Jamiyat
Qarzini to‘lamaslik uchun qotillik sodir etgan shaxs 16 yilga qamaldi
Buxoroda qarzini to‘lamaslik uchun qotillik sodir etgan shaxsga sud hukmi o‘qildi.
Jinoyat ishlari bo‘yicha Romitan tuman sudi raisi Zafar Sharopovning «Xabar.uz»ga ma’lum qilishicha, Buxoro tumanilik 44 yoshli fuqaro N.E. ushbu qotillikni qasddan va shafqatsizlarcha sodir etgan.
Qotillik 2024-yil 22-oktyabr kuni, soat 18:00 larda Buxoro tumani, Yangiobod MFY «Hazratbobo» qishlog‘ida joylashgan «Ravshanbobo» fermer xo‘jaligiga qarashli chorbog‘da fuqaro N.E. tomonidan sodir etilgan. Ma’lum bo‘lishicha, u bolalikdan birga o‘sgan hamqishlog‘i O.O. bilan unga tegishli uzumzordagi hosilni 2018-yilda 10 ming AQSh dollari evaziga sotib olishga kelishgan. Hosilni olib ketishdan oldin ushbu mablag‘larni bir yil davomida bo‘lab-bo‘lab to‘lab borishini aytgan. Hamqishlog‘ining hosilidan ko‘rgan foydasini o‘z manfaatlari yo‘lida ishlatib yuborib, 2 yil davomida 2000 AQSh dollar pulni zo‘rg‘a to‘lab bergan.
Biroq, oradan 7 yildan ortiq vaqt o‘tishiga qaramay, N.E. hamqishlog‘i O.O.ga qaytarishi kerak qarzlarning qolgan qismini, ya’ni 8 ming AQSh dollarini qaytarishni paysalga solib kelavergan.
2014-yilning oktyabr oyida O.O. fermer xo‘jalik yerlarida qo‘ylarni boqib, qo‘lidagi bolta yordamida o‘tin maydalab turgan N.E.dan qarzini qaytarishini so‘rab kelgan.
Avvaliga gap talashishgan, keyin tortishishgan. Tortishuv janjalga, janjal esa o‘zaro mushtlashuvga aylanib ketgan.
N.E. tamagirlik niyatida qarzidan qutilish maqsadida O.O.ni qasddan o‘ldirish payiga tushgan. Mushtlashuv chog‘ida qo‘lidagi bolta bilan O.O.ning bosh qismining peshana va ensa sohalariga o‘ta shavfqatsizlik bilan bir necha marotaba urgan. Unga qattiq azob-uqubat yetkazgan. Yer maydoni yonidan oqib o‘tuvchi loyqa suvli ariqqa itarib, bo‘ynidan bug‘gan. «Urma, to‘xta!»-deb xirillab talpinishiga qaramagan. Ariqdan chiqarib, yana shafqatsizlikda davom etgan. Peshona, bosh va bel qismlariga boltaning orqa qismi bilan yana bir necha marta zarb bilan urgan. So‘ngra qonga belangan jonsiz tana ustidan turib, O.O.ning jasadini yashirishga tushgan. Shu yaqin atrofdagi zahkashgacha sudrab borib, belkurak yordamida 1 metr 30 sm chuqurlik kovlagan. Jasad sig‘magach, uni yana buklab, shafqatsilarcha shu chuqurlikka ko‘mgan.
…Oradan 22 kun o‘tgach, huquqni muhofaza qiluvchi organ xodimlari tomonidan O.O.ning murdasi topilgan.
Ma’lumot o‘rnida: Sud-tibbiy ekspertizasining xulosasiga ko‘ra, jasadda bosh miya ochiq jarohati, kalla gumbaz suyaklarini botiqli sinishi, asos suyaklargacha bo‘laklanib maydalanib yorilib sinishi, bosh miya pardalari, bosh miya va miyacha to‘qimasiga qon quyilishi, ensa sohasi va ensa suyagi o‘ng yarmida aniqlangan lat yaralar va peshona sohasidagi qon talash, chegaralangan yuzali o‘tmas qattiq jismlar ta’siridan ya’ni boltaning orqa temir to‘mtoq qismi bilan hamda chap chakka tepa sohasi, chap chakka o‘rta qismi va o‘ng chap chakka tepa o‘rta qismlaridagi chopilgan yaralari o‘tkir chopuvchi jism bolta ta’siridan yuzaga kelgani, ya’ni hayot uchun xavfli bo‘lgan va ayni holatda qisqa vaqt oralig‘ida kelib chiqqan uning o‘limi bilan yakunlangan og‘ir tan jarohatlari aniqlangan.
Aybdor O‘zbekiston Respublikasi JK 97-moddasi (Qasddan odam o‘ldirish) 2-qismining «j, i» bandlari bilan aybli, deb topilgan. 16 yil muddatga ozodlikdan mahrum qilish jazosini olgan N.E. jazoni umumiy tartibli koloniyalarda o‘tashi belgilandi.
Toshkentda Malibu haydovchisi qarama-qarshi yo‘nalishda harakatlangani yetmagandek, uning ro‘parasidan – o‘z yo‘nalishida kelayotgan boshqa bir haydovchiga o‘dag‘ayladi.
Toshkent shahar YHXB reportajidan kadrlar
Internetda tarqalgan videoda ikki haydovchi o‘rtasida shunday suhbat kechganini ko‘rish mumkin:
Malibu haydovchisi: [Yo‘limni to‘sib] nimaga erishding?
Boshqa haydovchi: Oliftagarchilik qilishga.
Malibu haydovchisi: Bir joyingga tiqib qo‘yaman hozir!..
Boshqa haydovchi: Yo‘g‘-ye, aqling yetmaydi.
Malibu haydovchisi: “Spokoyno” yetadi! Okalaring ham yordam berolmaydi.
Boshqa haydovchi: Menga Alloh yordam beradi.
Malibu haydovchisi: O‘sha Alloh [huzuri]ga hozir [seni] yetkazib ham qo‘yolaman!
Poytaxt YHXB haydovchini topib, uni jarimaga tortdi. Huquqbuzar kamera qarshisida o‘z qilmishini farzandining kasalligi bilan izohladi:
“[Qarama-qarshi yurganimning] sababi oddiy: oilaviy sharoit. Endi, erkak kishimiz… Mashinada ikki farzandim bor edi, bittasi isitmalayotgan edi. Shunga, tez-tez uyga yetib olib, kerakli chora-tadbirlarni ko‘rish uchun…
Sizlarni ovora qilganim uchun uzr so‘rayman. Ataydan qilingan narsa emas bu”.
Huquqshunos bloger Xushnudbek Xudoyberdiyevning e’tibor qaratishicha, bu vaziyatda bolasining sog‘ligi uchun shoshayotgan haydovchi ko‘chada birov bilan gap talashib o‘tirishga vaqt topgan.
“Mana shunaqa qoidabuzar “avtoterroristlar” ko‘chada kar-kar qiladi-yu, qonun oldida javob berishga kelganda darrov farzandini, oilasini o‘rtaga qo‘shib, o‘zidan muloyim mushuk yasab oladi. Bolasiga shoshayotganmish-de, lekin ko‘chada birovlar bilan xotirjam gap talashib, so‘kishib o‘tirishga vaqti bemalol emish. E, o‘rgildim…
Ko‘chalarni befarosatlardan tozalashga hali ko‘p vaqtimiz va asabimiz ketadi, hammamizga sabr bersin”.
O‘zbekistonda bir qator qurilish kompaniyalari reklama qonunchiligini buzgani uchun jarimaga tortildi. Raqobat qo‘mitasi ma’lumotiga ko‘ra, tekshiruvlar davomida elektron ro‘yxatga kiritilmagan holda uy-joy majmualari reklama qilingani aniqlangan.
Xususan, «Humo Avenue», «Story Dom Siyob», «Aziya Makon City», «Aziza Credo Max», «Shoxsaroy Enter Group» va «Qorasuv Avenue» kompaniyalari tomonidan ushbu qoidabuzarliklarga yo‘l qo‘yilgan.
Qo‘mitaga ko‘ra, mazkur kompaniyalar qurilish ob’yektlarini ijtimoiy tarmoqlarda faol targ‘ib qilgan, ammo ularning loyihalari maxsus elektron ro‘yxatga kiritilmagan.
Amaldagi tartibga ko‘ra, ulush kiritish asosida qurilish uchun mablag‘ jalb qiluvchi quruvchilar maxsus elektron ro‘yxatga kiritilishi shart. Bu talab PQ-4732-sonli qarori bilan tasdiqlangan nizomda belgilangan bo‘lib, unga amal qilmagan holda reklama berish taqiqlanadi.
Shuningdek, «Reklama to‘g‘risida»gi Qonunga muvofiq, tegishli ruxsatnomalar va hujjatlarsiz mahsulot yoki xizmatlarni reklama qilishga yo‘l qo‘yilmaydi.
O‘rganish natijalariga ko‘ra, qo‘mita maxsus komissiyasi tomonidan ushbu kompaniyalar qonunbuzar deb topildi. Ularga nisbatan belgilangan tartibda moliyaviy jarimalar qo‘llash bo‘yicha qaror qabul qilingan.
Film namoyishini “Xur-makon olami” MChJ tashkillashtirgan. Bu MChJni maktablarga Uchtepa tumani hokimi o‘rinbosari Oybek Rahmonberdiyev tavsiya qilgan. Tomoshaga kirgan har bir o‘quvchidan 25 ming so‘mdan yig‘ib olingan. Eng qizig‘i hokim o‘rinbosari tavsiya qilgan MChJ tugatilgan va davlat reyestrida yo‘q.
Toshkent shahri Uchtepa tumanidagi maktablarda o‘quvchilarga qo‘rqinchli film qo‘yib berildi. Bu haqda Kun.uz’ga murojaat kelib tushdi.
Bolalar qo‘rquvdan baqirgan
Kun.uz’ning aniqlashicha, hududdagi maktablardan birida 12 aprel – Jahon aviatsiya va kosmonavtikasi kuni munosabati bilan “planetariy keladi”, deya o‘quvchilardan 25 ming so‘mdan yig‘ib olingan. Ammo “planetariy” o‘rniga bolalarga 3D formatda vahshiylikni targ‘ib qiluvchi qo‘rqinchli film namoyish qilingan.
Holat yuzasidan Kun.uz’ga taqdim qilingan videolavhalarda ekranda odam shaklidagi qo‘rqinchli maxluq tasviri namoyish qilingani, bolalar qo‘rquvdan baqirib yuborgani ko‘rinadi.
“Xonto‘rayeva buyruq berdi”
Kun.uz film namoyish qilingan maktablardan birining direktori (iltimosiga binoan tahririyat uning ismini ochiqlamaslikka qaror qildi) bilan suhbatlashdi. Uning ma’lum qilishicha, ushbu tomosha Uchtepa tumani Maktabgacha va maktab ta’limi bo‘limi rahbari Nargiza Xonto‘rayevaning buyrug‘i bilan bo‘lgan.
“Xur-makon olami” MChJ tomonidan 3D formatda tomosha qilinadigan ko‘chma kinoteatr kelgandi. Biz aralashganimiz yo‘q: o‘zi pulini belgilab, o‘zi yig‘ib ketgan. Xat asosida kelgani uchun maktabga kirishga ruxsat berdim. Yuqori sinf o‘quvchilari hech narsani his qilmabdi. Ammo 1-sinf o‘quvchilarida qo‘rquv bo‘libdi. O‘zimning oldimga ham ota-onalar keldi”, dedi maktab direktori.
Uning qo‘shimcha qilishicha, film tomoshasiga asosan quyi sinf o‘quvchilari kirgan.
“O‘quvchilardan zo‘r ekanmi, deya so‘rasam, zo‘r, faqat qo‘rqdik, deb chiqishdi. Eshitishimcha, bu faqat maktablarda emas, bog‘chalarda ham qo‘yib berilyapti ekan”, dedi u.
“Zamhokim”ning xati
Maktablarda o‘quvchilar puli evaziga qo‘rqinchli filmlar namoyish qilish Uchtepa tumani hokimi o‘rinbosari Oybek Rahmonberdiyevning “tavsiya xati” asosida amalga oshirilgan. Ya’ni “zamhokim”ning ushbu xati tashkilotchi MChJga maktablar darvozasini lang ochib bergan.
Oybek Rahmonberdiyevning xati Uchtepa tumani Maktabgacha va maktab ta’limi bo‘limi rahbari Nargiza Xonto‘rayevaga chiqarilgan. Unda “Xur-makon olami” MChJ tomonidan yangi innovatsion 3D formatdagi 360 gradusda tomosha tashkil etilgani aytiladi.
“Bunday filmlarni tomosha qilish jarayonida bolalar atrof-muhit haqida real voqea asosida tushunchalarga ega bo‘ladilar. Bu esa bolalarning bilim saviyasi va dunyoqarashini shakllantiradi. Yangi innovatsion g‘oyalarga bo‘lgan intilishini oshiradi”, deyilgan hokim o‘rinbosari xatida.
MChJ tugatilgan
Oybek Rahmonberdiyevning Nargiza Xonto‘rayevaga xati 2026 yil 30 mart kuni chiqarilgan. Ammo xatda nomi keltirilgan “Xur-makon olami” MChJ faoliyati allaqachon tugatilib ketgani aniqlandi.
Ochiq manbalarga ko‘ra, “Xur-makon olami” MChJ 2022 yil 19 oktyabrda davlat ro‘yxatidan o‘tkazilgan. Yagona ta’sischisi va rahbari Ravshan G‘ofurov bo‘lgan MChJ ayni paytda faoliyat ko‘rsatmayotgani qayd etilgan.
Kun.uz gaplashgan maktab direktori esa chipta pulini firma vakili olib ketganini, maktab ma’muriyati bu jarayonga aralashmaganini aytdi.
Foto: Sog‘liqni saqlash vazirligi
O‘zbekiston Respublikasi Hisob palatasining tegishli buyrug‘iga ko‘ra, Eralijon Muxtorovich Turdiyev Hisob palatasining Sog‘liqni saqlash vazirligidagi vakili sifatida bosh inspektor lavozimiga o‘tkazildi.
Eralijon Turdiyev 2012 yilda Toshkent moliya institutining bakalavriat va 2014 yilda magistratura bosqichini tamomlagan, iqtisodiyot fanlari bo‘yicha falsafa doktori (PhD) darajasiga ega.
Mehnat faoliyati davomida Moliya vazirligi G‘aznachiligining amaliyot boshqarmasida turli mas’ul vazifalarda ishlagan.
Turdiyev tayinlovga qadar Hisob palatasining O‘zbekiston Respublikasi prezidentining hujjatlari va topshiriqlarini bajarishda ijro intizomiga rioya etilishini nazorat qilish shu’basi yetakchi inspektori sifatida faoliyat yuritib kelayotgandi.
«Uning zimmasiga birinchi navbatda budjet qonunchiligi buzilishi holatlarining oldini olish va ularning profilaktikasi, mablag‘lardan foydalanishda xavflarni baholash va samaradorlikni tahlil qilish, davlat xaridlari jarayonlarining qonuniyligini ta’minlash hamda korrupsiyaviy xatarlarni o‘rganish kabi qator vazifalar yuklatildi», – deyiladi SSV matbuot xizmati xabarida.
Toshkent viloyatida xorijdan olib kelingan sintetik narkotik moddalar olindi.
Toshkent shahrida yashovchi, 1993 y.t., muqaddam sudlangan, hozirda probatsiya hisobida turgan shaxs va uning 1995-y.t. sherigi Toshkent viloyatining Yuqorichirchiq tumanida joylashgan dala maydonidagi xufiya joydan 2 kg 381 gr «Alfa-PVP» sintetik giyohvandlik vositasini olib, ortga qaytayotgan vaqtlarida Davlat xavfsizlik xizmatining Toshkent viloyati bo‘yicha boshqarmasi hamda Bojxona organlari xodimlari tomonidan qo‘lga olindi.
Aniqlanishicha, ushbu sintetik narkotik modda «Telegram» messenjeridagi internet narkodo‘kon a’zolari tomonidan Rossiya Federatsiyasidan mamlakatimizga olib kelingan.
Boshqa holatda esa Yangiyo‘l shahrida faoliyat yurituvchi tijorat banklaridan birining 2 nafar mutaxassisi muqaddam narkokur’yerlar Yangiyo‘l tumanidagi dala maydoniga yashirib ketgan 485 gr «Alfa-PVP» sintetik giyohvandlik vositasini qabul qilib olib, o‘zlarining 1998-y.t. tanishini xonadonida saqlayotganliklari aniqlandi.
Ko‘rilgan chora-tadbirlar natijasida ulardan ushbu giyohvandlik vositasi ashyoviy dalil sifatida olindi.
Hozirda har ikki holat bo‘yicha jinoyat ishlari qo‘zg‘atilib, mazkur shaxslarga nisbatan «qamoq» ehtiyot chorasi qo‘llanildi.
Tergov harakatlari olib borilmoqda.
Toshkent shahrining 12 ta tumani ma’lum bir sanoat yoki xizmat ko‘rsatish tarmog‘iga ixtisoslashtiriladi
“Bir joyingga tiqib qo‘yaman hozir”
Qirg‘izistonda viloyat va tumanlar tugatiladi. Japarov yangi boshqaruv tizimini taklif qilmoqda
-
Dunyodan4 days ago
Eron rahbarlari AQSh va Isroildan tovon puli talab qilmoqda
-
Iqtisodiyot4 days ago
Centrum Air mavsumning asosiy yo‘nalishlaridan birini ishga tushiradi – Antalyaga kunlik reyslar
-
Dunyodan4 days ago
Eronning sobiq tashqi ishlar vaziri havo hujumida halok bo‘ldi
-
Siyosat4 days ago
Buxoroda O‘zbekiston va Qozog‘iston yetakchilarining uchrashuvi bo‘lib o‘tdi
-
Mahalliy3 days ago
Xorijlik abituriyentlar uchun «Yangi O‘zbekiston stipendiyasi» grant dasturi joriy etiladi
-
Siyosat4 days ago
To‘qayev va Mirziyoyev sun’iy intellekt bo‘yicha umummilliy xakatonga tashrif buyurdi
-
Turk dunyosi4 days agoDadam Turkiyadagi dahshatli tish davolash tufayli tishlarini yo’qotib, o’z joniga qasd qiladi
-
Sport3 days agoToshkentda taekvondo bo‘yicha yoshlar o‘rtasidagi jahon chempionati start oldi