Jamiyat
“Qizimizning jasadi topilsa, olib ketsak bo‘ldi” – Sayyoraning jasadi haligacha qidirilmoqda
Istanbulda ikki o‘zbekistonlik ayol shafqatsizlarcha o‘ldirildi. Birining jasadi topilib, O‘zbekistonga qaytarildi. Ammo ikkinchi qurbonning jasadi chiqindilar orasidan haligacha qidirilmoqda. Gumonlanuvchilar qo‘lga olingan, oilalar eng og‘ir jazo talab qilmoqda.
“Jasadi topilgan degan ma’lumot keldi, buyam yolg‘on ekan”
Istanbulda ikki o‘zbekistonlik ayol Durdona Hakimova va Sayyora Ergashaliyeva shafqatsizlik bilan o‘ldirildi. Qotillikda gumonlanayotganlar ham o‘zbek erkaklar. Politsiya dastlab Durdona Hakimovaning o‘limi yuzasidan tergov boshlagan edi. Shu orada Durdonaning dugonasi Sayyoraning ham 23 yanvardan beri bedarak ekanligi haqida mazkur mamlakatda faoliyat yurituvchi O‘zbek xotin-qizlari huquqlarini himoya qilish jamiyati xabar berdi. Tekshiruv jarayonida aynan shu xonadonda yana bir ayol – Namanganda tug‘ilgan 32 yoshli Sayyora Ergashaliyeva ham qurbon bo‘lgani aniqlangan. 30 yanvar kuni Durdonaning jasadi va ikki farzandi O‘zbekistonga qaytarildi. Ammo Sayyoraning jasadi haligacha topilmagan.
“Bu yerga ishlab pul topish uchun kelgan edi. Shunaqa narsalarga e’tibor berishingizni so‘raymiz, yolg‘on ma’lumotlar tarqatilmasin. Jasadi topilgan degan ma’lumot keldi, buyam yolg‘on ekan. Rost gapni kutib turibmiz, bir narsa ilinjida shu yerda turibmiz: qizimizning murdasi topilsa, olib ketsak bo‘ldi. Shunga amaliy yordam bering, iltimos”, – deya murojaat qilgan marhumaning onasi Sohiba Muhsinova.
Ikki jasad bir jomadonda tashilgan – advokatlar
Voqea haqida xabar bergan O‘zbek xotin-qizlari huquqlarini himoya qilish jamiyati advokatlariga ko‘ra, uning jasadini topish maqsadida hozirgacha 400 ming tonna chiqindi tekshiruvdan o‘tkazilgan.
Advokat Jyevat Bozkurt: “So‘roq davomida ular Sayyora xonimni o‘ldirganini tan olishgan. Avval 23 yanvardan 24 yanvarga o‘tar kechasi Sayyora xonim o‘ldirilgan, shundan keyin gumonlanuvchilar tomonidan jasad bo‘laklarga ajratilgan. Jasadning bir qismi yashab turgan manzil yaqinidagi chiqindi konteyneriga, qolgan qismi esa Fotih tumanidagi konteynerga tashlangan. Ular tana bo‘laklarini olib borgan jomadonni bo‘shatib uyga qaytishgan. Sayyora xonimning telefoni orqali Durdona xonimga xabar yuborib, uni ham chaqirishgan.
Olgan ma’lumotimizga ko‘ra, ular Durdona xonimning jasadini tashlashganidan keyin 5 daqiqa o‘tib chiqindilarni saralovchi tomonidan topilgan. Agar u 5 daqiqa kechikkanda, uning jasadi ham topilmasligi mumkin edi. Chunki ortidan chiqindi tashuvchi mashina kelayotgani haqida ma’lumot bor. Politsiya bu haqda xabar topishi bilanoq chiqindi yig‘ish ishlarini to‘xtatishga buyruq berilgan.
Dastlab bu holat faqat bitta qotillik sifatida baholangan. Bizning murojaatlarimizga qadar ikkinchi ayol mavjudligi haqida hech qanday ma’lumot yo‘q edi. Keyinchalik so‘roq jarayonida bu holat aniqlangach, tergov chuqurlashtirildi. Kamera yozuvlari qo‘lga kiritildi. Iqror ko‘rsatmalari va kamera tasvirlari asosida Sayyora xonim Durdonadan taxminan 12–13 soat avval o‘ldirilgani aniqlandi. Ikki nafar jabrlanuvchining jasadi ham bitta jomadonda tashilgani ma’lum bo‘ldi. Ota-onasidan DNK namunalari olindi.
Istanbul juda katta shahar. Ayniqsa jasadning bir qismi Osiyo qismida, ikkinchi qismi Yevropa qismida tashlangani, chiqindi yig‘ish maydonlari ikki qit’a uchun alohida nuqtalarda joylashgani topilish ehtimolini juda pasaytirib yubordi. Huquqni muhofaza qiluvchi organlar hanuz qidiruv ishlarini olib borishyapti. Hozirga qadar qariyb 400 ming tonnaga yaqin chiqindi saralab ko‘rilgan. Qidiruv davom etmoqda, umid qilamizki, jasad topiladi.
Qotillikning sodir etilish usuli va izlarni yo‘qotish harakatlarini inobatga olsak, bu jinoyat ilk holat bo‘lmasligi mumkin, deb hisoblaymiz. Ikki gumonlanuvchi 15 kunlik tanishuvdan so‘ng ikki nafar ayolni o‘ldirishiga ishonish qiyin. Bu oldindan rejalashtirilgan bo‘lishi ehtimoldan xoli emas. Voqeaning ortida yana boshqa jihatlar ham ochilishi mumkin, deb o‘ylaymiz. O‘zbekiston rasmiy idoralaridan gumonlanuvchilar o‘z mamlakatida ham shunga o‘xshash jinoyatga aralashgani haqida hozircha ma’lumot kelmadi.
Oila juda og‘ir ahvolda. Ular hali ham mamlakatimizda. Jasad topilishiga qattiq ishonishmoqda, uni vatanga olib ketib, dafn etishmoqchi. Albatta, gumonlanuvchilar eng og‘ir jazoga tortilishini istashmoqda”.
Advokat Ezgi Ekin Arslan: “Ma’lum bo‘lishicha, Sayyora xonim ham 23 yanvardan 24 yanvarga o‘tar kechasi aynan o‘sha uyda shafqatsiz qotillik qurboni bo‘lgan. Uning jasadi ham 24 yanvar kuni aynan o‘sha xonadondan olib chiqilgan. Hozirda oila ko‘z yoshi bilan qizlarining jasadini kutib turibdi. Biz ularga ‘Qizingiz ikki hafta avval chiqindi konteyneriga tashlangan va hozir uni topish imkoniyati juda kam’ deya olmaymiz. ‘Sayyoraning jasadi topildi’ degan xabarlar tarqalmoqda, ammo hali jasad topilmadi. Umid qilamanki, jasad topiladi va oilasiga topshiriladi.
Balki bu ikki ayolning qotilligidan keyin yana boshqa ayollarga oid jinoyatlar ham fosh bo‘lar – bu haqida bir nima deyish qiyin. Biz ikki nafar gumonlanuvchining ikki ayolni bo‘laklarga ajratib, chiqindi konteynerlariga tashlab, bamaylixotir mamlakatdan chiqib ketishga uringanini bilamiz. Bu gumonlanuvchilar bilan yana boshqa ayollar aloqa qilganmi, yana shunday bedarak yo‘qolgan ayollar bormi – afsuski, bu haqda ma’lumotimiz yo‘q. Agar Sayyoraning oilasi bu yerga kelmaganida nima bo‘lardi? Ehtimol, biz Sayyora haqida hech qachon xabar topa olmasdik”.
“Qotillikni sodir etgan shaxsning opasi va qizi ikki oy biz bilan yashagan”
Durdona Hakimovaning turmush o‘rtog‘i 38 yoshli Erhan Dursun ushbu shafqatsiz qotillikka nisbatan norozilik bildirib, gumonlanuvchining “ishqiy munosabat” haqidagi da’volarini rad etib, ularga eng og‘ir jazo tayinlanishini talab qildi. Ular 2019 yilda turmush qurib, ayolning ikki qizi va Erhanning bir o‘g‘il farzandini birgalikda tarbiyalab kelishayotgan edilar.
“Voqea kuni turmush o‘rtog‘im u yerga o‘g‘lim bilan avtobusda borgan. Uyga yaqin do‘kon oldida onasini kutgan. Onasi “hozir kelaman” degan. 5 daqiqadan keyin o‘g‘lim qo‘ng‘iroq qilgan, javob bo‘lmagan. 15:17 da yana qo‘ng‘iroq qilgan , yana javob bo‘lmagan. Yonidagi shaxs o‘g‘limni taksiga o‘tqazib, Oqsaroy metro bekatigacha olib borishni aytgan. O‘g‘lim u yerdan piyoda uyga qaytgan. Ehtimol, o‘g‘limni chalg‘itish uchun onasini ichkariga yolg‘iz chaqirishgan.
Kechki soat 23:00–24:00 atrofida uxlashga hozirlanayotgan edik, bir payt eshik qo‘ng‘irog‘i chalinib qoldi. O‘g‘lim yugurib eshikni ochdi, men ham chiqdim. 5–6 nafar politsiya xodimi kelgan ekan. Keyin meni bo‘limga olib ketishdi. 1–2 soatdan keyin gumonlanuvchilarni ham olib kelishdi. Menga uni qanday o‘ldirishganini aytmadilar, faqat “o‘ldi” deyishdi. Avval buni qabul qila olmadim. Gumonlanuvchilarni so‘roqxona oynasidan ko‘rdim, qo‘llari cho‘ntakda, juda xotirjam yurib kelishardi.
Turmush o‘rtog‘im meni aslo aldamaydi, 100 foiz ishonaman. Agar xiyonat niyati bo‘lganida, u yerga o‘g‘lim bilan bormasdi. O‘g‘lim ochiq gapiradigan bola, bunday holat bo‘lishi mumkin emas. Biror kimsa onasiga teginsa ham, o‘g‘lim bundan qattiq bezovta bo‘lardi.
Kimdir unga xabar yozgan va u borgan. Boshqa sabab yo‘q. Qayerga borsa, menga joylashuvini, kim bilan ekanini aytib turardi. Adolatga ishonaman. Bunday shafqatsiz jinoyat uchun eng og‘ir jazo berilishini istayman. Qotillikni sodir etgan shaxsning opasi va qizi ikki oy biz bilan yashagan, uning oilasidan ikki kishini taniymiz. Jamoatchilikda turmush o‘rtog‘imni tanimay turib izoh yozayotganlarga aytadigan gapim ko‘p, lekin hali ham dardimizni qabul qila olmayapmiz. Ortida ikki nafar farzandi qoldi. Men uning halolligiga tanam va jonim bilan kafilman”, degan u.
Manbalarimizga ko‘ra, Durdonadan keyingi qurbon – Sayyoraning ham bog‘cha yoshidagi ikki nafar farzandi bo‘lgan.
Eslatib o‘tamiz, vahshiyona qotillik Turkiyada ayollarning norozilik namoyishlariga sabab bo‘ldi.
Prezident o‘z nutqida 7 milliy dastur haqida e’lon qildi.
Birinchi milliy dastur bilim va malakani kelgusi taraqqiyotning asosiy kapitaliga aylantirishdan iborat bo‘ladi.
Bolalarning 6 yoshli tayyorlov guruhlariga qamrov qisqa muddatda 100 foizga olib chiqiladi. Xususiy bog‘cha tashkil qilish bo‘yicha mavjud imtiyozlar saqlab qolinadi.
Barcha maktablar xalqaro baholash dasturlari bilan to‘liq qamrab olinadi.
Yurtimizdagi texnikumlarda xalqaro ta’lim standartlarini joriy etiladi. Ularda yoshlarimizni yuqori daromadli kasblarga o‘qitishni yo‘lga qo‘yib, qamrovni 1 millionga yetkaziladi. Bir so‘z bilan aytganda, Yangi O‘zbekistonda kasb egallamagan birorta yigit-qiz qolmaydi.
Ikkinchi milliy dastur xalqimizning sog‘lom bo‘lishi va uzoq umr ko‘rishini ta’minlashga xizmat qiladi.
Shu maqsadda aholi salomatligi bilan bog‘liq davlat xarajatlarini kelgusi besh yilda yalpi ichki mahsulotga nisbatan 5 foizga yetkaziladi.
Tibbiyotda profilaktikani kuchaytirish orqali salomatlikni asrash modeliga o‘tiladi. Davlat tibbiy sug‘urtasi mamlakatning barcha xonadonlariga kirib boradi
Ixtisoslashgan tibbiyotda raqobat muhitini kuchaytirish maqsadida dunyoning eng nufuzli kamida 5 ta klinikasi olib kelinadi.
Uchinchi milliy dastur – iqtisodiyotimizni yuqori texnologiya va mehnat unumdorligi modeliga o‘tkazish.
Buning uchun kelgusi o‘n yilda 450 milliard dollar xorijiy investitsiya jalb qilinadi. Iqtisodiyotda yuqori o‘sish sur’atini saqlagan holda, 2030 yilgacha yalpi ichki mahsulot hajmi 300 milliard dollarga yetkaziladi, sanoatda 2 millionta yuqori daromadli ish o‘rni yaratiladi.
Yoshlarimizning salohiyatini to‘liq ro‘yobga chiqarishda startap, venchur va sun’iy intellektni rivojlantirish ustuvor yo‘nalishga aylanadi.
Shuningdek, kichik biznes – o‘rta biznesga, o‘rta korxonalar esa yirik kompaniya va korporatsiyalarga aylanishi uchun yaxlit ekotizimni yo‘lga qo‘yamiz. Bularning hisobiga kelgusi o‘n yilda jon boshiga yalpi ichki mahsulot hajmi 10 ming dollarlik marradan oshadi.
Global iqlim o‘zgarishi sharoitida suv va ekologiya masalalari yanada dolzarb bo‘lib bormoqda.
Shu bois, to‘rtinchi milliy dastur suv va tabiatga munosabatni tubdan o‘zgartirishga qaratiladi.
Kelgusi besh yilda ekin maydonlarida suv tejaydigan texnologiyalar qamrovini 100 foizga olib chiqiladi. Bu – umummilliy marraga aylanadi.
Adolat qaror topgan joyda iqtisodiy o‘sish ham, ijtimoiy ishonch ham yuksaladi.
Bu borada beshinchi milliy dastur – sud mustaqilligini kuchaytirish va qonun ustuvorligini ta’minlashni umumiy qadriyatga aylantirishdan iborat.
“Buning uchun huquqiy tarbiyani maktabdan boshlab aniq tizim asosida yo‘lga qo‘yamiz. Fuqarolar va tadbirkorlarning qonuniy kafolatlarini kuchaytirish bo‘yicha islohotlarimizni qat’iy davom ettiramiz. Kiberjinoyatchilik, giyohvandlik va odam savdosining oldini olish bo‘yicha choralarni yanada kuchaytiramiz.
“Yashirin iqtisodiyot”, uyushgan jinoyatchilik, ayollar va bolalar huquqini kamsitishga qarshi kurashni yangi bosqichga ko‘taramiz.
Odamlarimizning kayfiyati, oilalarning farovonligi, yoshlarning orzu-istagi, tadbirkorlarning tashabbuskorligi, eng avvalo, mahallada namoyon bo‘ladi.
Shuning uchun oltinchi milliy dastur mahallani jamiyat taraqqiyotining asosiy buyurtmachisiga aylantirishga yo‘naltiriladi.
Endi davlat dasturlarini ishlab chiqish bo‘yicha yondashuv butkul o‘zgaradi. Tuman budjeti, investitsiya dasturi hamda infratuzilma loyihalari mahalla buyurtmasi asosida ishlab chiqiladi. Bunda fuqarolarning talab va ehtiyoji, mahallaning farovonligi – eng asosiy mezon sifatida belgilanadi”, dedi Prezident.
Yettinchi milliy dastur – O‘zbekistonning tinchlik va do‘stlik diyori, bag‘rikeng o‘lka sifatidagi nufuzini har tomonlama yuksaltirishdan iborat.
Bizning ochiq, pragmatik va tinchlikparvar siyosatimiz uzoq muddatli taraqqiyotimizni ta’minlashga qaratilgan.
Bu yilgi Mustaqillik bayrami ijtimoiy tarmoqlarda chin ma’noda portladi. Prezident Shavkat Mirziyoyevning nutqi, bayram ssenariysi va sahnadagi chiqishlarga foydalanuvchilardan juda katta, samimiy va kuchli reaksiya bo‘ldi.
Izohlarni o‘qib, bir narsa yaqqol ko‘rinadi: odamlar bayramni shunchaki tomosha qilmagan — his qilgan.
“Juda zo‘r!”, “Boshqacha bo‘ldi!”, “Ta’sirli!”, “Gap yo‘q!”, “Sahnadagi energiya va jonli ijro odamni lol qoldirdi, haqiqiy bayram kayfiyati!”, “Harbiylarning safdagi kelishgan va qat’iy qadamlari qalbimizni g‘ururga to‘ldiradi”, “Juda go‘zal bayram, betakror bayram”… — ijtimoiy tarmoqlardagi minglab fikrlarda bir xil kayfiyat.
Ayniqsa, Prezident nutqidagi fikrlar alohida muhokama qilindi. Vatan tarixi, bugungi islohotlar va kelajakka ishonch uyg‘unlashgan nutq ko‘pchilikda kuchli taassurot qoldirdi.
Bu yilgi Mustaqillik bayrami sahnada o‘zgacha bo‘ldi — ijtimoiy tarmoqlardagi reaksiya esa bundan ham kuchli!
Bu shunchaki izohlar emas. Bu — xalqning bayramga bo‘lgan kayfiyati.
BYD Central Asia mahalliy ishlab chiqarilayotgan BYD CHAZOR UzPride modelining rasmiy sotuvi boshlanganini e’lon qiladi. Mahalliylashtirish darajasi yuqori bo‘lgani tufayli 55 KM Luxe jamlanmasi 255 900 000 so‘m narxda taklif etilmoqda.
Modelning nomi uning mazmun-mohiyatini aks ettiradi: brend mahalliy bozorda izchil rivojlanib, texnik mutaxassislarni tayyorlash va mamlakat avtomobilsozlik sanoatini zamonaviylashtirishga ko‘maklashmoqda. Shu bilan birga, zamonaviy texnologiyalarni aholining tobora keng qatlamlari uchun qulay va hamyonbop qilmoqda. Shu sababli yangi talqin O‘zbekiston va uning xalqiga chuqur hurmat ramzi sifatida UzPride nomini oldi.
O‘zbekiston Respublikasi mustaqilligining 35 yilligi munosabati bilan xaridorlar uchun maxsus moliyalashtirish dasturi tayyorlandi:
– boshlang‘ich to‘lov – 35%;
– bo‘lib to‘lash muddati – 35 oy;
– foiz stavkasi – 0%;
– moliyalashtirishni rasmiylashtirish – faqat OFB hamkor banki orqali.
Mustaqillikning 35 yilligiga bag‘ishlangan moliyalashtirish dasturi shartlari 2026 yil 29 avgustdan 1 sentyabrgacha amal qiladi.
Dastur shartlari qutlug‘ sana bilan ramziy tarzda uyg‘unlashtirilgan bo‘lib, yangi supergibrid sedanni O‘zbekiston bo‘ylab xaridorlar uchun yanada qulayroq shartlarda sotib olish imkonini beradi.
BYD CHAZOR UzPride haqida
BYD CHAZOR UzPride DM-i supergibrid tizimi bilan jihozlangan. Unda elektr yuritmaning afzalliklari 1,5 litr hajmli yuqori samarali benzin dvigatelining imkoniyatlari bilan uyg‘unlashtirilgan.
132 kVt quvvatga ega elektr dvigatelining eng yuqori burovchi kuchi 316 N·m ni tashkil etadi. Avtomobil 0 dan 100 km/soat tezlikka 7,9 soniyada chiqadi. NEDC o‘lchov tartibi bo‘yicha faqat elektr quvvatida yurish masofasi 55 kilometrgacha yetadi. Akkumulyator quvvati past bo‘lganda yoqilg‘i sarfining eng kam ko‘rsatkichi 100 kilometrga 3,8 litrni tashkil etadi.
55 KM Luxe jamlanmasiga aylantiriladigan 12,8 dyuymli multimedia ekrani, 8,8 dyuymli displeyga ega raqamli ko‘rsatkichlar paneli, o‘zbek tilidagi aqlli ovozli boshqaruv tizimi, 4G va Bluetooth ulanishi, shuningdek, OTA orqali masofadan yangilash imkoniyati kiradi.
Haydovchiga yanada ko‘proq qulaylik yaratish maqsadida avtomobil kalitsiz kirish tizimi, NFC-karta, masofadan ishga tushirish, o‘rindiqni elektr yordamida sozlash, elektr yuritmali tom tuynugi hamda orqa o‘rindiq yo‘lovchilari uchun havo yo‘naltirgichlarga ega iqlim tizimi bilan jihozlangan.
360° atrofni ko‘rsatuvchi panoramali HD-kamera hamda old va orqa to‘xtash datchiklari avtomobilni boshqarish va tor joylarda harakatlanishni osonlashtiradi.
Xavfsizlik tizimlari qatoriga tezlikni bir maromda saqlash tizimi, yo‘nalish barqarorligini nazorat qilish, g‘ildiraklarning sirpanishiga qarshi tizim, shinalardagi bosimni kuzatish, qiyalikda harakatni boshlashga ko‘maklashish, avtomobilni avtomatik ushlab turish, old va yon xavfsizlik yostiqchalari, shuningdek, parda turidagi xavfsizlik yostiqchalari kiradi.
BYD CHAZOR UzPride modelining mahalliy ishlab chiqarilishi yangi energiya manbalarida harakatlanuvchi zamonaviy avtomobillar tanlovini kengaytiradi hamda mamlakat avtomobilsozlik sanoatining rivojlanishiga hissa qo‘shadi.
BYD Central Asia kompaniyasining mustaqillikning 35 yilligiga bag‘ishlangan dasturi – O‘zbekiston Respublikasi mustaqilligining 35 yilligini mamlakatimizda ishlab chiqarilgan yangi avtomobil boshqaruvida kutib olish uchun ajoyib imkoniyatdir.
*Mustaqillikning 35 yilligiga bag‘ishlangan moliyalashtirish dasturi 2026 yil 29 avgustdan 1 sentyabrgacha, 1 sentyabr kuni ham, amal qiladi. Dastur doirasidagi moliyalashtirish faqat OFB hamkor banki orqali rasmiylashtiriladi. Dastur bo‘yicha taklif etiladigan avtomobillar soni cheklangan. Texnik ko‘rsatkichlar ma’lumot berish maqsadida keltirilgan bo‘lib, yo‘l va ob-havo sharoiti, avtomobilning yuklanish darajasi hamda haydash uslubiga qarab farq qilishi mumkin. Avtomobilni sotib olish shartlari va jamlanmasi haqidagi batafsil ma’lumotni BYD kompaniyasining rasmiy dilerlaridan olishingiz mumkin.
BYD kompaniyasining O‘zbekistondagi aloqa ma’lumotlari
Rasmiy ishonch telefoni: 1811
Rasmiy veb-sayt: bydauto.uz
Instagram: @bydauto.uz
Telegram: t.me/bydautouz
Jamiyat
Yangi o‘quv yilida 806 mingdan ziyod 6 yoshli bola maktabga tayyorlov guruhlariga qamrab olinadi
E-qaror tizimida Maktabgacha va maktab ta’limi vazirligining maktabgacha ta’lim tashkilotlarini 2026/2027 o‘quv yiliga tayyorlash va bolalarni qabul qilish jarayonini samarali tashkil etishga oid buyrug‘i e’lon qilindi. Hujjatning ilovalari Maktabgacha va maktab ta’limi vazirining 2026-yil 18-avgustdagi 299-son buyrug‘i bilan tasdiqlangan.
Hujjatga ko‘ra, 2026/2027 o‘quv yilida respublika bo‘yicha 811 ming 586 nafar 6 yoshli bola hisobga olingan. Ularning 806 ming 290 nafarini maktabga tayyorlov guruhlariga qamrab olish rejalashtirilgan. Natijada qamrov darajasi 99,3 foizga yetkazilishi ko‘zda tutilmoqda.
Maktabga tayyorlov guruhlari bilan qamrab olinmagan 6 yoshli bolalar uchun 485 ta bir yillik bepul majburiy tayyorlov guruhi tashkil etiladi. Ularda jami 13 ming 104 nafar bolani qamrab olish rejalashtirilgan.
Shundan:
— umumiy o‘rta ta’lim maktablarida 413 ta guruh tashkil etilib, 11 ming 163 nafar bola;
— davlat maktabgacha ta’lim tashkilotlarida 65 ta guruh ochilib, 1 ming 766 nafar bola;
— boshqa mos binolarda 7 ta guruh tashkil qilinib, 175 nafar bola qamrab olinadi.
Chora-tadbirlar rejasiga muvofiq, avval hududlardagi 6 yoshli bolalar xatlovdan o‘tkaziladi. Xatlov natijasida tayyorlov bilan qamrab olinmagan bolalar mavjud bo‘sh guruh va o‘rinlarga joylashtiriladi.
Shundan keyin ham qamrovdan tashqarida qolgan bolalar uchun umumta’lim maktablari, davlat maktabgacha ta’lim tashkilotlari, «Kelajak markazlari» va boshqa obyektlarning bo‘sh xonalarida yangi tayyorlov guruhlari tashkil etiladi. Ularni sentyabr–oktyabr oylarida ishga tushirish belgilangan.
Prezident farmonida tadbirkorlik subyektlarining huquqiy himoyasini kuchaytirishga qaratilgan «tadbirkorlik subyektining haqlilik prezumpsiyasi» belgilandi.
Unga ko‘ra, davlat organi tomonidan aksi isbotlanmaguncha tadbirkorlik subyekti va uning mansabdor shaxsi qonunchilikka muvofiq harakat qilgan hamda o‘z majburiyatlarini lozim darajada bajargan deb hisoblanadi.
Sudda tadbirkorga nisbatan huquqiy ta’sir chorasi qo‘llash uchun uning asosli, qonuniy va mutanosib ekanini, shuningdek, huquqbuzarlik faktini isbotlash majburiyati davlat organiga yuklanadi.
Qonunchilikdagi bartaraf etib bo‘lmaydigan ziddiyatlar, noaniqlik va tushunmovchiliklar, shuningdek, dalillar yetarli emasligi tufayli yuzaga keladigan shubhalar tadbirkorlik subyekti foydasiga talqin qilinadi.
O‘zbekiston mahsulotlari AQShning eng yirik savdo tarmog‘i orqali Amerika bozoriga chiqishi mumkin
Prezident 7 milliy dastur haqida e’lon qildi
Prezidentning bojxona xizmatiga oid farmoni qabul qilindi
-
Sport5 days ago
EChL 2026/2027. Umumiy guruh bosqichi taqvimi e’lon qilindi
-
Siyosat2 days ago
Шавкат Мирзиёев Бишкекда кутиб олинди
-
Jamiyat4 days ago
Ko‘ksaroyda O‘zbekiston va Hindiston yetakchilariningg tarixiy muzokaralari bo‘lib o‘tdi
-
Sport4 days ago
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi
-
Jamiyat3 days ago
Qonunchilikdagi noaniqliklar tadbirkor foydasiga talqin qilinadi
-
Siyosat3 days ago
Pokiston bosh vaziri bilan uchrashuv o‘tkazildi
-
Mahalliy1 day ago
«Enamdan qolgan dalalar» (Esse)
-
Siyosat4 days ago
Saida Mirziyoyeva Pekinda Va I bilan muloqot o‘tkazdi