Borussiya» mag‘lubiyatdan qutulib qolishi mumkin edi, ammo so‘nggi soniyalarda Zabitserning burchakka yo‘naltirilgan zarbasini Kurtua to‘xtatib qoldi va overtaymlarni bekor qildi.
Endi yarimfinalda «PSJ» va «Real» o‘rtasida finaldan oldingi final uchrashuvi bo‘lib o‘tadi.
Shavkat Mirziyoyev shaxmatchilar bilan uchrashuvda Javohir Sindorov, Muhiddin Madaminov va Shamsiddin Vohidovning Olimpiadadagi o‘yinlarini alohida e’tirof etdi.
Prezident Javohir Sindorovga murojaat qilib, bir necha oy avval uning Nomzodlar turniridagi tarixiy g‘alabasi nishonlanganini esladi. Olimpiadada ham Javohir Sindorov sovuqqonlik va barqarorlik ko‘rsatib, kuchli raqiblar oldida ortga chekinmagani ta’kidlandi.
«Endi oldingda yana bir ulkan marra — jahon toji uchun bellashuv turibdi. Bugun ortingda nafaqat jamoadoshlaring va ustozlaring, balki qirq millionga yaqin O‘zbekiston xalqi turibdi. Biz senga ishonamiz!» — dedi davlat rahbari.
Yirik musobaqada ilk bor ishtirok etgan Muhiddin Madaminov hal qiluvchi kunda ukrainalik Roman Dextyarovni qora donalarda mag‘lub etdi.
Uning g‘alabasi jamoaga oltin medal uchun zarur ochkoni olib keldi. Prezident uning g‘ayrati va g‘alabalari muxlislar ko‘nglidan joy olganini ta’kidladi.
Shamsiddin Vohidov ham umumiy natijaga munosib hissa qo‘shdi. U amaldagi jahon chempioni Gukeshga qarshi qora donalarda tengma-teng kurashib, o‘z salohiyatini namoyon etdi.
Prezident oltin medal jamoaning har bir a’zosi mehnati va hissasi natijasi ekanini ta’kidladi.
«Bu oltin medalda jamoaning har bir a’zosining mashaqqatli mehnati va ulkan hissasi bor», — dedi Prezident.
Davlat rahbari shaxmatchilar haqida hali kitoblar yozilishi, filmlar yaratilishi va ularning o‘yin uslubi darsliklarga kirishiga ishonch bildirdi.
Yosh shaxmatchilarni tayyorlash imkoniyatlarini kengaytirish uchun Toshkent xalqaro shaxmat akademiyasining Samarqand, Xorazm va Farg‘onada uchta mintaqaviy filiali tashkil etiladi. Akademiyada oliy toifali murabbiylarni tayyorlash ham yo‘lga qo‘yiladi.
FIDE reytingida 1 ming 500 dan yuqori ball to‘plagan shaxmatchilarning xususiy klublarda o‘qish xarajatlarining yarmi davlat tomonidan qoplanadi. Bu yosh iste’dodlarning tayyorgarligini davom ettirishiga qo‘shimcha imkoniyat yaratadi.
Mamlakatimizda “O‘zbekiston Grand Chess” milliy brendi ostida xalqaro turnirlar muntazam o‘tkazib boriladi. Bu shaxmatchilarimizga kuchli raqiblar bilan o‘z yurtimizda bellashish imkonini beradi.
Prezidentimiz Yangi Toshkentda 500 kishilik o‘yin zali, yotoqxona va sport maydonchalariga ega zamonaviy shaxmat saroyini barpo etishni taklif qildi.
O‘zbekiston delegatsiyasi Yaponiyadagi Osiyo o‘yinlarining bugungi kunini oltin va kumush medallarni qo‘lga kiritish bilan boshladi.
Shahriyor Mahkamov baydarkachilar o‘rtasida 500 metr masofaga kechgan yakkalik poygalarida marrani birinchi bo‘lib zabt etib, Osiyo o‘yinlari chempioniga aylandi.
Terma jamoamizning yana bir a’zosi Arina Tanatmisheva esa kumush medalni qo‘lga kiritdi. U 500 metr masofaga kechgan yakkalik dasturida marraga ikkinchi bo‘lib yetib keldi.
Shuningdek, kanoeda eshkak eshish bo‘yicha O‘zbekiston jamoasi a’zolari Vladlen Denisov hamda Nilufar Zokirova juftligi kumush medalni qo‘lga kiritdi.
Hozirgacha o‘tkazilgan musobaqalardan so‘ng, O‘zbekiston delegatsiyasi turnir jadvalida 4-o‘ringa ko‘tarilib oldi. Jami 34 ta medal qo‘lga kiritildi: 8 ta — oltin, 17 ta — kumush, 9 ta — bronza.
Aichi-Nagoya-2026 musobaqalarida medallar jamg‘arish bo‘yicha Xitoy peshqadamlik qilmoqda, Yaponiya — ikkinchi, Janubiy Koreya — uchinchi o‘rinda.
O‘zbekiston U-23 terma jamoasining Osiyo o‘yinlari yarim finalidagi raqibi ma’lum bo‘ldi.
Chorak finalda Yaponiya terma jamoasi KXDRni 1:0 hisobida mag‘lub etib, yarim finalga yo‘l oldi.
Shu tariqa, O‘zbekiston U-23 terma jamoasi final yo‘llanmasi uchun musobaqa mezboni Yaponiyaga qarshi maydonga tushadi.
Uchrashuv 30-sentyabr kuni Toshkent vaqti bilan soat 15:30 da “Nagai” stadionida boshlanadi.
Samarqandda o‘tayotgan 46-Butunjahon shaxmat olimpiadasining 10-turi O‘zbekistonning birinchi jamoasi uchun muvaffaqiyatli yakunlandi.
Nodirbek Abdusattorov, Javohir Sindarov, Nodirbek Yoqubboyev va Muhiddin Madaminov ishtirok etgan O‘zbekiston-1 jamoasi Armanistonni mag‘lub etdi.
Abdusattorov, Sindarov va Madaminov o‘z raqiblaridan ustun keldi. Shu tariqa, O‘zbekiston-1 jamoasi 18 ochko bilan musobaqada yetakchilikni saqlab qoldi.
O‘zbekiston-2 jamoasi Hindistonga imkoniyatni boy berdi. O‘zbekiston-3 esa Isroilga qarshi keskin bahsda kichik hisobda mag‘lub bo‘ldi.
Xotin-qizlar o‘rtasidagi 10-turda O‘zbekiston-1 jamoasi Peru vakillarini yirik hisobda mag‘lub etdi.
27-sentyabr kuni Olimpiadaning so‘nggi — 11-tur bahslari o‘tkaziladi. Uning yakunlariga ko‘ra, g‘olib va sovrindor jamoalar aniqlanadi.
O‘zbekiston do‘konlarida 73 turdagi mahsulot sifatsiz deb topildi
Tadbirkorlar jarimaning 50 foizini to‘lab, qolgan qismidan ozod etilishi mumkin
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Iqtisodiyot4 days ago
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
-
Jamiyat3 days ago
Toshkentda xalqaro moda akademiyasi tashkil etiladi
-
Iqtisodiyot19 hours ago
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Jamiyat15 hours ago
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Jamiyat14 hours ago
O‘zbekiston do‘konlarida 73 turdagi mahsulot sifatsiz deb topildi