Iqtisodiyot
Qanday holatda xorijdan havo tozalagich buyurtma qilinganda bojxonada qo‘shimcha pul to‘lashga to‘g‘ri keladi?
Dekabr oyining boshida shaxsiy ehtiyojlar uchun maishiy havo tozalash uskunalarini O‘zbekiston hududiga olib kirishda bojxona boji bekor qilingandi. Ammo e’tibor berish lozim bo‘lgan ayrim jihatlar bor. Masalan, Xitoydan 320 dollarlik qurilma buyurtma qilinsa, 200 dollarlik limitdan ortiqcha 120 dollar uchun 36 dollar yagona bojxona to‘lovi undiriladi.
Atmosfera havosi ifloslanishining oldini olish uchun «Toshkent shahrida ekologik vaziyatni yaxshilash bo‘yicha kechiktirib bo‘lmaydigan chora-tadbirlar to‘g‘risida»gi prezident farmoni qabul qilingandi.
Farmonda tadbirkorlik sub’yektlari va fuqarolar tomonidan maishiy havo tozalash uskunalari O‘zbekiston hududiga olib kirilganda bojxona bojidan ozod etilishi ko‘zda tutilgan.
Shundan keyin qurilmalarni bojsiz olib kirish bilan bog‘liq tushunmovchilik va e’tirozlar paydo bo‘ldi. Xususan, jurnalist Sardor Salim o‘zining Facebook sahifasiga shaxsiy ehtiyoj uchun bitta dona havo tozalagich olib kirish o‘zini oqlamasligi haqida yozdi.
«Muvofiqlik sertifikatlari, deklarant xizmatlari va qolgan qog‘ozbozlikni qilib, kattaroq partiya (100-200 ta uskuna) olib kirsangiz pulini oqlaydi. Masalan, o‘zingiz uchun bitta dona havo tozalagich olib kirsangiz, bojni to‘liq to‘lar ekansiz. Amazon’dan buyurtma qilgan edim, mening xatoyimni qaytarmang. Doimgidek, tor guruhlar manfaati ximoya qilinibdi», deya qayd etgan u.
Boshqa bir holatda ham bojxonada boj to‘lanishi talab etilgani aytilgan.
«AQShdan buyurtma qildim. Kecha keldi. Bojxona boj to‘lashimni talab qilyapti. 200 dollar limitdan oshgani sabab. Bojxonachiga farmonga asosan bojdan ozod etilganini tushuntira olmadim. Bojni to‘lamasam, qaytarib yuborishning ham iloji yo‘q ekan. Bojni to‘lasam bizdagi narxdan ancha qimmatga tushyapti», deyiladi murojaatda.
Kun.uz holatga aniqlik kiritish maqsadida Bojxona qo‘mitasi axborot xizmati bilan bog‘landi. Ma’lum qilinishicha, boj bekor qilingan. Jismoniy shaxslar o‘z shaxsiy ehtiyojlari uchun belgilangan norma doirasida maishiy havo tozalash uskunalarini bojsiz olib kirishlari mumkin. Bunda bojsiz olib kirish normasidan ortgan qismiga yagona bojxona to‘lovi (bojxona qiymatidan 30 foiz, lekin har bir kilogrammi uchun 3 AQSh dollaridan kam bo‘lmagan miqdorda) undiriladi. Ayni paytda amaldagi normalar quyidagicha:
havo transportida — 1000 AQSh dollari;
temiryo‘l va daryo transportida — 500 AQSh dollari;
avtomobil (piyoda) o‘tkazish punktlari orqali — 300 AQSh dollari;
xalqaro kurerlik jo‘natmalari orqali — 200 AQSh dollari (1 kalendar oy davomida);
xalqaro pochta jo‘natmalari orqali — 100 AQSh dollari (1 kalendar oy davomida).
Bunda 1 oy davomida narxi 200 dollardan arzonroq havo tozalagich uchun buyurtma berilsa, hech qanday qo‘shimcha to‘lovlarsiz bojxonadan olib chiqib ketish mumkin. Agar qurilma qiymati, masalan, 320 dollar bo‘lsa, limitning ortiqcha 120 dollar uchun 36 dollar yagona bojxona to‘lovi to‘lanadi.
Prezident Shavkat Mirziyoyev G‘uzor tumanida «Qashqadaryo Jingu» korxonasi tomonidan Shinjon usulida paxta yetishtirilayotgan dalada bo‘ldi.
Davlatimiz rahbariga chigit ekish, g‘o‘zani sug‘orish va parvarishlashda qo‘llanayotgan texnologiyalar haqida ma’lumot berildi. Bu yerda 2,2 ming gektar maydonga chigit plyonka ostiga qo‘sh qatorlab ekilgan, tomchilatib sug‘orish to‘liq joriy qilingan.
Plyonka tuproqdagi namlik va haroratni saqlab, chigitning erta hamda bir tekis unib chiqishiga yordam beradi. Suv va o‘g‘it esa tomchilatib sug‘orish tizimi orqali bevosita g‘o‘za ildiziga yetkaziladi. Natijada suv sarfi 30-40 foizga, o‘g‘it sarfi qariyb 30 foizga kamayadi. Hosil an’anaviy maydonlarga nisbatan 10-15 kun oldin pishib yetiladi.
Prezidentimiz paxtazorda yetishtirilgan hosil va agrotexnik tadbirlarni tashkil etish jarayoni bilan tanishdi. An’anaviy usulda gektaridan 30-35 sentner paxta olinsa, Shinjon texnologiyasida bu ko‘rsatkich 60-70 sentnergacha yetishi mumkin. Korxona dalalarida hosildorlik gektariga 55 sentnerni, yalpi hosil esa 12,3 ming tonnani tashkil etmoqda.
Dala ishlarida agrodronlardan ham foydalanilmoqda. Bu ayrim agrotexnik tadbirlarni tezroq bajarish, yonilg‘i sarfini kamaytirish imkonini bermoqda.
Xitoy sarmoyasi ishtirokida tashkil etilgan «Qashqadaryo Jingu» agroklasteri Koson, Nishon, G‘uzor, Ko‘kdala va Mirishkor tumanlarida jami 18,3 ming gektar maydonda faoliyat yuritadi. Ushbu yerlarning katta qismi ilgari foydalanilmagan cho‘l va qarovsiz maydonlar bo‘lgan. Loyihaga 128 million dollar investitsiya kiritilib, 50 ta ish o‘rni yaratilgan. Eksport hajmi esa 8,5 million dollarni tashkil etadi.
Shu yerda davlatimiz rahbariga viloyat qishloq xo‘jaligida amalga oshirilayotgan ishlar haqida ham axborot berildi.
O‘zbekiston Prezidenti Shavkat Mirziyoyev «Wabtec» kompaniyasi direktorlar kengashi raisi va bosh ijrochi direktori Rafael Santanani qabul qildi. Bu haqda Prezident matbuot xizmati xabar berdi.
Uchrashuvda mamlakatda temir yo‘l infratuzilmasi va tranzit salohiyati rivojlanayotganini hisobga olib, lokomotivlar parkini yangilash va kengaytirish masalalari ko‘rib chiqildi.
AQSh moliya institutlari ishtirokida lokomotivlarni uzoq muddatli servis xizmati bilan birga yetkazib berish imkoniyatlari muhokama qilindi.
Shuningdek, O‘zbekistonda texnik xizmat ko‘rsatishni yo‘lga qo‘yish, butlovchi qismlar ishlab chiqarish va mutaxassislar tayyorlash masalalari ko‘rib chiqildi.
Tog‘-kon korxonalari karer texnikasiga xizmat ko‘rsatuvchi servis markazini tashkil etish hamda dizel-generator qurilmalari bo‘yicha hamkorlik qilishga ham e’tibor qaratildi.
«Wabtec» lokomotivlar, temir yo‘l texnikasi, raqamli va servis yechimlarini ishlab chiqarish bo‘yicha jahondagi yetakchi kompaniyalardan biri hisoblanadi. Kompaniya Markaziy Osiyo mamlakatlarida ham loyihalarni amalga oshirmoqda.
Iqtisodiyot
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
Prezident Administratsiyasi rahbari Saida Mirziyoyeva XXRning Gonkong maxsus ma’muriy hududidagi eng yirik xoldinglardan biri — Henderson Land Group boshqaruvi raisi Piter Li bilan uchrashuv o‘tkazdi.
Tomonlar qayta tiklanuvchi energetika, Yangi Toshkent infratuzilmasini rivojlantirish va ta’lim sohalaridagi istiqbolli qo‘shma loyihalarni muhokama qildi.
«Mamlakatimiz investitsiyalar uchun ochiq va biz Gonkongning yetakchi biznes doiralari bilan hamkorlikdan manfaatdormiz. Sheriklikdagi tashabbuslarni, jumladan, yangi tashkil etilayotgan Toshkent xalqaro moliya markazi orqali ham qo‘llab-quvvatlashga tayyormiz», — deb yozdi Saida Mirziyoyeva.
Administratsiya rahbari O‘zbekiston va Gonkong o‘rtasida uzoq muddatli iqtisodiy hamkorlikni rivojlantirish uchun katta imkoniyatlar borligiga ishonch bildirdi.
Markaziy bank 2026-yil 9-oktyabrdan valyutalarning yangi kursini belgiladi.
AQSh dollari 37,38 so‘mga oshib, 11 846,57 so‘m etib belgilandi.
Yevro kursi 34,69 so‘mga oshdi va 13 240,91 so‘m bo‘ldi. Funt-sterling 15 631,55 so‘mni tashkil qildi (29,25).
Rossiya rubli 138,95 so‘m etib belgilandi (+0,8).
Markaziy bank 2026-yil 6-oktyabrdan valyutalarning yangi kursini belgiladi.
AQSh dollari 5,5 so‘mga oshib, 11 778,45 so‘m etib belgilandi.
Yevro kursi 25,62 so‘mga tushdi va 13 198,93 so‘m bo‘ldi. Funt-sterling 15 580,53 so‘mni tashkil qildi (+31,99).
Rossiya rubli 138,35 so‘m etib belgilandi (-2,79).
Shavkat Mirziyoyev Shinjon usulida yetishtirilgan paxta dalasini ko‘zdan kechirdi
O‘zbekiston do‘konlarida 73 turdagi mahsulot sifatsiz deb topildi
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Iqtisodiyot5 days ago
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
-
Jamiyat4 days ago
Toshkentda xalqaro moda akademiyasi tashkil etiladi
-
Iqtisodiyot2 days ago
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Iqtisodiyot2 hours ago
Shavkat Mirziyoyev Shinjon usulida yetishtirilgan paxta dalasini ko‘zdan kechirdi
-
Jamiyat2 days ago
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Jamiyat1 day ago
O‘zbekiston do‘konlarida 73 turdagi mahsulot sifatsiz deb topildi